Хүсэл мөрөөдөл, хичээнгүй зүтгэл хаана хүргэдэг гэдгийн тод жишээ болсон зочинтой ярилцахад дахин нэгийг бодож хоёрыг тунгаахад хүрч байв. Энэ дугаарыг эхэлсэнээс хойш л тасралтгүй нэг зүйл бодогдсон нь бид 10 жилдээ, их сургуулиа сонгохдоо, ажлын талбарт гарахдаа яагаад өөрсдийгөө бэлддэггүй юм бол гэх бодол мөн энэ талаар ч зочин маань маш сайхан бодит туршлагыг хуваалцлаа даа гэх бодол, догдлол өөрийн эрхгүй мэдрэгдэж байв. Хүний нутагт ажиллаж амьдрах, өөрийн мэргэжилдээ эзэн байх, мөрөөдлөө бодит болгох төлөвлөгөөг даган өдгөө Хүнсний тээврийн үйлчилгээг үзүүлдэг АНУ-дахь компанийг үүсгэн байгуулан хөдөлмөрлөж буй Г.Арсланг урин Хүнсний Технологийн Инженер ажил мэргэжил, карьер төлөвлөлтийн тухай нь сонсогч нарынхаа сонорт хүргэхэд бэлэн боллоо. "GOLDEN WHEEL TRANSPORT INC" – Үүсгэн Байгуулагч, Гүйцэтгэх захирал  Г.Арслан

Дуртай зүйлээ өөрийн мэргэжил болон ажилтайгаа уяж холбох тийм ч амар зүйл биш байдаг. Ялангуяа нэг газарт урт удаан жил ажиллана гэдэг үзэл бодолтой хүмүүсийн хувьд ажлаа солино гэдэг тийм ч зөв зүйл биш гэж шүүмжилдэг. Харин эдгээр хүмүүст зоригтой шийдвэр гарган өөрийн чадварыг гялалзуулах боломж төдийлөн гардаггүй харин өөрийн дуртай зүйлээ хийж гялалзаж яваа төдийгүй өнөөгийн нийгэмд хүн бүрийн өдөр тутам бүр цаг минут бүрт шагайдаг Фэйсбүүк, Инстаграммтай холбоотой Соушл медиа менежерээр ажиллаж буй залуу мэргэжилтэнтэй ярьсан ярилцлага маань ийнхүү таны сонорт хүрч байна. Шүүмжит сэтгэлгээний бодит жишээг өөрийн бүтээлээр дамжуулан хүргэдэг, аймгуудын онцлог болон бэлчээрийн мал аж ахуйн талаар маш сонирхолтой бүтээлийг толилуулж байсан бүтээлч мэргэжилтэн маань бяцхаан типүүд өгсөн бөгөөд үүнд: Японд сурах бол юуг анхаарах, CV-гээ бичих бол улиг болсон ижил хэв маягийг сонгох уу? Эсвэл арай бүтээлчээр харуулах уу гэх мэт зөвлөмжүүд энэ дугаарт багтсан болно. IOTA MEDIA- Social Media Manager, А.Даваажаргал

Стивен Спилбергийн найруулсан кинонуудыг та үзсэн бол энд дурдах “Индиана Жонс” болон “Оддын дайн” гэсэн киног үзсэн биз ээ. Адал явдал хайн шинэ нээлтүүдийг хийдэг сонирхолтой киноны гол дүр Индиана Жонс гэгч ямар мэргэжилтэй илүү ойр дүр байв гэвэл мэдээж Археологич мэргэжил юм. Зуун, зуунаар амьдарсан хүн төрөлхтний түүхийг ирээдүй хойчид нь “мэдээлдэг” шинжлэх ухааны чухал салбарын нэг бол археологи. Дэлхийд эх орныг маань таниулж бас сурталчилж буй салбар бол яах аргагүй Археологийн салбар билээ. Энэ мэргэжлийн эзэн байж тууштай хөдөлмөрлөж МУИС-ийн Антропологи, Археологийн  Тэнхимийн Дэд Профессор, Доктор Ч.Амартүвшинтэй хуучилсан яриаг хүргэхэд бэлэн болов. МУИС-ийн Антропологи, Археологийн  Тэнхимийн Дэд Профессор, Доктор Ч.Амартүвшин

Өөрийгөө олсон уу? гэдэг асуултаар өнөөдрийн дугаарыг эхлүүлье. Магадгүй энэ асуултыг хаа нэгтээ та сонссон биз ээ тэгвэл манай өнөөдрийн зочин маань Англи улсад Хөгжил судлал, эдийн засаг мөн Хот бүс нутгийн магистр гэсэн чиглэлээр суралцаж ирээд ирээдүй хойчдоо бага ч атугай эерэг өөрчлөлт шинэчлэлийг хийхээр зориг шулуудан хөдөлмөрлөж буй дайчин бүсгүй юм. Зочноосоо чих дэлсэх олон нийтлэг асуултууд болон мэргэжил сонголтынх нь талаар ярилцаж буу халав. Маш олон ажлыг зэрэг амжуулахын зэрэгцээ нийгэмд гэрэл түгээж буй талаар сонсоод та лав нэгийг ойлгож хоёрыг тунгаах биз ээ. Түүний хэлсэн нэг үг одоо ч толгойд эргэлдэнэ энэ үг бол If not Who, If not now when юм. Нээрээ л бид байнга л өөрийгөө болоогүй, цаг нь болоогүй гэж шалтаглаж байдаг юм байна тэгэхээр зүгээр л зоригтой алхмуудыг хийж үзээрэй гээд цааш тунгаах зүйлсийг сонсогч та нартаа үлдээе. “Зулзаган Дөл” ХХК-ийн Гүйцэтгэх захирал Б.Дөлгөөн

Харийн орноос хүний хүү эрдэм өвөрлөн ирнэ гэдэг хэлц үгээр энэ дугаарыг эхлүүлж байна. Өнөөдрийн дугаарт бага наснаасаа Ирланд улсад боловсрол эзэмшиж олон улсад өөрийн мэргэжлээрээ туршлага хуримтлуулан хүлээн зөвшөөрөгдөж ажиллаж байгаад  эх орондоо хийж бүтээх чин хүсэл тээн ирээд удаагүй ч өрнүүн их ажилд түүчээлэн  нүүдэлчин соёлыг хадгалсан байдлаар яаж орчин цагт байгальд ээлтэйгээр аж төрж амьдрах вэ? гэсэн судалгаа болон шийдэл, гарц, боломж гэсэн чиглэлд ажиллаж буй залуу Архитектурчийн ажлын арга барил, мэргэжлийн талаарх онцлогийг хүргэж байна. “RURAL URBAN FRAMEWORK” судалгааны архитектурын компанийн Архитекторч Э.Минжмаа

Цааш улам сайн хөгжиж, хүмүүсийн амьдралд гүнзгий нэвтрэх технологиудын нэг бол #Virtual_Reality (VR) юм. Өдгөө энэ технологийн тусламжтай аливаа орчин буюу бүтээгдэхүүнийг 360 градусаар, бүх талаас нь харуулах гэх мэт #маркетинг, идэвхжүүлэлтийн олон шинэлэг шийдэл бий болсоор буй. Тиймд бид энэ чиглэлийн контент, үйлчилгээнүүдийг амжилттай хөгжүүлж яваа #UpTech компанийн Үүсгэн байгуулагчтай мэргэжлээ хэрхэн сонгосон болон залуучууд ирээдүйд энэ чиглэлээр ажиллах бол юунд бэлэн байх ёстой зэргийг ярилцав. Фэйсбүүкээс #Метаверс гээд шинэ виртуал ертөнцийг хэдийн бэлэн болсныг зарласныг хэн хүнгүй мэдэж буй энэ цагт гол сэдэв #VR болж хувирсан тул таны заавал сонсох дугаар гэж онцолмоор байна. Түүний багаараа хэрэгжүүлсэн нийгмийн хариуцлагын хүрээн дэх видеог үзээд нэгийг бодож хоёрыг тунгаах биз ээ. “UP TECH” компанийн Үүсгэн байгуулагч, Гүйцэтгэх захирал Ц.Ариунболд

Шинжлэх ухаан, технологийн их сургуульд багшаар ажлын гараагаа эхлүүлэн өдгөө Харилцаа холбоо, мэдээлэл технологийн газрын Стратеги, бодлого төлөвлөлтийн газрын даргын албыг хашиж буй салбартаа олон олон ажлыг хийж бүтээсэн, хөдөлмөрч шинэ үеийн төлөөлөл оролцов. Ирэх жилүүдэд Монгол улсын мэдээллийн технологи, харилцаа холбооны салбарын хөгжлийн дараагийн шатад аваачихаар олон олон зорилтуудыг тавин ажиллаж байгаа талаар та энэ дугаараас сонсох боломжтой. Сүүлийн жилүүдэд технологийн хөгжил асар хурдтай хөгжиж, цахим шилжилтүүдийг хувийн хэвшил төдүүгүй төрийн байгууллагууд ч хийсээр байгаа билээ. Энэхүү цахимжилтын ард ямар ажлууд явагддаг талаар зочин маань бидэнтэй хуваалцаж, олон сонирхолтой мэдээллийг өгсөн сонирхолтой дугаарыг сонсоорой. Харилцаа холбоо, мэдээлэл технологийн газрын Стратеги, бодлого төлөвлөлтийн газрын дарга З.Гантогоо

25-р телевизээс ажлын гараагаа эхлүүлэн өдгөө өөрийн студийг байгуулан явж буй бүтээлч залуу мэргэжилтэн оролцов. Техник технологи тэр дундаа график дизайнер гэдэг ойлголт дутмаг үед мэргэжлээ сонгох хүндхэн шийдвэртэй тулахад түүний аав маш чухал асуулт болон үгийг хэлсэн аж за миний хүү ямар мэргэжил сонгох гэж байна гэхэд нь график дизайнер эсвэл эдийн засагч гэхэд яах вэ сайн эдийн засагч гоё л доо гэхдээ чиний сонирхол, дуртай зүйл хэзээ ч өөрийг чинь дампууруулдаггүй юм шүү гэж хэлсэн болохоор л би зөв шийдвэр гаргаж, жаргаж ажлаа хийдэг гэж зочин маань өгүүлж байв. Таныг хэнээс ч илүү сайн мэдэх хүн аав, ээжээс өөр хэн ч биш шүү гэж ярихад нь нээрээ л тийм дээ гэсэн бодол зурсхийж орж ирж байв. Олны танил, урлаг соёлтой ойр ажиллахыг хүсч буй хэн бүхний заавал сонсох дугаар шүү. “Шоо Филм”-ийнзахирал С.Баяртогтох

Ш.Буянжаргал нь Япон, АНУ-д боловсрол эзэмшсэн, Японд Тошиба корпорацид Үйлдвэрлэлийн автоматжуулалтын систем зохион бүтээх инженерээр ажиллаж байсан бол Монголд Коосэн загварын технологийн коллежийг нэвтрүүлж, Шинэ Монгол Технологийн Коллежийн захирлаар ажиллаж байсан туршлагатай. Өдгөө “Юу Эс Пи Монгол” нь Японы хөрөнгө оруулалттай, мэдээллийн технологи, дата статистик систем хөгжүүлдэг компанийг удирдаж байна. Түүний туршлагаас боловсролын мөн чанар, зорилго болоод тэдгээр нь  улс орны хөгжлийн бодлоготой хэрхэн уялддаг талаар, цаашид олон улсад эх орноо төлөөлөх технологийг гаргах боломжтой зэргийг харж болох юм. Ийнхүү та бүхэнд шинэ дугаараа толилуулж байна. Тэрээр өсвөр насны хүүхэд залуучууд төдийгүй эцэг эхчүүдэд тун чиг сайн чиглүүлэг болох Тоглоомын дүрэм номын зохиолч, Монгол хүн бүрийг англи хэлтэй болгоход туслах зорилгоор аргазүйг нарийн судлан тогтоосон “Тэмээ” апплэйкэшнийг зохиож apple store, playstore -д байршуулснаас хойш чамгүй хэрэглэгчтэй болсныг сонсоход таатай байв. "Юу Эс Пи Монгол" компанийн захирал  Ш.Буянжаргал

Асуудалд гомдлох бус шийдэл хайсан түүний эрэл өдгөө балчир үрсийн хамгийн чухал шаардлагатай боловсрол олгох мэргэжлийг эзэмшүүлнэ гэж хэн санахав. Үртэй хэн бүхэнд тулгардаг асуудал тоймгүй түүний нэг бол яах аргагүй сурган хүмүүжүүлэх буюу яаж зөв хүн болгож өсгөх вэ гэсэн асуулт байдаг. Тэгвэл өнөөдрийн дугаарт АНУ-ын Денвер хотын “The Montessori Institute”-ыг 0-3 насны хүүхдийн монтессори багшаар төгссөн, Монтесоррийг эхнээс нь номыг орчуулсан Х.Ариунсанаа оролцон 0-3 нас бол хүний хөгжил, хүмүүжил төлөвшилийн суурь тавигддаг үе учраас илүү сонирхолтой бас адармаатай байдаг тул зөв чиглүүлэг, хандлага, ойлголт чухал талаар, энэ мэргэжлийн сайхан болон хэцүү зүйлсийн талаар, ямар замыг туулж байж хамгийн дуртай мэргэжлээ олсон тухай өрнүүн яриа дэлгэснийг ийнхүү та бүхэнд толилуулж байна. Торниун ТББ-ын Үүсгэн Байгуулагч Х.Ариунсанаа

Шантарч халшрах үе түүнд цөөнгүй тохиолдож байсан ч хариуцлага түүнийг хатуужуулан мэргэжлийнхээ дагуу чадваржих, бусдад мэдлэгээ хуваалцах, чин сэтгэлээсээ ажилдаа хандахад нь нөлөөлсөөр буйг уулзаж ярилцсан миний бие өөрийн эрхгүй түүний ярианаас мэдэрч байв. Та эмч тэр тусмаа хүүхдийн мэс заслын эмч болох гэж байгаа бол энэ дугаарыг заавал сонсоорой. Түүнчлэн шинээр эцэг эх болох гэж буй болон жирэмсэн ээжүүддээ захиж хэлэхэд эмчийн зөвлөгөөг сайтар сахиж байгаарай гэж уриалъя. Тэрээр “Дөнгөж төрсөн нярайд хагалгаа хийнэ гэж хүүхдийн гэр бүлд хэлэх л хамгийн хэцүү байдаг даа” гэж байв. Тэд мэдээгүйгээс болж үүнд бэлтгэлгүй байдгаас гадна яагаад гэж халагладаг тухай, тэдний зовлон бэрхшээлийг өөрийн нүдээр харж хийж чадах зүйлээрээ туслахыг хүсдэг юм гэхэд “бид үр хүүхэдтэй болохоо төлөвлөдөг билүү?” гэсэн асуулт өөрийн эрхгүй төрж байв. Хэн бүхэнд хэрэгтэй чухал сэдвээр ярьсан дугаар ийнхүү таны сонорт хүрч байна. Хүүхдийн мэс заслын эмч, Анагаах ухааны магистр Э.Болор

Хөрөнгийн зах зээлд цоо шинэ өнгө төрх баттай мэдээллийн эх сурвалжийг орчин цаг үе, технологийн дэвшилтэй уялдуулан олон нийтэд хүргэж буй Lemon Press компанийн хамтран үүсгэн байгуулагч, гүйцэтгэх захирал Ц.Анхбаяр. Тэрээр мөн Зориг сангийн “Залуу манлайлагч” хөтөлбөрийн 16 дах үеийн төгсөгч бөгөөд өөрийн мэдлэг туршлагаа хуваалцсан дугаар ийнхүү таны сонорт хүрч байна. Хөрөнгийн зах зээл, медиа чиглэлийг сонирхож байгаа, суралцаж буй, ажиллаж эхлэх гэж байгаа хэн бүхний заавал сонсох дугаар. Lemon Press компанийн хамтран үүсгэн байгуулагч, гүйцэтгэх захирал Ц.Анхбаяр

Оюутан цагтаа компани хамтран үүсгэн байгуулан IT-ийн чиглэлд түүчээлэн ажиллаж байсан төдийгүй өдгөө цахиурын хөндийн топ компанид ажиллаж буй. Шинэ санал санаачилга түүнээс ундарч зоригтой үйлдлүүдийг шат дараалан хийсэн тухай бахархам түүхийг нь сонсоно гэдэг урамтай байв. Зориг сангийн Залуу Манлайлагч Хөтөлбөрийн 11-дэхэд нь хамт мөр зэрэгцэн суралцсан төдийгүй боловсролын төсөл дээр ч хамтран ажиллаж байсан гээд яривал түүх арвин Залуу манлайлагчтай ярилцсан дугаар ийнхүү таны сонорт хүрч байна. Taxidyoo Tolidyoo гээд апп-ууд бол түүний бүтээл төдийгүй Taxidyoo нь тухайн жилдээ шилдэг апп болж 1 сар ч хүрэхгүй хугацаанд гаргасан апп гээд тоочвол түүнээс арвин туршлага харагдана. Боломжийг үргэлж том байх ёстой гэсэн хэвшмэл ойлголтоосоо салахыг тэрээр уриалж, бага залуу наснаасаа эрдэмд шамдах, гадны боловсрол эзэмшин эх нутагт нь ажиллаж ноу хауг нь мэдэж авах хэрэгтэй гэж уриалахын сацуу хэдийд ч мэдээллийн технологийн инженерээр сурах гэж буй хэн бүхэнд өөрийн туршлагыг хуваалцахдаа нээлттэй буйгаа илэрхийлсэнг олзуурхууштай тул заавал сонсоорой. Google компанийн Software Engineer О.Тулга

Хүүхэд байхаасаа л англи хэлтэй салшгүй холбогдсон тэрээр жирийн монгол хүү олон улсад эх орноо сурталчлан тэр тусмаа хэл соёлын чиглэлд ажиллана гэж санаагүй явсан ч хичээл зүтгэл түүнийг шагнаж энэ зэрэгт хүргэжээ. Хэл шинжлэл, уран зохиол гэсэн мэргэжил эзэмшин цааш гүнзгийрүүлэн Үргэлжилсэн үгийн зохиол мэргэжлээр Америкийн алдарт Фулбрайтын тэтгэлгээр суралцан өдгөө Америк, Монголын соёлын харилцаанд чухал нөлөөтэй талбарт ажиллаж буй. Түүний үйл хэрэгт эх орноо гэсэн чин сэтгэл үргэлж мэдрэгдэж байдаг нь гайхалтай. Мөн SowhyMongolia нэртэй сайтыг эрхлэн явуулж англиар олны хүртээл болгож байсан удаатай. Хэл шинжлэл, уран зохиол чиглэлд сонирхон суралцах гэж буй хэн бүхэнд энэ дугаарыг санал болгоё. Америкийн Монгол судлалын төвийн олон нийтийн харилцааны зохицуулагч Б.Наранцогт

Хүүхэд байхаасаа л мэдлэгт шамдаж, хүний нутгаас эрдэм өвөрлөхөөр ОХУ, АНУ-ыг зорьж, өдгөө “Microsoft” корпорацын Дата төвд ажиллаж буй Н.Түмэнзаяатай мэргэжил сонголт карьер төлөвлөлтийн талаар ярилцав. Тэрээр өмнө нь АНУ-ын Өмнөд Калифорнийн 35 банканд аудит хийж байсан туршлагатай. Санхүүгийн мэргэжилтэй ч сонирхолдоо хөтлөгдөн, хөгжлийн бэрхшээлтэй хүмүүсийн хөдөлмөрийг хөнгөвчлөхөөр сэтгэл шулуудан ажиллаж буй. Тэрээр Youtube-д Microsoft, Google-ын албан ёсны эрхтэйгээр Хэрхэн булангаа ажиллуудаг бөгөөд чамгүй олон бичлэгүүдийг толилуулсан билээ. Түүний ирмүүн хүсэл мөрөөдөл танд ч бас урам зориг өгч нэгийг бодуулж хоёрыг тунгаалгах биз ээ. Санхүү, Технологид дуртай хэн бүхэнд зориулав. “Microsoft”-ийн Accessibility focused Data Technician Н.Түмэнзаяа

Өнөөдрийн зочин бол Австралид улсад ажиллаж амьдардаг монгол уран бүтээлч Heesco нэрээрээ олонд алдаршсан Х.Хоснаран. Тэрээр олон нийтийн газар болон барилга байшингийн ханан дээр томоохон бүтээлүүд туурвидаг бөгөөд Австрали улсад энэ чиглэлд өндрөөр үнэлэгдэж, тус улсын маркан дээр хүртэл бүтээлээ гаргаад амжсан билээ. Цөвүүн цагт харь нутгийг зорин эрдэм өвөрлөн өдгөө ч уран бүтээлээ туурвин олны хүртээл болгосоор байна. Мөнгө бус чанартай бүтээл туурвих, нэр төрөө эрхэмлэн ажиллах нь хэчнээн чухал гэдгийг тэрээр өгүүлж байсан нь одоо ч сэтгэлд тодоос тод үлджээ. Та урлаг, уран бүтээлч мэргэжил эзэмших гэж байгаа бол заавал сонсох дугаар гэж онцолмоор байна. Бие даасан уран бүтээлч Х.Хоснаран

Өнөөдрийн дугаарт “Бодрол ба эргэцүүлэл” номын зохиолч оролцож ном бүтсэн түүх болон номд өгүүлж буй тэр нандин хүний дотоод сэтгэл мөн чанарын тухай, хүн бүрийн дотор байх баяр баясал гуниг зовлон хэлж чадамгүй үгс бүрийг олон талаас харуулсан, хүнийг хайрлах, хүн гэдгээр нь харах боломжийг олгохоос гадна хайрлах ухаан нинжин сэтгэлийн талаар тууривсан тухай аялал жуулчлал болон зонтент бүтээгч байхын бэрхшээл, сайн туршлага гээд баялаг агуулгатай яриа таны сонорт хүрэхэд бэлэн боллоо. "Бодрол ба эрэгцүүлэл" номын Зохиолч, "Мартагдашгүй Эв Нэгдэл ТББ" Тэргүүн, Сошиал радиогийн Үүсгэн байгуулагч М.Эрхэм

Өнөөдрийн дугаар залуучуудын мэргэжил сонголт төдийгүй шинэхэн аав, ээжүүдэд ч чухал мэдээлэл өгсөн ярилцлага болсон шүү. Манай улсад Олон улсын батламжит хөхөөр хооллолтын зөвлөх байдаг гэдгийг та мэдэх үү? Хэрэв энэ чиглэлээр сурах гэж байгаа бол заавал сонсох дугаар нь шүү гэдгийг сануулж байна. Фулбрайтын тэтгэлгээр сурч төгсөөд эх орондоо ихийг бүтээж яваа анагаахын болон нийгмийн эрүүл мэндийн мэргэжилтнүүдэд зориулсан, нотолгоонд суурилсан мэдээлэл өөрийн пэйж хуудсаараа  тогтмол хүргэдэг зоримог бүсгүйн ярилцлага таны сонорт хүрч байна. Х.Мөнгөнцэцэг MD, MPH, MSc, IBCLC Хүүхдийн эмч, Нярайн эмч, Эх хүүхдийн эрүүл мэндийн мэргэжилтэн, Олон улсын батламжит хөхөөр хооллолтын зөвлөх Эх хүүхдийн эрүүл мэндийн мэргэжилтэн, Нийгмийн эрүүл мэндийн магистр, Анагаахын шинжлэх ухааны магистр.

Өнөөдрийн дугаар хэв маягт баригдалгүй их чөлөөтэй ярилцсан бөгөөд манай зочноор Эмт ургамлын багш Андо буюу Б.Алтантуяа оролцон мэргэжил сонголт, эрүүл зөв хооллолт, дэлхийн ирээдүйн чиг хандлага, ажиллаж, сурч байхдаа эрүүл мэнддээ юуг анхаарах вэ? гээд олон сонирхолтой зүйлсийг өөрийнхөөрөө ямар ч нэмэлт хачиргүйгээр судалгаа шинжилгээтэйгээр хуваалцав. Тэрээр Австри Улсын Венийн Их сургуулийн Хятад судлалын ангийг төгссөн бөгөөд шинийг эрэлхийлэгч, сониуч өөрийн үндэс угсаа болон нүүдэлчдийн соёлыг өөрөө үлгэрлэн түгээж буйгаас нь ихээхэн зүйлсийг ухаарч бид юуг анхаарч амьдрах ёстойг хөтлөгч миний бие цухас ойлгов. Хятад судлаач, Эмт ургамлын багш Б.Алтантуяа

Молекул биологич мэргэжил эзэмшсэнээр маш олон салбарт хөрвөх чадвартай байдаг. Өнөөдрийн зочин маань Хойд Ирландын “Diaceutics” консалтинг компанийн Солонгос дахь салбарт оношилгооны лабораторийн мэргэжилтнээр ажилладаг. Тэрээр дэлхийн топ эм үйлдвэрлэгчдийн хавдрын шинэ бай эмчилгээг Ази номхон далайн орнуудын зах зээлд нэвтрүүлэхтэй холбоотой судалгааг хийж, оношилгооны лабораториудыг бэлтгэдэг бөгөөд өөрийн мэргэжил болон ажлын туршлагын талаар нээлттэй хуваалцсан дугаар ийнхүү танд хүрч байна. Хойд Ирландын Diaceutics консалтинг компанийн Солонгос дахь салбарт Оношилгооны Лабораторийн Мэргэжилтэн Д.Номиун

Өнөөдрийн дугаарт сэргээгдэх эрчим хүчний судалгааны Гоби Грийн Энержи компанийн хуулийн зөвлөх, the Books and coffee corner номын дэлгүүрийн хамтран үүсгэн байгуулагч Э.Мандалмаа оролцож байна. Тэрээр Кембридж Альтернатив Санхүүгийн Судалгааны Төвийн Ази-Номхон далайн орнуудын Альтернатив санхүүгийн хөгжлийн явцын судалгааны Монгол, Японыг хариуцсан судлаачаар ажиллаж байсан бөгөөд Уурхайн хаалтын санхүүгийн баталгаа ба нийгмийн хариуцлагын олон улсын болон дотоодын эрх зүйн зохицуулалтын харьцуулсан судалгаа, Усны тухай хуулийн нэмэлт, өөрчлөлтийн тухай хуулийн судалгаа болон төслийг удирдан ажилласан гээд тоочвол маш олон зүйлсийг хийж бүтээж яваа залуу манлайлагч бөгөөд хуульч мэргэжлийн талаар болон өөрийн эхлүүлээд явж буй кофен дээр хүссэн зургийг нь хэвлэх үйлчилгээтэй номын дэлгүүрийн талаар ярилцан аливаад зоригтой байхыг мөн хамтарч гарааны бизнес эрхлэх нь ямар байдаг талаар хуучилсан дугаар ийнхүү танд хүрч байна Гоби Грийн Энержи ХХК-ийн Хуулийн зөвлөх, The Books and coffee corner-ийн Хамтран Үүсгэн байгуулагч  Э.Мандалмаа

“Токио 2020” олимпын наадамд оролцох Монгол улсын Үндэсний шигшээ багууд дээр анх удаа сэтгэл зүйч, хоол зүйч, спортын эрдэм шинжилгээний судлаач, мэргэжилтнүүдийн баг ажилласан. Энэ багийг ахлан ажилласан зоримог бүсгүйн ярилцлагыг хүргэхэд бэлэн боллоо. Тэрээр Хоол-зүй тэжээхүй ухааны бакалавр, ШУТИС, ХИБС, Эмнэлгийн эмч, мэргэжилтний мэргэжил дээшлүүлэх хөтөлбөр, Харвардын Анагаахын Их сургууль, Спортын Анагаах Ухааны магистрант тус тус боловсрол эзэмшин ШУТИС-д Эрдэм шинжилгээний ажилтан,  Тиби дайтус ХХК үүсгэн байгуулагч, Тиби апп санаачлагч, Чөлөөт бөхийн үндэсний шигшээ багийн хоол зүйч, Байт харвааны шигшээ багийн хоол зүйч, Жүдо бөхийн үндэсний шигшээ багийн хоол зүйчээр тус тус ажиллахын сацуу өдгөө спортын хоол-зүйчээр мэргэшин эрүүл амьдралын хэвшлийг түгээн дэлгэрүүлэх их үйлсэд хувь нэмрээ оруулсаар байна. Ам руу тань орж байгаа хоол болгон эм байг. Түүний хэлсэн энэ үг нээрээ л тийм шүү гэх огших сэтгэлийг оргилуулж байв хэхэ би ажлаа сайн хийвэл Монгол улс хөгжинө. Tibi App-ын Үүсгэн Байгуулагч, Спортын Хоол Зүйч С.Хулангаа

Өнөөдрийн дугаарт Швейцарын Хөгжлийн Агентлагийн “Ногоон Алт” Бэлчээрийн экосистемийн удирдлага төслийн менежер зочилж өөрийн төгссөн мэргэжлийн талаар ярилцав. Тэрээр ХХАЯ-нд мэргэжилтнээр ажиллаж байгаад Их Британий Манчестерийн Их Сургуульд Хөгжлийн эдийн засгаар магистр, Швейцарын Цюрих хотын Технологийн Их сургуульд байгалийн шинжлэх ухааны докторын зэрэг хамгаалжээ. Их Британид төгсч ирээд эхэлсэн ажил нь зудад нэрвэгдсэн малчдад туслах хүмүүнлэгийн төсөл байсан ба нүүдэлч малчдын амьдралд тулгарсан хүнд бэрх үеүдийг нүдээрээ үзээд тэдэнд туслах сэтгэлдээ хөтлөгдөн Швейцарын хөгжлийн агентлагийн "Ногоон Алт" төсөлд орж ажиллаад өдгөө 16 жил болжээ. Түүнчлэн тэрээр ажиллах хугацаандаа малчдын дөрвөн улирлын бэлчээрээ амрааж сэлгэж ашиглаж ирсэн уламжлалт технологи мэдлэг дээр суурилсан бэлчээрийн зохистой ашиглалтын ажилд 90000 малчин өрхүүдийг нэгтгэж, бэлчээр ашиглалтын гэрээ байгуулах, хэрэгжүүлэх, хянах механизмыг бий болгон үүн дээрээ үндэслэн малчдын дунд 80 түүхий эдийн хоршоо, 44 хадгаламж зээлийн хоршоодыг хөгжүүлж, 30 гаруй сумдын малчдын бэлчээр ашиглалтын хандлагыг өөрчилж 5 сая га газрыг тахлагдахаас сэргийлж чадсан зоримог эмэгтэйчүүдийн нэг юм. Тэрээр мөн дэлхийн зах зээл дээр Монгол малын гаралтай бүтээгдэхүүний бусдаас ялгарах онцлог шинжийг баталгаажуулах цахим хянах системийг бэлчээрээс аван үйлдвэрийн хаалга хүртэл дамжлагад хийж, цаашид дэлхийн зах зээл дээр гаргах төслийг хэрэгжүүлж эхлээд байна. Түүний энэ төслийн анхны бүтээгдэхүүний хэрэглэгч нь Холливудын нэрт жүжигчин Жорж Клунигийн эхнэр Амал Клуни байжээ. Хэрэв энэ мэргэжлээр сурах гэж сонирхож байгаа сурч байгаа мөн ажиллаж эхэлж байгаа бол заавал сонсох дугаар гэж зөвлөмөөр байна. Швейцарын Хөгжлийн Агентлагийн Төслийн Менежер Ц.Энх-Амгалан

Өнөөдрийн дугаарт Rotaract Club of Youth Avenue-гийн Төслийн хорооны дарга, цахим шилжилтийг түргэн шуурхай хийж олны магнайг тэнийлгэж буй төрийн албаны төслүүдтэй маш ойрхон ажиллаж байгаа мэргэжилтэн манай Co-Host оролцож ажил мэргэжил энэ зуны амралт гээд ойрд уулзалдаагүйг хэлэх үү сонин сайхнаа хуучилсан бусдад мэдлэг түгээсэн гээд дурдаад байвал олон зүйлсийг агуулсан ярилцлагыг таалан хүлээн авч сонсоно уу . Цахим Хөгжлийн Үндэсний Хорооны Ажлын Албаны Э.Оюунгоо

Хэрсүү залуу үеийн төлөөлөл үнэлэмж бага карьерийн хувьд огт яригддаггүй улс оронд амьдрах ямар байдаг. Баримтат гэрэл зургийн чиглэлээр дагнан сурч, ажиллах гэж буй залуучуудад юуг анхаарах ёстой байдаг мөн энэ эрин зуунд байгаль орчноо хайрлан ээлтэй амьдрах нь чухал гэдгийг, залуучууд өөр болж байгааг энэ дугаараас сонсох болно.  Комисс гэхээр хуучин, орлого багатай хүний хэрэглээ гэдэг байсан хэвшмэл ойлголтыг эвдэж байгальд ээлтэй залуучуудын сонголт гэдэг шинэ ухагдахууныг бодитоор үлгэрлэж буй тэрээр Тойрог дэлгүүрийг эхлүүлсэн түүх гээд шимтэн сонсоход урамтай дугаар ийнхүү таны сонорт. Баримтат гэрэл зурагчин Агнууш

Байгальд ээлтэй хувцас хийхийг зорьж, үүнийгээ хөгжүүлэн 11 дэх жилдээ ажиллаж буй "Urangoo Ider Brand"-ийн Үүсгэн Байгуулагч, дизайнер манай дугаарт оролцон байгаль орчин болон гоё хувцас өмсөх өөрийн хэрэгцээг ч орхигдуулахгүйгээр тэнцвэртэй байх боломжтойг хувирдаг хувцасны коллекц гаргаж олны хүртээл болгосон төдийгүй, Redesigned ТББ-ээр дамжуулан үүнтэй холбоотой мэдээлэл, сургалт ордог байна. Тэрээр хувцсыг олноор үйлдвэрлэж буй компаниудыг сайн материалаар байгальд ээлтэй сонголт хийхийг уриалан ажиллаж буй төдийгүй инновацыг түгээж олон улсад хүртэл загвараа үнэлүүлсэн нэгэн билээ. Ажил мэргэжил, карьерынхаа талаар үр өгөөжтэй зүйлсийг хөөрөлдөв. Хэрэв та хувцасны дизайн тэр дундаа байгальд ээлтэй чиглэлийг сонирхдог, энэ чиглэлээр сурах гэж байгаа бол доорх холбоосоор сургалтыг нь сонирхоод заавал бүртгүүлээрэй. "Urangoo Ider" Брэндийн Үүсгэн байгуулагч, дизайнер И.Урангоо

Өнөөдрийн манай зочин бол сэргээн засал, сувилгаа, ахуй засал, бие даан амьдрах үйлчилгээнд зориулагдсан хэрэгслүүдийн худалдаа, сургалт, зөвлөгөөг эрхэлдэг Монголын анхны компанийг үүсгэн байгуулагч В.Ойдов юм.  Тэрээр тасралтгүй суралцагч байх нь зорилгодоо тууштай байх нь, ажлынхаа утга учрыг мэдэрч ажиллах нь ямар чухал байдгийг мөн мэргэжил сонголт, анхны ажил гээд олон чухал сэдвүүдээр хууч хөөрсөн дугаар таны сонорт хүрч байна. "Рехтус" ХХК-ийн үүсгэн байгуулагч, захирал В.Ойдов

Өнөөдрийн дугаарт Nike-ийн Үүсгэн байгуулагч Фил Найтын “Пүүзэнд дурлагч” номын зохиолчын гүйх болон түүнийгээ тултал хөгжүүлэн олонд хүлээн зөвшөөрүүлж чадсан шалтгаантай тун адил хирнээ Монголд төдийлөн хөгжөөгүй гүйлт гэдэг төрлийг тэр тусмаа хэн ч гүйж болдог гэдгийг зориглон өөрийн биеэр үлгэрлэн харуулж буйгаас гадна оюутнуудад өөрийн сурсан мэдсэнээ зааж, олон нийтэд сурталчилж яваа зоримог бүсгүйг урин ярилцав. Тэрээр 13 настайдаа өвчний улмаас нэг хөлөө тайруулсан ч алдарт Нью Йоркийн марафонд мэргэжлийн болон хагас мэргэжлийн тамирчидтай зэрэгцэн гүйж, 42 км замаа амжилттай дуусгасан төдийгүй өдгөө АШУҮИС-ийн эрүүл мэндийн нийгмийн ажил, нийгмийн ухааны тэнхимд багшлахын зэрэгцээ хөгжлийн бэрхшээлтэй хүмүүсийг спортоор хичээллүүлэх, спортоор дамжуулан хөгжүүлэх зорилготой "Achilles International" байгууллагын Монгол дахь салбарыг хамтран үүсгэн байгуулсан бөгөөд жил бүрийн есдүгээр сард "Итгэл найдвар, боломж" марафон гүйлтийг зохион байгуулж, хөгжлийн бэрхшээлтэй олон хүнд итгэл найдвар, өөртөө итгэх итгэлийг бэлэглэдэг билээ. Түүний хэлсэн нэг үг сэтгэлд одоо ч сонстоно. Энэ бол Боломж үргэлж байдаг үүнд итгээрэй бас зүтгэлтэй байхад бүх боломжууд шил шилээ даган гарч ирдэг гэв. Та нийгмийн чиглэлээр ажиллах гэж байгаа бол заавал сонсох дугаар шүү. "Ахиллис Монгол" ТББ-ын үүсгэн байгуулагч, АШУҮИС-ийн багш О.Саранчулуун

Өнөөдрийн дугаарт Connection podcast-ын Host мөн байгаль хамгааллын чиглэлээр ажиллаж мэргэшиж буй зочинтой маш олон зүйлсийн талаар ярилцсанаас хураангуйлбал байгальд ээлтэй аялах, амьтдын онцлог, ус болон цаг агаарын өөрчлөлт газарзүйн онцлог төдийгүй яаж мэргэжлээ сонгосон мэргэжлээрээ ажиллахдаа ямар саад бэрхшээлүүдийг даван туулсан тухай ярилцсан арвин туршлагыг энэ дугаараар хүргэж байна. The Nature Conservancy Монгол дахь төлөөлөгчийн газрын байгаль хамгааллын мэргэжилтэн Э.Төгөлдөр

Монголд шинэ гэдэг ч өдөр бүр хөгжиж буй хөдөлгөөн заслын салбарт амжилттай ажиллаж буй Зинт Клиникийн хөдөлгөөн засалч, арга зүйч багш Г.Ганчимэгийг урин эм болон мэсгүйгээр эмчлэх боломжтой эмчилгээний чиглэлээр хэрхэн мэргэшсэн, энэ мэргэжлийг сонгоход юу нөлөөлсөн гээд чухал агуулгыг багтаасан дугаар ийнхүү хүрч байна. Тэрээр АШУИС-ийн Сувилахуйн сургуулийг 2017 онд хөдөлгөөн засалчийн бакалавр, мөн сувилахуйн магистрыг тус тус амжилттай төгсжээ. Түүнчлэн 2012, 2013, 2014, 2015 онуудад АНУ-д жирэмсэн эхчүүдэд зориулсан эрүүл мэндийн боловсрол олгодог “Bradley Method” арга зүйд суралцах богино хугацааны сургалтууд, 2017 онд БНСУ-ын “Халлим” Их Сургуулийн Сэргээн засах тасагт Хүүхдийн тархины саа саажилт, хөдөлгөөний хоцрогдолтой хүүхдийн хөдөлгөөн засал судлал чиглэлээр тус тус мэргэжил дээшлүүлсэн юм. Байнгын идэвхтэй дасгал хөдөлгөөн хийх нь олон өвчнөөс урьдчилан сэргийлдэг гэдгийг дугаарт маань онцлон хэлсэн шүү. Зинт Клиникийн хөдөлгөөн засалч, арга зүйч багш Г.Ганчимэг

CEO гэж ямар байх ёстой вэ? гэдэгт хариулт өгсөн дугаарт Сургалт, Зөвлөх Үйлчилгээний National Consulting Service-ийн гүйцэтгэх захирал Д.Болор гуайг урин ярилцав. Тэрээр харилцаа холбооны салбарт засварын инженерээс гараагаа эхлэн олон жил үр бүтээлтэй удирдах албыг хашиж буй төдийгүй маш олон сайн сайхан үйлийн эхлэлийг тарьж байсан гээд тоочвол түүх арвин төдийгүй үүрэн холбооны Мобиком, Скайтел зэрэг томоохон компаниудад удирдах алба хашиж байсан эрхэм билээ. Энэ хугацаанд салбарынхаа технологи, менежментийн олон шинэчлэл өөрчлөлтөд үнэтэй хувь нэмэр оруулсан. Тэрээр өөрийн арвин туршлагаа "СЕО" номдоо буулгаж багагүй хугацааг өнгөөрсөн харин дараагийн цуврал нь 7 сард бидний гарт ирэх болсныг дуулгаж буйдаа баяртай байна. Агуулга ихтэй, арвин туршлагыг чөлөөтэй хуваалцсан гээд чухам үнэнийг цөөн үгээр хүргэсэн дугаарыг таалан сууж тухлан сонсоно уу. "NCS" компанийн гүйцэтгэх захирал Д.Болор

Өнөөдрийн дугаарт Стандарт, хэмжилзүйн салбарт тодорхой үр бүтээлтэйгээр ажиллаж буй төрийн албан хаагчийн төлөөлөл оролцлоо. Тэрээр мэргэжлээ сонгосон шалтгаан, хүнсний инженер, технологич мэргэжлийн болон эрдэм шинжилгээний ажлын давуу тал аливаа зүйлд тууштай зүтгэл юунд хүргэдгийг өөрийн туулж гарсан туршлагаараа жишээ татан хуваалцсан дугаар ийнхүү таны сонорт хүрч байна. Стандарт Хэмжилзүйн Газрын Ахлах мэргэжилтэн Д.Даш-Янжмаа

Өнөөдрийн дугаарт Ending Violence against children “Хүмүүжлийн эерэг арга”, “Хүүхэд-Эрхэм Хэрэглэгч” “Зөв Тусгал”, “Сүүдэр Бүү Тусга”, “1-рт ХүүхэдАян, Ending sexual VAC - “Амлая”аян гээд эерэг нөлөөллийн ажлыг сууринаас нь судлан төрийн болон төрийн бус байгууллагуудтай хамтран өрнүүлэх өрнүүн их үйлсэд сэтгэл зүрхээ зориулан ажиллаж буй дайчин, зоримог мэргэжилтэнтэй ярилцсан дугаар ийнхүү та бүхний сонорт хүрэхэд бэлэн боллоо. Нийгмийн чиглэлээр сурах гэж буй ажиллах гэж буй залуучуудын заавал сонсох дугаар шүү. Та сайн дурын ажил хийдэг үү? Яагаад чухал вэ? гэдгийг энэ дугаар танд нэгийг ойлгуулж хоёрыг тунгаалгах бизээ. ДЗМОУБ-ын Нөлөөлөл, Аян Хариуцсан Менежер  Э.Ганчимэг

Өнөөдрийн дугаарт Япон, Монгол Улс дипломат харилцаа тогтоогоод удаагүй байсан 1977 онд Монгол Улсын шилдэг сургууль болох Монгол Улсын Их сургуульд япон хэлний анхны ангийг төгссөн төдийгүй тус сургуульдаа япон хэлний багшаар ажиллаж, 15 жил гаруй уран зохиол, хуулийн тэнхимүүд болон оройн ангийн олон оюутанд япон хэлийг зааж, Монголд япон хэлний боловсролыг түгээсэн анхдагч багш нарын нэг хүндэт зочноор оролцсон юм. Тэрээр Японы судлаач нартай хамтран “Монгол-Япон ярианы дэвтэр”, “Монгол хүнд зориулсан япон хэлний сурах бичиг”, “Япон-Монгол хэлний үндсэн үгийн толь бичиг”-ийг зохиоход гар бие оролцож, монгол, Японы хэлний хэл шинжлэлийн судалгаа, боловсролоор дамжуулан хоёр орны харилцан ойлголцлыг гүнзгийрүүлэхэд хувь нэмрээ оруулсан үйл хэргийг 2020 онд үнэлэн Япон улсаас “Мандах нар” одонгийн “Сарнай цэцэг бүхий Алтан туяа” зэрэглэлийн одонг гардуулсан билээ. Тэрээр багш мэргэжлийн юу нь чухал юуг анхаарах тухайг хуучлан бидэнтэй хөөрөлдсөн юм Монгол Улсын Их Сургуулийн Япон хэлний багш асан  Д.Наранцэцэг

Мэдлэгийн эдийн засгийг хөгжүүлье гэвэл оюуны бүтээлээ дэмжих хэрэгтэй гэж үздэг төдийгүй нисгэгчгүй онгоц зохион бүтээсэн, ус цэнгэгшүүлэх технологи, тооцооллын урсагчын динамик, инноваци, энтрепренёр судлал гэсэн судалгааг хийж байсан гээд дурьдвал түүх арвин шинжлэх ухааны чиглэлд хөдөлмөрлөж буй эрдэмтэнтэй түүний мэргэжлээ хэрхэн сонгосон болон карьерийн талаарх ойлголтоо хуваалцсан дугаар ийнхүү таны сонорт хүрч байна. "ШУТИС-ийн бизнесийн ахисан түвшний сургууль"-ийн Эрдэмтэн, Нарийн Бичгийн Дарга Ч.Баасандаш

Манай подкаст Ulaanbaatar Peace Avenue Rotary-ийн санаачилгаар эхлүүлсэн Rotaract Club of Youth Avenue-гийн дэмжин хамтран хэрэгжүүлж буй #One_love #One_package аяныг дэмжин хүнд хэцүү цагт бидний төлөө ажиллаж буй эмч, сувилагч нартаа баярлаж буйгаа илэрхийлэхийн ялдамд сувилагч нарын төлөөлөл болсон мэргэжилтэнг онцлон өнөөдөр буюу 5-р сарын 12-нд ОУ-ын сувилагчдын баярын онцгой өдрийг тохиолдуулан "АШУҮИС-н Монгол Япон эмнэлэг"-Эрчимт эмчилгээний тасгийн сувилагч, сургагч багштай түүний ажил мэргэжлийн үнэ цэн болоод баяр гуниг бахархалын талаар ярилцсаныг хүлээн авна уу. Түүний сүүлд эмчлүүлж байсан хүнээсээ сонссон Гэгээн өглөө ямар гоё юм бэ? Та нартаа баярлалаа гэсэн өгүүлбэр одоо ч сэтгэлд тодоос тод сонсогдоно. Сувилагч нарын хөдөлмөрийг шудрагаар үнэлдэг нийгмийг бүтээхийг мөн уриалж байна. "АШУҮИС-н Монгол Япон эмнэлэг"-Эрчимт эмчилгээний тасгийн сувилагч, сургагч багш Б.Болорцэцэг

БНЧУ-ын Эдийн Засгийн Их сургуулийн Бизнесийн эдийн засаг, Менежмент болон Контроллинг мэргэжлээр төгсөөд  IBM-тэй эн дүйцэхүйц үзүүр түрүүгээ үзэлцэж байдаг Accenture улс дамнасан зөвлөх компанид технологийн хэрэгжилтийн салбарт нь ажиллаж, харийн газраас эрдэм өвөртлөн эх нутагтаа ирж  Азийн Хөгжлийн Банк, Азийн Сан болон НҮБХХ-ийн төслүүдэд зөвлөхөөр ажиллаж буй залуу мэргэжилтэнтэй мэргэжил болон туршлагынх нь талаар ярилцав. Тэрээр хэлэхдээ 2 хүний үг сэтгэлд хоногшсон үлдсэн төдийгүй өнөөдөр ч амьдралдаа баримталдаг зарчмуудад чиг шугам болж явдаг гэв. Энэ бол Оюутан байхад нь саарал хулгануудын дунд саарал хулганаар үлдэж бусдаас ялгагдахгүй амьдарч болох ч өнгөө хувиргаж бусдын нүдэнд тод харагддаг чадварт суралцвал амьдрал өнгөлөг болно гэж гамшгийн менежментийн багш нь хэлж байв. Харин нөгөөх нь бол хамгийн анхны төслийн менежерийнх нь хэлсэн үг: Чиний удирдлага нь доор ажиллаж буй хүмүүстээ хэдий чинээ хурдан мэдлэг, ур чадвараа хуваалцаж шилжүүлнэ, төдий чинээ чи өөрийгөө ахин дэвшүүлэх ур чадварт суралцаж амжилтад хүрэх болно гэсэн бөгөөд улам ихийг мэдье гэвэл энэ дугаарыг дуустал нь сонсоорой? Төрийн албаны зөвлөл, НҮБ-ын Хөгжлийн хөтөлбөр хамтран хэрэгжүүлж буй “Монгол Улсад мэргэжлийн, иргэн төвтэй төрийн албыг төлөвшүүлэх нь” төслийн ахлах зөвлөх, ШУТИС-ийн Мэдээллийн системийн менежмент мэргэжлийн багш Ц.Мөнхтуяа

Өнөөдрийн дугаарт эмзэг бүлгийн иргэдийн эрүүл мэндийн үйлчилгээний хүртээмжийг сайжруулах, төрийн болон хувийн байгууллагуудын хамтын оролцоог нэмэгдүүлэх, эрүүл мэндийн боловсрол олгох чиглэлээр ажилласан туршлагатай. Нийгэмд тулгамдаж буй асуудлыг өөрчлөх, эерэг хандлага түгээх тэр дундаа эрүүл мэндийн тэгш хүртээмжтэй үйлчилгээг нэмэгдүүлэхийн төлөө зорин ажиллаж буй хичээнгүй, дайчин бүсгүйн дугаараас сурсан мэргэжлээрээ юу бүтээж болдог зэрэг туршлагыг хүлээн авч сонсоорой? Солонгос Монголын Хамтарсан Нийгмийн Эрүүл Мэндийн төслийн захиргаа, санхүү хариуцсан менежер М.Мөнхзул

Зиак гал гарсан, бодол оюунд баяр нэмсэн, ухаарал бодролд автуулсан цоо шинэхэн дугаарт нэг биш бүр хоёрын хоёр зочин оролцож мэлмийг баясгаж, чихийг цэнгүүлэхээр дугаарт маань оролцов. Хэрэв та ээж, аав эсвэл ах, эгч за ер нь сурч мэдье гэсэн хүсэл эрмэлзэлтэй л бол энэ дугаарыг заавал сонсоорой гэж зөвлөе. Хүүхэд залуучуудад урлагийн боловсрол олгох, урлагаар дамжуулан төлөвшүүлэх, хөгжил хүмүүжилд нь эерэгээр нөлөөлөх зорилготойгоор 2010 онд үүсгэн байгуулагдсан “Тунамал Арт” студийн  Үүсгэн байгуулагч мөн Багш, хүүхдийн нас насны онцлог, хөгжлийн үе шат бүрд зохицсон хөтөлбөрийн дагуу сургалт явуулж ирсэн туршлага дээр үндэслэн 2016 оноос хүүхдийн хөгжлийн хамгийн чухал үе болох 3-6 насныхантай түлхүү ажиллаж байгаа бөгөөд сургалт хөтөлбөрүүдээрээ  хүүхдүүдэд урлаг болон өнгөний мэдрэмж, зургийн суурь чадвар олгохоос гадна бүтээлч, хичээнгүй, шаргуу, бүтээлчээр шүүмжлэх шүүмжлэлийг эерэгээр хүлээн авах гээд маш олон чадваруудыг эзэмшүүлэхэд хувь нэмрээ оруулж, хөдөлмөрлөж буй чадварлаг бүсгүйчүүдтэй нээлттэй ярилцаж тэд ямар замаар явж мэргэжлээ сонгосон гээд карьерийн тухай ойлголт үзэл бодлоо хуваалцсаныг ийнхүү толилуулж байна. Өө нээрээ мартах шахлаа хэхэ Унтдаа Үр Минь, Дархан Хүчтэн, Аз Жаргал гэдэг... номуудын зохиолч нар бол энэ хоёр бүсгүй гээд боддоо мундаг байгаа биээз. “Тунамал Арт”студийн Үүсгэн Байгуулагч Э.Энхжаргал, Багш М.Энхчимэг

Эрхэлсэн ажил, эрдмийн зэрэгтээ эзэн байж эрх, эрх чөлөөг хамгаалан ажиллахыг эрмэлздэг дайчин галтай цогтой бас нэгэн залуу мэргэжилтэнг өнөөдрийн дугаартаа урьж ярилцав. Хуульч, сэтгүүлч хос морьтой тэрбээр Хэвлэлийн эрх чөлөөг хамгаалах чиглэлээр түүчээлэн ажилладгаас гадна Глоб Интернэшнл төвд хандсан хүн бүрд үнэ төлбөргүй эрх зүйн туслалцаа, өмгөөллийн үйлчилгээ үзүүлдэг. Түүний сүүлд хэлсэн өгүүлбэр хэн бүхэнд урам зориг ухаарал өгөх байх гэж гүнээ найдаж байна. Тиймээс дугаараа заавал дуустал сонсож чухал зөвлөмжийг алдалгүй олж мэдээрэй. “Глоб Интернэшнл төв” ТББ -ын Хуульч, Судлаач Б.Пүрэвсүрэн

Адармаатай байдлаар мэргэжлээ сонгож мэргэжлээ өөрчилсөн гээд дурдаад байвал тун чиг сонирхолтой замыг туулан боломж үргэлж байдаг гэдгийг өөрийн биеэр үлгэрлэж буй залуу мэргэжилтэнтэй ярилцсан дугаар ийнхүү хүрч байна. Тэрээр "Хүсэл байгаа газар хөл өөрөө очдог" гэж хэлэх дуртай нэгэн. Түүний хувьд Монгол улсын 26 удаагийн аварга Хатан туул хамтлагийн бүжигчин, Бүжгийн спортын "Хобби" клубыг үүсгэн байгуулагч, Австри улсын Вена хотод зохион байгуулагдсан бүжгийн спортын ДАШ-Тэмцээнд Латин бүжгийн төрөлд 15-р байр, ОХУ-ын Москва хотноо зохион байгуулагдсан бүжгийн спортын ДАШТ стандарт бүжгийн төрөлд 11-р байр эзэлж байсан, "Авьяаслаг Монголчууд" шоуны шилдэг 32 оролцогч, "Hobby Dance" хамтлагийн бүжгийн багш гээд тоочоод байвал арвин түүхтэй түүний ажил мэргэжлийн замнал хэрхэн өрнөж хаашаа хөтөлж буйг энэ дугаараас сонсож, нэгийг бодож хоёрыг тунгаана биз ээ. Түүний хэлсэн нэг өгүүлбэр одоо ч сэтгэлд тод сонстоно энэ бол [ Хүсч байгаа зүйлийнхээ төлөө юу ч хийхгүй байна гэдэг нь өөрөө хөгжлийн бэрхшээл юм] гэж хэлсэн нь юутай үнэн. “Нийслэлийн Нийгмийн Ардчилал Монголын Залуучуудын Холбооны Ажлын Алба”-ны Дарга, “Хобби Ротаракт Клуб”-ын Үүсгэн Байгуулагч, Ерөнхийлөгч Б.Төмөр-Очир

Их сургуулиа төгсөөд мэргэжлээрээ одоог хүртэл тасралтгүй 15 жил ажиллаж байгаа төдийгүй ажлын гараагаа мэдээлэл технологийн салбарын 60 гаруй инженерийг цуглуулсан компаниас эхлүүлж байсан тэрээр баг доторх есөн хүнээс ганцаараа эмэгтэй нь байсанг өгүүлж байв. 2011 онд ХААН Банкны Дата төвийн сүлжээний дэд бүтцийг өөрчлөх, шинэчлэх ажилд гар бие оролцсон IT салбарын манлайлагч эмэгтэйн дугаарыг хүргэж байна. Эмэгтэйчүүдийг IT салбарт өндөр амжилт гаргаж чадахгүй гэж үзэх нь бий гэхдээ ур чадвараа харуулж эхлэхэд аяндаа үнэлж, хүндэтгэж эхэлдэг гэдгийн тод жишээ болсон мэргэжилтний дугаараас энэ чиглэлээр ажиллах болон сурах гэж буй хэн бүхэн нэгийг ойлгож, хоёрыг тунгаах биз ээ. “Хаан Банк”-ны Сүлжээний Аюулгүй Байдлын Администратор Д.Уянгаа

Монголын анхны үүдэл эсийн клиникийг нээсэн. Өөхнөөс ялган авсан үүдэл эсийг дотоод шүүрэл, гоо сайхан, үе мөч тэргүүтэй өвчнүүдийг эмчилэхэд ашиглаж байгаа төдийгүй  Япон улсын Жичигийн Анагаахын сургуульд үүдэл эс, түүний зохицуулга гэсэн чиглэлээр докторын зэрэг хамгаалсан. Үүдэл эсийн судалгааны нийгэмлэг болон Эмчилгээний нийгэмлэгийн гишүүн. Тархины үүдэл эсийн талаар судалгааны ажил хийж, энэ ажлаараа 2018 онд шилдэг залуу судлаач болж Ерөнхийлөгчөөс шагнал гардаж байсан. Нобелийн шагналтнуудтай уулзах уулзалтад дэлхийн 200 гаруй орноос 20-60 мянган залуу эрдэмтэд бүртгүүлснээс 600 залуу судлаач оролцох эрхээ авсны нэгээр шалгарч эх орноо төлөөлөн явж байсан маш сонирхолтой зочин энэ дугаарт оролцон өөрийн мэргэжил болон карьер төлөвлөлтийн талаар хуваалцлаа. “HFS Үүдэл Эсийн Клиникийн”- Хамтран Үүсгэн Байгуулагч, АШУҮИС-ийн Багш Б.Хонгорзул

Олон улсад төдийгүй Монгол улсад хөгжиж буй салбар болох арьс арчилгааны салбарт түүчээлэн яваа Монголын косметикийн салбарын урдаа барих залуу эрдэмтэн оролцсон маш сонирхолтой, шинэлэг мэдээллүүдийг агуулсан дугаарыг та бүхэндээ хүргэж байна.Гоо сайхны бүтээгдэхүүн нь зөвхөн эмэгтэйчүүдийн хэрэглээ бус болсон ба арьс арчилгаа, зөв зохистой  хэрэглээний талаар, энэ мэргэжлээр ажиллахад шаардлагатай ур чадваруудын тухай та энэ дугаараас олж авах боломжтой “Монос Косметикс”-ийн Ерөнхий Технологич Л.Хишигсүрэн

Төгөлдөр хуур сонирхдог хүүхэд залуучууд, оюутнууд, төгөлдөр хуурт дуртай хүмүүсийн хамгийн хайрладаг зохиолч болох Польшийн нэрт хөгжмийн зохиолч Фридерик Шопений зохиолыг тоглож үзэгч олны баяслыг хөдөлгөж байсан. 2014 онд Улаанбаатар хотноо зохиогдсон Шопений нэрэмжит “21-р зуун ба Монгол“ нэртэй тэмцээнд БНХАУ-ын Шанхай хотоос Шанхайн хөгжмийн дээд сургуулийн профессор, мөн Польшийн Хөгжмийн дээд сургуулийн профессор зэрэг олон улсын шүүгчид, Монгол Улсын Консерватурын багш нар бүхий шүүгчидтэй наадмын Гурав дахь удаагийн уралдаанд Тусгай байр эзэлж байсан гээд дурдаад байвал маш арвин туршлага бүхий залуу уран бүтээлч төдийгүй Өдгөө Өвөр Монголын Урлагийн Дээд сургуульд багшилж буй сонгодог урлагийн залуу үеийн төлөөлөл болсон зочныг дугаартаа урин энэ чиглэлээр ажиллах болон сурахад анхаарах зүйлсийг ярилцаж энэ дугаараар та бүхэнд хүргэж байна. “Өвөр Монголын Урлагийн Дээд Сургууль”-ийн Төгөлдөр Хуурын Багш Б.Оюунгэрэл

Эмэгтэйчүүдийн эрхийг хамгаалах өдөрт зориулан Шимт салбарыг манлайлан яваа 10 эмэгтэйн нэг болох түүнчлэн Нано шинжлэх ухааны магистрын зэрэгтэй. Ноолууран бүтээгдэхүүний гадаргууд супер-гидрофоб нано силика нимгэн үе үүсгэх патентын зохиогчийн эрхийг эзэмшигч олон улсын Surfaces and Interfaces – Journal -д судалгааны ажлаа нийтлүүлж байсан залуу судлаачыг зочноор урьж ярилцав. Тууштай хичээл зүтгэл үргэлж сайхан зүйлсийг өгч байдаг гэдгийг түүнтэй ярилцаж суух зуур ойлгож мэдрэв. Сониноос зочин маань хоббигоороо шинжлэх ухааны үндэслэл судалгаатайгаар эрүүл зөв хооллохтой холбоотой өөрийн бодит туршлагыг хүргэхээр Healthy life групп үүсгэсэн төдийгүй тогтмол мэдээлэл оруулдаг юм байна шүү. Сонирхож байвал доорх линкээр ороорой.  “Новелти ХХК”-ийн Химич А.Золбоо

Өнөөдрийн дугаарт адал явдал адармаатай түүхээр мэргэжлээ сонгон заавал энэ сургуульд сурна гэсэн тууштай зорилгоо биелүүлж, хаана ямар оролцоо хэрэгтэй гэдгийг өөрийн биеэр үлгэрлэн яваа залуу улс төрч оролцсон дугаар ийнхүү таны сонорт хүрч байна. Тууштай зүтгэл үргэлж хоосон байдаггүй гэдгийг түүнтэй ярилцаж суух үед өөрийн эрхгүй мэдрэгдэж байв. Мөн зах зээлийн шинжээч гэж хэн бэ? Юу хийдэг вэ? Би хувьцаа авах бол юуг анхаарах вэ? Юунаас эхлэх вэ? Гээд л одоо ч ёстой толгойтой бүр л хувьцаа авах тухай ярьж буйтай зэрэгцээд аль болох олон чиглэлд хөөрөлдөхийг хичээв. "Cover Mongolia Зах Зээлийн Мэдээллийн Үйлчилгээний Компанийн”- Захирал, СБД-ын ИХТ Б.Мөнхдөл

Өнөөдрийн дугаарт дэлхийд Монгол улсын нэрийг өндөрт өргөхийн сацуу олон улсад алдартай Оксфордын толь бичигт байдаг “монго, монгол - хараалын доромж үг” гэдэг тайлбарыг бүрмөсөн устгаж, оронд нь Монгол гэж том М үсгээр эхлүүлж бичээд “Монгол хүн, Монгол улс” гэж тодотгож залруулга хийхэд хувь нэмрээ оруулсан төдийгүй BBC олон улсын агентлагт Монгол гэдэг үгийн утга учир гэдэг тайлбартай нэвтрүүлэг бүтээж, "Би Монгол" гэсэн англи ном нь Амазон онлайн дэлгүүрт бэстселлэр болсон гээд дурдаад байвал түүний хийсэн бүтээсэн зүйлс энэ хэсэгт багадна гэхэд буруудахгүй юм. Та нар Мөрөөдлийн Самбар гэж сонссон л биз дээ тэгвэл энэ самбарыг өөрийн амьдралдаа ашигласан төдийгүй түүнийгээ биелүүлээд сууж буй хөдөлмөрч бүсгүй бол яахын аргагүй өнөөдрийн зочин Uuganaa Ramsay эгч юмаа. Карьер, мэргэжил дээр гацалтанд орсон бол заавал сонсох дугаар шүү. "Монгол Тодотгол ТББ”-ын Тэргүүн, Зохиолч, Карьер Көүч П.Ууганбаяр

Өнөөдрийн дугаарт маш сонирхолтой чиглэлд ажиллаж буй зочныг урьж ярилцсан төдийгүй аль ч цаг үед  байнга л яригдаж байдаг залуучуудын сэдэв бол гадаадад суралцах юм тэгвэл энэ чиглэлээр дэлхийн олон улс оронд үйл ажиллагаа явуулдаг Youth Opportunities ОУ ТББ-ыг төлөөлдөг залуу мэргэжилтэн өөрийн ажлын туршлага болон юуг анхаарч ажил хөдөлмөртөө шингээж байхыг санал болгосон дугаар хүрэхэд бэлэн боллоо. "Залуучууд болон Инновацийн Зөвлөх, Youth Opportunities ОУ ТББ" -ын Монгол Дахь Суурин Төлөөлөгч  Г.Пагмасүрэн

Өнөөдрийн дугаарт халуун сэдэвт байнга л өртөж байдаг салбар буюу IT салбарын зочин тэр дундаа эмэгтэй мэдээллийн системийн инженер мэргэжилтэй хүнийг урьж оролцуулав. Бид бүхний сайн мэдэх Most Money апплэйкэшныг бүтээхэд хувь нэмрээ оруулж явсан даруухан хирнээ нөр ихийг бүтээж бүр нийгэмд чиглэсэн төслүүд дээр сайн дураараа оролцож эерэг нийгмийг бүтээхэд зүтгэж буй түүнтэй Netflix, TDB апплэйкэшн болон бусад банкны апплэйкэшний талаар ч сониуч зангаараа асууж мөлжүүртэй яриаг өрнүүлэв. Cash server гэж юу вэ? Энэ мэргэжлээр сурах болон сурч байгаа бол юуг анхаарах нь зүйтэй вэ? Та бүхэн сонсох бол доорх линкээр ороорой. "Худалдаа Хөгжлийн Банк -ны Мэдээллийн Технологийн Газар, Программ Ашиглалтын Администратор Д.Лхамжав

Өнөөдрийн дугаарт САХАР бэстсэллер номын зохиогч зочиноор оролцож өөрийн сурсан мэргэжил болон ажлын талаарх туршлагаа хуваалцлаа. Та бүхэн манай зочны номыг уншсан бол андахгүй танина биз ээ харин дуулаагүй сонсогч нартаа сонирхуулахад та хүнсний сонголтоо зөв, эргэлзээгүй хийж сурахад дэмжлэг авч өөрчлөлтийг өөрөөсөө эхлүүлэхээр бол мөн энэ чиглэлээр мэргэжил эзэмшихийг хүсдэг бол заавал сонсох дугаар гэж онцлон тэмдэглэе. Юу ярьсан бол гэж үү? Та сонсоод л үз тэгээд бүгдийг ойлгоно. "Шим Тэжээл Судлаач, Сахар Номын Зохиогч" Л.Энхзул

Өнөөдрийн дугаартОрос хэлний багшаас ажлын гараагаа эхлэн нийгмийн чиглэлд ажиллах сэтгэлийн дуудлагаа эрхэмлэн тууштай зүтгэн хүүхэд хамгааллын чиглэлээр олон улсын туршлагыг эх орныхоо хөрсөн дээр буулгах нөр их ажлыг өөрийн гараар бүтээлцэж одоог хүртэл энэ чиглэлээрээ хувь нэмрээ оруулан яваа  эгэл бус энгүй нэгэн манлайлагчийг оролцуулав. Таны зүрх сэтгэл юу бүтээхийг нэхэж байна вэ? Та олсон уу? "НҮБ-ын Хүүхдийн Сангийн Гамшгийн Үеийн Хүүхэд Хамгаалал"-ын Зөвлөх С.Энхтуяа

Өнөөдрийн дугаарт #Балиар_Өөдрөг Подкастын With Love NQ подкастын хөтлөгч, Дэвшилтэт стартапп, Чухлыг хэмж гэсэн гарааны бизнес болон орчин цагийн менежментийн арга барилыг буулгасан номуудыг эх болсон Монгол хэл руу маань буулгасан "Хүмүүн Паблишингийн" Хамтран Үүсгэн байгуулагч өөрийн мэргэжил сонголт, ажлын туршлага, сайн дурын ажлын эерэг үр нөлөө зэрэг сэдвүүдээр гал ассан ярилцлагыг өрнүүлэв. Та сонсоход бэлэн үү? "Хүмүүн Паблишинг ХХК"-ийн Хамтран Үүсгэн Байгуулагч, Балиар Өөдрөг Подкастын Хөтлөгч Г.Энхболор

Өнөөдрийн дугаарт Турк Улсад Мэргэжлээрээ ажиллаж мөн Истанбул Их Сургуулийн Эрдэм Шинжилгээний Институтэд Генетик Молекулер Биологийн Доктор зэрэг горилогч, Дэлхийд Үнэлэгдсэн Монгол  Судлаач оролцон Ковидын нөхцөл байдалд ямар арга хэмжээ авч ажиллаж байгаа Европын орны туршлага, Мэргэжил сонголт, Карьер төлөвлөлт, чацаргана жимсний судалгаа ба онцлог шинж чанарууд, ходоод, цөс, нойр булчирхай гээд маш олон үр өгөөжтэй сэдвийг хөндөн ярилцсан маш олон авууштай туршлагыг ярилцсан дугаар ийнхүү танд хүрч байна. "Дарижа Фараби Эрдэм Шинжилгээ Судалгааны Эмнэлэг "-ийн Дотрын Эмч, Хепатологич, Хоол Боловсруулах Эрхтэний Дурангийн Эмчилгээний Нарийн Мэргэжлийн Эмч Б.Мөнхцэцэг

Шинэ оны анхны дугаарт маань нийгэмд тулгамдаж буй утаа, хотжилт, ирээдүйн Монголын хот төлөвлөлтийн асуудалд шийдэл гарган хөдөлмөрлөж буй шинэлэг хэв маягтай Төрийн бус байгууллагын Хамтран Үүсгэн Байгуулагч оролцож системтэйгээр сэтгэж чадвал хэн ч хот төлөвлөлтийн мэргэжилтнээр сурч боловсроход үүд хаалга нээлттэй байдаг туршлагаа хуваалцахын сацуу, шинээр ТББ-болон Старт-Апп компани эхлүүлж байгаа бол үүнд үр ашиг өгөхүйц сайхан зөвлөгөөг хуваалцав. Залуучуудын заавал сонсох дугаар гэж онцолмоор байна. "Гэр Өргөө ТББ"-ын Гүйцэтгэх Захирал, Хамтран Үүсгэн Байгуулагч Б.Энхжин

Манай улсын эдийн засгийн тэргүүлэх салбар болох уул уурхай, зам, барилгын салбарт техник, тоног төхөөрөмжийн автоматжуулалтын технологийг нэвтрүүлж байгаа компани бол “Вагнер Ази Тоног Төхөөрөмж” юм. Тус компанийн технологи, дижитал салбарыг 13 дахь жилдээ удирдаж яваа Х.Уянга Захирал Монголын анхны мехатроник IT инженер эмэгтэй юм. Түүний цуцалтгүй хичээл зүтгэл хаана хүргэсэн гэдгийг энэ дугаараас сонсоод өөрийнхөө карьераа яаж ахиулж болдог гэдгийг мэдээд авахыг зөвлөж байна. Энэ дугаарт маш чухал 3 зүйл дурдагдсан болно. Юу юм бол гэж үү? Таныг сонсоод мэдэж авахыг хүсч байна. "Вагнер Ази Тоног Төхөөрөмж Компани" Технологи Дижитал Шийдлийн Газрын Захирал Х.Уянга

Бараг хүн бүр "хөгжил"-ийн тухай ярьдаг ч яг ямар төрлийн хөгжил яриад байгаа нь харилцан адилгүй байдаг. Уг ойлголтын тухай болон уг ойлголтыг судалдаг хөгжлийн антропологи, хөгжил судлал хэмээх мэргэжлийн ухааны тухай түүнчлэн улс орны нөхцөл байдлаас шалтгаалан европын орнууд дээр манай орон доор гэсэн ойлголтоос татгалзах нь зүйтэй зэргийг ярилцав. Хэвлэгдсэн ном, нийтлэгдсэн сэтгүүл бүр үнэн үү? тун чиг олон зүйл бодуулсан нэгийг ойлгож хоёрыг тунгаасан ярилцлага байв. "ШУТИС"-ын Хүмүүнлэгийн Тэнхимын Багш Г.Мөнх-Эрдэнэ

Хэрэв та программ хангамж болон код бичих тал дээр сонирхолтой бол мөн ирээдүйд энэ чиглэлээр ажиллах гэж байгаа бол юуг анхаарах ёстой болон юунд бэлэн байх ёстой зэргийг энэ дугаараас сонсоод аваарай. Миний мэдэхийг хүсдэг технологийн код, хэл гээд асуух асуулт ихтэй дугаарт харамгүй туршлага хуваалцсан зочин юм. Түүнчлэн  хийх ажлаа төлөвлөдөг арга хэрэгслүүдээ ч мөн хуваалцсан шүү ингээд түүний туршлагыг сонсоход бэлэн үү? Cravern Partners ХХК-ийн Үйл Ажиллагаа Хариуцсан Менежер Б.Мөнхсамбуу

Санхүүгийн чиглэлээр тэр тусмаа эдийн засагтай холбоотой чиглэлээр сурахаар сонирхож буй болон ажлын хаалга дөнгөж татан орж буй хэн бүхэнд туршлага болох дугаарыг үүгээр дамжуулан хүргэж байна. Зорьсон зорилгодоо үнэнч тууштайгаар хичээнгүй зүтгэх нь юунд хүргэдгийг энэ дугаараас мэдэх боломжтой юм. Сангийн Яамны Санхүүгийн Бодлогын Газар, Дэлхийн Банкны Дотоодын Зөвлөх  Н.Ундраа

Сэтгэлгээний бэрхшээл, хайрцаганаас гарч сэтгэхэд бусдад туслах зоримог бөгөөд зоригтой алхмыг өөрийн ажил мэргэжлээр дамжуулан хийж буй мэргэжилтэнг зочноор оролцуулсан юм. Ялангуяа залуу ээжүүдийн хувьд үлгэрлэн дуурилал авахуйц сайн ээж, халамжтай хань, эрч хүчтэй манлайлагч нэгэн төдийгүй өөрийн туршлагаар дамжуулан дуртай ажлаа ажлаа зоригтойгоор олох, дуртай зүйлдээ цагаа зарцуулан аз жаргалтайгаар ажиллаж, амьдрахад юунд анхаарах ёстойг хуваалцсан шүү. Хэрэв та ээж бол эсвэл ирээдүйд ээж болох гэж буй бол яг одоо юун дээр анхаарах вэ? Мэргэжлээ яаж сонгох вэ? Карьераа яаж төлөвлөх зэргийг мэдээд аваарай. Дасгалжуулалтын Академи “Monica Batsukh”-ийн Event & Community Leader М.Солонго

Био-Амьдрал буюу байгальд ээлтэй, хүн бүрт эрүүл амьдралын хэв маягийг түгээгч. Орчин цагийн хэллэгээр lifestyle coach зочин маань Чех улсад сэтгэл судлаачийн мэргэжлээр төгссөн. Өөрийн үндсэн мэргэжил болон хувийн сонирхол болох байгальд ээлтэй амьдралын хэв маягийг хослуулан ажилладаг. Учир нь хүн байгальдаа эрүүл иргэн байхын тулд эхлээд хувь хүний зан төлөв, хандлага болон зан чанар, үйлдлээ эерэгээр өөрчлөх хэрэгтэй байдаг байна. Өөрийн хоббигоо хэрхэн мэргэжилтэйгээ холбоотойгоор хөгжүүлсэн түүний бахархам түүхээс сурах зүйл их бий. Та манай зочны туршлагыг сонсоход бэлэн үү? COVID-19 тай энэ цаг үед эрүүл мэндэд тустай бяцхан зөвлөмжийг хүргэсэн шүү. “BioAmidral” Үүсгэн байгуулагч А.Очгэрэл

Дэлхийн агуу 3 нээлтийн нэгт зүй ёсоор багтдаг нээлт бол Урлаг гэгддэг. Өнөөдрийн дугаарт мэдээж урлагтай салшгүй холбоотой зочин өөрийн туршлага болон мэргэжлийн талаар харамгүй хуваалцсан шүү. Онгод гэж байдаг уу? Уран бүтээлч болгон онгодоо хүлээх ёстой юу? гэдэг асуултанд тэрээр юу гэж хариулсанг мөн өөрийн мэдлэгээ хуваалцахад хэзээд нээлттэй гэдгээ хэлсэн зэрэг баяртай мэдээтэй сайхан дугаар маань үүгээр та бүхэнд хүрч байна. Чөлөөт Уран Бүтээлч Н.Баасандорж

Нийгмийн хөгжлийн асуудлууд дээр үргэлж дуу хоолойгоо хүргэж, хариу арга хэмжээ авч төслүүдийг хэрэгжүүлж байдаг байгууллага бол яахын аргагүй Дэлхийн Зөн Монгол Олон Улсын Байгууллага юм. Өнөөдрийн дугаарт өөрийн ажиллаж буй чиглэлээр дамжуулан нийгэмд хувь нэмрээ оруулах ёстой гэсэн зарчмыг баримтлан ажилладаг хөдөлмөрч менежер өөрийн туршлага болон мэргэжлийн талаар харамгүй хуваалцсан шүү. Бууж өгөхийг март гэдэг үг л энэ хүнээс маш ихээр мэдрэгдэв.

Урлаг хүнд үлгэрлэл, урам зориг, баяр баясал зэргийг аль алинийг нь өгч байдаг. Өнөөдрийн дугаарт Анагаахын Алдартнууд киноны Намсрайн дүрийг бүтээсэн. Хайртай Хүндээ, Хамтдаа, Санаж байна уу? зэрэг дуунуудыг сонсогч олны хүртээл болгож залуучуудыг байлдан дагуулж байсан хөдөлмөрч залуу уран бүтээлч уригдан ирж залуучуудад өөрийн мэргэжил болон ажлын туршлагаа хуваалцлаа. Түүний харах өнцөг тун сонирхолтой байсан шүү. Дуучин, Продюсер. С.Зоригт

Багш нарын багш суурь боловсролын төлөө тууштай зүтгэж буй зоримог хамт олонтой байгууллага бол яахын аргагүй Монголын Хөгжлийн Төв ТББ юм. Өнөөдрийн дугаарт Хүүхэд бол үнэлж баршгүй эрдэнийн чулуугаар баялаг уурхай юм. Гагцхүү боловсрол түүнийг нээн илрүүлнэ гэсэн үнэт зүйлийн дагуу хүүхдүүдэд суурь зан чанар, төлөвшил, чадавхыг нээн илрүүлэхэд хувь нэмрээ оруулж яваа мэргэжилтэнг урьж оролцуулан хүүхдийн боловсролын чиглэлээр сурах гэж буй залуучуудад туршлагаа хуваалцлаа. “Монголын Хөгжлийн ТөвТББ”-ын Бага Насны Хүүхдийн Хөгжил Хтөлбөрийн Зохицуулагч. Я.Эрдэнэчимэг

Хүний Эрх, Жендерийн Эрх тэгш байдал гэсэн чиглэлээр Иргэний Нийгмийн чиглэлд хүчтэй дуу хоолойгоо хүргэж буй байгууллага бол яахын аргагүй “Өөрчлөлтийн Төлөөх Эмэгтэйчүүд” ТББ юм. Тэгвэл энэ байгууллагын Зөвлөх, Манлайлагч эмэгтэй энэ дугаарт оролцсон. Та бүхэн #Zola нэрээр нь илүү танидаг байж мэдэх юм. Энэ зочин маань өөрийн мэргэжил сонголт, карьер төлөвлөлтийнхөө талаар илэн далангүй хуваалцсан дугаарыг ийнхүү хүргэж байна. Иргэний Нийгмийн Байгууллагын талаарх ойлголтыг эндээс мэдэж авах боломжтой шүү. “Өөрчлөлтийн Төлөөх Эмэгтэйчүүд ТББ”-ын Үүсгэн Байгуулагч Нарын Нэг, Зөвлөх. Б.Золзаяа

Тайз дэлгэцийн кинонд дүрээ мөнхөлсөн түүнчлэн бидний сайн мэдэх Voice Mongolia, Mongolian Got Talent нэвтрүүлгүүдийг мэргэжлийн төвшинд хөтлөн хүргэж буй хүн бол яахын аргагүй Жүжигчин Э.Ууганбаяр юм. Түүнээс гадна бидний үзэж байсан 247 градус, Эх Орон Дуудаж байна, Саарал хүн кинонуудад гол дүр бүтээсэн төдийгүй Онц Дүмд Киноны Мянгуужингийн дүрийг хүртэл бүтээсэн гэнэ шүү. Тэрээр мэргэжлээ хэрхэн сонгосон бол? “Найзууд Театр”-ын Продюсер, Жүжигчин, МУЗХЗХ Тэргүүн. Э.Ууганбаяр

Digital & Inbound Marketing гэж юу болох, ямар ур чадваруудыг шаарддаг зэргийг өөрийн арвин туршлагаасаа хуваалцсан хүндтэй нэгэн зочны дугаар ийнхүү хүрч байна. “BZP DIGITAL & INBOUND МАРКЕТИНГ АГЕНТЛАГ”-ийн Үүсгэн Байгуулагч, Гүйцэтгэх Захирал Б.Батзориг

Салбар бүрт мэргэшин түүчээ болж буй зочдыг оруулж байдаг подкастдаа Аудитын 4 том байгууллагад зүй ёсоор багтдаг ЭРНСТ ЭНД ЯНГ МОНГОЛИЯ ХХК-д туршлага хуримтлуулан ажиллаж буй эрхэм өөрийн мэдлэг болон ажлын туршлагаа харамгүй хуваалцсан дугаар ийнхүү хүрч байна. “ЭРНСТ ЭНД ЯНГ МОНГОЛИЯ АУДИТ ХХК”-ийн Ахлах Аудитор Б.Билэгсайхан

Салбар бүрт мэргэшин түүчээ болж буй зочдыг оруулж байдаг подкастдаа гарааны бизнес, залуучуудын бизнес эрхлэхэд тулгардаг хөрөнгө оруулалт болон төсөл боловсруулах аргазүй, хөрөнгө босгох зэрэгт үнэтэй хувь нэмэр оруулж, зөвлөн туслаж буй  байгууллагын төлөөлөл болсон хүндтэй эрхэмийг урьж оролцуулсан юм. 

Салбар бүрт мэргэшин түүчээ болж буй зочдыг оруулж байдаг подкастдаа бас нэгэн онцлог, сонирхолтой зочныг урьж оролцуулсан юм. Та Монголын Зочид буудлууд ямар зэрэглэл стандарттай байдаг гэдгийг мэдэх үү? Олон улсын франчайзинг сүлжээ зочид буудлууд гэж ямар зочид буудлуудыг хэлдэг вэ? Үйлчилгээний стандарт гэж юу байдаг талаар мэргэшсэн Зөвлөхтэй ярилцав. Монгол Улсын Төрийн 3 өндөрлөг ямар үйлчилгээ авдаг вэ? Ямар нарийн стандарт мөрдөгддөг вэ? Энэ талаар энэ дугаараас мэдэж авах боломжтой болсон шүү. 

Салбар бүрт мэргэшин түүчээ болж буй зочдыг оруулж байдаг подкастдаа бас нэгэн онцлог, гайхалтай зочин урьж оролцуулсан юм. Та Монголд цөөн хэдэн мэргэжлийн Цаг Засварчид байдаг гэдгийг мэдэх үү? Монголын хамгийн анхны Мастер Цаг Засварчид бэлтгэх сургалтанд илгээгдэж байсан 25 мэргэжилтний Нэгэн Эрхэм мэргэжлийнхээ онцлогийг хуваалцсан дугаарийнхүү бэлэн болсон байна.

Салбар бүрт мэргэшин түүчээ болж буй зочдыг оруулж байдаг подкастдаа нэгэн онцлог зочин урьж оролцуулсан юм. Спортын нэвтрүүлгүүд тэр дундаа сагсан бөмбөг чиглэлд Монголдоо хамгийн их үзэгчидтэй гэж тооцогдох NBA TALK нэвтрүүлгээр олонд танигдсан, олон зуун хүнтэй фэйсбүүк бүлгэм болох NBA Talk with Eddie, Football Talk with Eddie, Kino Talk with Eddie бүлгэмүүдийг Үүсгэн Байгуулагч, TEDXDarkhan арга хэмжээний Илтгэгчээр “Хоббигоо ажил болгох нь” сэдвээр илтгэл толилуулж байсан эрхэмтэй  спортын сэтгүүл зүй, спортын менежмент гэж юу болох мэргэжлийнхээ онцлогийг хуваалцсан дугаарыг ийнхүү хүргэхэд бэлэн болсон байна.

Өнөөдрийн дугаарт бидний дээгүүр нисдэг Агаарын тээврийг зохицуулдаг маш чухал ажлыг эрхэлж буй зочин уригдан оролцсон бөгөөд та өмнө энэ мэргэжлийг сонсоогүй ч байж магадгүй гэхдээ энэ мэргэжил бол эмчтэй адил хүний амыг хэдэн зуу, мянгаар нь хариуцан шийдвэр гаргаж байдаг Нислэгийн Удирдагч мэргэжил юм.

Өнөөдрийн дугаарт Инновацлаг Хүн гэж яахын аргагүй нэрлэгдэхээр, шинэ санаа, шийдлийг эрж хайн бүтээж яваа, нухацтай, эрч хүчтэй залуу мэргэжилтэнг танилцуулахдаа таатай байна. #График_Дизайнер_UX_UI_Дизайнер_Болмоор_Байнуу? тэгвэл энэ дугаар яг танд зориулагдсан гэж зөвлөе.

Өнөөдрийн дугаарт маш олон мэргэжлийг өөртөө шингээн хөдөлмөрлөж буй зочин оролцсон. Тэрбээр анх ажлын гараагаа Засварын Инженерээр эхлэж тасралтгүй өсөн дэвшисэн тууштай Эрхэм юм. Нэг талаас Мэдээллийн Технологийн Инженер нөгөө талаас Төслийн Менежер, Удирдагч мэргэжилийг хослуулан явааг ийнхүү та бүхэнд хуваалцахад бэлэн боллоо.

Өнөөдрийн дугаарт тархины талаар эрдэмтдийн гаргаж буй мэдээ мэдээлэлтэй маш ойр төрлийн мэргэжлийн зочин оролцсон. #Таны_анхаарал_сарниад_ажлын_бүтээмж_тань_багасаад_байвал энэ дугаар яг хэрэгтэй гэж зөвлөе.

Өнөөдрийн дугаарт маш сонирхолтой зочин оролцсон гэдгийг дуулгахад таатай байна. Загварын тайзнаас өгсүүлээд Make-Up Artist, Сэтгэл зүй, Гоо зүйн Көүч хүртэл өөрийгөө хөгжүүлж буй маш залуухан олны яридгаар бол “Z” Generation-ийн төлөөлөл болсон Залуу Көүчтэй мэргэжил болон карьер “Z” Generation-ийн онцлог тэдэнтэй яаж хамтран ажиллах тухай хүртэл ярилцав. " SteFord Corp Couching Studio”-ын Сэтгэл зүй, Гоо зүйн Көүч У.Номуун.

Өнөөдрийн дугаарт Хуульч эрх зүйч мэргэжлийн онцлог  тал болон юу хийдэг болон ирээдүйд юу бүтээхийг зорьж  явдаг зэргийг хөндөн ярилцсан дугаар та бүхний сонорт хүрэхэд бэлэн боллоо.

Өнөөдрийн дугаарт эх болсон Монгол хэлний чиглэлээр буюу Монгол Хэл Судлаач мэргэжлийн онцлог тал төдийгүй ирээдүйгээ хэрхэн харж төлөвлөх ёстой байдаг, ямар боломжуудыг өгч байдаг зэргийг хөндөн ярилцсан дугаар та бүхний сонорт хүрэхэд бэлэн боллоо. " Монгол Улсын Их Сургууль”-ийн Монгол Судлалын Хүрээлэнгийн Эрдэм Шинжилгээний Ажилтан , ӨвөрМонголын Их Сургуулийн Доктрант Э.Уранбилэгтэй ярилцлаа.

Өнөөдрийн дугаарт Гэр бүл судлаач мэргэжлийн онцлог тал болон юу хийдэг гэдгийг  хөндөн ярилцсан дугаар та бүхний сонорт хүрэхэд бэлэн боллоо. " ОУ-ын Улаанбаатар Их Сургууль”-ийн Сургалтын Албаны Дарга, Доктор, Дэд Профессор Б.Оюун-Эрдэнэтэй ярилцлаа.

Өнөөдрийн дугаарт Сэтгэл Судлал гэж юу болох энэ мэргэжилээр ажиллахад юу тохиолддог. Ирээдүйгээ хэрхэн төлөвлөж түүнийхээ төлөө явах хэрэгтэй байдаг. Хүнд сэтгэл зүйн хувьд зөвөлгөө өгөхөөс гадна тэд өөр юу хийдэг вэ? гэдгийг маш товч бөгөөд тодорхой ярилцсан онцлог бас нэгэн дугаарыг үүгээр хүргэж байна.

Өнөөдрийн дугаарт Зорилго нэгт Зоримог бүсгүйчүүдийн хамтын бүтээл болох “Зоримог Эмэгтэй” номыг орчуулахад хувь нэмрээ оруулсан одоо Англи улсад Чевенинг тэтгэлэгээр сурч буй эрч хүчээр дүүрэн зочин оролцсонг дуулгахад таатай байна. Тэрээр хэлэхдээ мэргэжил эзэмших мэргэших гэдэг бол маш том ялгаатай гэж би хувьдаа боддог. Түүнчлэн бизнесүүд дээр чанарын менежементийн зөвлөх үйлчилгээг өгч чадах хэмжээнд өөрийгөө бэлтгэхэд тийм ч амар байгаагүй. Гэхдээ зүтгэж чадвал боломжгүй зүйл гэж үгүй гэдэгт би итгэдэг. Эмэгтэйчүүддээ гэж хэлэхэд Лифтны Яриатай заавал болоорой гэж зөвлөе. Тэрээр Лифтны Яриа гэж юуг хэлж байгааг та энэ дугаараас сонсоорой.

Хүнийг удирдах бус чиглүүлэх, хөгжүүлэх, илүү үр бүтээмжтэй ажиллахад нь дэмжлэг үзүүлэх зэрэг нь Хүний нөөцийн чиглэлээр ажиллаж буй Менежерүүдэд яах аргагүй шаардагдаж буй энэ цаг үед Хүний Нөөцийн Менежер гэж хэн бэ? Юу хийдэг болон хэрхэн карьераа төлөвлөдөг тухай тун сонирхолтой яриаг өгүүлэх зочныг энэ дугаарт урьсан юм. 👉" HR Consulting Firm-ын Захирал, HR Club-ын ТэргүүнШ.Баярмагнайтай ярилцлаа. 👇👇👇

Хуримтлалыг хэвшил болгоё гэсэн Уриа сонсогдмогц таны нүдэнд Хадгаламж Өлсөхөөс Эхэлнэ ном, Тархины Блок ном, 6 дансны Арга гээд л шууд бууж байна уу? Тиймээ энэ бүх оюуны бүтээлийг өөрийн биеэр бий болгосон залуу үеийн төлөөлөл болох зочинг өнөөдрийн долоодугаар дугаарт урьсан юм. 👉" Хүний Хөгжлийн Оюуны чадвар Төв ТББ "-ын Үүсгэн Байгуулагч, Захирал, Лектор, Хувийн Санхүүгийн Зөвлөх Г.Мөнгөнтэй ярилцлаа.

ҮЛ МЭДЭХ ПОДКАСТ-ын зургаадугаар дугаараар "Хөгжлийн Бодлого Төлөвлөлийн Институт"- ын Захирал, Хотын Засаглалын Менежер Л.Ану-Үжинтэй ярилцлаа. Бидний хот хөгжиж дэвшихийн хирээр нарийн мэргэшсэн мэргэжилтнүүдийг шаардаж эхэлж байна. Манай Хот,  Хотын Засаглалын Менежер ч үгүй байсан гээд боддоо. Тэгвэл энэ чиглэлийн цор ганц мэргэжилтэн яаж энэ салбарын асуудал руу орсон тухайг энэ мэргэжил нь хааш нь хөтөлж буйг энэ дугаараас хүлээн авч сонсоорой. #Та_ирээдүйд_хаана_хүрэхийг_хүсэж_байна_вэ? Арай ирээдүйгээ, карьераа төлөвлөөгүй явж байгаа юм биш биз?

ҮЛ МЭДЭХ ПОДКАСТ-ын тавдугаар дугаараар "Lhamour-ийг үүсгэн байгуулагч"- Natural Essentials ХХК-ийн захирал Д.Хулантай ярилцлаа.  Европт олон жил амьдарсаныхаа дараа 2012 онд Монголын анхны салхин цахилгаан станцыг барьсан компанид ажиллахаар Монголдоо ирсэн ч удалгүй агаарын бохирдол, чанар муутай ус, эрс тэс уур амьсгал зэргийн нөлөөллөөс болж амьдралдаа харшил, тууралтгүй явсан тэрээр харшилтай болж эхэлсэн. Яах учраа олохгүй  Эмч нартай зөвлөлдсөн бөгөөд тэд түүнийг нэгэнт л гадны сөрөг нөлөөллийг өөрчилж чадахгүй тул цэвэр байгалийн гаралтай бүтээгдэхүүн хэрэглэх хэрэгтэй гэж зөвлөсөн ч тохирох бүтээгдэхүүн тухайн үед олж чадсангүй энэ эрэл хайгуул нь энэ компанийн суурийг тавьсан төдийгүй гоо сайханы бүтээгдэхүүний технологич мэргэжил руу хөтөлсөн юм. #Та_ирээдүйд_хаана_хүрэхийг_хүсэж_байна_вэ? Арай ирээдүйгээ, карьераа төлөвлөөгүй явж байгаа юм биш биз?

ҮЛ МЭДЭХ ПОДКАСТ-ын дөрөвдүгээр дугаараар "Mongolian Guide Tour "- Компанийн Үүсгэн байгуулагч, Захирал Ч.Буянбадрахтай ярилцлаа. Аялалын Хөтөч мэргэжил амархаан гэж бодож байна уу? Үгүй гэж би хэлэх байна. Ямар олон ур чадвар шаарддаг гэдгийг та  сонсоорой. Та ирээдүйд хаана хүрэхийг хүсэж байна вэ? Арай ирээдүйгээ, карьераа төлөвлөөгүй явж байгаа юм биш биз? Тэгвэл энэ тухай маш сонирхолтой яриаг сонсоорой.

ҮЛ МЭДЭХ ПОДКАСТ-ын гуравдугаар дугаараар "Улсын Нэгдүгээр Төв Эмнэлгийн "- Бөөрний Их Эмч Н.Сувдтай ярилцлаа. Их Эмчээр Сурах гэж  төлөвлөн, сонирхож байвал эсвэл сурч байгаа болон Магистр, Доктор зэрэгт хүрэх гэж эрмэлзэж буй хэн бүхэнд зориулав. Энэ дугаарын зочноо онцлоход тэрээр жирийн л монгол айлын хүүхэд яаж Харвардад сурч болдог. Японы засгийн газрын тэтгэлэгээр Докторын зэрэг хамгаалсан зэргийг энэ дугаараас сонсох боломжтой гэдгээрээ онцлууштай. Та ирээдүйд хаана хүрэхийг хүсэж байна вэ? Арай ирээдүйгээ, карьераа төлөвлөөгүй явж байгаа юм биш биз? Тэгвэл энэ тухай маш сонирхолтой яриаг сонсоорой.

ҮЛ МЭДЭХ ПОДКАСТ-ын 2 дахь дугаараар "АФА АКАДЕМИ"-ийн үүсгэн байгуулагч Ш.Амартүвшинтэй ярилцлаа. Амьдралын дасгалжуулагч мэргэжил гэж байдаг аа ? гэж бодогдож байна уу? Тиймээ байна тэгвэл яаж сурах, яаж энэ мэргэжилээр карьераа төлөвлөхийг энэ дугаараас сонсоорой.  Та ирээдүйд хаана хүрэхийг хүсэж байна вэ? Арай ирээдүйгээ, карьераа төлөвлөөгүй явж байгаа юм биш биз? Тэгвэл наашаааа.........

#Үл_Мэдэх_Подкаст_Анхны_Дугаар аар"Силвер Ко ХХК"-ийг үүсгэн байгуулагч, Гүйцэтгэх захирал П.Чимэднямтай ярилцлаа. Маркетингийн мэргэжилээр сурах гэж төлөвлөн, сонирхож байвал эсвэл сурч байгаа болон ажиллаж буй хэн бүхэнд зориулав. Та ирээдүйд хаана хүрэхийг хүсэж байна вэ? Арай ирээдүйгээ, карьераа төлөвлөөгүй явж байгаа юм биш биз? Тэгвэл энэ тухай маш сонирхолтой яриаг сонсоорой.