مروه و مصطفي حيحكولنا تايلاند ممكن تعمل فيها إيه كعيله و خصوصا أن مصطفي راحها و هو أعزب فبيدينا الخلاصه و الفرق ما بين الحالتين و المزارات المناسبه لكل حاله . تفاصيل الرحله من أماكن و أكلات و مواصلات و مشاهدات يوميه و شوية نصايح للي بيخطط الرحله دي أو اللي نفسه يسافر معاهم في الحكايات

نعي في البودكاست ده حتحكلنا عن كتابتها في أدب الرحلات و التاريخ و الحكايات اللي ورا كل كتاب و تاريخ أماكن أعتدناها و معمار فني و حكياته في مدن مختلفه في أوروبا و أمريكا و دول عربيه ، أسمع البودكاست ده حتطلع رحله ممتعه عن العشق و السفر

بودكاست النهارده مش عن رحله و لا فسحه ، النهارده معانا دكتور سويلم طبيب نفسي في مهام نقل لمرضى من بلد لبلد تبع هيئات دوليه .أسرار و قصص منعرفش عنها من التجهيزات الطبية في الطياره و لناس بتسافر معانا بظروف لا نتخيلها ، مواقف شيقه و غريبه و نصايح لينا من دكتور مسافر ، لو ليك شوق في شوية أثاره 🎧 أسمع البودكاست ده و أستمتع حتي أخر لحظه

المغرب وجهه سياحيه طالعه بسرعة الصاروخ عالميا ، يا تري العالم كله متجه ليها لية؟ محمود فخري أقوي مرشد و صاحب أكبر رحلات للمغرب حيحكلنا عن المغرب ، تقعد قد إيه و تروح فين و تدفع كام و كل سؤال جاه علي بالك علشان تسافر هناك حتسمع أجابته من محمود . أسمع 🎧 البودكاست و سافر في رحله متنظمه بحرفيه علي كنبتك 😉

إيمان حتحكلنا في البودكاست ده إزاي قدرت تلاقي أكتر من فرصه تسافر و تتعلم تأمل مجانا في المغرب و تايلاند . شغفها في السفر داخلها في مناطق جديده أتعلمت فيها و أتعرفت علي نفسها بشكل أحسن . قدمت إزاي و عملوا إيه هناك و لو عايز توصل زيها تعمل إيه .. أسمع 🎧البودكاست ده علشان تعرف كل الحدوته

سعيد الخولي لف كل صحاري مصر شبر شبر ، حيحكيلنا اللي مانعرفهوش ، الديناصورات اللي لقوها ، الكهوف ، الحيوانات المرعبه الموجوده في صحرا. و حواديت عن الطيور المهاجره و الصيد الشريف و الطبخ في الصحرا. أسمع البودكاست ده و حضر نفسك لقاعدة طويله بدون بربشه و فيه مفاجأة من ترافل كودز في أول البودكاست بلغونا رأيكم فيها علي الصفحه 😉

حكاية عيلة لفيت في إيطاليا ، حتعرف عن البلد و جمالها في الطبيعه و المعمار و كل مدينه زرناها ، مواقف طريفه و صعبه ومغامرات . أكتر حاجه حتسمع عنها في البودكاست هي الأكل الإيطالي علشان تعمل حسابك مروه و مصطفي حيجوعوك 😉

محمود مؤسس have a dream , الأكبر و الأقدم و يمكن الوحيده اللي بتقدم فرص سفر تطوعي منظم في مصر هو ضيفنا. حيحكلنا أزاي تقدر تسافر عن طريق التطوع، هو بدأ أزي و بيعملوا إيه في التطوع و بيروحو فين. قصص كتير حتفتحلك باب عالم جديد ، أسمع البودكاست و أعرف السكة لمتعة جديدة في الحياة السفر و التطوع و المساعده و ممارسة الإنسانية

شيرين حتفرجنا علي الهند في مغامرتها علي موتوسكل لوحدها مع مفارقات غريبه و ناس مختلفه ، وقوع و توهان و بيات في مزرعه و قري صغيره و حواديت كواتش سيرفنج من هنا لبكره و أكل مختلف. تعالوا نسمع و نتفرج معاها

جزر المالديف مبنعرفش عنها غير صورة الفيلا اللي وسط بحر حلو قوي و صينية الفطار في البيسن ، و في نفس الوقت بنلاقي أعلانات رحلات أسعرها معقولة مش لايقة علي الدلع ده ، و تفاصيل كتير في النص مش واضحة . في البودكاست ده مصطفي و مروة حبحكولنا حواديت مفصلة عن المالديف ، إية الجزر دي و أنقي مكان فيها أزاي و الفرق بين الجزر إية . بعد البودكاست ده حتعرف تخطط سفريتك للمالديف و تفهم تفاصيل أي أعلان حتشوفه و تتقي المناسب ليك

عايز تسمع بيبيعوا إيه في السوبرماركت في البلاد المختلفة غير اللي في بلدك و رأي دينا البنت المصرية الحريفة في السوبرماركت و مشهورة أنها الوحيدة اللي بتعمل تقييمات عن المنتجات علي السوشيال ميديا لما جربت منه حاجات كتيرة و غريبة و لذيذة، اسمع البودكاست ده حتتعرف على السوبرماركت و تجيب منه إيه في اليابان و أمريكا و هولاندا و الهند و اخرون

في البودكاست ده حتعرف إزاي تقدر تاخد أكتر من منحة، أمل حتحكي لنا عن منح و سفريات بدأت معاها من المراهقة و لحد ما خلصت الجامعة و إشتغلت. المنح كانت جوة مصر و في أمريكا و جنوب أفريقيا، كل المنح دي لسة موجودة و لما تعرف قصة أمل الملهمة حتعرف السكة و توصلهم إزاي. لو مهتم بمعلومات عن التعليم برة بدون مصروفات، البودكاست ده ليك، لو حابب تسمع قصة نجاح تحمسك تكمل أي مشوار، إسمع البودكاست ده

سفرية لكينيا بطفل ممكن تقلب بنكد إلا لو عملتها كينيا لايت فيرچين بأنشطة بسيطة تنفع لأسرة. في البودكاست ده مروة و مصطفى حيحكولنا زاروا إيه مع طفلهم في كينيا ومازاروش إيه، والحياة البرية مع الحيوانات هناك، غير المواقف الغريبة و المغامرات اللي قابلتهم هناك من أول ما ركبوا الطيارة من الفيز المستعصية و الشهادة الصفرا. إسمع البودكاست ده و سافر معاهم في رحلة إلي كينيا الفيرچين اللايت

في البودكاست ده علي حيحكلنا بالتفصيل إزاي طلع عمرة لوحده من غير شركة سياحة و وفر نص التكلفة من غير ما يكون معاه فيزا تانية تساعده و لا إقامة أجنبية. حتحتاج تركز في كل تفصيلة علشان تعمل زيه بالظبط

يعني إيه تعليم حر و أحسن من تعليم المدرسة، سارة مدربة تعليم حر و مصممة تجارب تعلم حر عن طريق السفر حتحكيلنا التفاصيل و عملت كده أزاي مع أبنها في رحلة أستمرت سنة و ربع. ده طلع فيه مجتمعات للتعليم الحر و مش ناس كتير تعرف عنها، هي حتعرفنا عليها، لو حابب تجربة مختلفة تعلم بيها ولادك أسمع البودكاست ده فيه كل المعلومات الأساسية و نتيجة عملية لناس طبقت الكلام ده.

في البودكاست ده حتعرف كل حاجة عن الدراسة في تركيا، التقديم، التكلفة، طريقة العيشة هناك كطالب. علشان لو بتفكر تقارن بين الدراسة في تركيا ولا في روسيا، إسمع البودكاست ده وإسمع البودكاست اللي فات عن الدراسة في روسيا 😉 حتعرف بالظبط مين الأفضل لك

عمر بيدرس الجامعة في روسيا بقاله تلات سنين ، حكلنا بقى رحلته من مجموع الثانوية العامة اللي أضطره يسافر و إزاي و الورق المطلوب، لحد رحلة التكيف و الإستمتاع في العيشة في روسيا و عمل صداقات و مجتمع هناك. محتاج إيه و حيكلفك كام الدراسة و الإقامة و مين يقدر يساعدك في ده … تأثير الحرب علي الحياة حاليا في روسيا كل ده حتعرفه لما تسمع البودكاست ده و تتعرف علي روسيا أكتر

البودكاست ده عزيز على قلبي علشان بنحكي لكم فيه سفرية عيد ميلادي المفاجأة اللي مصطفى خططلها بعناية في السر 🤫. واحدة من أحلي زيارتنا للبنان. حتى لو رحت لبنان قبل كده في البودكاست ده حتعرفها بشكل تاني و حنعرفك على أماكن جديدة بكل تفاصيلها لو غاوي السفريات المختلفة و الإستمتاع المميز إسمع البودكاست ده

البودكاست ده مختلف جدا لأني بتكلم فيه مع مصطفى من بودكاست أفر جرين اللي دايما بيتكلم عن البساطة و المحافظة على البيئة، بس النهاردة الكلام كله عن السفر و إزاي كل واحد فينا بيحاول يشيل أقل شنط سفر و حنطلعلكم كل أسرارنا 😉

في الميني بودكاست ده حنقول كل التركات و الأفكار اللي حتحمينا من الكوارث و الفضايح في السفر مع الأطفال، من أول تحضير الشنطة و رحلة الطيارة لخطة الخروجات و الفسح. إسمع البودكاست ده و شاركه مع الأهالي الحيرانة

لو من أحلامك تلف أوروبا بميزانية محدودة و في نفس الوقت تكون مرتاح، المعادلة الصعبة دي محمود حققها مع زوجته و أولاده. أسس كرافان بنفسه في وقت الكورونا الثقيل لما كنا قاعدين مش عارفين نسافر، و أنطلق أول ما الدول بدأت تفتح من ألمانيا يستكشف الدول الأوروبية. إزاي بنا الكرافان؟ بيعيشوا فيه إزاي؟ خطوط السير؟ و التحديات كلها في داخل البودكاست 🎧 لما تسمع للأخر حتعرف إزاي ممكن تأجر كرافان كسائح و تخوض نفس التجربة 😉

إزاي أسافر و أوفر ثمن الطيارة، Voyship أبليكاشن بتساعد أي مسافر يكسب مبلغ و هو مسافر عن طريق توصيله بناس عايزة تنقل حاجة من وجهة سفره بطريقة أمان إسمع 🎧 البودكاست مع محمد الجوهري مؤسس الأبليكاشن علشان تفهم إزاي حتستفيد و تبدأ تخطط لأول سفرياتك لما تسمع أخر البودكاست حتعرف إزاي ممكن أسرة كاملة تسافر ببلاش تماما 🤫

خالد بيعرفنا على كل واحات مصر بعيونه، بحرية، خارجة، داخلة و غيرهم، حيحكي لنا قصص و حكايات و مغامرات عاشها في رحلاته المتعدد لكل واحة على موتسكله في سفر بطئ ممتع. ناس قبلها و مخاطر عدى بها، لحد أخر حكاية في البودكاست حتفضل مترقب و بتفكر هو عدى بكل ده إزاي 🤔 إسمع البودكاست ده و أعرف واحات مصر بعيون رحالة بيسافر ببطء

أول ميني بودكاست عن كبسولة حجز الطيران، حيوضحلك كل الخبايا و النقط اللي محتاج تركز عليها علشان تحجز أحسن تذكرة طيران بأحسن سعر. بحذركم ان المعلومات كتيرة و دسمة يعني ممكن تحتاج تسمعها أكتر من مرة أو تكتب منها كمان المعلومات الجديده عليك 🙃 و ماتنساش تشارك الميني بودكاست مع الناس اللي حتستفيد منه

رحلة لكل مدينة تتزار في سيريلانكا، دليلك في عشر أيام ازاي توصل لكل مدينة و تعمل فيها ايه و حتكلفك كام بالطريقة المناسبة لك حسب ميزانيتك. مي مصيلحي راحت سيريلنكا كتير و بتطلع ناس هناك تفسحهم و تدلعهم حتحكي لنا كل ده بالتفاصيل حتدينا الزيتونة بقى من الأخر خصوصا أن سيريلانكا مليانة حاجات مختلفة قوي من معابد لطبيعة لبحر فتظبيط السفرية محتاج كياسة 😉 اسمع البودكاست 🎧ده لو بتفكر تروح أو عايز تسافر و مكسل تسافر بس عايز تستمتع مع اللي سافر.

في البودكاست ده الفنانة التشكيلية مي السيد حتعرفنا بُعد جديد في التطوع و السفر، كلام أول مرة حتعرف أنه موجود في مصر، تطوع فني كيوت جدا في مشروعات صعبة جدا مع السفارات و الهيئات الأجنبية في مصر. تجارب مختلفة في جنوب مصر ومع أطفال الشوارع و رياضيين كلها فيها مساعدة للمجتمع و سفر أو أستقبلها لمسافرين لو أنت بتحب مساعدة المجتمع، أو بتحب السفر أو بتحب تسافر بدون تكلفة مادية كبيرة، اسمع 🎧البودكاست ده حينورلك 💡 لمبات جديدة من الأفكار

أول حلقة في الموسم الخامس من ترافل كودز بما انها اول حلقة في السنة فقولنا نشارك معاكم سفريات ٢٠٢١ بذكرياتها الحلوة و العودة للمطار الدولي بقى مع حواديت أماكن السفر الداخلي و ماخبناش عليكم مصايب السفر اللي أصابتنا أول مرة من السفر لبعض الأماكن الصحراوية النائية و تشريف حشرة غريبة في بيتنا و السفر بالجبس. لما تسمع الحلقه للأخر حتلاقي شوية تفاؤل في تخطيط سفريات ٢٠٢٢ 😉

البودكاست ده لمروة و مصطفى ثنائي السفر بس مفاجأة المرة دي مصطفى هو المذيع 🙃 و مروة اللي بتحكي. مصطفى حيطلع من مروة تفاصيل تخطيط رحلة سريعة مدينة كابدوكيا في تركيا ، كل اللي محتاج تعرفه علشان تحط المكان المختلف ده على قايمة الوجهات اللي حتطلعها أو تحبه و تحس أنك زرت المدينة الجبلية القديمة جدا جوة حكايات مروة ، و طبعا حنحكي عن ما يحدث ورا صور البالون المميزة لكبادوكيا و صور السجاد القديم و الفنادق الي محفورة جوة الجبل و مدينة الجن القديمة اللي في بطن الجبل و حواديت كتير, إسمع 🎧 البودكاست ده حتتعرف و تتحمس لكبادوكيا جدا و حتعرف مصطفى كان فين و مروة في كابدوكيا 😉

جيرو أصلا كانت في سفرية من السفر التطوعي اللذيذ أبو تلات شهور في مدرسة صغيرة في قرية في اطراف تايلاند على الحدود مع لاوس، و مع كل صدمات الحضارية و العادات المختلفة اللي كانت بتقابلها و حتحكي لنا عليها كانت راكنة على أنها قاعدة تلات شهور و يعدوا، البلوف كله حصل لما الكورونا قفلت عليها لمده ١٥ شهر هناك و هنا بدأ التعايش مع الظروف و الحشرات و الحيوانات الخطيرة و الوحدة و الأكل العجيب و حاجز اللغة، حواديت ملهاش سقف 🎧 حتسمعوها في البودكاست ده.

تعرف إيه عن باكستان السياحية، قليل جدا لو عارف. شريف بتاع أكشن ضيفنا بقي حيحكي لنا عن القبض عليه على حدود أفغانستان، حيحكي لنا عن تحديه لأقوى رجل في العالم في باكستان ، حيحكي لنا على أخطر جسر شافه هناك و حيحكي لنا على أحلى منظر طبيعي ممكن نشوفه في حياتك، فيما يخص السايح العادي مش مستوى السوبر بندق 😁 فى البودكاست ده حنتعرف علي باكستان و شعبها و طبعهم، مطبخهم، تنوع المناطق الجغرافية من شمالها و جنوبها و حنعرف أهم الأماكن السياحية اللي لازم نروحها أسمع 🎧 البودكاست ده و حتستمتع بشدة 😉

في السفر تجارب فريدة تستحق نعيشها و نفكر فيها و معانا منها واحدة النهاردة، الحدوتة تبتدي لما أربع رجالة أصدقاء يأجروا شقة و هما مسافرين براغ، مساحتها صغيرة شويتين تلاتة 🙄 تعالوا نسمع القصة كاملة من ماجد اللي برضه عمل عليها فيديو أدهش المشاهدين على الفيسبوك و عدى مليون مشاهد في كام يوم

تجربة بتيجي على بالنا كتير لما نسافر بلد تعجبنا، ليه مقعدش هنا و أستقر، بتعدي خاطر سريع أو طويل على معظمنا بس ناس قليلة بتاخد الخطوة و تجرب. محمود شد الرحال أول ما أتجوز هو و عروسته على جورجيا و حكلنا في البودكاست ده كل التفاصيل و أزاي الأحداث مشيت غير ما كان مخططلها خالص. أسمع البودكاست 🎧 علشان تعرف اللي حصل

رمضان كريم، حنحكي لكم في البودكاست ده عن تحدي رمضان تلاتين نصيحة سفر ازاي بدأ و المشاركين و شوية نصايح حلوة من اللي ظهرت لحد دلواقتي، إسمع البودكاست و تابع التحدي 💪🏽

أيوة فيه ناس بتسافر ببلاش و مش بتجيب سيرة إزاي🤫 محمد منهم بس حيعرفنا و يحكي لنا عن تجاربه في السفر ببلاش تماما من غير ما يدفع و لا قرش جوة و برة مصر كمان حيدلنا على سكك السفر ببلاش علشان نعمل زيه و نلف العالم 🌏 🎧إسمع البودكاست ده و أنا متأكدة ان فيه كلام أول مرة تسمعه عن أسرار السفر ببلاش اللي الناس بتخبيها 😉

شيماء مغرمة بالسينما 🎬 و السفر ✈️ حتحكي لنا في البودكاست ده عن الأماكن اللي سافرتها و كانت شيفاها في فيلم و كانت حلوة قد إيه أو متحلية بالإخراج الشاطر لحد فين، أفلام شاروخان، فان ديزيل، جيمس بوند، كريم عبد العزيز، رأفت الهجان لحد الجولات الخاصة ببيوت ريا و سكينة. إسمع 🎧 البودكاست و سافر معانا في كواليس الأماكن اللي جوة الأفلام المشهورة

لو بتحب المغامرة تعملها أو تسمعها فبودكاست ده ليك، ممكن تكون مش بتحب الألعاب الخطيرة برضه بس تحب تعرف الناس بتحبها ليه و بيحسوا بإيه أمل لخصتلنا كل المغامرات الخطيرة في جنوب أفريقيا و رتبتلها إزاي هي و أصدقائها أسمع البودكاست ده علشان تعرف كل تفاصيل المغامرة

و من نوادر السفر في سنة قلة سفر قدر الرحالة و أديب الرحلات بدر الوهيبي يسافر ١٣ دولة و يستمتع. إسمع البودكاست علشان تعرف حكاية مغامرة كل سفرية و تمت إزاي... من السفريات اللي حكلنا عنها بالتفصيل زيارته لإيران في زيارة استثنائية. و لما توصل لآخر البودكاست حتلاقي كبسولة عن المناطق السياحية في سلطنة عمان و جمالها و تقدر تعمل فيها ايه

الهند بلد سياحية مختلف عليها، ناس بتعقشها و ناس ترجع منها متضايقة، يمكن علشان هي كبيرة جدا و فيها تنوع رهيب فالتخطيط لسفرية حلوة هناك مهمة صعبة. الرحالة نهلة عوض من النوع الأول جدا. لما تسمع البودكاست بحكايتها و مغامرتها هناك حتشوف الهند الجميلة، احتفالات في الشوارع، طبيعة رائعة، شعب لذيذ و مضياف. البودكاست ده حيختصرلك الطريق لو بتفكر تسافر الهند حتعرف تروح فين بالظبط ، و لو مش ناوي تروح ممكن تغيير رأيك 😉

ضيفنا الرحالة نمرة ١ في السفر بموتسكل في العالم العربي لف العالم و أول رحالة عربي يلف افريقيا على موتسكل. قصص لا نهائية من رحلاته في أفريقيا و أوروبا و أمريكا الجنوبية، أحداث كتيرة سعيدة و مرعبة و نجاة من موت و مقابلة عصابات... شخصيات عامة قابلهم في الطريق زي عيلة أوباما، و ممثلين عالميين و ... مش ححرقلكم البودكاست، اسمعوه أحسن 🎧

في أول بودكاست الموسم الرابع، موضوعنا بين توقعات و تخطيط سفريات ٢٠٢٠ و شقلبة الموازين باجتياح فيروس الكورونا... حواديت كتير و تغير أحداث و محاولات مستميتة للسفر و الانبساط مع العزل المصري و الدولي. مصطفى و مروة حيحكوا لنا عن سفرياتهم في وقت الكورونا و خططهم البديلة للشحن و الإستكشاف في السنة الإستثنائية دي إسمع الحلقة دي و سافر معاهم في مغامرتهم

كلنا بنسافر علشان اسباب مصدقينها و حبناها، و أحلي اسباب هي الإنسانية الخالصة. دكتور فارس دكتور بيطري مش بس شاطر لكن كمان برة الصندوق، بيحب شغله جدا و السفر جدا جدا فبقى بيسافر يساعد في المنظمات العالمية لإنقاذ الحيوان.. المعرضين للتعنيف او الانقراض او عمل حملات توعية للناس. حكايات سفريات مثيرة مع حيوانات مانعرفش عنها حاجة و تعامل الشعوب المختلفة معاهم حيشركنا بها في البودكاست ده. 🎧أسمع الحلقة حتستمتع و يمكن تحب تعمل زيه و مش شرط للتطوع تكون دكتور 😉

إحنا المصريين يا ترى بنشوفكم ازاي لما بتقابل أجانب من ثقافات مختلفة دايما بتحاول تبني إنطباع عام علشان تسهل على نفسك التعامل معاهم في المستقبل و طبعا بنبقى داخلين على كل شعب عندنا شوية اسطمبات معروفة، الانجليزي غلس و الفرنساوي رفيع و الافريقي فقير و...... حاجات كتير قوي لما بتنزل لأرض الواقع بتكتشف انه أوشعات 😲 مصطفى و انا في البودكاست ده حنحكيلكم عن أنطباعتنا الحقيقية من التعامل المباشر و سفرنا لبلاد مختلفة، حنحكي عن الشعوب اللي شبهنا قوي و اللي عكسنا خالص و ماتنسوش ان معايا أقوى دكتور نفسي في مصر يعني تحليل الشخصيات هواية بتمكن و احتراف 😉 إسمع 🎧 البودكاست ده فيه حقايق عن الشعوب غير المتداول المضروب، حينفعك في التعامل لما تسافر أو في شغلك مع الجنسيات المختلفة

بيلا بنت مصرية كان حلمها تلف الدنيا و قررت اول سفرية تكون حول أفريقيا كلها بري!! 😯 طلعة صعبة جدا على أي حد ما باللك بحد اول مرة يسافر 🚎🚌 غلطات بقي أشكال و ألوان بيلا حكتها لنا و طبعا الرحلة وقفت في النص 🥴 البودكاست ده كنز 🎁 معلومات علشان احنا بنتعلم من الغلطات مش من الحدوتة المترتبة و مفيهاش غلطة ☑️ البودكاست ده انا ضحكت🤣 فيه جدا من قلبي مع بيلا على مواقف صعبة و غريبة هي عادت بيها لوحدها💪🏽 في الغربة 👏🏼 البودكاست 🎧 ده لأي حد عايز يستمتع و يضحك و يعرف بيلا رجعت مصر بعد ما صمدت و زارت كام دولة و رجعت ليه 😉 #everytravelisanewlife #كل_تلات

حقيقة الإقامة في ألمانيا و فرق الثقافات بين الشعب الألماني و المصري من أصغر الحاجات للنظام و الإحتفلات و الأكلات و العلاقات الإنسانية، أماكن الفسح اللي السياح مايعرفوهاش كل ده و أكتر دكتورة نهال حتكهولنا في بودكاست عن حياة المغترب في ألمانيا. فلو بتفكر تسافر شغل،فسحة، هجرة لألمانيا البودكاست ده مايفوتكش 🎧

النهاردة حنسافر في البودكاست الي فيتنام رحلة من شرقها لغربها بكل تفاصيلها حنعيشها مع المغامر علي طارق. قضى ٤ شهور هناك كمرشد سياحي يعني عنده الزيتونة 😉 حنعرف تفاصيل المدن اللي تستحق الزيارة، المواصلات، التكلفة... 🎧 إسمع البودكاست للأخر حتلاقي شوية معلومات فوق البيعة عن لاوس جيران فيتنام و جمال لاوس 😉

ليه مش بنسافر و نحلها ازاي ؟! معظم الناس مش بتقوم تسافر علشان مجموعة اسباب مشتركة: زي الفلوس و العيال و الوقت و الشغل و حاجات تانية، حنحكي لكم احنا حلناها ازاي و حنستغل وجود دكتور نفسي و رحالة معانا علشان نفتح الأبواب المقفولة في عقولنا على أفكار موقفانا عن السفر و الإستمتاع بالحياة 😉

Record for the live interview with the egyptian traveler based in Turkey Mohamed El samman. He gave us new places, ideas and hidden gems in Turkey as u have never heard before

يعني ال couchsurfing ده حيسكني ببلاش و انا مسافر 😲؟ لو عايز تعرف يعني ايه couchsurfing (و هي كده ملهاش ترجمة بالعربي) لو عارف و نفسك تجرب و مش عارف تدور فين و على ايه و تختار ازاي طيب كمان لو عندك مخاوف من التجربة و عايز تعرف قصص اللي جربوا البودكاست ده ليك ، حتسمع 🎧 كل ده و أكتر من كاتبة ادب الرحلات مؤلفة الكتب الأكثر مبيعا، الاولة في باريس، الفيروزية، هوستيل، أساطير السفر السبعة.. الرحالة شيرين عادل

المرة دي مش حنتكلم عن سفر الفسح،البودكاست النهاردة عن سفر الشغل و المؤتمرات كرائد أعمال. حنعرف من شيرين فرص سفر أي رائد أعمال، حتعرفنا سافرت إزاي أمريكا و دبي و الهند بدعوات لحضور مؤتمرات عالمية لريادة الأعمال مدعومة بحكومات الدول دي. حنعرف اتعلمت ايه و شافت ايه و خطوات الوصول للسفريات دي.

السفاري في كينيا رحلة ناس كتير شايفها حاجة صعبة و بعيدة و خطيرة.. شيماء و اسلام حيحكوا لنا في البودكاست ده عملوها ازاي مع ابنهم سنة و نص. حيحكوا لنا كل التفاصيل من أول التخطيط و ركبوا ايه و شافوا ايه و سيمو أتبسط و لا لأ... سواء ناوي تسافر في يوم من الأيام سفاري أو حابب تسمع مغامرات شيقة عمرك ما حتعملها،. البودكاست ده ليك ✌🏽

Meet Asmaa the Morrocan traveler based ion Brazil. In this live she is telling us all about Brazil the new Corona highest country now, and how they are dealing with it. Also she tells us about whats to visit in Brazil as one of the best touristic destination

live chat with Ibti living in Canada telling us all about canada at corona time , also the touristic Canada that we don't know much about

A record for live chat with the Tunisian media presenter lovely Amira Def allah, chatting with us about hoe Tunisia reached zero cases and how they r resuming tourism activities. also had provided quick tips and tricks for any one visiting Tunisia

the podcast is a record for a live conversation with Ahmed living in dahab after the reopen of all domestic destinations

بودكاست النهاردة جوة مصر، حنتكلم عن جولات المشي السياحية جوة المدن . البودكاست مع أصحاب أبليكاشن Voyage اللي بيعتبر أول دليل كامل لمدن مصر السياحية. حيحكوا لنا عن أول جولة مشي سياحية عملوها جوة اسكندرية و الأماكن المستخبية اللي شافوها في الجولة دي و أكل الشوارع اللي جربوه و ردود أفعال الحاضرين للجولة. يمكن كل اللي جرب جولات المشي السياحية كان برة مصر و كنا مفتقدين النوع ده جدا من السياحة،أبليكاشن Voyage حلت المشكلة دي. تعالوا نفهم أكتر عن جولات المشي و نوع السياحة الممتعة الغير مكلفة تماما في البودكاست ده 🎧

انترفيو Travel Codes علي الراديو التونسي radio Yasmine by Marwa Ali

السفر بالأطفال يا بيكون متعة يا بتقلب سفرية نكد و مرمطة للأهل. علشان نتفادى الاختيار التاني أخدنا كل النصايح و الإحتياطات من رضوى مؤسسة شركة ماما في الشغل اللي بتدعم الأمهات في كل مسؤلياتها. رضوى بتحب السفر زينا و بتسافر كتير حتكلمنا الخلاصة من سفرياتها مع ابنها برة و جوة مصر و كمان خبرتها من الامهات التانيين. إسمع 🎧 البودكاست ده و إعرف تستمتع إزاي مع أولادك في السفر

لو أنت من عشاق السواقة الطويلة و الطرق يبقي حتعيش معانا مغامراتنا جوة مصر على الطرق المختلفة، و لو مش بتحب السفر سواقة ممكن تبدأ تحبه معانا لما تعرف إزاي بيكون ممتع اما بقى لو مجربتش فمعانا في البودكاست ده خيط البداية 😉

the podcast is a record for live Instagram chat with Asmaa, the Egyptian lady locked down in Cambodia. Asmaa shares with us how is life there in the quarantine era, also lots of interesting information about the country , food , sightseeing and beaches

meet Anas , Egyptian student locked down in UK. Anas is sharing in a live Instagram chat the quarantine life in UK and the country and the people are dealing with it. Also he is giving us a close look on UK as a stay in student for 4 years with lots of personal experience and interesting stories

meet Hagur the Egyptian girl that had been locked down in the outskirts of Thailand. she will share with us lots of interesting stories about thai wild life ,food and quarantine life and how the country is dealing with it A live meeting record that shouldn't be missed ;)

This is the audio recording of of my corona transit series. Karim is an Egyptian living in Dublin Ireland who will share his experience in the quarantine life there and the country is fighting against corona. We will not miss to ask more about Ireland as a anxious travelers too from sighting to food ;)

The podcast is a live Instagram chat with Amani , the passionate traveler living in Kuwait. we talked about her interesting travels and the spoiled plan in the corona era , also she gave us an idea about how is the lock down ding Kuwait

recording of the Instagram live chat with George the Lebanese traveler locked down in Lebanon , and how is the quarantine life is going there

our Instagram live conversation with Mohamed , the Egyptian Groom who had been locked up in Peru for months now

Our live Instagram chat with Shahira about corona quarantine Life in Dubai 1st Instagram live in corono- transit series of lives

سفريتنا المرة دي خارج الغلاف الجوي، حنطلع للفضاء و نتفرج علي المجرات و النجوم و الشهب. حنسافر مع سياحة الفلك، المهندس عصام حياخدنا معاه في جولة يفهمنا ايه هي سياحة الفلك و التصوير الفلكي، حيعلمنا نبص من البلكونة علي السما و نشوف حاجات جديدة علينا. حنتعرف علي أثار الفلك الفرعونية اللي قدامنا طول الوقت و احنا مش حاسين اللحظه الي حتدوس فيها play هي نفسها 3..2..1.. Fire 🚀

حنعرف ايه هي سياحة الكاياك مع شريف خضر واحد من اللي دخلوا النشاط ده مصر. حيحكي لنا عن أول رحلة مع صحابه من أسوان للأقصر و الإستمتاع بمناظر محدش تاني بيعرف يشوفها بالمراكب العادية. حنعرف كمان ازاي عملوا اول كوميونتي للكاياك في مصر و انشطتهم جوة و برة مصر و ازاي تقدر تنضم ليهم الانشطه المائية عموما بتعمل متعة و سعادة في الممارسة و السمع كمان أسمع الحلقة و زود سطر في ليستة أنشطة المستقبل 😉

حنطير في الحلقة دي مع المراسل ياسر في الأماكن الخطرة حيث أهم الأخبار. حيحكي لنا من قلب أحداث الحروب، الزلازل، الأعاصير و الأماكن اللي محدش بيقدر يروحها، إيه اللي بيحصل. حيوصفلنا مدن جميلة في قلب الكوارث مكانش حد يتوقعها. أربط حزامك و خد نفس قبل ما تسمع الأحداث المثيرة

٢٣ ساعة⏳ في موسكو هم كل الوقت اللي قضناه هناك، و مع قصره ده الا إنه كان مليان مغامرات من النوع إياه 👹، بدأ بالتحفظ و التحقيقات بس الحمد لله لحقنا نشوف البلد.🎧 إسمع البودكاست ده و حتعرف تفاصيل هذا اليوم الطويل العاصف جداااا

لو أنت من الناس المضغوطة في مفرمة الحياة 🥴 😒و عايز تفصل تماما لفترة صغيرة أو كبيرة و مش عارف تروح فين، البودكاست ده حيديك كتالوج الفصلان السريع جوة مصر: نوبيع/رأس شيطان/طابا. لمبنا كل المعلومات الي محتاجها في بودكاست واحد من أول حتروح ازاي، تقعد فين و تقييمات أشهر الأماكن هناك، حتعمل أيه و تستمع ازاي و أماكن الخروجات و المزارات هناك إسمع 🎧 البودكاست حتلاقي الخلاصة 😉

باسي و عمرو مؤسسي جروب ole travel حيشاركونا منافيستو أوروبا، سفرياتهم الكتير لكل مدينة في أوروبا و أكتر من مرة خلى عندهم معلومات كتير ازاي تعرف تستمتع فعلا في أوروبا و أحلى المدن المستخبية. حيحكوا لنا عن الجروب و عن سفريات الجروبات اللي بينظموها للتصوير و تعليم الطبخ و الرحلات الروحانية. و معلومات كتير زي السفر بباخرات المواني في أوروبا و ازاي تحجزها. لو نفسك مفتوحة أو حتي مستكفي حتي من سفر أوروبا هما حيجروا ريقك علي سفرية فورية 😉

أخر حلقة في ٢٠١٩،حنعدي علي كل سفرياتنا و تجاربنا في السنة، كمان المفاجأت الي قابلتنا في كل سفرية و تحدي السفر الطويل مع الحمل وعدناه ازاي والمعلومات الجديدة اللي عرفنها في الرحلات دي و بنخطط نسافر فين السنة في ٢٠٢٠ 😉

حنسمع حواديت حول العلم مع بطلة الاسكواش العالمية مريم متولي، حنعرف عن حياة الأبطال بيسافروا فين و ازاي و الفرص اللي بيقابلوها برة مصر للإحتراف و التعليم و العلاقات اللي بتتبني مع أبطال عالمية من ألعاب رياضية تانية في الغربة. إسمع 🎧 البودكاست ده و حتعرف مريم تصادقت مع محمد صلاح و غيره من النجوم الرياضيه إزاي و فين في الكوكب 😉

أربع شباب مصريين، سافروا لحد دلوقت اكتر من ٦٥ مدينة مختلفة فى ٢٠ بلد مختلفة علي صفحتهم كل التجارب والمواقف اللي مروا بها خلال السفر، وازاي قدروا يرتبوا للسفريات دي بتكاليف بسيطة. باستمرار بينشروا معلومات تساعدك انك تسافر: الدول الرخيصة، الدول اللى مش محتاجة ڤيزا للمصريين، الدول اللى تذاكر الطيران بتاعتها رخيصة ومحدش يعرف عنها حاجة! هدفهم هو مساعد اى حد نفسه يسافر أسمع 🎧 قصتهم و نصايحهم في البودكاست ده.

سفر التصوير📸، إستمتاع للمصور و إمتاع للي ماسفرش و بيتفرج علي الصور. وائل حيحكي لنا عن التصوير في السفر في البلاد المختلفة و الظروف المختلفة و الَمسابقات اللي دخلها و كسب و الصورة اللي اتنشرت له في national geographic إسمع 🎧 البودكاست لو عايز تعرف نصايح بسيطة تخلي كل صورك في السفر حلوة 😉

أول حلقة في مجموعة السفريات القصيرة اللي مدتها أقل من ٤٨ ساعة. حنبدأها بواحدة من عجايب الدنيا السبعة، حتستكشف معانا الأردن عموما و البترا خصوصا اللي أي مسافر غالبا بتكون علي لستة أماكن الزيارات بتاعته. مروة و مصطفى حيحكوا لنا عن المكان بالتفصيل كأننا كنا معهم

رحلة البحث عن الذات، مطلب لناس كتير باختلاف ثقافتهم. ندى إستقالت من شغلها و سافرت، أستوحت الفكرة من فيلم eat pray love و عملت بالظبط زي جوليا روبرتس. في البودكاست ده حنسمع تفاصيل رحلتها من خلفية مصرية. التأمل الصامت في بالي و أثر عليها ازاي، يمكن تتحمس و تقتبس التجربة أنت كمان 😉

في الحلقة دي مش حنجيب سيرة التخطيط خالص، طلبة حيكلمنا عن الارتجال و العفوية في رحلاته الفردية حولين مصر بالموتوسيكل لوحده من غير أي خط سير كدة 😲 حودايت عن الطرق من القاهرة لكل مدن الصعيد و البحر الأحمر و سيوة و مواقف و مغامرات مثيرة و جميلة

بنكمل كلامنا عن مصادر التخطيط قبل السفر اللي بدأ في الحلقه ١٧. في البودكاست ده حنتكلم علي مواقع و وسائل تانية غير الأبليكشنز كمان ممكن تستخدمها و أنت بتلم معلوماتك و بتحضر قبل أي سفرية.

حاولنا نلم كل الأبليكشنز المهمة اللي بنستعملها في التخطيط للسفر و إزاي ندقق جواها و ناخد بالنا من ايه علشان نستفيد منها كويس. المواقع و التطبيقات دي بنستخدمها في الوقت الحالي أنا و مصطفى في كل سفرياتنا و شامله و وافية. ده الجزء الأول من الحلقه فيه تفاصيل أهم ١١ موقع و تطبيق بتعليقنا عليهم. الجزء التاني من الحلقة التلات اللي جاي.

الحلقة دي لمحبي الطبيعة و اللي بيحب الرياضة من بعيد لبعيد شوية 😁 معانا سهاد من القائمين على Egypt hiking community حتعرفنا يعني ايه مشي الجبال و متطلباته و تاخدنا في رحلة سريعة في صحاري مصر و وديان ايطاليا و جبال أمريكا.

مروان رحالة أختار يسيب كل حلم تقليدي مرسوم علينا و يمشي ورا أحلامه و طموحاته في إستكشاف سلوكيات الناس المختلفة و ثقافتهم، أختار يخوض تجارب و يتعلم مهارات بنشوفها في السينما بس زي فنون القتال الأسيوية و التأمل والفلسفات المختلفة من لسان أهلها. و و بعد شوط من الرحلة دي حكلنا عمل كده ازاي و نجاحاته و سقطاته و أحلام المستقبل. رحلة ملهمة لأي حد يسمعها... مينفعش تفوتك 😉

رحلة بآلة الزمن الي كوبا هافانا عودة لسنه ١٩٦٠، مصطفى و مروة حيحكوا لنا كل تفاصيلها من أول التخطيط: ازاي تلحق نفسك من خساير تغيير العملة، تعمل إيه وماتعملش إيه، الطريق المختصر للفيزا، المزارات، المواصلات، الإقامة، إزاي تستمتع ببحر الكاريبي من غير تكاليف سياحية، طباع الناس هناك، كل حاجه محتاج تعرفها لو بتحضر لسفرية هناك إسمع الرحله دي و عيش التجربه الكاريبية المختلفة و أنت في مكانك.

دايما بنحمسك تقوم تسافر لوحدك، المرة دي حنحمسك تسافر في مجموعة. بيتر حيحكي لنا بيسافر مع مراته و أصحابهم كل سنة و يوفروا إزاي بشوية معلومات بسيطة حتفرق معاك كتير و يمكن كمان تقدر ترجع بشوية فلوس من اللي صرفته 💸 تقريبا هما خلصوا كل أوروبا و فيه بلاد أتعادت كمان. لو بتفكر في رحلة لأوروبا فيها كذا بلد في نفس السفرية بميزانية محدودة أسمع البودكاست ده و تجربه بيتر و أصدقائه أكيد حتفيدك

للأماكن طاقات و للشعوب طاقات واحنا بنسافر عايزين نرفع طاقتنا و نشحن و نفصل عن كل روتين الحياه اليومي. هند مدربة طاقة حيويه، سنين بتدرس و تتعلم جبنا منها الخلاصة نعمل ايه و نتصرف أزاي علشان نرجع من كل سفريه اخدين أعلي طاقة ممكنة. حتحكي لنا رحلتها هي شخصيا مع الأماكن و طاقتها جوة مصر و برة. إسمع البودكاست ده و استعد لـ ٤٠ دقيقه شحن عن بعد‎.

مش ناس كتير مهتمة بسياحة المتاحف علشان دايما كلمة متحف تفكرك بتماثيل قديمة و مكان ممل و رجلك بتوجعك مش لاقي حتة تقعد فيها، بس المتاحف مابقتش كدة خالص. حسني بقى حيحكي لنا خبراته في متاحف غير تقليدية ممتعة جدا في اليابان و المالديف و بلاد أوروبية مختلفة. إسمع البودكاست ده يمكن تحب المتاحف و تيجي تحكي لنا علي المتحف اللي زرته في سفريتك اللي جاية ‎

ممكن تبدأ تسافر في أي سن و أي وقت برة أو جوة مصر و ممكن برضه ده يطلع منك مواهب جديدة و تعيد أكتشاف نفسك،مواهبك، أفكارك و يضيف في حياتك حاجة حلوة جنب السفر و الروتين اليومي . معانا إيمان الأمير المسافرة دايما و كاتبة أدب الرحلات حتحكي لنا قصتها مع الترحال و بداية الكتابة في السفر و إزاي إحنا نبدأ نسافر زيها

ساعات بتقوم تعمل مغامرة وأنت مش فاهم أبعادها بتبقى وليدة اللحظة كدة وكتير بتبقى من أجمل ذكرياتك. مصطفى و مروة حيحكوا لنا عن تجربتين من النوع ده، واحدة في طلوع جبل التلج للتزحلق و أحساسهم بالجو وعملوا إيه مع الزلاجة اللي غرزت منهم. و الحكاية التانية عن إستكشاف وادي الوشواش و التجربة الصحراوية وبحيرة الوادي السحري ومقابلتهم لمغامرين (زي جي أي جو)هناك

تخيل لو كان عندك فرصة تسافر وأنت طفل تشوف وتتعلم حاجات  بدري وتبدأ حياتك العملية جاهز بشوية مهارات اللي بنكتسبها عادةً بالإحتكاك والخبرة مع الناس المختلفة عننا. إسمع البودكاست ده مع "ڤالي" حتحكي لنا إزاي أطفال بيبتدوا يسافروا من سن ١١ سنة  وإيه المهارات اللي بيتعلموها في التحضير  قبل وأثناء معسكر التبادل الثقافي نفسه، علشان أولادنا وأخوتنا الصغيرين ياخدوا فرصة أحسن مننا.

سياحة للأكل من أحلى الفقرات في أي سفرية أنك تجرب أكل البلد و طريقة طبخهم اللي أكيد فيها حاجات غريبة علينا. فيه ناس بقى بتقطع مسافات بس علشان تاكل في أماكن جديدة، محافظات أو بلاد أو حتى قارات طارق بقى واحد من الناس دي و مع خبرته و شغفه بالأكل حيحكي لنا بالتفصيل  في البودكاست ده عن رحلاته مع الأكل المميز في كل مطبخ جربه و تحليله و إستمتاعه بكل طبق

السفر لما بيتجمع مع أي هواية بيعلي الإستمتاع فيها و يخلي الحماس حاجة تانية و لما يتجمع مع رياضة بتبقى كل سفرية صيانة للروح و العقل و الجسم ياسمين حتعرفنا في البودكاست ده ازاي وصلت للنتيجة دي برياضة بسيطة تبدأها في أي سن تاخدك و تسافر تستمتع وتتعرف على ناس جديدة من كل بلاد العالم ‎

فن الأستمتاع بالترانزيت ✈(قصدك الطويل اللي بياكل الرحلة ده!!!😧)أيوة اصل الترانزيت بيكون مليان حواديت مصطفى و مروة عندهم منها كتير، فيهم الظريف والمرعب والغريب بس كلهم تجارب ماتتنسيش و ذكريات ممتعة محفورة في الذاكرة لو مش عارف حتعدي الترانزيت اللي جاي ازاي، إسمع و خد أفكار من قصصهم يمكن تتبسط فيه وتفتكره أكتر من الرحلة نفسها.

أول مرة لينا في أوروبا، تجربة مليانة انبهار و كعبلة و أنبساط و تشغيل كل الحواس علشان نفهم العالم الجديد ده مفيش أحسن من المجرب اللي وقع و قام و بقى خبرة علشان يفهمنا من الأخر ، هند و خالد، بدءوا يسافروا بس بعد الجواز فلو عايز تعدي الغلطات المعتادة في أول سفرية ليك، اسمع منهم الخلاصة

السفر التطوعي ترند مش جديد بس بيكبر جدا مع زيادة الوعي بالبيئة والإنسانية في العالم كله. الناس بتسافر من بلد لبلد، منها تشوف بلد جديدة و منها تعمل تغيير بسيط لحد محتاجه و تغيير جواها هي شخصيا ريهام حتكلمنا عن تجربتها الشخصيه في السفر التطوعي جوه مصر و أنواعه. سفرها في قوافل للأماكن الحدوديه النائيه و الناس و الحياه و العادات و الأكل و اللبس هناك في حكايات شيقه من قلب الحدث #travel #adventure #volunteerism #voluntertravel#podcast #podcastlister #travelcodes #everytravelisanewlife #thisisegypt

عالم الهوستلز له خصوصيته و عشاقه. احمد هوستلاوي تقيل لف بلاد كتير على مدار سنين في هوستيلز أشكال و ألوان، حيحكلنا عن تجربته الشخصية الغنية و يكشف لنا اسرار العالم ده، لو ناوي تجرب توفر السفرية اللي جاية كن مثل أحمد 😉

حلقة الامازون، مروة و مصطفي حياخدونا في رحله ٤ ايام جوة غابات الامازون. من اول تحضيرات الرحلة و حيحكوا لنا ايه هي غابات الامازون و شافوا إيه من اول جزيرة القرود و الطيور المميزه للمكان مرورا برحله تقفي اثار التماسيح باليل و رحله صيد سمك البيرانه المفترس ( بتاع فيلم الفك المفترس). كمان حياه السكان في الغابه علي النهر و بره و السمك و الاكل الغريب هناك. و قريه الصيادين العايمه بيوتهم و مدراسهم و كنايسهم، و البنزينات العايمه بالكوفي شوبس اللي فيها( ذي اون ذا ران كده) و رحله النهر الاسود. تفاصيل كتيره و مثيره حنعيشها معاهم ، فرصه تطلع رحله الامازون في ٤٠ دقيقه فقط