Pipaluk ukiukkut sisoraaserluni arpartarpoq aasakkullu nunakkut arpattarluni. Pipaluk Kristensen timersortarnerminik oqaluttuartinneqarpoq taamatullu timersorneq imminut qanoq sunniuteqarsimanera oqaluttuaralugu. Aallakaatitassiortoq: Uju Petersen.

Bent Sørensen aammalu Tom Ostermann Søholm tapersersoqatigiillutik inuusuttuaraanermiilli timersoqatigiittalerput. Timersoqatigiiffik Norsaq HC pilersinneqarnissaanut pilersaarusioqataanikuupput. Timersorneq pillugu oqaluasaartippagut. Aallakaatitassiortoq: Uju Petersen.

Siorna nunarsuarmi arsarluni pissartanngorniunnermi nunatsinnit arnartavut peqataapput. Unammersuaarnermi peqataasut misigisalikkersaartippavut taamatullu sungiusaasup ikiortaanik oqaluttuartitsilluta. Aallakaatitassiortoq: Uju Petersen

Angutimmarik Kreutzmann ukiorpassuarni arsartartuuvoq. Angutimmarik aasaanerani ilaquttani peqatigalugit ukiussamut pilisarneq pillugu oqaluasaartipparput. Aallakaatitassiortoq: Uju Petersen

Nunat issittormiut unammiuaartarneranni ukiut 30-it kingulliit nunatsinniit peqataaffigineqartarsimavoq. Taakkunanngalu peqataanikut marluusut, tassalu Hansigne Broberg aamma Iidui Broberg misigisalikkersaartillugit oqaluttuartinneqarput.

Kristian Lynge Petersen ”Aqqa” meeraallunili sisorarneq sammisarilersimavaa, taamatullu sisorarnermik unammisartuusimalluni. Aqqa Kalaallit Nunaanni Sisorartartut Kattuffianni siulitaasuusimaavoq, sisorarnerlu malinnaaffigilluarlugu. Aallakaatitassiortoq: Uju Petersen.

Andreas Lorethsen arsartartuuvoq, naak peroriartorfia Paamiut illoqarfik angingitsunnguugaluartoq piumassuseqarnermigut uteriitsuuneratalu kingunerisaanik nunanut allanut unammisartuni ukiuni qulini peqataasarsimavoq. Aallakaatitassiortoq: Uju Petersen

Jørn Larsen meeraallunili sisorarneq sammisarilersimavaa, taamatullu sisorarnermik unammisartuusimalluni, aammattaaq nunanut allanut unammisartunik sungiusaasuusimalluni.

Jens Kielsen, 70-ikkunni nerrivimmi arsaararnermi quleriarluni iligiiaarluni taamatullu kisimiilluni pissartaasarsimavoq, aamma arsaannermi pissartanngoqataasarsimalluni. Aallakaatitassiortoq: Uju Petersen

Kangaamiormiu Hans V. Kreutmann pinngortitami sammisaqarneq pingaartippaa, sisoraaserlunilu arpannermi unammeqataajuarsimalluni. Aallakaatitassiortoq: Uju Petersen

Nuka Kleemann Upernavimmi meeraasimavoq timersuutinillu assigiinngitsunik misilittaasimalluni. Taekwondo aallutissallugu toqqarsimavaa, nunanullu allanut unammisartuusimalluni aamma sungiusaassuussimalluni. Nuka Kleemann Kalaallit Nunaanni Timersoqatigiit Kattuffianni ukiuni 13-nini kingullerni siulitaasuuvoq. Aallakaatitassiortoq: Uju Petersen

Ejnar Iversen meeraallunili pingaartumik arsaanneq nuannarilluarsimavaa, inersimasunngoramilu nunatsinni pissartanngoqataasarluni Nágdlúnguak tunuliaqutaralugu. Ejnar aamma nunanut allanut unammisartutut toqqagaasarsimavoq. Aallakaatitassiortoq: Uju Petersen

Mathæus Larsen Kangaamiuni meeraasimavoq. Naggataarutaasumillu meeqqat atuarfianni atuartussanngorluni Maniitsumut nuukkami aatsaat timersuutinik aallutaqalersimalluni. Nerrivimmi arsaararneq, arsaanneq arsarnerlu ingerlatarilersimavai, ukiunilu qulingiluani arsaannermi nunanut allanut unammisartuusimalluni. Aallakaatitassiortoq: Uju Petersen

Christian Isaksen qanittukkut toqukkut qimaguppoq. Maanna aallakaatilerparput toqunngitsiarnerani Uju Petersenimit oqaloqatigineqarnera. Christiaat Taekwondomi ukiorpassuarni Nunarput sinnerlugu unammisartuunermini arlaleriarluni nunarsuaq tamakkerlugu pissartaasarsimavoq. Aallakaatitassiortoq: Uju Petersen

Stine Egede timersortartutoqaavoq, 80-ikkut ingerlaneranni arsarneq arsaannerlu aallunnikuullugit. Aallakaatitassiortoq: Uju Petersen

Akara Skifte inuusuttuulluni timersuutit assigiinngitsut aallutarivai, sisorarnerli annerusumik sammisarisimallugu. Aaqqissuisoq: Uju Petersen

Akutaaneq Kreutzmann meraalluni timersuutinik assigiinngitsunik misilittaasimavoq. Arsarneq toqqarsimavaa misigisimasimagami timersuummi tassani periarfissaqarnerulluni. Akutaaneq inuusuttuaraallunili qallunaat nunaannut nuuppoq, ukiullu 14-it tassani najugaqareerluni ukiup affaa kingulleq japanimi ligami unammeqataasalerluni. Aallakaatitassiortoq: Uju Petersen

Hans Peter Poulsen meeraallunili timersuutinik assigiinngitsunik aallutaqalersimavoq, annerusumilli arsarneq aallutarisimallugu. Inuusuttuullunili nunanut allanut unammisartutut arsaqataasarnikuuvoq angutinilu siullersaallutik 2001-imi VM-imi peqataasut ilagalugit. Aallakaatitassiortoq: Uju Petersen

Pavia Tobiassen meeraalluni timersuutit assigiinngitsut sammisarinikuusimavai. Inuusuttuarannguullunilu nukkanilu marluullutik Nuussuup Mannguani sisoraatinik arpannermik aallutaqalersimapput. Ukiullu ingerlanerini inuusoqatiminik peqateqarluni qajartornermik ingerlataqalerluni, kingusinnerusukkullu peqatigiiffilerineq aamma ingerlatilerlugu. Aallakaatitassiortoq: Uju Petersen

Claus Nielsen Qaqortumi peroriartorsimavoq meeraallunili timersuutinik assigiinngitsunik nuannarisaqartuusimavoq, inuusuttunngoramilu arsaalluni arsarlunilu nunatsinni pissartanngorniunnerni peqatasaasarsimalluni. Suli inuusuttuulluni sungiusaasutut atuutilerami nammineq timersortarnini tunulliutilersimavaa. Kilaasi Arctic Winther Games-imi suleqataasarnermigut aamma ilisarisimaneqarlualerpoq. Aallakaatitassiortoq: Uju Petersen

Valdemar Geisler inuusuttuulluni timersuutit assigiinngitsut aallutarivai, sulilu ulloq manna tikillugu timimi aalatinnissaa pingaartillugu, taamatullu nunap timaaniinissani nuannarisuullugu. Aallakaatitassiortoq: Uju Petersen

Knud Fleischer meeraallunili arsaanneq nuannarisuusimavaa. Inuusuttuaraallunilu arsaannermik unamminerni issiasuutitaasarnini nikalluutiginagu qallunaat nunaannut pigami sungiusaasutut ilinniarsimanini Nunatsinnut uterami atorluarsimavaa, tassami sungiusagai pissartanngortarput taamatullu issittormiut unammiuaartarnerini aamma pikkorilluinnartunut sungiusaasunngorsimalluni. Aallakaatitassiortoq: Uju Petersen

Ukioq manna naggataarutaagallartumik timersorneq inuunerma ilaani oqaluasaartipparput Kalaallit Nunaata Radioani pisortaaneq Karl Henrik Simonsen, taanna aamma timersornermik aallutaqarnikuuvoq, annerusumik sisorarneq taamatullu arsarnermik aallutaqarsimalluni. Aallakaatitassiortoq: Uju Petersen

Maliinannguaq Marcussen Mølgaard qullissani inunngorpoq. Maliinannguup angajoqqaavi aamma timersortartuunikuusimapput isikkamik arsaattartuusimallutik. Ukiut 25-it matumuuna siornatigut Maliinannguaq isikkamik arsaalluni nunatsinni arnani pissartanngoqataasimavoq, taamatullu arnani siullersaalluni GBU-mi siulersuisuni ilaasortaasimalluni. Aaqqissuisoq: Uju Petersen

Piitannguaq Tittussen Kromann aqqusinikkut isorartuumik arpattartuunikuuvoq. Nunarpullu sinnerlugu Island Gamesimi Savalimmiuni pisumi kalaallit peqataaqqaasut siulliit ilagalugit. Piitannguup Nunatsinni isorartuumik arpatsitsisarnermi aaqqissuussinerit aallarneeqataaffigisimavai. Piitannguup aqqusinikkut arpattarnermi saniatigut aamma sisoraatinik oqilaniunneq aallutarisimavaa. Aallakaatitassiortoq: Uju Petersen

Finn Nielsen Uummannami inunngorsimasoq qulinik ukioqalernissani tikillugu arsaanneq aallutarisimavaa, taassumalu kingorna Sisimiunut nuukkamik timersuutit allat sammisarilersimallugit. Kalaallini siullersaalluni arsarluni VM-imi peqataanikuuvoq kingornalu arlaleriarluni peqataasarsimalluni. Finni timersornermik aallutaqanermini tamatigoortuuvoq. Aallakaatitassiortoq: Uju Petersen

Najattaaq Mathiassen inuusuttuulluni timersuutit assigiinngitsut aallutarisimavai, soorlu arsaanneq arsarnerlu. Uummannami Taekwondo aallartinneqarmat ilaasortaaffigilerpaa. Ilinniarnerminut atatillugu Nuummut pigami Taekwondo ingerlatiinnarsimavaa nunanullu allanut unammisartutut toqqagaasimalluni taamatullu VM-imi sisamariarluni peqataasimalluni. Aallakaatitassiortoq: Uju Petersen

Jens Kristian Berthelsen inuusuttuaranngulerluni Taekwondomik timersornermik aallartissimavoq, taassumalu saniatigut sangusaarutinik sisorartalersimalluni. Kingusinnerusukkut inersimasunngoreerluni nunatsinni sakkortunerpaamik taaneqarsinnaasumi isorartuumik sisoraatinik oqilaniuteqataasarsimalluni. Aallakaatitassiortoq: Uju Petersen

Paaviaaraq Heilmann meraallunili sisorarneq soqutigisarisimavaa, ujakkaarneq, sangusaarneq tinngallattaarnerlu. Annerusumik sangusaarneq aallutarisimavaa kinguaariinnullu ingerlateqqissimallugu. Aaqqissuisoq: Uju Petersen

Flemming Enequist silami timersortarnikuuvoq, kingusinnerusukkullu peqatigiiffilerineq aqqutigalugu timersuutinik assigiinngitsunik aaqqissueqataasarluni. Aallakaatitasiortoq: Uju Petersen

Andrea Sørensen meraallunili timersorneq aallutarisimavaa, pingaartumik sisoraatinik oqilaniunneq, inuunermilu ilaani sermersuaq aamma itivissimallugu. Aaqqissuisoq: Uju Petersen

Ulf Abrahamsen timersornerup iluani ilisarisimaneqarluartoq tamatigoortuusoq ilisaritillugu oqaluttuartipparput. Aallakaatitassiortoq: Uju Petersen

Kristoffer Ludvigsen Nuup Narsaani inunngorpoq. Kristoffer inuunermi tamangajaat arsaanneq aallutarisimavaa, taamatullu nunanut allanut unammisartutut toqqagaanikuulluni, ilaatigullu dommeritut aamma atuutilersimallini. Aallakaatitassiortoq: Uju Petersen.

Kim Godtfredsen Narsami inunngorpoq. Savaatilimmiullu ilisarnaatigaat oqilasuujullutik, taamaalillunilu 10 km-imi ajugaanera arpattartuuneranut aallarniisuulluni. Kimmi Spartami arpattartuunikuuvoq qallunaallu sinnerlugit peqataasarnikuunermini ajugaasarsimalluni. Nunatsinni isorartuumik arpannermik aaqqissuinermi pilersitseqataasimallunittaaq. Aallakaatitassiortoq: Uju Petersen

Simon Simonsen Nanortalimmi inunngorsimavoq, Qaqortumilu meraallunilu inuusuttuusimalluni. Timersuutit assigiinngitsut aallutarinuukai, taamatullu Nuummi ilinniartuunermi nalaani sisorartarlunilu tilluuttartuullatsiarsimalluni. Kingusinnerusukkut Siimuut arsaattartunut nunanut allanut unammisartunut sungiusaasuusimavoq. Aallakaatitassiortoq: Uju Petersen

Isak Nielsen Kleist Narsami inunngortoq meeraallunili timersornermik aallutaqalersimavoq. Qallunaat nunaanni ilinniagaqarnermi nalaani arsaanneq tilluunnerlu ingertarilersimavai kingornalu nunatsinnut uterami arsaannermik nunanut allanut unammisartunut sungiusaasunngorsimalluni. Aallakaatitassiiortoq: Uju Petersen

Pingasunik ukioqalernermi kingorna sisorarnermik soqutigisaqalersimasoq Kurt Tittusen oqaluttuartipparput. Kuua sisoraatinik oqilaniunnermik taamatullu sangusaarnermik aallutaqartarnikuusimavoq. Nunarsuarmi unammersuarnerni sangusaapiloornerni unammeqataasarsimavoq Odense skiklub tunuliaqutaralugu. Naak ukioqqortusereeraluarni maannamut suli sisorarnermik aallutaqarpoq. Aallakaatitassiortoq: Uju Petersen

1960-ikkunni timersorluni atlitikkertarsimasoq arsaattartuusimasorlu saniatigullu kattuffilerisarsimasoq Nathan Bilmann eqqaamasalikkersaartipparput. Aallakaatitassiortoq: Uju Petersen