Kimi er afar fámáll maður og gefur lítið fyrir viðtöl og fjölmiðlastúss en hann lætur verkin tala á kappaksturbrautinni. Hann átti farsælan feril í Formúlu 1, varð heimsmeistari með Ferrari 2007 og lagði síðan stýrið á hilluna 42ja ára gamall. Ferillinn, skrautleg ævintýri utan brautar og hringt í Braga Þórðar sem hefur tileinkað líf sitt Kimi Raikkonen.

Það fer ekki mörgum sögum af afrekum Grænlendinga á knattspyrnuvellinum. Íþróttin er þó sú vinsælasta í þessu risastóra en dreifbýla landi. Grænlenskt knattspyrnufólk þarf að mæta ófáum hindrunum til að iðka íþróttina, líkt og löng ferðalög og slæmar aðstæður. Í þessum þætti er fjallað um allt og ekkert tengt grænlenskri knattspyrnu og einnig hringt til Danmerkur í fyrrverandi leikmann Þróttar sem lék á móti grænlenska landsliðinu fyrir nokkrum árum síðan.

Íþróttin krulla eða curling á sér ríka sögu og er spiluð í fjölmörgum löndum um heim allan þótt það fari ekki mikið fyrir íþróttinni hér heima fyrir. Sumir sjá íþróttina í skoplegu ljósi, sérstaklega vegna sóparanna tveggja á svellinu, en óhætt er að segja að það er mun meira spunnið í krulluna en það.

Grikkir voru ekki líklegir til afreka á lokamóti Evrópumótsins 2004 og fáir gerðu ráð fyrir að þeir myndu komast upp úr erfiðum riðli. Þeir komu öllum á óvart og stóðu uppi sem sigurvegarar. Líklegast óvinsælustu minni spámenn knattspyrnusögunnar en þýski þjálfarinn Otto Rehhagel gaf ekki mikið fyrir þær gagnrýnisraddir.

Saga Jamaíku í þessari stórbrotnu íþrótt er afar merkileg, þó að verðlaunagripirnir hafa ekki verið margir þá hafa litlu sigrarnir verið ófáir. Ævintýraleg vegferð Jamaíkumanna á vetrarólympíuleikana í Calgary 1988 vakti meðal annars áhuga framleiðanda í Hollywood og endaði með því að kvikmyndin Cool Runnings var frumsýnd fimm árum síðar.

Lífshlaup knattspyrnumarkvarðarins Mark Bosnich hefur verið stormasamt. Hann var tvívegis fenginn til Manchester United, dæmdur í langt bann vegna eiturlyfjanotkunar og átti skrautlega endurkomu í boltann.