حبينا نعمل مجموعة مقتطفات من حلقة الموسمين بنتمنى تعجبكم مش رح نطول عليكم كتير ورح نرجع بموسم جديد، بس من هون لوقتها خليكم معنا 

جسمنا عبارة عن شبكة كبيرة من المواد الكيميائية و الهرمونات اللي بتتغير بشكل دائم و خلال مراحل الحياة المختلفة، كيف جسم الانثى بالتحديد بمر بهاي التغيرات و شو ممكن ينعمل من جانب تغذوي لتقليل التأثيرات و اكتر من هيك بكتير رح يكون ضمن حلقتنا.

مناسبة اسبوع الرضاعة الطبيعية و اللي ماخذ السنة ٢٠٢٣ سمة 'دعم الأمهات العاملات' حلقتنا اليوم بتناقش هاد الجانب، كيف ممكن فعلاً يكون النا دور بدعم الأمهات المرضعات و ليش ضروري يكون النا هاد الدور

معقول يكون للمشاهير دور في زيادة نسبة الحساسيات مثل حساسية الحليب (اللاكتوز) و حساسية الغلوتين؟  بهالحلقة رح نعرف أكتر عن هذه الحساسيات, ليه زاد انتشارها, الفرق بين التشخيص الطبي و التشخيص الذاتي؟ و اكيد رح نحكي عن دور التغذية بهاي الحالات

المزاج و التغذية بينهم روابط كتيرة منها مباشرة و منها معقدة، شو هي هاي الروابط، و كيف بتأثروا ببعض و شو بنقدر نعمل لحتى نحسنهم، هاد موضوع حلقتنا لليوم.

شو التغييرات اللي بتصير بالجسم اذا صار عنا 6 packs؟ شو معقول نخسر لما منخسر الدهون بالجسم؟  تابعونا بهاي الحلقه عشان تعرفوا اكتر عن هذه التأثيرات من ناحية تغذويه و رياضية. خصوصاً انه رح يكون معنا ضيف مميز متخصص في مجال الرياضه و اللياقة البدنية ضيفا هو: المدرب محمود الريان و هو مُدرب معتمد للمُدربين و متخصص بالتعامل مع تأهيل الاصابات الرياضية و زيادة اللياقة البدنية

لأنظمة النباتية صارت خيار لكتير من الأشخاص بالعالم لأسباب مختلفة. بهاي الحلقة بنحكي شو هي الأنظمة النباتية، شو فوائدها الصحية و البيئية، و كيف ممكن تكون جزء من نظامنا الغذائي.

الحلقة الأولى من هاد الموسم بتحكي عن مفهوم الجوع الخفي اللي للأسف صارت حالاته تزيد بشكل كبير، بالحلقة بنحكي شو تعريفه، اكثر انواعه انتشاراً و تبعاته الصحية و الاقتصادية و طبعاً كالعادة شو ممكن نعمل لنحل هاي المشكلة.