Flip Loots praat met dr. Gustav Gous oor hoe om jou dag só te beplan dat jy minder tyd mors.

Flip Loots praat met dr. Gustav Gous oor wat ‘n mens se nalatenskap is, en hoe jy kan verseker dat dit goed is.

Flip Loots praat met dr. Gustav Gous oor die uitwerking van gebroke verhoudings in mense se lewe, en of jy dit kan herstel.

Flip Loots praat met dr. Gustav Gous oor die groot en klein teleurstellings in die lewe, en hoe om dit te hanteer.

Flip Loots praat met dr. Gustav Gous oor hoe jy die beste weergawe van jouself kan bereik, en uitstyg bo gemiddeldheid.

Flip Loots praat met dr. Gustav Gous oor die proses wat mense kan volg wanneer dinge om hulle verkeerd loop, en hule dit wil regmaak.

In Fiks vir die Lewe net na die seweuur nuusflitse, gesels Flip Loots met dr. Gustav Gous oor mense wat worstel met hulle selfbeeld en dikwels dink dat hulle vir niks en niemand goed genoeg is nie.

Flip Loots praat met dr. Gustav Gous oor wat mense kan doen om uit die put van moedeloosheid en sinloosheid op te opstaan.

Flip Loots praat met dr. Gustav Gous oor hoe jy jou humeur kan terugkry nadat jy dit verloor het. Waarom word sommige mense onbeheersd kwaad? Hoe kan ek humeur beteuel?

Flip Loots praat met dr. Gustav Gous oor hoe om op te staan wanneer dit lyk of alles om jou inmekaar tuimel en jou planne nie uitwerk nie. Wat veroorsaak sulke krississe? Watter emosionele uitwerking het terugslae op ’n mens?

Flip Loots praat met dr. Gustav Gous oor egskeiding met sy vernietegende kant, en of dit moontlik is vir twee mense om op ‘n vriendelike manier uitmekaar te gaan. Is egskeiding die enigste opsie?

Anneli van Rooyen sing: “My eerste liefde… Met sy donker hare en sy donker oë het hy my knieë lam getoor…” Ja nee, kyk, wie sal daardie eerste liefde se opwinding kan vergeet? Of gebeur dit tog dat dit vergeet word, dat daar ‘n afsydigheid in ‘n huwelik kom, dat ‘n eens verliefde paartjie uitmekaar dryf? Hoe blaas ek nuwe lewe in so ‘n liefdesverhouding?

Flip Loots praat met dr. Gustav Gous oor hoe om die skielike afsterwe van ‘n geliefde te verwerk. Hoe lank moet ek rou? Wat maak ek met skuldgevoelens as ek dink ek kon die afsterwe verhoed het?

Daar is mense wat sê dat hulle nie gemaak is vir liefdesverhoudings nie, want niks werk uit nie. Bestaan daar sulke mense? Hoe bou jy aan ‘n gesonde liefdesverhouding?

Mense sê deesdae maklik: “Ek is lewensmoeg en sien vir niks meer kans nie. Ek het nie meer energie vir die lewe nie.” Hoe gemaak om weer energie te kry vir die eise van elke dag?

Ons wil graag iemand glo, maar staan dikwels verleë ons agtergekom dat hulle ‘n leuen vertel of gelewe het. Hoe onderskei ons tussen waarheid en leuen?

Volgens statistiek het tienerselfdood die afgelope twee jaar drasties toegeneem. Wat veroorsaak dit? Kan dit gekeer word?

Die eise van die lewe is soms van so ‘n aard dat mense nie meer kans sien daarvoor nie. Hoe kan ek aanhou en uithou, kom wat wil?

Navorsing wys dat babas ongeveer 400 keer per dag lag, terwyl mense ouer as 35 net 15 keer lag. Hoe belangrik is lag en humor om ‘n mens se lewenskwaliteit te verhoog?

Om ‘n verhouding te beïndig, is nie maklik nie. Daar is dikwels pyn, verwyte en beskuldigings. Hoe kan ek ‘n verhouding positief beeïndig?

Hoe onderskei ek tussen die regte of verkeerde besluit of optrede of woorde in bepaalde omstandighede?

Mense voel soms soos vloerlappe wanneer ander oor hulle loop. Hoe kan ek my man staan wanneer ander my misbruik, beledig en ignoreer?

Christene bely dat Jesus Christus opgevaar het na die hemel. Tog is daar diegene wat glo dat Hy vandag oral met ons is en ons bystaan in alles. Hoe bring ons dié twee dinge bymekaar?

Paasondag is vir Christene wêreldwyd van baie groot belang, want toe – volgens die Bybelse getuienis – het Jesus uit die dood opgestaan. Het dit regtig gebeur, en watter betekenis het Jesus se opstanding vir die mense van vandag?

Baie mense het ‘n negatiewe uitkyk op die lewe, en sê dat die lewe erg swaar en hard is, dat hulle moeg is daarvoor om min geld te hê, en nie die onsekerheid kan verduur van werkloosheid nie. Hoe kan ‘n mens jou ingesteldheid teenoor die lewe verander – indien enigsins?

Dit is byna met die klap van ‘n vinger dat Covid en die gepaardgaande gesondheidsdomstandighede, asook verlies aan werk en inkomste, ‘n kombers van onsekerheid oor baie mense gegooi het. Hoe hanteer ek dit?

Martin Luther King het gesê “Kom ons lewe saam in vrede en liefde in 'n geliefde land.” Ongelukkig lyk dit nie na die geval in Suid-Afrika nie: 'n verdagte wat as hom 'n pastoor voordoen via Facebook, verkrag sy slagoffers; twee jong kinders is raakgeskiet tydens 'n plaasaanval in Limpopo; 'n 22-jarige vrou vermoor haar kêrel en steek sy lyk onder die bed weg. Hoe kan ons hier in Suid-Afrika in liefde en vrede saamleef?

Volgens die Suid-Afrikaanse Polisie het geslagsgebaseerde geweld toegeneem tydens die Covid-19-inperkings. Daarby sê president Ramphosa dat dit nie so kan aangaan nie, en het hy 'n beroep op Suid-Afrikaners gedoen om die kultuur van stilte rakende geslagsgebaseerde geweld in die land hok te slaan.

Die dood van die Amerikaner, George Floyd, het wêreldwye betogings tot gevolg gehad. Met dit in gedagte, sowel as die dood van mense op plase, tydens inbrake, in bendekruisvuur, met huisgeweld, sterftes te wyte aan die Covid-19-virus, laat dit die vraag ontstaan - wat is die waarde van 'n lewe?

Daar is mense wat die Covid-19-virus die virus van onsekerheid noem. Miskien omdat niemand weet wanneer dit gaan uitwoed nie. En juis daarom is mense al hoe meer onseker oor wat die toekoms vir hulle inhou: hoe gaan hulle werksgeleenthede daar uitsien, hulle finansies, die skoolsituasie, die politiek, die kerk?

Die afgelope paar dae was dit voorbladnuus: die meningsverskil tussen die akademikus, prof. Glenda Gray van die Mediese Navorsingsraad, en die Minister van Gesondheid, dr. Zweli Mkhize, oor sekere maatreëls wat in die grendeltyd geld. Hoe hanteer jy sulke verskille?

Daar is toenemende ongeduld by baie Suid-Afrikaners oor die Covid-19-inperkings en -voorskrifte. Sommige meen dat hulle menseregte geskend word, terwyl ander nie sin kan maak van baie van die voorskrifte nie. Humeure begin opvlam. Hoe kan jy steeds kalm bly in hierdie omstandighede?

Vir baie mense lyk die huidige omstandighede met Covid-19, donker en uitsigloos, vol storms en woestyne - die grendeltyd maak dinge moelik; ek word voorgesê hoe om te lewe; my werk en verhoudingslewe is in gedrang; my geld droog op en ek weet nie meer verder nie. Hoe nou gemaak?

Die marknavorsingsmaatskappy, Ipsos, se jongste navorsing wys dat vier uit elke tien mense nie meer vertroue in die Suid-Afrikaanse regering het wat hul hantering van die Covid-19 pandemie betref nie. Wat veroorsaak dat vertroue kan omsit in wantroue, en hoe kan dit herstel word?

Volgens die jongste inligting van die Raad vir Geesteswetenskaplike Navorsing oor gevolge van die inperking, het een uit elke vier Suid-Afrikaners nie geld vir kos nie, raak baie gesinne alhoemeer afhanklik van kospakkies om te oorleef, sukkel 63% om hulle rekeninge te betaal, terwyl kleiner besighede hulle deure toemaak en personeel afdank. Dalk genoeg rede vir baie mense se emosionele moegheid, onsekerheid en depressie?

Die Amerikaanse filosoof-skrywer en motiveringspreker, Guy Finley, sê dat niks in die wêreld jou kan keer om iets te los en weer oor te begin nie. Iets van hierdie “oorbegin” loer op die horison na Suid-Afrikaners wanneer die inperkingsmaatreëls opgehef word. Hoe gaan ek weer die stukke vorentoe optel?

Die Griekse wysgeer, Aristoteles, het gesê: “Die dood is die verskriklikste van alle dinge want dit is die einde.” En nou met die Corona-virus in omloop, is dit die een oorheersende ding waarvoor almal bang is. Hoe moet ons daaroor dink en die dood hanteer?

Iemand sê dat stres een van die mees selfvernietigende verskynsels van ons tyd is. En noudat die Corona-virus die hele wêreld in sy greep het, ervaar baie Suid-Afrikaners erge stres. Hoe hanteer ons dit?

Met die Corona-virus om ons, het ons wêreld klein en ingeperk geword - in baie gevalle die paar vierkante meters van ons huise. Hoe beïnvloed dit gesinne se verhoudings met mekaar: goed of sleg?

Dat die Corona-virus groot ontwrigting bring vir almal, is seker. Drie weke se inperking bring ernstige aanpassings en besluitnemings mee. Benewens die gesondheidsaspek, vrees mense dat hulle werk en besighede in die gedrang is. Hoe sal ek oorleeef? Moet ek moedeloos of optimisties wees?

Die Corona-virus het nou ook Suid-Afrika getref met wydverspreide gevolge. Skole het gesluit, kerke met meer as 100 lidmate gaan sukkel om dienste te hou, en winkels word leeggekoop aan ontsmettingsmiddels en ander voorraad. Te midde van kommer en onsekerheid, is die vraag: hoe kan gewone mense hierdie situasie hanteer?

Moenie mense blameer omdat hulle jou teleurgestel het nie, blameer jouself omdat jy te veel van hulle verwag het. Is dit so eenvoudig? Hoe gemaak met al die teleurstellings?

“Die lewe is nie onregverdig nie, daar is net 'n klompie onregverdige mense in die lewe,” sê 'n Amerikaanse sportster. En tog ervaar baie mense dit anders - so asof die lewe en omstandighede hulle onregverdig teiken deurdat dinge anders uitwerk as waarvooer hulle hoop.

Dit klink soms asof 'n gevoel van lamheid mense beetpak wanneer oor die toekoms gepraat word: Hoekom moet ek hard leer vir goeie punte op skool as daar nie vir my werk is nie? Wat sal ek doen as my man of my vrou my los? Hoe lank sal ek nog leef met hierdie chroniese siekte? Dit lyk asof baie mense net bestaan, en nie meer leef nie weens die vrese vir die toekoms.

Al hoe meer mense oorweeg dit om Suid-Afrika te verlaat. Die verlies aan werk, moorde, korrupsie en moedeloosheid oor die toekoms, veroorsaak 'n gevoel van nutteloosheid. Watter bydrae kan ek nog lewer in sulke omstandighede?

Volgens die jongste statistiek is meer as 10-miljoen mense in Suid-Afrika werkloos. Dit veroorsaak groot armoede onder alle bevolkingsgroepe, en mense moet raap en skraap om aan die lewe te bly. Hoe kan iemand uit daardie skynbaar bodemlose put kom?

Valentynsdag is om die draai, en oral sien jy hartjies, rose en angeliere om te sê: ek het lief! Maar waarom die intense pyn as daardie verhouding verbrokkel? Hoekom die seer wanneer ek en my kinders nie meer oor die weg kom nie? Waarom die ontsteltenis as 'n vriendskap of huwelik of familiebande aan skerwe spat? Daar was dan eens soveel liefde! Hoekom maak liefde soms so seer?

Die een feit van die lewe is dat niks dieselfde bly nie: ek word ouer, verander van werk, allles word duurder, getroudes kry kinders, die politieke toneel is gedurig aan die verander. Hoe hanteer ek al hierdie veranderinge?

Miskien het dinge die afgelope tyd nie uitgewerk soos jy dit wou hê nie - jy is skaars die nuwejaar in of jy verloor jou werk, jou huweliksmaat los jou vir iemand anders, jy hoor slegte nuus oor jou gesondheid, jy en jou kinders verloor mekaar langs pad, of die kontrakte wat geld moes inbring, word gekanselleer. Hoe tel ek die stukke op en begin weer voor?

Die afgelope week is daar met skok kennis geneem van 'n seun wat saam met sy vriendin en 'n vriend, na bewering sy ouers met 'n gholfstok en mes aangeval het. Daar was selfs in die nabye verlede ouers wat uit moedswilligheid hulle kinders vermoor het. Waarom loop dinge so skeef tussen ouers en kinders?

Kullery is aan die orde van die dag. As dit nie die Zondo-kommissie is wat ondersoek daarna doen nie, is daar kullery met eksamenvraestelle, mense wat uit hulle geld geswendel word, kullery op die sportveld, en so kan jy aangaan. Hoe gaan ek die verkullers hierdie jaar herken en teenoor hulle ooptree?

Dis die tyd van die jaar waarin daar baie nuwejaarsvoornemens gemaak word, maar so min daarvan gebeur ooit. Hoe kan almal die nuwejaar takel met 'n plan wat nie langs pad faal nie?

Die einde van nog 'n jaar het bykans aangebreek. Wanneer jy terugkyk na die hoogte- en laagtepunte van die jaar voel baie mense soos mislukkings. “Ek het alweer 'n gemors van alles gemaak,” sê hulle. Hoe nou gemaak met my lewe?

Nog 'n Kersfees lê voor, en wêreldwyd maak mense hulleself gereed om dit te vier. Maar het Kersfees met sy liggies, geskenke en lekker eet, nog dieselfde aantrekkingskrag as jare gelede, of is dit besig om sy glans te verloor?

Op 16 Desember vier ons Versoeningsdag, vroeër Geloftedag genoem gedagtig aan die gelofte wat 'n klompie Voortrekkers jare gelede by Bloedrivier afgelê het. Dit laat 'n mens wonder oor geloftes en beloftes wat vandag nog gemaak word, maar dikwels verbreek word.

Elkeen van ons het planne vir die huwelik, sport, ons studies, of om geld te maak, maar so baie van daardie planne verdwyn in die niet, word opgeskeur of afgepraat. Wat nou gemaak? Hoe kan ek kreatief uit die ashoop nuwe vlamme blaas en ander planne maak? Is dit moontlik?

Vriende kan jou maak of breek. Hulle inspireer en hef jou op, óf hulle trek jou af om saam met hulle verkeerde dinge te doen en te sê. Hoe kan ek myself omring met opbouende, eerder as afbrekende geselskap?

Die spreekwoord praat van iemand op moedverloor se vlakte, iemand wat geen hoop meer sien in 'n bepaalde omstandigheid nie. Diesulkes kry jy elke dag om jou - dalk is jy een. Is dit die einde, of kan ek tog aanhou, en indien wel: hoe?

Die meeste mense in Suid-Afrika sê dat hulle aan die een of ander kerkgenootskap behoort. Tog hoor en lees jy dikwels van mense wat ontevrede is met wat 'n sekere kerk doen of in hulle vergaderings besluit. Dit laat die vraag ontstaan of die kerk nog 'n stem het in die 21e eeu?

Boelies by die skool, motoronderonsies, die woedende gebruik van die H- en K-woorde, ouers wat mekaar en kinders mishandel - dit spel net twee woorde: onbeheersde agressie. Hoe kan ek uit hierdie spiraal loskom?

Wen of verloor is deel van die lewe. Almal wil egter wen, en niemand wil verloor nie. Hoe hanteer ek hierdie twee groot werklikhede op die sportveld, by die werk, op skool of in my verhoudings?

In 'n 2005 Gallup-meningspeiling is mense gevra wat hulle die meeste vrees. Die topantwoorde was terroriste-aanvalle, spinnekoppe, die dood, mislukking, oorlog, misdaad- of bendegeweld, eensaamheid, die toekoms en kernoorloë. Hoe moet ek my vrese hanteer?

Geweld teen vroue en kinders is 'n kommerwekkende probleem in die Suid-Afrikaanse samelewing. Maar wat van seksuele geweld, boelies op skool, emosionele geweld en teistering. Hoe hanteer ek dit wanneer dit my persoonlik raak?

Vreemdelingehaat het onlangs weer begin oorkook. Vragmotors is aan die brand gesteek, winkels is afgebreek en immigrante uit Afrikalande (wettig en onwettig) vrees vir hulle lewe. Het vreemdelinge enige plek in 'n land, of is mens beter af sonder hulle?

Deur 'n besluit van die Konstitusionele Hof, is lyfstraf vir kinders nou taboe. Hoe nou gemaak om my kind te dissiplineer? Is die hofuitspraak in stryd met die Bybel?

Daar word gesê dat rusiemaak nie kommunikasie is nie, maar geraas. Of dit waar is of nie, rusies kom daagliks voor in mense se lewe. Sommiges daarvan word gou ontlont, terwyl ander lelike afmetings aanneem. Hoe moet ek optree wanneer daar rusie gemaak word?

Dit was hierdie week gedurig in die nuus: die moord in Christchurch, Nieu-Seeland, van 50 mense by die Al Noor Moskee. Skaars het ons die nuus kon verwerk, of daar is 'n skietery op 'n trem in Utrecht, Nederland, waar drie mense vermoor en verskeie ander beseer is. Om nie eens te praat van die verskeie hofsake in Suid-Afrika waar mense tereg staan op aanklagte van moord nie. Waarom vermoor mense ander?

'n Luisteraar skryf: “Na 12 jaar jaar in die onderwys beleef ek 'n loopbaankrisis. Die behandeling van onderwysers deur ouers, leerders, die onderwysdepartement, beheerliggame, bestuurspanne, ens. maak dat ek moed verloor.” En met mense wat hulle werke verloor, asook die probleem om toepaslike werk vir jou kwalifikasie te kry, raak dit vir baie mense inderdaad 'n loopbaankrisis.

Daar is 'n Arabiese spreekwoord wat lui: “Die huwelik is soos 'n beleërde vesting; die wat daar buite is, stry met alle mag om in te kom, en die wat daarbinne is, probeer vir al wat hulle werd is, om daaruit te kom.” Jy mag dalk lag oor hierdie stelling, maar sit daar nie miskien tog 'n greintjie waarheid in nie, veral as gekyk word na die hoë egskeidingsyfer in Suid-Afrika?

Vir watter party moet ek in die komende verkiesing stem? Hoe lank nog voord ek dalk my werk verloor? Watter toekoms is daar vir my? Hoe moet ek maak as my finansies nie klop nie? Hoe hanteer ek onsekerheid?

“As jakkals passie preek, moet die boer sy ganse oppas.” Dit beteken dat jy versigtig moet wees vir 'n skelm se vroom praatjies. Waarom wil sommiges ander verneuk, uitbuit en sommer net deur skelmstreke benadeel? Dink maar aan sportmanne en -vroue wat kul, en bemarkers wat ouer mense deur skelmstreke geld laat verloor.

Die Ierse digter en skrywer, Oscar Wilde, het gesê: "Ons almal lê in die sloot, maar net sommiges sien die sterre raak," om hiermee te waarsku teen pessimisme. En as iemand vra: "Hoe gaan dit?" is die antwooord dikwels: "Nie te vrotterig nie, dankie." Hoe goed of sleg is pessimisme vir jou, en hoe hanteer 'n mens dit?

Die land is onlangs geskok toe 'n deel van die loopbrug by die Hoërskool Driehoek ineengestort en op leerlinge geval het. Vier is dood en baie ernstig beseer. Hoe hanteer 'n mens iets soos hierdie onverwagte ramp? Watter invloed het dit op mense?

Dikwels hoor jy: “Jy kan kan nie 'n woord glo wat hy/sy sê nie” - bedoelende dat wat gesê en gedoen word twee verskillende dinge is. Veral met die komende verkiesing en die bekendmaking van partye se kandidate, wonder mense oor hulle geloofwaardigheid. So word baie (veral ouer) mense mislei om in kwansuis “geloofwaardige” projekte hulle geld te belê, net om later uit te vind hulle is bedrieg. Hoe weet ek wanneer iemand of iets geloofwaardig is?

Navorsing wys dat 90% van kinders teen die ouderdom van vier jaar reeds die konsep van leuens verstaan, terwyl 60% van volwassenes nie 'n tienminuut-lange gesprek kan voer sonder om minstens een keer 'n leuen te vertel nie. Die vraag is nou: hoe onderskei 'n mens tussen waarheid en leuens?

Wie ken nie die gevoel van 'n maag wat op 'n knop trek oor bekommernis en vrese vir die dag van môre nie? Hoe hanteer ek dit wanneer 'n hele nuwe jaar voorlê?

Phil Loots en dr. Gustav Gous kyk na watter goeie dinge ek aan ander kan doen in die nuwe jaar.

Mense neem soms ondeurdagte besluite, wat verseker dat hulle 'n mislukking sal maak. Phil Loots en dr. Gustav Gous praat oor hierdie besluite wat jou lewe kan verwoes.

Caroline Kennedy, die enigste oorlewende dogter van wyle president John F. Kennedy van die VSA, het gesê: “Wanneer jy die regte besluit neem, maak dit nie regtig saak wat ander daarvan dink nie.” Dit is dalk makliker gesê as gedaan, want dit is juis die probleem: hoe om daardie regte besluit geneem te kr

Iemand het eenkeer opgemerk: “By die huis roes alles, behalwe die liefde.” Is dit waar, of het gesinne van die 21ste eeu al so begin uitrafel dat daar nie eens meer roes oor is nie? In baie gevalle lyk dit of gesinslede nog saam bestaan, maar vergeet het hoe om saam te lewe. Is daar hulp?

Die spreekwoord lui: “Die lewe is nie net rosegeur en maanskyn nie.” Daar kom oomblikke in die lewe waar dit voel of jy nie meer verder kan nie, waar jy voel dat die lewe aan jou swak kaarte uitgedeel het en oomblikke waar jy as't ware platgeslaan op die vloer lê. Hoe nou gemaak? Is daar hoop?

Jy hoor so dikwels iemand sê: “In my dae was dinge baie anders,” om te beklemtoon dat veranderinge aan die orde van die dag is. Vir baie mense is veranderinge, buite en binne hulle, 'n bedreiging. Hoe goed of sleg is verandering, en hoe kan ek dit hanteer?

Jy lees dit in koerante en hoor daarvan in hofsake: teistering van een geslag deur 'n ander, by die werkplek, waar daar gekuier word en selfs in huise. Wanneer is dit teistering, en hoe kan ek dit hanteer?

Daar is twee dinge wat enige verhouding kan vernietig: onrealistiese verwagtings en swak kommunikasie. En as ons dink aan wat die bekende skrywer, George Bernard Shaw, gesê het: “Die grootste probleem met kommunikasie is die illusie dat dit plaasgevind het,” lyk dit asof mense probleme het om te kommunikeer.

Hoeveel mense sit dikwels met hulle hande in die hare oor verkeerde of swak besluite wat hulle geneem het. Hoe kan ek verseker dat ek die regte, goeie besluite neem in alle omstandighede… en is dit moontlik?

Daar word soms gepraat van naby-dood ervarings waar mens as't ware die dood met haarbreedtes ontsnap het. Hoe hanteer jy sulke situasies, en is dit 'n tweede kans wat vir jou gegee word?

'n Mens se emosies kan soms moeilik beheer word, veral by 'n afsterwe, of wanneer jy onregverdig van iets beskuldig word, of wanneer onverskillige motoriste jou bloeddruk laat styg. Dr. Gustav Gous verduidelik hoe jy jou emosies kan beheer.

Hoe maklik of moeilik is dit om iemand te vertrou? En wat maak jy as daardie een iets wat jy in vertroue aan hom of haar gesê het, aan ander oordra?

Mense kan so maklik in die hitte van die oomblik harde woorde vir mekaar sê en verhoudinge groot skade berokken. Hoe herstel jy sulke brûe wat afgebrand het?

Hoe berei ek myself voor vir die aanslae van die lewe?

Die voormalige Amerikaaanse president, Ronald Reagan, het gesê: “Vrede is nie die afwesigheid van konflik nie, maar die vermoë om konflik op vredevolle maniere te hanteer.” Mooi woorde, maar werk dit altyd so in die praktyk? Hoe kan ek die konflik en spanning in my alledaagse verhoudings hanteer?

Die wyse Salomo het gesê: " 'n Verwagting wat nie uitkom nie, maak 'n mens mismoedig; 'n begeerte wat vervul word, bring nuwe lewe." Hy het ook gesê: “Die bloedsuier het twee dogters: hulle is 'Gee!' en 'Gee!'” Die vraag is: hoe kan my verwagtinge waar word? Kan ek maar gaan vat wat ek wil hê, al is dit nie myne nie?

Trou is nie perdekoop nie, lui die spreekwoord, miskien om daarmee op 'n minder ernstige noot te verwys na die aanpassings in 'n huwelik. Die meer ernstige vraag is: hoe hou ek my huwelik gelukkig?

Die spreekwoord lui: Van 'n donkie kan jy 'n skop verwag. Dit beteken: Van 'n onbeskofte persoon kan jy slegte behandeling verwag. Hoe tree jy op teenoor mense wat onbeskof, nukkerig en selfs ongemanierd is, mense met 'n krapperige persoonlikheid?

Iemand het eenmaal gesê: “My perfekte dag is om bed-toe te gaan met 'n droom en met 'n doel wakker te word.” Ongelukkig is daar so baie mense wat nie kan slaap nie en moeg opstaan, omdat hulle doelloos voel en vra wat hulle doel op aarde is.

Die een ding wat 'n mens letterlik lam kan maak, is bekommernis. In 'n tyd van politieke onsekerheid, finansiële spanning, gesinsgeweld en selfs godsdienstige worstelinge, is die vraag: hoe hanteer ek my bekommernisse?

Om ander af te kraak, is dikwels heel makliker as om iemand se beeld te bou met jou woorde en gedrag. Hoe kan ons mekaar “op praat” en ander meer positief oor hulleself laat voel?

Iemand het eenkeer opgemerk: “Mense wat vinnig is om ander af te kraak, het dalk self 'n kraak in die hart,” terwyl iemand anders sê: “Wonde laat littekens op die liggaam, maar woorde laat littekens op die siel.” Hoe baie van hierdie littekens word nie veroorsaak deur mense wat mekaar afkraak nie? Phil Loots en dr. Gustav Gous praat oor verbale mishandeling.

Die lewe is vol teleurstellings: ek kom nie my skooljaar deur nie; ek word nie toegelaat tot die universiteit nie; ek kry nie die werk waarvoor ek aansoek doen nie; my gunsteling sportspan verloor; my man of vrou wil my los, 'n dierbare van my word nie gesond nie… so kan ek aangaan. Hoe verwerk 'n mens sulke teleurstellings?

Sosiale media soos Facebook, Whatsapp, Instagram en Twitter het gekom om te bly, en kommunikasie te bevorder. Ongelukkig word dit soms gebruik vir selfsugtige doeleindes, onder andere deur bekendes. Hoe kan ek die sosiale media verantwoordelik hanteer?

“Wanneer niks seker is nie, is enigiets moontlik,” het Margaret Drabble, bekroonde Engelse skrywer en kritikus, gesê - bedoelende dat onsekerheid nie noodwendig 'n slegte ding is nie, maar eerder 'n uitdaging is om aan te pak. Tog is dit vir baie mense nie so maklik nie, en vreet onsekerheid hulle op. Hoe nou gemaak met onsekerheid?

Elke jaar in Januarie hoor jy mense sê: my nuwejaarsvoornemens is opgestel, hierdie jaar gaan alles anders wees! Maar skaars is Januarie verby, of van die voornemens bly in die slag. Hoe beplan ek sinvol en nuut aan my lewe?

"Deur twee dinge is my lewe vir my leefbaar gemaak: die liefde wat ek gegee het, en die liefde wat ek gekry het.” Hierdie ontvangdeel van CJ Langenhoven se gesegde is maklik, maar hoe maklik of moeilik is dit om te gee... veral in die Kerstyd?

Met sy etniese verskeidenheid en elf verskillende tale, is Suid-Afrika 'n land van baie kulture. Die vraag is hoe om hierdie verskeidenheid van kulture bymekaar uit te bring. Is Versoeningsdag 'n goeie geleentheid daarvoor?

Tydens die feestyd wanneer families en geliefdes saam kuier, is daar baie wat alleen en eensaam is. Hoe kan daardie alleenheid, veral oor Kerstyd en die Nuwejaar, sinvol verwerk word?

“Tot die dood ons skei,” verklaar huwelikspaartjies hulle ewigdurende liefde aan mekaar. Tog beland so baie huwelike in die egskeidingshof. Hoe kan ons ons huwelike laat werk?

Dit gebeur dikwels dat mense in leierskap- en magsposisies daardie mag misbruik word vir eie gewin, korrupsie en selfs geweld. Hoe behoort mag verantwoordelik hanteer te word?

Baie mense sien met verwagting uit na die testament van 'n afgestorwe dierbare, maar wat laat ek regtig na as ek die dag sterf?

Almal in Suid-Afrika praat oor versoening, maar word daar genoeg daaraan gedoen? Wat bevorder versoening en wat keer dit?

Daar word gesê dat elke mens doelgerig moet lewe. Maar hoe doen jy dit, en hoe weet elkeen wat sy of haar doel in die lewe is? En wat gebeur as ek nie by daardie doel uitkom nie?

Daar word soms verwys na iemand se dun nerfie, bedoelende dat so een vinnig kwaad word. Dan val daar dikwels ook harde woorde. Hoe kan ek my dun nerfies en skerp kante wegslyp?

Daar is baie dinge wat mense seermaak, nie net fisies nie, maar ook emosioneel. Hoe nodig is dit om heel te word hiervan, en hoe kry jy dit reg?

Wie bepaal wat die waardes in 'n samelewing is, en hoe belangrik is dit dat mense daarvolgens lewe?

Soms gebeur daar dinge in die lewe wat moeilik verstaanbaar is. 'n Egskeiding, moord, diefstal, dood. Dit is wanneer mense dit moeilik vind om sin uit omstandighede te skep.

Phil Loots en dr. Gustav Gous gee raad oor hoe om daaglikse probleem-situasies te hanteer.

Die wysgeer, Socrates, het gesê: “Wanneer daar veranderinge kom, lê die geheim daarin om nie al jou energie daarop te fokus om die oue te beveg of te behou nie, maar om op die nuwe te bou.” Maar is dit so maklik om veranderinge te hanteer? Phil Loots se gas is dr. Gustav Gous.

Daar is 'n ou Afrika-spreekwoord wat lui: “Die byl vergeet wat die boom nog altyd onthou,” bedoelende dat trauma nie sommer weggaan nie, maar diep kan seermaak. Iets hiervan het die mense in die Kaap met die onlangse storms, en veral Knysna met die brande, die afgelope tyd ondervind. Hoe kan daardie en ander emosionele trauma hanteer word? Phil Loots gesels met dr. Gustav Gous hieroor.

Dit sou dalk makliker gewees het indien daar geen verskille tussen mense en kerke óf selfs in die politiek was nie. In die werklike lewe is dit egter anders. Hoe kan al hierdie verskille met mekaar versoen word? Phil Loots gesels met dr. Gustav Gous hieroor.

Daar is mense wat sê dat hulle hul motivering verloor vir hul werk, huwelik, en selfs godsdiens. Die vraag is egter, hoe bly ek gemotiveerd? Phil Loots gesels met dr. Gustav Gous hieroor.

Albert Einstein het gesê dat mislukking sukses in aksie is. Maar hoe ervaar die meeste mense hulle mislukkings, en hoe keer jy 'n mislukte lewe om na 'n susesvolle lewe?

Iemand sê nou die dag: "Dis darem goed dat daar altyd 'n môre is. As 'n ding vandag nie uitwerk nie, kan jy more weer probeer." Maar is dit nie beter om so te beplan dat dinge wel môre uitwerk nie?

“Ek droom van 'n Afrika wat vrede het met homself,” was die droom van Nelson Mandela. So het elke mens een of ander droom, maar die harsteer is dat so baie van hierdie drome nooit waar word nie. Hoe kry ek hulle (of nuwes) terug?

Reg oor die wêreld vier lande hulle vryheid met spesiale geleenthede soos 'n Vryheidsdag. Wat beteken dit om vry te wees? Is mense regtig vry?

Daar is landswyd oproepe dat daar gebid moet word vir Suid-Afrika se politiek, ekonomie en onderlinge verhoudinge. Maar is bid genoeg? Moet daar nie ook gedoen word nie?

Soms bevind mense hulle in omstandighede wat soos 'n diep donker put voel. Hoe kom mens daar uit, en is daar hoop?

Pak die lewe positief en vol energie aan. Daar word gesels oor sake wat mens soms loodvoetig en moedeloos maak en hoe om dit te hanteer.

Vir baie mense is die lewe 'n gesukkel om kop bo water te hou. Phil Loots en dr. Gustav Gous gesels oor die vraag of daar lewe is voor sterwe.

Bewustelik of onbewustelik val baie mense vas in bepaalde gewoontes waaruit hulle dit moeilik vind om hulle los te woel. Hoe goed of sleg is gewoontes? Kan dit 'n mens maak of breek?

Dit is tradisie dat matrikulante na die eksamen see-toe verkas. Het ouers nog 'n sê oor wat daar alles by die see gebeur? Hoe ver strek die verhouding tussen ouers en kinders, en wanneer moet kinders “losgelaat” word?

In 'n pas afgelope hofsaak het die regter sy kommer uitgespreek oor die vlaag mishandelings en moorde op vroue en kinders in Suid-Afrika. Daarby is daar ook mans wat wreed aangerand word. Phil Loots en lewensafrigter dr. Gustav Gous praat oor geslagsmishandeling.

Vir baie is die lewe doelloos, en hulle weet nie wat mȏre en oormȏre op hulle wag nie. Hoe moontlik is dit om jou lewe te herbeplan met vaste doelwitte, en dan daarvolgens te lewe?

'n Mens wonder wie jy nog kan glo in 'n tyd waarin leuens aan die orde van die dag is op byna elke lewensterrein: die politiek, verhoudinge, godsdiens, sport – noem maar op. Waarom is mense geneig om te lieg, en hoe geregverdig is leuens, veral die sogenaamde wit leuentjies?

Daar word beweer dat kinders die ergste geraak word deur 'n egskeiding. Die gewese huweliksmaats, wat eens so bly was oor die geboorte van 'n kind, steek nou dieselfde kind teen mekaar op. Hoe hanteer mens so 'n situasie?

Mense, oud en jonk, is moeg. Daar is soveel druk op almal om te presteer. Hoe kry jy weer energie vir jou dagtake, verhoudings, studies en ontspanning?

Om by jou bestemming uit te kom, moet jy beplan volgens die rigtingaanwysers. Daarsonder verdwaal jy. Die vraag is of mense ook beplanning nodig het om te weet waarheen hulle op pad is? Baie mense lyk rigtingloos.

Hoe gemaak met my moedeloosheid?

Van verskeie kante af word gevra of geloof in 'n opperwese werklik nodig is in 'n mens se lewe. Indien wel, van watter soort geloof word daar gepraat?

Phil Loots en die lewensafrigter, dr. Gustav Gous, gee riglyne oor hoe om elke dag sinvol te maak.

Mense hou daarvan om te ontvang, maar gee ons net so maklik iets weg? Het ek inderdaad iets om vir 'n ander te gee, of kan ek self skaars lewe op dit wat ek het?

Elke kind het 'n pa. Watter herinneringe het kinders van hulle vaders? Hoe kan 'n Pa die beste vader wees wat 'n kind kan begeer?

Dit lyk of dit al hoe moeiliker is vir Suid-Afrikaners om finansieël kop bo water te hou. Kos, klere, huisvesting, elektrisiteit, water, rentes, brandstof – alles word duurder, maar salarisse (vir die wat werk het) styg nie dienooreenkomstig nie. Vir baie voel dit soos om al dieper in 'n donker gat in te val. Hoe oorleef ek in sulke tye?

Een kyk na Suid-Afrika laat 'n mens wonder waarom daar so baie woede onder mense is? As dit nie in die Parlement is dat die vuiste geswaai word nie, is dit op paaie, in huise, by die skool en self op die sportvelde. Hoe hanteer 'n mens jou woede?

Volgens Statitieke SA het Suid-Afrika een van die hoogste egskeidingsyfers in die wêreld, met gemiddeld een uit elke ses huwelike wat in die egskeidingshof eindig. Kenners meen dat een van die grootste redes hiervoor swak kommunikasie tussen getroudes is. Hoe gemaak om dit te verbeter?

Die gevaar om dieselfde dinge oor-en-oor te doen, en nog dikwels op dieselfde manier, is om in 'n groef van gewoonte en eentonigheid te verval. Hoe gemaak om daar uit te kom en jou lewe te herbeplan?

In baie huise hang die slagspreuk: “Wat is 'n huis sonder 'n Moeder?” Wie sal ooit weet watter invloed 'n Ma op haar gesin, en veral die kinders het? Wat is die regtig belangrike dinge wat sy aan haar kinders moet oordra?

Iemand het eenmaal gesê: “Die moeilikste lewensfase is nie wanneer niemand jou verstaan nie, maar wanneer jy jouself nie verstaan nie.” Daar word dikwels verwys na die sogenaamde generasie-gaping tussen die ouer geslag en jongmense. Is dit werklik so dat mense se verskillende lewensfases veroorsaak dat hulle begrip vir ouer of jonger mense iewers verlore gaan?

Vir baie mense is kanker soos 'n doodsvonnis wat oor hulle uitgespreek word. Hoe hanteer jy die nuus as dit jou, een van jou familielede of vriende tref?

In 'n gejaagde en dikwels onsekere tyd verloor gesinslede mekaar soms langs pad in hulle eie besige lewens. Tog is daar besondere bande wat hulle aan mekaar bind, veral die van 'n Pa en sy dogter.

Daar is die afgelope paar dae oor baie dinge verskoning gevra in die land. Maar is verskonings genoeg as daar verkeerde goed gedoen is? En wanneer vergewe ek ná 'n verskoning: dadelik of glad nie?

Iemand het gesê: “Om in beheer te wees van jou finansies, verlig jou stres geweldig.” Maar hoe gemaak wanneer alles om jou duurder word en jou inkomste net nie byhou nie? Wat maak jy as jou geld op is, maar die skoolfonds, die huis, die kar, en water en ligte moet betaal word – om nie eens te praat van al die rekeninge nie?

Mense van regoor die wêreld sien uit na die Paasnaweek. Vir sommiges mense is dit 'n heerlike lang naweek van vakansie-hou en sjokolade-hasies eet, maar vir ander het dit groot godsdienstige waarde. Wat maak van Paasnaweek so 'n belangrike geleentheid? Phil Loots praat met Alan Platt van Doxa Deo Bedieninge oor die belangrikheid van Paasfees.

Mense neem elke dag besluite – of doen hulle? Waarom is baie mense so besluiteloos, en is daar maniere om vinnig die regte besluite te neem?

'n Jong meisie is die afgelope week vermoor terwyl sy in 'n woud gedraf het. Sy is uiters gewelddadig aangerand. In 'n ander geval het 'n man sy vrou doodgeslaan omdat sy nie vir hom hoenderlewers wou maak vir ete nie. Die Minister van Polisie, Nathi Mthethwa, sê dat misdaad in Suid-Afrika gekenmerk word deur 'n unieke neiging tot geweld. Mense stop nie by die inbreek van 'n huis nie, maar wag vir die mense in om hulle seer te maak. Waarom tree mense so gewelddadig op?

Is jy dalk 'n rassis? Phil Loots praat met Dr. Gustav Gouws oor rassisme.

“Ek hou nie van jou houding nie,” sê mense dikwels vir mekaar wanneer daar oor 'n saak geargumenteer word. Gewoonlik is dit wanneer die een meen dat die ander 'n konfronterende houding inneem en nie wil toegee nie. Hoe ontstaan 'n houding (attitude) by mense, en hoe goed of sleg is dit?

Teleurstellings is deel van elke mens se lewe. Miskien oor 'n huwelik wat nie uitwerk nie, of 'n eksamen wat gedruip is, of verwagtings van 'n regering wat nie realiseer nie, of dalk oor 'n pos by die werk wat nie na my kant toe kom nie. Hoe hanteer ek sulke teleurstellings?

Op Valentynsdag gee verliefdes gewoonlik vir mekaar 'n geskenk met 'n hartjie daarop, om te sê dat daar iemand is wat aan die ander een dink. Maar hoe gemaak as jy alleen is op die dag van liefde, sonder een wat jou lief het?

Die een ding waarvan 'n mens nie kan wegkom nie, is jou verlede. Hoe maak jy vrede met, veral slegte dinge, wat met jou gebeur het en die dinge waarvan jyself dalk die oorsaak was?

Iemand het eenkeer gesê: “Jy het nie krag vir more nie, want jy lewe vandag – en daarvoor het jy krag. Leef dan een dag op 'n keer. Môre doen jy dieselfde.” Die vraag bly net: hoe leef ek so elke dag in die lig van hartseer, bedreigings, onsekerhede, eensaamheid en vrees?

Suid-Afrikaners word deesdae ernstig beproef deur die droogte, stygende rentekoerse, geld wat minder werd is, student-opstande, politieke onstabiliteit, en nog meer. Al hierdie dinge spel een ding: STRES. Hoe hanteer ons dit?

Dit gons behoorlik die afgelope tyd oor die vlaag sogenaamde rassistiese uitsprake deur individue. Daar word met hofsake en tronkstraf gedreig. Waarom is daar steeds – na 21 jaar die nuwe Suid-Afrika in – rassistiese opmerkings teenoor mense van ander kultuurgroepe as die waaraan jy behoort?

Niemand trou met die gedagte om te skei nie. Tog is egskeiding 'n hartseer werklikheid. Hoe beïnvloed 'n egskeiding mense se verskillende verhoudings en – hoe kan twee geskeides 'n nuwe romantiese verhouding hanteer? Phil Loots en sy gas, dr. Gustav Gous, gesels hieroor.

Volgens die Bybel moet 'n mens uit die geloof leef. Maar hoe nou gemaak wanneer daar wetenskaplike ontdekkings en aansprake kom wat skynbaar met 'n Christen se geloof in stryd is? Hoe moontlik is dit om geloof en wetenskap met mekaar te versoen – of moet daar 'n keuse vir die een of die ander gemaak word?

Met elke nuwejaar is daar mense wat sê dat hulle 'n nuwe blaadjie gaan omslaan. Hierdie voornemens verdwyn egter dikwels nog voordat daar iets van gekom het. Die nuwejaar is op ons en die vraag is: hoe beplan 'n mens sinvol aan jou toekoms?

Die aflê van 'n gelofte by Bloedrivier het tot gevolg gehad die jaarlikse viering van Geloftedag op 16 Desember as vakansiedag, of te wel (soos die gelofte gelui het) as 'n Sondag. Met die nuwe politieke bedeling in Suid-Afrika, is 16 Desember ingeruim as Versoeningsdag. Is daar nog plek vir geloftes en versoening in vandag se samelewing?

Daar gaan bykans nie 'n week om nie, of die media berig oor die tragiese gebeure van jongmense wat hulle eie lewe neem. Wat gee aanleiding tot hierdie selfdood, en hoe hanteer die naasbestaandes dit? Die gaste is dr. Gustav Gous, dr. Rodney Seale, en Daan Mostert, 'n ouer wat uit eie ervaring saamgesels.

Die tragiese terreuraanval deur ISIS in Parys het die wêreld geskok. Is hierdie openbare vertoon van bomontploffings en doodskiet al wat as terrosisme deurgaan, of sou terrorisme ook meer verfynd daar uitsien? Wat van teistering met die tong, of dade; sielkundige aftakeling; stakings en betogings; boelies op skool en in die werksplek; godsdienstige drukgroepe; ens.

Eksamenspanning - elke einde van die jaar tref dit, nie net hulle wat rekenskap moet gee nie, maar almal wat met sulke persone te doene het. Hoe hanteer jy die spanning en die nukke en grille van hulle wat skryf?

Fiks vir die lewe 1 November 2015

Fiks vir die lewe 27 September 2015

Fiks vir die lewe 20 September 2015

Fiks vir die lewe 13 September 2015

Fiks vir die lewe 6 September 2015

Fiks vir die lewe 30 Augustus 2015

Fiks vir die lewe 23 Augustus 2015

Fiks vir die lewe 16 Augustus 2015

Fiks vir die lewe 9 Augustus 2015

Fiks vir die lewe 2 Augustus 2015

Fiks vir die lewe 26 Julie 2015

Fiks vir die lewe 19 Julie 2015

Fiks vir die lewe 12 Julie 2015

Fiks vir die lewe 5 Julie 2015

Fiks vir die lewe 28 Junie 2015

Fiks vir die lewe 21 Junie 2015

Fiks vir die lewe 14 Junie 2015

Fiks vir die lewe 7 Junie 2015

Fiks vir die lewe 31 Mei 2015

Fiks vir die lewe 24 Mei 2015

Fiks vir die lewe 17 Mei 2015

Fiks vir die lewe 10 Mei 2015

Fiks vir die lewe 3 Mei 2015

Fiks vir die lewe 26 April 2015

Fiks vir die lewe 19 April 2015

Fiks vir die lewe 12 April 2015

Fiks vir die lewe 5 April 2015

Fiks vir die lewe 29 Maart 2015

Fiks vir die lewe 22 Maart 2015

Fiks vir die lewe 15 Maart 2015

Fiks vir die lewe 8 Maart 2015

Suid-Afrika word die Reënboognasie genoem vanweë die verskeidenheid kulture en tale wat hier aanwesig is. Maar hoe gemaak om hierdie verskille aan te wend in 'n wen-wen situasie vir almal?

Na die onstuimige gebeure in die parlement, en die inhoud van pres. Zuma se Stand van die Nasie-toespraak, is daar baie mense wat onseker voel in Suid-Afrika. Phil Loots praat met dr. Gustav Gous oor hoe om op te tree in polities- en ekonomiese onseker tye.

Met Valentynsdag pas verby, is die fokus op die liefde. Maar hoe gemaak as jy liefdeloos voel? En, kan liefde ophou?

Die gesprek oor versoening in Suid-Afrika is tans aan die orde van die dag. Phil Loots praat met dr. Gustav Gous oor wat dit vir mense inhou om met ander te versoen, en hoe om op te tree waar daar skynbaar nie versoening is nie.

Die besluite wat mense elke dag neem, het dikwels 'n groot impak op hulle en ander mense se lewens. Hoe leef ek met my besluite saam, veral as dit verkeerd was?

Volgens die Menseregtekommissie is daar 'n toename in haatspraak op sosiale media waarneembaar. Die hof het bevind die liedjie: “Skiet die Boer” is haatspraak; president Zuma staar 'n klag van haatspraak in die gesig oor sy opmerking dat die land se probleme begin het met Jan van Riebeeck se aankoms in Suid-Afrika; en die sangeres, Sunette Bridges, was die afgelope week in die hof oor haatspraak op sosiale media.

In 'n tyd waarin baie dinge verander, mense moedeloos sonder werk sit, en spanning in baie verhoudings inkruip, wonder mense of daar enige hoop vir hulle is in die land.

Dit is die tyd van die jaar waarin baie mense vorentoe kyk, nuwe blaadjies omslaan, en beplan vir die nuwe jaar. Maar hoeveel van die planne word waar?

William Shakespeare het gesê: “Wees vir almal lief, vertrou net enkeles, en doen geen kwaad aan ander nie.” Deur die eeue was vertroue, of die gebrek daaraan, een van die dinge wat verhoudings gemaak of gebreek het.

Suid-Afrikaners is geskok deur die onlangse moord op 'n pa en sy twee kinders in Afganistan omdat die aanvallers vermoed het dat hulle mense van hulle geloof wou afrokkel na die Christendom. Phil Loots praat met dr. Gustav Gous oor godsdienstige onverdraagsaamheid.

Woede in die een of ander vorm kom daagliks voor - padwoede, woede wat lei tot gesinstragedies, woede tussen getroudes, woede op skool en op die sportveld. Hoe hanteer mens woede?

Om iemand by te staan wat besig is om te sterf, is vir baie 'n onbekende ervaring. Phil Loots praat met drr. Gustav en Andries Gous oor sterwensbegeleiding.

Konflik is iets waarmee baie mense elke dag saamleef - by die huis, op straat, in die kantoor en op skool - en nie altyd weet hoe om dit reg te hanteer nie.

In 'n wêreld waar sporthelde opgehemel word, pryse uitgedeel word vir besondere prestasies en innoverende denke deure laat oopgaan, is daar baie mense wat wonder wat hulle werd is omdat hulle nie in daardie groepe val nie – mens wat al hoe meer worstel met hulle selfbeeld.

“Ek sien geen toekoms vir my nie,” sê mense in gesprekke. 'n Gees van moedeloosheid hang oor jongmense wat klaarmaak met skool, en nie weet waarheen nou nie.

Die onnatuurlike dood van 'n geliefde, laat familie en vriende agter wat dit moeilik verwerk. Hoe hanteer naasbestaandes so 'n onnatuurlike dood van hulle geliefde?

Die onnatuurlike dood van Reeva Steenkamp en Anni Dewani, en die hofsake wat daarop gevolg het, het Suid-Afrikaners die afgelope tyd aan die praat gesit. Die groot vraag is: hoe hanteer naasbestaandes so 'n onnatuurlike dood van 'n geliefde?

'n Regter het 'n jong vrou hierdie week skuldig bevind aan moord en haar beskryf as 'n monster sonder gevoel. Hoe word iemand so, en hoekom begin mense verhoudings met sulke mense?

Volgens die jaarverslag van die Departement Justisie het egskeidings in 2012/13 met 28% toegeneem tot 50 517 sake. Dit laat die vraag ontstaan of mense goed genoeg voorbereid is vir die eise van die huwelik.

Die ramp wat die kerkkompleks van profeet TB Joshua in Nigerië getref het, het baie vra by mense laat opkom, soos: Waar is God tydens rampe? Phil Loots gesels met dr. Gustav Gous hieroor.

21 September is Wêreld Afhanklikheidsdag. Phil Loots praat met dr. Gustav Gous oor die vloek van verslawing.

Dit word voorspel dat teen 2050 een uit elke 85 mense wêreldwyd aan Altzheimersiekte sal ly. Hoe tree jonk en oud teenoor so iemand op?

Phil Loots kyk na die hantering van 'n familielid wat in die tronk is, en die rehabilitering van gevangenes.

Phil Loots praat met dr. Gustav Gous oor egskeiding.

Wat is die sin van die lewe en van my bestaan?

Die bykans 7 miljard mense op aarde kan 'n mens nogal amper nikswerd laat voel en laat sê: “Waarvoor is ek op die aarde? Wat is my doel?”

Die aggressie in die Midde-Ooste en die afskiet van 'n passasierstraler het die wêreld geskud - ook die agressie tussen mense wat moord en kapings tot gevolg het. Phil Loots hoor by dr. Gustav Gous of aggressie die enigste oplossing vir die Midde-Ooste en ander verhoudings is.

Phil Loots en dr. Gustav Gous praat oor veilige of gevaarlike ouers aan die hand van die talle voorbeelde van kindermishandeling die afgelope tyd.

Phil Loots en dr. Gustav Gous praat oor die pas afgelope Sokker Wêreldbekereindtoernooi.

Watter invloed het sport op mense?

Die regte van slagoffers van boelies.

Phil Loots kyk na die probleem van boelies onder oud en jonk.

Phil Loots praat met dr. Gustav Gous oor energie en hoe om die lewe met sy uitdagings aan te pak.

Phil Loots praat oor dwelmgebruik en innoverende maniere om die jeug bewus te maak van die gevare daarvan.

Phil Loots praat met twee kenners, dr. Rodney Seale en dr. Ado Krige oor verskillende soorte dwelms, die redes waarom mense verslaaf raak en die hulp wat beskikbaar is.

Phil Loots praat met Dr. Gustav Gous oor mense se verwagtings van die nuwe regering van Suid-Afrika.

Met die wye nuusdekking oor die Oscar Pistorius-hofsaak, is die tragiese gebeure op byna almal se lippe. Die gesprek word voortgesit oor lesse wat 'n mens uit hierdie gebeure kan leer.