Забяспечаныя мінчукі і ніякіх форынтаў — "Раніца з Еўрарадыё" за 26 ліпеня by Euroradio

Гандаль немцам і шкодныя кандыцыянеры — Еўразум за 25 ліпеня | Новости Беларуси за 25 июля by Euroradio

Намеснік міністра замежных спраў Польшчы Анджэй Шэйна, каментуючы словы Лукашэнкі наконт неабходнасці “знайсці паразуменне” паміж Польшчай і Беларуссю, чарговым разам назваў тры пункты, пасля выканання якіх магчымы такі працэс: спыненне міграцыйных атак на мяжы, выдача забойцы польскага салдата і вызваленне палітвязняў пачынаючы з Анджэя Пачобута. У адваротным выпадку, кажа ён, Польшча можа цалкам перакрыць грузавыя перавозкі праз мяжу з Беларусі. І, паводле пэўных звестак, перамовы наконт вызвалення Пачобута ўжо вядуцца. Як грамадства і палітыкі Польшчы рэагуюць на ўвядзенне Беларуссю бязвізу і ці шмат будзе ахвочых паехаць на “закупы”? Ці спрацуюць пагрозы Польшчы закрыць мяжу для грузаперавозак і ці магчымая перазагрузка адносінаў паміж Варшавай і Мінскам? Ці чакаць, што Польшча следам за краінамі Балтыі ўвядзе больш жорсткія санкцыйныя абмежаванні ў дачыненні да беларусаў? На гэтыя ды іншыя пытанні ў эфіры Еўрарадыё адказвае палітычны аглядальнік выдання Dziennik Gazeta Prawna Міхал Патоцкі

Беларусы павінныя навучыцца ганарыцца сабой, сваёй краінай і сваёй нацыяй. Вярнуць сабе пачуццё годнасці і захоўваць яго ў сэрцы насуперак усім жыццёвым выпрабаванням. Захоўваць побач з верай. І гэта не вера ў нейкія вышэйшыя сілы альбо ў светлую будучыню — гэта вера ў тое, што Беларусь з беларускай нацыянальнай ідэяй ужо вельмі хутка надыдзе, перакананая Марыя Яфімава. Пра тое, чаму для захавання сваёй ідэнтычнасці нам важна ведаць сваю гісторыю і карыстацца сваёй мовай, ці патрэбная нам тая ідэнтычнасць у часы глабалізацыі і пра пытанні веры мы і разважаем у праграме “Ідэя Х” з Марыяй Яфімавай.

Прысуджаны да найвышэйшай меры пакарання грамадзянін Германіі Рыка Крыгер толькі па адным артыкуле абвінавачання прызнаў віну, ды і тое часткова — наконт “агентурнай дзейнасці”. Што праўда, прапагандысты спрабуюць давесці пазіцыю рэжыму і спецслужбаў пра тое, што ён нібыта датычны да выбуху на чыгуначнай станцыі. Як бы там ні было, далейшы лёс грамадзяніна Германіі змусіў Берлін распачаць “кансультацыі” з Мінскам. Ведаючы Лукашэнку і яго метады, можна сцвярджаць, што гандаль жыццём Крыгера пачаўся. Як грамадства і палітыкі Германіі рэагуюць на прысуд Крыгеру і якія могуць быць наступствы? Ці спрацуе бязвіз, уведзены Мінскам для краін ЕС, і пра што сведчыць кірунак другога замежнага візіту новапрызначанага міністра МЗС Рыжанкова — КНДР? Як апошні пакет еўрапейскіх санкцый уплывае на рэжым і чаму ў ім не ўлічваюцца інтарэсы беларусаў? Гэтыя ды іншыя тэмы абмяркоўваем у штотыднёвым жывым эфіры Еўрарадыё з палітычным аглядальнікам, гісторыкам Аляксандрам Фрыдманам.

Паўночнакарэйскі крэм і больш не пабягу — "Раніца з Еўрарадыё" за 25 ліпеня by Euroradio

Выбар беларуса ў ЗША і большы гендарны разрыў — Еўразум за 24 ліпеня | Новости Беларуси за 24 июля by Euroradio

Сваімі расследаваннямі каманда BELPOL паказвае і палітыкам, і грамадству заходніх краін, што рэжым Лукашэнкі не толькі не перастае рэпрэсаваць беларусаў, але і пашырае сваю дапамогу расійскаму акупацыйнаму войску. Змушаючы такім чынам ЕС пашыраць санкцыйныя пакеты. Але ў выніку санкцыі б’юць па звычайных беларусах. І не відаць, каб, да прыкладу, прымушалі задумацца супрацоўнікаў структур, якія раней называлі “сілавымі”, а цяпер не інакш як “карнымі”… Як на расследаванні BELPOL рэагуе лукашэнкаўскі рэжым і што яны змяняюць у пазіцыі ЕС? Ці варта казаць пра нейкую “калектыўную адказнасць” у гэтай сітуацыі і якія новыя расследаванні рыхтуе каманда? Як змяняюцца “сілавыя” структуры і чаму яны ператвараюцца ў “карнікаў”? На гэтыя ды іншыя пытанні ў эфіры Еўрарадыё адказвае прадстаўнік ініцыятывы BELPOL Уладзімір Жыгар

Уведзеныя ЕС у дачыненні да пуцінскага і лукашэнкаўскага рэжымаў чарговыя санкцыі найперш адчулі на сабе… шараговыя беларусы. Рэч і ў вялізным спісе тавараў, забароненых для перавозу праз мяжу, і ў забароне на перасячэнне мяжы на прыватным аўтамабілі з беларускімі нумарамі. “Такія санкцыі — прыклад таго, што ЕС прызнае і ўводзіць прынцып калектыўнай адказнасці беларусаў за дзеянні Лукашэнкі, а таксама бачыць у беларусах пагрозу, роўную той, якая ідзе з боку расіян", — сцвярджаецца ў звароце да краін ЕС. Што не так з апошнім санкцыйным пакетам ЕС і якія пагрозы нясе такое стаўленне? Ці сапраўды такім падыходам да фармавання санкцыйных пакетаў ЕС прызнае і ўводзіць прынцып калектыўнай адказнасці беларусаў за дзеянні Лукашэнкі? Як на сітуацыю могуць паўплываць дэмсілы, што для нас азначае сыход Байдэна з прэзідэнцкай гонкі і ў чым цікавасць Беларусі для Кітая? Гэтыя ды іншыя тэмы абмяркоўваем у штотыднёвым жывым эфіры Еўрарадыё з кіраўніком варшаўскага Цэнтра палітычнага аналізу і прагнозу, доктарам палітычных навук, сябрам “Вольнай Беларусі” Паўлам Усавым

6 гадоў з даведкай КДБ і прапагандысткі юуб — "Раніца з Еўрарадыё" за 24 ліпеня by Euroradio

Жанчына-прэзідэнт і кампенсацыя за непагадзь — Еўразум за 23 ліпеня | Новости Беларуси за 23 июля by Euroradio

Пагрозы з боку лукашыстаў, ад Азаронка з Гайдукевічам да кіраўнікоў карных устаноў, у бок актывістаў і лідараў дэмсіл, якія знаходзяцца за мяжой, гучалі не раз. Але пакуль помсціў рэжым дыстанцыйна — прысудамі і канфіскацыяй маёмасці. Толькі, як высвятляецца, і метады фізічнага тэрору таксама выкарыстоўваюцца: польскія праваахоўнікі распачалі справу адносна пагрозы жыццю Паўла Латушкі. І ўсё гэта на фоне слоў пра жаданне наладзіць дыялог з Захадам, якія гучаць з Мінска, увядзення бязвізу для 35 краін Еўропы, заяў пра магчымае вызваленне па памілаванні яшчэ пэўнай колькасці палітвязняў… Што дакладна вядома пра пагрозы жыццю Паўла Латушкі і як гэта змяніла яго жыццё? Ці можна казаць, што візіты Рыжанкова ў КНДР і Галоўчанкі ў Лацінскую Амерыку — гэта прыкметы прарыву знешнепалітычнай блакады? Як санкцыі ў дачыненні да рэжыму ўплываюць на шараговых беларусаў, ці можна гэтую сітуацыю змяніць? На гэтыя ды іншыя пытанні ў эфіры Еўрарадыё адказвае лідар спіса “Каманда Латушкі і Руху “За свабоду”, кіраўнік Народнага антыкрызіснага ўпраўлення і намеснік кіраўніцы Аб’яднанага пераходнага кабінета Павел Латушка

Днямі старшыня Вярхоўнага суда Сукала анансаваў вызваленне найбліжэйшым часам пэўнай колькасці палітвязняў. Маўляў, яны ўжо нават разаслалі адпаведныя інструкцыі ў суды. Але як бы ні спрабавала прапаганда падаць гэта як працяг “амністыі”, словы Сукалы гэта абвяргаюць: гаворка ідзе пра “памілаванне”. Якое магчымае пры наяўнасці звароту зняволенага на імя Лукашэнкі і асабістага рашэння апошняга. Тым не менш размовы пра “вызваленне”, “калі не было ўчынена сур’ёзных злачынстваў”, далі падставы разважаць пра магчымы пачатак “адлігі”. Ці дае вызваленне невялікай колькасці палітвязняў падставы гаварыць пра пачатак нейкай “адлігі”? Як санкцыі ў дачыненні да рэжыму і сітуацыя на мяжы ўплываюць на працу BYHELP? Ці ўплывае “гарманізацыя” санкцый на ўзровень дапамогі? На гэтыя ды іншыя пытанні ў эфіры Еўрарадыё адказвае сузаснавальнік і кіраўнік фонду BYHELP Аляксей Лявончык

Ці гатовая Амерыка да прэзідэнта-жанчыны? Мяркуючы з усяго, гэтае пытанне іноў робіцца актуальным — праз 8 гадоў пасля эпічнага супрацьстаяння Хілары Клінтан і Дональда Трампа, якое эфектна на апошнім павароце выйграў апошні. Ды і гэтыя розныя мадэль мужчынскай ідэнтычнасці і розныя каштоўнасці — Байдэн, Трамп, Лукашэнка... Тут ёсць што абмеркаваць у нашай праграме Gender Gap. Таксама пагаворым пра свежы рэліз Індэкса гендарнага разрыву. Беларусь на 55-м месцы, апусцілася за год на 14 месцаў (!). То-бок жанчыны ў Беларусі пачалі зарабляць яшчэ менш за мужчын.

Гандаль немцам і тур у Пхеньян — "Раніца з Еўрарадыё" за 23 ліпеня by Euroradio

Рашэнне Госпада Бога і (не)сацыяльная дзяржава — Еўразум за 22 ліпеня | Новости Беларуси за 22 июля by Euroradio

“Патрыёты” Лукашэнкі 30-ю гадавіну яго кіравання адзначалі шырока — ажно да адмысловага форуму ў Палацы спорту. Падчас якога зладзілі конкурс на самае яскравае ўсхваленне генія “юбіляра”. Надвор’е паспрабавала сапсаваць свята бурай з цяжкімі наступствамі, але Круты крута ўсё патлумачыў: гэта было пасланае Богам выпрабаванне, якое паказала ўстойлівасць выбудаванай самі ведаеце кім сістэмы. А самі ведаеце хто, як у часы кавіду, заявіў, што народ мусіць сам спраўляцца з наступствамі непагадзі. З дапамогай… палітвязняў ды іншых “дармаедаў”, што сядзяць за кратамі. Ці сапраўды рэжым узяў кірунак на стварэнне культу асобы Лукашэнкі і да чаго гэта можа прывесці? Ці можна казаць, што Лукашэнка афіцыйна прызнаў наяўнасць палітвязняў у краіне і як гэта прызнанне можна скарыстаць? Якія будуць наступствы санкцыйнага ціску Захаду на рэжым Лукашэнкі для шараговых беларусаў і ці адмовіўся рэжым ад міграцыйнага шантажу краін ЕС? Гэтыя ды іншыя тэмы абмяркоўваем у штотыднёвым жывым эфіры Еўрарадыё з дацэнткай, кандыдаткай гістарычных навук, лідаркай аб’яднання "Наша справа" ў Каардынацыйнай радзе Розай Турарбекавай

Да найвышэйшай меры пакарання яшчэ 24 чэрвеня прысудзілі ў Беларусі грамадзяніна ФРГ Рыка Крыгера. Крыгера судзілі паводле сямі артыкулаў КК, у тым ліку за найміцтва, агентурную і тэрарыстычную дзейнасць. Але падрабязнасці справы дагэтуль невядомыя. Як і тое, якім чынам Крыгер апынуўся на тэрыторыі Беларусі. Што азначае справа Рыка Крыгера, якое дачыненне ён мае да Беларусі і да чаго гэта можа прывесці ў выніку? Ці пойдзе Захад на гандаль з Лукашэнкам і як на гэта паўплывае рашэнне Байдэна спыніць свой удзел у выбарах? Якія будуць наступствы санкцыйнага ціску Захаду на рэжым Лукашэнкі для шараговых беларусаў і ці магчыма сітуацыю змяніць у лепшы бок? На гэтыя ды іншыя пытанні ў эфіры Еўрарадыё адказвае палітычны аналітык Валерый Карбалевіч

Самі вінаваныя і індыйскі "Беларусьфільм" — "Раніца з Еўрарадыё" за 20 ліпеня by Euroradio

Пакуль Брэд Піт і Анжаліна Джалі не могуць падзяліць вінаграднікі за 60 млн долараў, нямецкія паліцыянты дапамаглі 23-гадоваму хлопцу вярнуць скрадзены кусцік канопляў. І гэта дзіўна, улічваючы, што зусім нядаўна афіцэры каралі грамадзян за гадаванне траўкі. Тым часам брытанскі манарх Карл III надаў каралеўскі тытул рэдкім залацістым козам, зрабіўшы камплімент адценню іх светла-русай шорсткі. Падрабязней пра ўсё гэта, а таксама пра тое, чаму некаторым людзям проста наканавана быць беднымі, чытайце ў нашай традыцыйнай рубрыцы “Іх Норавы”.

Патоп у Мінску і варшаўскі гном — Еўразум за 19 ліпеня | Новости Беларуси за 19 июля by Euroradio

Лозунг “Купляйце беларускае” апошнім часам нават у вымушаных эмігрантыў выклікае не чарговы прыступ настальгіі, а чарговы прыступ смеху. Не, усе ўжо прывыклі да таго, як весела гараць лепшыя ў свеце беларускія аўтобусы і што пасля кожнага вялікага дажджу ў сталіцы нашай сінявокай здараецца патоп, але каб у сасісках былі фекаліі!.. Ну, альбо каб нашае лепшае ў свеце ПВА і “Паланэзы” не здолелі абараніць самае мірнае неба ад варожых шахедаў — такога таксама мы не чакалі. Але яно ёсць. Ці можна па асобных выпадках казаць пра якасць усёй беларускай прадукцыі і хаяць лозунг “Купляйце беларускае”? Як на беларускую эканоміку паўплывае бязвіз для 35 еўрапейскіх краін? Ці ёсць жыццё ў Каардынацыйнай радзе і калі гэтае жыццё стане больш асэнсаваным? На гэтыя ды іншыя пытанні ў эфіры Еўрарадыё адказвае прадстаўнік фракцыі “Беларусы” (экс-блок Пракоп’ева-Ягорава) у Каардынацыйнай радзе, блогер і прадпрымальнік Аляксандр Кныровіч

Ліквідацыя наступстваў урагану і надзвычайныя сітуацыі. Эканамічныя навіны Беларусі за тыдзень by Euroradio

Адказам на праблемы, звязаныя з выездам за мяжу аўтатранспарту на беларускіх нумарах, стала ўвядзенне лукашэнкаўскім рэжымам бязвізу з 35 еўрапейскімі краінамі. Што адметна, санкцыі адносна выезду беларусаў за мяжу на аўто закранаюць звычайных беларусаў, але амаль не ўплываюць на магчымасці выезду лукашэнкаўскай эліты, гаманцоў і высокіх чыноўнікаў. Відавочна, што ўведзены Мінскам бязвіз — удалы прапагандысцкі ход, але на жыццё звычайных беларусаў ніяк не ўплывае. Затое ўсё разам гэта негатыўна паўплывае на “праеўрапейскія настроі” беларускага грамадства. Ці закранаюць еўрапейскія санкцыі лукашэнкаўскую наменклатуру сярэдняга і ніжэйшага ўзроўню? Як на стаўленне да рэжыму сярод еўрапейскіх палітыкаў і экспертаў паўплывае ўвядзенне Мінскам бязвіза і ці чакаць такога ж кроку насустрач ад ЕС? Ці здольныя дэмсілы спыніць дыскрымінацыю беларусаў і што рабіць у такой сітуацыі? На гэтыя ды іншыя пытанні ў эфіры Еўрарадыё адказвае намеснік кіраўніка Народнага антыкрызіснага ўпраўлення, прадстаўнік фракцыі “Спіс Латушкі і Рух “За свабоду” ў Каардынацыйнай радзе Арцём Брухан

Патоп у Мінску і так сабе нейтралы — "Раніца з Еўрарадыё" за 19 ліпеня by Euroradio

Акно ў свет і фэйл дэмсілаў — Еўразум за 18 ліпеня | Новости Беларуси за 18 июля by Euroradio

Рэжым з кожным тыднем усё больш павялічвае інфармацыйную актыўнасць адносна электаральнай кампаніі 2025 года. І хоць захоўваецца “інтрыга” наконт удзелу ў выбарах Лукашэнкі, пра важнасць гэтай падзеі і пра тое, на каго ўвесь спадзеў на наступныя 5 гадоў пасля выбараў, беларусам няспынна даводзяць. Нават выцягнулі ў інфапрастору з утульнага пенсіянерскага нябыту экс-старшыню ЦВК Лідзію Ярмошыну. Не застаюцца па-за электаральнымі цыкламі і дэмсілы, яны таксама абмяркоўваюць “Стратэгію-2025”… Якая стратэгія на 2025 год у рэжыму Лукашэнкі і ці ёсць адэкватны адказ на яе ў дэмсіл? Ці здольныя дэмсілы на кансалідаваныя дзеянні і ці не даказвае сітуацыя ў Каардынацыйнай радзе, што да паразумення дэмсілам далёка? Якія інсайды электаральнай кампаніі 2025 года раскрыла Ярмошына і як на “лукашэнкаўскія эліты” ўплывае дзейнасць дэмсіл па распрацоўцы праектаў законаў Новай Беларусі? На гэтыя ды іншыя пытанні ў эфіры Еўрарадыё адказвае кіраўнік цэнтра “Еўрапейскі дыялог”, дарадца Святланы Ціханоўскай па парламенцкім супрацоўніцтве і канстытуцыйнай рэформе Анатоль Лябедзька

18 ліпеня ў эфіры Еўрарадыё — вядоўца ранішняга шоу на Радыё USA, медыя-кансультант Сяргей Кузін. Беларусы не мусяць забываць, што ў нас ёсць свае ўнікальныя і яскравыя адрозненні ад ншых нацый. І мы мусім іх захоўваць, адначасова пашыраючы разуменне таго, што мы — частка вялікага еўрапейскага соцыуму. Той Еўропы, часткай якой мы былі спрадвеку і гісторыя якой дазваляе нам ганарыцца сваёй бацькаўшчынай і праз усе выпрабаванні і падарожжы несці любоў да радзімы у сваім сэрцы, перакананы Сяргей Кузін. Пра тое, чаму эміграцыя — не падстава для адмаўлення ад сваёй ідэнтычнасці, ці гатовыя беларусы да свабоды і адказнасці, пра любоў, вайну і мову мы і разважаем у праграме “Ідэя Х” з Сяргеем Кузіным.

Ніякіх аўто і бязвіз для еўрапейцаў — "Раніца з Еўрарадыё" за 18 ліпеня by Euroradio

Шахеды над Бабруйскам і дзіцячыя траўмы — Еўразум за 17 ліпеня | Новости Беларуси за 17 июля by Euroradio

На фоне вайны, у якой лукашэнкаўскі рэжым актыўна падтрымлівае расійскіх акупантаў, мяняецца стаўленне і да тых беларусаў, якія вайну не падтрымліваюць і самі з’яўляюцца ахвярамі лукашэнкаўскага рэжыму. Перыядычна з’яўляецца інфармацыя, што камусьці не працягнулі від на жыхарства, камусьці адмовілі ў статусе ўцекача. Ці ўзніклі складанасці ў бізнесе. Што адбываецца ў эканоміцы Беларусі і ці працуюць санкцыі так, як гэта задумвалася ад пачатку? Ці сапраўды беларускі бізнес за мяжой сутыкаецца з дыскрымінацыяй і як гэтага пазбегнуць? Які ўзровень залежнасці беларускай эканомікі ад РФ і якія пагрозы гэта нясе? На гэтыя ды іншыя пытанні ў эфіры Еўрарадыё адказвае дарадца Святланы Ціханоўскай па эканамічных рэформах, віцэ-прэзідэнт Асацыяцыі беларускага бізнесу за мяжой (ABBA) Алесь Аляхновіч

Рашэнне абмежаваць уезд аўтамабіляў з беларускімі нумарамі ўводзіцца краінамі ЕС згодна з дырэктывай Еўрасаюза ў рамках кантролю над правозам тавараў і гандлю. Пра такое абмежаванне ўжо абвясціла Латвія. Але не выключана, што тое ж зробяць Літва і Польшча. Вось толькі такая забарона найперш ударыць па шараговых беларусах, а не па набліжаных да Лукашэнкі чыноўніках альбо супрацоўніках карных ды спецыяльных служб. На жаль, гэта не першае рашэнне, прынятае у высокіх кабінетах Брусэля, якое не ўлічвае інтарэсаў беларусаў. Што прымусіла Еўрасаюз увесці абмежаванні, якія б’юць па звычайных беларусах, і што магчыма зрабіць, каб выправіць сітуацыю? Ці атрымаецца ў Рыжанкова знайсці агульную мову з Польшчай і ці пойдзе Захад на аднаўленне адносінаў з лукашэнкаўскім рэжымам? Якія планы ў дэмсілаў на 2025 год і чаго чакаць ад канферэнцыі “Новая Беларусь”? На гэтыя ды іншыя пытанні ў эфіры Еўрарадыё адказвае першы дарадца Святланы Ціханоўскай Франак Вячорка

Кітайская прысутнасць у Беларусі і ў нашым рэгіёне агулам апошнім часам імкліва павялічваецца. І гаворка не пра новыя кітайскія кампаніі ў “Вялікім камені”, а пра іншыя фарматы кітайскай прысутнасці: ваенныя вучэнні, мірныя планы для Украіны і гэтак далей. Вось толькі і намеры ў Кітая не самыя бескарыслівыя, і не ўсім уцягванне Беларусі ў кітайскі фарватэр падабаецца. Вось і шахеды нечакана пачалі завітваць ў паветраную прастору Беларусі. Нібыта выпадкова, але… Чаму не варта давяраць кітайскім мірным ініцыятывам і якое дачыненне да гэтага мае Беларусь? Ці варта бачыць папярэджанне ў шахедах, якія збіваюцца з маршрута і залятаюць у Беларусь — каму яно і ад каго? Якія інсайды электаральнай кампаніі 2025 года раскрыла Ярмошына і як змяняецца стаўленне да беларусаў у свеце з цягам часу? Гэтыя ды іншыя тэмы абмяркоўваем у штотыднёвым жывым эфіры Еўрарадыё з кіраўніком варшаўскага Цэнтра палітычнага аналізу і прагнозу, доктарам палітычных навук, сябрам “Вольнай Беларусі” Паўлам Усавым

Паветраная трывога і падрыхтоўка глебы пад гастарбайтараў — "Раніца з Еўрарадыё" за 17 ліпеня by Euroradio

Новае пакаленне разумее, што Беларусь — не краіна для жыцця - Еўразум за 16 ліпеня | 16 июля by Euroradio

Яшчэ некалькі дзён таму Лукашэнка не выбіраў слоў, раскідваючыся пагрозамі ў бок суседзяў. І ўкраінцам пагражаў “сваімі” ядзернымі боегалоўкамі, і палякам абяцаў адказаць так, што мала не падасца, і пра літоўцаў не забыў, умацоўваючы “ашмянскі вузел”. Карацей, страху разам з галоўным сваім КДБістам Церцелем, Вальфовічам ды іншымі “муравейкамі” пры арт-падтрымцы прапаганды на чале з непатапляльным Азаронкам нагнаў на ўсіх. І раптам лукашэнкаўцы зачахлілі свае “Паланэзы” і памірыліся з украінцамі, прапанавалі палякам сесці “вывучыць сітуацыю на мяжы”, а Літве… карацей, і там цішэй стала. Што прымусіла Лукашэнку сцішыць напружанне на межах і ці надоўга ён адмовіўся ад агрэсіўнай рыторыкі на адрас суседзяў? Ці атрымаецца ў Рыжанкова знайсці агульную мову з Польшчай і што прымусіла Латвію ўвесці санкцыі ў дачыненні да Беларусі? Якія наступствы замаху на Трампа чакаюць Еўропу і што з сябе ўяўляе асоба патэнцыйнага віцэ-прэзідэнта, прапанаваная Трампам? Гэтыя ды іншыя тэмы абмяркоўваем у штотыднёвым жывым эфіры Еўрарадыё з палітычным аглядальнікам, гісторыкам Аляксандрам Фрыдманам

Днямі Каардынацыйная рада нарэшце знайшла час і паміж спрэчкамі і разборкамі былі (са спрэчкамі і разборкамі) абраныя спікерка і віцэ-спікерка КР. Крытыкі адразу ўбачылі ў такім выбары доказы таго, што Каардынацыйная рада паступова, але няўмольна падпарадкоўваецца Офісу Святланы Ціханоўскай і Аб’яднанаму пераходнаму кабінету. Пры тым, што “апазіцыйныя” фракцыі нават не выстаўлялі сваіх кандыдатаў на гэтыя “пасады”. Чаму пагадзіліся ўзваліць на сябе функцыі кіраўнічак КР і чыё гэта было рашэнне — іх ці фракцый? Ці сапраўды з іх дапамогай КР будзе падпарадкаваная Офісу і АПК і ці няма ў іх абранні “канфлікту інтарэсаў”? Якія галоўныя задачы ставяць перад сабой, ці бачаць магчымасці для дасягнення пастаўленых мэтаў? На гэтыя ды іншыя пытанні ў эфіры Еўрарадыё адказваюць спікерка Каардынацыйнай рады, прадстаўніца фракцыі “Спіс Латушкі і Руху “За свабоду”, каардынатарка праектаў Народнага антыкрызіснага ўпраўлення Анжаліка Мельнікава і віцэ-спікерка КР, прадстаўніца фракцыі “Еўрапейскі выбар”, асабістая памочніца Святланы Ціханоўскай Стася Гліннік

У Расіі да доўгіх тэрмінаў прысудзілі стваральніц фемінісцкага спектакля "Финист ясный сокол" — нібыта яны апраўдвалі тэрарызм. У Беларусі ўвядуць крымінальную адкзнасць за прагляд дзіцячага порна. Падлеткавы фэст у Полацку адмянілі за "прапаганду няправільных каштоўнасцяў". Навінаў з гендарным акцэнтам на тыдні хапала — абмяркуем іх у праграме Gender Gap з даследчыцай Ірынай Сідорскай! Чаму пуцінскя ўлады так спужаліся Жэні Бярковіч і Святланы Петрыйчук? "Распушчаныя вядзьмаркі патрабуюць ахвяраў" — каго так назвалі ў стрыме беларускага прапагандыста? Спікеркай і віцэ-спікеркай Каардынацыйнай рады сталі жанчыны — гэта ўжо гендарная роўнасць ці яшчэ не? Пра ўсё гэта — у сённяшнім Gender Gap.

Надзвычайная сітуацыя на Гомельшчыне і міралюбівы Лукашэнка — "Раніца з Еўрарадыё" за 16 ліпеня by Euroradio

Стомлены Лукашэнка, бадзёры Трамп, заклапочаны Гайдукевіч - Еўразум за 15 ліпеня | 15 июля by Euroradio

Пакуль лукашэнкаўская прапаганда распісвала выгады ад далучэння Беларусі да Шанхайскай арганізацыі супрацоўніцтва (ШАС), Польшча заявіла пра гатоўнасць цалкам перакрыць чыгуначныя грузаперавозкі праз беларускую мяжу. І нават вынікі апытання, праведзеныя сярод палякаў, кажуць, што грамадства падтрымлівае гэтую ідэю. Але пэўны калапс на межах паміж Беларуссю і краінамі ЕС ужо назіраецца — і ў выпадку з грузавымі перавозкамі, і для звычайных турыстаў і падарожнікаў. Што насамрэч адбываецца з эканомікай Беларусі і наколькі заказы расійскага ваенпраму ёй дапамагаюць? Навошта Кітай імкнецца пашырыць свой уплыў на Беларусь і якія эканамічныя пагрозы ці выгады гэта нясе? Ці варта чакаць масавага прыезду ў Беларусь гастарбайтараў з краін Сярэдняй Азіі і што будзе з курсам долара? На гэтыя ды іншыя пытанні ў эфіры Еўрарадыё адказвае экспертка ў сферы дзяржаўнага кіравання і міжнароднага развіцця, магістарка эканомікі Аліса Рыжычэнка

Нечаканае вызваленне амаль двух дзясяткаў палітвязняў пакуль не выглядае як пачатак працэсу палітычнай “адлігі”, а толькі як разавы акт дзеля дасягнення нейкай мэты. Рэпрэсіі рэжыму ў дачыненні да беларускага грамадства працягваюцца, як працягваецца і пашыраецца падтрымка тым жа рэжымам расійскай агрэсіі ва Украіне. Што ж да самой вайны ва Украіне, то, магчыма, развіццё падзей на фронце будзе, у тым ліку, залежыць ад вынікаў выбараў у ЗША. А пасля замаху на Трампа, імаверна, перамога будзе за ім... Як замах на Дональда Трампа паўплывае на вынік выбараў у ЗША і на сітуацыю ў нашым рэгіёне? Чым небяспечная згадка Беларусі ў Дэкларацыі NATO і чаму Ціханоўская не паўплывала на змену фармулёўкі? Ці дапаможа Венскі механізм АБСЕ палепшыць сітуацыю з правамі чалавека ў Беларусі і ці прывядзе да вызвалення палітвязняў? На гэтыя ды іншыя пытанні ў эфіры Еўрарадыё адказвае палітычны аглядальнік Радыё Свабода Юрый Дракахруст

Некалькі апошніх тыдняў сітуацыя на беларуска-ўкраінскай мяжы была звышнапружаная як у ваенным, так і ў прапагандысцкім сэнсе. І абедзве напружанасці ўзмацняліся паралельна: спачатку нам расказвалі пра планы нападу на Беларусь у стылі ўжо мемных “чатырох кірункаў”, пра пераход да мяжы дадатковых сіл УСУ, пра намеры Рускага добраахвотніцкага корпуса (ці “каліноўцаў”, у іх пераапранутых) напасці на Беларусь, а паралельна да мяжы ішлі калоны непераможных беларускіх ССА, ехалі грозныя “Паланэзы”, райвыканкамы рыхтавалі тэрабарону, а гераічны ГУБАЗіК затрымліваў за лайкі і каментары здраднікаў і ворагаў. Але потым за справу ўзяўся Лукашэнка і хуценька ўсё разруліў. І ўсе пайшлі па дамах. Ну, амаль… Чым кіравалася палітычнае і вайсковае кіраўніцтва Украіны, калі планавала падступна правакаваць нашу міралюбівую краіну і што тым планам перашкодзіла? Ці такі ўжо неверагодны сцэнар, паводле якога на Беларусь нападаюць байцы РДК і займаюць “Кобрынскі плацдарм”? Якім чынам Украіны здолела дамагчыся вызвалення сваіх людзей з лукашэнкаўскага палону і на якіх умовах Кіеў і Мінск могуць паразумецца? На гэтыя ды іншыя пытанні ў эфіры Еўрарадыё адказвае ваенны аналітык, эксперт украінскага Інстытута будучыні, былы супрацоўнік СБУ Іван Ступак

Запаволены YouTube і антырэкорд Алімпіяды — "Раніца з Еўрарадыё" за 15 ліпеня by Euroradio

Не памерці ад цеплавога ўдару і Славянскі базар не "прагрымеў" - Еўразум за 12 ліпеня | 12 июля by Euroradio

У Германіі — бум прастытуцыі. Ён звязаны з футбольнымі фанатамі, якія карыстаюцца секс-паслугамі за грошы падчас Еўра-2024. Пакуль еўрапейцы культурна, хаця і не бясплатна адпачываюць і глядзяць футбол, у краіне квітнее злачыннасць. Нехта скраў калекцыю садовых гномаў, якую нямецкая сям’я збірала сорак гадоў. Інцыдэнт здарыўся ўночы, калі муж і жонка заснулі — якраз пасля футбольнай трансляцыі. Больш трагічная навіна прыйшла з Румыніі. Там мядзведзь разадраў 19-гадовую турыстку. І падставіў усіх іншых мядзведзяў — цяпер улады хочуць адстрэльваць драпежнікаў. Падрабязней пра гэта і не толькі слухайце ў нашым традыцыйным аглядзе міжнародных падзей

Лукашэнка харахорыцца, але выдае сябе: некамфортна яму ў ізаляцыі. Хоча, каб яго ў свеце любілі і паважалі. Але ж не... Ні ён, ні ягоны наскрозь расійскі "Славянскі базар" нікому, акрамя яго ўдзельнікаў, не патрэбны. Пачнем стрым з палітыкам і блогерам Аляксандрам Кныровічам з гэтага. А таксама пагаворым пра сакрэтную справаздачу КДК, крэдытную ліхаманку ў Беларусі, прымітыўную хлусню прапагандыстаў з СБ, Байдэна, Пуціна і Зяленскага.

Прэзідэнцкая кампанія ў ЗША набывае ўсё больш… дзіўныя формы. Пазіцыя Джо Байдэна, якога ўжо не толькі апаненты, але і прыхільнікі просяць зняцца з выбараў, але ён чакае нейкага канкрэтнага знаку з гэтай нагоды ад Бога, пачынаюць нагадваць пазіцыю Лукашэнкі. Таго, якія шмат разоў абяцаў сысці, “калі гэтага захоча народ”, але калі народ пра гэта яму сказаў, дыктатар узяў у рукі аўтамат. Але тут рэч нават не ў падабенстве, а тым, што такія выбары ў ЗША могуць адбіцца і на сітуацыі ў нашым рэгіёне. Што насамрэч адбываецца на выбарах у ЗША і ці мае гэта дачыненне да Беларусі? Навошта Кітай імкнецца пашырыць свой уплыў на Беларусь і якія пагрозы гэта нясе? Ці варта чакаць далейшага вызвалення палітвязняў і якая роля ў гэтым працэсе магчымая для беларускіх дэмсіл? На гэтыя ды іншыя пытанні ў эфіры Еўрарадыё адказвае палітычны аглядальнік, аналітык Віталь Цыганкоў

Згода палякаў на закрыццё мяжы і забарона вэйпаў — "Раніца з Еўрарадыё" за 12 ліпеня by Euroradio

Узброены супраціў і бесклапотнае студэнцтва (у Польшчы) - Еўразум за 11 ліпеня | Новости за 11 июля by Euroradio

Узмацненне санкцыйнага ціску на лукашэнкаўскі рэжым, імкненне рэжыму перашкодзіць ці прынамсі абцяжарыць выезд грамадзян Беларусі на Захад для вучобы ці працы — вынікам усяго гэтага (але не толькі) сталі як праблемы з атрыманнем беларусамі віз з аднаго боку і неабходных для паступлення ў заходнія ВНУ дакументаў — з другога. А ў сітуацыі, калі ёсць сумневы ў якасці айчыннай адукацыі, а на шляху да заходніх ВНУ столькі праблем, патэнцыйныя студэнты пачынаюць глядзець на Усход. Паралельна страчваючы веру ў тое, што лідары беларускіх дэмсіл за мяжой здольныя паспрыяць вырашэнню праблем з паступленнем у еўрапейскія ўніверсітэты… Чым цікавыя для беларускай моладзі ВНУ Польшчы і якое стаўленне да студэнтаў з нашай краіны? Пытанні віз, аплаты, апастылю і гэтак далей — наколькі гэта сур’ёзная праблема на шляху да паступлення ў еўрапейскія ВНУ і як іх можна вырашыць? Ці ёсць у беларускіх студэнтаў цікавасць да палітыкі і што з сябе ўяўляе арганізацыя “Ліхтар”? На гэтыя ды іншыя пытанні ў эфіры Еўрарадыё адказваюць студэнты Універсітэта імя Адама Міцкевіча ў Познані, актывісты моладзевай арганізацыі “Ліхтар” Максім Залацько, Аляксей Грахоўскі і Ілля Міхневіч

11 ліпеня ў эфіры Еўрарадыё — доктарка філасофіі, этнагісторык, супрацоўніца Аўстралійскага нацыянальнага ўніверсітэта Алена Говар. Архівы — гэта велізарны пласт сацыяльнай гісторыі нашага народа, гісторыі, якая тычыцца кожнага чалавека. Да ўсведамлення сябе неабходна ісці праз усведамленне сваёй сям’і, свайго роду, сваёй вёскі ці мястэчка, а не праз нейкія вялікія грунвальдскія бітвы. Гісторыя вельмі важная, мова — вельмі важная, але яны павінны быць часткай цябе, гэта не мусіць быць штучна пасаджанае ў нас, як абстрактная частка дзяржавы. Каб знайсці гэтую сваю частку, нам неабходна зазірнуць у гісторыю свайго роду з дапамогай пакуль яшчэ закрытых ад нас архіваў, перакананая Алена Говар. Пра тое, ці падобныя лёсы беларусаў і аўстралійскіх абарыгенаў, ці з'яўляецца беларуская мова абавязковым элементам для фармавання нашай нацыі, ці ёсць беларусы як нацыя і пры чым тут праблема адкрытых архіваў, мы і разважаем у праграме “Ідэя Х” з Аленай Говар.

Сяброўства Беларусі з Кітаем набывае ўсё больш разнастайнасці і глыбіні. Тут і прыняцце Беларусі ў ШАС, і беларуска-кітайскія (упершыню) ваенныя вучэнні на тэрыторыі нашай краіны, і візіт у Пекін новапрызначанага міністра замежных спраў Рыжанкова. Выглядае на тое, што гэта не вынік дасягнення беларускіх дыпламатаў, а праява раптоўнай цікавасці да нашай краіны менавіта з боку Кітая. І ўсё гэта адбываецца на фоне вайны ва Украіне, пашырэння глабальнага супрацьстаяння Расіі і Захаду, спробай як ЕС, так і Масквы перацягнуць Кітай на свой бок… Што стаіць за цікавасцю Кітая да Беларусі і як Паднябесная можа “разыграць беларускую карту”? Навошта Мінск штучна стварае напружанасць на ўкраінскім кірунку і да якіх наступстваў гэта можа прывесці? Чаго імкнецца дасягнуць рэжым, вызваляючы палітвязняў, і ці варта спадзявацца на хваробу Лукашэнкі? Гэтыя ды іншыя тэмы абмяркоўваем у штотыднёвым жывым эфіры Еўрарадыё з палітычным аналітыкам, экспертам міжнароднай аналітычнай сеткі Research Solutions Ігарам Тышкевічам

Чэргі да лекараў і тропікі на Палессі — "Раніца з Еўрарадыё" за 11 ліпеня by Euroradio

Закупы ў Польшчы — усё. КДБ РБ кіруе расійскімі ракетамі - Еўразум за 10 ліпеня | Новости за 10 июля by Euroradio

Апошнія навіны з беларуска-польскай мяжы не парадуюць беларусаў, якія мелі там свой гешэфт. Польскія мытнікі больш не прапускаюць на сваю тэрыторыю аўтамабілі, у якіх няма іх гаспадароў. А яшчэ раней яны забаранілі вывозіць з Польшчы тавары. Як гэтыя "санкцыі" паўплываюць на сітуацыю ў Беларусі? Вынікам чаго стала "амністыя" для 16 палітзняволеных і чаго чакаць ад Лукашэнкі далей? Ці працягваць нам спадзявацца на пашпарт Новай Беларусі? Пра гэта гаворым з кіраўніком варшаўскага Цэнтра палітычнага аналізу і прагнозу, доктарам палітычных навук Паўлам Усавым.

Справаздачы пра шлюбы за мяжой і непапулярны Ліцэй Дзяржынскага— "Раніца з Еўрарадыё" за 10 ліпеня by Euroradio

ААН, грызня прапагандыстаў і новая праца Кавалеўскага - Еўразум за 9 ліпеня | Новости за 9 июля by Euroradio

Сітуацыя на беларуска-ўкраінскай мяжы і асабліва агрэсіўныя планы Кіева зноў не даюць спакойна спаць самаму міралюбіваму рэжыму ў нашым рэгіёне (а можа, і не толькі) на чале з Лукашэнкам. Украінскія вайскоўцы не толькі працягваюць мінаваць памежную тэрыторыю (са свайго боку), не толькі будуюць умацаванні, але і ваенныя вучэнні ля мяжы ладзяць. Чым паказваюць, што маюць нядобрыя намеры адносна Беларусі. Якая ніякіх падставаў так сябе паводзіць Кіеву не давала! А тут яшчэ і інфармацыя пра намер дазволіць РДК зладзіць рэйд на Дразды, захапіўшы па дарозе Кобрын і Брэст. Што насамрэч адбываецца на мяжы з Беларуссю і навошта ўкраінскія вайскоўцы рыхтуюцца да нападу на Беларусь? Ці можна чакаць нападу з тэрыторыі Украіны расійскіх добраахвотнікаў пры магчымай падтрымцы “каліноўцаў”? Ці ўплывае на планы ўкраінскіх вайскоўцаў наяўнасць у Лукашэнкі ядзернай зброі і “Паланэзаў” з гераічнным спецназам і АМАПам? На гэтыя ды іншыя пытанні ў эфіры Еўрарадыё адказвае ваенны аналітык, намеснік дырэктара ўкраінскага Цэнтра даследавання войска, канверсіі і раззбраення Міхаіл Самусь

26 чэрвеня Валерый Кавалеўскі нечакана аб’явіў “аб складанні з сябе абавязкаў намесніка кіраўніцы і прадстаўніка па замежных справах у Аб’яднаным пераходным кабінеце”. Прычынай нібыта стала тое, што “з’явіліся разыходжанні ў стратэгічным бачанні шляхоў дасягнення мэтаў дэмакратычнага руху, у арганізацыі і тактыцы вядзення працы, а таксама ў падыходах да ўнутранай палітыкі”. З таго часу цяпер ужо былы прадстаўнік АПК даў некалькі каментароў розным СМІ, але сітуацыя з яго адыходам больш зразумелай не зрабілася. Як і лёс яго праектаў, найперш праекта пашпарта Новай Беларусі, якія Кавалеўскі курыраваў. Што ж насамрэч зрабілася нагодай для адыходу з АПК і што цяпер будзе з праектам пашпарта Новай Беларусі? Ці можна казаць, што Кавалеўскі прайграў “апаратную вайну” і ці былі спробы пераканаць яго застацца? Чым плануе займацца і як ацэньвае сённяшні стан дэмсіл? На гэтыя ды іншыя пытанні ў эфіры Еўрарадыё адказвае экс-дыпламат і былы прадстаўнік па замежных справах Аб’яднанага пераходнага кабінета Валерый Кавалеўскі

Стомленасць час ад часу даганяе кожнага з нас. Нават тых, хто “народжаны прэзідэнтам” і каго хакейная пляцоўка ратуе ад любых каронавірусаў. Вось і Лукашэнку дагнала. Ды прымусіла задумацца пра будучыню “пасля гаспадара шпіца” не толькі беларускіх чыноўнікаў, але і “вежы Крамля” і, магчыма, нават “сяброў” з Паднябеснай. Вайскоўцы якой (супадзенне?) акурат у гэты час упершыню бяруць удзел у ваенных вучэннях у Беларусі. Што адбываецца са здароўем Лукашэнкі і чаго чакаць у выніку абвастрэння яго “стомленасці”? Ракетны ўдар па Кіеве — ці зменіць ён пазіцыі асобных краін адносна дапамогі Украіне і як гэта паўплывае на “місію Орбана”? Ці пойдзе рэжым далей на шляху вызвалення палітвязняў? Гэтыя ды іншыя тэмы абмяркоўваем у штотыднёвым жывым эфіры Еўрарадыё з палітычным аглядальнікам, гісторыкам Аляксандрам Фрыдманам

Журфак БДУ — галоўная школа для беларускіх журналістаў — імкліва змяняецца. Зніклі раней запатрабаваныя спецыяльнасці, знікла магчымасць навучацца платна і не адпрацоўваць размеркаванне. Да таго ж, ад журналістыкі ў Беларусі засталіся ці падкрэслена апалітычныя медыі, ці наскрозь ангажаваная прапаганда. Ці варта сёння паступаць на журфак у Беларусі? І чаму ў шэрагах прапагандыстаў адбыўся раскол, і цяпер яны нападаюць адно на аднога? Размаўляем пра гэта з доктаркай філалагічных навук і экс-загадчыцай Кафедры Тэхналогій камунікацыі журфака БДУ Ірынай Сідорскай.

Чыноўніцкая варажба на бульбе і пераноска для Умкі — "Раніца з Еўрарадыё" за 9 ліпеня by Euroradio

Як выціснуць з сябе бульбасрач? Марк Шагал наш? - Еўразум за 8 ліпеня | Новости за 8 июля by Euroradio

Тое, што беларусы, трапіўшы ў эміграцыю, імкнуцца стварыць уласныя бізнес, даўно не навіна. Мы прызвычаіліся да беларускіх пабаў і кавярняў, канцэртных пляцовак, хабаў ды музычных школаў, ІТ — увогуле наша тэма. Гэта тое, што навідавоку, але далёка не ўсе кірункі, дзе беларусы ствараюць сваё. Беларускі малы бізнес з’яўляецца нават у тых сферах, дзе, здавалася б, месца толькі для мясцовых. Да прыкладу — аўташколы. Але і тут ужо ёсць нашы. Прычым займаючыся сваёй справай, людзі не забываюць ні пра грамадзянскую актыўнасць, ні пра дапамогу сваім. Ці лёгка эмігранту ў Польшчы стварыць свой бізнес і з якім цяжкасцямі альбо нечаканасцямі давялося сутыкнуцца? Як на “беларускі бізнес” у Польшчы паўплывалі падзеі 2020 года і вайна ва Украіне? Ці лёгка захоўваць сваю беларускасць за мяжой і чаму ён не адмаўляецца ад актывізму і падтрымкі каліноўцаў? На гэтыя ды іншыя пытанні ў эфіры Еўрарадыё адказвае грамадскі актывіст, заснавальнік і кіраўнік варшаўскай аўташколы Denis Drive Дзяніс Герасімчык

Днямі стала вядома пра вызваленне шэрагу паляітвязняў. Сам гэты факт нечаканасцю не зрабіўся, бо напярэдадні Лукашэнка анансаваў вызваленне падчас свайго выступу. Але да сёння грамадскасці не вядомая ні дакладная колькасць вызваленых, ні іх імёны. Тым не менш, сам факт вызвалення выклікаў шмат спрэчак і абмеркаванняў у сацсетках і СМІ. Спрачаюцца і наконт прычынаў, якія рэжым да гэтага кроку падштурхнулі, і пра тое, ці лічыць гэты крок “актам гуманнасці”, і пра ролю беларускага грамадства ў працэсах вызвалення палітвязняў. Ці існуюць дзейсныя стратэгіі па вызваленні палітвязняў і ці маем мы ўплыў на тыя стратэгіі? Як у вызваленні дапамагаюць кантакты з “тым бокам” і ці працуюць тыя кантакты насамрэч? Якія навіны прыходзяць з месцаў зняволення і ці варта лічыць гэтае вызваленне пачаткам “адлігі”? На гэтыя ды іншыя пытанні ў эфіры Еўрарадыё адказвае прадстаўніца Аб'яднання сваякоў і колішніх палітвязняў Таццяна Хоміч

4 ліпеня, падчас саміту Шанхайскай арганізацыі супрацы ў Астане, Лукашэнка сустрэўся з Генеральным сакратаром Арганізацыі аб’яднаных нацыяў (ААН) Антоніу Гутэрышам. Паводле інфармацыі прэс-службы ААН, падчас размовы Гутэрыш, сярод іншага, “выказаў занепакоенасць сітуацыяй з правамі чалавека ў Беларусі”. Але з крытыкай прэс-рэліза ААН нечакана выступіў міністр замежных справаў Беларусі Максім Рыжанкоў, які быў прызначаны на сваю пасаду толькі тыдзень таму. Ён заявіў, што практычна ўся сустрэча была прысвечаная дзейнасці ААН у Беларусі, а не правам чалавека, што “ніякага адмысловага кейса адносна Беларусі ў ААН няма, які б сёння даваў права Гутэрышу казаць нешта, выстаўляць прэтэнзіі”. Адметна, што 3 ліпеня на 56-й сесіі Рады ААН па правах чалавека прайшоў інтэрактыўны дыялог па Беларусі, на якім Спецыяльная дакладчыца па пытанні аб становішчы ў галіне правоў чалавека ў Беларусі Анаіс Марэн прэзентавала свой новы даклад. Што змянілася ў Беларусі адносна правоў чалавека ў параўнанні з папярэднім дакладам? Як здабываліся інфармацыя і факты, выкарыстаныя ў дакладзе, на што найперш звярталася ўвага? Якія рэкамендацыі дае Спецдакладчыца і ці ёсць спадзяванні на іх выкананне? На гэтыя ды іншыя пытанні ў эфіры Еўрарадыё адказвае Спецыяльная дакладчыца па пытанні аб становішчы ў галіне правоў чалавека ў Беларусі Анаіс Марэн

Даўняя мара Лукашэнкі нарэшце спраўдзілася — Беларусь стала чальцом Шанхайскай арганізацыі супрацоўніцтва. І для лукашэнкаўскай прапаганды гэта, безумоўна, падзея. Але насамрэч гэтай навіне папярэднічаў шэраг цікавейшых навінаў. Да прыкладу, сустрэча прэзідэнта Польшчы Дуды з кіраўніком Кітая Сі Цзіньпінам, пасля якой нечакана і мігранты на беларуска-польскай мяжы неяк сцішыліся, і на свабоду выйшлі палітвязні. Далёка не ўсе, менш за два дзясяткі, але і гэта зрабілася важнай навіной. Якая спарадзіла шмат развагаў пра прычыны, якія падштурхнулі да такіх дзеянняў Лукашэнку. Што для Лукашэнкі і для Беларусі азначае ўваходжанне нашай краіны ў ШАС? Ці існуюць дзейсныя стратэгіі па вызваленні палітвязняў і ці сапраўды да гэтага рашэння мае дачыненне кіраўнік Кітая? Пра што сведчыць рэакцыя міністра Рыжанкова на інфармацыю прэс-службы ААН пра сустрэчу Гутэрыша і Лукашэнкі? Гэтыя ды іншыя тэмы абмяркоўваем у штотыднёвым жывым эфіры Еўрарадыё з дацэнткай, кандыдаткай гістарычных навук, лідаркай аб’яднання "Наша справа" ў Каардынацыйнай радзе Розай Турарбекавай

Загаловак для Раніцы: Чэк-ап закрыцця мяжы і фэйкавыя студэнты — "Раніца з Еўрарадыё" за 6 ліпеня by Euroradio

"Ліхаманкавае спажыванне" і моўнае пытанне. Еўразум за 5 ліпеня | Новости Беларуси за 5 июля by Euroradio

Праваабаронцам вядомыя прозвішчы 16 палітвязняў, вызваленых 3-га ліпеня. Што гэта было? Добры ўчынак, хітрасць, вымушаны крок з боку ўладаў? Пагаворым пра гэта з палітыкам, блогерам і колішнім вязнем Аляксандрам Кныровічам. Таксама абмяркуем, што адбываецца на беларуска-польскай мяжы і навошта патрэбныя дэлегаты Каардынацыйнай рады (пакуль іх "калегі" ў Беларусі праводзяць асабістыя прыёмы і тэлефонныя лініі.

З вами рубрыка хау мач у якой мы гаворым пра асноуныя эканамичныя выники тыдня. Сёння пагаворым про тое, як беларуския улады просяць у Расии новыя крэдыты. А таксама аб тым, чаму беларуская эканомика перетвараецца у эканомику лихарадачнага спажывання.

Польшча цісне і ні хвіліны спакою — "Раніца з Еўрарадыё" за 5 ліпеня by Euroradio

ШАС спяю і спальшчыкі кніг — Еўразум за 4 ліпеня | Новости Беларуси за 4 ліпеня by Euroradio

Генштаб беларускага Мінабароны расхваляваўся праз украінскіх вайскоўцаў ля мяжы з Беларуссю і чарговы раз пабракаў уяўнай ядзернай зброяй. Ці ўспрымаюць у Кіеве сур'ёзна гэтае "інфармацыйнае абвастрэнне"? І як будуць адказваць? Таксама абмяркуем значэнне выхаду з беларускіх СІЗА і калоній украінскіх вязняў. Гэта сапраўды быў абмен, але абмен Украіны з Расіяй. А Мінск проста пастаяў побач — Лукашэнка зрабіў тое, што яму сказалі. У чым тут яго прыбытак? І якое значэнне абмен мае для ўкраінцаў? Нарэшце, абмяркуем візіт Віктара Орбана ў Кіеў. Там ён прапанаваў Уладзіміру Зяленскаму мірны план, вельмі падобны да расійскага. А Зяленскі прадказальна адрынуў яго. Якія гэта будзе мець наступствы? І для чаго гэта ўвогуле зроблена? Пра ўсё гэта ў размове з дырэктарам украінскага Інстытута сусветнай палітыкі, экспертам iSANS Яўгенам Магдам.

4 ліпеня ў эфіры Еўрарадыё — журналістка, рэжысёрка, былая намесніца старшыні “Таварыства маладых літаратараў”, пісьменніца, мастацтвазнаўца, сяброўка Асацыяцыі мастакоў Пасадэны (Каліфорнія), заснавальніца галерэі VitArt Gallery (Лос-Анджэлес, ЗША) Віта Раманенка (Solzberg). Беларусы спрадвеку ведалі, што мадэль сусвету нашмат складанейшая, чым падаецца на першы погляд. І гэтыя свае веды нашы продкі закадавалі ў народных абрадах і малюнках вышыванак, у традыцыях і… павуках. Тых самых саламяных павуках, якія мы ўспрымалі не больш як забаўку ці цацку. А гэта складаная канструкцыя, наш партал сувязі з сусветам, канал, праз які мы можам уплываць на свой лёс і сваю будучыню, перакананая Віта Раманенка. Пра тое, чаму ў беларускай нацыі заўжды існавала (і працягвае існаваць) перарванасць пакаленняў, што насамрэч уяўляюць з сябе “павукі” і як гэта — жыць у адпаведнасці з вібрацыямі свайго генафонду, мы і разважаем у праграме “Ідэя Х” з Вітай Раманенка.

Сыход дактароў і крэдытная ліхаманка — "Раніца з Еўрарадыё" за 3 ліпеня by Euroradio

"Пердача ў дар" і тры мядзведзіхі — Еўразум за 2 ліпеня | Новости Беларуси за 2 июля by Euroradio

Прызначэннямі ў МЗС і АП Лукашэнка перахапіў парадак дня. Усе абмяркоўваюць, як Пяткевіч будзе ўжывацца з Эйсмант. І амаль ніхто — як Круты будзе ўжывацца з Рыжанковым. На гэтым фоне прафесіяналы працягваюць з'язджаць з Беларусі, нараджальнасць падае, а Лукашэнка змяншае дапамогу шматдзетным сем'ям. Гэта ўсё — прыкметы руйнавання "сацыяльнай дзяржавы"? Размаўляем пра гэта з доктаркай навук, гендарнай эксперткай Ірынай Сідорскай у праграме Gender Gap.

Ад'езд моладзі і неўміручыя пенсіянеры — "Раніца з Еўрарадыё" за 2 ліпеня by Euroradio

Вызваленне “дыверсантаў” і няўдалая авантура — Еўразум за 1 ліпеня | Новости Беларуси за 1 июля by Euroradio

Навіна пра чарговыя кадравыя прызначэнні, праведзеныя Лукашэнкам, жыла нядоўга. Больш за прызначэнне новага міністра замежных спраў і кіраўніка лукашэнкаўскай адміністрацыі тых, хто яшчэ сочыць за гэтымі перастаноўкамі, зацікавіла рашэнне вярнуць амаль з нябыту былую фаварытку Наталлю Пяткевіч на пазіцыю намесніцы кіраўніка прэзідэнцкай адміністрацыі. І раптоўная смерць былога амбасадара Беларусі ў Германіі Дзяніса Сідарэнкі. Але і гэта перабілі навіны пра вызваленне з лукашэнкаўскага палону пяці грамадзянаў і грамадзянак Украіны, частку з якіх нават прызналі палітвязнямі. Што мяняе на палітычным полі супраца дэмсіл з ПАСЕ і што стаіць за рашэннем вярнуць у абойму Наталлю Пяткевіч? Якую ролю мусіць выконваць новапрызначаны кіраўнік АП і што чакае МЗС? Якія пагадненні дазволілі Украіне выцягнуць сваіх людзей з лукашэнкаўскага палону і як Еўропа адрэагуе на новую хвалю ядзернага шантажу рэжыму? На гэтыя ды іншыя пытанні ў эфіры Еўрарадыё адказвае лідар фракцыі “Каманда Латушкі і Рух “За свабоду” ў Каардынацыйнай радзе, кіраўнік Народнага антыкрызіснага ўпраўлення і намеснік кіраўніцы Аб’яднанага пераходнага кабінета Павел Латушка

Эксперты з аналітыкамі і нават палітыкі-скептыкі раяць і лідарамі дэмсіл, і усяму дэмакратычнаму руху агулам не лунаць у аблоках, а пачаць рэальна глядзець на сітуацыю. Не дзеда марна злаваць, а (там некалькі пунктаў, але нас сёння цікавіць адзін) займацца “медыйкай”. Што праўда, далей пачынаецца “цёмны лес”, бо як той “медыйкай” ва ўмовах эміграцыі займацца, не асабліва зразумела. Ды яшчэ і каб гэты занятак набліжаў нас да пераменаў… Што магчыма сёння зрабіць, каб захаваць і медыя, і калектыў, і сваю аўдыторыю? Як ва ўмовах вайны і таталітарызму сумясціць місію і бізнес-паспяховасць медыяпраекта? Якія наратывы адпрацоўвае сёння лукашэнкаўская і расійская прапаганда і ці сапраўды яна недалёкая і няякасная? На гэтыя ды іншыя пытанні ў эфіры Еўрарадыё адказвае вядоўца ранішняга шоу на Радыё USA, медыякансультант Сяргей Кузін

Звальненне з пасады міністра замежных спраў Алейніка хоць і стала крыху нечаканым для экспертаў, але… не больш за тое. Маўляў, звольніў Лукашэнка Алейніка, прызначыў кадравага дыпламата Рыжанкова, толькі нічога гэта ў замежнай палітыцы Беларусі не зменіць. Бо не гэтыя “міністры” прымаюць нейкія рашэнні і фармуюць парадак дня — яны на ўсё гэта фактычна і ўплыву ніякага не маюць. А ў той жа час дэмакратычныя сілы пашыраюць і ўзмацняюць свае кантакты з Захадам. Што праўда, і тут ёсць адна кадравая нечаканасць: сышоў з пасады прадстаўнік па замежных справах Аб’яднанага пераходнага кабінета Валерый Кавалеўскі. Ці варта чакаць нейкіх зменаў ад прызначэння новага міністра ў МЗС і што такое замежная палітыка Мінска сёння? Як сёння выглядаюць адносіны Мінска з Масквой і што там з “саюзнай інтэграцыяй”? Ці змяняецца стаўленне Захаду да беларускіх дэмсіл і рэжыму ў Мінску і што зменіцца з адыходам Кавалеўскага? Гэтыя ды іншыя тэмы абмяркоўваем у штотыднёвым жывым эфіры Еўрарадыё з дацэнткай, кандыдаткай гістарычных навук, незалежнай эксперткай, лідаркай аб’яднання "Наша справа" ў Каардынацыйнай радзе Розай Турарбекавай

Як стала вядома, Германія і Францыя заблакавалі ўвядзенне новых еўрапейскіх санкцый у дачыненні да лукашэнкаўскага рэжыму. Гаворка найперш пра забарону на ўвоз у Беларусь заходніх аўтамабіляў, а таксама прадметаў раскошы. У якасці аргумента Берлін і Парыж выкарыстоўваюць тое, што, маўляў, нельга ў пытанні санкцый зраўняць Мінск і Маскву, бо Беларусь усё яшчэ наўпрост не ўдзельнічае ў вайне Расіі ва Украіне. На фоне словаў Паўла Латушкі пра непублічныя перамовы Мінска з Парыжам узнікаюць пытанні наконт жадання Захаду “перагарнуць старонку” ў адносінах з рэжымам. Што стаіць за блакаваннем часткі санкцый у дачыненні да лукашэнкаўскага рэжыму Берлінам і Парыжам? Як сёння выглядаюць галоўныя функцыі МЗС і АП і чаго чакаць ад змены кіраўніцтва ў гэтых структурах? Ці сапраўды Захад гатовы сур’ёзна разглядаць магчымасць “перагарнуць старонку” і якая рэакцыя экспертаў і СМІ на дэбаты Байдэна і Трампа? Гэтыя ды іншыя тэмы абмяркоўваем у штотыднёвым жывым эфіры Еўрарадыё з палітычным аглядальнікам, гісторыкам Аляксандрам Фрыдманам

Кепская нейтральнасць і тысячы на выпускных — "Раніца з Еўрарадыё" за 29 чэрвеня by Euroradio

"Пашпарт — RIP" і смерць за кейпоп — Еўразум за 28 чэрвеня | Новости Беларуси за 28 июня by Euroradio

Здавалася б, не звязаныя паміж сабой адстаўка і прызначэнне: Алейніка — з пасады міністра МЗС і Крутога — на пасаду кіраўніка лукашэнкаўскай адміністрацыі. Але выглядае на тое, што яднае абодва гэтыя рашэнні эканоміка. Бо даўно вядома, што для Лукашэнкі амбасада РБ у РФ — найперш гандлёвае прадстаўніцтва Беларусі ў Расіі, таму галоўная задача дыпламатаў і ўсяго МЗС — гандляваць беларускімі трактарамі па ўсім свеце. А пры чым тут футбол, спытаецеся вы. Пры тым, што футбол — гэта таксама грошы, нават у Беларусі. А дзе грошы, там і карупцыя — нават у беларускім футболе, як бы смешна гэта ні гучала. Што ж не так з беларускім футболам у плане карупцыі і адкуль яна там узялася? Як сёння выглядаюць галоўныя функцыі МЗС і АП і пра што сведчыць арыентацыя на эканамістаў у новых прызначэннях? Ці не перабольшвае Кныровіч, калі заяўляе пра спробу ўвесці ў Каардынацыйнай радзе “прыгоннае права”? Гэтыя ды іншыя тэмы абмяркоўваем у штотыднёвым жывым эфіры Еўрарадыё з прадстаўніком фракцыі “Беларусы” (былы “Блок Пракоп’ева — Ягорава”), блогерам і прадпрымальнікам Аляксандрам Кныровічам

Як тасуецца калода з чыноўнікамі, звычайна цікавасці не выклікае. Па-першае, там найчасцей адны і тыя ж даўно вядомыя асобы, па-другое, ад іх мала што залежыць, і самі з сябе яны нічога цікавага не ўяўляюць, бо самастойных рашэнняў практычна не прымаюць. Але часам здараюцца выключэнні, і кадравыя рашэнні на непрацяглы час звяртаюць на сябе ўвагу. Да прыкладу, рашэнне вярнуць амаль што з нябыту былую фаварытку Наталлю Пяткевіч на пазіцыю намесніцы кіраўніка прэзідэнцкай адміністрацыі. У кампанію да Наталлі Эйсмант і Наталлі Качанавай. А там яшчэ і змена кіраўнікоў самой АП і МЗС… Што стаіць за рашэннем вярнуць у абойму Наталлю Пяткевіч і ці здольная яна супрацоўнічаць з двума іншымі Наталлямі — Эйсмант і Качанавай? Якую ролю мусіць выконваць новапрызначаны кіраўнік АП і што стаіць за звальненнем Алейніка? Якія праблемы сёння найперш паўстаюць перад беларускай грамадзянскай супольнасцю і пры чым тут Каардынацыйная рада? На гэтыя ды іншыя пытанні ў эфіры Еўрарадыё адказвае палітолаг, былы супрацоўнік Адміністрацыі прэзідэнта, кіраўнік міжнароднага дэпартамента Фонду спартыўнай салідарнасці Анатоль Котаў

Успышка пнеўманій і праваслаўныя войскі — "Раніца з Еўрарадыё" за 28 чэрвеня by Euroradio

Бяссільны Чэрчыль і нечаканы бізнес — Еўразум за 27 чэрвеня | Новости Беларуси за 27 июня by Euroradio

Фрыдман — пра перастаноўкі ў Лукашэнкі by Euroradio

27 чэрвеня ў эфіры Еўрарадыё — заснавальнік фестывалю абуджаных “TUTAKA”, старшыня фонду “TUTAKA” Павел Станкевіч. Беларусы могуць нават не ўсведамляць сваёй беларускасці ці нават свядома ад яе адмовіцца, але яны заўсёды будуць заставацца “тутэйшымі”. І, магчыма, менавіта гэтая “тутэйшасць” выратавала беларусаў як нацыю. Бо хаваючыся ў сваёй “тутэйшасці”, нашыя людзі так і не здолелі пераканаць сябе і сказаць “я расіянін” ці “я паляк”. Але з часам сапраўдная беларускасць праб’ецца праз любую “тутэйшасць”, перакананы Павел Станкевіч. Пра тое, чаму нельга дзяліць беларусаў на “беларускіх” і “польскіх”, чаму часам важна адчуць сябе меншасцю і як беларусаў выратавала іх “тутэйшасць”, мы і разважаем у праграме “Ідэя Х” з Паўлам Станкевічам.

Ужо не аднойчы беларусы, якіх лукашэнкаўскі рэжым абвясціў у міжнародны вышук, траплялі ў непрыемныя сітуацыі: іх затрымлівалі ў краінах, якія працягваюць супрацоўнічаць з лукашэнкаўскімі сілавікамі па лініі, да прыкладу, Інтэрпола. І калі нават вас не дэпартуюць адразу ў Беларусь, то ўсё адно такія затрыманні гарантуюць непрыемнасці. Гэта не толькі знаходжанне ў мясцовым СІЗА да высвятлення абставінаў, але і траты на адвакатаў і судовыя разборы. Як даведацца, ці ўнеслі вас у базу вышуку Інтэрпола, і што рабіць у такім выпадку? Як сёння выглядае спіс краінаў, у якія беларусам рызыкоўна прыязджаць, і ці магчыма нейкім чынам туды бяспечна трапіць пры неабходнасці? Ці здольныя дэмсілы ўплываць на сітуацыю ў выпадку вашага затрымання і што адразу мусіць зрабіць затрыманы? На гэтыя ды іншыя пытанні ў эфіры Еўрарадыё адказваюць прэзідэнтка Беларускай асацыяцыі адвакатаў правоў чалавека Марыя Колесава-Гудзіліна і юрыстка, сузаснавальніца дабрачыннай ініцыятывы “Партызанка” Ганна Маціеўская

Канец прыватных ВНУ і мінамёты на БМЗ — "Раніца з Еўрарадыё" за 27 чэрвеня by Euroradio

Ах, віза і нахабныя кляшчы — Еўразум за 26 чэрвеня | Новости Беларуси за 26 июня by Euroradio

Словы міністра Сікорскага і прэзідэнта Дуды пра магчымае поўнае закрыццё мяжы з Беларуссю прымушаюць задумацца пра тое, як сябе ў гэтай сітуацыі будзе паводзіць Літва. Шэраг экспертаў не выключае, што і ў Вільні пойдуць тым жа шляхам, тым больш што раней літоўскі бок таксама казаў пра закрыццё пераходаў на літоўска-беларускай мяжы. Што ў адказ зробіць Лукашэнка, прагназаваць складана, але не выключана, што ён дасць загад сваім спецслужбам яшчэ больш эскаляваць сітуацыю. І гэтыя дзеянні лагічна прывядуць да яшчэ больш падазронага стаўлення да беларусаў, якія сёння жывуць у Літве. Што можа схіліць кіраўніцтва Літвы да закрыцця мяжы з Беларуссю і якія пагрозы гэта нясе як самой Літве, так і беларускаму грамадству? Як Літва і іншыя краіны Балтыі рыхтуюцца да магчымай вайны з Расіяй і пры чым тут Кітай? Ці здольныя дэмсілы зрабіць нешта, каб Беларусь не апынулася за “жалезнай заслонай”, і як вярнуць паразуменне паміж літоўскім грамадствам і беларусамі? На гэтыя ды іншыя пытанні ў эфіры Еўрарадыё адказвае літоўскі палітолаг, прафесар кафедры філасофіі ўніверсітэта Вітаўта Вялікага Гінтаўтас Мажэйкіс (Gintautas Mažeikis)

Чарговае, ужо трэцяе паседжанне кансультацыйнай групы “Беларусь — ЕС” прайшло 25 чэрвеня ў Бруселі. Дэмакратычныя сілы Беларусі былі на той сустрэчы прадстаўленыя даволі шырока: ад Святланы Ціханоўскай да прадстаўнікоў Аб’яднанага пераходнага кабінета і Каардынацыйнай рады. Ва ўмовах, калі дэмакратычныя сілы могуць толькі дэкларатыўна заяўляць пра еўрапейскі выбар Беларусі, але рэальна нічога для яго прасоўвання пакуль зрабіць не могуць, такія кансультацыі на першы погляд падаюцца абмеркаваннем віртуальных планаў на няпэўную будучыню. Што абмяркоўвалі на гэтым паседжанні кансультацыйнай групы і якія рэальныя вынікі ад такіх сустрэч? Як сёння выглядае фармат “Беларусь — ЕС” і якую ролю у ім выконвае Каардынацыйная рада? Ці здольныя дэмсілы ўплываць на сітуацыю ў Беларусі і што для беларусаў можа зрабіць КР? На гэтыя ды іншыя пытанні ў эфіры Еўрарадыё адказвае прадстаўніца фракцыі “Спіс Латушкі і Рух “За свабоду”, каардынатарка праектаў Народнага антыкрызіснага ўпраўлення Анжаліка Мельнікава

Надоечы невядомыя прыхільнікі Расіі хадзілі па Брэсце з “уласаўскім трыкалорам” і іншай z-сімволікай расійскіх акупантаў. Чым выклікалі здзіўленне ў асобных жыхароў горада і спробу даведацца, з якой мэтай гэтыя рускамірскія “хадуны” ладзяць свой флэшмоб. Сітуацыя гэтая трапіла ў сацсеткі і прыцягнула да сябе ўвагу так званых “сілавікоў”. У якіх рэакцыя на такія несанкцыянаваныя акцыі адна — затрымаць. Адметна, што затрымалі не пікетоўшчыкаў незарэгістраванай сімволікай, а цікаўных мінакоў. Сама ж інфармацыя ў каналах ГУБАЗіКа сабрала каментары з заклікамі “пасадзіць гэтых змагароў на бутэльку”… Што новага ў гэтай сітуацыі з затрыманнямі ў Брэсце і якую пагрозу яна нясе? Як на настроі ў беларускім грамадстве можа паўплываць закрыццё Польшчай мяжы з Беларуссю і пры чым тут Кітай? Ці здольныя дэмсілы зрабіць нешта, каб Беларусь не апынулася за “жалезнай заслонай”? Гэтыя ды іншыя тэмы абмяркоўваем у штотыднёвым жывым эфіры Еўрарадыё з кіраўніком варшаўскага Цэнтра палітычнага аналізу і прагнозу, доктарам палітычных навук, сябрам “Вольнай Беларусі” Паўлам Усавым

Збяднелыя айцішнікі і кітайскі музей Беларусі — "Раніца з Еўрарадыё" за 26 чэрвеня by Euroradio

Скаржнік Дуда і ненашэсце хрушчоў — Еўразум за 25 чэрвеня | Новости Беларуси за 25 июня by Euroradio

Прэзідэнт Польшчы Анджэй Дуда заявіў, што адной з галоўных тэмаў яго перамоваў з Сі Цзіньпінам стала тэма адносінаў Кітая з Расіяй і Беларуссю і ўплыў гэтых адносінаў на вайну ва Украіне. Зразумела, што для Польшчы беларуская тэма актуальная не толькі з пункту гледжання саўдзелу Лукашэнкі ў расійскай вайне ва Украіне, але і з прычыны напружання, якое лукашэнкаўскі рэжым стварае на беларуска-польскай мяжы з дапамогай мігрантаў. Дайшло да таго, што Польшча, паводле міністра замежных спраў Радаслава Сікорскага, можа цалкам закрыць памежныя пераходы з Беларуссю. Ці здольны Кітай уплываць на Крэмль у пытанні вайны ва Украіне і ці атрымаецца ў Дуды пераканаць Сі Цзіньпіна скарыстацца гэтым уплывам? Як закрыццё памежных пераходаў можа паўплываць на сітуацыю з нелегальнымі мігрантамі і як гэта закране звычайных беларусаў? Ці стануць падзеі ў Дагестане пачаткам грамадзянскай (рэлігійнай) вайны ў Расіі? Гэтыя ды іншыя тэмы абмяркоўваем у штотыднёвым жывым эфіры Еўрарадыё з палітычным аглядальнікам, гісторыкам Аляксандрам Фрыдманам.

Каманда спецпраекта прававой ініцыятывы “Міжнародны камітэт па расследаванні катаванняў у Беларусі” апублікавала сваё новае расследаванне — “Катаванні ў Маскоўскім РУУС Мінска 9-13 жніўня 2020 года”. І гэта не толькі сведчанні людзей, якія прайшлі праз катаванні, не толькі медыцынскія даведкі пра тое, якія факты катаванняў зафіксавалі. Важнае ў гэтым даследаванні тое, што правабаронцы высветлілі імёны злачынцаў у форме, якія тыя катаванні здзяйснялі. Чаму было абранае менавіта гэтае РУУС і як збіраліся сведчанні пацярпелых? Як удалося высветліць імёны злачынцаў і ці сапраўды ёсць неабвержныя доказы іх вінаватасці? Ці магчыма прыцягнуць вінаватых да адказнасці і ці не прыйшоў нам час перастаць “жыць у парадыгме 2020 года”? На гэтыя ды іншыя пытанні ў эфіры Еўрарадыё адказвае праваабаронца прававой ініцыятывы “Міжнародны камітэт па расследаванні катаванняў у Беларусі” Вікторыя Фёдарава

Санкцыі супраць БРСМ і хіт на мяжы — "Раніца з Еўрарадыё" за 25 чэрвеня by Euroradio

Рэзкі Сікорскі і чароўны трусік — Еўразум за 24 чэрвеня | Новости Беларуси за 24 июня by Euroradio

Пакуль новаабраны (ці ўпершыню абраны) так званы “прадстаўнічы орган беларусаў” Каардынацыйная рада займаецца, як падаецца, выключна тым, што там усе высвятляюць адносіны з усімі. Нехта лічыць, што гэта нармальны “адукацыйны” працэс “росту”, а камусьці гэта падаецца доказам развалу і дэградацыі дэмсіл. Усё гэта мы назіраем на фоне ўзмацнення пераследу лукашэнкаўскімі сілавікамі беларусаў, якія з’ехалі за мяжу: на сёння завялі ўжо 108 спраў “спецвытворчасці”, і старшыня СК абяцае, што іх будзе больш. А ёсць яшчэ фактар вайны ва Украіне і пагроза ўцягвання Беларусі ў вайну ў “гарачай форме”, міграцыйны крызіс і іншыя праблемы. Як дастаткова канфліктная сітуацыя ў КР уплывае на стаўленне заходніх палітыкаў да гэтай структуры беларускіх дэмсіл? Як у адной галаве ўжываюцца пазіцыя пераследу ўсіх за любую прыкмету нелаяльнасці да рэжыму і заклікі вяртацца на радзіму? Як апошнімі днямі змяняецца тактыка гібрыднай атакі з Беларусі на ЕС і якой рэакцыі чакаць у адказ адносна беларусаў, якія знаходзяцца ў краінах Еўрасаюза? На гэтыя ды іншыя пытанні ў эфіры Еўрарадыё адказвае палітычны аналітык Арцём Шрайбман

У выказванні сваёй пазіцыі як адносна ролі Масквы і Мінска ў вайне Азербайджана і Арменіі, так і адносна стаўлення да АДКБ і канкрэтна да асобы Лукашэнкі афіцыйны Ерэван пайшоў яшчэ далей — днямі адбылася сустрэча міністра замежных спраў Арменіі са Святланай Ціханоўскай. Што праўда, генеральны сакратар АДКБ Тасмагамбетаў папрасіў ад Пашыняна яшчэ больш канкрэтыкі адносна сяброўства Арменіі ў гэтай арганізацыі — ці працягнецца яно. Чаму Арменія менавіта цяпер вырашыла акрэсліць змену свайго стаўлення да асобных арганізацый і палітыкаў і як далёка Ерэван гатовы зайсці? Якая імавернасць таго, што ў Захаду атрымаецца перацягнуць на свой бок Кітай па пытанні вайны Расіі супраць Украіны? Як апошнімі днямі змяняецца тактыка гібрыднай атакі з Беларусі ў бок ЕС і якой рэакцыі чакаць у адказ? Гэтыя ды іншыя тэмы абмяркоўваем у штотыднёвым жывым эфіры Еўрарадыё з дацэнткай, кандыдаткай гістарычных навук, незалежнай эксперткай, лідаркай аб’яднання "Наша справа" ў Каардынацыйнай радзе Розай Турарбекавай

Вандруючы па свеце, часцей пералічвайце свае наяўныя, а яшчэ лепей — расплачвайцеся карткай. Хто ведае, раптам на ваш кашалёк таксама загледзіцца які-небудзь памежнік з аэрапорта Неапаля? Больш падрабязна пра гэта чытайце ў нашай штодзённай зводкі міжнародных навін.

Аптымісты з ураду і ніякіх дзяцей — "Раніца з Еўрарадыё" за 22 чэрвеня by Euroradio

Ашчадныя жанчыны і кэнселінг Быкава — Еўразум за 21 чэрвеня | Новости Беларуси за 21 июня by Euroradio

Чаму беларускія улады не думаюць, што робяць. Эканамічныя навіны Беларусі за тыдзень by Euroradio

Раніцай 21 чэрвеня долар і еўра прыбавілі адразу па 5 капеек! Такога імклівага росту даўно не было. Гэта рэха спынення таргоў гэтымі валютамі на Маскоўскай біржы? Дрэнныя паводзіны рубля абмяркуем з блогерам і палітыкам Аляксандрам Кныровічам. Таксама пагаворым пра тое, чым займаецца ў гэты драматычны час Лукашэнка (спойлер: сваёй улюбёнай справай), пра раптоўную (але якую ўжо па ліку?) праверку боегатоўнасці беларускіх войскаў, пра тое, чаму СТБ баіцца паказаць беларусам хоць адзін матч Еўра-2024 з удзелам зборнай Украіны і што азначае разварот Ерэвана ў бок Святланы Ціханоўскай.

У Беларусі працягваецца крэдытная ліхаманка. Крэдыты ў нацыянальнай валюце актыўна бяруць як прадпрыемствы, так і звычайныя людзі. Але ў Нацбанку пераймаюцца, што гэта можа кепска скончыцца. Паралельна рэгулятар адзначае, што грамадзяне краіны зноў панеслі грошы ў банкі, прычым большасць укладаў робяць жанчыны. Усё гэт,а а таксама планы ўладаў на пенсіянераў, сітуацыю на Маскоўскай біржы, немагчымасць "Жабак" у Беларусі ў 12:00 па мінскім часе абмяркооўваем з эканамістам, кіраўніком праекта "Кошт урада" Уладзімірам Кавалкіным.

Пагрозы закрэдытаванасці і адны "экстрэмісты" — "Раніца з Еўрарадыё" за 21 чэрвеня by Euroradio

Пракляты інстаграм і тлусты Кім — Еўразум за 20 чэрвеня | Новости Беларуси за 20 июня by Euroradio

Пра нібыта непераадольны падзел беларускага грамадства па прыкмеце “з’ехалі/засталіся”, пачалі актыўна казаць недзе з пачатку 2022 года. Але што сталася найбольш балючым і дыскусійным, дык гэта нейкія крыўды і абвінавачванні, якія, ізноў жа, нібыта бакі выстаўляюць адзін адному. Тыя, хто выехаў з краіны, сцвярджаецца, вінавацяць тых, хто застаўся, у “фінансаванні рэжыма сваімі падаткамі”, “перагортванні старонкі” і нават у калабарацыянізме. А тыя, хто застаецца ў Беларусі, пераконваюць іншых, вінавацяць тых, хто выехаў, у тым, што яны кінулі краіну і аднадумцаў у складаны час, жывуць у спакоі і дабрабыце і страцілі сувязь з айчынай. Але гэта ўсё не зусім так, сцвярджаюць аўтары “Даследвання канфлікта паміж прадэмакратычнымі групамі ў беларускім грамадстве: “тыя, хто сыйшоў” і “тыя, хто застаўся”. Чаму губляецца сувязь паміж беларусамі па розныя бакі мяжы і ці толькі беларусаў у эміграцыі і беларусаў у Беларусі такі падзел тычыцца? Якія прычыны канфлікту і непаразумення паміж тымі, хто застаўся, і тымі, хто з’ехаў? Якая роля ў гэтым непаразуменні спецслужб і ці не вынік гэта выключна іх дзейнасці? На гэтыя ды іншыя пытанні ў эфіры Еўрарадыё адказвае сацыёлаг Генадзь Коршунаў

20 чэрвеня ў эфіры Еўрарадыё — навуковец у галіне калоіднай хіміі, былы супрацоўнік Інстытута агульнай і неарганічнай хіміі Акадэміі навук Беларусі, вынаходнік, футуролаг, навуковы журналіст, папулярызатар тэхнічнай навукі Сяргей Бесараб. Беларусы як нацыя заўжды рухалі чалавецтва да зорак. Мы — касмічная нацыя, фактычна нацыя інжынераў-прыборабудаўнікоў. Але імкнучыся да зорак, мы абавязаныя памятаць пра свае карані. Бо адарваўшыся ад каранёў, адрокшыся ад сваёй ідэнтычнасці і беларускасці, мы з касмічнай нацыі ператворымся ў звычайных “касмічных валацуг” без мэты і без памяці, перакананы Сяргей Бесараб. Пра тое, чаму беларускія навукоўцы ў пераважнай большасці не ідэнтыфікуюць сябе як беларусы, ці можа навука спрыяць нацыянальнай свядомасці нацыі і як беларусы сталі “касмічнай нацыяй”, мы і разважаем у праграме “Ідэя Х” з Сяргеем Бесарабам.

Колішні заснавальнік легендарнага “Белага легіёна” Сяргей Бульба, як высветлілася, канчаткова ад тэмы ваенна-спартовага і патрыятычнага выхавання не адыйшоў. Днямі стала вядома, што ён стаў на чале спартова-патрыятычнай абарончай арганізацыі “Паспалітае рушэнне”. Арганізацыі, ініцыятарам якой у свой час быў Валеры Сахашчык, але якая цягам апошняга года перажыла не толькі змену некалькіх кіраўнікоў, але і мае складанасці, як з фінансаваннем, так і з правядзеннем трэніровак. Чаму вырашыў вярнуцца да дзейнасці, звязанай з ваеннай і патрыятычнай скіраванасцю? Якія праблемы сёння існуюць у “Паспалітага рушэння” і як іх магчыма вырашыць? Навошта беларусам у эміграцыі займацца патрыятычным і вайсковым выхаваннем і як да такіх ініцыятыў ставяцца мясцовыя ўлады? На гэтыя ды іншыя пытанні ў эфіры Еўрарадыё адказвае палітычны актывіст, заснавальнік “Белага легіёна”, кіраўнік хаба “Робім разам” і “Паспалітага рушэння” Сяргей Бульба

Плюшкі для пенсіянераў і сачэнне за падлеткамі — "Раніца з Еўрарадыё" за 20 чэрвеня by Euroradio

Быкаў ва ўспамінах Някляева і зоркі Еўра-2024 — Еўразум за 19 чэрвеня | Новости Беларуси за 19 июня by Euroradio

Эмацыйная спрэчка паміж дацэнткай, кандыдаткай гістарычных навук Розай Турарбекавай і блогерамі па пытаннях экспертнасці, папулізма, аргументаванасці выказванняў і гэтак далей стала не проста яшчэ адным скандалам у шэрагах дэлегатаў Каардынацыйнай рады новага складу. Наперш гэтая сітуацыя прымусіла прыглядзецца да людзей, якія прыйшлі ў КР і задумацца пра іх матывацыю, іх намеры і тое, якія мэты яны перад сабой ставяць і якімі сродкамі гатовыя іх дасягаць. Чаму ўзнікла непаразуменне паміж імі і Розай Турарбекавай і прычым тут “узровень экспертнасці”? Ці варта ў спрэчцы палітычных актараў пераходзіць на асобы і як яны бачаць пабудову камунікацыі ўнутры КР? Якія мэты пераследуюць і чаго плануюць дасягнуць праз удзел у працы КР, якімі сродкамі і якія ў іх ёсць для гэтага інструменты? На гэтыя ды іншыя пытанні ў эфіры Еўрарадыё адказваюць дэлегаты Каардынацыйнай рады, блогеры Аляксандр Кабанаў з фракцыі “Воля” і Арцём Шапараў з фракцыі “Каманда Латушкі і рух “За свабоду”

Пакуль прэм'ер Арменіі Пашынян пагражае выхадам яго краіны з АДКБ і сварыцца з Лукашэнкам, а прэм’ер Польшчы Туск расказвае пра агентаў Масквы і Мінска, якія трапілі на тэрыторыю ЕС дзякуючы праграмам рэлакацыі для айцішнікаў, Лукашэнка працягвае расказваць пра сваё імкненне да міра і рыхтуе беларусаў… да вайны. Бо, як вядома — вораг паўсюль! Ну, апроч таго, што за ўсходняй мяжой. Якім будзе вынік мірнай канферэнцыі ў Швецарыі для Украіны і для Расіі, чаму там зусім не ўзгадалі пра Беларусь? Ці варта чакаць, што рэзкія словы Пашыняна на адрас АДКБ і Лукашэнкі сапраўды прывядуць да зменаў знешняй палітыкі Арменіі? Як на пазіцыю Ізраіля адносна лукашэнкаўскага рэжыма паўплываюць антысеміцкія выказванні Лукашэнкі? Гэтыя ды іншыя тэмы абмяркоўваем у штотыднёвым жывым эфіры Еўрарадыё з палітычным аглядальнікам, гісторыкам Аляксандрам Фрыдманам.

Назіраючы за тым, як дэлегаты новага складу Каардынацыйнай рады падзяліліся на “большасць” і “апазіцыйную меншасць” і як яны зацята спрачаюцца паміж сабой, пэўная частка грамадства адчувае здзіўленне і неразуменне таго, чаму аднадумцы ніяк не могуць дамовіцца паміж сабой. Ужо нават пачалі ўзаемныя абвінавачванні. Адныя кажуць на другіх, што тыя не жадаюць супрацоўнічаць, іншыя вінавацяць апанентаў у спробе “канстытуцыйнага перавароту” і “аўтарытарызме”… Вось толькі гэтая недамоваздольнасць была ў нашых дэмакратычных палітыкаў фактычна заўжды. Наколькі няздольнасць аб’ядноўвацца — гэта новая з’ява ў беларускай дэмакратычнай супольнасці? Ці варта верыць прапагандзе наконт паўсюдных агентаў спецслужб? Ці сапраўды існуе небяспека ўзвядзення “жалезнай заслоны” на мяжы з Беларуссю і як супрацьстаяць распаўсюду “рускага света”? Гэтыя ды іншыя тэмы абмяркоўваем у штотыднёвым жывым эфіры Еўрарадыё з кіраўніком варшаўскага Цэнтра палітычнага аналізу і прагнозу, доктарам палітычных навук, сябрам “Вольнай Беларусі” Паўлам Усавым.

Апастыль за дзень і прапагандысты на Алімпіядзе — Еўразум за 19 чэрвеня | Новости за 19 июня by Euroradio

Адна міністарка і нехімічны "Персіл" — Еўразум за 18 чэрвеня | Новости Беларуси за 18 июня by Euroradio

З першага дня новы склад Каардынацыйнай рады падзяліўся на “большасць” і “апазіцыйную меншасць”, што, у прынцыпе, нармальна. Вось толькі неўзабаве сталі інтэнсіўнымі не толькі працэсы, але і узровень супрацьстаяння. “Большасць” захацела пачаць працу з адмены ўсяго, зробленага папярэднікамі, нават Статута. Бо той перашкаджаў карыстацца мандатам сябрам АПК Паўлу Латушку і Аліне Коўшык (фракцыя “Еўрапейскі выбар”). Латушку адразу абвінавацілі ў спробе “канстытуцыйнага перавароту” і “аўтарытарызме”… Як фармавалася “кааліцыя большасці” і ці сапраўды існуе праблема камунікацыі ў дэлегатаў КР? Як дэлегаты плануюць працаваць, калі пачынаюць з адмены ўсіх дакументаў, што рэгулююць працу КР? У якім стане сёння беларускія дэмсілы і да чаго можа прывесці скандал у Каардынацыйнай радзе? На гэтыя ды іншыя пытанні ў эфіры Еўрарадыё адказваюць лідар спіса “Каманда Латушкі і рух “За свабоду”, кіраўнік Народнага антыкрызіснага ўпраўлення і намеснік кіраўніцы Аб’яднанага пераходнага кабінета Павел Латушка і лідар фракцыі КР “Беларусы” (экс-“Блок Пракоп’ева — Ягорава”), бізнесовец Вадзім Пракоп’еў

Чэрвень стане “месяцам годнасці” для квір-людзей: ажно 3 парады пройдуць цягам аднаго месяца ў Варшаве. Беларусы таксама не засталіся ўбаку ад выказвання сваёй пазіцыі ў пытанні годнасці і роўнасці. І нават былі ў ліку тых, хто быў затрыманы паліцыяй за такую праяву пазіцыі. Дарэчы, былі яны і сярод тых, хто выступаў за “традыцыйныя каштоўнасці” і быў сярод удзельнікаў марша супрацьлеглага “параду годнасці”. Пра гэта ды шмат што іншае гаворым з гендарнай даследчыцай Ірынай Сідорскай у чарговым выпуску Gender Gap

Выбары ў ЗША робяцца ўсё больш цікавымі і непрадказальнымі. Адпаведна, непрадказальная на сёння і палітыка будучага кіраўніцтва краіны адносна вайны ва Украіне альбо адносінаў да “беларускага пытання”. Але дэмсілы на чале з Ціханоўскай кантакту з Вашынгтонам не губляюць і на мінулым тыдні справаздачыліся пра чарговыя сустрэчы ў ЗША. Дзе, дарэчы, чакаецца прыняцце чарговага “Акта аб дэмакратыі ў Беларусі”. Як прыняцце “Акта аб дэмакратыі” дапаможа зменам у Беларусі і ці дакладна вядома, якім той Акт будзе паводле зместу? У якім стане сёння беларускія дэмсілы і да чаго можа прывесці скандал у Каардынацыйнай радзе? Як пазіцыя Арменіі ўплывае на АДКБ і як на настроі ў Еўрасаюзе ўплывае міграцыйны крызіс на мяжы з Беларуссю? На гэтыя ды іншыя пытанні ў эфіры Еўрарадыё адказвае палітычны аглядальнік Віталь Цыганкоў

Слёзы Тура і ліцэй Дзяржынскага — "Раніца з Еўрарадыё" за 18 чэрвеня by Euroradio

Кепскія сігналы і песня банкіраў — Еўразум за 17 чэрвеня | Новости Беларуси за 17 июня by Euroradio

Пэўны час таму Лукашэнка наведаў Азербайджан. Але візітам у Баку не абмежаваўся і разам з кіраўніком гэтай краіны Аліевым наведаў Арцах (Нагорны Карабах). Дзе ў сваім стылі нагаварыў… рознага. Што, відавочна, спадабалася кіраўніцтву Азербайджана, але выклікала вялікую негатыўную рэакцыю ў Арменіі. Гэта плюс звесткі пра пастаўкі лукашэнкаўскім рэжымам зброі Азербайджану, якую той ужыў у вайне супраць… партнёра Беларусі па АДКБ Арменіі. Як вынік — амбасадары абедзвюх краін адкліканыя дамоў. А прэм’ер-міністр Арменіі Пашынян паабяцаў, што ніводны армянскі чыноўнік не прыедзе ў Беларусь, пакуль там утрымлівае ўладу Лукашэнка. Чаму толькі цяпер афіцыйны Ерэван абурыўся дзеяннямі Лукашэнкі, хаця пра тыя ж пастаўкі беларускай зброі Азербайджану было вядома даўно? Які працяг гэтага канфлікту найбольш імаверны і ці чакаць выйсця Арменіі з АДКБ? Ці магчымае на фоне такога скандалу з Мінскам запрашэнне ў Ерэван Святланы Ціханоўскай і пры чым тут Масква? На гэтыя ды іншыя пытанні ў эфіры Еўрарадыё адказвае эксперт армянскага Інстытута міжнародных адносін і бяспекі Рубэн Меграбян

У рэзалюцыі паводле вынікаў сустрэчы ў фармаце G7 згадваецца і Беларусь. Як звычайна, з заклікамі наконт вызвалення палітвязняў і гэтак далей. Што прыемна, але не зусім зразумела, якім чынам гэта можа паўплываць на змены ў краіне. Як пакуль не вядома, чым можа скончыцца канфлікт паміж Ерэванам і Лукашэнкам. І канфлікт на мяжы, які з дапамогай мігрантаў правакуюць Мінск і Масква. Ці дапаможа згадка Беларусі ў выніковым дакуменце чарговай сустрэчы ў фармаце G7 і які чынам гэта можа паўплываць на сітуацыю з палітвязнямі? Чаму ў Ерэване толькі цяпер пакрыўдзіліся на Лукашэнку і які працяг можа мець гэты канфлікт? Ці атрымаецца ў Лукашэнкі чарговы раз напярэдадні выбараў перамагчы карупцыю ў сваім атачэнні і што адбываецца ў Каардынацыйнай радзе — колькі ёй засталося існаваць? Гэтыя ды іншыя тэмы абмяркоўваем у штотыднёвым жывым эфіры Еўрарадыё з дацэнткай, кандыдаткай гістарычных навук, незалежнай эксперткай, лідаркай аб’яднання "Наша справа" ў Каардынацыйнай радзе Розай Турарбекавай

АМАП супраць мігрантаў і вяртанне "Чык-Чырыка" — "Раніца з Еўрарадыё" за 17 чэрвеня by Euroradio

Выпускны Лукашука і суп з кракадзіла — Еўразум за 14 чэрвеня | Новости Беларуси за 14 июня by Euroradio

Маскоўская біржа спыніла таргі доларам і еўра ў выніку санкцый, уведзеных у дачыненні да яе і шэрагу іншых устаноў такога ж кшталту, з боку ЗША. Адпаведна, адразу ўзніклі асцярогі, што курс расійскага рубля абваліцца. Для беларусаў у такім выпадку таксама магчымыя негатыўныя наступствы з улікам таго, як курс беларускага рубля залежны ад курсу рубля расійскага. І гэта не адзінае, што сёння насцярожвае і экспертаў, і шараговых беларусаў: ёсць яшчэ і рост цэн на тавары і паслугі, складаная сітуацыя на рынку працы, інфляцыя… Як сітуацыя на Маскоўскай біржы паўплывае на курсы валют у беларускіх абменніках і якіх сюрпрызаў можна чакаць ад Нацбанка РБ? У якім стане сёння беларуская эканоміка і ці на карысць ёй у доўгай перспектыве расійскія вайсковыя заказы? Як вайна і санкцыі ўплываюць на інфляцыю і што адбываецца на рынку працы? На гэтыя ды іншыя пытанні ў эфіры Еўрарадыё адказвае экспертка ў сферы дзяржаўнага кіравання і міжнароднага развіцця, магістр эканомікі Аліса Рыжычэнка

Маскоўская біржа праз санкцыі ЗША спыніла таргі доларам і еўра. Але заўважнага эфекту на беларускі валютны рынак гэта не мае, рубель не падае. Як гэта патлумачыць і ці чакаць усё ж наступстваў? Абмяркуем гэта з блогерам і палітыкам Аляксандрам Кныровічам. Таксама пагаворым пра раззлаванага Пашыняна, скандал (са старта) у Каардынацыйнай радзе і Лукашэнку, які ўгаворвае чарговы завод прыносіць прыбытак.

Міністр з пагонамі і бас-гітарай і ўдар па шматдзетных — "Раніца з Еўрарадыё" за 14 чэрвеня by Euroradio

Шах і мат Пашыняна і прыгнечаны Гнёт — Еўразум за 13 чэрвеня | Новости Беларуси за 13 июня by Euroradio

Арэг Качынян тлумачыць, чаму Нікол Пашынян павышае стаўкі і ідзе на канфлікт з Лукашэнкам

Фонд TUTAKA чацвёрты раз запар запрашае сустрэцца на галоўным ўсебеларускім летніку — 12-14 ліпеня Барык ля Гарадка на Падляшшы прымае “фестываль абуджаных TUTAKA”. Арганізатары абяцаюць, што “сёлета фестываль будзе яшчэ маштабнейшы — мы зноў збіраем і паказваем усё тое, што сёння прапануе незалежная беларуская культура. Гэта значыць, будзе яшчэ больш арыгінальных музыкаў на сцэнах фестывалю, яшчэ больш майстар-класаў, дыскусій, кінапаказаў, тэатральных эксперыментаў, спартовых мерапрыемстваў і іншых творчых актыўнасцяў”. Якія сюрпрызы рыхтуе фестываль абуджаных “Тутака” сёлета? Што апроч музыкі і сустрэч з сябрамі чакае наведнікаў? У якім стане сёння беларуская культура і ці можа яна выжыць у эміграцыі? Як змяніўся фэст за год і ці толькі беларусам ён цікавы? На гэтыя ды іншыя пытанні ў эфіры Еўрарадыё адказвае заснавальнік фестывалю абуджаных “TUTAKA”, старшыня фонду “TUTAKA” Павел Станкевіч.

13 чэрвеня ў эфіры Еўрарадыё — каардынатарка Фонду медыцынскай салідарнасці Беларусі Лідзія Тарасенка. У той сітуацыі, у якой сёння аказалася беларуская нацыя, нам неабходна найперш трымацца сваіх каранёў і ведаць сваю ідэнтычнасць, каб атрымаць “устойлівасць” у гэтай віхуры падзей. Другое — рабіць тое, чаго ніхто ніколі не рабіў, і заставацца заўжды на светлым баку. Толькі ў такім выпадку мы зможам эвалюцыянаваць, каб не застацца ў мінулым, перакананая Лідзія Тарасенка. Пра тое, чаму нават у часы глабалізацыі так важна ведаць сваю ідэнтычнасць, дзе знайсці рашучасць, каб рабіць нечаканае і пры гэтым заўжды заставацца на светлым баку, мы і разважаем у праграме “Ідэя Х” з Лідзіяй Тарасенка.

Днямі Кангрэс ЗША апублікаваў праект абноўленага "Акта аб дэмакратыі ў Беларусі". Цяпер яго будуць па чарзе разглядаць абедзве палаты амерыканскага парламента. Дакумент утрымлівае апісанне сітуацыі ў Беларусі і дае крытычную ацэнку падзеям у краіне. Таксама там змешчаны заклік неадкладна вызваліць усіх палітычных зняволеных. Згадваюцца ў Акце і такія структуры дэмсілаў, як Каардынацыйная рада і Аб’яднаны пераходны кабінет… Ці ўплывае Акт аб дэмакратыі на сітуацыю ў Беларусі і якім чынам? Што азначае згадка ў гэтым дакуменце пэўных структур дэмсілаў і якія магчымасці гэта дае? Чаму прапагандыст Тур так упадабаў Розу Турабекаву, што "галасаваў" за яе на выбарах у КР, і што ў той КР увогуле адбываецца? Гэтыя ды іншыя тэмы абмяркоўваем у штотыднёвым жывым эфіры Еўрарадыё з дацэнткай, кандыдаткай гістарычных навук, незалежнай эксперткай, лідаркай аб’яднання "Наша справа" ў Каардынацыйнай радзе Розай Турарбекавай.

"Беларускі мір" і рост беспрацоўя — "Раніца з Еўрарадыё" за 13 чэрвеня by Euroradio

Падаражанне аўто і беларус на "нейтралцы" — Еўразум за 12 чэрвеня | Новости Беларуси за 12 июня by Euroradio

Беларуская аналітычная майстэрня прэзентавала 6 чэрвеня ў “Прэс-клубе” вынікі двух сацыялагічных даследаванняў: «Інфармацыйныя коканы ўнутры Беларусі і за яе межамі» і «Беларусы ў Літве». Першую работу прадставіла кіраўніца арганізацыі Марына Новікава. Даследнікі прыйшлі да высновы, што багата людзей у Беларусі “варацца” ў сваіх коканах. Але галоўная выснова даследавання наступная: у Беларусі паўстае новая рэальнасць. Як змяніліся настроі ў беларускім грамадстве і што гэта за “коканы”, у якія схаваліся беларусы? Адкуль узялося непаразуменне паміж тымі, хто з’ехаў, і тымі, хто застаўся, і як яно ўплывае на адносіны паміж беларусамі? Як на пазіцыю людзей уплываюць эміграцыя і прапаганда, у чым яна — новая беларуская рэальнасць? На гэтыя ды іншыя пытанні ў эфіры Еўрарадыё адказвае дырэктарка Беларускай аналітычнай майстэрні Марына Новікава

Выбары ў Каардынацыйную раду, як гэта ні дзіўна, не даюць спакою Лукашэнку. І перад галасаваннем ён іх згадваў, і пасля заканчэння пра іх гаворыць ды “аналізуе” як працэс, так і вынік. Але што найбольш цікава — на гэтым фоне чалавек, які шмат гадоў “сінімі пальцамі за ўладу не трымаецца”, завёў сваю звыклую песню пра тое, якія сумленныя, празрыстыя і справядлівыя выбары яны арганізуюць у 2025 годзе… Ці дапаможа буферная зона на мяжы з Беларуссю спыніць хвалю мігрантаў і ці не адаб'ецца гэтая сітуацыя на адносінах да беларусаў? Чаму Лукашэнку не даюць спакою выбары ў КР і хто на гэтым этапе ад іх выйграў? Ці зменіцца палітыка Еўрасаюза пасля выбараў у Еўрапарламент і пра што сведчыць узмацненне праварадыкалаў ў Еўропе? Гэтыя ды іншыя тэмы абмяркоўваем у штотыднёвым жывым эфіры Еўрарадыё з кіраўніком варшаўскага Цэнтра палітычнага аналізу і прагнозу, доктарам палітычных навук, сябрам “Вольнай Беларусі” Паўлам Усавым.

Разгром летніка і кепскія пацыенты — "Раніца з Еўрарадыё" за 12 чэрвеня by Euroradio

Выбары-2025 і канец археалогіі — Еўразум за 11 чэрвеня | Новости Беларуси за 11 июня by Euroradio

Падзенне коштаў і музей Беларусі на "Валадарцы" — "Раніца з Еўрарадыё" за 11 чэрвеня by Euroradio

На выбарах у Еўрапарламент правацэнтрысцкая Еўрапейская народная партыя захавала большасць мандатаў, але відавочна свой уплыў (і колькасць мандатаў) павялічылі як праварадыкалы, так і радыкальныя левыя. На фоне росту напружання на мяжы з Беларуссю ў сувязі з актывізацыяй спроб нелегальнага пераходу мяжы гэты расклад сіл у Еўрапарламенце выклікае насцярожанасць у беларускай супольнасці за мяжой. Як змяніліся настроі ў еўрапейскім грамадстве і ці зменіцца палітыка Еўрапарламента ў дачыненні да беларусаў і Беларусі? Што мяняе ў амерыканскай палітыцы адносна Беларусі абноўлены “Акт аб дэмакратыі” і чаму беларусаў так старанна спрабуюць пакласці ў адзін кош з расіянамі? Якая імавернасць пачатку вялікай вайны Расіі з NATO і ці здолеюць прадстаўнікі КР схіліць заходніх палітыкаў да перамоваў з лукашэнкаўскім рэжымам наконт вызвалення палітвязняў? На гэтыя ды іншыя пытанні ў эфіры Еўрарадыё адказвае дырэктар даследчых праграм Усходняга суседства і Расіі Фінскага інстытута міжнародных адносін, адзін з аўтараў кнігі "Палітыка Расіі па Беларусі пасля 2020 года" Аркадзь Мошас

На мінулым тыдні сваю гадавіну адзначыла ініцыятыва “Сумленныя людзі” — грамадская суполка, якая ўтварылася як адказ на фальсіфікацыі падчас выбараў 2020 года. І ўся наступная дзейнасць якой звязаная з тымі ці іншымі выбарчымі працэсамі. Прычым не толькі за межамі краіны, як тыя ж выбары ў Каардынацыйную раду, але і ўнутры Беларусі. Чаму дэмсілы працягваюць жыць у парадыгме выбараў 2020 года і ці не прыспеў час перастаць на іх азірацца? Што цікавага адбывалася падчас выбараў у КР і чаму “Сумленныя людзі” не ўдзельнічалі ў выбарах як кандыдаты? Якія чаканні ад выбарчай кампаніі 2025 года і як дэмсілы могуць на яе адрэагаваць? На гэтыя ды іншыя пытанні ў эфіры Еўрарадыё адказвае лідарка грамадскай суполкі "Сумленныя людзі", былая віцэ-спікерка Каардынацыйнай рады Алена Жываглод.

(Не)пераможны Макрон і беларусам пофіг на веліч — Еўразум за 10 чэрвеня |Новости Беларуси за 10 июня by Euroradio

29 чэрвеня ў Варшаве на беразе Віслы пройдзе чарговы вялікі Hučna Fest з сучаснай літаратурай і мастацтвам, актуальнай беларускай музыкай і актывізмам. Арганізатар фэсту — Free Belarus Center, а Беларускі ПЭН ладзіць на фэсце літаратурную сцэну “Бліжэй да цябе”. Сёлета яна прысвечаная беларускай жаночай і квір-літаратуры. Паводле традыцыі, не абыдзецца фэст і без музычнай сцэны. Рыхтуйцеся атрымліваць асалоду, бо выступяць “Разбітае сэрца пацана”, LEIBONIK, NOCHY і Syndrom Samazvanca. Ці здолелі беларускія творцы за чарговы год у эміграцыі стварыць столькі цікавостак, што для іх дэманстрацыі трэба ладзіць цэлы фэст? Што цікавага рыхтуюць арганізатары Hučna Fest і ці толькі літаратурнымі прэзентацыя і музыкай абмяжуецца імпрэза? Ці лёгка ў замежжы ладзіць свой фэст і ці можна беларускай культурай зацікавіць не толькі беларусаў? На гэтыя ды іншыя пытанні ў эфіры Еўрарадыё адказваюць сяброўка Каардынацыйнай рады, кіраўніца Free Belarus Center Паліна Бродзік і паэтка, старшыня беларускага ПЭН-цэнтра, сябра аргкамітэта “Прадмовы” Таццяна Нядбай.

У той час, як Кангрэс ЗША рыхтуецца да ўхвалення абноўленага "Акта аб дэмакратыі ў Беларусі", лукашэнкаўскі рэжым узмацняе “шантаж мігрантамі” на польскай мяжы. Дайшло нават да забойства польскага памежніка адным з такіх “турыстаў”. Што на фоне вайны ва Украіне і пагрозаў арганізаваных ФСБ тэрактаў у краінах ЕС паступова мяняе настроі ў еўрапейскім грамадстве. Што ўплывае як на вынік выбараў у Еўрапарламент, так і на настроі і заявы еўрапейскіх палітыкаў. Таго ж Шольца. Ці ўплывае мігранцкі крызіс на беларуска-польскай мяжы на адносіны да беларусаў? Што стаіць за словамі Шольца пра варыянты заканчэння вайны ва Украіне і як ў Нямеччыне адрэагавалі на ўцёкі аднаго з мясцовых палітыкаў у Расію? Ці зменіцца ў Еўропе стаўленне да беларускага пытання паводле вынікаў выбараў у Еўрапарламент і пры чым тут “Акт аб дэмакратыі”? Гэтыя ды іншыя тэмы абмяркоўваем у штотыднёвым жывым эфіры Еўрарадыё з палітычным аглядальнікам, гісторыкам Аляксандрам Фрыдманам.

Пытанні і праблемы з легалізацыяй беларусаў узнікаюць апошнім часам з незайздроснай рэгулярнасцю. То з адной, то з іншай краіны прыходзяць навіны то пра пагаршэнне ўмоваў легалізацыі, то пра зацягванне працэсаў і прыняцця рашэнняў аб наданні статусаў, то пра пазбаўленне ВНЖ паводле няўцямных падставаў. Здавалася б, паспрыяць вырашэнню гэтых балючых для беларусаў пытанняў маглі б дэпутаты мясцовых парламентаў, якія ўваходзяць у парламенцкія групы “За дэмакратычную Беларусь”, але… Ці здольныя дэпутаты парламентаў еўрапейскіх краін з ліку “сяброў дэмакратычнай Беларусі” дапамагчы з вырашэннем пытанняў легалізацыі і чаму не дапамагаюць? На якім этапе праект Канстытуцыі Новай Беларусі і колькі яшчэ над ім будуць працаваць? Што мяняе ў стаўленні да беларусаў сітуацыя на межах з Беларуссю і новая хваля міграцыйнага крызісу? На гэтыя ды іншыя пытанні ў эфіры Еўрарадыё адказвае кіраўнік цэнтра “Еўрапейскі дыялог”, дарадца Святланы Ціханоўскай па парламенцкім супрацоўніцтве і Канстытуцыйнай рэформе Анатоль Лябедзька

Латушка feat Кавалеўскі і перавыбары — Еўразум за 8 чэрвеня | Новости Беларуси за 8 июня by Euroradio

Абяцанкі Мінска і страйк у "Самсунгу" — Еўразум за 7 чэрвеня | Новости Беларуси за 7 июня by Euroradio

Лебядзіная вернасць — міф. Пра гэта кажуць даследчыкі, якія назіралі за чорнымі лебедзямі на працягу 18 гадоў. А тым часам іншыя навукоўцы расказваюць, што калі трапічныя цыклоны праз глабальнае пацяпленне будуць узмацняцца, некаторыя віды марскіх птушак знікнуць з паверхні зямлі. У свеце жывёл — добрыя навіны. У ЗША тром аслам, адзін з якіх стаў прататыпам героя папулярнага мультфільма "Шрэк", выдзеляць на ўтрыманне 10 тысяч долараў. Людзям пакуль не шанцуе ані — ні грошай з неба, ні крылаў за спіной. А з 11 чэрвеня яшчэ і шэнгенскія візы падаражэюць. Падрабязней пра гэта чытайце ў традыцыйнай рубрыцы Еўрарадыё "Іх норавы".

Сёння мы пагаворым як беларуския улады будуюць финансавую пирамиду у масштабах краины. И чаму беларуская прапаганда пачала загадзя рыхтаваць беларусау да цяжких часоу.

На мяжы з Беларуссю зарэзалі польскага памежніка. Гэта адбылося падчас адной з атак мігрантаў, якія, мяркуючы па навінах, накатваюць на мяжу хваля за хваляй. Але адна справа — кідаць праз агароджу падпаленыя галіны, і зусім іншая — забіць салдата. Варшава патрабуе ад Мінска выдаць чалавека, які гэта зрабіў. Але ж сітуацыя на мяжы ўтварылася з маўклівага дазволу, а то і з бадзёрага заахвочання беларускіх уладаў. Калі пачаць разбірацца, хто і чаму забіў памежніка, — ёсць небяспека выйсці на саміх сябе... Абмяркуем гэта з блогерам і палітыкам Аляксандрам Кныровічам. Таксама пагаворым пра тое, як выглядае статыстыка Украіны за апошнія 30 гадоў. І пра "жорсткую праўду" пра Каардынацыйную раду ад Наталлі Радзінай.

У склад Каардынацыйнай рады ўвайшоў нават… кавалер Ордэна Брытанскай імперыі! Гаворка пра Мікалая Халезіна, шырока вядомага ў Беларусі і далёка за яе межамі дзякуючы Беларускаму свабоднаму тэатру, арт-дырэктарам якога ён ёсць. Калі ж казаць пра лукашэнкаўскую прапаганду, то для яе Мікалай Халезін — галоўны па лабіяванні санкцый супраць рэжыму. Чаму вырашыў далучыцца да спісу “Еўрапейскі выбар”, навошта яму мандат дэлегата КР і ці не думае ад яго адмовіцца? Што сёння адбываецца з санкцыйным ціскам на лукашэнкаўскі рэжым і ці ёсць зрухі ў пытанні вызвалення палітвязняў? Якія навіны ў Свабоднага тэатра, над якімі праектамі працуе і якія цікавосткі рыхтуе? На гэтыя ды іншыя пытанні ў эфіры Еўрарадыё адказвае кавалер Ордэна Брытанскай імперыі, арт-дырэктар Беларускага свабоднага тэатра, праграмны дырэктар Creative Politics Hub, сябра Каардынацыйнай рады ад спісу “Еўрапейскі выбар” Мікалай Халезін

Хатні арышт як рай і літасцівыя літоўцы — "Раніца з Еўрарадыё" за 7 чэрвеня by Euroradio

Лакшары лайф і зноў не па 500 — Еўразум за 6 чэрвеня | Новости Беларуси за 6 июня by Euroradio

Пэўны час таму прыхільнікі айчыннай музыкі і прысвечаных ёй відэааглядаў, якія рабіў Аляксандр Чарнуха на сваім ютуб-канале “Міністэрства сепультуры”, з расчараваннем даведаліся, што канал часова спыняе працу. Прычына банальная: заканчэнне фінансавання. Аляксандр заклікаў прыхільнікаў не страчваць надзеі і чакаць вяртання “міністра” з новымі музычнымі аглядамі. І выпускі “Міністэрства сепультуры” сапраўды вяртаюцца. Але выключна дзякуючы падтрымцы прыхільнікаў канала. Чаму ўзнікла праблема з працай ютуб-канала і як атрымалася вырашыць праблему? Што за непаразуменне паміж Аляксандрам Чарнухам і Радай культуры, як гэта можа паўплываць на яго літаратурныя планы? Як эміграцыя адбіваецца на творчасці беларускіх музыкаў (і не толькі музыкаў) і ці ёсць чым ганарыцца са зробленага імі апошнім часам? На гэтыя ды іншыя пытанні ў эфіры Еўрарадыё адказвае аўтар і вядоўца ютуб-канала “Міністэрства сепультуры”, музычны журналіст, пісьменнік Аляксандр Чарнуха

6 чэрвеня ў эфіры Еўрарадыё — кіраўнік Місіі дэмакратычнай Беларусі ў Кіеве, бізнесовец, былы выведнік Генадзь Манько. Мы вельмі дрэнна ведаем сваю гісторыю. І прычына не толькі і нават не столькі ў тым, што беларусам уласная гісторыя не цікавая. Рэч найперш у тым, што нашу гісторыю ад нас наўмысна хаваюць. Шмат пра якія гістарычныя падзеі мы проста не можам даведацца, бо пра іх не гавораць школьныя падручнікі па гісторыі, гэтым падзеям не прысвечаныя экспазіцыі ў музеях і пра іх няма навуковых прац. Іх схавалі ад беларусаў у архівах і забаранілі ўваход. Таму для нас вельмі важна гэтыя архівы адкрыць і вярнуць сабе памяць, перакананы Генадзь Манько. Пра тое, чаму шмат што з гісторыі беларускага народа нам не вядомае зусім, чаму вяртанне памяці і веданне гісторыі такое важнае і ці сапраўды шлях узброенага супраціву — гэта не наш шлях сёння, мы і разважаем у праграме “Ідэя Х” з Генадзем Манько

Падчас выбараў у Каардынацыйную раду гучала шмат крытыкі на адрас Святланы Ціханоўскай з нагоды яе маўчання: маўляў, ніякім чынам не падтрымала выбары, не заклікала людзей галасаваць. Тым не менш па заканчэнні выбарчай кампаніі Святлана Ціханоўская правяла відэазванкі з новымі дэлегатамі Каардынацыйнай рады, а таксама з сябрамі тых спісаў, якія не прайшлі ў КР. Напэўна, і гэта трэба. Але пакуль важнейшымі падаюцца дзеянні Офіса і асабіста Ціханоўскай па вырашэнні надзённых выклікаў і праблем, з якімі сутыкаюцца беларусы. Чаму не прагучала закліку браць удзел у галасаванні ў КР і з якой мэтай Офіс ухваліў стварэнне спіса пад кіраўніцтвам палітычнага дарадцы Ціханоўскай Аляксандра Дабравольскага? Што робіцца для вырашэння сітуацыі на беларуска-літоўскай мяжы і ці ёсць паразуменне з уладамі Польшчы па вырашэнні праблем з легалізацыяй беларусаў у гэтай краіне? Якія вынікі візітаў Ціханоўскай у траўні і ці можна “адмовіцца ад часткі візітаў дзеля эканоміі грошай”? На гэтыя ды іншыя пытанні ў эфіры Еўрарадыё адказвае першы дарадца Святланы Ціханоўскай Франак Вячорка

Паводле выніку выбараў у Каардынацыйную раду другое месца па колькасці атрыманых галасоў і, адпаведна, мандатаў заняў “Блок Пракоп’ева-Ягорава”. Выбарчая тактыка якога адрознівалася тым, што галоўным спікерам блока цягам фактычна ўсёй агітацыйнай кампаніі быў трэці нумар спіса — Аляксандр Кныровіч. А яшчэ былі агітацыйныя банеры на рускай мове, якія размясцілі ў Кракаве і не толькі, падсветка колерамі блока варшаўскага Палаца культуры і навукі, відэарэклама ў Нью-Ёрку. І абвінавачанні сябраў спіса Ягорава і Патапава ў… непразрыстай фінансавай дзейнасці, скажам так. Чаму Андрэй Ягораў, хоць і быў пазначаны лідарам іх выбарчага спісу, не браў удзелу ў агітацыйнай кампаніі і хто вызначаў стратэгію піяру і агітацыі? Ці маюць пад сабой падставы абвінавачанні з боку Курэйчыка ў непразрыстай і падазронай фінансавай дзейнасці Ягорава і Патапава? Якіх інтрыг чакаць у КР і ці здольны гэты орган сапраўды зрабіцца “прадстаўнічым органам беларусаў”? На гэтыя ды іншыя пытанні ў эфіры Еўрарадыё адказвае спікер Каардынацыйнай рады ІІ складу, сябра КР ад “Блока Пракоп’ева-Ягорава”, метадолаг, палітолаг Андрэй Ягораў

Стаўка на Латушку і ўдзел у агітцы — "Раніца з Еўрарадыё" за 6 чэрвеня by Euroradio

Знікненне студэнтаў і Віця альбо Коля? — Еўразум за 5 чэрвеня | Новости Беларуси за 5 июня by Euroradio

Гэтым летам спаўняецца пяць гадоў з моманту заканчэння здымкаў біяграфічнай драмы “Купала” Уладзіміра Янкоўскага — найбольш вядомай стужкі “Беларусьфільма” апошніх часоў. На хвалі пратэстаў 2020 года ўлады негалосна забаранілі фільм да паказу, але ён трапіў у сеціва, дзе яго “пірацкім” чынам дагэтуль працягваюць глядзець беларусы ва ўсім свеце. Важную ролю ў неспадзяваным поспеху карціны адыграў Мікалай Шастак — латышскі актор тэатра і кіно, чыё падабенства з беларускім паэтам шмат каго ўразіла. Як праходзілі здымкі фільма? Ці складана было ўжывацца ў ролю Янкі Купалы і вучыць сцэнарый на беларускай мове? Як склаўся лёс стужкі і яе стваральнікаў? Ці можна збудаваць кар’еру рускамоўнаму актору ў Латвіі ва ўмовах вайны Расіі і Украіны? Гэтыя і іншыя пытанні абмяркуем ў эфіры Еўрарадыё з акторам Мікалаем Шастаком.

Выбары ў Каардынацыйную раду засталіся ў мінулым. І наўрад ці яны будуць упісаныя ў гісторыю беларускіх дэмсіл як значная падзея. Тым не менш з колькасці тых, хто на гэтых выбарах прагаласаваў, добра відаць стан, у якім на гэтым гістарычным этапе дэмсілы знаходзяцца. Хоць удзельнікі выбарчай кампаніі, асабліва тыя, хто прайшоў у склад абноўленай КР, і кажуць, што ў сённяшніх умовах гэты вынік цалкам прадказальны і не “абнуляе” іх легітымнасці. Чаму не толькі ў пашырэнні рэпрэсій нават на тых, хто выехаў з Беларусі, прычына невялікай актыўнасці падчас галасавання? Ці сапраўды вялікая доля адказнасці за слабую актыўнасць выбаршчыкаў ляжыць на Ціханоўскай і журналістах? Якіх інтрыг чакаць ад КР падчас стварэння кааліцый і чаму Манголія навучыла Лукашэнку? На гэтыя ды іншыя пытанні ў эфіры Еўрарадыё адказвае палітычны аглядальнік Радыё Свабода Юрый Дракахруст

У Беларусі лукашэнкаўскі рэжым ізноў вяртаецца да колішняй практыкі: “прыцішваць” з дапамогай затрымання на “суткі” асабліва актыўных прыхільнікаў “рускага свету”. У той жа час “актывістаў” і прапагандыстаў, якія абмяжоўваюцца цкаваннем усяго беларускага і нацыянальна арыентаванага, ніхто стрымліваць не збіраецца. Рэжым сам робіць усё магчымае, каб знішчаць беларускія адметнасці не толькі ў грамадстве, але — і нават найперш — у адукацыі і гістарычнай навуцы. Чаму прыхільнікаў “рускага свету” рэжым стрымлівае, а антыбеларускім актывістам спрыяе? Ці атрымаецца захаваць і пашырыць беларускую навуку і адукацыю за мяжой з дапамогай стварэння сваіх ВНУ і інстытутаў? Як можна вырашыць праблемы, з якімі сутыкаюцца беларусы за мяжой, і ці здольная на гэта КР? Гэтыя ды іншыя тэмы абмяркоўваем у штотыднёвым жывым эфіры Еўрарадыё з кіраўніком варшаўскага Цэнтра палітычнага аналізу і прагнозу, доктарам палітычных навук, сябрам “Вольнай Беларусі” Паўлам Усавым

Ціхая Шаркаўшчына і сцяг у "эстэтычным" месцы — "Раніца з Еўрарадыё" за 5 чэрвеня by Euroradio

Ніякіх ссабоек і ўзрост згоды — Еўразум за 4 чэрвеня | Новости Беларуси за 4 июня by Euroradio

Мы ўсё далей адыходзім па часе ад 2020 года, але пытанні салідарнасці і ўзаемадапамогі не губляюць сваёй актуальнасці для беларусаў. Прынамсі для тых, хто не лічыць магчымым “перагарнуць старонку” і не зважаць на той гвалт, які працягвае ўчыняць лукашэнкаўскі рэжым. Сёння, як і раней, дапамога патрэбная і тым, хто вымушаны з’язджаць з краіны ў выніку пагрозы пераследу, і тым, хто выходзіць з-за кратаў, і тым, хто за кратамі знаходзіцца. Якія пытанні дапамогі беларусам сёння найбольш актуальныя і ці атрымліваецца па-ранейшаму дапамагаць з эвакуацыяй з Беларусі? Што адбываецца з дабрачыннымі зборамі і ці працягваюць беларусы данаціць? Як магчыма вырашыць пытанне вызвалення палітвязняў, ці гэтая тэма сёння невырашальная? На гэтыя ды іншыя пытанні ў эфіры Еўрарадыё адказвае сузаснавальнік і кіраўнік дабрачыннага фонду BYSOL, праваабаронца Андрэй Стрыжак

Пытанні легалізацыі заўжды не простыя. Безумоўна, залежыць яшчэ ад канкрэтнай краіны, яе нацыянальнага заканадаўства і стаўлення мясцовых уладаў і грамадства да вырашэння такіх пытанняў. Польшча ў гэтым сэнсе з’яўляецца найбольш спрыяльнай краінай Еўропы ў дачыненні да вымушаных мігрантаў з Беларусі. Але і тут ёсць пэўныя складанасці з, да прыкладу, легалізацыяй немаўлят, з атрыманнем віз, сюды ж дадаецца кароткі тэрмін дзеяння польскага праязнога дакумента ці доўгі тэрмін разгляду заяў на атрыманне віду на жыхарства. Якія пытанні, звязаныя з легалізацыяй, сёння найперш хвалююць беларусаў і ці гатовыя ўлады Польшчы спрыяць у іх вырашэнні? Што такое “міжнародная абарона” і ці лёгка беларусам яе сёння атрымаць у Польшчы? Як магчыма вырашыць візавае пытанне і ці здольныя ў гэтым дапамагчы палітычныя структуры беларускіх дэмсіл? На гэтыя ды іншыя пытанні ў эфіры Еўрарадыё адказвае кіраўніца аддзела прававой дапамогі Цэнтра беларускай салідарнасці Вольга Дабравольская

1 чэрвеня адзначаецца Сусветны дзень абароны дзяцей. І акурат ў гэты час стала вядома, што ў Беларусі абмяркоўваецца пытанне наконт магчымага зніжэння ўзросту сексуальнай згоды. Пры тым, што ў цывілізаваных краінах, наадварот, прымаюцца рашэнні павялічыць яго. На фоне і рэальных крымінальных справаў супраць чыноўнікаў-педафілаў, і чутак пра маштабнасць гэтай ганебнай і злачыннай з’явы ў Беларусі такое рашэнне наконт зніжэння ўзросту сексуальнай згоды выклікае падазрэнні… Пра тое, якое дачыненне ўзрост сексуальнай згоды мае да крымінальных справаў супраць педафілаў, а таксама пра “гендарны вынік” складу дэлегатаў Каардынацыйнай рады мы і разважаем з гендарнай даследчыцай Ірынай Сідорскай у чарговым выпуску Gender Gap

Гарбату — выліць і праверка на "нейтральнасць" — "Раніца з Еўрарадыё" за 4 чэрвеня by Euroradio

Камяні праз мяжу і мангольскі ваяж — Еўразум за 3 чэрвеня | Новости Беларуси за 3 июня by Euroradio

Не паспеў Лукашэнка выляцець з Беларусі ў Манголію для наведвання музея “Чынгісхана”, як на беларуска-польскай мяжы пачало адбывацца немаведама што. Дакладней, добра ўжо вядомыя польскім памежнікам правакацыі і спробы незаконнага перасячэння мяжы ”турыстамі” з краін Азіі ды Афрыкі. Ізноў ладзяцца сапраўдныя штурмы польскай мяжы нахабнымі і агрэсіўнымі натоўпамі. І што адметна, некуды зніклі і памежнікі з беларускага боку, і хвалёны спецназ памежных войскаў. Не інакш, як альбо з Лукашэнкам у Манголію выправіўся ці дапамагае героям з “губазіка” выяўляць і знішчаць “экстрэмісцкую літаратуру”… Ці стаў нечаканым новы мігранцкі крызіс на мяжы з Беларуссю і якія могуць быць наступствы гэтага? Ці сапраўды існавала верагоднасць затрымання Лукашэнкі ў Манголіі і перадачы яго суду ў Гаазе? Што мяняе ў вайне з Расіяй дазвол краін Захаду біць заходняй зброяй па тэрыторыіі РФ? Гэтыя ды іншыя тэмы абмяркоўваем у штотыднёвым жывым эфіры Еўрарадыё з палітычным аглядальнікам, гісторыкам Аляксандрам Фрыдманам

Лукашэнка здолеў прарваць заслону “міжнароднай ізаляцыі” і выправіўся ў замежны візіт. Не, гэтым разам не ў Расію ці ў нейкі з яе рэгіёнаў — у Манголію. Туды, куды Вадзім Пракоп’еў марыць адправіць паслом Франака Вячорку. Можа Лукашэнка хоча паспець наведаць Манголію да яго прызначэння, а можа проста вырашыў падалей ад Беларусі знаходзіцца хаця б часова. Пасля слоў міністра замежных спраў Літвы Ландсбергіса наконт права Украіны пры пэўных умовах біць па асобных аб’ектах на тэрыторыі Беларусі… Што насамрэч шукае Лукашэнка ў Манголіі і ці варта ўвогуле звяртаць увагу на гэты візіт? Якія пагрозы схаваныя ў словах літоўскага міністра Ландсбергіса наконт права Украіны на ўдары па тэрыторыі Беларусі? Як сітуацыя з “аналітыкамі Ціханоўскай” уплывае на стан экспертнай думкі ў беларускай супольнасці? Гэтыя ды іншыя тэмы абмяркоўваем у штотыднёвым жывым эфіры Еўрарадыё з дацэнткай, кандыдаткай гістарычных навук, незалежнай эксперткай Розай Турарбекавай

Чарговы, чацвёрты сезон завяршае Беларуская тэатральная студыя для дзяцей і дарослых у Варшаве “Купалінка” . З гэтай нагоды 5 чэрвеня “Купалінка” запрашае гледачоў на паказ трох спектакляў у Мазавецкім інстытуце культуры — “Сляза Волата”, “Кветкі пад залевай” і “Мой шлях”. У праграме таксама сюрпрызы, анонс далейшых планаў, інтэграцыя, цікавыя госці. Як пражылі свой чацвёрты сезон удзельнікі “Купалінкі”, якіх поспехаў дасягнулі і з якімі складанасцямі сутыкнуліся? Якую ролю ў жыцці тых, хто апынуўся ў эміграцыі, адыгрывае магчымасць творчай рэалізацыі? Ці складана вызначацца з рэпертуарам і як гэты працэс адбываецца? На гэтыя ды іншыя пытанні ў эфіры Еўрарадыё адказваюць рэжысёрка тэатральнай студыі “Купалінка” Наталля Локіць і артыст студыі Герман Лагуцік

Мангольскі ваяж і дэкрыміналізацыя сутэнёрства — "Раніца з Еўрарадыё" за 3 чэрвеня by Euroradio

Недахоп лекараў і распрацоўка айцішнікаў — Еўразум за 31 траўня | Новости Беларуси за 31 мая by Euroradio

Колькасць супрацоўнікаў, якіх не хапае медычным установам Беларусі, уражвае. Гаворка пра больш чым 5 тысяч спецыялістаў. Гэта значыць, што ў паліклініках і бальніцах не хапае персаналу, і людзі не атрымліваюць ці атрымліваюць нясвоечасова неабходную медычную дапамогу. У той жа час рэпрэсіі супраць медыкаў не спыняюцца. Проста таму, што не спыняюцца рэпрэсіі супраць беларускага грамадства, а рэпрэсіўная машына розніцы не робіць. Таму сёння шмат медыкаў знаходзіцца за кратамі, а яшчэ больш — у вымушанай эміграцыі. Што сёння адбываецца з кадрамі ў беларускай медыцыне і ці сапраўды тая колькасць супрацоўнікаў, якіх не хапае ў медустановах, крытычная? Якія перспектывы ў айчыннай медыцыны і ці можна недахоп медперсаналу выправіць за кошт гастарбайтараў? Якая сітуацыя з атрыманнем медычнай дапамогі ў месцах зняволення і ці атрымліваецца ў медыкаў знайсці працу па прафесіі ў эміграцыі? На гэтыя ды іншыя пытанні ў эфіры Еўрарадыё адказвае каардынатарка Фонду медыцынскай салідарнасці Беларусі Лідзія Тарасенка

Прысяжныя прызналі экс-прэзідэнта ЗША Дональда Трампа вінаватым па ўсіх 34 пунктах абвінавачання. Якое пакаранне яму прызначаць — стане вядома 11 ліпеня. Але ўжо цяпер вядома, што ні штраф, ні нават зняволенне не перашкодзяць Трампу ўдзельнічаць у сёлетніх прэзідэнцкіх выбарах. Вось гэта свабода! Недзе ў іншым Сусвеце Лукашэнка збіраецца ў Манголію, каб "максімальна поўна раскрыць патэнцыял беларуска-мангольскіх стасункаў". Раней неяк не было нагоды раскрываць. Ну, ва ўсякім разе, максімальна. А што здарылася? Абмяркуем усё гэта з блогерам і палітыкам Аляксандрам Кныровічам. А на дэсерт — вынікі выбараў у Каардынацыйную раду. Бо Кныровіча пераабралі на наступны тэрмін, па спісе Пракоп'ева — Ягорава.

Калі чытаць чаты ў сацсеткеах ці каментары пад эфірамі і стрымамі, то часам узнікае ўражанне, што галоўным чалавекам на выбарах у Каардынацыйную рады быў… Павел Лібер! Ён і вінаваты ў тым, што праз неабходнасць перадаваць свае пашпартныя звесткі мала людзей прагаласавала, і што камусьці складана было разабрацца, як трэба галасаваць, і што праграма верыфікацыі “дзіравая”, і што выніковыя лічбы Лібер “намаляваў” згодна з патрабаваннямі Франка Вячоркі, і што зліваў папярэднія вынікі галасавання Офісу, і што ў 2020 годзе (!) заклікаў усіх галасаваць праз падкантрольны КДБ Viber... Не Лібер, а проста нейкі Доктар Зло! Як сябе ў выніку паказала праграма для галасавання, распрацаваная камандай Лібера, і што не так з верыфікацыяй? Якія падставы ёсць падазраваць Лібера ў зліве папярэдніх дадзеных галасавання і ці была магчымасць уплываць на канчатковы вынік галасавання? Ці апраўданыя асцярогі наконт бяспечнасці перададзеных звестак і што там было ў 2020 годзе з галасаваннем праз Viber? На гэтыя ды іншыя пытанні ў эфіры Еўрарадыё адказвае стваральнік платформы для галасавання на выбарах у Каардынацыйную раду Belarus ID, платформы “Новая Беларусь”, праекта “Голас”, ІТ-прадпрымальнік Павел Лібер

Дзёрзкі А1 і закрытыя бібліятэкі — "Раніца з Еўрарадыё" за 31 траўня by Euroradio

Польскі шчыт і худы Ціханоўскі — Еўразум за 30 траўня | Новости Беларуси за 30 мая by Euroradio

1 чэрвеня, у Міжнародны дзень абароны дзяцей, у Варшаве каманда Belarus Outside Sound System ладзіць адмысловы Belarusian charity weird music fest, гэтаму дню прысвечаны. Арганізатары заяўляюць, што ў іх “атрымалася сабраць вельмі нетрывіяльны для беларускіх дыяспарных імпрэз склад артыстаў, зрабіўшы націск на пазажанравасць, культурную касмапалітычнасць, актуальнасць ды аўтэнтычнасць”. А яшчэ будзе выступ нейкага “сакрэтнага госця”, імя якога не называецца… Усё наахвяраванае з дапамогай данатаў каманда Belarus Outside Sound System накіруе на адмысловы збор Фонду салідарнасці BYSOL/Belarus solidarity foundation для арганізацыі летняга адпачынку для дзяцей палітвязняў. Трэба ісці! Што канкрэтна ўяўляе з сябе Belarusian charity weird music fest і як нарадзілася ідэя з дапамогай DJ-сэтаў сабраць грошы на адпачынак дзецям палітвязняў? Якія цікавосткі рыхтуюць арганізатары для наведвальнікаў фэста? Ці складана ладзіць фэсты ў эміграцыі і як прыцягваць да іх увагу не толькі беларусаў? На гэтыя ды іншыя пытанні ў эфіры Еўрарадыё адказвае кіраўнік Belarus Outside Sound System dj Papa Bo Selektah (Аляксандр Багданаў)

30 траўня ў эфіры Еўрарадыё — экс-старшыня камісіі па выбарах у Каардынацыйную раду, журналістка, валанцёрка і грамадская актывістка Алена Прыходзька. Ва ўмовах, калі мы аказаліся за мяжой і раскіданыя па ўсім свеце, нам вельмі важна захоўваць і пашыраць выкарыстанне роднай мовы — у сям’і, у камунікацыі з суайчыннікамі. І самае галоўнае — перадаваць беларускую мову сваім дзецям. Бо так мы ўмацоўваем у сабе павагу да сваёй ідэнтычнасці і, адпаведна, да саміх сябе. Без павагі да сябе не будзе ў нас і павагі да людзей наўкола, перакананая Алена Прыходзька. Пра тое, ці здолее беларускае грамадства ў выгнанні знайсці ў сабе сілы захаваць сваю ідэнтычнасць, пра важнасць нацыянальных каштоўнасцяў і патрэбу нацыянальнай еднасці мы і разважаем у праграме “Ідэя Х” з Аленай Прыходзька.

Надоечы ў Празе з ініцыятывы Офіса дэмакратычных сіл Беларусі ў Празе і пры падтрымцы беларускіх праваабаронцаў і актывістаў прайшоў Кангрэс па палітвязнях. Фактычна, гэта было першае мерапрыемства, скіраванае выключна на абмеркаванне менавіта гэтай праблемы — сітуацыі з палітвязнямі. Але важна, каб гэта было не толькі абмеркаванне, але і канкрэтныя справы. Якія, дарэчы, актыўна робяцца з ініцыятывы розных НДА і асобных актывістаў. Што канкрэтна ўяўляе з сябе сумесная ініцыятыва такіх арганізацый, як BYSOL, BYHELP, Dessident.by, народнага консульства Беларусі ў Шатландыі, беларусаў Аўстраліі ды іншых? Наколькі рэальна сёння не толькі дапамагчы палітвязням і іх сем’ям, але і дамагчыся вызвалення зняволеных? Ці варта разлічваць на дапамогу ў такіх справах палітычных структур кшталту Каардынацыйнай рады, Офіса Ціханоўскай ды іншых і як ўвогуле ацэньваюць патрэбу ў існаванні той жа КР? На гэтыя ды іншыя пытанні ў эфіры Еўрарадыё адказваюць кіраўніца народнага консульства Беларусі ў Шатландыі Ірына Маклейн і актывіст беларускай дыяспары ў Аўстраліі, сакратар асацыяцыі “Беларусы ў Перце” Арцём Лядоўскі

Падчас выбарчай кампаніі ў Каардынацыйную рады ад кандыдатаў з розных спісаў прагучала шмат не толькі абяцанняў рознага ўзроўню выканальнасці і адпаведнасці рэчаіснасці, але і даволі спрэчных заяў. Гэта і пра “мільён шэнгенскіх віз” для беларусаў, і пра “калектыўную адказнасць ў выглядзе стаяння на мяжы”, і пра “піяршчыка выбараў Каца”, і пра “пагрозы для Беларусі ў выпадку развалу Расіі” — было шмат усяго. Але ж рана ці позна, а за свае словы трэба будзе несці адказ… Якое ўражанне ад самой кампаніі і чаму “бабарыкінцы” не пайшлі на выбары сваёй “калонай”? Краўцоў далучыўся да “Моладзевага наступу” праз іх праграму ці праграма МН пісалася пад дыктоўку Краўцова? Якія пагрозы для незалежнасці і самога існавання Беларусі існуюць ў выпадку развалу Расіі і што КР можа рэальна зрабіць для беларусаў? На гэтыя ды іншыя пытанні ў эфіры Еўрарадыё адказвае дэлегат Каардынацыйнай рады ад “Моладзевага наступу”, сябра штаба Віктара Бабарыкі Іван Краўцоў

Дазвол на новыя зубы і не горш, чым у Эрытрэі — "Раніца з Еўрарадыё" за 30 траўня by Euroradio

"Грамадзянскія" снарады і стыль пры +30 — Еўразум за 29 траўня | Новости Беларуси за 29 мая by Euroradio

Украінскі блогер Аляксандр "BalaganOFF" Рыкаў быў адным з самых актыўных назіральнікаў за выбарамі ў беларускую Каардынацыйную раду і, як заўважыў адзін з лідараў выбарчых спісаў, актыўным “папулярызатарам” гэтых выбараў. За што атрымаў вялізнае вядро крытыкі і хейту на свой адрас. Але ж і меў магчымасць скласці сваё “вонкавае” ўражанне пра ўсё, што падчас гэтай выбарчай кампаніі (і вакол яе) адбывалася. Якое ўражанне ад самой кампаніі і ад беларускіх палітыкаў падчас дэбатаў, якія Аляксандр "BalaganOFF" ладзіў на сваім ютуб-канале? Ці атрымалася ў яго зразумець, навошта патрэбная КР і што гэтая структура можа зрабіць для беларусаў? Ці дапаможа мандат дэлегата КР наладзіць адносіны паміж беларускімі дэмсіламі і афіцыйным Кіевам і ці даехалі да беларускіх добраахвотнікаў дроны, набытыя на сабраныя з ініцыятывы Аляксандра Рыкава грошы? На гэтыя ды іншыя пытанні ў эфіры Еўрарадыё адказвае ўкраінскі блогер Аляксандр "BalaganOFF" Рыкаў

Пакуль уся ўвага беларускіх незалежных СМІ, экспертаў і проста грамадзян з сінімі пашпартамі была засяроджаная на выбарах у Каардынацыйную раду (насамрэч не), у Крамлі пачалі гаварыць пра жаданне (таксама няпраўда) замарозіць “канфлікт” ва Украіне, а на Захадзе актыўна абмяркоўваецца рашэнне пра дазвол УСУ выкарыстоўваць заходнюю зброю для атак па аб’ектах на тэрыторыі Расіі. І выглядае на тое, што такі дазвол будзе. Насуперак перасцярогам канцлера Германіі Олафа Шольца. Чым небяспечныя вучэнні з нібыта ядзернай зброяй, якія праходзілі на тэрыторыі Беларусі, і ці ўратуюць Захад мінныя палі на польска-беларускай мяжы? Ці пагодзіцца Захад з тым, каб Украіна выкарыстоўвала заходнюю зброю для ўдараў па тэрыторыі Расіі, і ці не справакуе гэта вялікую вайну ў Еўропе? Чаму Лукашэнка звярнуўся да тэмы прапаганды і ці дапаможа гэта яму вярнуць сабе любоў беларусаў? Гэтыя ды іншыя тэмы абмяркоўваем у штотыднёвым жывым эфіры Еўрарадыё з палітычным аглядальнікам, гісторыкам Аляксандрам Фрыдманам

Вынік і выбарчай кампаніі, і галасавання ў Каардынацыйную рады выклікаў неадназначную рэакцыю ў экспертаў, вонкавых назіральнікаў, беларускага грамадства і прадстаўнікоў структураў, якія гэтыя выбары праігнаравалі. Найбольш крытычна настроеныя перакананыя: гэтая кампанія паказала, што “дэмакратычная супольнасць знаходзіцца ў маштабным сістэмным крызісе, які прывёў да дэвальвацыі аўтарытэту структураў і лідараў, і выправіць на сённяшні дзень такую сітуацыю практычна немагчыма”... Чым адметная кампанія па выбарах новага складу Каардынацыйнай рады і якія хібы дэмсілаў яна выявіла? Ці атрымалася ў беларускай дэмсупольнасці прыцягнуць увагу грамадства да сваіх ініцыятываў і ці магчыма было пазбегнуць скандалаў? Чаму выправіць сітуацыю не ўяўляецца магчымым і да чаго гэта прывядзе? Гэтыя ды іншыя тэмы абмяркоўваем у штотыднёвым жывым эфіры Еўрарадыё з кіраўніком варшаўскага Цэнтра палітычнага аналізу і прагнозу, доктарам палітычных навук, сябрам “Вольнай Беларусі” Паўлам Усавым

Прасадка дзяржсектара эканомікі і футбольнае пірацтва ў законе — "Раніца з Еўрарадыё" за 29траўня by Euroradio

Самы інтымны орган беларуса і спрытныя палестынцы. Еўразум за 28 траўня | Новости Беларуси за 28 мая by Euroradio

Пакуль адныя займаліся ўмацаваннем, развіццём і ўдасканаленнем (ці наадварот) палітычнага складніка беларускага грамадства і дэмсіл, праводзячы выбары ў Каардынацыйную раду, іншыя працавалі на ўмацаванне эканамічнага складніка беларускай дыяспары. Размова ідзе пра Асацыяцыю беларускага бізнесу за мяжой (АВВА), якая за апошнія некалькі тыдняў зладзіла і шэраг бізнес-сустрэч ды івентаў, і аб’явіла чарговы бізнес-конкурс, і зрабіла ці ініцыянавала яшчэ шмат чаго. Чым адметныя бізнес-івенты і Канферэнцыі, якія апошнім часам ладзіла альбо плануе зладзіць АВВА? Ці атрымліваецца ў беларускага бізнесу знайсці сваё месца за мяжой і ці атрымліваецца спраўляцца з выклікамі, што перад імі паўстаюць? Чаму АВВА столькі ўвагі надае “палітызаваным” дабрачынным праектам і навошта асацыяцыі свой гімн? На гэтыя ды іншыя пытанні ў эфіры Еўрарадыё адказвае віцэ-прэзідэнтка Асацыяцыі беларускага бізнесу за мяжой (АВВА) Марына Гірын

Кампанія па выбарах у Каардынацыйную раду ад самага пачатку была няпростай. Калі не сказаць — скандальнай. Пачынаючы з вызначэння даты выбараў, працэдуры галасавання, увядзення розных квот і абмежаванняў. Але былі праблемы, якія сталі “галаўным болем” для першай у гісторыі дэмсіл Выбарчай камісіі на першых выбарах у структуру, якую хтосьці нават прапаноўвае лічыць протапарламентам. Пытанне рэгістрацыі выбарчых суб’ектаў і першая адмова, нерэгістрацыя асобнага кандыдата, зняцце цэлага спісу з выбараў… Працягваць можна і далей, бо досвед мы ўсе атрымалі грунтоўны, хоць часам і мала прыемны. Што самае складанае было ў працы Выбарчай камісіі і якія рашэнні сёння бачацца інакш, чым на момант іх прыняцця? Ці справілася платформа для галасавання Belarus ID са сваёй функцыяй і ці ёсць у яе перспектывы стаць асноўнай платформай для анлайн-галасавання ў будучым? Ці задаволеная Выбарчая камісія хадой і вынікам галасавання? На гэтыя ды іншыя пытанні ў эфіры Еўрарадыё адказвае старшыня Выбарчай камісіі па выбарах у Каардынацыйную раду Алена Прыходзька

У электаральнай і проста галасавальнай гісторыі беларускіх дэмакратычных сілаў хапала рознага і раней. Падчас выбарчых кампаній, праймерыз ці партыйных галасаванняў здараліся і “накруткі” галасоў, і выкарыстанне “адмінрэсурсу”, і фінансавыя махінацыі, і маніпуляцыі з падкілімнымі гульнямі. Не было толькі, каб прадстаўнікі дэмсілаў адно аднаму ладзілі падставы з выкарыстаннем “ложкавых сцэнаў”. Але, можа, мы пра гэта проста не ведаем? Вось толькі сёлетняя кампанія па выбарах новага складу Каардынацыйнай рады перасягнула папярэднія паводле ўсіх параметраў. Ці стала ў выніку галасавання за новы склад Каардынацыйна рады больш зразумела, што адбываецца ў асяродку беларускіх дэмсілаў? Ці зробіцца Каардынацыйная рада “трэцім цэнтрам сілы” і ці будзе ў яе хоць нейкая сіла для нейкай уцямнай дзейнасці? Ці гатовы Захад да актыўнага супрацьстаяння Расіі і гандлю з Лукашэнкам за палітвязняў? На гэтыя ды іншыя пытанні ў эфіры Еўрарадыё адказвае палітычны аглядальнік Віталь Цыганкоў

Паўдзельнічаць у выбарах у Каардынацыйную раду ў якасці кандыдатаў захацела шмат былых і нават цяперашніх добраахвотнікаў. Безумоўна, усе гэтыя людзі — грамадзяне Беларусі і маюць поўнае права удзельнічаць у выбарах у любой якасці: ці то як выбаршчыкі, ці то як кандыдаты ў дэлегаты новага складу Каардынацыйнай рады. І калі да галасавання ніякіх пытанняў няма, то ўдзел у выбарчых спісах як былых, так і цяперашніх добраахвотнікаў выклікала шмат пытанняў з розных бакоў. А тут яшчэ і канфлікт з гэтай нагоды ў шэрагах палка Каліноўскага… Што сёння адбываецца на фронце і як з фронту выглядае ўсё, што адбываецца ў асяродку беларускіх дэмсіл? Ці варта людзям з баявым досведам ісці ў палітыку, нават калі гэта вядзе да праблемаў з камандаваннем? Як людзі з ваенным досведам ставяцца да размоў пра стварэнне беларускага войска? На гэтыя ды іншыя пытанні ў эфіры Еўрарадыё адказвае беларускі добраахвотнік, які ваюе ў складзе УСУ з пазыўным “Пан Зубр”

Бізнес у крэдыт і прапагандысты-перастрахоўшчыкі — "Раніца з Еўрарадыё" за 28 траўня by Euroradio

Маханне дручком і сяброўка Эйсмант — Еўразум за 27 траўня | Новости Беларуси за 27 мая by Euroradio

Сустрэчы беларусаў ЗША з беларускімі творцамі ўжо сталі традыцыяй. Колькасць беларускай дыяспары ў Амерыцы, маштабы самой гэтай краіны і вялікае жаданне беларусаў зладзіць такія творчыя сустрэчы “сваіх са сваімі” дазваляюць ладзіць цэлыя туры. Такім чынам ужо праехалі і Сяржук Доўгушаў, і Зміцер Вайцюшкевіч, і Лявон Вольскі, і Юры Стыльскі з музычнымі сустрэчамі, і Аляксандр “Маляваныч” Ждановіч з тэатральнымі і паэтычнымі імпрэзамі, і Зміцер Лукашук з прэзентацыяй “Беларускай нацыянальнай ідэі”. Цяпер з вялікім турам творчых сустрэч па беларускай Амерыцы вандруе франтмен гурта J:МОРС Уладзімір Пугач. Што здзівіла Пугача падчас гэтага тура і чым адметная для яго гэтая вандроўка па ЗША? Ці застаецца ў беларусаў Амерыкі цікавасць да беларускіх падзей і да таго, што робяць беларускія творцы сёння? Як сустракаюць яго беларусы, што іх хвалюе? На гэтыя ды іншыя пытанні ў эфіры Еўрарадыё адказвае франтмен гурта J:МОРС Уладзімір Пугач

У Швейцарыі напоўніцу ідзе падрыхтоўка да мірнага саміту па Украіне, на які, паводле Зяленскага, прыедуць прадстаўнікі 80 краін. На гэтым фоне ў Расіі актывізаваліся размовы пра сумнеўную легітымнасць… не, не Пуціна — Зяленскага. Больш за тое, у Крамлі вырашылі паказаць, што ў іх ёсць сапраўды “легітымны” кіраўнік для ўкраінцаў і прывезлі ў Гомель, відаць, каб было як мага бліжэй да ўкраінскай мяжы, Віктара Януковіча. Якога насамрэч ніхто не бачыў. Затое на фоне вайны ў Ізраілі добра відаць праХАМАСаўскія настроі на Захадзе. Што шукаў Пуцін у Мінску, якія сапраўдныя мэты яго візіту і ці сапраўды ў Гомель прывозілі Януковіча? Ці варта чакаць прадстаўніка Кітая на саміце ў Швейцарыі і вынікаў ад самога саміту? Адкуль на Захадзе столькі сімпатыяў да ХАМАС і пра што сведчыць турэмны досвед “ябацек”? Гэтыя ды іншыя тэмы ў эфіры Еўрарадыё абмяркоўваем з дацэнткай, незалежнай эксперткай, лідаркай спіса аб’яднання "Наша справа" Розай Турарбекавай.

Тэма палітвязняў застаецца адной з самых балючых для беларускага дэмакратычнага грамадства ўжо не адзін год. І варыянтаў яе вырашэння, якія б рэальна спрацавалі, так і не знайшлі. Каб усё ж паспрабаваць гэты камень зрушыць з месца і з нагоды Дня салідарнасці з палітзняволенымі Беларусі Офіс дэмакратычных сіл Беларусі ў Празе пры падтрымцы беларускіх праваабаронцаў і актывістаў, пасольства ЗША ў Празе і Карлавага ўніверсітэта праводзіць Кангрэс па беларускіх палітвязнях. Што канкрэтна адбывалася на Кангрэсе і якія варыянты рашэння пытання, звязанага з вызваленнем і падтрымкай палітвязняў, прапаноўваліся? Ці існуе сёння ў дэмсілаў рэальная магчымасць уплываць на сітуацыю з палітвязнямі? Як на сітуацыю з беларускімі палітвязнямі рэагуе міжнародная супольнасць і ці магчымыя перамовы наконт вызвалення? На гэтыя ды іншыя пытанні ў эфіры Еўрарадыё адказваюць юрыстка-міжнародніца, экспертка Беларускага Хельсінкскага камітэта, кандыдатка юрыдычных навук Кацярына Дзяйкала і кіраўніца фонду "Краіна для жыцця" Вольга Зазулінская

Нашэце маскавітаў і цнатлівыя выбары — "Раніца з Еўрарадыё" за 25 траўня by Euroradio

Замарозка пашпарта і кананізаваны мелініял — Еўразум за 24 траўня | Новости Беларуси за 24 мая by Euroradio

Гісторык і палітолаг Роза Турарбекава, а таксама палітык Павел Латушка на Еўрарадыё! Гэта дэбаты па тэмах: выбары ў КР, прыярытэты дэмсіл, ордэр на Лукашэнку і не толькі. Далучайцеся і галасуйце ў чаце!

Практычна на фінале выбарчай кампаніі напярэдадні пачатку галасавання на выбарах у Каардынацыйную раду пад пагрозай вылету з выбарчага марафону аказаліся два выбарчыя спісы — “Наша справа”, на чале якога стаіць дацэнтка, кандыдатка гістарычных навук, незалежная экспертка Роза Турарбекава, і спіс “Закон і правапарадак”, які ўзначальвае кіраўнік ініцыятывы былых сілавікоў BYPOL Аляксандр Азараў. І калі першыя трапілі ў гэтую сітуацыю з прычын знешніх (плюс шматпакутныя гендарныя квоты), то другі спіс — праз дзейнасць свайго лідара Азарава. Што насамрэч стала прычынай сыходу са спісу “Наша справа” дзвюх дзяўчат і пры чым тут гендарныя квоты? Ці лічыць Азараў сябе вінаватым у сітуацыі, у якую трапіў яго спіс, і пры чым тут рассылка праз чат-бот “Перамога”? Ці апраўданае, на іх думку, прынятае выбарчай камісіяй рашэнне і хто адкажа за ўсе тыя праблемы, якія ў выніку ўзніклі? На гэтыя ды іншыя пытанні ў эфіры Еўрарадыё адказваюць лідарка спісу аб’яднання "Наша справа" Роза Турарбекава і былы лідар спісу “Закон і правапарадак” Аляксандр Азараў

Як гэта ні дзіўна, аднымі выбарамі ў Каардынацыйную раду палітычнае беларускае жыццё не абмяжоўвалася цягам апошніх тыдняў. Так, намеснік кіраўніцы Аб’яднанага пераходнага кабінета Валер Кавалеўскі з 9 па 17 траўня знаходзіўся з працоўным візітам у ЗША. Да прыкладу, у Бостане ён узяў удзел у дыскусіі ў Цэнтры Дэвіса Гарвардскага ўніверсітэта на тэму пагрозы незалежнасці Беларусі з боку Расіі, а ў Вашынгтоне вёў перамовы ў Дзярждэпартаменце, Радзе нацбяспекі, у Сенаце і Палаце прадстаўнікоў Кангрэса ЗША. Далей была Стакгольмская канферэнцыі па Беларусі. Усяго не пералічыць. Вось толькі пра пашпарт Новай Беларусі за ўсімі гэтымі навінамі не было чуваць зусім нічога… Чым адметны травеньскі візіт Кавалеўскага ў Вашынгтон і якіх вынікаў ён дамогся? Чаму менавіта Швецыя стала месцам правядзення канферэнцыі па Беларусі і якое значэнне мае гэтае мерапрыемства? Чаму нічога не чуваць ні пра выбары ў КР ад Ціханоўскай, ні пра пашпарт Новай Беларусі ад Кавалеўскага? На гэтыя ды іншыя пытанні ў эфіры Еўрарадыё адказвае прадстаўнік па замежных справах Аб’яднанага пераходнага кабінета Валерый Кавалеўскі

Ніколі такога не было — і вось зноў! Гэта я пра непарыўную сувязь "Кныровіч і грошы". А дакладней, пра тое, што нейкім дзіўным чынам менавіта да выбарчага спісу, дзе сярод лідараў два бізнесмены, Кныровіч і Пракоп’еў, у калег і выбаршчыкаў узнікае шмат фінансавых пытанняў. Пачынаючы з таго, адкуль у спісу “Блок Пракоп’ева — Ягорава” грошы на рэкламныя банеры і падсветку хмарачосаў, і завяршаючы пытаннямі наконт фінансавай дзейнасці іншых удзельнікаў спісу падчас працы ў КР папярэдняга склікання… Колькі ім каштуе ўдзел у выбарах у Каардынацыйную раду і адкуль грошы на фінансаванне дзейнасці “Блока...”? Чаму траціць грошы на рэкламныя банеры лічыцца больш карысным, чым размяшчэнне рэкламы ў незалежных айчынных СМІ, — яны мусяць гэта рабіць нават і без “дзякуй”? Ці ёсць падставы для “фінансавых абвінавачанняў” у бок Андрэея Ягорава? На гэтыя ды іншыя пытанні ў эфіры Еўрарадыё адказвае №3 выбарчага спісу “Блок Пракоп’ева — Ягорава”, бізнесмен, блогер Аляксандр Кныровіч

Якую функцыю выконвае беларуска-кітайскі індустрыяльны парк Эканамічныя навіны Беларусі за тыдзень by Euroradio

Генерал-дрывасек і топавы "Грошык" — "Раніца з Еўрарадыё" за 24 траўня by Euroradio

Візіт Пуціна і атака на Польшчу — Еўразум за 23 траўня | Новости Беларуси за 23 мая by Euroradio

Другім па колькасці чалавек у спісе (разам з “Еўрапейскім выбарам”) і па медыйнасці (пасля спісу “Каманда Латушкі і Рух “За свабоду”) на выбарах у Каардынацыйную раду з’яўляецца спіс “Блок Пракоп’ева — Ягорава”. У спісе 34 чалавекі, ён аб’ядноўвае прадстаўнікоў беларускіх дыяспар з 13 краін свету і яго асноўныя спікеры (найперш Кныровіч і Пракоп’еў) вядуць даволі агрэсіўную рэкламную кампанію сваёй каманды. Працуюць “блочнікі” крэатыўна, але і без, скажам мякка, супярэчлівых дзеянняў і выказванняў і ў іх не абыходзіцца. Навошта ідзе ў Каардынацыйную раду і што яго звязвае з Андрэем Ягоравым — як фармаваўся спіс “Блока…”? Ці ёсць сэнс у існаванні КР, што карыснага яна можа зрабіць для беларусаў і што праз яе плануюць рэалізаваць прадстаўнікі “Блока…”? Якімі бачыць узаемаадносіны абноўленай КР з Офісам Ціханоўскай і АПК, якія мае прэтэнзіі да незалежных СМІ і што рыхтуе для Лукашэнкі? На гэтыя ды іншыя пытанні ў эфіры Еўрарадыё адказвае лідар выбарчага спісу “Блок Пракоп’ева — Ягорава”, бізнесмен, блогер Вадзім Пракоп’еў

Аляксандра Мамаева і Генадзь Манько. “Дыпламаты” і “місіянеры”: хто і навошта балатуецца ў КР by Euroradio

23 траўня ў эфіры Еўрарадыё — добраахвотніца, былая камандзір медычнай роты палка імя Кастуся Каліноўскага Настасся “Север” Махамет. У пераважнай сваёй большасці беларусы не ўсведамляюць ні таго, што такое свабода, ні яе каштоўнасці. Да ўсяго, яны і не гатовыя яе прыняць. Бо свабода — гэта яшчэ і адказнасць за выбар, які ты робіш, і за твае дзеянні. Таму сёння для нас галоўнае — знайсці ў сабе смеласць прыняць свабоду, перакананая Настасся “Север” Махамет. Пра тое, ці здолее беларускае грамадства знайсці ў сабе сілы, каб паразумецца, ці мае яна на беларусаў крыўду і пра важнасць нацыянальных каштоўнасцяў, мы і разважаем у праграме “Ідэя Х” з Настассяй “Север” Махамет.

Галасаванне на выбарах у Каардынацыйную раду будзе праходзіць анлайн з 25 па 27 траўня ўключна. А паколькі вопыт такога галасавання для беларусаў новы, то і ўвага вялікая да прапанаванай магчымасці. Дакладней, да распрацаванай камандай Паўла Лібера платформы Belarus ID. Але маючы вопыт гісторый, калі дадзеныя беларусаў з розных чатаў альбо баз траплялі ў рукі лукашэнкаўскіх сілавікоў, перасцярогаў і недаверу да гэтай платформы і яе бяспекі ў беларусаў шмат. Што з сябе ўяўляе платформа Belarus ID і што трэба зрабіць, каб з яе дапамогай прагаласаваць? Ці магчыма абыйсці абмежаванне галасавання па пашпарце ў выпадку беларусаў, якія гэтага пашпарта не маюць? Ці гарантуюць распрацоўшчыкі Belarus ID, што звесткі людзей не патрапяць у рукі сілавікоў? На гэтыя ды іншыя пытанні ў эфіры Еўрарадыё адказвае стваральнік платформы для галасавання на выбарах у Каардынацыйную раду Belarus ID, платформы “Новая Беларусь”, праекта “Голас”, ІТ-прадпрымальнік Павел Лібер.

Скандаліст Азараў і хітрыя манашкі — "Раніца з Еўрарадыё" за 23 траўня by Euroradio

Ордар для Нетаньяху і пагроза Офісу — Еўразум за 22 траўня | Новости Беларуси за 22 мая by Euroradio

Паліттэхнолаг і таксіст Ілля Дабратвор VS адказны па прававых пытаннях НАУ Міхаіл Кірылюк. Тэма: ці патрэбная беларусам Каардынацыйная рада?

Міжнародны крымінальны суд можа выдаць ордар на імя прэм’ера Ізраіля Нетаньяху. А вось такога ж ордара на імя Аляксандра Лукашэнкі дагэтуль чамусьці няма. Тут альбо Павел Латушка слаба стараецца, альбо (што больш імаверна) у некага не хапае палітычнай волі прыняць такое рашэнне. І старшыня Еўракамісіі можа колькі хоча заклікаць рэжым вызваліць палітвязняў, але Лукашэнка не толькі нікога не вызваляе, але і зноў кідае за краты тых, хто мусіў выйсці на свабоду. Як Паліна Шарэнда-Панасюк ці айцец Павел Лемех. Чаму дагэтуль ордар на Лукашэнку Міжнародны крымінальны суд не выдае, а для Нетаньяху чысты бланк ужо падрыхтаваны? Сітуацыя з палітзняволенай Палінай Шарэндай-Панасюк — гэта ўжо выхад на плато рэпрэсій альбо яшчэ не і ці варта разлічваць на нейкія перамовы з рэжымам? Ці будуць наступствы для Беларусі ў выніку гібелі прэзідэнта Ірана Раісі і чаго Пуцін таемна ляціць да Лукашэнкі? Гэтыя ды іншыя тэмы ў штотыднёвым жывым эфіры Еўрарадыё абмяркоўваем з палітычным аглядальнікам, гісторыкам Аляксандрам Фрыдманам

Чым бліжэй да галасавання на выбарах у Каардынацыйную раду, тым грамчэй гучыць крытыка — як у бок самаго гэтага працэсу, так і Каардынацыйнай рады, і асобных прэтэндэнтаў (ці нават цэлых выбарчых спісаў), якія вырашылі пазмагацца за мандат дэлегата КР. Маўляў, і ніякія гэта не выбары, і сам гэты орган нікога насамрэч не прадстаўляе, аўтарытэта не мае і ні на што не ўплывае. Да ўсяго, ёсць пытаннечкі да асобных палітыкаў наконт іх разумення нацыянальных каштоўнасцей і інтарэсаў. Што не тое з “выбарамі” ў Каардынацыйную раду і чаму яна не можа быць прадстаўнічым органам хаця б беларусаў замежжа? Якое дачыненне да сённяшніх палітычных працэсаў унутры беларускіх дэмсіл маюць пытанні нацыянальных інтарэсаў? Ці залежыць легітымнасць КР ад колькасці людзей, якія прагаласуюць, і пры чым тут легітымнасць Ціханоўскай? Гэтыя ды іншыя тэмы абмяркоўваем у штотыднёвым жывым эфіры Еўрарадыё з кіраўніком варшаўскага Цэнтра палітычнага аналізу і прагнозу, доктарам палітычных навук, сябрам “Вольнай Беларусі” Паўлам Усавым

Жыццё не па сродках і 90-я ад "Беларусьфільма" — "Раніца з Еўрарадыё" за 22 траўня by Euroradio

Паліна не выйшла і хата за КР — Еўразум за 21 траўня | Новости Беларуси за 21 мая by Euroradio

Мы шмат чулі пра тое, як у 2020 годзе актывізаваліся беларусы ва ўсім свеце. Дзесьці дыяспары прачнуліся наноў, дзесьці стварыліся з нуля, дзесьці новыя людзі з тых беларусаў, што даўно жывуць за мяжой, адрадзілі суполкі ў сваіх гарадах, ад якіх заставалася толькі назва. Гэтая актыўнасць беларускай дяспары, раскіданай па ўсім свеце, працягваецца і цяпер. Але што дзіўна: са “старой” дыяспары, ад тых людзей, якія і 30 ці 40 гадоў таму працягвалі беларускую справу далёка ад радзімы, ніхто не падажаў вылучыцца кандыдатам на выбарах у Каардынацыйную раду новага склікання. Апроч аднаго чалавека… Чаму ніхто з актывістаў “старой” дыяспары не балатуецца ў Каардынацыйную раду? Ці ёсць падзел паміж беларусамі “старой” дыяспары і новапрыбылымі, у чым ён выяўляецца? Ці лічаць КР сапраўды сур’ёзнай структурай і ці чакае структуры дэмсіл, якія былі створаныя пасля 2020 года, лёс Рады БНР? На гэтыя ды іншыя пытанні ў эфіры Еўрарадыё адказваюць прадстаўнік беларускай дыяспары Канады, доктар Пётра Мурзёнак і лiдарка выбарчага спiсу "Голас дыяспар — Адзiнства па-над межамi", лiдарка суполкі беларусаў Сан-Францыска, сяброўка Асацыяцыі беларусаў у Амерыцы Надзея Нортан

Моладзевы выбарчы спіс “Моладзевы наступ” дзіўным чынам атрымаў апошні нумар сярод усіх выбарчых суб’ектаў — №12. Што ніякім чынам не паўплывала на імпэт і крэатыўнасць удзельнікаў і ўдзельніц спіса. Безумоўна, у “МН” знойдуцца прыхільнікі, якія прагаласуюць за іх на выбарах у Каардынацыйную раду, але пытанне ці ведае “моладзь” ува што яна насамрэч увязваецца, пакуль застаецца адкрытым. Што падштурхнула да ўдзелу ў выбарах і ці насамрэч яны хочуць патрапіць у КР, ці гэтая кампанія для іх не больш, як сродак заявіць пра сябе? Чаго хочуць дамагчыся з дапамогай Каардынацыйнай рады, з якой праграмай ідуць? Ці лічаць КР сапраўды сур’ёзнай структурай? На гэтыя ды іншыя пытанні ў эфіры Еўрарадыё адказваюць кандыдаты ў дэлегаты Каардынацыйнай рады з выбарчага спіса №12 “Моладзевы наступ”, лідарка спіса Ліза Пракопчык і былая палітзняволеная, №3 у спісе Алана Гебрэмарыям.

Сваю працу выбарчая камісія па выбарах у Каардынацыйную раду пачала з “рэзкіх” рашэнняў. Не зарэгістравалі цэлы выбарчы спіс і адмовілі ў рэгістрацыі кандыдаткай у дэлегаты КР цэлай прадстаўніцы Аб’яднанага пераходнага кабінета па нацыянальным адраджэнні Аліне Коўшык. Коўшык потым, што праўда, зарэгістравалі, а вось спіс — не. Вось толькі далей камісію, выглядае на тое, чакаюць больш складаныя і напружаныя часы… Што ў працы выбарчай камісіі было нечаканым і ці гатовыя былі сябры камісіі да такой працы? Якія парушэнні, апроч узгаданых, былі заўважаныя і як каралі парушальнікаў? Ці быў ва ўсіх роўны доступ да СМІ і якіх вынікаў галасавання чакаюць у камісіі? На гэтыя ды іншыя пытанні ў эфіры Еўрарадыё адказвае старшыня выбарчай камісіі па выбарах у Каардынацыйную раду Алена Прыходзька

Назіраючы за выбарчай кампаніяй у Каардынацыйную раду, мы не забыліся і пра іншыя знакавыя даты і падзеі. Да прыкладу, што 15 траўня ў свеце, а ў тым ліку і ў Беларусі, адзначаецца Дзень сям’і, а 17 траўня — Міжнародны дзень супраць гамафобіі, трансфобіі і біфобіі. Што ў выпадку з сем’ямі, што з гамафобіяй у беларусаў, на вялікі жаль, не ўсё добра. А лукашэнкаўскі рэжым, замест таго, каб праблемы ў гэтых сферах выпраўляць, разважае пра “традыцыйныя сямейныя каштоўнасці”. Пра гэта ды шмат што іншае гаворым з гендарнай даследчыцай Ірынай Сідорскай у чарговым выпуску Gender Gap

Адпрацоўка вёсак і гвардыя Карпянкова — "Раніца з Еўрарадыё" за 21 траўня by Euroradio

Лёс бульбы і забарона мікрапіпіські — Еўразум за 20 траўня | Новости Беларуси за 20 мая by Euroradio

У выбарчых спісах даволі шмат блогераў ды медыйных персон, якія выявілі жаданне стаць дэлегатамі Каардынацыйнай рады новага склікання. Балатавацца ці не залежыла не ад палітычнага досведу ці яго адсутнасці, а ад палітычных амбіцый альбо шчырага жадання дамагчыся нейкіх зменаў. Пажадана — у Беларусі, але як мінімум — у дэмакратчных сілах і ў становішчы беларусаў за мяжой. Калі ж цягам 2 гадоў, на якія абіраецца гэты склад КР, яны ніякіх зменаў да лепшага дамагчыся не здолеюць, то ўсім сённяшнім палітыкам варта будзе “шукаць нармальную працу” па-за палітыкай. Што падштурхнула да ўдзелу ў выбарах і як фармавалася каманда? Чаго хочуць дамагчыся з дапамогай Каардынацыйна рады, з якой праграмай ідуць? Ці лічаць КР сапраўды сур’ёзнай структурай? На гэтыя ды іншыя пытанні ў эфіры Еўрарадыё адказвае блогерка, лідарка выбарчага спісу “Хопіць баяцца” на выбарах у Каардынацыйную раду Таццяна Мартынава

Дэбаты: Яўген Караулаў (спіс №12: Моладзевы наступ) VS Канстанцін Акінчыц (спіс №4: Аб'яднанне "Наша справа").

Калі адразу пасля нападу Расіі на Украіну з тэрыторыі Беларусі Лукашэнка істэрычна расказваў пра тое, “адкуль на Беларусь рыхтаваўся напад”, і паказваў нейкія незразумелыя накірункі гэтых нападаў, то цяпер нарэшце вызначыўся. Аказалася, што мэта новага нападу з тэрыторыі Украіны — “каліноўцы” пры падтрымцы войскаў НАТО плануюць (ці планавалі) захапіць “кобрынскі плацдарм”. Роля ва ўсім гэтым уварванні ўкраінскіх уладаў не агучвалася. Чаму Лукашэнка абраў мэтай нападу Кобрын? Ці змянілася пазіцыя кіраўніцтва Украіны адносна ўдараў па аб’ектах на тэрыторыі Беларусі? Ці здолее Кітай пасадзіць Маскву і Кіеў за стол перамоваў і якой можа быць роля Лукашэнкі ў гэтым? Якія сёння адносіны ў кіраўніцтва Украіны з беларускімі дэмсіламі і ці магчыма ў будучым стварэнне праекта кшталту Балта-Чарнаморскага саюза? На гэтыя ды іншыя пытанні ў эфіры Еўрарадыё адказвае дырэктар украінскага Інстытута сусветнай палітыкі, эксперт iSANS Яўген Магда

Лукашэнка шчыра прызнаўся расійскім журналістам у тым, што ён — суагрэсар у пуцінскай вайне супраць Украіны. Што праўда, сенсацыяй гэта не стала, бо пра саўдзел яго асабіста і ўсяго лукашэнкаўскага рэжыму ў ваенных злачынствах расійскіх акупацыйных войскаў ва Украіне ні для каго не сакрэт і не навіна. Пачынаючы з факта, што расійская армія напала на Украіну, у тым ліку і з тэрыторыі Беларусі. Так, сёння нападаў такіх няма, і ракеты з беларускай тэрыторыі па гарадах Украіны не ляцяць, але дапамагаць расійскім акупантам лукашысты не перастаюць. Іншым, але не менш небяспечным чынам. Што ў інфармацыі пра працу беларускіх прадпрыемстваў на расійскую абаронку зацікавіла прадстаўнікоў BELPOL — што ў гэтым новага? Якім чынам здабывалі інфармацыю і з якімі складанасцямі сутыкнуліся? Ці адрэагавалі замежныя кампаніі і палітыкі на інфармацыю пра ролю прадстаўнікоў лукашэнкаўскага рэжыму ў абыходзе санкцый? На гэтыя ды іншыя пытанні ў эфіры Еўрарадыё адказвае прадстаўнік ініцыятывы BELPOL Уладзімір Жыгар

На фоне разваг прапагандыстаў і крытыкаў у дэмакратычным асяродку пра нулявы рэйтынг і незапатрабаванасць такой структуры, як Каардынацыйная рада, лукашэнкаўскі рэжым чамусьці нервова рэагуе на любую дзейнасць, з гэтай структурай звязаную. Так, ужо прызнаныя “экстрэмісцкімі фармаваннямі” ўсе выбарчыя спісы, што бяруць удзел у выбарчай кампаніі ў КР. Адначасова, бо ўсю іншую злачыннасць і пагрозы нацбяспецы вынішчылі, так званыя “сілавікі” ўзяліся за пераслед тых, хто за мяжой браў удзел у святкаванні Дня Волі. Самі ж арганізуюць у Нацбібліятэцы канферэнцыю, дзе, сярод іншага, заслухаюць даклад дырэктара бібліятэкі Гігіна на тэму "Губернатар Міхаіл Мураўёў і нацыянальна-культурнае адраджэнне Беларусі"... Чаму лукашысты так нервова рэагуюць на выбары ў КР і чаго хочуць дамагчыся пераследам удзельнікаў святкавання Дня Волі? Ці варта беларусам асцерагацца развалу Расіі і ці здолее Кітай пасадзіць Маскву і Кіеў за стол перамоваў? Якія профіты разлічвае атрымаць ад Аліева Лукашэнка і ці чакаць новага міграцыйнага крызіса? Гэтыя ды іншыя тэмы абмяркоўваем у штотыднёвым жывым эфіры Еўрарадыё з дацэнткай, кандыдаткай гістарычных навук, незалежнай эксперткай Розай Турарбекавай.

Карабахскі аграгарадок і апалітычныя мігранты — "Раніца з Еўрарадыё" за 20 траўня by Euroradio

Навязлівыя мухі і дзвіж у КР — Еўразум за 17 траўня | Новости Беларуси за 17 мая by Euroradio

Жыхары Новай Каледоніі змагаюцца з французскімі уладамі. Іспанцы пакутуюць ад нашэсця мух. У Канах кінаманы хэйцяць новы фільм аўтара “Хроснага бацькі”. А кітайскія аўтамабілі запаланілі еўрапейскія парты. Пра ўсё гэта больш падрабязна ў нашым аглядзе цікавых міжнародных навін.

Дэбаты на Еўрарадыё: выканаўца абавязкаў старшыні “Народнай грамады” Яўген Вільскі (спіс №1) vs былы інструктар BYPOL (цяпер: BELPOL) Максім Дзенісевіч (спіс №2).

Здараецца так, што адно нейкае тваё выказванне, кінутае мімаходзь, не толькі становіцца мемам, але і цалкам мяняе тваю рэпутацыю. Ты, прыкладам, шмат гадоў быў апанентам рэжыма, прыхільнікам дэмакратычных зменаў у краіне, змагаром і свядомым, а вось гэты мем у адзін момант робіць з цябе чалавека, пра якога кажуць: “А, гэта той, што “не злаваць дзеда!”. І раптам замест “змагара” ты атрымліваеш рэпутацыю “здрадніка”, ты ўжо не “свядомы”, а той, хто не верыць у беларускі народ. Ці застаецца перакананым, што “дзеда злаваць не трэба” і ці атрымаў новыя доказы вернасці сваёй пазіцыі? Ці застаюцца ў беларусаў надзеі на пазітыўныя перамены ў краіне, у якой перспектыве і на каго ці што нам варта разлічваць? Адкуль з’явілася вера ў “вялікі беларускі народ” і што маецца на ўвазе пад гэтым пафасным выразам? На гэтыя ды іншыя пытанні ў эфіры Еўрарадыё адказвае дырэктар “Беларускай ініцыятывы” Chatham House Рыгор Астапеня.

Знаёмства з удзельнікамі выбарчых спісаў па выбарах ў Каардынацыйную раду абмяжоўваецца лідарамі гэтых спісаў, ці запрашэннямі на эфір людзей і так грамадству вядомых, медыйных і раскручаных. І гэта зразумела, бо такім чынам да эфіра і да самога выбарчага спіса можна прыцягнуць больш увагі будучых выбарцаў. Але і сярод тых, хто не на “першым плане” ўвагі журналістаў і грамадскасці, чыё прозвішча стаіць у канцы спіса і хто найхутчэй у КР не трапіць, шмат цікавых людзей. Якія выдатна разумеюць, што для лукашэнкаўскіх следчых няма розніцы, на якім месцы ў выбарчым спісе знаходзіцца кандыдат у дэлегаты КР... Чаму вырашылі паспрабаваць сябе ў “вялікай” палітыцы і чаму менавіта “Блок Пракоп’ева-Ягорава” абралі ў якасці старта? Ці разумее, што ў Каардынацыйную раду, маючы №33 у спісе, найхутчэй не патрапіць, але фігурантам крымінальнай справы ўжо стаў? Ці сапраўды верыць, што праз гэты орган можна рэалізаваць хоць нешта задуманае? На гэтыя ды іншыя пытанні ў эфіры Еўрарадыё адказвае сябра выбарчага спіса “Блок Пракоп’ева-Ягорава” на выбарах у Каардынацыйную раду, старшыня пражскай суполкі “Пагоня”, бізнесмен Віталь Цімошчанка

На пачатку траўня ў шэрагу краін Усходняй Еўропы адзначалася 20-я гадавіна ўваходжання ў склад Еўрапейскага саюза. Не святкавалася, а менавіта адзначалася — без парадаў, салютаў, “лідараў” на трыбунах і натоўпаў прымусова-шчаслівых грамадзян. Прапагандысты з краін на ўсход ад Польшчы, краін Балтыі ды Венгрыі скажуць, што ўсяго гэтага не было таму, што радавацца няма нагодаў і вартых гонару вынікаў у гэтых краін Усходняй Еўропы няма. Але прапаганда на тое і прапаганда, каб не параўноўваць лічбы і ўзровень дабрабыту, а даказваць, што абраны нязменным лідарам краіны шлях — правільны і вядзе да шчаслівай будучыні нібыта нават народу гэтай краіны. Чым адрозніваецца шлях, абраны Лукашэнкам для Беларусі і нашых суседзяў, якія пайшлі ў ЕС? Ці сапраўды ў Еўрасаюзе лепш з пункту гледжання дабрабыту звычайнага чалавека і адкуль тады ў Еўпропе столькі еўраскептыкаў? Ці моцна ўзбагаціцца рэжым за кошт маёмасці сваіх апанентаў? На гэтыя ды іншыя пытанні ў эфіры Еўрарадыё адказвае блогер, бізнесмен, сябра выбарчага спісу “Блок Пракоп’ева-Ягорава” на выбарах у Каардынацыйную раду Аляксандр Кныровіч

Канец каровам і ідэалагічныя летнікі — "Раніца з Еўрарадыё" за 17 траўня by Euroradio

Сонечная абарона і дуля Мінадукацыі — Еўразум за 16 траўня | Новости Беларуси за 16 траўня by Euroradio

Замах на прэм'ер-міністра Славакіі Роберта Фіца нарабіў шуму ва ўсім свеце. У нападзе падазраюць паэта і пісьменніка Юрая Цынтулу, якога называюць прыхільнікам адной з апазіцыйных партый — "Прагрэсіўная Славакія". Партыя дзеянні Юрая Цынтулы асудзіла, а сам ён сказаў, што зрабіў так таму, што нязгодны з палітыкай урада. Неспакойна і ў Расіі — там здымаюць з пасад адных генералаў ды міністраў, а на іх месца ставяць іншых. Некага адпраўляюць у турму. У Беларусі таксама здымаюць, але ў турму пакуль не адпраўляюць. Затое актыўна носяцца са збеглым польскім суддзёй Шмытам… Што не так з нападам на Фіца — апроч самога факту замаху на славацкага прэм’ера? Чым адметныя адстаўкі і чысткі ў генеральскім асяродку ў Расіі і Беларусі? Ці варта звяртаць увагу на тур выходнага дня Лукашэнкі ў Баку і што чакае польскага суддзю-уцекача? Гэтыя ды іншыя тэмы ў штотыднёвым жывым эфіры Еўрарадыё абмяркоўваем з палітычным аглядальнікам, гісторыкам Аляксандрам Фрыдманам.

Выбары ў Каардынацыйную раду вывелі на “першы план” шмат людзей, якія раней на такім узроўні ў палітычным жыцці беларускага грамадства ўдзелу не бралі. А злітыя Кіберпартызанамі базы КДБ яшчэ і падсвяцілі тых, у каго ёсць досыць цікавыя факты і сувязі са спецслужбамі ў біяграфіі. Гэта, а таксама рэакцыя на выбары ў КР рэжыма, які ўжо на дадзеным этапе кампаніі прызнаў амаль усе выбарчыя спісы і іх ўдзельнікаў “экстрэмісцкімі фармаваннямі”, робяць выбары ў Каардынацыйную раду цікавай і адметнай падзеяй. Але і пакідаюць шмат пытанняў, як да кандыдатаў, так і да іх праграм… Чаму вырашылі паспрабаваць сябе ў “вялікай” палітыцы і чаму менавіта Каардынацыйную раду абралі ў якасці старта? Што з сябе ўяўляе выбарчы спіс “Грамадскага руху “Краіна для жыцця” і з якой праграмай ідзе на выбары? Ці сапраўды верыць, што праз гэты орган зможа рэалізаваць задуманнае? На гэтыя ды іншыя пытанні ў эфіры Еўрарадыё адказвае лідар выбарчага спісу “Грамадскі рух “Краіна для жыцця” на выбарах у Каардынацыйную раду Віталь Савюк

16 траўня ў эфіры Еўрарадыё — паліталагіня, кандыдатка ў магістратуру Цэнтра вывучэння Халакоста і генацыду Ешыва-універсітэта, бакалаўр у галіне русістыкі, псіхааналітык, кандыдатка ў дэлегаты Каардынацыйнай рады ад выбарчага спісу “Блок Пракоп’ева-Ягорава” Веста Янусік-Свендсэн. Сёння беларускае грамадства знаходзіцца ў сітуацыі, калі нам трэба вучыцца двум вельмі важным рэчам: здароваму нацыяналізму і дэмакратычным працэдурам. І мы гатовыя як да першага, так і да другога — падзеі 2020 года і тое, як беларусы спраўляюцца з выпрабаваннямі, даюць падставы верыць, што мы пройдзем гэты шлях годна і здолеем пабудаваць сваю беларускую і дэмакратычную краіну, пераканая Веста Янусік-Свендсэн. Пра тое, чаму так важна захоўваць сваю беларускасць, дзе б ты не знаходзіўся, чаму глабалізацыя не супярэчыць нацыянальнаму будаўніцтву і які нацыяналізм — здаровы, мы і разважаем у праграме “Ідэя Х” з Вестай Янусік-Свендсэн.

Куры для сябе і пладавітая Брагіншчына — "Раніца з Еўрарадыё" за 16 траўня by Euroradio

Грузінскі пратэст і вайсковая соль — Еўразум за 15 траўня | Новости Беларуси за 15 траўня by Euroradio

Дэбаты: блогер, палітолаг і рэжысёр Андрэй Курэйчык VS дэсантнік, сузаснавальнік арганізацыі спартыўна-патрыятычнай арганізацыі "Паспалітае рушэнне" Сяржук Кедышка. Тэма: ці месца парамілітарным структурам у Каардынацыйнай радзе?

Пра стан беларускай медыцыны, у які яна патрапіла ў выніку абранага рэжымам шляху развіцця краіны, пра дзейнасці чыноўнікаў Міністэрства аховы здароўя, пра палітычныя рэпрэсіі і пераслед нязгодных у асяродку медыкаў, ужо было сказана вельмі шмат. І пераважна — негатыўнага. Але адна рэч рабіць высновы ды прагнозы на падставе сведчанняў праваабаронцаў ці эмоцый саміх медыкаў і зусім іншае, калі пад рукой ёсць лічбы грунтоўных даследванняў. Што прымусіла зрабіць грунтоўны аналіз актуальнага стану медыцыны Беларусі і чаму на дапамогу паклікалі эканамістаў з BEROC? Якія галоўныя выклікі сёння стаяць перад беларускай медыцынай і як на гэтыя выклікі рэагуюць чыноўнікі? Ці сапраўды так усё дрэнна, як нам падаецца, і якія варыянты выхаду з існай сітуацыі? На гэтыя ды іншыя пытанні ў эфіры Еўрарадыё адказваюць намеснік прадстаўніцы па сацыяльнай палітыцы Аб’яднанага пераходнага кабінета Вольгі Гарбуновай Станіслаў Салавей і акадэмічны дырэктар даследчага цэнтра BEROC, доктар эканамічных навук Леў Львоўскі

Сярод 12 выбарчых спісаў, удзельнікі якіх актыўна ўключыліся ў барацьбу за мандаты дэлегатаў Каардынацыйнай рады, ёсць некалькі відавочна мілітарных каманд. Спісы, якія складаюцца з людзей, якія тым ці іншым чынам, але маюць дачыненне да “сілавых” структур — былыя дабраахвотнікі, валанцёры і гэтак далей. І выглядае на тое, што ў сённяшняй сітуацыі менавіта спісы з “сілавымі” палітычнымі праграмамі прыцягваюць сімпатыі выбаршчыкаў. З якімі мэтамі і якой праграмай ідуць на выбары удзельнікі выбарчага спіса “Воля”? Якія магчымасці для рэалізацыі іх планаў дае КР і чаму гэтыя планы і задумы немагчыма ажыццявіць без гэтай структуры? Ці гатовыя да сапраўднай палітычнай дзейнасці і на кааліцыю з якімі сіламі разлічваюць? На гэтыя ды іншыя пытанні ў эфіры Еўрарадыё адказваюць блогер, былы палятвязень, прадстаўнік ініцыятывы BELPOL і №1 у выбарчым спісе “Воля” Аляксандр Кабанаў і №2 гэтага ж спісу, кіраўнік Місіі дэмакратычнай Беларусі ў Кіеве Генадзь Манько

Усё нацыянальнаарыентаванае, калі яно нават гіпатэтычна можа ўяўляць нейкую пагрозу лукашэнкаўскаму рэжыму, вынішчаецца. Але прыхільнікам “рускага міра” і гэтага мала — яны хочуць, каб беларусы сталі больш рускімі, чым самі расіяне. Рэжым жа, на чале з Лукашэнкам, робіць для гэтага, на іх думку, недастаткова. І гэтыя “антылукашэнкаўскія” настроі выклікаюць панічную злобу ў апантаных лукашэнкаўскіх прапагандыстаў. Гэтае супрацьстаянне магло б радаваць, але па выніку ахвярай становіцца Беларусь і беларусы, якіх пераследуюць і рэпрэсуюць і па палітычных, і па ідэалагіяных меркаваннях. Якія пагрозы ў ідэалагічным супрацьстаянні лукашэнкаўскіх прапагандыстаў і рускамірцаў ёсць для беларускага грамадства? Імкненне Арменіі выйсці з АДКБ і прарасійскі шлях кіраўніцтва Грузіі — чым можа скончыцца? Ці атрымаецца ў Польшчы зрабіць мяжу з Беларуссю бяспечнай? Гэтыя ды іншыя тэмы ў штотыднёвым жывым эфіры Еўрарадыё абмяркоўваем з дацэнткай, кандыдаткай гістарычных навук, незалежнай эксперткай, лідаркай спісу аб’яднання "Наша справа" Розай Турарбекавай

Змены ў сілавым блоку Расіі, на думку экспертаў, сведчаць пра тое, што у Крамлі рыхтуюцца да доўгай вайны ва Украіне. І выглдае на тое, што рэсурсы для такога супрацьстаяння ў Масквы ёсць. Адпаведна, не застанецца па-за гэтай вайной “на высмажванне” і Беларусь, якую лукашэнкаўскі рэжым ужо зрабіў суагрэсарам Расіі. На гэтым фоне любыя развагі прадстаўнікоў беларускіх дэмсіл пра неабходнасць захавання адносінаў з Расіяй і пасля змены рэжыма, выглядаюць як мінімум “непаліткарэктнымі”. Якія пагрозы для Беларусі нясе арыентацыя Расіі на зацяжную вайну ва Украіне? Ці варта ўжо сёння казаць пра будучыню адносінаў з усходнім суседам і што не так з развагамі на гэты конт асобных прадстаўнікоў “новай хвалі” дэмсупольнасці? Ці атрымаецца ў Польшчы зрабіць мяжу з Беларусюю бяспечнай? Гэтыя ды іншыя тэмы ў штотыднёвым жывым эфіры Еўрарадыё абмяркоўваем з кіраўніком варшаўскага Цэнтра палітычнага аналізу і прагнозу, доктарам палітычных навук Паўлам Усавым

Замарожаныя кошты і гарачыня на Еўрабачанні — Еўразум за 10 траўня | Новости Беларуси за 10 мая by Euroradio

Пратэрмінаваны беларускі доўг вырас яшчэ на паўмільярда долараў. Калі раней беларускі Мінфін не плаціў свае даўгі ў адзіночку, то зараз ён не плаціць даўгі разам з дзяржаўным Банкам развіцця. Ну, таму што не плаціць паасобку Мінфін ужо відаць не спраўляецца.

Пра тое, што “Беларусь — гэта Еўропа!” мы ведаем даўно. І хоць лукашэнкаўскі рэжым робіць усё, каб зацягнуць і Беларусь, і беларусаў ў іншы ад Еўропы бок праз розныя інтэграцыйныя праекты з Расіяй, ад ідэі сваёй еўрапейскасці беларусы адмаўляцца не жадаюць. Што да артыкуляцыі нашага геапалітычнага выбару, то і гэта дэмсілы зрабілі, заявіўшы пра намер далучыцца да працэсаў еўраінтэграцыі. А некаторыя нават пачынаюць рыхтвацца да гэтага ўжо цяпер. Што такое еўраінтэграцыя і ці патрэбная яна беларусам, якія хочуць “сябраваць і з Усходам, і з Захадам”, не робячы нейкага канчатковага выбару? Чаму да будучай еўраінтэграцыі нам трэба рыхтавацца ўжо сёння і што для гэтага варта зрабіць? Што адбываецца ў Вольным Беларускім універсітэце і ці заменіць адукацыя ў ім іншыя ВНУ? На гэтыя ды іншыя пытанні ў эфіры Еўрарадыё адказвае магістр паліталогіі, праграмны дырэктар Вольнага Беларускага ўніверсітэта Алесь Лагвінец

На фоне выбараў у Каардынацыйную раду асаблівую вастрыню набыло пытанне таго, што гэтая структура можа зрабіць для беларусаў унутры Беларусі. Маўляў, ніякім чынам ні гэтая, ні ўсе іншыя палітычныя структуры за мяжой не могуць не толькі ўплываць на жыццё ў межах краіны, але і не асабліва і імкнуцца гэта рабіць. Адпаведна, ні да выбараў, ні да дзейнасці КР ці якога іншага “кабінета” ў беларусаў ўнутры Беларусі няма. А з іншага боку рэжым, з яго нахабнымі канфіскацыямі маёмасці ў вымушаных мігрантаў… Ці магчыма з-за мяжы працаваць з беларусамі ў Беларусі і якія праблемы такім чынам можна вырашаць? Якую дапамогу і хто можа аказаць беларусам, у якіх канфіскуюць маёмасць у Беларусі? Якую дапамогу ў вырашэнні гэтых праблем можна атрымаць з боку Каардынацыйнай рады? На гэтыя ды іншыя пытанні ў эфіры Еўрарадыё адказваюць чальцы выбарчага спісу “Еўрапейскі выбар” — грамадскі дзеяч, былы палітвязень Артур Фінкевіч і прадстаўніца Аб'яднанага пераходнага кабінета па нацыянальным адраджэнні Аліна Коўшык

Калі раней Лукашэнка паўсюль цягаў свайго малодшага сына Мікалая, то цяпер наўзамен яму возіць на ўрачыстасці і сустрэчы з падначаленымі генераламі і міністрамі шпіца. Раней падавалася, што нічога больш крынжовага за шпіца, які выслухоўвае даклады генералаў, быць не можа. Але шпіц на “дзевятамаі” ў Маскве перабіў папярэднюю крынжовасць. Гэта, як і шмат чаго іншага, робіць з Беларусі краіну, з якой людзі хочуць выехаць. Хаця б на выходныя. Але вялізныя чэргі на мяжы і праблемы з атрыманнем віз гэтаму не спрыяюць. А як высвятляецца, не ўсе прадстаўнікі дэмсіл здольныя паспачуваць суайчыннікам у гэтай сітуацыі. Што не так з выказваннем Кныровіча наконт чэргаў на мяжы і ці сапраўды ён лічыць такую сітуацыю апраўданай? А ў такім выпадку ў чым не правы Шрайбман і іншыя, што не пагадзіўся з пазіцыяй кандыдата ў дэлегаты КР Кныровіча? Дэманстрацыяй чаго стаў лукашэнкаўскі шпіц на парадзе ў Маскве? На гэтыя ды іншыя пытанні ў эфіры Еўрарадыё адказвае блогер, №3 ў выбарчым спісе “Блок Пракоп’ева-Ягорава” Аляксандр Кныровіч

Рэгуляванне цэн на тавары і паслугі даўно стала бяспройгрышнай “фішкай” Лукашэнкі. І карыстаецца ён гэтай фішкай кожны раз, як адчувае патрэбу ў неабходнасці падвышэння ўзроўню “любові” з боку шараговых беларусаў. Узровень жыцця якіх наўпрост залежыць ад коштаў у крамах самых неабходных для выжывання прадуктаў. Іншая справа, што пасля таго, як тэма адыграе, кошты растуць. Але ж і тут заўжды можна сказаць, што гэта не “цар, а баяры” вінаватыя… Як рэгуляванне дзяржавай цэн на тавары і паслугі ўплывае на эканоміку, інфляцыю і, па выніку, на дабрабыт людзей? Што адбываецца з курсамі і пры чым тут дэвальвацыя? Ці варта баяцца дэфіцыту кадраў, калі гэта зніжае паказчыкі беспрацоўя, і ці чакаць у Беларусі працоўных мігрантаў? На гэтыя ды іншыя пытанні ў эфіры Еўрарадыё адказвае экспертка ў сферы дзяржаўнага кіравання і міжнароднага развіцця, магістр эканомікі Аліса Рыжычэнка

Падаткі для інфацыган і адзін крок да вяртанне паравозаў — "Раніца з Еўрарадыё" за 10 траўня by Euroradio

9 траўня ў эфіры Еўрарадыё — дэсантнік, сустваральнік патрыятычна-спартовай абароннай арганізацыі беларусаў у Польшчы “Паспалітае рушэнне” Сяржук Кедышка. Шмат сказана пра цярплівы беларускі народ, які шматвекавымі пакутамі і прыгнётам даведзены да стану, калі ён нібыта не здольны ўзняць свой голас і сваю галаву. Але гэта не так. Хоць беларускі народ і сапраўды мае вялікі запас цярпення, але гэты запас небясконцы. Таму сітуацыя, у якой беларусы знаходзяцца сёння, мусіць скончыцца паўстаннем. І яно будзе не такім мірным, як у 2020 годзе, перакананы Сяржук Кедышка. Пра тое, чаму нельга казаць пра “баязлівасць” беларускага народа, чаму наперадзе нас чакае паўстанне, і пра тое, ці магчымы ў Беларусі нацыянальна-вызвольны рух, мы і разважаем у праграме “Ідэя Х” з Сяржуком Кедышкам.

Расіяне ў Брэсце і "пасхалка" для Лукашэнкі — Еўразум за 8 траўня | Новости Беларуси за 8 мая by Euroradio

На Захадзе пачаліся размовы пра падрыхтоўку новага санкцыйнага пакета ў дачыненні да лукашэнкаўскага рэжыму. Не, санкцыі, безумоўна, не працуюць, але на фоне гэтай навіны прэм’ер-міністр Галоўчанка нечакана заявіў, што “ва ўмовах санкцый стратэгічнай задачай Беларусі становіцца дасягненне рэальнага эканамічнага суверэнітэту”. Відаць, тое, што рэпрэсіямі з краіны выціснулі значную колькасць ІТ-кампаній, а іпэшнікаў паставілі на мяжу выжывання новымі законамі і дэкрэтамі, — адна з частак рашэння гэтай задачы. Што з сябе ўяўляюць санкцыі, уведзеныя ў дачыненні да Беларусі, і чаму яны не працуюць так, як чакалі іх ініцыятары? Ці здольная беларуская эканміка не толькі адаптавацца да сённяшніх умоў, але і паказаць рост? Ці спрацуе стратэгія "Кіберпартызан", і калі не атакі на “Гродна Азот”, то што можа прымусіць рэжым вызваліць палітвязняў? На гэтыя ды іншыя пытанні ў эфіры Еўрарадыё адказвае эканаміст, адміністрацыйны дырэктар BEROC, сузаснавальнік Інстытута прыватызацыі і менеджменту Павел Данейка

У выбарах у Каардынацыйную раду гэтым разам бярэ ўдзел даволі шмат людзей, якія прайшлі праз баявыя дзеянні ва Украіне. У складзе розных добраахвотніцкіх падраздзяленняў. Адных гэта насцярожвае, іншых — падбадзёрвае. У любым выпадку, калі чалавек з такім досведам, як ў Настассі “Север” Махамет, вырашае ісці ў палітыку, гэта прыцягвае ўвагу. Чаму вырашыла паспрабаваць сябе ў палітыцы і чаму менавіта Каардынацыйную раду абрала ў якасці старта ? Што прывабіла ў спісе “Нашай справы” і з якой праграмай сама ідзе на выбары? Ці верыць, што праз гэты орган зможа рэалізаваць задуманае? На гэтыя ды іншыя пытанні ў эфіры Еўрарадыё адказвае былая камандзірка медычнай роты палка Кастуся Каліноўскага, №2 выбарчага спісу “Наша справа” на выбарах у Каардынацыйную раду Настасся “Север” Махамет

У той час, калі дзясяткі (калі не сотні) тысяч беларусаў выязджаюць з краіны альбо ў выніку палітычнага пераследу і пагрозы турмы, альбо ў пошуках лепшага жыцця, знаходзяцца тыя, хто збягае з Захаду “на выспу стабільнасці”. Так, такіх адзінкі, але яны становяцца падарункам для лукашэнкаўскай прапаганды. Праўда, па выніку такія людзі ні ў Беларусі, ні ў Расіі не патрэбныя. Тым не менш, сваю ролю ў каштоўнаснай вайне, якая працягваецца ў нашым рэгіёне, яны паспяваюць адыграць. Чым адметныя ўцёкі польскага суддзі ў Беларусь і які лёс яго найхутчэй можа чакаць? Што сёння можна рэальна зрабіць для фармавання беларускага войска і адкуль узяць на гэта рэсурсы? Ці стрымаюць Лукашэнку папярэджанні Захаду наконт удзелу беларускіх вайскоўцаў у вайне з Украінай? Гэтыя ды іншыя тэмы абмяркоўваем у штотыднёвым жывым эфіры Еўрарадыё з кіраўніком варшаўскага Цэнтра палітычнага аналізу і прагнозу, доктарам палітычных навук, сябрам “Вольнай Беларусі” Паўлам Усавым

Сілавыя інаватары і тэлефон, каб званіць — "Раніца з Еўрарадыё" за 8 траўня by Euroradio

Піяр на нагах і радыё імя Лукашэнкаў — Еўразум за 7 траўня | Новости Беларуси за 7 траўня by Euroradio

2-3 траўня Святлана Ціханоўская наведвала з афіцыйным візітам Мальту, дзе правяла сустрэчы з прэзідэнткай краіны Мірыям Спітэры Дэбона (Myriam Spiteri Debono), спікерам парламента Англам Фаруджа (Anglu Farrugia), а таксама міністрам замежных справаў Мальты Енам Боргам (Ian Borg). Абмяркоўвалі “супрацу дэмакратычных сілаў Беларусі і Еўрасаюза, супольныя крокі ў АБСЕ, Радзе Еўропы, Радзе бяспекі ААН, магчымыя крокі па вызваленні палітвязняў і падтрымку рэпрэсаваных, санкцыі, супрацу на дыпламатычным узроўні”. Але гэта не ўсё з афіцыйнай часткі візіту: Святланай Ціханоўскай і старшынёй Еўрапейскага парламента Рабертай Метсолай быў падпісаны “Ліст пра намер супрацоўніцтва паміж Еўрапейскім парламентам і дэмакратычнымі сіламі Беларусі”. Чым адметны візіт Ціханоўскай на Мальту і якіх практычных вынікаў ад яго чакаць? Што насамрэч з сябе ўяўляе дакумент, падпісаны са старшынёй Еўрапарламента? Якія навіны ў справе з пашпартам Новай Беларусі і калі мы яго нарэшце пабачым? На гэтыя ды іншыя пытанні ў эфіры Еўрарадыё адказвае прадстаўнік па замежных справах Аб’яднанага пераходнага кабінета Валерый Кавалеўскі

Усё часцей заходнія вайскоўцы і палітыкі абмяркоўваюць варыянты, пры якіх салдаты краін NATO будуць скіраваныя ва Украіну для дапамогі УСУ ў супрацьстаянні расійскім акупантам. І адной з прычын называецца рашэнне Мінска адправіць беларускіх вайскоўцаў на дапамогу расійскаму войску на тэрыторыі Украіны. Але гэта выглядае не толькі як папярэджанне Крамлю, але і як “падарунак” Лукашэнку — аргумент, які ён можа выкарыстоўваць у перамовах з Пуціным. Ці сапраўды краіны ЕС не выключаюць імавернасці адпраўкі сваіх войск ва Украіну і што ў выпадку далучэння лукашэнкаўскага рэжыму да расійскай агрэсіі чакае Беларусь? Чаму менавіта цяпер у публічную сферу трапляюць палітычныя скандалы пра сувязі асобных нямецкіх палітыкаў з лукашэнкаўскім рэжымам? Гэтыя ды іншыя тэмы абмяркоўваем у штотыднёвым жывым эфіры Еўрарадыё з палітычным аглядальнікам, гісторыкам Аляксандрам Фрыдманам

Ва ўсёй Еўропе праходзіць выбарчая кампанія — кандыдаты і кандыдаткі ў дэпутаты Еўрапарламента агітуюць за свае кандыдатуры. З дапамогай плакатаў і банераў у тым ліку. Адзін з такіх плакатаў прывёў да скандалу. Дакладней, не сам плакат, а даўжыня сукенкі ў прэс-сакратаркі правапапулісцкай партыі "Канфедэрацыя" Эвы Заянчкоўскай-Хернік, якая балатуецца ў Еўрапарламент па спісе ў польскай сталіцы. Банер некаторыя палічылі некарэктным: на ім палітык — у сукенцы вышэйшай за калена. Надпіс на плакаце абвяшчае: “Хочам жыць нармальна!” У сацсетках каментатары назвалі банер правакатыўным, а прафсаюзны актывіст Пётр Шумлевіч заявіў, што палітык “пераблытала выбарчую кампанію з сайтам знаёмстваў”. Застаецца спадзявацца, што кандыдатка не чытае штодня сацсеткі і самаацэнка ў яе праз такія каментары не пацярпела… Пра тое, якое дачыненне скандал з даўжынёй сукенкі польскай кандыдаткі ў Еўрапарламент мае дачыненне да беларускіх выбараў, а таксама пра спрэчнае выказванне беларускага кандыдата ў дэлегаты Каардынацыйнай рады Аляксандра Кныровіча і пра сувязь самаацэнкі і сацсетак мы і разважаем з гендарнай даследчыцай Ірынай Сідорскай у чарговым выпуску Gender Gap

Суддзя-здраднік і вайна замест лімузінаў — "Раніца з Еўрарадыё" за 7 траўня by Euroradio

Муж "маленькай Эмі" і рука іпэшніка — Еўразум за 6 траўня | Новости Беларуси за 6 траўня by Euroradio

Выбарчыя спісы канкуруюць за ўвагу і сімпатыі патэнцыйных выбарцаў. Публікуюць праграмы, спрачаюцца, а часам і троляць адзін аднаго ў сацыяльных сетках, бяруць удзел у дэбатах, якія ладзяць СМІ ці ютуб-блогеры. Такое ўражанне, што беларускае палітычнае жыццё пад назвай “кампанія па выбарах у Каардынацыйную раду” віруе як мінімум за межамі Беларусі. Але калі хаця б крыху выйсці за межы гэтай “выбарчай бурбалкі”, то робіцца відавочным, што значная колькасць беларусаў альбо проста не цікавіцца гэтай кампаніяй, альбо не разумее сэнсу ўдзельнічаць у ёй. А ўсё таму, што патрэба ў гэтым “прадстаўнічым органе Беларусі” для беларусаў не відавочная і не зразумелая. Што з сябе ўяўляе Каардынацыйная рада і якая патрэба ў ёй сёння? Ці варта ўсур’ёз успрымаць гэтую структуру ці гэта не больш, чым пляцоўка, каб “пагаварыць і павучыцца парламентарызму”? Што аб’ядноўвае ўсе выбарчыя спісы і якіх сіл там не хапае? На гэтыя ды іншыя пытанні ў эфіры Еўрарадыё адказвае кіраўнік цэнтра “Еўрапейскі дыялог”, дарадца Святланы Ціханоўскай па парламенцкім супрацоўніцтве і канстытуцыйнай рэформе Анатоль Лябедзька

У адным толькі Мінску на цяперашні момант створана 36 “ваенна-патрыятычных клубаў”, і спыняцца ідэолагі на гэтым не плануюць. Хаця, як вядома, ствараюцца яны выключна з ініцыятывы саміх падлеткаў. Ну, так сцвярджаюць чыноўнікі ад адукацыі. Адначасова прапагандысты, якім, відаць, не дае спакою гісторыя поспеху калег з “Радыё тысячы ўзгоркаў”, пачалі разважаць пра неабходнасць фізічна знішчыць апанентаў рэжыму. Асабліва з улікам тэзы, якую закінуў спецыяліст па гісторыі і традыцыях славянскіх народаў асецін Караеў: маўляў, розныя там выбары, дэмакратыя і зменнасць улады “цалкам супярэчаць нашаму савецкаму, нашаму славянскаму, нашаму еўраазіяцкаму духу і менталітэту, дзе ў гісторыі зусім па-іншаму складвалася”. Што не так з “ваенна-патрыятычным выхаваннем”, якім так заняўся рэжым, і ці атрымаецца ў яго выйграць змаганне за розум моладзі? Ці варта ўсур’ёз успрымаць заклікі прапагандыстаў і ці варта абапірацца на веды пра славянскі менталітэт Караева? Як праходзіць агітацыйная кампанія ў Каардынацыйную раду, якія хібы яна ўжо выявіла і чаму гэта выбарчая кампанія так нервуе Лукашэнку? Гэтыя ды іншыя тэмы ў штотыднёвым жывым эфіры Еўрарадыё абмяркоўваем з дацэнткай, кандыдаткай гістарычных навук, незалежнай эксперткай, лідаркай спіса аб’яднання "Наша справа" Розай Турарбекавай

Слёзы праз Алімпіяду і настойлівыя "Кіберы" — "Раніца з Еўрарадыё" за 6 траўня by Euroradio

Час камянёў і вярбоўка Свярдлова — Еўразум за 3 траўня | Новости Беларуси за 3 траўня by Euroradio

У выбарчых спісах сярод прэтэндэнтаў на мандат дэлегата Каардынацыйнай рады даволі шмат “сілавікоў” — тых, хто быў сярод добраахвотнікаў у шэрагах палка Каліноўскага ці іншых структур УСУ, былых праваахоўнікаў і вайскоўцаў. І гэта я не кажу пра спісы адпачатку парамілітарных структур. Адзін з такіх — спіс “Закон і правапарадак”, які ўзначальваюць прадстаўнікі аб’яднання былых сілавікоў BYPOL — Аляксандр Азараў, Аляксандр Ракіцкі, Станіслаў Лупаносаў. Што прымушае браць удзел у выбарах у КР, якая палітычная праграма ў спісу “Закон і правапарадак”? Якіх вынікаў спадзяюцца дамагчыся праз удзел у КР, чаго нельга было дамагчыся праз свае структуры? На гэтыя ды іншыя пытанні ў эфіры Еўрарадыё адказваюць лідар выбарчага спісу “Закон і правапарадак”, кіраўнік аб’яднання былых сілавікоў BYPOL Аляксандр Азараў і №6 гэтага ж спісу, былы баец АМАП, снайпер Сяргей Макар.

У цэнтры ўвагі на гэтым тыдні аказаліся камяні. Звычайныя камяні на беларускіх палях. Збіраць якія ганяюць і футбалістаў, і студэнтаў, і зняволеных. Не, па словах Лукашэнкі, ёсць і спецыяльная тэхніка для гэтага. Найлепшая, аналагаў няма. Але яны нам яе не пакажуць. А камяні з палёў працягнуць збіраць рукамі. Акрамя камянёў пагаворым з палітыкам і блогерам Аляксандрам Кныровічам пра праверку лукашэнкаўскіх войскаў СПА (якраз пасля навінаў пра тое, што тры расійскія "Кінжалы" незаўважанымі праляцелі над Гомельскай вобласцю), "базу даносаў" і, неспадзявана, заробкі ў Эстоніі. Глядзіце стрым, задавайце пытанні!

Багацейшая за Судан і дуля, а не кіно — "Раніца з Еўрарадыё" за 3 траўня by Euroradio

Курыца чорнага дня і бедныя палякі — Еўразум за 2 траўня | Новости Беларуси за 2 траўня by Euroradio

Стаўленне да Каардынацыйнай рады — такой, якая яна ёсць сёння, — у пэўнай часткі экспертаў і палітыкаў даволі скептычнае. Мы тут нават не кажам пра тое, што для пераважнай большасці беларусаў і сама гэтая структура, і тое, чым яна займаецца, якую функцыю выконвае і для чаго ўвогуле існуе, — вялікая таямніца. Калі яны ўвогуле пра яе хоць нешта чулі. Нягледзячы на гэта, паўдзельнічаць у змаганні за магчымасць зрабіцца дэлегатам Каардынацыйнай рады захацелі нават тыя людзі, якім і без сяброўства ў КР, здавалася, ёсць чым і дзе займацца… Што падштурхнула да ўдзелу ў выбарах у КР і ці азначае, што пасля абранне ў гэтую структуру ён сыдзе з Аб’яднанага пераходнага кабінета? Якая палітычная праграма ў выбарчага спіса “Каманда Латушкі і рух “За свабоду” і навошта яны набралі ў спіс так шмат людзей? Якіх вынікаў спадзяюцца дасягнуць праз сяброўства ў КР і што перашкаджала гэтага дасягаць на сённяшніх пазіцыях? На гэтыя ды іншыя пытанні ў эфіры Еўрарадыё адказваюць лідар выбарчага спіса “Каманда Латушкі і рух “За свабоду”, кіраўнік Народнага антыкрызіснага ўпраўлення і намеснік кіраўніцы Аб’яднанага пераходнага кабінета Павел Латушка і №2 гэтага ж спіса, лідар руха “За свабоду”, намеснік кіраўніка Народнага антыкрызіснага ўпраўлення Юрась Губарэвіч

Чым далей падзеі 2020 года ад дня сённяшняга, тым менш Беларусь прыгадваюць у сусветных СМІ, на палітычных пляцоўках і экспертных івентах. Але гэта не азначае, што беларуская тэма цалкам адышла ў нябыт, бо нагоды для згадкі і абмеркавання даюць як лукашэнкаўскі рэжым, так і прадстаўнікі беларускіх дэмсіл. Іншая справа, што часцяком адна і тая ж беларуская інфанагода ўспрымаецца і асвятляецца ў розных краінах зусім па-рознаму. Як пра Беларусь пішуць замежнікі, каго больш згадваюць і як пішуць пра беларусаў? Як звязаныя электаральная “прэзідэнцкая” кампанія ў Беларусі 2025 года і легітымнасць Ціханоўскай? Як змяняецца лукашэнкаўская прапаганда, ці ёсць прыкметы пачатку змяншэння рэпрэсій і пра што сведчыць колькасць даносаў у КДБ? На гэтыя ды іншыя пытанні ў эфіры Еўрарадыё адказвае кіраўніца Цэнтра новых ідэй, дактарантка Універсітэта Карлстада, паліталагіня Леся Руднік.

2 траўня ў эфіры Еўрарадыё — заснавальнік non-profit арганізацыі BelarusianAmericans.Org (Мінеапаліс, ЗША), бізнесовец і заснавальнік кампаніі Real Estate Liquidators, сябра Асацыяцыі беларускага бізнесу за мяжой Павал Сакурэц. Спрадвеку ў беларускага народа на яго шляху да незалежнасці і стварэння сваёй нацыянальнай дзяржавы было шмат ворагаў. Гэтыя ворагі ў нас ёсць і сёння. І гэта не толькі ідэалогія так званага “рускага свету”, не толькі рэжым Лукашэнкі і ён сам як ненавіснік усяго нацыянальнага і нашай беларускасці, але і… самі беларусы, якія не шануюць беларускай мовы, культуры і гісторыі, перакананы Павал Сакурэц. Пра тое, якое значэнне для беларусаў сёння маюць беларуская мова і культура, як нам захаваць сваю нацыянальную адметнасць за мяжой і пры чым тут салідарнасць, мы і разважаем у праграме “Ідэя Х” з Паўлам Сакурцом.

Непрыгожыя заробкі і памылка ГУБАЗіКа — "Раніца з Еўрарадыё" за 1 траўня by Euroradio

Гендарныя квоты і ЦТ-вар'яты — Еўразум за 30 красавіка | Новости Беларуси за 30 апреля by Euroradio

Нехта называе удзел Святланы Ціханоўскай у шматлікіх канферэнцыях, сустрэчах і перамовах высокага ўзроўню палітычным турызмам, іншыя кажуць, што гэта ўсё — вялікае дасягненне і ідзе на карысць і беларусам, і Беларусі. Ці пойдзе некалі… У любым выпадку, усе схіляюцца да таго, што той жа Лукашэнка запрашэння на такія мерапрыемствы ніколі не меў і мець не будзе. Па-за кадрам застаецца тое, якіх высілкаў каштуе арганізацыя ўдзелу Ціханоўскай у мерапрыемствах і сустрэчах такога ўзроўню, як, напрыклад, сустрэчы з прэзідэнтам ЗША ці Францыі, удзел у пасяджэнні “Вялікай сямёркі” ці Форума ў Давосе… Як складаецца праграма візітаў і сустрэч Святланы Ціханоўскай і як атрымліваецца арганізаваць яе ўдзел у мерапрыемствах вышэйшага ўзроўню? Ці з’яўляецца гэта сапраўды ўдзелам “на роўных”, ці гэта не больш, чым даніна павагі беларускаму народу? Якая карысць ад такіх сустрэч і як на ўзровень візітаў паўплывае 2025 год? На гэтыя ды іншыя пытанні ў эфіры Еўрарадыё адказвае дарадца Святланы Ціханоўскай па пытаннях дыпламатыі, магістрант праграмы дыпламатыі Універсітэта Вітаўта Вялікага Дзяніс Кучынскі

Жаданне ўзяць удзел у выбарах у Каардынацыйную раду выявіла значная колькасць як былых, так і дзейных байцоў розных добраахвотніцкіх структур, якія бяруць удзел у вызваленні Украіны. І калі з арганізацыйнага пункту гледжання з былымі байцамі пытанне іх удзелу ў палітычным працэсе вырашаецца проста, то далучэнне да палітычнай кампаніі байцоў дзейных выклікала даволі гучныя і напружаныя спрэчкі. Якія з падачы Лукашэнкі абмяркоўваліся і падчас Усебеларускага народнага схода. Што прымушае як былых, так і дзейных добраахвотнікаў браць удзел у выбарах у КР і ці могуць гэта рабіць байцы, якія па-ранейшаму знаходзяцца ў складзе УСУ? Якім чынам складаўся спіс “Незалежных беларусаў” і ці сапраўды яго чальцы хацелі б увайсці ў склад КР? Якая палітычная праграма ў “НБ” і што адбываецца ў палку Каліноўскага? На гэтыя ды іншыя пытанні ў эфіры Еўрарадыё адказвае экс-баец палка Кастуся Каліноўскага, блогер, лідар выбарчага спісу “Незалежныя беларусы” Максім Шабуцкі і добраахвотнік, блогер Аляксандр “Лахвіч” Наўковіч

Днямі BELPOL выклаў у публічную прастору сваё новае расследаванне. Гэтым разам яно датычыць не проста лукашэнкаўскага рэжыму, а Лукашэнкі асабіста. І мае інтрыгоўную назву — “Гісторыя самага вялікага крадзяжу”. Гаворка ў расследаванні ідзе пра маёмасць Беларусі за мяжой, якая раптоўна перастала быць дзяржаўнай, а перайшла ў рукі… Што гэтым разам забрала ўвагу расследавальнікаў з BELPOL? Ці можна сцвярджаць, што да “схемы” быў датычны менавіта Лукашэнка? Чым цікавае і адметнае гэтае расследаванне і якія наступствы ў яго могуць быць для махляроў? На гэтыя ды іншыя пытанні ў эфіры Еўрарадыё адказвае прадстаўнік BELPOL Уладзімір Жыгар.

Ужо некалькі дзён не толькі журналісты, актывісты ды даследчыкі чалавечых паводзінаў, але і шараговыя беларусы з вялікай цікавасцю і гідлівасцю вывучаюць базу даносаў, дасланых у КДБ цягам апошніх 9 гадоў. Дзе сярод безлічы спаму, допісаў відавочна хворых людзей і афіцыйных запытаў — вялізная колькасць сапраўды класічных даносаў на “падазроных і ненадзейных”, сваякоў і блізкіх людзей, калег па працы і бізнесу. На гэтым фоне не тое што старт выбарчай кампаніі ў Каардынацыйную раду — вынікі Усебеларускага народнага сходу і заявы падчас яго Лукашэнкі і Тэртэля неяк згубіліся… Чым адметная апублічаная “база даносаў” апошніх 9 гадоў і ці варта з гэтай нагоды рабіць паспешлівыя высновы наконт псіхічнага здароўя нацыі? Ці зручна будзе Лукашэнку і ці варта было чакаць іншага завяршэння УНС? Якое дачыненне да гэтага шоу мелі “дроны Тэртэля”? Што мяняе рашэнне ЗША наконт ваеннай дапамогі Украіне ў пазіцыі Шольца? Гэтыя ды іншыя тэмы ў штотыднёвым жывым эфіры Еўрарадыё абмяркоўваем з палітычным аглядальнікам, гісторыкам Аляксандрам Фрыдманам

Гендарная даследчыка Ірына Сідорская падлічыла колькасць жанчын-кандыдатак у сябры Каардынацыйнай рады 3.0. Лічбамі яна падзеліцца ў свежым выпуску праграмы Gender Gap. Таксама закранем сумную тэму: два рэзанансныя забойствы, у Казахстане і ў Беларусі. І тое, што ў Іраку прынялі закон пра турэмныя тэрміны за аднаполыя сувязі і "прапаганду гомасэксуальнасці".

Дроны Сахашчыка і вадаспад у калоніі — "Раніца з Еўрарадыё" за 30 красавіка by Euroradio

Кадэбісты-працаголікі і кроксы ў растэрміноўку—Еўразум за 29 красавіка|Новости Беларуси за 29 апреля by Euroradio

Выбарчая кампанія ў Каардынацыйную раду пачалася з шэрагу скандалаў. Апошні з іх звязаны з нечаканым рашэннем Выбарчай камісіі, якая “выключыла са спіса выбарчага суб’екта “Еўрапейскі выбар” кандыдатуру Аліны Коўшык. Прычынай зрабілася тое, што пададзеныя Алінай Коўшык ў ВК асабістыя звесткі… не супалі са звесткамі яе ж беларускага пашпарта. У абарону каляжанкі выступілі не толькі паплечнікі з “Еўрапейскага выбару”, але і чальцы іншых выбарчых спісаў. Што праўда, гэты інцыдэнт не спыніў выбарчую кампанію. Што з сябе ўяўляе “Еўрапейскі выбар”, чаму яны пагадзіліся на ўдзел у выбарах у Каардынацыйную рады і якія мэты ставяць перад сабой? Як узнікла сітуацыя з выключэннем Аліны Коўшык са спіса і на якім этапе працэс яе вяртання ў выбарчы марафон? Што чакае Дабравольскага і Коўшык у выпадку абрання дэлегатамі КР і якія перспектывы ў гэтай структуры? На гэтыя ды іншыя пытанні ў эфіры Еўрарадыё адказваюць дарадца Святланы Ціханоўскай па палітычных пытаннях, лідар выбарчага спіса “Еўрапейскі выбар” Аляксандр Дабравольскі і прадстаўніца Аб'яднанага пераходнага кабінета па нацыянальным адраджэнні Аліна Коўшык

Пакуль КДБ праводзіла “спецаперацыі ў Літве” і лавіла “ўдарныя беспілотнікі”, якія мусілі ўразіць неназваныя аб’екты ў Мінску і ваколіцах, “Кіберпартызаны” ўзламалі сайт таго самага КДБ і атрымалі ў тым ліку доступ да базы даносаў. А іх за перыяд з верасня 2014 да жніўня 2023 года было напісана як найменш 40 тысяч. У гэты ж час былі апублічаныя імёны чальцоў усіх 12 спісаў кандыдатаў у дэлегаты Каардынацыйнай рады, Усебеларускі народны сход, які задумваўся як форма транзіту ўлады, завяршыў сваю працу, праваліўшы транзітныя планы і пакінуўшы ўладу ў Лукашэнкі. Чым адметнае аб’яднанне “Наша справа”, чаму яно пагадзілася на ўдзел у выбарах у Каардынацыйную рады і якія мэты ставіць перад сабой? Якія адметнасці ў сфармаванага УНС заўважныя, чаму “бартанулі” Качанаву і што стаіць за ваяўнічасцю Лукашэнкі? Навошта Шуневіч рыхтуе снайпераў, пра што сведчыць колькасць даносаў у КДБ і ці пойдзе захад на закрыццё ўсіх памежных пераходаў? Гэтыя ды іншыя тэмы ў штотыднёвым жывым эфіры Еўрарадыё абмяркоўваем з дацэнткай, кандыдаткай гістарычных навук, незалежнай эксперткай, лідаркай спіса аб’яднання "Наша справа" Розай Турарбекавай пры ўдзеле дактаранта Карлава ўніверсітэта, гісторыка, старшыні камісіі Каардынацыйнай рады па справах студэнцтва, сябра спіса “Наша справа” Аляксандра Паршанкова.

Культ асобы і цудоўны экстрэміст — "Раніца з Еўрарадыё" за 29 красавіка by Euroradio

Сігналы Варшаве і бабры ў горадзе — Еўразум за 26 красавіка | Новости Беларуси за 26 апреля by Euroradio

У савецкія часы па заканчэнні чарговага “з’езду ЦК КПСС” выдавалі адпаведную брашуру (ці нават кнігу ў цвёрдай вокладцы з залатымі літарамі на ёй) з рашэннямі гэтага самага з’езду. І яны потым ляжалі нікому не патрэбнымі кіпамі ў кожнай кнігарні. Лукашэнкаўскі рэжым старанна касплэіць усё, што можа, з савецка-камуністычнай спадчыны. Што праўда, узнікаюць сумневы ў тым, што гэтае пятае кола рэжыму ў выглядзе Усебеларускага народнага сходу здольнае згенераваць нейкія вартыя брашуры рашэнні. На каго разлічанае шоу пад назвай “Усебеларускі народны сход”, каму і што яно мае прадэманстраваць? Што стаіць за заявамі Лукашэнкі і якія мэсіджы мусілі прачытаць у яго словах чыноўнкікі? Якія высновы можна зрабіць па выніках гэтага мерапрыемства і як Каардынацыйную раду не ператварыць у копію УНС? На гэтыя ды іншыя пытанні ў эфіры Еўрарадыё адказвае былы дзяржчыноўнік Беларусі і дэлегат КР, намеснік кіраўніка Народнага антыкрызіснага ўпраўлення Арцём Брухан

Рэжым упарта працягвае змагацца з малым бізнесам — днямі Лукашэнка падпісаў закон, датычны прадпрымальніцкай дзейнасці. Міністр эканомікі сцвярджае, што ніякай трагедыі няма, ад закона адныя плюсы прадпрымальнікам, бо ён стварае ўмовы для “маштабавання малога бізнеса”. Але ў эканамістаў і саміх прадпрымальнікаў іншае бачанне. І яно вельмі песімістычнае. Ва ўмовах, калі сітуацыя ў эканоміцы далёкая ад аптымістычнай, такія паводзіны рэжыма выглядаюць досыць дзіўнымі. Чаму Лукашэнка працягвае змагацца з малым бізнесам і да чаго гэтая вайна можа прывесці? Ці гатовая Масква па-ранейшаму плаціць Лукашэнку за любоў і як надоўга хопіць гэтых грошай? Ці прагучалі падчас УНС праграмныя заявы і планы развіцця беларускай эканомікі і якія высновы можна з гэтага зрабіць? На гэтыя ды іншыя пытанні ў эфіры Еўрарадыё адказвае акадэмічны дырэктар даследчага цэнтра BEROC, доктар эканамічных навук Леў Львоўскі

Нават маленькая Латвія абганяе Беларусь. ВУП краіны, у якой жыве менш за 2 млн чалавек, — 40 млрд долараў. ВУП 9-мільённай Беларусі — $68 млрд. Але прапаганда не мяняе пласцінку з 90-х: краіны Балтыі быццам бы развалілі прамысловасць, а людзі быццам бы ходзяць там у абносках і п'юць ваду з лужын. Прыкладна так Лукашэнка выказваўся пра іх на "Усебеларускім народным сходзе", што скончыўся 25 красавіка. Чаму гэты сход не быў ні ўсебеларускім, ні народным, як рэальна справы ў краінаў Балтыі і пра што яшчэ хлусіў Лукашэнка, абмяркоўваем у стрыме з Аляксандрам Кныровічам.

Сустрэча ў калоніі прадстаўніцы польскай меншасці ў Беларусі Анжалікі Борыс з палітвязнем Анджэем Пачобутам спарадзіла шмат разваг пра тое, ці не было гэта знакам Лукашэнкі ўладам Польшчы пра яго гатоўнасць да перамоў і аднаўлення добрых стасункаў паміж нашымі краінамі. Да ўсяго, абяцанні Лукашэнкі не нападаць на Польшчу… Праўда, трохі папсавалі агульнае перакананне ў хуткім пачатку дыялогу заявы прэзідэнта Дуды пра гатоўнасць размясціць у Польшчы ядзерную зброю. Ці варта за сустрэчай Борыс і Пачобута бачыць жаданне Лукашэнкі аднавіць дыялог з Польшчай і ці гатовая Польшча да такога дыялогу? Што стаіць за заявай Анджэя Дуды пра гатоўнасць размясціць у Польшчы ядзерную зброю? Ці пойдзе Польшча на закрыццё грузаперавозак праз мяжу з Беларуссю і ці гатовыя польскія службы да паўтарэння эмігранцкага крызісу? На гэтыя ды іншыя пытанні ў эфіры Еўрарадыё адказвае палітычны аглядальнік выдання Dziennik Gazeta Prawna Міхал Патоцкі

Фантазіі Тэртэля і канец Валадаркі — "Раніца з Еўрарадыё" за 26 красавіка by Euroradio

Дай мне нафты і "дэтэктыў на вышыні" — Еўразум за 25 красавіка | Новости Беларуси за 25 апреля by Euroradio

Спісы кандыдатаў у дэлегаты Каардынацыйнай рады складзеныя, пададзеныя, правераныя і зацверджаныя. Такім чынам, выбарчая кампанія фактычна распачалася. Што прыемна, гэтая кампанія актывізавала не толькі дыяспары непадалёк ад “цэнтраў палітычнага жыцця беларусаў”, але і краіны “далёкай палітычнай дугі” беларускай супольнасці за мяжой кшталту ЗША, Канады і шмат якіх іншых. Што змушае беларусаў ЗША браць актыўны ўдзел у выбарах у Каардынацыйную раду і якія мэты яны ставяць перад сабой? Якая палітычная праграма ў выбарчага спіса "Голас дыяспар — Адзінства па-над межамі" і ці ёсць яна ўвогуле? На гэтыя ды іншыя пытанні ў эфіры Еўрарадыё адказваюць актывісты Асацыяцыі беларусаў у Амерыцы — лiдарка выбарчага спіса "Голас дыяспар — Адзінства па-над межамі", лідарка суполкі беларусаў Сан-Францыска Надзея Нортан, актывістка беларускай суполкі Мічыгана Вольга Бромэн і актывiст Belarus Freedom Philadelphia, прадстаўнік грамадскага руху "Краіна для жыцця" Глеб Iвашкевiч

Дэбаты: галоўны рэдактар Еўрарадыё Павел Свярдлоў VS экс-чыноўнік адміністрацыі Лукашэнкі, палітолаг, прадстаўнік Беларускага фонду спартовай салідарнасці Анатоль Котаў. Тэма: ці працуюць санкцыі?

Усё ж не зусім меў рацыю прапагандыст Тур, калі разважаў пра "крэпкі стул Лукашэнкі". І што ён — адзін. Відаць, аднаго крэсла (ці стула) Лукашэнку недастаткова, пра што б ні ішла размова: пра "стул" геапаліалітычнага выбару ў выглядзе адзінага расійскага кірунка ці пра "стул" улады. Як доказ — Лукашэнка "пагадзіўся" заняць крэсла "старшыні Усебеларускага народнага сходу". Таго самага, дэлегатаў якога народ насамрэч не абіраў і ў неабходнасці якога ёсць вялікія сумневы ва ўсіх. Ці было нечаканым "абранне" Лукашэнкі на пасаду старшыні УНС і навошта яму гэта патрэбнае? Што цікавага адбываецца на выбарах у Каардынацыйную раду і ці зробіцца гэты орган у выніку выбараў уплывовай структурай? Чым сёння рэальна могуць дапамагчы краіны Захаду беларускім дэмсілам? Гэтыя ды іншыя тэмы абмяркоўваем у штотыднёвым жывым эфіры Еўрарадыё з палітычным аглядальнікам, гісторыкам Аляксандрам Фрыдманам

25 красавіка ў эфіры Еўрарадыё — праваабаронца, публіцыстка, аўтарка кнігі “Мова 404” Аліна Нагорная. Не маюць рацыі тыя, хто заклікае найперш думаць пра нейкія матэрыяльныя каштоўнасці, эканоміку і дабрабыт, пакідаючы “моўныя” і “культурныя” пытанні на потым — на той час, калі мы будзем жыць заможна і ў нас з’явіцца вольны час для заняткаў пытаннямі “другаснымі”. Пытанні пашырэння і развіцця беларускай мовы, падтрымкі культуры і гістарычнай спадчыны не другасныя, імі трэба займацца калі не раней за ўсё астатнія, то паралельна, бо інакш ніякіх зменаў да лепшага мы не дасягнем, перакананая Аліна Нагорная. Пра тое, як нам захоўваць і развіваць беларускую мову за мяжой, як на нашую свядомасць і ідэнтычнасць уплывае эміграцыя, ці паспеем мы зрабіць неабходнае, каб наша родная мова сапраўды не стала “мовай 404”, мы і разважаем у праграме “Ідэя Х” з Алінай Нагорнай.

Ігравая драма “Пад шэрым небам”, натхнёная біяграфіяй тэлежурналісткі і палітзняволенай Кацярыны Андрэевай, трапіла ў конкурс амерыканскага фестывалю “Трайбека”. Гэты заўважны міжнародны фэст быў створаны ў 2002 годзе галівудскімі кінематаграфістамі Робертам Дэ Ніра, Джэйн Разэнталь і Крэйгам Хатхафам і кожнае лета праходзіць у Нью-Ёрку. Стваральніца “Пад шэрымі небам”— Мара Тамковіч, польская рэжысёрка з Мінска. У эфіры Еўрарадыё яна раскажа, як ствараўся фільм, чаму палякі фінансава падтрымалі яго вытворчасць, як сям’я Бахвалавай пагадзілася на яго стварэнне і што думае пра вынік, ці варта здымаць стужкі пра палітвязняў, пакуль яны сядзяць у турмах.

Апошнім часам вядзецца шмат размоваў пра неабходнасць змяніць стратэгію дэмсілаў. Маўляў, і сённяшняя стратэгія відавочных вынікаў не дае і перамогу не набліжае, і 2020 год, на які дэмсілы абапіраюцца, усё далей, і электаральны цыкл, які спарадзіў сённяшніх лідараў, завяршаецца. Да таго ж відавочна, што рэжым з дапамогай рэпрэсіяй умацаваў свае пазіцыі ўнутры краіны, уплываць на сітуацыю ў Беларусі дэмсілы не здольныя і любыя іх дзеянні прыводзяць да новых рэпрэсій. Адпаведна, пэўныя актары і сілы пашыраюць думку, што “злаваць дзеда” не варта, трэба думаць пра перамовы і вызваленне палітвязняў. Чаму менавіта цяпер пачалі пашырацца тэзісы пра неабходнасць змяніць стратэгію дэмсілаў і якімі змены павінны быць? Што сёння можна зрабіць для вызвалення палітвязняў і пры якіх умовах Лукашэнка пойдзе на перамовы? Чым сёння рэальна могуць дапамагчы краіны Захаду беларускім дэмсілам і што дасць ПКК удзел у Каардынацыйнай радзе? На гэтыя ды іншыя пытанні ў эфіры Еўрарадыё адказвае палітычны прадстаўнік палка Каліноўскага і руху “Супраціў” Зміцер Шчыгельскі

Танкісты-ліцэісты і багаценькія беларусы — "Раніца з Еўрарадыё" за 25 красавіка by Euroradio

Айчынная вінда і не памерці б ад водару — Еўразум за 24 красавіка | Новости Беларуси за 24 апреля by Euroradio

Словы пра тое, што ў беларусаў сфармаваўся нейкі свой, адрозны ад іншых народаў шлях, магчыма, і маюць сэнс. Да прыкладу, прафесарка Паліна Прысмакова ўводзіць новы тэрмін масавай з'явы ў Беларусі ў галіне дзяржаўнага кіравання, які завецца “супроць-прадукцыя” ("Nomatterwhat-production"). І ў адрозненне ад распаўсюджанага ў Еўропе і Амерыцы тэрміна “сумесная вытворчасць” як працэсу стварэння і рэалізацыі грамадскіх палітык, заснаванага на актыўным узаемадзеянні грамадзян і дзяржаўнай адміністрацыі, “супроць-вытворчасць” дэманструе “моцную сілу волі і рашучасць грамадзянаў паўдзельнічаць у кіраванні і рэформах грамадскага сектара, нягледзячы на небяспечныя негатыўныя наступствы, звязаныя з іх уласнай бяспекай і дабрабытам”. Як тэрмін “супроць-прадукцыя” дзейнічае сёння на ўзроўні рухаў самаарганізацыі беларускіх грамадзянаў у выгнанні? Якое дачыненне да “сумеснай вытворчасці” маюць Офіс Ціханоўскай і яна сама, Аб’яднаны пераходны кабінет, Каардынацыйная рада, а таксама такія інстытуцыі, як кіберпаліцыя, квазігандлёвая палата, народныя амбасады і некалькі беларускіх універсітэтаў за мяжой? Ці дапамог гэты тэрмін у справе адкрыцця новай беларускай школы ў Вільні і ці дапаможа зрабіць гэта ў іншых краінах? На гэтыя ды іншыя пытанні ў эфіры Еўрарадыё адказвае прафесарка кафедры дзяржаўнага кіравання Фларыдскага Атлантычнага ўніверсітэта (Маямі, ЗША), даследчыца эканамічнага факультэта Варшаўскага ўніверсітэта, сябра Рады БНР Паліна Прысмакова

Перыядычна “Кіберпартызаны” ладзяць атакі на прадпрыемствы і дзяржустановы ўнутры Беларусі, “абвальваючы” іх сайты, базы і гэтак далей. Але дзейнасць “кібераў” гэтым не абмяжоўваецца. І размова не толькі ў пэўнай дапамозе Украіне, але і ў супрацы з айчыннымі структурамі дэмакратычнай супольнасці, дапамозе беларусам ва ўзмацненні ці праверцы бяспекі сваіх гаджэтаў і інтэрнэт-рэсурсаў. Што дапамагае пазбегнуць пераследу з боку рэжыму. Ці возьмуць прадстаўнікі “Кіберпартызанаў” удзел у выбарах у Каардынацыйную раду і чым было выкліканае такое рашэнне? Чым канкрэтна апошнім часам, якімі кібераперацыямі займаюцца “Кіберпартызаны” і якімі поспехамі могуць пахваліцца? Што адбываецца ў палку Каліноўскага і якія змены магчымыя ў яго структуры? На гэтыя ды іншыя пытанні ў эфіры Еўрарадыё адказвае магістрантка паліталогіі, афіцыйная прадстаўніца “Кіберпартызанаў” і палка імя Кастуся Каліноўскага Юльяна Шаметавец

Апошнім часам Святлана Ціханоўская ўзяла ўдзел у шэрагу вельмі значных міжнародных сустрэч. На якія нават у ролі вонкавага назіральніка не быў запрошаны шмат хто з палітычных лідараў і актараў. У тым ліку (ці асабліва) Аляксандр Лукашэнка. Размова ідзе пра такія мерапрыемствы, як сустрэча Вялікай сямёркі, Канферэнцыя спікераў парламентаў Еўрапейскага саюза, Форум у Давосе і гэтак далей. Мерапрыемствы знакавыя, але крытыкі задаюцца пытаннем пра тое, якія практычныя вынікі ад удзелу ў іх… Чаму запрашэнні на такія мерапрыемствы маюць вялікае значэнне, у чым яно і якія практычныя вынікі для беларусаў дае ўдзел у іх? Што неабходна мяняць у структуры беларускіх дэмсіл і як гэтага можна дамагчыся? Чым сёння рэальна могуць дапамагчы краіны Захаду беларускім дэмсілам? На гэтыя ды іншыя пытанні ў эфіры Еўрарадыё адказвае першы дарадца Святланы Ціханоўскай Франак Вячорка

Выбары ў Каардынацыйную раду практычна пачаліся. Прынамсі ўсе, хто вырашыў далучыцца да працэсаў, гэтае памкненне выказаў і стаў кандыдатам у дэлегаты. Што праўда, не ўсе палітычныя структуры і актары далучыліся да працэсу, заняўшы назіральную пазіцыю. Ну, альбо крытычную. Што нармальна, бо гэта і ёсць дэмакратыя са свабодай выбару. Іншая рэч, ці можна такім чынам не проста паўплываць, але і змяніць у патрэбны бок працэсы, што адбываюцца ў дэмсілах… Чаму “Вольная Беларусь” на чале з Зянонам Пазняком не ўдзельнічае ў выбарах у Каардынацыйную раду? Што неабходна мяняць у структуры беларускіх дэмсіл і ці можна гэтага дамагчыся выключна крытыкуючы, але не ўдзельнічаючы ў працэсах? Чым адметнае паседжанне Усебеларускага народнага сходу і якіх рашэнняў ад яго можна чакаць? Гэтыя ды іншыя тэмы абмяркоўваем у штотыднёвым жывым эфіры Еўрарадыё з кіраўніком варшаўскага Цэнтра палітычнага аналізу і прагнозу, доктарам палітычных навук, сябрам “Вольнай Беларусі” Паўлам Усавым

Забяры мяне, Кітай, і пакастлівыя бабры — "Раніца з Еўрарадыё" за 24 красавіка by Euroradio

Развітанне з ІП і таемны маршрут УНС — Еўразум за 23 красавіка | Новости Беларуси за 23 апреля by Euroradio

Днямі беларуская дыяспара Мінеапаліса паведаміла пра набыццё памяшкання, з якога плануецца зрабіць вялікую беларускую прастору — свой уласны дом культуры для правядзення імпрэз. Дом будзе выкарыстоўвацца не толькі для правядзення розных культурніцкіх мерапрыемстваў, але і як месца для часовага жыцця беларусаў, якія абяруць гэты горад у ЗША месцам сваёй эміграцыі, і як каворкінг, і для іншых патрэбаў беларускай суполкі. Ужо шмат дзесяцігоддзяў беларускія суполкі не набывалі за мяжой уласнасці для сваіх патрэбаў. Што з сябе ўяўляе дыяспара беларусаў Мінеапаліса і навошта ім свой дом культуры? Чым канкрэтна будзе займацца каманда гэтага беларускага хаба і якім чынам сёння можна зацікавіць беларусаў за мяжой “беларускім жыццём”? Як мясцовыя ўлады рэагуюць на праблемы беларусаў і ці атрымліваецца знаходзіць паразуменне? На гэтыя ды іншыя пытанні ў эфіры Еўрарадыё адказвае заснавальнік non-profit BelarusianAmericans.Org Павал Сакурэц

Учора Лукашэнка падпісаў указ, паводле якога з 2026-га ў краіне не застанецца ніводнага індывідуальнага прадпрымальніка — усім ім давядзецца перайсці ў юрасобу. Што гэта дасць эканоміцы і наколькі паўплывае на далейшы ад'езд з краіны працоўных кадраў? Пра гэта, а таксама пра тое, які шанец у беларускага софту, што даюць Лукашэнку суботнікі і чаму ён раптам пачаў прызнаваць праблемы ў эканоміцы, размаўляем з кіраўніком праекта "Кошт урада" Уладзімірам Кавалкіным.

Да ўдзелу ў выбарах у Каардынацыйную раду пададзеныя 13 спісаў патэнцыйных кандыдатаў. Цяпер выбарчая камісія будзе іх правяраць. А пакуль яна гэтым займаецца, у Мінску пройдзе першае пасяджэнне новапрызначанага складу Усебеларускага народнага сходу. Ахоўваць спакойную працу якога будуць 3 тысячы сілавікоў з удзелам сапёраў і перахопнікаў БПЛА. Бо, як вядома, вораг не спіць… Дый ніхто яму спакойна спаць не дасць! Нават калі ты расійскі грамадзянін Суздальцаў і жывеш у Маскве, але лукашэнкаўскі рэжым прызначыў цябе ворагам і ўнёс у адпаведныя базы па вышуку. Ці толькі грамадзянам Беларусі рызыкоўна хавацца ў Расіі ад пераследу беларускага рэжыму, ці да адказу могуць прыцягнуць і расійскіх грамадзян? Якое значэнне мае для Лукашэнкі Усебеларускі сход і ці сапраўды ён будзе мець нейкая рэальнае значэнне ў палітычным жыцці краіны? Адкуль нарадзіліся думкі, што Лукашэнка падае знакі Захаду пра гатоўнасць пачаць перамовы і чаго чакаць ад выбараў у Каардынацыйную раду? На гэтыя ды іншыя пытанні ў эфіры Еўрарадыё адказвае палітычны аналітык Валерый Карбалевіч

Загаловак для Раніцы: Страшны сон Гейтса і час сякер — "Раніца з Еўрарадыё" за 23 красавіка by Euroradio

Новая рыторыка і страшная прыгажосць — Еўразум за 22 красавіка | Новости Беларуси за 22 апреля by Euroradio

У ЗША прагаласавалі на наданне дапамогі Украіне, Ізраілю і іншым краінам. Гэта азначае, што зброя (а гэта галоўнае, што сёння патрэбнае Украіне) пойдзе на фронт — як складнік прэзідэнцкай выбарчай кампаніі ці насуперак ёй. Дарэчы, выглядае на тое, што перасцярогі еўрапейскіх палітыкай здзейсняцца і прэзідэнтам з вялікай імавернасцю стане Дональд Трамп. Што дадае няпэўнасці будучыні нашага рэгіёна ў тым ліку. Ці стала больш зразумелай сітуацыя з шанцамі кандыдатаў на перамогу ў прэзідэнцкай гонцы і як апошнім часам змяніліся выказванні Трампа наконт ваеннай падтрымкі Украіны? Як змяніліся настроі ў Еўропе адносна вайны і што стаіць за ростам “лявацкіх” настрояў у пэўных краінах? Адкуль нарадзіліся думкі, што Лукашэнка падае знакі Захаду пра гатоўнасць пачаць перамовы і чаго чакаць ад выбараў у Каардынацыйную раду? На гэтыя ды іншыя пытанні ў эфіры Еўрарадыё адказвае палітычны аглядальнік Віталь Цыганкоў

Можна было б наракаць на заходнія санкцыі, якія “штурхаюць Беларусь у абдымкі Расіі”, але можна верыць і лукашэнкаўскай прапагандзе, якая шчыра прызнае, што заўсёды самым “крэпкім было ў Лукашэнкі крэсла менавіта расійскае”. Маўляў, ніколі на двух крэслах ён асабліва і не імкнуўся сядзець. Гэтаму ёсць і гістарычнае пацверджанне: менавіта Лукашэнка быў ініцыятарам і непахісным прыхільнікам “Саюзнай дзяржавы”. Якая мусіла адкрыць яму дарогу ў Крэмль. І яна адкрыла. Праўда, не на пасаду кіраўніка, а для наведвання ў якасці васала. І сёння гэтая праграма “саюзнай інтэграцыі” ўяўляе сабой рэальную пагрозу для беларускага суверэнітэту. Ці сапраўды ў так званай саюзнай інтэграцыі ёсць “другі план”, што ён сабой ўяўляе і якія сюрпрызы хавае? Чым адметны ўдзел Ціханоўскай у сустрэчы G7 і якія рэальныя вынікі ад гэтага ўдзелу магчымыя? Як гастарбайтары з Паўночнай Карэі запоўняць вакансіі на беларускім рынку працы? Гэтыя ды іншыя тэмы абмяркоўваем у штотыднёвым жывым эфіры Еўрарадыё з дацэнткай, кандыдаткай гістарычных навук, незалежнай эксперткай Розай Турарбекавай

Апельсіны за трактар і шампанскае без вустрыц — "Раніца з Еўрарадыё" за 22 красавіка by Euroradio

Бойка прапагандыстаў і смерць пчол — Еўразум за 19 красавіка | Новости Беларуси за 19 апреля by Euroradio

Вымушаная эміграцыя — яшчэ не падстава для таго, каб кідаць займацца творчасцю ці спыняць творчыя пошукі. Безумоўна, творчаму чалавеку заўсёды было няпроста — што ў Беларусі, што цяпер у эміграцыі. І падтрымка творцаў, дапамога ім у рэалізацыі сябе і сваіх задумаў заўсёды былі актуальнымі. Займацца такой падтрымкай у Беларусі сёння практычна немагчыма, але ініцыятыва “Дом творцаў”, якую распачаў Сяргей Доўгушаў, распаўсюджваецца і на тых, хто знаходзіцца за мяжой, і на тых, хто працягвае жыць у Беларусі. І ўжо 19 красавіка “Дом творцаў” спецыяльнай выставай падводзіць вынікі 8-й рэзідэнцыі, у якой гэтым разам удзельнічала 14 беларускіх мастакоў і адна таленавітая мастачка з Украіны. Ці шмат творцаў знаходзіцца ў эміграцыі і што прымушае іх у такіх умовах далей займацца творчасцю? Чым адметная 8-я творчая рэзідэнцыя і як удаецца знаходзіць фінансаванне на новыя творчыя рэзідэнцыі? Як беларускім творцам захаваць сваю самабытнасць і ўліцца ў еўрапейскія творчыя працэсы? На гэтыя ды іншыя пытанні ў эфіры Еўрарадыё адказвае музыкант, заснавальнік “Дому творцаў” Сяржук Доўгушаў

Беларусь настолькі ўдала гандлюе з краінымі "дальняй дугі", што трактары даводзіцца мяняць на апельсіны. Пра гэта распавёў намміністра эканомікі Андрэй Картун (праўда, дзяржаўныя медыі апельсіны з цытаты прыбралі). Ён жа днямі распісаў беларусам перавагі планавай эканомікі над рынкавай. У блогера і палітыка Аляксандра Кныровіча ёсць што адказаць на гэта — ён якраз прааналізаваў апошнія 10 гадоў працы гіганта беларускай прамысловасці — завода "Атлант". Абмяркоўваем гэтую і іншыя эканамічныя навіны ў сённяшнім стрыме.

Па Еўропе гуляе смяротны наркотык, а папулярныя дзіцячыя кашы Nestlé аказаліся небяспечнымі. Не паўсюль, а толькі ў некаторых краінах. Пра тое, што яшчэ адбываецца ў свеце і які бункер можна купіць у Германіі, каб схавацца ад усіх гэтых жудасных навін, чытайце ў нашым традыцыйным аглядзе "Іх норавы".

Вяртанне маёмасці і прага перамір'я — Еўразум за 18 красавіка | Новости Беларуси за 18 апреля by Euroradio

Незразумелыя дэлегаты ды экстрэмізм для бацюшак — "Раніца з Еўрарадыё" за 19 красавіка by Euroradio

Маладосць ці майстэрства? Так казалі ў нашым дзяцінстве. І гэта першы аспект у нашых цяперашніх дэбатах. Сёння спрачацца паміж сабой будуць Анатоль Фёдараў, які займаецца палітыкай з савецкіх часоў, і ўдзельніца фракцыі “Моладзевы наступ” у Каардынацыйнай радзе другога склікання Лізавета Пракопчык. А другі аспект звязаны з сутнасцю Каардынацыйнай рады: чаму адны вераць у яе, а іншыя ставяцца скептычна і ўдзельнічаць у выбарах не збіраюцца, і як на гэта ўплывае доўгі і пакутлівы працэс арганізацыі выбараў.

Дазвол, які нібыта даў Лукашэнка на сустрэчу Анжалікі Борыс з Анджэем Пачобутам, і паездку консула Украіны ў гомельскую жаночую калонію асобныя эксперты лічаць знакамі гатоўнасці да наладжвання адносінаў з Захадам, якія падае Лукашэнка. Адначасова ён актывізаваўся ў сваіх закліках да мірных перамоў Кіева і Масквы. Дзіўна, што Лукашэнка не прапаноўвае сябе ў якасці мадэратара мірных перамоў паміж Іранам і Ізраілем. Што праўда, лукашэнкаўскія прапагандысты не паспяваюць за сваім босам, і ў іх выказваннях агрэсіўнасці менш не становіцца. Ці ёсць падставы для таго, каб у пэўных дзеяннях ці словах Лукашэнкі бачыць гатоўнасць да пачатку дыялогу? Ці прыслухаюцца ва Украіне да заклікаў галоўнага перамоўшчыка нашага рэгіёна і сядуць за стол перамоваў з Пуціным? На якіх умовах гэта магчымае? Як на сітуацыю ў нашым рэгіёне ўплывае напад Ірана на Ізраіль і чаму ЗША баіцца развалу Расіі? Гэтыя ды іншыя тэмы абмяркоўваем у штотыднёвым жывым эфіры Еўрарадыё з палітычным аглядальнікам, гісторыкам Аляксандрам Фрыдманам.

Лукашэнкаўская прапаганда так моцна стараецца дагадзіць рэжыму, прасоўваючы і адстайваючы яго інтарэсы, што часам выклікае абурэнне нават у прафесійных ідэолагаў гэтага ж рэжыму. Што часам прыводзіць да іх супрацьстаяння — як мінімум у сацыяльных сетках. І ствараецца ўражанне, што ўнутры рэжыму адбываецца ледзь не ідэалагічная барацьба за розум беларускага народа. Што праўда, колькасць праглядаў прапагандысцкага кантэнту прымушае сумнявацца ў тым, што гэта некаму цікава… Ці маюць сёння ўплыў прапагандыскія каналы і кантэнт, што яны вырабляюць, на беларусаў і якія апошнія трэнды прапаганды? Якая сёння сітуацыя ў незалежных беларускіх СМІ і ці сапраўды яны “страчваюць адчуванне пульсу жыцця ў Беларусі”? Ці магчыма супрацьстаяць прапагандзе і якім чынам журналістам захоўваць нейтральнасць і аб’ектыўнасць? На гэтыя ды іншыя пытанні ў эфіры Еўрарадыё адказвае медыяэксперт і эксперт у галіне супрацьдзеяння прапагандзе, старэйшы аналітык Media IQ Паўлюк Быкоўскі.

18 красавіка ў эфіры Еўрарадыё — прадстаўнік Народнай амбасады Беларусі ў Швецыі Зміцер Васэрман. Беларусы — людзі практычныя і больш за ўсё цэняць “нармальнасць”. Мы хочам мець нармальны заробак, каб будаваць свой “нармальны” дабрабыт. Нам неабходныя нармальныя адносіны з усімі суседзямі, каб каб яны не заміналі нам будаваць сваю нармальнасць на сваёй зямлі. Адпаведна, беларусы не хочуць, каб да іх лезлі нейкія замежнікі са сваімі звышідэямі і імкнуліся нас у свае звышідэі ды іх рэалізацыю ўцягнуць. Нармальнасць — беларускае ўсё, перакананы Зміцер Васэрман. Пра тое, як нам захаваць сваю нармальнасць і абараніць яе ад нападу нейкіх чужых звышідэй, якую ролю ў пабудове беларускай нармальнасці мусяць адыгрываць нацыянальныя адметнасці, як на нашую свядомасць і ідэнтычнасць уплывае эміграцыя, мы і разважаем у праграме “Ідэя Х” са Змітром Васэрманам.

Абяцанкі-цацанкі і пераможны шлагбаум — Еўразум за 17 красавіка | Новости Беларуси за 17 апреля by Euroradio

Бязлітасныя літоўцы і таемны візіт — "Раніца з Еўрарадыё" за 18 красавіка by Euroradio

Чарговы раз Лукашэнка абяцае ні на кога не нападаць. Гэтым разам, паводле яго словаў, спакойна можа спаць не толькі Украіна, але і Еўрасаюз. І гэта нягледзячы на прызнанне Лукашэнкі, што ён такі жа агрэсар, як і Пуцін. Больш за тое, адзінае, што Лукашэнка апошнім часам робіць, — заклікае да мірных перамоваў Кіеў і Маскву. Дакладней, так: ён пераконвае кіраўніцтва Украіны, што яны мусяць пагадзіцца на мір на ўмовах Крамля і ніяк інакш. Бо будзе яшчэ горш і Украіна будзе знішчаная міралюбівымі расійскімі акупацыйнымі войскамі. Відаць, каб прадэманстраваць сваё міралюбства, лукашэнкаўскі рэжым дазволіў консулу Украіны наведаць гомельскую жаночую калонію. Ці прыслухаюцца ва Украіне да заклікаў галоўнага перамоўшчыка нашага рэгіёна і ці сядуць за стол перамоваў з Пуціным? На якіх умовах гэта магчымае? Што стаіць за абяцаннямі не нападаць на еўрапейскія краіны і ці баіцца Захад такога нападу з Усходу? Як на сітуацыю ў нашым рэгіёне ўплывае напад Ірана на Ізраіль і чаму ЗША баіцца развалу Расіі? На гэтыя ды іншыя пытанні ў эфіры Еўрарадыё адказвае дырэктар украінскага Інстытута сусветнай палітыкі, эксперт iSANS Яўген Магда

Завяршаючы чарговую паездку ў Маскву да Пуціна, Лукашэнка заявіў расійскім журналістам, што хоць ён і “агрэсар разам з Пуціным”, але ў яго іншы фронт, які не патрабуе накіроўваць беларускіх салдат ваяваць ва Украіну на баку расійскіх акупантаў. Такім чынам, Лукашэнка паказаў расіянам, што ён з Расіяй у адным акопе і збягаць з таго акопа не плануе. Але праз некалькі дзён пасля гэтага стала вядома, што па асабістым дазволе Лукашэнкі адбылася сустрэча прадстаўніцы польскай меншасці Анжалікі Борыс з палітвязнем Анджэем Пачобутам. А консул Украіны атрымаў магчымасць наведаць жаночую калонію. У той жа час вядома, што на сваім першым пасяджэнні дэлегаты УНС будуць разглядаць і зацвярджаць Канцэпцыю нацбяспекі і Ваенную дактрыну. Як палітычны ландшафт Беларусі змяняе завяршэнне фармавання складу Усебеларускага народнага сходу і ці ёсць прыкметы жадання дыялогу з Захадам у рэжыма? Ці ёсць падставы разлічваць, што недахоп кадраў ці складанасці на прадпрыемствах і ў сельскай гаспадарцы падштурхнуць рэжым да запавольвання рэпрэсій? Як змяняецца стаўленне беларусаў да палітычных структур за мяжой і ці існуе цікавасць да выбараў у КР? Гэтыя ды іншыя тэмы абмяркоўваем у штотыднёвым жывым эфіры Еўрарадыё з кіраўніком варшаўскага Цэнтра палітычнага аналізу і прагнозу, доктарам палітычных навук, сябрам "Вольнай Беларусі" Паўлам Усавым

Румас-ратаўнік і дзеці без пашпарту — Еўразум за 16 красавіка | Новости Беларуси за 16 апреля by Euroradio

Пагроза прыватным стаматалогіям і мёртвае піва — "Раніца з Еўрарадыё" за 17 красавіка by Euroradio

Адсачыць змены ў заканадаўстве часам складана, нават калі гэта твая краіна, грамадзянінам якой ты з’яўляешся. А што казаць пра сітуацыю, калі знаходзішся ў чужой краіне, а табе трэба вырашаць пытанні легалізацыі, прыкладам… І яшчэ больш складана, калі існуе неабходнасць давесці ўладам краіны, у якой ты і яшчэ дзясяткі тысяч тваіх суайчыннікаў апынуліся, неабходнасць змяніць нацыянальнае заканадаўства на вашу карысць. Як змянілася польскае заканадаўства датычна атрымання віз за апошні час і якія змены, апроч таго, закранулі беларусаў у Польшчы? Каму канкрэтна і якія пашпарты наўзамен беларускім, тэрмін дзеяння якіх скончыўся, сёння можна атрымліваць? Як адбываецца супраца беларускіх ініцыятыў з прадстаўнікамі польскай улады і ці атрымліваецца дасягнуць паразумення? На гэтыя ды іншыя пытанні ў эфіры Еўрарадыё адказвае кіраўніца аддзела прававой дапамогі Цэнтра беларускай салідарнасці Вольга Дабравольская.

Мегазбор на 100 дронаў для беларускіх добраахвотнікаў палка імя Кастуся Каліноўскага распачаў вядомы ўкраінскі блогер Аляксандр "BalaganOFF" Рыкаў. Ад першага моманту, як была аб’яўленая гэтая ініцыятыва, яе актыўна падтрымалі не толькі беларускія СМІ на чале з Еўрарадыё (так, мы былі першымі, хто стаў інфармацыйным партнёрам збору), палітыкі, ініцыятывы, блогеры, эксперты ды іншыя інфлюэнсеры, але і шараговыя беларусы з усяго свету. У той жа час практычна імгненна супраць і Аляксандра Рыкава, і тых, хто яго падтрымаў, пачаўся вялізны хейт. Але мэта сабраць 45 тысяч долараў пастаўленая, і ёсць перакананасць у поспеху гэтага збору. Як нарадзілася ідэя збору на 100 дронаў для беларускіх добраахвотнікаў і чаму гэта так важна? Каму канкрэтна будуць перададзеныя набытыя дроны і хто іх будзе выбіраць і набываць? Як беларускае грамадства адрэагавала на збор, ці шмат было крытыкі ініцыятывы і ад каго і хто такія “нейтралы”? На гэтыя ды іншыя пытанні ў эфіры Еўрарадыё адказвае ўкраінскі блогер Аляксандр "BalaganOFF" Рыкаў.

Феміністкая супольнасць Беларусі мяркуе, што палёт Марыны Васілеўскай у космас ніяк не пашырыў правы жанчын. І, наадварот, стаў прыкладам таго, як улады выкарыстоўваюць беларусак. У той жа час улады вуснамі дэпутаткі Лянчеўскай абвясцілі, што беларускія жанчыны "ніколі не будуць феміністкамі ў сілу сваёй ментальнасці". Гэта шах і мат, не іначай. Гэта, а таксама беларускае ноў-хаў у азначэнні парнаграфіі, і тое, што Лукашэнка дазволіў палітзняволенаму журналісту Анджэю пачобуту сустрэцца з актывісткай польскай меншасці ў Беларусі Анжалікай Борыс, абмяркуем сёння ў свежым выпуску праграмы Gender Gap з доктаркай навук Ірынай Сідорскай.

Галоўны карупцыянер і павольная мода — Еўразум за 15 красавіка | Новости Беларуси за 15 апреля by Euroradio

Час камянёў і праца да смерці — "Раніца з Еўрарадыё" за 16 красавіка by Euroradio

Тэма барацьбы з карупцыяй была адной з галоўных у выбарчай праграме Лукашэнкі ўзору 1994 года. Дзякуючы абяцанню перасадзіць усіх хабарнікаў і карупцыянераў малады палітык Лукашэнка і прыйшоў да ўлады на першых і адзіных дэмакратычных выбарах у Беларусі. Больш свабодных выбараў у нашай краіне не было. Затое нязменнымі заставаліся абяцанні перамагчы карупцыю. Што праўда, змаганне з карупцыяй у Лукашэнкі пайшло ў нечаканым кірунку — ён, відаць, вырашыў яе ўзначаліць. Прынамсі менавіта такія высновы можна зрабіць з новага расследавання BelPol пра рэзідэнцыю "Усход". Ці можна сцвярджаць, што рэзідэнцыя “Усход” — гэта сапраўды “хабар” і ці ёсць гэтаму доказы? Чаму Лукашэнка, які пазіцыянуе сябе шмат гадоў як галоўны змагар з карупцыяй, прымае такія “падарункі” і пра што гэта сведчыць? Ці можна сцвярджаць, што грошы, якія “адмываюцца” праз рэзідэнцыю, — гэта сапраўды “грошы сям’і”? На гэтыя ды іншыя пытанні ў эфіры Еўрарадыё адказвае прадстаўнік BelPol Уладзімір Жыгар.

Напрыканцы мінулага тыдня два самотнікі Пуцін і Лукашэнка ладзілі сваю чарговую сустрэчу на дваіх. Гаварылі пра эканоміку, бяспеку і… мір для Украіны. Маўляў, што там у Кіеве сабе думаюць, трэба вяртацца да “Стамбульскіх дамоўленасцяў”. Не інакш, як пад старшынствам Лукашэнкі як галоўнага рэгіянальнага міратворца. А на завяршэнне спаткання Лукашэнка нечакана заявіў, што “ён з Пуціным не збіраецца захопліваць Еўропу”. І, маўляў, яны такога нават не абмяркоўвалі. Насельніцтва не толькі Еўропы, але і Азіі, і абедзьве Амерыкі разам з Аўстраліяй выдыхнулі з палёгкай. Што з сябе ўяўляюць так званыя “Стамбульскія дамоўленасці” і чым яны лепшыя за “кітайскія прапановы” альбо “швейцарскую ініцыятыву”? Ці існуе варыянт мірных перамоваў з Лукашэнкам на чале і на каго разлічаныя яго абяцанні не нападаць на Еўропу? Як праходзіць выбарчая кампанія ў Каардынацыйную раду? Гэтыя ды іншыя тэмы абмяркоўваем у штотыднёвым жывым эфіры Еўрарадыё з дацэнткай, кандыдаткай гістарычных навук, незалежнай эксперткай Розай Турарбекавай.

У выніку масавых рэпрэсій з Беларусі ў Польшчу з’ехалі дзясяткі тысяч чалавек. Ехалі цэлымі сем’ямі, з дзецьмі, вымушана адрываючы іх ад школ па ранейшым месцы жыхарства. Працягваць вучыцца беларускім дзецям давялося ў польскіх школах, дзе троху іншая сістэма навучання і па заканчэнні 8 класа кожны вучань (і, адпаведна, яго бацькі) мусіць вырашаць, што рабіць далей, куды паступаць і дзе працягваць навучанне. Разабрацца з гэтым не так і проста. Тут галоўнае ведаць, да каго звярнуцца па кансультацыю. Што з сябе ўяўляе польская сістэма адукацыі і якія выпрабаванні чакаюць дзяцей па заканчэнні 8 класа школу ў Польшчы? Дзе можна атрымаць кансультацыю і дапамогу ў падрыхтоўцы да экзаменаў? Як выбар, куды паступаць, уплывае на далейшы лёс дзіцяці? На гэтыя ды іншыя пытанні ў эфіры Еўрарадыё адказвае прэзідэнтка фонду “Захад Усход Падтрымка”, кіраўніца “Акадэміі Дапамогі” Вольга Сцяпанава.

Боль чыноўнікаў і размеркаванне Колі — "Раніца з Еўрарадыё" за 15 красавіка by Euroradio

Мы знайшлі ў свеце выбары, якія праходзяць яшчэ больш жорстка, чым у Беларусі. Расказваем пра іх у кароткім аглядзе сусветных навін за 12 красавіка. Але будуць у нас і добрыя, і пазітыўныя навіны. Не толькі ўвесь вось гэты вось трэш.

Мілыя гадзюкі і манаполія ад Марго Робі — Еўразум за 12 красавіка | Новости Беларуси за 12 апреля by Euroradio

Каментар у інтэрнэце — практычна самае страшнае злачынства, паводле меркавання прадстаўнікоў лукашэнкаўскага рэжыму. Ад пакарання за, прыкладам, выказванне антываеннай пазіцыі не ўратуюць ніякія твае прафесійныя дасягненні: затрыманне, суткі (у найлепшым выпадку), звальненне і “чорная метка”, з якой нават прафесар добра калі знойдзе працу грузчыка. А адначасова на найвышэйшым узроўні кажуць пра недахоп кадраў на прадпрыемствах і ва ўстановах і разважаюць, як вярнуць на працу пенсіянераў. Ці сапраўды кадравы голад робіцца заўважнай праблемай і ці гатовы рэжым пайсці на сцішванне рэпрэсій, каб гэты голад неяк задаволіць? Чаму Лукашэнка не спыняецца ў сваім імкненні знішчыць ІП і да чаго гэта можа прывесці? Ці здолела эканоміка прыстасавацца да санкцый, што адбываецца з заробкамі “сям’і” на кантрабандзе і ці варта рыхтавацца да дэвальвацыі рубля? На гэтыя ды іншыя пытанні ў эфіры Еўрарадыё адказвае эканаміст Яраслаў Раманчук

У сённяшнім стрыме з палітыкам і блогерам Аляксандрам Кныровічам параўнаем, якую долю ад сваіх даходаў беларусы і палякі выдаткоўваюць на харчовыя прадукты. Атрымліваецца цікавы парадокс: палякі зарабляюць як у Еўропе — а кошты ў іх крамах як у Беларусі. А беларусы зарабляюць як у Беларусі — а кошты ў іх крамах як у Еўропе! Пагаворым таксама пра апошнія эканамічныя і палітычныя падзеі: ганебныя прызнанні Лукашэнкі пра стан беларускай прамысловасці, выбары ў Каардынацыйную Раду і шырокае выкарыстанне першай беларускай касманаўткі Марыны Васілеўскай у прапагандысцкіх мэтах.

Новая Гераіня і шорты Бондаравай — "Раніца з Еўрарадыё" за 12 красавіка by Euroradio

Z-праваславіе і небяспека дэвальвацыі — Еўразум за 11 красавіка | Новости Беларуси за 11 апреля by Euroradio

У Беларусі распачаліся чарговыя і гэтым разам самыя маштабныя ваенныя вучэнні з прыцягненнем рэзервістаў. Лукашэнкаўцы любымі сродкамі імкнуцца паказаць, што вайна на парозе і што трэба не толькі рыхтавацца, але і яшчэ больш шчыльна “гуртавацца” самі ведаеце вакол каго. Бо калі не стане Лукашэнкі, то ад так званых дэпутатаў, як прызнаўся прапагандыст-дэпутат Пуставы, застанецца толькі пустое месца. Нават ад Гайдукевіча і таго ж Пуставога. А пакуль лукашысты гуляюць у “толькі паспрабуйце на нас напасці”, у Швейцарыі пачалі падрыхтоўку да будучых мірных перамоў паміж Украінай і Расіяй, а ў Літве прапануюць увесці чарговыя абмежаванні ў дачыненні да беларусаў. Ці здолее беларускае войска “прыкрыць спіну расійскім братушкам ад каварнага ўладара NATO” і навошта Лукашэнку гэтыя гульні ў вайну? Якія перспектывы ў Захаду пасадзіць за стол перамоў Кіеў і Маскву і на якіх умовах? Чаго насамрэч дамагаецца Пуцін ад Лукашэнкі і навошта СК і ГУБАЗІК набіваюцца на размовы з беларусамі, якія з'ехалі? Гэтыя ды іншыя тэмы ў штотыднёвым жывым эфіры Еўрарадыё абмяркоўваем з палітычным аглядальнікам, гісторыкам Аляксандрам Фрыдманам

11 красавіка ў эфіры Еўрарадыё — прэзідэнтка нон-профіта Беларусаў Бостана I Новай Англii, філолаг-балканіст, менеджар праектаў і выкладчык шэрагу бізнес-школ у Беларусі, Казахстане, Сербіі і Maкeдоніі Марына Львова. Беларуская мова, культура, гісторыя, уся гэтая нашая беларушчына, маюць нейкую магічную і прыцягальную сілу. Менавіта таму яны не толькі не знікаюць і не паміраюць насуперак ціску і спробам знішчыць іх, але і пранікаюць у душы ўсё новых пакаленняў беларусаў. Гэта мы назіраем сёння, калі людзі, якія вымушаныя былі пакінуць Айчыну, імкнуцца не проста захоўваць, але і пашыраць сваю беларускасць, перакананая Марына Львова. Пра тое, як заставацца беларусам у эміграцыі і навошта нам на чужыне трымацца за свае нацыянальныя адметнасці, ці ёсць падабенства ў лёсе габрэйскага і беларускага народаў і пра бізнес-мадэль Новай Беларусі, мы і разважаем у праграме “Ідэя Х” з Марынай Львовай.

Наколькі заўважнымі былі чальцы штаба Віктара Бабарыкі падчас выбарчай кампаніі і нават у першыя некалькі месяцаў пасля яе, у моманце паслявыбарчых акцый пратэсту, настолькі ж незаўважная дзейнасць каманды апошнія некалькі гадоў. Час ад часу прыгадваецца імя Івана Краўцова, дый то ў звязку з яго таемнай дзейнасцю ў Каардынацыйнай радзе. Але вось надыходзіць час змены дзейнага складу КР, і пытанне як наконт будучага гэтага органа, так і "каманды Бабарыкі" дый агулам дэмсіл, становіцца актуальным як ніколі. Нехта кажа, што ўсе палітычныя праекты кшталту Офіса Ціханоўскай, Аб’яднанага пераходнага кабінета, НАУ трэба распусціць. Што адбываецца з Каардынацыйнай радай, камандай Бабарыкі і агулам беларускімі дэмсіламі? Ці існуе патрэба ў Каардынацыйнай радзе і якія вынікі яе дзейнасці за год? Як варта дэмсілам перафарматавацца і ў якой канфігурацыі? На гэтыя ды іншыя пытанні ў эфіры Еўрарадыё адказвае сябра Каардынацыйнай рады і штаба Віктара Бабарыкі Іван Краўцоў

Апошнімі днямі рэжым і асабіста Лукашэнка шмат увагі надаюць царкве, яе ролі і месцу ў жыцці беларускага грамадства і дзяржавы. Так, Лукашэнка не толькі сустракаўся з кіраўніцтвам Беларускай праваслаўнай царквы Маскоўскага патрыярхату, але і падпісаў закон, у якім рэлігійным арганізацыям забараняецца займацца палітычнай дзейнасцю. Пры гэтым калі неабходна нешта рабіць на карысць рэжыму, то гэта ўжо дзіўным чынам палітычнай дзейнасцю не лічыцца і нават не проста вітаецца, а фактычна ўводзіцца ў абавязак і святароў, і царквы ўвогуле. Як і не перашкаджаецца святарам у Беларусі падтрымліваць расійскіх акупантаў. Што сёння адбываецца з рэлігійнымі арганізацыямі ў Беларусі, у якія ўмовы існавання яны пастаўленыя? Ці нармальна для святароў падтрымліваць вайну і нават збіраць ва ўсім свеце грошы на дапамогу расійскім захопнікам? Ці стварае пагрозу для рэжыму падпарадкаванасць БПЦ Маскве і якія пагрозы для беларускай незалежнасці гэта нясе? На гэтыя ды іншыя пытанні ў эфіры Еўрарадыё адказвае тэолагіня, экспертка ў галіне рэлігіі, палітыкі і праваабароны Наталля Васілевіч

Айцішныя "шарашкі" і нечаканыя тэрапеўты — "Раніца з Еўрарадыё" за 11 красавіка by Euroradio

"Можно я с обой" і лікбез для палякаў — Еўразум за 10 красавіка | Новости Беларуси за 10 апреля by Euroradio

У суботу, 13 красавіка, у Варшаве адбудзецца імпрэза, падчас якой беларускіх музыкаў узнагародзяць за іх творчыя поспехі за мяжой. Першая беларуская музычная прэмія ў эміграцыі "Uwaga!" улічвае дзейнасць намінантаў за 2023 год. Слухачоў чакае гарачы канцэрт з выступамі любімых музыкаў, якія пазмагаюцца за званне найлепшых. У складзе журы — музычныя журналісты, артысты, арганізатары мерапрыемств ды іншыя вядомыя беларусы. Спецыяльныя госці вечара — Юрый Стыльскі, Алесь-Францішак Мышкевіч і гурт Atesta, а на afterparty выступіць беларускі кампазітар, аранжыроўшчык, піяніст і гітарыст Сяргей Пукст. Падрабязней пра прэмію і само мерапрыемства ў эфіры Еўрарадыё распавядаюць яго арганізатары Марына Савіцкая і Аляксей Ажогін.

Павел Усаў. Ці перагорнуць людзі старонку, калі Лукашэнка падцягне эканоміку? by Euroradio

Непатрэбныя трактары і змяіны горад — "Раніца з Еўрарадыё" за 10 красавіка by Euroradio

Алімпіяда без сюрпрызаў і нож у ПТВ — Еўразум за 9 красавіка | Новости Беларуси за 9 апреля by Euroradio

Беларускі свабодны тэатр зладзіў прэм’ерны паказ новага спектакля пад змрочнай назвай “NO EXIT”. Рэжысёрка спектакля, даўно вядомая і любімая прыхільнікам творчасці БСТ — Юлія Шаўчук. Два дні прэм’ернага паказу — і два дні поўная зала Музея вольнай Беларусі. Дый тэма блізкая беларусам, хоць і апавядае пра вайну ва Украіне. Дакладней, украінскіх падлеткаў, якія вымушаныя былі збягаць ад вайны ў Еўропу… Чаму была абраная менавіта гэтая п’еса і гэтая “ўкраінская тэма” для пастаноўкі новага спектакля? Што сёння цікавіць беларускага гледача ў эміграцыі і ці можа беларускі тэатр быць цікавым і зразумелым замежнаму гледачу? Ці магчыма тэатру выжыць у эміграцыі і што для гэтага патрэбна? На гэтыя ды іншыя пытанні ў эфіры Еўрарадыё адказвае рэжысёрка і акторка Беларускага свабоднага тэатра Юлія Шаўчук

Беларускія спартоўцы атрымалі на Алімпіяду ў Парыжы ўсяго 16 ліцэнзій. І гэта вынік саўдзелу лукашэнкаўскага рэжыма ў расійскай агрэсіі ва Украіне, як бы для каго гэта парадаксальна ні гучала. Але чым далей ад 2020 года, тым часцей пачынаюць гучаць словы пра тое, што беларуская рэвалюцыя канчаткова прайграла, што санкцыі не дзейнічаюць, што палітвязні працягваюць пакутаваць за кратамі, што выціснутая з краіны частка беларускага грамадства ўсё больш губляе сувязі з “матэрыком” і што мы павінны прызнаць паразу і… “перагарнуць старонку”. Пра што сведчыць такая колькасць беларускіх спартоўцаў, што атрымалі ліцэнзію на паездку ў Парыж, і ці будзе гэтая дэлегацыя — беларуская? Ці можна казаць, што санкцыі не працуюць і якое дачыненне да іх увядзення маюць дэмсілы? Ці магчыма “перагарнуць старонку” і чаму “Дразды” — гэта добра? На гэтыя ды іншыя пытанні ў эфіры Еўрарадыё адказвае кіраўнік Беларускага фонду спартыўнай салідарнасці Аляксандр Апейкін

Груда металалому і аматары разводаў — "Раніца з Еўрарадыё" за 9 красавіка by Euroradio

Марныя мары і захоп па-рагачоўску - Еўразум за 8 красавіка | Новости Беларуси за 8 апреля by Euroradio

Кнігу з рэальнымі гісторыямі “моўнай дыскрымінацыі”, якую на сабе штодня адчуваюць беларускамоўныя беларусы ў краіне з “дзвюма роўнымі дзяржаўнымі мовамі”, пад назвай “Мова 404” праваабаронца Аліна Нагорная выдала яшчэ ў Беларусі. Нехта бачыў у героях гэтай кнігі сябе, нехта здзіўлена казаў, што такога не бывае. Але ўсе прызнавалі, што нацыянальная мова знаходзіцца ў Беларусі ў даволі… занядбаным стане. Праўда, прычыны таму называлі розныя. Час прайшоў, Аліна Нагорная з сям’ёй вымушаная была выехаць з Беларусі. І выдала ў замежжы дадатковы і дапоўнены наклад сваёй кнігі. Наколькі моцна сітуацыя з беларускай мовай змянілася ў Беларусі пасля 2020 года і ў які бок? Якія адрозненні ў стаўленні да беларускай мовы ў “беларускай дзяржавы” і беларускага грамадства і ці ёсць гэтыя адрозненні? Што можна і варта зрабіць для змены сітуацыі? На гэтыя ды іншыя пытанні ў эфіры Еўрарадыё адказвае праваабаронца, публіцыстка і моўная актывістка Аліна Нагорная

Дэпутат-генерал з расійскай Дзярждумы Андрэй Гурулёў нечакана заявіў, што наступным кандыдатам на “вяртанне гістраычнай справядлівасці па-руску” стане Казахстан. Менавіта там расійскія акупанты будуць ладзіць чаргвую “СВА” пасля Украіны. Які напой выклікаў прыступ шчырасці ў генерала, дакладна невядома, але праз пэўны час ён кінуўся абвяргаць сябе, сцвярджаючы, што апублікаваная раней інфармацыя — фальшыўка. Відаць, зробленая ў Польшчы. Тым не менш, заявы гэтыя пасля неаднаразова агучаных пагроз у бок краін Балтыі і Польшчы з боку як Расіі, так і яго хаўрусніка з Мінска напружанасць у рэгіёне меншай дакладна не зрабілі. Наколькі вялікая імавернасць нападу расійскіх акупацыйных войскаў на Казахстан і ці ёсць у гэтай краіны магчымасці абараніць сябе? Якія мэты пераследуюцца такімі пагрозамі ў бок то краін Балтыі, то Польшчы, то Казахстана і як можна змяніць стаўленне Захаду да Беларусі? Якія планы ў Офіса адносна Каардынацыйнай рады і ці ёсць будучыня ў гэтай структуры? Гэтыя ды іншыя тэмы ў штотыднёвым жывым эфіры Еўрарадыё абмяркоўваем з дацэнткай, кандыдаткай гістарычных навук, незалежнай эксперткай Розай Турарбекавай

Іржа замест жалеза і багаценькія беларусы — "Раніца з Еўрарадыё" за 8 красавіка by Euroradio

Цяжкія часы і паліцэйскія без штаноў — Еўразум за 5 красавіка | Новости Беларуси за 5 апреля by Euroradio

Пра ўкраінскіх шпіёнаў і дыверсантаў, якіх СБУ ды іншыя ГУРы "закідваюць" у міралюбівую сінявокую, лукашэнкаўскія спецслужбы расказвалі не раз. І нават доказы ў выглядзе фота ды відэа прадстаўлялі, але з Кіева чулі адно абразлівыя абвяржэнні. Неяк не атрымлівалася ў нашчадкаў Дзяржынскага шакаваць сваімі перамогамі грамадства. І вось зорны час справядлівасці надыйшоў — па тэлебачанні паказалі цэлы фільм пра калоны перахопленых і абясшкоджаных шпіёнаў-няўдачнікаў. Навошта СБУ насуперак логіцы выпраўляе сваіх засланцаў проста ў рукі непераможных лукашэнкаўскіх спецлужб, якія мэты гэтым пераследуюць? Як украінскія вайскоўцы і ваенныя эксперты ацэньваюць заявы Лукашэнкі наконт падрыхтоўкі беларускага войска да вайны? Ці магчымыя тэракты на тэрыторыі Беларусі па замове Масквы і што можа справакаваць удары УСУ па аб’ектах на тэрыторыі Беларусі? На гэтыя ды іншыя пытанні ў эфіры Еўрарадыё адказвае ваенны аналітык, эксперт украінскага Інстытута будучыні, былы супрацоўнік СБУ Іван Ступак

Гатоўнасць Масквы да ўжывання ядзернай зброі ў выпадку, калі Захад (ці Украіна) пяройдуць нейкія там "чырвоныя лініі", заявы Лукашэнкі пра падрыхтоўку Беларусі да вайны. Словы міністра замежных справаў Польшчы Радаслава Сікорскага ў інтэрвʼю амерыканскаму тэлебачанню, што "Польшча не будзе больш расійскай калоніяй", і выказванні прэзідэнта Францыі Макрона аб гатовасці да ваеннага сутыкнення з РФ. А тут яшчэ і Сахашчык з Латушкам з пужалкамі пра напад на Літву з тэрыторыі Беларусі… Пералічваць можна доўга, але відавочна адно: напружанасць расце і пагроза вялікай вайны на еўрапейскім кантынеце павялічваецца. Адны лічаць, што гэтая вайна непазбежная, іншыя — што гэтага не дапусцяць самі лідары дзяржаў. Што больш праўдзівае ў словах Лукашэнкі: аповеды пра жаданне міру ці заявы пра падрыхтоўку да вайны? Ці сапраўды кіраўніцтва Расіі гатовае скіравацца ў рай дзеля міфічных мэтаў "аднаўлення гістарычнай справядлівасці па-руску"? Ці магчыма стрымаць катастрофу і хто гэта можа зрабіць? На гэтыя ды іншыя пытанні ў эфіры Еўрарадыё адказваюць дырэктар Інстытута палітычных даследаванняў "Палітычная сфера", заснавальнік Міжнароднага кангрэса даследчыкаў Беларусі Андрэй Казакевіч і юрыст, адказны па прававых пытаннях Народнага антыкрызіснага ўпраўлення (НАУ) Міхаіл Кірылюк

У Лукашэнкі няпростыя часы. Так ён кажа пры кожным зручным выпадку. Навошта? А калі часы былі простымі? Спытаем пра гэта ў блогера і палітыка Аляксандра Кныровіча. Таксама пагаворым пра цэны на хлеб, каву і іншыя тавары ў Польшчы і ў Беларусі. Дзе танней? А яшчэ абмяркуем, з чым звязаны чарговы віток актыўнасці ПВК Вагнера, якая, паводле звестак расійскіх медыя, зноў набірае байцоў для працы ў Афрыцы, прычым не толькі сярод расіян, але і сярод жыхароў Беларусі.

Савет па правах чалавека (СПЧ) ААН падоўжыў мандат Спецыяльнага дакладчыка па Беларусі, а таксама пастанавіў стварыць групу з трох незалежных экспертаў па правах чалавека ў нашай краіне. Швецыя і Славенія зрабілі для беларусаў палёгку ў атрыманні праязных дакументаў. Офіс Святланы Ціханоўскай, паводле іх інфармацыі, дапамог перадаць дроны для палка Каліноўскага… Гэтыя ды іншыя пазітыўныя навіны вы, магчыма, маглі і прапусціць на фоне больш гучных паведамленняў пра атрыманы першым дарадцам Ціханоўскай Франкам Вячоркам ў падарунак дарагі гадзіннік і заявы асобных прадстаўнікоў Каардынацыйнай рады пра спробы Офіса і АПК праз выбары падпарадкаваць сабе КР. Якімі вынікамі сваёй міжнароднай дзейнасці можа пахваліцца Офіс Святланы Ціханоўскай? Ці задаволеныя вынікамі Канферэнцыі беларусаў і беларусак свету, што праходзіла ў Празе, і пры чым тут дроны? Што за гісторыя з гадзіннікам, ці звязаныя візіты Ціханоўскай у Ісландыю з санкцыямі ці іх адсутнасцю і якія планы ў Офіса адносна Каардынацыйнай рады? На гэтыя ды іншыя пытанні ў эфіры Еўрарадыё адказвае першы дарадца Святланы Ціханоўскай Франак Вячорка

Як не хлусіць Лукашэнку і кусачыя кляшчы — "Раніца з Еўрарадыё" за 5 красавіка by Euroradio

Паход у сталоўку і бойка з аўтсайдэрамі — Еўразум за 4 красавіка | Новости Беларуси за 4 апреля by Euroradio

Дата выбараў у Каардынацыйную раду вызначаная, пачатак выбарчай кампаніі фактычна анансаваны. Такім чынам, можна казаць, што пакуль яшчэ дзеючы на сёння склад КР сваё адпрацаваў і можа пачынаць "пакаваць чамаданы". Што праўда, разумення таго, чым цягам года чальцы Каардынацыйнай рады займаліся і якія вынікі гэтага іх "занятку", няма ад слова зусім. Што можна сказаць наконт дзейнасьці камісіі па справах студэнцтва КР і ці была тая дзейнасць увогуле? Якія асноўныя праблемы студэнцтва і моладзі ўнутры краіны і за яе межамі? Якое месца студэнцтва і моладзь займаюць у беларускіх дэмакратычных сілах і якія чаканні ад выбараў у КР? На гэтыя ды іншыя пытанні ў эфіры Еўрарадыё адказвае дактарант Карлава ўніверсітэта, гісторык, старшыня камісіі Каардынацыйнай рады па справах студэнцтва Аляксандр Паршанкоў

4 красавіка ў эфіры Еўрарадыё — оперны спявак, выкладчык Ілля Сільчукоў. Як бы моцна беларускае грамадства, беларусы ні былі сёння падзеленыя ідэялогіяй і межамі, але ж па вялікім рахунку мы — адзін народ, у нас адна Айчына і нам за яе аднолькава баліць. І калі нарэшце ў нас з’явіцца магчымасць сабрацца ўсім разам, то мы абавязкова здолеем паразумецца. Бо іншага выйсця ў нас няма, калі мы хочам, каб наша Бацькаўшчына працягвала існаваць, перакананы Ілля Сільчукоў. Пра тое, як захаваць сябе ў часы, калі "ламаецца свет", навошта нам у часы глабалізму трымацца за сваю нацыянальную адметнасць, і пра ролю культуры і гісторыі для народа мы і разважаем у праграме "Ідэя Х" з Іллём Сільчуковым.

Другі раз цягам тыдня Лукашэнка прыязджае ў Гродзенскую вобласць, дзе зноў разважае пра вайну. Якой беларусы, як вядома, не хочуць, але да якой рыхтуюцца. Дакладней, рыхтуюцца не тое каб беларусы — рэжым. Які перакананы, што Захад не спіць, а толькі тым і займаецца, што супраць Лукашэнкі планы выношвае. У той жа час гераічнае КДБ цэлыя фільмы здымае пра шматлікіх дыверсантаў і тэрарыстаў, якія караванамі ідуць праз мяжу з Украіны, але іх тут даўно чакаюць. Бо ўнукі Дзяржынскага справу ведаюць і не толькі палітычным пераследам займаюцца. Што такога адбываецца на Гарадзеншчыне, што туды так зацята цягне Лукашэнку, і ці сапраўды ён рыхтуе беларусаў да ўцягвання краіны ў вайну? Ці сапраўды ўкраінскія спецслужбы актыўна накіроўваюць праз беларускую мяжу дыверсантаў? Што ў сітуацыі з дыверсіяй у “Крокусе” мяняе заява з боку ЗША, якія папярэджвалі ФСБ, дзе будзе тэракт? Гэтыя ды іншыя тэмы абмяркоўваем у штотыднёвым жывым эфіры Еўрарадыё з палітычным аглядальнікам, гісторыкам Аляксандрам Фрыдманам

Як правільна слухаць гімн і Цік-Ток-падстава — "Раніца з Еўрарадыё" за 4 красавіка by Euroradio

Транзіт у Белую Русь і эліты з дручком — Еўразум за 3 красавіка | Новости Беларуси за 3 апреля by Euroradio

У Беларусі працягваецца пакутлівы працэс фармавання так званага Усебеларускага народнага сходу, які мусіць нібыта прадстаўляць беларускі народ, але і ахоўваць спакой і бяспеку лукашэнкаўскага рэжыму і яго асабіста. Але з не меншымі пакутамі ідзе і працэс выбараў у Каардынацыйную раду. І часам узнікае адчуванне, што два гэтыя працэсу ідуць не проста паралельна, але і ў нечым падобныя… Што не так з Усебеларускім сходам і ці варта лічыць яго “народным”? Адкуль у беларускай наменклатуры схільнасць да “рускага свету” і хто аплачвае любоў лукашэнкаўцаў да расійскіх наратываў? Ці здолее Каардынацыйная рада новага “склікання” займець аўтарытэт сярод беларусаў і што для гэтага трэба? На гэтыя ды іншыя пытанні ў эфіры Еўрарадыё адказвае былы дэлегат КР, намеснік кіраўніка Народнага антыкрызіснага ўпраўлення Арцём Брухан

Днямі ў Празе прайшла ўжо ІІІ Канферэнцыя беларусаў і беларусак свету. Відавочна, што абмяркоўваліся на ёй пытанні і праблемы не толькі дыяспары, але і беларусаў у Беларусі. Іншая рэч, што калі магчымасцяў вырашаць праблемы беларусаў унутры краіны ў дэмсіл і беларускай супольнасці з-за мяжы вельмі мала, то датычна праблемаў беларусаў, якія знаходзяцца ў вымушанай эміграцыі, такіх магчымасцяў значна больш. На першы погляд… Як суразмоўніцы ацэньваюць свой удзел у Канферэнцыі і вынікі самога мерапрыемства? З якімі праблемамі сёння найчасцей даводзіцца сутыкацца беларусам за мяжой і ці атрымліваецца гэтыя праблемы вырашыць? Што і каму трэба зрабіць, каб беларуская тэма заставалася на парадку дня ў палітычных лідараў розных краін? На гэтыя ды іншыя пытанні ў эфіры Еўрарадыё адказваюць дырэктарка Офіса дэмакратычных сілаў у Чэшскай Рэспубліцы Крысціна Шыянок і кіраўніца асацыяцыі беларусаў Італіі “Талака”, прадстаўніца Народнай амбасады Беларусі ў Італіі Юлія Юхно

Нахабныя медыкі і на 100 мільёнаў крэдытаў — "Раніца з Еўрарадыё" за 3 красавіка by Euroradio

Хітрая стратэгія і начос як прызнак поспеху — Еўразум за 2 красавіка | Новости Беларуси за 2 апреля by Euroradio

Насуперак заявам пра тое, што рэжым даўно і канчаткова перамог усіх не згодных з яго панаваннем, рэпрэсіі ў Беларусі працягваюцца. І працягвае працаваць судовы канвеер, які штодня адпраўляе беларусаў за краты. Але надыходзіць час, і па заканчэнні тэрміну зняволення людзі выходзяць на волю. І сутыкаюцца з новымі праблемамі, дапамагчы справіцца з якімі закліканая ініцыятыва “Вольныя”. Ініцыятыва, валанцёры і ментары якой ставяць мэтай дапамагчы вольным палітвязням Беларусі вярнуцца да паўнавартаснага жыцця ў грамадстве. Што змянілася за час працы ініцыятывы і з якімі праблемамі сёння найчасцей даводзіцца сутыкацца? Ці ёсць падтрымка з боку грамадства і ці застаюцца беларусы такімі ж салідарнымі, як і раней? Як ацэньваюць прадстаўнікі ініцыятывы свой удзел у Канферэнцыі беларусаў і беларусак свету і якое дачыненне мае да “Вольных” пытанне фемінізму? На гэтыя ды іншыя пытанні ў эфіры Еўрарадыё адказвае каардынатарка ініцыятывы “Вольныя” Вераніка Станкевіч

Санкцыі — ледзь не адзіны сродак Захаду, каб неяк паспрабаваць паўплываць на сітуацыю ў Беларусі. Безумоўна, ёсць яшчэ такія механізмы, як выказванне еўрапейскімі структурамі рознага ўзроўню заклапочанасці з нагоды дзеянняў лукашэнкаўскага рэжыму альбо непрызнанне вынікаў “выбараў” ці легітымнасці самога Лукашэнкі. Але на станоўчыя змены ў краіне як вынік такой стратэгіі Захаду відавочна разлічваць не даводзіцца. І выглядае на тое, што стратэгію змяняць (ці выпрацоўваць новую) неабходна і так званаму калектыўнаму Захаду, і дэмсілам, і беларускаму грамадству ў цэлым. Што на сёння ўяўляе з сябе стратэгія Захаду адносна Беларусі і чаму так важна яе перагледзець? Ці магчымае сёння перафарматаванне беларускіх дэмсіл і ці можна ўсур’ёз прымаць пазіцыю “не злаваць дзеда”? Якія “вокны магчымасцяў” дае нам сітуацыя ў Расіі, вайна ва Украіне і адыход ад улады Лукашэнкі? На гэтыя ды іншыя пытанні ў эфіры Еўрарадыё адказвае палітычны аналітык Арцём Шрайбман

У сённяшнім Gender Gap пагаворым пра ролевую мадэль для маладых жанчын, якую прапануе беларускам улада, на прыкладзе касманаўткі Марыны Васілеўскай і юрысткі (так, яна юрыстка, а не "проста прыгажуня"!) Бажэны Ярэміч. Каб зрабіць кар'еру пры двары Лукашэнкі, начос неабавязковы. Але з'яўляецца сам сабой. Пагаворым і пра дэмаграфічныя трэнды, якія можна сфармуляваць каротка: мінус райцэнтр. Стала вядома, на колькі скарацілася насельніцтва Беларусі за 2023 год.

Толькі бюджэт і электракар без батарэі — "Раніца з Еўрарадыё" за 2 красавіка by Euroradio

Вайна за веру і як не праспаць рак — Еўразум за 1 красавіка | Новости Беларуси за 1 апреля by Euroradio

Апошнім часам усё часцей, асабліва на фоне заяў пра магчымы напад сумеснай групоўкі расійска-беларускіх войскаў на Літву ці якую іншую краіну-чальца NATO, абмяркоўваецца магчымасць стварыць незалежнае беларускае войска. Як і тое, чаму беларускія добраахвотнікі не могуць, паводле прыкладу калег з Расіі, зайсці на тэрыторыю Беларусі з вызваленчай місіяй. Ці абмяркоўваецца ў асяродку беларускіх добраахвотнікаў тэма вызвольнага паходу ў Беларусь і стварэння незалежнага войска? З якімі праблемамі сутыкаюцца беларускія добраахвотнікі як падчас службы, так і пасля яе заканчэння? Як ставяцца да пагрозы пачатку вялікай вайны і нападу з тэрыторыі Беларусі на краіны ЕС? На гэтыя ды іншыя пытанні ў эфіры Еўрарадыё адказвае беларускі добраахвотнік Аляксандр “Лахвіч” Наўковіч

Кіраўніцтва расійскай праваслаўнай царквы аб’явіла “праваслаўны джыхад” усім ворагам Расіі. Зразумела, што хоць гэта заява і была зробленая на фоне тэракта ў Падмаскоўі, найперш мелася на ўвазе вайна з Украінай. Тут нічога дзіўнага няма, бо афіцыйная пазіцыя расійскіх папоў — падтрымка акупацыйнай вайны расійскіх захопніцкіх войскаў ва Украіне. Небяспека ў тым, што беларусам у гэтай заяве адмаўляецца ў хоць якім суверэнітэце і праве на адрозную ад Масквы пазіцыю. Мы для іх — “адзін народ”. І беларуская праваслаўная царква маскоўскага патрыярхату цалкам з гэтым згодная. Што пацвярджае сваімі дзеяннямі. Ці здольная праваслаўная царква на арганізацыю сапраўднага “джыхаду” і якая роля ва ўсім гэтым цырку адводзіцца Беларусі? Што можа пазіцыі прамаскоўскіх папоў у Беларусі супрацьпаставіць Лукашэнка? Ці магчыма сёння разлічваць на вызваленне палітвязняў праз перамовы і як правільна выбраць час для рэвалюцыі? Гэтыя ды іншыя тэмы ў штотыднёвым жывым эфіры Еўрарадыё абмяркоўваем з дацэнткай, кандыдаткай гістарычных навук, незалежнай эксперткай Розай Турарбекавай.

Санітар на лета і шанец электракару — "Раніца з Еўрарадыё" за 1 красавіка by Euroradio

Ніякага люксу і злыя песні — Еўразум за 29 сакавіка | Новости Беларуси за 29 марта by Euroradio

Пытанне пашырэння заходніх санкцый у дачыненні да лукашэнкаўскага рэжыму, іх уніфікацыя з санкцыямі адносна Расіі, супрацьдзеянне абыходу санкцый Лукашэнкам — гэтыя пытанні, як і пытанне прыцягнення да міжнароднай крымінальнай адказнасці Лукашэнкі і яго памагатых, датычных да незаконнага вывазу ўкраінскіх дзяцей у Беларусь “на аздараўленне”, застаюцца ў прыярытэце для Паўла Латушкі і НАУ. Іншая рэч, што так хутка, як хацелася б Латушку і яго камандзе, давесці гэтыя пытанні да лагічнага завяршэння не атрымліваецца. А ёсць яшчэ і ўнутраныя праблемы дэмсіл, на якія таксама нельга забывацца. Што адбываецца ў справе прыцягнення Лукашэнкі да міжнароднай адказнасці, што чуваць з Крымінальнага суда ў Гаазе пра ордар на арышт? Ці магчыма перакрыць для рэжыму Лукашэнкі любыя магчымасці абыходзіць санкцыі і па кім гэта ўдарыць найперш? Што адбываецца ў асяродку дэмсіл і чаму Латушка выступае за перанос выбараў у Каардынацыйную раду на пазнейшы тэрмін? На гэтыя ды іншыя пытанні ў эфіры Еўрарадыё адказвае кіраўнік НАУ, намеснік кіраўніцы Аб’яднанага пераходнага кабінета Павел Латушка

Жыццё і дзейнасць Каардынацыйнай рады ўсё больш нагадвае нейкі таямнічы працэс: структура нібыта існуе і жывая, але ў чым гэтае жыццё выяўляецца і якую карысць грамадству нясе — таямніца. Прынамсі для тых, хто знаходзіцца па-за межамі тых працэсаў жыццядзейнасці, якія ў глыбінях КР нібыта адбываюцца. Адпаведна, узнікаюць сумневы ў тым, ці варта нейкім чынам да гэтага жыцця далучацца: ці ў якасці дэлегатаў, ці хаця б у якасці выбаршчыкаў. На тых выбарах, якія кіраўніцтва КР так доўга абяцае нам правесці. Што сёння адбываецца ў Каардынацыйнай радзе і навошта было за некалькі тыдняў да заканчэння паўнамоцтваў займацца пераабраннем кіраўніцтва КР? Калі нарэшце пачнецца выбарчая кампанія і ці не будзе гэта “перапрызначэннем на новы тэрмін” дзейнага складу КР? Ці пойдуць людзі галасаваць і якая карысць ад структуры беларусам? На гэтыя ды іншыя пытанні ў эфіры Еўрарадыё адказвае віцэ-спікерка Каардынацыйнай рады, прадстаўніца феміністычнай фракцыі Вольга Павук

Прапаганда любіць расказваць, як кепска жывуць грамадзяне заходніх краін. Асабліва суседніх Польшчы ці Літвы. Напрыклад, у апошняй, згодна дзяржмедыя, ужо не засталося прамысловасці, а людзям ледзьве хапае на бутэльку малака. Але палітык і блогер Аляксанр Кныровіч разбурае гэтыя міфы ў 14:30 у эфіры Еўрарадыё. І каментуе галоўныя тэмы гэтага тыдня — інсайды Сахашчыка і Латушкі, забарону на вываз праз Літву і Польшчу вялікіх аўтамабіляў, перастаноўкі ў Лукашэнкі і іншае.

Не толькі кавярні, бары, хабы, тэатральныя студыі і спартовыя клубы паспелі паадкрываць беларусы ў эміграцыі па ўсім свеце. Да прыкладу, у Варшаве можна хадзіць на заняткі харавымі спевамі ў музычную школу імя Равенскага, заснаваную Галінай Казіміроўскай з паплечніцамі, а можна пайсці вучыцца граць на гітары ў студыю, заснаваную знаным беларускім рок-гітарыстам Паўлам Трыпуцем. А хутка там жа можна будзе і рок-вакалам (і не толькі рок-) займацца, бо неўзабаве Павел разам з Юліяй Юніцкай адкрываюць OpTeamist Vocal Studio. Ці складана было знайсці сябе і вярнуцца да музыкі? Што падштурнула да таго, каб адкрыць сваю студыю па навучанні ігры на гітары, і ці складана гэта было зрабіць? Ці магчыма сумяшчаць творчасць і працу і ці можа творчасць пракарміць у чужой краіне? На гэтыя ды іншыя пытанні ў эфіры Еўрарадыё адказвае гітарыст гурта Volski, заснавальнік і фронтмен гурта OpTeamist Project і музычнай школы OpTeamist Guitar Studio Павел Трыпуць

Скарачэнне беларусаў і бой адпрацоўцы — "Раніца з Еўрарадыё" за 29 сакавіка by Euroradio

Міфы пра прышчэпкі і ўратаванне Кейт — Еўразум за 28 сакавіка | Новости Беларуси за 28 марта by Euroradio

Генпракуратура на чале са Шведам вырашыла засяродзіць сваю ўвагу не на наглядзе за выкананнем законаў лукашэнкаўскімі сілавымі структурамі, а на тэмах больш важных — генацыдзе беларускага народа ў межах пэўнага, вызначанага палітычнымі патрэбамі рэжыму, перыяду часу і, адпаведна, пакараннем тых, хто ў тым генацыдзе ўдзельнічаў. З іншага боку, у Літве актыўна шукаюць у беларускім асяродку “ліцвінізм”. Які нібыта нясе пагрозу нацыянальнай бяспецы Літвы. Ці сапраўды існуе пагроза “ліцвінізму” нацбяспецы Літвы і ці рэальна падзяліць гісторыю нашых народаў? Што стаіць за спробамі Генпракуратуры пакараць даўно памерлых людзей, якіх вінавацяць у злачынствах у дачыненні да беларусаў? Ці магчыма злавіць той момант, калі народу трэба выжываць, а калі — паўставаць? На гэтыя ды іншыя пытанні ў эфіры Еўрарадыё адказвае доктар гуманітарных навук, гісторык, вядоўца праграмы Іntermarium на “Белсаце” Наста Ільіна

Лукашэнка фактычна выставіў свайго “найлепшага сябра” Пуціна хлусам і падманшчыкам, заявіўшы, насуперак словам Пуціна, што насамрэч тэрарысты, якія здзейснілі напад на “Крокус Сіці Хол”, уцякалі не ва Украіну, а ў… Беларусь. Дзе і мелі намер схавацца ад пераследу расійскіх сілавікоў. На думку экспертаў з Інстытута вывучэння вайны (ISW), гэтая заява Лукашэнкі “можа мець разбуральныя палітычныя наступствы для Лукашэнкі і яго рэжыму”. Што магло прымусіць Лукашэнку пярэчыць Пуціну і ці правільныя высновы зрабілі з гэтых слоў эксперты ISW? Каму найперш былі скіраваныя словы пра ўцёкі ў Беларусь і ці дасягнулі яны неабходных вушэй? Ці пачулі на Захадзе папярэджанне Сахашчыка і які лёс чакае Орбана? Гэтыя ды іншыя тэмы абмяркоўваем у штотыднёвым жывым эфіры Еўрарадыё з палітычным аглядальнікам, гісторыкам Аляксандрам Фрыдманам

28 сакавіка ў эфіры Еўрарадыё — навукоўца, лектарка на факультэце нямецкіх і славянскіх моў, кіно і СМІ ўніверсітэта Санта-Барбары (ЗША), сяброўка Беларускай Рады культуры, актывістка Асацыяцыі беларусаў у Амерыцы і суполкі беларусаў Лос-Анжэлеса Саша Рэйзар. Найперш нам неабходна імкнуцца пабудаваць краіну, дзе будуць паважаць правы чалавека. І дзе кожны чалавек меў бы магчымасць развівацца без аніякіх перашкод. Якіх бы кірункаў гэтае развіццё ні тычылася: бізнесу, навуковай дзейнасці, творчасці альбо адукацыі. Пры гэтым нам ні ў якім разе нельга забывацца на нашыя нацыянальныя адметнасці, перакананая Саша Рэйзар. Пра тое, як эміграцыя ўплывае на пачуццё нацыянальнай свядомасці і годнасці, навошта нам у сучасным свеце імкнуцца захоўваць сваё і ў якім фільме паказаная нашая нацыянальная ідэя, мы і разважаем у праграме “Ідэя Х” з Сашай Рэйзар.

Падазрэнні, што ў афіцыйнага Кіева ёсць нейкія дамоўленасці з рэжымам Лукашэнкі, існуюць дагэтуль насуперак усяму. Насуперак спыненню гандлёвых сувязяў паміж краінамі, адкліканню паслоў, узвядзенню абарончых фартыфікацый уздоўж беларускай мяжы. І насуперак (а можа, і праз гэта, у тым ліку) даволі негатыўнаму стаўленню да беларусаў, якія знаходзяцца ва Украіне. Ці ёсць падставы падазраваць, што непублічныя адносіны паміж Кіевам і Мінскам існуюць дагэтуль? Чаму менавіта цяпер была агучаная інфармацыя пра аперацыю СБУ ў Мачулішчах і дзе тыя “чырвоныя лініі” ў адносінах з лукашэнкаўскім рэжымам, якія Кіеў не хоча пераходзіць? Ці адчуваецца змена стаўлення Захаду да вайны ва Украіне і ці існуе “прымус Кіева да міру з Пуціным”? На гэтыя ды іншыя пытанні ў эфіры Еўрарадыё адказвае былы кіраўнік інфармацыйнага аддзялення партыі “Правы сектар”, экс-дэпутат Вярхоўнай рады Украіны і сябра ўкраінскай дэлегацыі ў ПАСЕ, палітычны актывіст і экс-баец Узброеных сіл Украіны Барыслаў Бярэза

Кватэры на мільён і доўгі язык — "Раніца з Еўрарадыё" за 28 сакавіка by Euroradio

Жыццё з ПТСР і суцяшальныя жарты — Еўразум за 27 сакавіка | Новости Беларуси за 27 марта by Euroradio

Расія сумесна з Беларуссю рыхтуецца да “бліцкрыгу на Вільню” і нават да выкарыстання ядзернай зброі. Такую заяву зрабіў 24 сакавіка прадстаўнік Аб’яднанага пераходнага кабінета па нацыянальнай бяспецы і абароне Валерый Сахашчык, выступаючы на мітынгу з нагоды 106-гадавіны абвяшчэння Беларускай Народнай Рэспублікі. Заява выклікала вялікі рэзананс. Дайшло да таго, што з абвяржэннем наяўнасці ў іх з Пуціным такіх намераў вымушаны быў выступіць і Лукашэнка. Ці сапраўды пагроза ваеннага ўварвання расійскіх і лукашэнкаўскіх войскаў у Літву рэальнае? Ці гатовая Расія, а тым больш Лукашэнка да супрацьстаяння з NATO? Якія пагрозы для Беларусі і беларусаў мае любы ваенны канфлікт з удзелам беларускіх вайскоўцаў і на што здольныя беларускія вайскоўцы ў канфлікце з такім праціўнікам? На гэтыя ды іншыя пытанні ў эфіры Еўрарадыё адказвае прадстаўнік Аб’яднанага пераходнага кабінета па нацыянальнай бяспецы і абароне Валерый Сахашчык

Найбольш яскрава і масава салідарнасць беларусаў упершыню праявілася падчас першай хвалі COVID-19. Менавіта тады людзі актыўна падтрымлівалі і дапамагалі не толькі адно аднаму, але і медыкам. Таму што, як выявілася, лукашэнкаўскаму рэжыму ў пабудаванай ім нібыта “сацыяльнай дзяржаве” не было ніякай справы ні да яе шараговых грамадзянаў, ні да медыкаў, якія, рызыкуючы жыццём, дапамагалі людзям. Менавіта тады ўтварыўся “Фонд медычнай салідарнасці Беларусі”. Які працягвае працаваць і сёння. Чым сёння займаецца “Фонд медычнай салідарнасці Беларусі”, ці ёсць ў ім сапраўдная патрэба? Чаму рэжым помсціць тым, хто звязаны з фондам, і ці ёсць рэальная магчымасць дапамагаць унутры краіны? На гэтыя ды іншыя пытанні ў эфіры Еўрарадыё адказвае прадстаўнік "Фонду медычнай салідарнасці Беларусі” Андрэй Ткачоў

На фоне тэракту ў Расіі, які, паводле афіцыйнай інфармацыі, здзейснілі баевікі тэрарыстычнай арганізацыі “Ісламская дзяржава”, Лукашэнка ўзяўся дэманстраваць гатоўнасць сваіх сілавых структур і войска да рашучага супрацьдзеяння любым выклікам. Але чамусьці пачаў умацоўваць не ўсходнія межы, адкуль і можа хутчэй за ўсё прыйсці тэрарыстычная пагроза, а выправіўся з праверкай ў вайсковыя часткі да літоўскай мяжы — на “ашмянскі плацдарм”… Ці існуе пагроза, што баевікі з умоўнай “Ісламскай дзяржавы” скіруюць сваю ўвагу на Беларусь як найбліжэйшага хаўрусніка Крамля? Што і каму хоча прадэманстраваць Лукашэнка сваімі ваяўнічымі заявамі непадалёк ад літоўскай мяжы? Ці здольныя дэмсілы захоўваць цікавасць да сваёй дзейнасці сярод беларускага грамадства? Гэтыя ды іншыя тэмы абмяркоўваем у штотыднёвым жывым эфіры Еўрарадыё з кіраўніком варшаўскага Цэнтра палітычнага аналізу і прагнозу, доктарам палітычных навук, сябрам “Вольнай Беларусі” Паўлам Усавым

Ільготы патрыётам і пракуроры з лінейкамі — "Раніца з Еўрарадыё" за 27 сакавіка by Euroradio

Доўгая рука і кепская сувязь — Еўразум за 26 сакавіка | Новости Беларуси за 26 марта by Euroradio

23-24 сакавіка ў Празе праходзіла ІІІ Канферэнцыя беларусаў і беларусак свету. Абмяркоўваліся і магчымасці беларускага замежжа ў справе дапамогі палітвязням і іх сем’ям, і пытанні легалізацыі, і нацыянальнага адраджэння, і беларуска-украінскіх адносінаў, і агулам — "стратэгічная візія беларускай дэмакратычнай супольнасці на 2024-2025 гады". Адразу адчуваецца масштаб, калі чытаеш гэты пералік тэмаў для абмеркавання. Якія мэта пераследвалі арганізатары, збіраючы гэтую канферэнцыю? Чым адметны Форум беларусаў свету, што абыўся ў Празе, якія высновы можна зрабіць па яго завяршэнні? Ці даюць такія сустрэчы адказы на пытанні, якія сёння найперш хвалююць беларусаў як у эміграцыі, так і ўнутры Беларусі? На гэтыя ды іншыя пытанні ў эфіры Еўрарадыё адказвае прадстаўніца Народнай амбасады Беларусі ў Славеніі, каардынатарка па зялёнай эканоміцы эканамічнай каманды Офіса Святланы Ціханоўскай Аляксандра Мамаева

Не паспелі мы пераварыць навіну пра тое, што кіраўніцтва Украіны нібыта здольнае ўплываць на рашэнні Вашынгтона і (праз яго) Варшавы адносна падтрымкі беларускіх дэмсіл і незалежных медыя, як прыйшла новая “шакавальная” навіна — за тэрактам у Маскве таксама стаіць “кіеўскі рэжым”! Пры тым, што тэракт здзейсніла радыкальная ісламісцкая групоўка. Якімі метадамі карысталіся ўлады Украіны, дамагаючыся ад ЗША скарачэння падтрымкі беларускіх дэмсіл, і навошта яны ўвогуле гэта робяць? Ці здольны Кіеў падпарадкаваць сабе тэрарыстычныя групоўкі з Усходу і прымусіць іх ладзіць тэракты на тэрыторыі Расіі? Чым адметныя канферэнцыя Каліноўскага ў Вільні і Форум беларусаў свету, што адбыўся ў Празе, якія высновы можна зрабіць па іх завяршэнні? На гэтыя ды іншыя пытанні ў эфіры Еўрарадыё адказвае дырэктар украінскага Інстытута сусветнай палітыкі, эксперт iSANS Яўген Магда

Трывалае метро і ніякіх дзесяцікласнікаў — "Раніца з Еўрарадыё" за 26 сакавіка by Euroradio

Тэракт у Маскве і "Пакуль, школа!" — Еўразум за 25 сакавіка | Новости Беларуси за 25 марта by Euroradio

Тэракт у Маскве пакінуў і паставіў шмат пытанняў. Прычым пытанні гэтыя актуальныя як для Расіі, так і для Беларусі і для Еўропы ўвогуле. Асабліва, калі мы кажам пра Еўропу, непрыемнай гэтая пагроза з боку тэрарыстычных ісламісцкіх арганізацый выглядае на фоне пагрозы, якую стварае Масква пры падтрымцы лукашэнкаўскага рэжыму для “памежных” краін ЕС. А для беларускіх дэмсіл гэтая сітуацыя нясе новыя выклікі. Ці выглядае праўдзівай версія з тэрарыстамі малавядомай ісламісцкай арганізацыі і ці магчымы “ўкраінскі след”? Ці сапраўды існуе пагроза вялікай вайны і як словы Сахашчыка будуць успрынятыя ў Літве? Якое значэнне мае сёння для беларускай нацыі Дзень Волі і якая роля дыяспары на шляху да волі? Гэтыя ды іншыя тэмы ў штотыднёвым жывым эфіры Еўрарадыё абмяркоўваем з дацэнткай, кандыдаткай гістарычных навук, незалежнай эксперткай Розай Турарбекавай

25 сакавіка стаў для беларусаў сімвалам імкнення да волі, жадання дамагчыся свабоды і прагі мець сваю незалежнасць. Менавіта таму гэты дзень і называюць Днём Волі. Але хоць дзень такі ў календары беларускай нацыі ёсць, сапраўднай волі, свабоды і незалежнасці ні ў краіны, ні ў народа дагэтуль няма. За іх, маўляў, нам яшчэ давядзецца змагацца. Ці гатовыя беларусы змагацца за свабоду і незалежнасць і ці можна быць да такога гатовым — ці ёсць у нас змагарскі дух? Ці сапраўды існуе пагроза вялікай вайны, якая закране і Беларусь, і як дагрукацца да беларусаў у Беларусі? Якая роля лідараў у сітуацыі такой турбулентнасці і нявызначанасці і ці ёсць сёння тыя, хто адпавядае патрэбам нацыі і гістарычнага моманту? На гэтыя ды іншыя пытанні ў эфіры Еўрарадыё адказвае беларускі добраахвотнік у складзе Узброеных сіл Украіны з пазыўным “Пан Зубр”

Новыя статысты і заціснутыя "дармаеды" — "Раніца з Еўрарадыё" за 25 сакавіка by Euroradio

Максімум Лукашэнкі і біцэпсы Макрона — Еўразум за 22 сакавіка | Новости Беларуси за 22 марта by Euroradio

Група людзей, якія чамусьці называюць сябе “народнымі абраннікамі” і дэпутатамі, прадэманстравала, што тыя, хто іх прызначыў да сядзення ў крэслах ў Авальнай зале, не памыліліся — “галасаваць” гэтыя прызначэнцы будуць у адпаведнасці з інструкцыямі. Так яны аднагалосна прагаласавалі за Сергяенку ў якасці свайго важака — спікера Палаты прадстаўнікоў. Не менш шчыра адпрацоўваюць заробак і тыя, каго прызначылі на ролі суддзяў, — яны выкацілі новы спіс “экстрэмісцкіх рэсурсаў” і “фарміраванняў”. Ці чакаць ад новага складу Палаты прадстаўнікоў заканадаўчай ініцыятывы і чаго чакаць ад Каардынацыйнай рады? Што дадае экстрэмісцкі статус блогерскай працы Кныровіча і як дагрукацца да беларусаў у Беларусі? Як “Белшыне” ўдалося пазбавіцца еўрапейскіх санкцый і пра што гэта сведчыць? На гэтыя ды іншыя пытанні ў эфіры Еўрарадыё адказвае блогер-экстрэміст, былы сябра Каардынацыйнай рады Аляксандр Кныровіч.

Закон-забойца і сінхронныя санкцыі — "Раніца з Еўрарадыё" за 22 сакавіка by Euroradio

Тураўскі пашпарт і патрыётка ў музеі — Еўразум за 21 сакавіка | Новости Беларуси за 21 марта by Euroradio

Вынікі “выбараў Пуціна” ў Расіі не сталі нечаканасцю ні для каго — выбралі зноў Пуціна. Што да магчымых наступстваў гэтага расійскага “выбару” для Беларусі, то практычна ўсе аналітыкі пагаджаюцца з тым, што нічога нечаканага тут не будзе і адносіны Масквы і Мінска застануцца такімі ж, якімі былі апошнія гады. Што да рэгіянальнай бяспекі, то пакуль Пуцін кажа пра неабходнасць стварыць “санітарную зону” на тэрыторыі Украіны, у расійскім Белгарадзе рыхтуюцца да эвакуацыі. У сваю чаргу, лукашэнкаўскі рэжым зноў падвышае напружанасць: на мяжы з Польшчай — з дапамогай нелегальных мігрантаў, а на мяжы з Літвой — ваеннымі вучэннямі. Якімі могуць быць наступствы для Беларусі перавыбараў Пуціна? Ці прыйшоў час стварыць “санітарныя зоны” па лініі расійска-ўкраінскага супрацьстаяння і на якой тэрыторыі тыя зоны будуць? Чым можа “націснуць” Кіеў на Вашынгтон, каб той зменшыў фінансавую падтрымку беларускіх дэмсіл і СМІ? Гэтыя ды іншыя тэмы абмяркоўваем у штотыднёвым жывым эфіры Еўрарадыё з палітычным аглядальнікам, гісторыкам Аляксандрам Фрыдманам.

У жыцці практычна кожнага творчага чалавека ці калектыву ёсць даты альбо падзеі, якія потым прынята (хочацца) адзначаць. Ну, ці нейкім іншым чынам пра іх нагадваць. Найчасцей гэта нейкія значныя даты творчай дзейнасці: “30 гадоў на сцэне”, напрыклад. Але ёсць і такое, калі нешта зробленае творцам лічыцца такім адметным, што і нейкую гадавіну з дня з’яўлення гэтага твора хочацца адсвяткаваць. Так, 23 сакавіка ў Варшаве Лявон Вольскі вялікім канцэртам адзначыць 10-годдзе альбома “Грамадазнаўства”. Чым адметнае напісанне альбома “Грамадазнаўства”, чаму аўтар лічыць яго вартым асобнага ўшанавання юбілейным канцэртам? Ці маюць песні з альбома нейкія адметнасці і хто выклаў у сеціва пірацкія запісы яшчэ не выдадзеных песень? Чым яшчэ, апроч выканання “Грамадазнаўства”, парадуе прыхільнікаў Вольскі на канцэрце 23 сакавіка? На гэтыя ды іншыя пытанні ў эфіры Еўрарадыё адказвае фронтмен гурта VOLSKI Лявон Вольскі.

21 сакавіка ў эфіры Еўрарадыё — заснавальнік спартовага клуба “Волат”, трэнер, настаўнік і грамадскі актывіст Віталь Рак. Беларуская нацыя стаіць перад дылемай: вярнуць сабе сваю мову, ідэнтычнасць і нацыянальную свядомасць і адваяваць сваю Беларусь у лукашыстаў і “рускамірцаў” — альбо знікнуць як нацыя і як незалежная краіна, ператварыўшыся ва ўскраіну “расійскай імперыі 2.0”. Разумеючы гэта, мы мусім не толькі займацца пашырэннем нашых нацыянальных каштоўнасцяў сярод аднадумцаў, але і рыхтавацца да вайны за сваю Айчыну, перакананы Віталь Рак. Пра тое, як знайсці і ўзмацніць сваю беларускасць ва ўмовах эміграцыі альбо ўнутранай акупацыі, чаму нам не пазбегнуць вайны і як да яе рыхтавацца, а таксама пра тое, ці гатовы ён “перагарнуць старонку” дзеля вяртання, мы і разважаем у праграме “Ідэя Х” з Віталём Ракам.

КДБ сумесна з прапагандай узяўся актыўна піярыць і прасоўваць пашпарт Новай Беларусі. На БТ з гэтай нагоды нават спецыяльны рэкламны сюжэт выпусцілі, у якім грамадскі памочнік КДБ Ігар Тур, які чамусьці лічыць сябе “журналістам-расследавальнікам”, дзе абодва вызначэнні не адпавядаюць рэчаіснасці, з зіхоткімі ад радасці вачыма расказвае, што ў яго атрымалася замовіць для сябе такі пашпарт. І гэта пры тым, што нават людзі з Аб’яднанага пераходнага кабінета, якія гэтай тэмай займаюцца, у адрозненне ад шчаслівага Тура, такіх пашпартоў не маюць. Галоўнае, каб не высветлілася, што Ігара падманулі дзядзькі-куратары з КДБ і пашпарт, што яму выдалі, быў надрукаваны ў Мінску, у адным з кабінетаў вядомага дома на праспекце Незалежнасці… Як рухаецца справа з пашпартамі Новай Беларусі і якім чынам Тур атрымаў пашпарт, лічы, першым? Ці сапраўды распачаты збор звестак тых, хто хоча такі пашпарт атрымаць, і ў чым прычына затрымкі з вырабам дакумента? Чаму рэжым так рэагуе на дзеянні дыяспар і “Народных амбасад” за мяжой, ці ўдаецца трымаць “беларускае пытанне” на парадку дня? На гэтыя ды іншыя пытанні ў эфіры Еўрарадыё адказвае прадстаўнік па замежных справах Аб’яднанага пераходнага кабінета Валерый Кавалеўскі.

Зборы фармацэптаў і французы ля мяжы — "Раніца з Еўрарадыё" за 21 сакавіка by Euroradio

#euroradio

Гісторыя хатняга гвалту, якую распавяла журналістка Ганна Клімовіч, стала лакмусавай паперкай для беларусаў. Адны адразу ж прынялі бок жанчыны. Іншыя пачалі казаць, што нельга "без суду і следства" сячы галаву цяпер ужо былога мужа Ганны, журналіста Змітра Панкаўца. Маўляў, адказнасць за сітуацыю ляжыць на абодвух баках. Адным з тых, хто выказаўся пра неадназначнасць канфлікту, быў публіцыст Стась Карпаў. Між іншага, ён напісаў, што "праблема дзяўчынак, між іншага, у тым, што яны не ведаюць, што такое збіццё". І самога Карпава, і тых, хто яго ставіў пад яго допісамі лайкі, пачалі кансэліць. Музыка Аляксандр Памідораў, які асмеліўся падтрымаць яго, сутыкнуўся з перспектывай адмены канцэрту. У ютуб-шоў "Мне тоже не нравится", якое вядзе Яўгенія Сугак, ён быў вымушаны апраўдвацца за "дрэнныя паводзіны". У сітуацыі гвалту заўжды вінаваты гвалтаўнік. Але што з адказнасцю? Ці ляжыць яна на мужчынах, якія ніколі ў жыцці не чынілі гвалту над жанчынамі? Ці ляжыць яна на жанчынах, якія "апранаюць занадта кароткія спадніцы" і "ходзяць адны па начах"? Якая сувязь паміж жартамі над жанчынамі і гвалтам? Пераслед за лайкі — ці няма тут паралеляў з тым, як дзейнічаюць лукашэнкаўскія ўлады? Ці гэта сапраўды іншае? А што з пазіцыяй "жанчыны не сочаць за языком, бо іх у дзяцінстве мала білі"? Абмяркоўваем сітуацыю з людзьмі, якіх грамадская дыскусія вынесла на супрацьлеглыя бакі: Стасем Карпавым і Яўгенеіяй Сугак.

Лукашэнкаўскі рэжым, які тры гады як перамог усіх апанентаў, не спыняецца ў сваім жаданні помсты і прыдумляе ўсё новыя крымінальныя справы. Так, упраўленне Следчага камітэта па Брэсцкай вобласці 15 сакавіка пачало спецыяльную вытворчасць у дачыненні да 11 чалавек. У якасці фігурантаў названыя блогер Андрэй Павук, яго былая жонка Вольга Павук, оперная спявачка і актывістка Маргарыта Ляўчук, яе былы муж, актывіст і культурны менеджар Аляксандр Чахоўскі, Ілля Салянкоў, рок-музыка, фронтмен гурта Gods Tower Уладзіслаў “Lesley Knife” Наважылаў, Яўген Вільскі, Вадзім Дзмітранок, кіраўніца кампаніі “Наш дом” Вольга Карач, былы чыноўнік Анатоль Котаў і кіраўніца “Беларускага жаночага фонду” Вераніка Цапкала. Агулам на сёння спецыяльная вытворчасць распачатая ў дачыненні да 88 чалавек. Як змянілася іх жыццё пасля навіны пра тое, што яны сталі фігурантамі “спецыяльнай вытворчасці”? Ці не ўзнікла жадання явіцца ў орган, які вядзе крымінальны працэс, каб дамагчыся “справядлівасці” і пры неабходнасці пакаяцца і “панесці адпаведнае пакаранне”? Чаму рэжым ніяк не супакоіцца, якія страхі прымушаюць яго працягваць пераслед апанентаў? На гэтыя ды іншыя пытанні ў эфіры Еўрарадыё адказваюць блогер Андрэй Павук і рок-музыка, фронтмен гурта Gods Tower Уладзіслаў “Lesley Knife” Наважылаў

Пакуль Пуцін разважае пра неабходнасць стварыць “санітарную зону” на тэрыторыі Украіны, мэр расійскага Белгарада аб’явіў пра эвакуацыю з горада 9 тысяч дзяцей у рэгіёны Расіі, дзе пакуль яшчэ няма абстрэлаў. У гэты ж час у Беларусі рэзервістаў выклікаюць на зборы, ля літоўскай мяжы ставяць блокпасты, а Марзалюк пайшоў вайной супраць асабліва зацятых прыхільнікаў “рускага свету”. А Каардынацыйная рада нарэшце правяла выбары. Праўда, пакуль гэта толькі перавыбары спікера КР. Як на сітуацыю ў Беларусі і ва ўсім нашым рэгіёне ўплываюць перавыбары Пуціна і ваенная сітуацыя ва Украіне? Ці варта ўспрымаць ваенныя вучэнні ля мяжы з Літвой як праявы блізкага канфлікту з гэтай краінай? Чаму рэжым пачынае ўсё новыя “спецыяльныя вытворчасці” супраць сваіх апанентаў за мяжой і што ў асяродку тых апанентаў адбылося значнага апошнім часам? Гэтыя ды іншыя тэмы абмяркоўваем у штотыднёвым жывым эфіры Еўрарадыё з кіраўніком варшаўскага Цэнтра палітычнага аналізу і прагнозу, доктарам палітычных навук Паўлам Усавым

Тры амбасадары і безадказны дэпутат — "Раніца з Еўрарадыё" за 20 сакавіка by Euroradio

Адзіны герой і святыя мільянеры — Еўразум за 19 сакавіка | Новости Беларуси за 19 марта by Euroradio

Журналістка пра праваслаўную бізнес-імперыю ў Мінску by Euroradio

Удзел лукашэнкаўскага рэжыму ў расійскай агрэсіі ва Украіне зрабіў Беларусь у вачах усяго свету саўдзельніцай ваеннага злачынства. І гэта статус уплывае нават на тых беларусаў, якім давялося з’ехаць з Беларусі праз пераслед з боку лукашэнкаўскіх “сілавікоў”. Найбольш гэты негатыўны ўплыў адчуваецца ў Літве, дзе актыўна дзейнічаюць як лукашэнкаўскія, так і пуцінскія спецслужбы і дзе сумесная гісторыя двух нашых народаў нечакана зрабілася адной з крыніц непаразумення. У чым сапраўдная прычына ўзмацнення напружання ў адносінах да беларусаў у літоўскім грамадстве і пры чым тут “ліцвінізм”? Ці магчымае вырашэнне непаразумення палітычнымі сродкамі? Як звязаныя гісторыя і сучаснасць і ці варта краінам Балтыі, а можа, і ўсёй Еўропе рыхтавацца да супрацьстаяння расійскай агрэсіі? На гэтыя ды іншыя пытанні ў эфіры Еўрарадыё адказвае літоўскі палітолаг, прафесар кафедры філасофіі ўніверсітэта Вітаўта Вялікага Гінтаўтас Мажэйкіс (Gintautas Mažeikis)

У часы, калі значная частка дня праходзіць у дарозе, усё большую папулярнасць сярод беларусаў набываюць аўдыякнігі — каб можна было паслухаць, едучы па справах. І, безумоўна, гэта магчымасць пазнаёміць беларусаў з беларускай літаратурай, паказаць, што і ў нас ёсць творы, не горшыя за сусветна вядомыя. Дзякуючы асобным энтузіястам, якіх, варта прызнаць, з часам робіцца ўсё больш, колькасць такіх твораў у аўдыяфармаце расце. Ці сапраўды цікавасць да аўдыякніг застаецца вялікай і які ўзровень увагі спажыўцоў да твораў беларускіх аўтараў? Што новага ў audiobooks.by і як ідзе агучка “народнай” аўдыякнігі? Ці далучаюцца да праектаў па агучцы беларускія структуры замежжа? На гэтыя ды іншыя пытанні ў эфіры Еўрарадыё адказвае заснавальнік праекта audiobooks.by, супрацоўнік кампаніі Google Мікіта Белаглазаў

19 сакавіка прапаганда ўзяла ў абарот беларускую касманаўтку. Марына Васілеўская паляціць на МКС праз два дні — таму сёння яе аблізвае Лукашэнка. Зрэшты, нічога новага. Акрамя гэтага, у сённяшнім Gender Gap з Ірынай Сідорскай абмяркоўваем рэха публічных гендарных скандалаў і тое, як на іх рэагавалі беларусы. А на дэсерт раскажам, як Расія развівае гендарную роўнасць у Еўропе.

Загадкавае "веча" і 5 тысяч за суп — "Раніца з Еўрарадыё" за 19 сакавіка by Euroradio

"Ашаламляльныя" выбары і дранікі з шышак — Еўразум за 18 сакавіка | Новости Беларуси за 18 марта by Euroradio

У адказ на “несяброўскія паводзіны” беларускі рэжым пайшоў на рашучы крок і ўвёў свае “антысанкцыі” супраць Літвы — забараніў увоз у Беларусь пэўных тавараў літоўскай вытворчасці. Адначасова беларуская вытворчасць атрымлівае ўсё новыя замовы ад Расіі, якой неабходнае ўсё, што спатрэбіцца яе акупацыйным войскам для вайны ва Украіне. У самой Расіі ўкраінскія беспілотнікі працягваюць балюча біць па расійскіх НПЗ. Ці сапраўды беларускі рэжым нанёс “балючы ўдар” літоўскай эканоміцы і хто найперш пацярпіць ад лукашэнкаўскіх “антысанкцый”? Што адбываецца з беларускай эканомікай і як на яе ўплывае вайна Расіі з Украінай? Ці варта чакаць рэзкіх зменаў курса валют і ад чаго гэта залежыць? На гэтыя ды іншыя пытанні ў эфіры Еўрарадыё адказвае акадэмічны дырэктар даследчага цэнтра BEROC, доктар эканамічных навук Леў Львоўскі

У лукашэнкаўскай Беларусі працягваюць не толькі ўпарта захоўваць “традыцыі савецкай адукацыі”, але і крэатыўна развіваць ды пашыраць іх. Але ў часы, калі “найлепшыя людзі горада” ў выглядзе карнікаў, даносчыкаў і прапагандыстаў кіруюць краінай, установы адукацыі таксама мусяць насіць імя тых самых карнікаў ці даносчыкаў. Са скіраванасцю ў русафільства і выразнай антыбеларускасцю як дзяржаўнай ідэалогіяй. Ці ўплывае на адукацыю выбар асобаў, імёнамі якіх называюць навучальныя ўстановы? Што прымушае Лукашэнку ўздымаць тэму дзяржаўнай ідэалогіі і хто паверыць яго заігрыванням з “новым пакаленнем ва ўладзе”? Ці чакаць канфліктаў паміж УНС і Лукашэнкам і чаму звальняюць паслоў у краінах ЕС? Гэтыя ды іншыя тэмы ў штотыднёвым жывым эфіры Еўрарадыё абмяркоўваем з дацэнткай, кандыдаткай гістарычных навук, незалежнай эксперткай Розай Турарбекавай.

Напярэдадні Дня Волі, а дакладней, 19 сакавіка, у прыхільнікаў творчасці барда, журналіста, пісьменніка Змітра Бартосіка ёсць добрая нагода, каб сабрацца разам — аўтарскі вечар "Смяяцца, плакаць і спяваць". Каб не толькі паслухаць песні “зоркі пратэснага шансону”, але і абмеркаваць новую кнігу Змітра, трылер з шакавальнай назвай “Забіць упалмінзага”. Ці застаюцца сілы і час ва ўмовах “эмігранцкага выжывання” на творчасць і ці ёсць попыт на беларускае за мяжой? Што новага паспеў апошнім часам напісаць Бартосік як музыкант і як пісьменнік? Ці магчыма захоўваць сваю беларускасць у эміграцыі? На гэтыя ды іншыя пытанні ў эфіры Еўрарадыё адказвае публіцыст, пісьменнік, бард Зміцер Бартосік

ДЭПО пад ядзерку і ліцэй імя Фелікса — "Раніца з Еўрарадыё" за 18 сакавіка by Euroradio

Напачатку сакавіка некалькі ўдзельнікаў выйшлі з Аргкамітэту па выбарах у Каардынацыйную раду. "Мы маем справу з вельмі грубай і нахабнай палітычнай афёрай, дзе за гучнымі словамі аб дэмакратычных каштоўнасцях няма месца для палітычнага плюралізму, кампрамісу, дзе рэалізуюцца толькі карпаратывісцкія схемы i iнтарэсы", — тлумачыць прычыны гэтага прадстаўнік Нацыянальна-дэмакратычнай платформы Анатоль Фёдараў. Што менавіта не спадабалася актывістам? Пра якую палітычную афёру ідзе гаворка? Якая стратэгія ў гэтай часткі дэмакратычнага руху, і ў чым сутнасць ультыматуму для Лукашэнкі, якога яны патрабуюць ад еўрапейскіх структураў? Абмяркоўваем гэта з Анатолем Фёдаравым.

Пакуль пацукі кайфуюць, паядаючы марыхуану ў аддзяленні паліцыі Новага Арлеана, жыхары Амстэрдама стаміліся ад турыстаў, якія прыязджаюць у горад па наркотыкі і секс. Як змагацца з назапашаным стрэсам, могуць падказаць навукоўцы з Паўднёвай Карэі, якія правялі цікавае даследаванні пра ўзаемаадносіны сабак і людзей. Падрабязней пра гэтыя і іншыя сусветныя падзеі чытайце ў традыцыйнай рубрыцы Еўрарадыё "Іх норавы".

Згвалтаваная Канстытуцыя і абдалбаныя пацукі — Еўразум за 15 сакавіка|Новости Беларуси за 15 марта by Euroradio

15 сакавіка ў Беларусі — Дзень Канстытуцыі. Пакуль Лукашэнка стэндапіць пра тое, што ў цяперашняй рэдакцыі беларускага асноўнага закона закладзеныя традыцыі полацкай рады, Ціханоўская называе Канстытуцыю палітзняволенай. Пра гэта пагаворым з палітыкам і блогерам Аляксандрам Кныровічам. А таксама абмяркуем апошнія эканамічныя навіны: "Атланту" і БелАЗу спатрэбіліся новыя дырэктары, а "Буслік" далётаўся..

Беларусам знайшлося месца на новым спадарожніку, які запусцілі "Рэпарцёры без межаў". Напачатку сакавіка Svoboda Satellite пачаў адкрытае бясплатнае вяшчанне. Там можна паслухаць Еўрарадыё і пабачыць новую беларускую стрымінгавую платформу Belarus Tomorrow. Што гэта за праект, хто за ім стаіць, як ён будзе развівацца, дзе глядзець — і як далучыць сяброў і сваякоў, якія застаюцца ў Беларусі? Распавядаюць заснавальнікі Belarus Tomorrow Зміцер Новікаў і Павел Марыніч.

Царква для правільных і пужалкі Пуціна — "Раніца з Еўрарадыё" за 15 сакавіка by Euroradio

Сенатар Абельская і ЦікТок супраць ЖРЭА — Еўразум за 14 сакавіка|Новости Беларуси за 14 марта by Euroradio

Пакуль канцлер Германіі Шольц разважае пра нейкія “чырвоныя лініі” ў дачыненнях з Крамлём, якія могуць быць пяройдзеныя праз пастаўкі ракет Taurus Украіне, расійскія агенты спакойна нападаюць на апанентаў Пуціна за мяжой. Так, напад на паплечніка Навальнага ў Вільні ўжо назвалі “пуцінскім тэрорам”. Такі падарунак Пуціну напярэдадні яго перавыбараў, каб прадэманстраваць сілу Крамля за межамі Расіі. Што ў самой Расіі робяць украінскія беспілотнікі — гэта іншае, вядома. Ці сапраўды збіццё Волкава ў Вільні — гэта знак з Крамля апанентам Пуціна і наколькі шырокім можа быць такі “тэрор”? Ці гатовы Захад да вайны з Расіяй, на што разлічваюць Трамп і Орбан і чаму Шольц так не хоча расставацца з ракетамі Taurus? Што адбываецца ў дэмсілах і ці не стануць выбары ў КР прычынай чарговага расколу ў іх шэрагах? Гэтыя ды іншыя тэмы абмяркоўваем у штотыднёвым жывым эфіры Еўрарадыё з палітычным аглядальнікам, гісторыкам Аляксандрам Фрыдманам

14 сакавіка ў эфіры Еўрарадыё — дарадца Святланы Ціханоўскай па моладзевай палітыцы і студэнцтве, прадстаўніца Беларусі ў Кансультатыўнай радзе па справах моладзі Рады Еўропы, старшыня Беларускага нацыянальнага моладзевага савета “РАДА”, прадстаўніца Каардынацыйнай рады (фракцыя “Моладзевы наступ”) Маргарыта Ворыхава. Нічога страшнага няма ў тым, што мы да сёння працягваем фармуляваць, пераасэнсоўваць і разважаць пра сваю нацыянальную ідэю. Таму што, на мой погляд, нацыянальная ідэя — гэта не канчатковая мэта, а працэс. Не можа і не павінна быць так, што некалі нацыя сфармулявала сваю нацыянальную ідэю і яна застаецца нязменнай цягам вякоў. Мяняецца наваколле, мяняюцца ўмовы, кантэкст і мы ў тым ліку. І наша ідэя павінна змяняцца разам з намі, перакананая Маргарыта Ворыхава. Пра тое, як абараніцца ад уплыву і ўздзеяння ідэй “рускага міру” на розум беларускай моладзі, навошта захоўваць сваю ідэнтычнасць, жывучы за мяжой, і пра патрэбу вярнуцца ў Беларусь мы і разважаем у праграме “Ідэя Х” з Маргарытай Ворыхавай.

Наезд на бацькоў і знішчэнне аграсядзіб — "Раніца з Еўрарадыё" за 14 сакавіка by Euroradio

Спойлер для Сашы і карона для Ланы — Еўразум за 13 сакавіка|Новости Беларуси за 13 марта by Euroradio

Ужо і Фінляндыя стала паўнавартасным сябрам NATO, наблізіўшы сілы альянсу да самых межаў Расіі на поўначы і ператварыўшы Балтыйскае мора ва ўнутраны “натаўскі” басейн. У адказ з Крамля ўсё часцей гучаць пагрозы не толькі атамнага ўдару, але і непасрэднага нападу на Польшчу ці нейкую балтыйскую краіну — удзельніцу NATO. Ваяўнічую позу прымае і мінскі хаўруснік крамлёўскага агрэсара — Лукашэнка напаказ займаецца ўсеагульнай мілітарызацыяй і грамадства, і заканадаўства. Не забываючыся працягваць рэпрэсіі на фоне няспыннага “выбарчага” фарсу. Як сяброўства ў NATO змяніла настроі фінскага грамадства і ці ёсць Захаду што супрацьпаставіць распаўсюду ідэй “рускага свету”? Ці гатовы Захад да вайны з Расіяй і на што разлічваюць Трамп і Орбан са сваімі заявамі пра мір у выніку заканчэння заходняй падтрымкі Украіны? Што зменіцца ў Расіі пасля пераабрання Пуціна і ці існуе магчымасць вызвалення палітвязняў? На гэтыя ды іншыя пытанні ў эфіры Еўрарадыё адказвае дырэктар даследчых праграм Усходняга суседства і Расіі Фінскага інстытута міжнародных адносін, адзін з аўтараў кнігі "Палітыка Расіі па Беларусі пасля 2020 года" Аркадзь Мошас

На працу “медыяхолдынгу” так званай Саюзнай дзяржавы выдаткоўваецца 11 мільёнаў долараў. І хоць галоўны офіс будзе ў Маскве, а каманда прапагандыстаў яшчэ не сфармаваная, гэта сведчыць пра тое, што працэс запушчаны. Ва ўмовах, калі за падпіску на незалежныя медыя, з якіх можна атрымаць альтэрнатыўную лукашэнкаўскай ці рускамірскай прапагандзе інфармацыю, пагражае зняволенне, гэты новы зомба-холдынг уяўляе канкрэтную небяспеку. Асабліва на фоне росту прыхільнікаў ідэй “не злаваць дзеда” і “перагарнуць старонку”. Чым небяспечнае пашырэнне прапагандысцкага вяшчання на Беларусь і што мы можам супрацьпаставіць распаўсюду ідэй “рускага свету”? Якія перафарматаванні дэмсіл нам патрэбныя і ці дапаможа гэта справіцца з фантомнымі болямі 2020-га? Ці існуе магчымасць вызвалення палітвязняў і што за сілы агітуюць за “перагортванне старонкі” і заклікаюць “не злаваць дзеда”? Гэтыя ды іншыя тэмы абмяркоўваем у штотыднёвым жывым эфіры Еўрарадыё з кіраўніком варшаўскага Цэнтра палітычнага аналізу і прагнозу, доктарам палітычных навук Паўлам Усавым

Хітры суд і шматтысячны полк — "Раніца з Еўрарадыё" за 13 сакавіка by Euroradio

Небяспечны бярозавік і несправядлівы Оскар — Еўразум за 12 сакавіка|Новости Беларуси за 12 марта by Euroradio

Вучоны-хімік пра карысць і небяспеку бярозавага соку by Euroradio

У выдавецтве “Скарына” выйшла кніга дакументальнай прозы беларускай пісьменніцы Ганны Комар “Калі я выйду на волю”. Кніга апісвае дзевяць дзён, якія Ганна Комар прабыла ў зняволенні ў 2020-м. Гісторыя раскрываецца праз дзённікавыя запісы самой аўтаркі і аповеды тых, хто перажываў міліцэйскі гвалт, арышт і зняволенне ў той самы час. Прэзентацыі кнігі з удзелам аўтаркі і дызайнеркі пройдуць у Варшаве (12 сакавіка, 19:00, Free Belarus), Беластоку (14 сакавіка, 18:30, хаб “Новая зямля”) і Вільні (16 сакавіка, 16:30, Віленскі беларускі музей імя І. Луцкевіча). Чым адметная новая кніга Ганны і чаму яна з’явілася толькі цяпер? Пра каго і для каго найперш гэтая кніга і ці дапаможа яна справіцца з фантомнымі болямі 2020-га? Ці сапраўды беларусы працягваюць жыць у парадыгме 2020 года і ці не замінае гэта нашаму грамадству рухацца наперад? На гэтыя ды іншыя пытанні ў эфіры Еўрарадыё адказвае літаратарка і перакладчыца Ганна Комар

Пачаўшы з так званага “адзінага дня галасавання”, на якім працэдуру прызначэння прайшлі “дэпутаты” мясцовых саветаў і Палаты прадстаўнікоў, рэжым не суцішыўся і адразу пачаў “фармаваць” склад Усебеларускага народнага сходу. Адначасова прапаганда актыўна прасоўвае тэму “прэзідэнцкіх выбараў”. На якія Лукашэнка то “скажыце ім, што пайду”, то, апамятаўшыся — чарговы раз “я ўлады наеўся”. А вось у дэмакратычных сілах нічога, што можна было б гэтай “выбарчай кампаніі” рэжыму супрацьпаставіць, не адбываецца. Чаму лукашэнкаўцы так рана пачалі рыхтавацца да “электаральнага” 2025 года і чаго ад тых “выбараў” чакаць? Якую ролю ў структуры рэжыму будзе выконваць Усебеларускі народны сход і навошта ён Лукашэнку? Ці гатовыя дэмсілы да 2025 года, у якім стане яны цяпер і якіх зменаў патрабуюць? На гэтыя ды іншыя пытанні ў эфіры Еўрарадыё адказвае рэдактар "Беларускага Штогодніка" Вадзім Мажэйка

Вясна прынесла не толькі ўзмацненне ціску расійскіх войскаў на ўкраінскую абарону, але і складанасці з заходняй дапамогай, павялічылася напружанне ва ўкраінскім грамадстве. Але ўпартасці ў супраціве расійскім акупантам менш не стала. І ў гэтым супраціве УСУ дапамагаюць беларускія добраахвотнікі. У тым ліку і з палка імя Кастуся Каліноўскага, якому гэтымі днямі споўнілася 2 гады. Ці адчуваецца стомленасць ад вайны і як змяніліся апошнім часам настроі ўкраінскага грамадства? Як змяняецца стаўленне да беларусаў і якую ролю ў гэтым грае наяўнасць ў складзе УСУ беларускіх добраахвотнікаў? Ці вераць ва Украіне ў мірныя перамовы з Пуціным? На гэтыя ды іншыя пытанні ў эфіры Еўрарадыё адказвае ўкраінскі блогер Аляксандр "BalaganOFF" Рыкаў

Ненармаваная праца і медыяхолдынг за 11 мільёнаў — "Раніца з Еўрарадыё" за 12 сакавіка by Euroradio

Кніга пісьменніцы Евы Вежнавец (сапраўднае імя — Святлана Курс) "Па што ідзеш, воўча?" прымушае не толькі ўважліва прыглядацца да сябе, людзей побач і грамадства, у якім мы жывём, але і пастаянна ставіць перад сабой і спрабаваць знайсці адказы на пытанні пра тое, што ў сітуацыі, у якую мы ўсе трапілі, рабіць. Каб застацца чалавекам. Каб не страціць сябе ў віры жудасных выпрабаванняў. Чым адметны час, у які мы жывём, і якія галоўныя пытанні гэты час ставіць перад намі? Ці магчыма ў гэтым віры выпрабаванняў не страціць чалавечнасць? Ці ёсць у пісьменнікаў альбо “лідараў меркаванняў” адказы на выклікі часу? На гэтыя ды іншыя пытанні ў эфіры Еўрарадыё адказвае пісьменніца, публіцыстка Ева Вежнавец (Святлана Курс)

Пытанне атрымання адукацыі на беларускай мове для дзяцей вымушаных эмігрантаў уздымаецца ў дыяспарах розных краін (і ў каментарах да стрымаў Еўрарадыё) вельмі часта. І размова не пра школкі выхаднога дня, якіх ініцыятыўныя выкладчыкі і энтузіясты стварылі ўжо шмат. Гаворка пра дзяржаўныя “сярэднія” школы. Дзе б беларускіх дзяцей вучылі паводле стандартных школьных праграм, але на беларускай мове. Здаецца, у Вільні такое магчымае. Ці ёсць рэальная магчымасць адкрыць школу з беларускай мовай выкладання і што для гэтага патрэбнае? Што перашкаджае адкрыць такія школы і ці сапраўды гэта трэба беларусам Вільні? Ці магчыма паўтарыць “кейс Вільні” у Польшчы, каб і тут беларускія дзеці маглі атрымліваць адукацыю па-беларуску? На гэтыя ды іншыя пытанні ў эфіры Еўрарадыё адказвае прафесарка кафедры дзяржаўнага кіравання фларыдскага Атлантычнага ўніверсітэта (Маямі, ЗША), даследчыца эканамічнага факультэта Варшаўскага ўніверсітэта, сяброўка Рады БНР Паліна Прысмакова

Андрэй Стрыжак. Пра “вашынгтонскі абкам”, “выкуп” палітвязняў, данаты і ліцвінізм by Euroradio

Народаўладдзе без народу і даваенныя Сувалкі — Еўразум за 11 сакавіка|Новости Беларуси за 11 марта by Euroradio

Прэзідэнт Украіны Уладзімір Зяленскі ў інтэрв’ю італьянскаму тэлеканалу Rai 1 заявіў, што лічыць Беларусь “дыпламатычна акупаванай”. Выяўляецца гэтая акупацыя ў тым, што сёння не Лукашэнка, а менавіта Пуцін фактычна кіруе “і сілавым блокам на тэрыторыі Беларусі, і войскамі на тэрыторыі Беларусі”. Магчыма, гэта толькі меркаванне Зяленскага ці словы, якімі ён хацеў настрашыць італьянцаў. Але факт у тым, што расійскія сілавікі насамрэч дзейнічаюць на беларускай зямлі як у сябе дома. На фоне пагроз Крамля ў бок краін NATO, суседзяў Беларусі, гэта выглядае вельмі непрыемна. Ці ёсць падставы сцвярджаць, што лукашэнкаўскімі сілавікамі і ваеннымі сапраўды камандуе Пуцін? Што стаіць за паглыбленнем мілітарызацыі Беларусі і навошта “мілітарызуецца” заканадаўства? Ці магчымае ваеннае ўварванне з тэрыторыі Беларусі ў бок Украіны ці іншых суседніх краін і чым гэта пагражае беларусам? На гэтыя ды іншыя пытанні ў эфіры Еўрарадыё адказвае палітолаг, эксперт па нацыянальнай бяспецы Аляксандр Казак

Умяшацца ў сітуацыю з палітвязнямі Святлана Ціханоўская заклікала генеральнага сакратара ААН Антоніу Гутэрыша. Бо сітуацыя, калі ад Мікалая Статкевіча, Марыі Калеснікавай, Сяргея Ціханоўскага ды іншых палітвязняў больш за год няма ніякіх звестак, насцярожвае. Але рэжым ніякім чынам не дае падставы меркаваць, што гатовы пайсці хоць на які размовы пра палёгкі для палітвязняў. Затое ён актыўна рыхтуецца да чарговых “выбараў Лукашэнкі”, нават не хаваючы сваіх намераў. Што рэальна можа зрабіць ААН і асабіста Гутэрыш для паляпшэння сітуацыі з беларускімі палітвязнямі? Ці варта чакаць сюрпрызаў падчас “выбараў” 2025 года? Ці мае падставы Зяленскі сцвярджаць, што Беларусь фактычна акупаваная? Гэтыя ды іншыя тэмы ў штотыднёвым жывым эфіры Еўрарадыё абмяркоўваем з дацэнткай, кандыдаткай гістарычных навук, незалежнай эксперткай Розай Турарбекавай

#euroradio

Чаму Літва и Польшча хочуць забараніць імпарт прадуктаў. Эканамічныя навіны Беларусі за тыдзень. by Euroradio

Крык за Лізу і пірацкае кіно — Еўразум за 7 сакавіка|Новости Беларуси за 7 марта by Euroradio

У сталіцы ЗША Вашынгтоне беларусы правялі свой І Беларускі бізнес форум. На які сабралі не толькі прадстаўнікоў беларускага бізнеса ў ЗША і Канадзе, але і з іншых куткоў планеты. Дый не толькі бізнеса. Дый не толькі беларусаў сабралі. Бо гасцямі і спікерамі форума сталі прадстаўнікі розных фінасавых і дзяржаўных структур ЗША. Чым адметны Форум у Вашынгтоне і чаму менавіта ў ЗША вырашылі ладзіць такое мерапрыемства? Ці актыўна адгукаўся бізнес з беларускім капіталам і каранямі на прапанову паўдзельнічаць і якую ролю арганізатары адводзілі на форуме прадстаўнікам дыяспаральных супольнасцяў? Ці быў паспяховым Форум і якімі вынікамі могуць пахваліцца арганізатары? На гэтыя ды іншыя пытанні ў эфіры Еўрарадыё адказваюць віцэ-прэзідэнтка Асацыяцыі беларускага бізнесу за мяжой (АВВА) Марына Гірын і старшыня Згуртавання беларусаў Канады Алена Лявончанка

Бытавой савецкай трактоўкай "Міжнароднага жаночага дня" незадаволеныя ўсе. Жанчыны — бо ў гэты дзень стэрэатыпна "чакаюць кветак" (а што, у іншыя дні не чакаюць?). Мужчыны — бо гэта той самы дзень, калі трэба дэманстраваць пачуцці (а што, іншыя дні не тыя самыя?). Пра тое, як жанчыны ставяцца да гэтага свята і чаго чакаюць ад яго, пра павагу і роўнасць, пра падкаст "Жанчыны цяжкіх паводзін" гаворым з яго аўтаркамі Марынай Ментусавай і Анастасіяй Карасёвай.

Год таму вядомы беларускі музычны (і не толькі) журналіст Аляксандр Чарнуха вырашыў скарыць Ютуб і зарэгістраваў свой канал “Міністэрства сепультуры”. Спецыяльны ютуб-канал па-беларуску і пра беларускую музыку. Насуперак скептыкам, без якіх ніводная новая справа не пачынаецца, Аляксандр цягам года выдаў 45 праграм, займеў шмат прыхільнікаў і 1 мільён праглядаў. Чым адметная беларускамоўная прастора Ютуба і ці не абмяжоўвае аўтара выбар мовы для камунікацыі з гледачом? Што неабходна для стварэння годнага і цікавага кантэнту? Ці можна з дапамогай розных ютуб-праектаў дагрукацца да беларусаў? На гэтыя ды іншыя пытанні ў эфіры Еўрарадыё адказвае аўтар і вядоўца ютуб-канала “Міністэрства сепультуры”, музычны журналіст, пісьменнік Аляксандр Чарнуха

7 сакавіка ў эфіры Еўрарадыё — грамадска-палітычная дзяячка, адна з лідарак "Задзіночання беларускіх студэнтаў" і "Моладзевага блока" ў перыяд з 2018 да 2020 года, былая прадстаўніца Святланы Ціханоўскай па моладзевай палітыцы, экс-сяброўка асноўнага складу Каардынацыйнай рады і былая палітзняволеная Алана Гебрэмарыям. Сёння для беларусаў вельмі важна вучыцца самім прымаць рашэнні і адказваць за іх вынік. Бо толькі ў дзяржаве, пабудаванай на самакіраванні, наша сапраўды свабодная і незалежная будучыня. Але падмуркам усё адно мусіць быць наша нацыянальная ідэнтычнасць. І здольнасць бараніць сваё, перакананая Алана Гебрэмарыям. Пра тое, чаму нельга падзяляць беларусаў і трэба шукаць паразумення і з “ябацькамі”, і з “рускамірцамі”, ці важныя для моладзі нацыянальныя каштоўнасці і пра важнасць умення прымаць самастойныя рашэнні і несці за іх адказнасць мы і разважаем у праграме “Ідэя Х” з Аланай Гебрэмарыям.

#euroradio

"Не злаваць дзеда" і небяспечны коклюш — Еўразум за 6 сакавіка|Новости Беларуси за 6 марта by Euroradio

Расійская прапаганда падае вынікі апублічанага факту праслухоўвання нямецкіх ваенных як перамогу Расіі і спадзяецца, што такім чынам спыніць нават размовы пра пастаўкі нямецкіх ракет Украіне. Адначасова працягваючы разгойдваць сітуацыю ў Малдове. Партнёр Крамля, беларускі рэжым, пачаў актыўна рыхтавацца да "прэзідэнцкіх выбараў" 2025 года і "рэвалюцыі TikTok". Да чаго рыхтуюцца беларускія дэмсілы ва ўсёй сваёй разнастайнасці, пакуль незразумела. Як на бяспеку ў нашым рэгіёне ўплывае "скандал з праслухоўваннем" і падзеі ў Прыднястроўі? З якімі выклікамі рыхтуецца сустрэцца лукашэнкаўскі рэжым у 2025 годзе? Як на змены вакол нас і ўнутры беларускага грамадства рэагуюць дэмсілы? Гэтыя ды іншыя тэмы ў штотыднёвым жывым эфіры Еўрарадыё абмяркоўваем з кіраўніком варшаўскага Цэнтра палітычнага аналізу і прагнозу, доктарам палітычных навук Паўлам Усавым

На ўкраінска-польскай мяжы працягваецца блакада, якую ладзяць польскія фермеры. Не прапускаюцца грузавыя фуры ні з боку Украіны, ні з боку Польшчы. Такім чынам польскія фермеры нібыта бароняць свае інтарэсы. А вось на польска-беларускай мяжы, праз якую ў тую ж Польшчу ідзе сельгаспрадукцыя з, найперш, Расіі, блакады чамусьці не відаць. Затое краіны Балтыі ўводзяць забарону на пастаўкі сельгаспрадукцыі з Расіі і Беларусі. Што насамрэч стала нагодай для блакады фермерамі мяжы і якую ролю грае ў гэтым усім пазіцыя Кіева? Што стаіць за рашэннем краін Балтыі забараніць пастаўкі сельгаспрадукцыі з Расіі і Беларусі? Ці атрымаецца ў лукашэнкаўскага рэжыму знайсці новыя маршруты для сваёй кантрабанды на Захад? На гэтыя ды іншыя пытанні ў эфіры Еўрарадыё адказвае эканаміст Яраслаў Раманчук

Незадаволены Галоўчанка і Лукашэнка ў Саюзе жанчын — "Раніца з Еўрарадыё" за 6 сакавіка by Euroradio

"Сама вінаватая" і лаванда замест братак — Еўразум за 5 сакавіка|Новости Беларуси за 5 марта by Euroradio

Святкаваць 106-ю гадавіну абвяшчэння Беларускай Народнай Рэспублікі будуць беларусы па ўсім свеце. Мерапрыемствы будуць розныя па фармаце і маштабам. Сёння мы хацелі б звярнуць увагу на дзве кампаніі, што ладзяць святкаванне БНР-106. Першая — святкаванне ў Варшаве з мітынгам, шэсцем і канцэртам беларускіх музыкаў у Варшаве. Другая, гэта "Каманда БНР100", якая арганізоўвае маштабную трансляцыю для беларусаў і беларусак у Беларусі. Чым адметнае сёлетняе святкаванне ўгодкаў БНР і як абіраўся фармат мерапрыемства? Што неабходнае для годнага правядзення імпрэзаў і ці лёгка было атрымаць згоды на ўдзел? Ці можа Дзень Волі стаць днём, які аб’яднае беларусаў? На гэтыя ды іншыя пытанні ў эфіры Еўрарадыё адказвае прадстаўніца Аб’яднанага пераходнага кабінета па нацыянальным адраджэнні Аліна Коўшык

Скандал з праслухоўваннем расійскімі спецслужбамі перамоваў нямецкіх вайскоўцаў пакідае шмат пытанняў, ад пытання бяспекі ў Еўропе, у якую пад выглядам уцекачоў з Расіі былі засланыя агенты розных расійскіх спецслужбаў, да пытання паставак Украіне далекабойных ракет Taurus і палітычнай будучыні канцлера Шольца. Да ўсяго, напальваюць атмасферу як заява прэзідэнта Францыі Макрона пра магчымую адпраўку салдат NATO ва Украіну, так і спробы Крамля “разварушыць” Малдову. А лукашэнкаўскія “сілавічкі” пачалі рыхтавацца да "рэвалюцыі TikTok"… Чым можа скончыцца скандал з праслухоўваннем і на якія рашэнні найхутчэй пойдзе Шольц што да паставак ракет Taurus? Што стаіць за заявамі Макрона і спробамі кіраўніцтва Балгарыі сесці на два крэслы “беларускіх адносінаў”? Пра што сведчыць заява Кубракова наконт пачатку падрыхтоўкі да выбараў 2025 года і што не так з турыстамі з Ізраіля? Гэтыя ды іншыя тэмы абмяркоўваем у штотыднёвым жывым эфіры Еўрарадыё з палітычным аглядальнікам, гісторыкам Аляксандрам Фрыдманам

Рэжым пачаў рыхтавацца да электаральнай спецаперацыі пад кодавай назвай “Выбары Лукашэнкі — 2025”. І гэта не абмяжоўваецца заявай самога кандыдата — кіраўніцтва лукашэнкаўскіх карных структур папярэджвае, што яны пачалі рыхтавацца таксама. У лагеры дэмсіл таксама гаворка пра 2025 год ідзе, але пакуль ніякіх канкрэтных планаў не агучваецца. Затое шмат развагаў на тэму таго, што дэмсілы ў сённяшніх умовах зрабіць не здольныя. Ці пра тое, што ім лепш не рабіць. Ці варта ўжо сёння дэмсілам рыхтавацца да кампаніі 2025 года і якія варыянты дзеянняў існуюць? Што могуць прапанаваць беларусам лідары дэмсіл — як тым, хто знаходзіцца ў эміграцыі, так і тым, хто застаецца ў Беларусі? Ці можа спрацаваць пазіцыя “не злаваць дзеда” і ці рэальна дамагчыся вызвалення палітвязняў? На гэтыя ды іншыя пытанні ў эфіры Еўрарадыё адказвае палітычны аглядальнік Радыё “Свабода” Юрый Дракахруст

Пасля трагічнай гібелі беларускі Лізы ў сацсетках узнялася хваля постаў пад тэгам #ХопіцьГвалціць. Жанчыны (і зрэдку мужчыны) апісваюць сітуацыі гвалту, у якія траплялі. А далей... рэакцыя мужчын на гэты флэшмоб паказала, што жанчыны баяцца іх нездарма. І неяк складана не абагульняць і не пачаць баяцца ўсіх мужчын наогул, калі чытаеш у каментарах усе гэтыя "сама вінаватая" і "пьяная гайка резьбе не хозяйка"... Абмяркоўваем гэта ўсё ў праграме Gender Gap з Ірынай Сідорскай. Таксама абмяркуем чарговы зварот Лукашэнкі да беларускіх жанчын з нагоды 8 сакавіка. Чаго ён ізноў хоча ад жанчын?

Загаловак для Раніцы: Барацьба з ЦікТокам і сачэнне за БДУ — "Раніца з Еўрарадыё" за 5 сакавіка by Euroradio

Камісія па лаяльнасці і шкодная форма — Еўразум за 4 сакавіка|Новости Беларуси за 4 марта by Euroradio

Амаль паўтара месяца вандраваў па ЗША вядомы практычна кожнаму беларусу Маляваныч — актор, вядоўца і дэкламатар Аляксандр Ждановіч. Не адно пакаленне беларусаў вырасла на “Калыханцы”, на гісторыях і аповедах Маляваныча. Гэтыя дзеці выраслі і раз'ехаліся па свеце. Хто па ўласным жаданні выправіўся ў вандроўку за акіян, кагосьці да гэтага прымусілі абставіны і рэпрэсіі. І там, за акіянам, у іх цяпер ёсць свае дзеці. І цяпер Маляваныч выправіўся са сваімі казкамі да іх – да дзяцей і дарослых. Маючы казкі адпаведныя для ўсіх. Чым адметныя выступы ў ЗША і што было самым нечаканым для Маляваныча? З якімі складанасцямі сутыкнуліся арганізатары тура і ці ёсць ў беларусаў ЗША патрэба ў такіх сустрэчах? Як дзецям, народжаным далёка ад Беларусі, знайсці сваю Беларусь? На гэтыя ды іншыя пытанні ў эфіры Еўрарадыё адказваюць актор і вядоўца Аляксандр "Маляваныч" Ждановіч і каардынатарка тура "Маляваныч адкрывае Амерыку”, першая прэзідэнтка Асацыяцыі беларусаў у Амерыцы Надзея Нортан.

Лукашэнкаўская прапаганда (медыйная ці экспертная — розніца практычна не бачная) вельмі любіць дадаваць пафас і ўзнёсласць у тэксты, дзе прысутнічае Лукашэнка. Калі ён нешта прамаўляе падчас наведвання “ўчастка № 1”, то абавязкова гэта будзе “важная заява”, нават калі гэта тычыцца ўдзелу Лукашэнкі ў кампаніі па перапрызначэнні Лукашэнкі 2025 года. Калі тэлефонная справаздача Пуціну, то гэта як найменш — “фундаментальная размова”. Ну, а яшчэ можна стаць у позу і “на чыстым Глазе” заявіць, што “ў гульню “ўмяшання ў выбары” можна гуляць і ўдвох”. Не, умешвацца ў працэсы прызначэння выкладчыкаў у ВНУ рэжым здольны, а вось як лукашысты з МЗС РБ будуць умешвацца ў выбары ў ЗША ці ў ЕС, паглядзець будзе цікава. Якія “фундаментальныя тэмы”, а дакладней задачы для Лукашэнкі, могуць абмяркоўвацца ў размове двух дыктатараў? Ці зможа Мінск адмовіцца ад удзелу ў расійскім нападзе на краіны ЕС? Як умяшанне карнікаў ды ідэолагаў уплывае на ўсю сістэму вышэйшай адукацыі? Гэтыя ды іншыя тэмы ў штотыднёвым жывым эфіры Еўрарадыё абмяркоўваем з дацэнткай, кандыдаткай гістарычных навук, незалежнай эксперткай Розай Турарбекавай

Зварот Пуціна і адмена “Гісторыі Беларусі” — "Раніца з Еўрарадыё" за 4 сакавіка by Euroradio

#eororadio

У Еўропе ўсё часцей гучаць змрочныя прагнозы пра фактычна непазбежнасць супрацьстаяння (не хочацца казаць пра вайну) з Расіяй. І што трэба быць гатовымі адбіваць агрэсію расійскіх акупацыйных войск супраць краін-сябраў NATO без дапамогі ЗША. Дзе, імаверна, на прэзідэнцкіх выбарах пераможа Дональд Трамп. Дарэчы, адным з галоўных плацдармаў, якім скарыстаюцца для сваёй агрэсіі расіяне, эксперты і вайскоўцы называюць Беларусь. Якія пагрозы нясе бяспецы Еўропы прыход да ўлады Трампа і ці гатовыя краіны ЕС супрацьстаяць агрэсіі сваімі сіламі? Ці зможа Мінск адмовіцца ад удзелу ў расійскім нападзе на краіны ЕС? Навошта Лукашэнка грае ў “выбары” і што гэта гульня дае рэжыму? На гэтыя ды іншыя пытанні ў эфіры Еўрарадыё адказвае палітычны аглядальнік Віталь Цыганкоў

Галоўная падзея 1 сакавіка 2024 года адбываецца ў Маскве, дзе развітваюцца з апазіцыйным палітыкам Аляксеем Навальным. Уважліва сочым за тым, што там адбываецца, і каментуем з палітыкам і блогерам Аляксандрам Кныровічам.

Што ня так з беларускай атамнай станцыяй. Эканамічныя навіны Беларусі за тыдзень by Euroradio

Дэпутатка Мінгарсавета Вольга Цесакова нарэшце можа дадаць да гэтага свайго статуса пазнаку "экс". Бо нягледзячы на тое, што ўжо некалькі гадоў, як яна вымушана з’ехала з Беларусі і з таго часу не прысутнічала (нават віртуальна) ні на адным пасяджэнні сталічных дэпутатаў, гэта не стала нагодай для пазбаўлення "народнай абраніцы" дэпутацкага мандата. Але нават кароткі час знаходжання ў складзе дэпутацага корпуса далі Вользе шмат карысных навыкаў. Да прыкладу, уменне прадказваць новы склад Мінгарсавета ці, знаходзячыся ў Польшчы, трапляць на асабісты прыём да "дэпутата" Палаты прадстаўнікоў. Чым цікаввы новы склад дэпутацкага корпуса Мінгарсавета і па якім прынцыпе "станавіліся" дэпутатамі? Што змянілася для Цесаковай са з’яўленнем яе прозвішча ў спісе "экстрэмістаў"? Як можна патрапіць на асабісты прыём "дэпутата ПП", не выязджаючы з Польшчы і пра той прыём нічога не ведаючы? На гэтыя ды іншыя пытанні ў эфіры Еўрарадыё адказвае магістарка эканомікі і кіравання, дэпутатка Мінгарсавета, заснавальніца ініцыятывы "Гэта наш горад", экспертка-кансультантка па мясцовым кіраванні і самакіраванні Вольга Цесакова.

Літва закрыла яшчэ два пункты пропуску на мяжы з Беларуссю — “Райгардас” і “Лаварышкі”. А тысячы беларусаў, якія атрымалі від на жыхарства ў Літве, пройдуць дадатковую праверку адпаведных службаў. Але гэта толькі вяршыня айсберга складанасцяў, якія апошнім часам пачаліся ў літоўска-беларускіх адносінах. І гаворка цяпер нават не пра нейкі напалову міфічны “ліцвінізм”, якога напалохаліся літоўцы. Паведамленні з пагрозамі, якія атрымліваюць грамадзяне Літвы нібыта ад беларусаў, званкі беларусам нібыта з Дэпартаменты міграцыі з пагрозамі аб дэпартацыі… Такое адчуванне, што не абышлося без нейкага трэцяга боку. Ці сапраўды літоўскае грамадства адчувае пагрозу з боку беларусаў, якія абралі Літву другім домам, і пры чым тут КДБ з ФСБ? Ці існуе падзел беларусаў на лукашыстаў і праціўнікаў рэжыму ў разуменні як літоўскіх палітыкаў ды экспертаў, так і шараговых грамадзян? Як пазбегнуць эскалацыі напружанасці і ці можна проста не заўважаць асобных радыкалаў з іх антыбеларускімі выказваннямі? На гэтыя ды іншыя пытанні ў эфіры Еўрарадыё адказвае выкладчык Інстытута міжнародных адносін і палітычных навук Віленскага ўніверсітэта, прадстаўнік Freedom House ў Літве, палітолаг Віціс Юрконіс

Рэзервовыя дзеці і турма як хостэл — "Раніца з Еўрарадыё" за 1 сакавіка by Euroradio

ДР 29-га лютага і Пуцін хоча Малдову — Еўразум за 29 лютага|Новости Беларуси за 29 февраля by Euroradio

Дарадца Святланы Ціханоўскай па моладзевай палітыцы і студэнцтве Маргарыта Ворыхава стала прадстаўніцай Беларусі ў Кансультатыўнай радзе па справах моладзі Рады Еўропы. Такое рашэнне было прынятае 19 лютага падчас Еўрапейскага моладзевага форума, што праходзіў у Страсбургу. І гэта першы выпадак, калі грамадзянін Беларусі атрымаў прадстаўніцтва ў гэтай структуры Рады Еўропы, якая складаецца з 30 прадстаўнікоў моладзевых і недзяржаўных арганізацый. Якія першасныя задачы, датычныя моладзі, стаяць перад Маргарытай Ворыхавай і ці мае яна рэсурс і магчымасці для іх вырашэння? Што адбываецца з беларускай адукацыяй і як моладзі пазбезнуць ідэалагічнага замбавання? Якія праблемы і выклікі стаяць перад моладдзю ва ўмовах эміграцыі і ці застаецца моладзь у "беларускай павестцы"? На гэтыя ды іншыя пытанні ў эфіры Еўрарадыё адказвае дарадца Святланы Ціханоўскай па моладзевай палітыцы і студэнцтву, прадстаўніца Беларусі ў Кансультатыўнай радзе па справах моладзі Рады Еўропы, старшыня Беларускага нацыянальнага моладзевага савету "RАDА" Маргарыта Ворыхава

29 лютага ў эфіры Еўрарадыё — блогерка і былая палітзняволеная Вольга Такарчук. Неабходна, каб усё больш беларусаў прачыналася, каб яны згадвалі, хто яны насамрэч, каб людзі цікавіліся сапраўднай гісторыяй сваёй краіны, вывучалі беларускую мову і — марылі пра незалежную Беларусь. І некалі гэтыя нашы мары абавязкова спраўдзяцца, перакананая Вольга Такарчук. Пра тое, чаму вяртанне сабе беларускай мовы такое важнае для беларускага народа, ці магчыма забіць у чалавеку жаданне свабоды, і пра тое, як аб’яднаць падзеленае грамадства, мы і разважаем у праграме “Ідэя Х” з Вольгай Такарчук.

Ютуб-блогер Валер Руселік стаў пераможцам у катэгорыі "Мастацкае відэа" дэкламатарскага спаборніцтва да Дня роднай мовы, арганізаванага фундацыяй "Tutaka". Навіна, безумоўна, прыемная. Асабліва для пераможцы. Але больш цікавым стала тое, колькі беларускамоўных ютуб-блогераў і ютуб-каналаў на самыя розныя тэмы і для самай рознай аўдыторыі з’явілася цягам апошніх некалькіх гадоў. Адныя маюць мільёны праглядаў, іншыя такім пахваліцца не могуць, але ўсе яны працуюць на адну мэту: стварэнне беларускамоўнай ютуб-прасторы. Ці спрыяе беларуская мова развіццю беларускага блогерства, ці стрымлівае яго? Што варта рабіць, каб перацягнуць беларусаў з расійскага сегмента ютуба ў айчынны, чаго для гэтага не хапае? Ці павялічваецца непаразуменне паміж блогерамі, якія ствараюць кантэнт за мяжой, і тымі, хто працуе ў Беларусі? На гэтыя ды іншыя пытанні ў эфіры Еўрарадыё адказвае ютуб-блогер, аўтар праекта "daroha" і сувядоўца праекта "Хрусь і папалам" Валер Руселік

У ваенкамат па смс і "таксічны сумнеў" прапаганды — "Раніца з Еўрарадыё" за 29 лютага by Euroradio

#euroradio

Разам з іншымі актывістамі і актывісткамі студэнцкага руху Алана Гебрэмарыям была затрыманая па "справе студэнтаў" у лістападзе 2020 года і ў ліпені 2021 года атрымала ў якасці "пакарання" 2,5 года зняволення. На волю з гомельскай калоніі №4 Алана выйшла 30 лістапада 2022 года, а летам 2023 года, пасля спробы вярбоўкі ў "агенты КДБ", з’ехала з Беларусі. Ці па-ранейшаму верыць у змены і чым займаецца сёння? Што было самым складаным падчас зняволення і як змянялася стаўленне адміністрацыі і іншых зняволеных да яе і іншых палітычных? Ці магчыма "перагарнуць старонку", ці гатовы рэжым вызваліць палітвязняў і як вярбуе КДБ? На гэтыя ды іншыя пытанні ў эфіры Еўрарадыё адказвае грамадска-палітычная дзеячка, адна з лідарак "Задзіночання беларускіх студэнтаў" і "Моладзевага блока" ў перыяд з 2018 па 2020 гады, былая прадстаўніца Святланы Ціханоўскай па моладзевай палітыцы і экс-сяброўка асноўнага складу Каардынацыйнай рады Алана Гебрэмарыям

Анонс на электаральны 2025 год ад Лукашэнкі дэмсілы (ці каму ён гэты свой пасыл найперш накіроўваў?) атрымалі, і нічога новага там няма: Лукашэнка плануе на тых “выбарах” балатавацца. Што праўда, у гэтым выпадку ў двукоссе варта было б браць не толькі слова “выбары”, але і слова “балатавацца”. Бо ні адно, ні другое ўжо даўно не пасуе для апісання таго, што перыядычна ладзіць рэжым. Але як бы там ні было, і дэмсілы, і Захад, і беларускае грамадства, і рэптылоіды з марсіянамі папярэджанне Лукашэнкі атрымалі. Ці змяняе нешта заява Лукашэнкі наконт 2025 года ў палітычным раскладзе як у самой Беларусі, так і вакол яе? Што варта рабіць у гэтай сітуацыі беларускаму грамадству і як на любыя планы ўплывае сітуацыя ва Украіне? Ці павялічваецца небяспека ўцягвання Беларусі ў баявыя дзеянні ва Украіне на баку расійскіх акупантаў і пагроза страты незалежнасці? Гэтыя ды іншыя тэмы абмяркоўваем у штотыднёвым жывым эфіры Еўрарадыё з кіраўніком варшаўскага Цэнтра палітычнага аналізу і прагнозу, доктарам палітычных навук Паўлам Усавым

Логіка рэпрэсій і цюльпанавы магнат — "Раніца з Еўрарадыё" за 28 лютага by Euroradio

#euroradio

Пэўны час таму расійскі пасол Барыс Грызлоў заявіў, што ў Расіі і Беларусі ўжо сёлета будуць "адзіныя падручнікі гісторыі" для школ і ВНУ. Здавалася б, сказаў сабе і сказаў, калі яно будзе і ці будзе ўвогуле, яшчэ пытанне. Але калі верыць рэктару Магілёўскага ўніверсітэта Дзянісу Дуку, гэты падручнік ужо выкарыстоўваецца ў беларускіх школах! Што праўда, Еўрарадыё яго так і не знайшло. Нават у Міністэрстве адукацыі журналісту Еўрарадыё, які патэлефанаваў пад выглядам школьнага настаўніка, паведамілі, што пра такі падручнік не чулі. Але не выключана, што такі падручнік усё ж з’явіцца. Гледзячы на тое, якую пільную ўвагу рэжым пачаў звяртаць на "выхаванне" маладога пакалення і яго ідэалагічную апрацоўку. Якія пагрозы нясе аб’яднанне гісторыі Беларусі і Расіі і як уратаваць нашу гісторыю ад гвалту? Навошта Лукашэнка іграе ў "выбары" і што гэтая гульня дае рэжыму? Ці ёсць падабенства пабудаванага ў Беларусі рэжыма з лацінаамерыкансткімі дыктатурамі, якімі і чаму вучыць вопыт тых дыктатур? На гэтыя ды іншыя пытанні ў эфіры Еўрарадыё адказвае кандыдат гістарычных навук, маяніст Яўген Красулін

Напярэдадні так званага "адзінага дня галасавання" чалавек, які лічыцца старшынёй "Цэнтрвыбаркама" сказаў крылатую фразу наконт таго, ці павінныя выбары быць цікавай падзеяй. Паводле Карпенкі, каму патрэбныя нейкія цікавосткі і шоў, то трэба ісці ў цырк, а не на "выбары" ў Беларусі. Тым не менш, годнай заменай цырку ў "адзіны дзень галасавання" стаў выбарчы ўчастак, на які прывезлі Лукашэнку. І хоць праўладныя аналітыкі пафасна напісалі пра "важныя заявы", зробленыя выступоўцам, але насамрэч нечага прынцыпова новага і нечаканага не прагучала. Ці сапраўды ўсяго "толькі 87%" грамадзян Беларусі падрымліваюць рэжым і Лукашэнку асабіста? Чым кіруецца Лукашэнка, прымаючы "нечаканае" рашэнне ўдзельнічаць у выбарах 2025 года і што насамрэч не дае яму стаць "здраднікам" і пайсці на пенсію? Ці ёсць нешта за словамі пра гатоўнасць Пуціна да перамоў з Украінай, апроч жадання Лукашэнкі хайпануць на тэме? Гэтыя ды іншыя тэмы абмяркоўваем у штотыднёвым жывым эфіры Еўрарадыё з палітычным аглядальнікам, гісторыкам Аляксандрам Фрыдманам

Вячорка ў парламенце і шматдзетныя ў ЕС — "Раніца з Еўрарадыё" за 27 лютага by Euroradio

#euroradio

На другую гадавіну паўнамаштабнага ўварвання Расіі ва Украіну, у Кіеў прыехала шмат палітыкаў першай велічыні з розных краін свету. Ад дэмакратычнай супольнасці Беларусі на сустрэчы былі прадстаўнікі Палка Каліноўскага і Офіса Ціханоўскай. Паводле інфармацыі, два дні ў Кіеве для беларускай “дэлегацыі” былі вельмі насычанымі. Чым была адметная паездка ў Кіеў і якія сустрэчы былі найбольш важнымі і выніковымі? Чаму найвышэйшы ўзровень сустрэч для прадстаўнікоў беларускіх дэмсіл — дарадцы таго ці іншага ўзроўню і ці варта хваліцца сустрэчамі з Падалякам? Навошта было гуляцца ў віртуальнага кандыдата на лукашэнкаўскіх выбарах і што прынясе Ціханоўскай год 2025? На гэтыя ды іншыя пытанні ў эфіры Еўрарадыё адказваюць першы дарадца Святланы Ціханоўскай Франак Вячорка і дарадца ў пытаннях канстытуцыйнай рэформы і парламенцкай супрацы Анатоль Лябедзька.

З Ерэвана напрыканцы мінулага тыдня прыйшла навіна, што Арменія "замарозіла" свой удзел у АДКБ. Па словах прэм’ер-міністра Арменіі Пашыняна, дамова ў дачыненні да іх краіны не выконваецца, а ў гэты час "Азербайджан плануе захоп новых армянскіх тэрыторый". Да ўсяго, з боку Масквы нібыта няспынна гучаць заклікі да "армянскага народа скінуць ўладу". Ці стала такое рашэнне ўладаў Арменіі нечаканым і чаму адразу не заявіць пра выхад з АДКБ? Чым небяспечнае гэта рашэнне Ерэвана і якой помсты можна чакаць ад Масквы? Што азначае рашэнне Арменіі для іншых краін-сябраў АДКБ і ці пойдзе на такі ж крок нехта яшчэ? На гэтыя ды іншыя пытанні ў эфіры Еўрарадыё адказвае эксперт армянскага Інстытута міжнародных адносін і бяспекі Рубэн Меграбян

Напярэдадні так званага "адзінага дня галасавання" ініцыятыва "Сумленныя людзі" апублікавала свой спіс будучых "пераможцаў" і будучых "дэпутатаў", заявіўшы, што іх прадказанне праўдзівае як мінімум на 93%. Ці адпавядае прадказанне "на 93%" ад "Сумленных людзей" выніковым спісам з прызначанымі "дэпутатамі"? Чым кіраваліся "Сумленныя людзі", складаючы свае спісы, і ці варта наогул звяртаць увагу на тое, хто і куды быў прызначаны? На што скіраваныя дзеянні "Сумленных людзей" і што не тое з інтэрв’ю Алены Жываглод прапагандыстам? На гэтыя ды іншыя пытанні ў эфіры Еўрарадыё адказвае былая віцэ-спікерка Каардынацыйнай рады, лідарка грамадскай суполкі "Сумленныя людзі" Алена Жываглод

Пакуль у Беларусі пад звышпільным наглядам сілавікоў і спецслужб чакана трыумфальна праводзіўся "адзіны дзень галасавання" за прызначаных дэпутатаў, у Вільні прайшла чарговая сесія Стратэгічнага дыялогу "ЗША — Беларусь", які пачаўся 6–8 снежня 2023 года ў Вашынгтоне. Адначасова з "датэрміновым галасаваннем" на лукашэнкаўскіх выбарах, амбасадар па асобых даручэннях па Беларусі Ігар Кізім зладзіў сустрэчы практычна з усімі асноўнымі акторамі беларускіх дэмсіл. А з Ерэвана прыйшла навіна, што Арменія "замарозіла" свой удзел у АДКБ. Ці атрымалася ў рэжыму аднавіць сваю легітымнасць праз дзейства пад назвай "адзіны дзень галасавання" і чым адметная была гэтая электаральная кампанія? Чым адметная віленская сесія Стратэгічнага дыялогу "ЗША — Беларусь" і да чаго атрымалася дамовіцца? Што азначае рашэнне Арменіі для іншых краін-сябраў АДКБ? Гэтыя ды іншыя тэмы абмяркоўваем у штотыднёвым жывым эфіры Еўрарадыё з дацэнткай, кандыдаткай гістарычных навук, незалежнай эксперткай Розай Турарбекавай

Ідэйны пракурор і ўраўнілаўка ў медыцыне — "Раніца з Еўрарадыё" за 26 лютага by Euroradio

Дзень дзякуёў і бяспраўны прынц — Еўразум за 23 лютага | Новости Беларуси за 23 февраля by Euroradio

ЗША ўпершыню за паўстагоддзя вярнуліся на Месяц. Пра гэта і не толькі ў нашым традыцыйным аглядзе міжнародных навін.

Беларускае кібервойска працягвае радаваць сваімі перамогамі і стратамі, нанесенымі праціўніку. Кірункі, па якіх наносілі свае ўлады “Кіберпартызаны”, самыя розныя: звесткі кіроўцаў, якія дастаўлялі расійскія “Арланы”, дадзеныя праслухоўвання тэлефонаў чыноўнікаў і медыкаў падчас першай хвалі Covid-19, парады, як абараніць свае звесткі ад новых тэлефонных махляроў, за якімі хаваецца “таварыш маёр”, і гэтак далей. Да ўсяго, пытанне выбараў у Каардынацыйную раду не застаецца без увагі прадстаўнікоў “кібераў” і “каліноўцаў”. Ці атрымалася адстаяць пазіцыю “Кіберпартызан” і палка Каліноўскага адносна сістэмы выбараў у Каардынацыйную раду? Чым адметныя праведзеныя апошнім часам аперацыі “кібераў”? На гэтыя ды іншыя пытанні ў эфіры Еўрарадыё адказвае магістрантка паліталогіі, афіцыйная прадстаўніца “Кіберпартызан” і палка імя Кастуся Каліноўскага Юльяна Шаметавец

23 лютага Лукашэнка і ўсё яго пост-савецкае асяроддзе святкуе "Дзень абаронцаў айчыны". І апошнім часам важнасць гэтага свята істотна ўзрасла. Бо 23 лютага — гэта для аўтакрата магчымасць сказаць сваім верным сілавічкам "Дзякуй за службу" роўна тады, калі яны гэтага чакаюць. А што можа быць больш прыемнага, чым атрымаць падзяку, на якую разлічваеш? Абмяркуем гэта ў стрыме з блогерам і палітыкам Аляксандрам Кныровічам. А яшчэ, натуральна, пагаворым пра выбары: датэрміновае галасаванне ў Беларусі і выбары ў Каардынацыйную раду.

Паводле Лукашэнкі, з тэрыторыі Украіны праз беларуска-ўкраінскую мяжу праз дзень шпацыруюць дыверсійныя групы. Адны ідуць далей — на неабсяжныя прасторы варожай Расіі, іншыя застаюцца на тэрыторыі “сінявокай”, каб тут рабіць сваю чорную дыверсійную справу. Адначасова ля межаў нашай мірнай краіны стаілася ці то 112, ці то 114 тысяч узброеных да зубоў байцоў УСУ, а самалёты NATO няспынна шукаюць хаця б невялічкую шчылінку ў нябеснай брані, каб “несанкцыянавана” заляцець у наш край. Карацей, вялікая вайна стукае ў дзверы мірных беларусаў, якія “з братняю Руссю” міралюбна рыхтуюцца да сумесных вучэнняў 2025 года. Дзеля якіх мэтаў УСУ сабрала ля беларускай мяжы такую колькасць салдат і што ўкраінскія ДРГ робяць у нашай краіне, навошта Кіеў так правакуе Лукашэнку? Чым небяспечныя чарговыя маштабныя беларуска-расійскія вучэнні 2025 года? Ці засталіся ў Захаду варыянты ціску на рэжымы ў Мінску і Маскве і як сітуацыю на фронце змянілі б ракеты Taurus? На гэтыя ды іншыя пытанні ў эфіры Еўрарадыё адказвае намеснік дырэктара ўкраінскага Цэнтра даследавання войска, канверсіі і раззбраення Міхаіл Самусь

Чаму ў Беларусі кошты растуць хутчэй чым у Польшчы. Эканамічныя навіны Беларусі за тыдзень by Euroradio

Сукін сын Пуцін і раннія кляшчы — "Раніца з Еўрарадыё" за 23 лютага by Euroradio

Выбары без чэргаў і пацыфіст-Лукашэнка — Еўразум за 22 лютага | Новости Беларуси за 22 февраля by Euroradio

Прадстаўнік МЗС Украіны, амбасадар па асаблівых даручэннях па Беларусі Ігар Кізім выправіўся ў падарожжа для сустрэч і перамоў з прадстаўнікамі і лідарамі беларускіх дэмсіл. Знаёмства, пачатае ў Кіеве сустрэчамі з камандаваннем палка імя Кастуся Каліноўскага і прадстаўніком Аб’яднанага пераходнага кабінета ва Украіне Генадзем Манько, працягнулася ў Варшаве. Пасля чаго Ігар Кізім едзе ў Вільню. Чым была цікавая сустрэча прадстаўнікоў Каардынацыйнай рады з украінскім дыпламатам і якія вынікі гэтай сустрэчы? Якія задачы вырашае сёння міжнародная камісія КР і што зробленае за год працы? Як вярнуць давер грамадства да КР і чаго чакаць ад выбараў? На гэтыя ды іншыя пытанні ў эфіры Еўрарадыё адказвае старшыня Міжнароднай камісіі Каардынацыйнай рады, кіраўніца Free Belarus Center Паліна Бродзік

22 лютага ў эфіры Еўрарадыё — старшыня Беларускага незалежнага прафсаюза, выканаўца абавязкаў старшыні Беларускага кангрэса незалежных прафсаюзаў (БКНП) Максім Пазнякоў. Не трэба думаць, што працоўнага чалавека нічога, апроч "чаркі ды шкваркі", не цікавіць. Насамрэч, і пытанні незалежнасці краіны, і сумленных выбараў, і палітычная сітуацыя ў краіне, і нават пытанне беларускай мовы ім важныя, і ўсё гэта яны часцяком абмяркоўвалі ў "курылках". Праўда, цяпер нават у "курылках" і сярод сваіх размаўляць на такія тэмы стала небяспечна, але тое, што людзі маўчаць, не азначае, што ім ўсё пералічанае стала абыякава, перакананы Максім Пазнякоў. Пра тое, чаму імкнучыся да сацыяльнай справядлівасці нельга забывацца пра нацыянальныя каштоўнасці, пра незалежнасць, беларускую мову, гісторыю і культуру і іх значэнне для працоўнага чалавека, мы і разважаем у праграме “Ідэя Х” з Максімам Пазняковым.

Паводле інфармацыі Цэнтрвыбаркама, такой актыўнасці на выбарах беларусы не выказвалі ніколі. Нават 2020 год з яго прэзідэнцкай выбарчай кампаніяй — нішто ў параўнанні з "адзіным днём наведвання буфетаў", арганізаваным сёлета. А як можа быць інакш, калі нарэшце сілавікі пад кіраўніцтвам галоўнага барацьбіта з вітрынамі і прыхільніка "Вагнера" здолелі забяспечыць парадак на выбарчых участках! А ўсе дыверсанты былі паспяхова пералоўленыя ў палескіх балотах непахіснымі кадэбістамі. Ці ёсць прыкметы таго, што словы Лукашэнкі пра падрыхтоўку заходнікі спецслужбамі правакацый у Польшчы адпавядаюць рэчаіснасці? Чаму для рэжыму сёлетняя электаральная кампанія стала сапраўднай чэкісцка-ваеннай спецаперацыяй? Ці засталіся ў Захада варыянты ціску на рэжымы ў Мінску і Маскве? Гэтыя ды іншыя тэмы абмяркоўваем у штотыднёвым жывым эфіры Еўрарадыё з палітычным аглядальнікам, гісторыкам Аляксандрам Фрыдманам

Бяспечныя патрулі і меткія рэктары — "Раніца з Еўрарадыё" за 22 лютага by Euroradio

Пуцін з падваротні і правал Шведа — Еўразум за 20 лютага | Новости Беларуси за 20 февраля by Euroradio

Неўміручая мова і разумны тэлік — Еўразум за 21 лютага | Новости Беларуси за 21 февраля by Euroradio

З 16 па18 лютага Святлана Ціханоўская ўдзельнічала ў Мюнхенскай канферэнцыі па бяспецы. Інфармацыі пра сустрэчы лідаркі беларускіх дэмсіл, яе выступы і прамовы было шмат практычна ва ўсіх сродках масавай інфармацыі. Але апроч Ціханоўскай у працы канферэнцыі бралі ўдзел і прадстаўнікі экспертнай супольнасці ды аналітыкі. І гэтая актыўнасць была не менш важнай, хоць і не такой медыйна заўважнай, як актыўнасць Ціханоўскай і яе каманды. Чым адметная сёлетняя Мюнхенская канферэнцыя па бяспецы і на якія выклікі найперш звярталася ўвага? Якое месца адводзілася пытанню Беларусі і ці ўдалося трымаць “беларускую павестку” ў полі зроку ўдзельнікаў Канферэнцыі? Як эксперты ацэньваюць імавернасць вялікай вайны і ці гатовы Захад рэагаваць на такі выклік? На гэтыя ды іншыя пытанні ў эфіры Еўрарадыё адказвае выканаўчы дырэктар аналітычнага цэнтра International Strategic Action Network for Security Улад Кобец

Беларуская культурная скарбонка захоўвае невычэрпныя багацці. Але часам гэтыя багацці так добра схаваныя, што нават адмыслоўцы не ведаюць пра іх існаванне. Гэта добра можа засведчыць Галіна Казіміроўская, якая нечакана для сябе і ўсіх нас адну такую скарбонку знайшла ў Лондане. Але такіх скарбонак безліч. Гэта і тыя творчыя калектывы, якія працуюць на карысць Беларусі, — “Concordia Chor” і “Вольны хор”, Беларуская школа мастацтваў імя М. Равенскага ў Варшаве і асобныя творцы. Якім для іх дзейнасці неабходная падтрымка — мы ўсе сёння можам ім яе даць. Ці толькі шанаваннем роднай мовы мусіць абмяжоўвацца Дзень роднай мовы і як з гэтым днём звязаныя знаходкі Казіміроўскай ў музеі імя Скарыны ў Лондане? Чаму так важна захоўваць беларускую культуру нават за мяжой, далёка ад беларускай зямлі? Якім чынам беларусы, якія жывуць у Польшчы і Літве, могуць падтрымаць беларускія ініцыятывы, як гэта зрабіць і чаму гэта так важна? На гэтыя ды іншыя пытанні ў эфіры Еўрарадыё адказвае мастацкая кіраўніца і дырыжорка калектыву “Concordia Chor”, заснавальніца “Вольнага хору” і Беларускай школы мастацтваў імя М. Равенскага ў Варшаве Галіна Казіміроўская.

Для рэжыму "адзіны дзень галасавання" стаўся суцэльнай спецаперацыяй. І рыхтуюцца да яе адпаведна: з тактычнымі вучэннямі па супрацьдзеянню захопам выбарчых участкаў, "чэкісцка-вайсковымі аперацыямі" па затрыманні дыверсантаў, расказамі пужалак пра "вораг паўсюль", падрыхтоўку "збеглымі" звяржэння рэжыму і пачатак сусветнай вайны. Пры гэтым ні на хвіліну не спыняюцца рэпрэсіі, а ў лукашэнкаўскіх засценках загінуў чарговы палітвязень… Ці атрымаецца ў рэжыму запалохаць не толькі самога сябе, але і беларусаў, і ці варта чакаць правакацый цягам бліжэйшага тыдня? Чаму Захад абмяжоўваецца выказваннем заклапочанасці ў адказ на смерці ў пуцінскіх і лукашэнкаўскіх засценках і ці ёсць іншыя інструменты ўздзеяння? Гэтыя ды іншыя тэмы абмяркоўваем у штотыднёвым жывым эфіры Еўрарадыё з кіраўніком варшаўскага Цэнтра палітычнага аналізу і прагнозу, доктарам палітычных навук Паўлам Усавым.

Вада без гепатыта і палякі супраць зерня — "Раніца з Еўрарадыё" за 21 лютага by Euroradio

Чамусьці лукашэнкаўскі рэжым звярнуў увагу на ўзровень вайсковай падрыхтоўкі ў асобных катэгорый грамадзян. Да прыкладу, рэктараў ВНУ. Іх чамусьці раптоўна выклікалі на заняткі па агнявой падрыхтоўцы. Адначасова у Беларускім саюзе журналістаў вырашылі, што варта было б узброіць беларусак, а Юлія Навальная заявіла, што будзе працягваць справу свайго забітага пуцінскім рэжымам мужа. Пра гэта ды шмат што іншае гаворым з гендарнай даследчыцай Ірынай Сідорскай у чарговым выпуску Gender Gap

Лукашэнкаўская сістэма працягвае паказальна “караць” тых цяпер ужо былых супрацоўнікаў сілавых структур, якія адмовіліся браць удзел у рэпрэсіях супраць беларускага грамадства. На тэрмін ад 12 да 25 гадоў зняволення завочна асудзілі так званыя “суддзі” заснавальнікаў ініцыятывы ByPOL, звёўшы ў адну справу тых, хто цяпер ужо разам і не працуе. Адначасова рэжым робіць усё магчымае, каб падчас чарговай спецвыбарчай аперацыі нічога нават блізка не магло нашкодзіць планам па прызначэнні “дэпутатаў”. Чым кіруюцца “сілавікі” ў сваіх дзеяннях і ці сапраўды Лукашэнка ўжо не можа спыніць машыну рэпрэсій? Якія небяспекі для беларускіх палітвязняў існуюць у лукашэнкаўскіх турмах і калоніях? Як змянілася праца каманды ByPOL і якія задачы найперш ставяць яны перад сабой? На гэтыя ды іншыя пытанні ў эфіры Еўрарадыё адказваюць кіраўнік аб’яднання былых сілавікоў BELPOL Аляксандр Азараў і Аляксандр Ракіцкі

Канферэнцыя па бяспецы, што праходзіла на мінулым тыдні ў нямецкім Мюнхене, найперш была закліканая абмеркаваць варыянты супрацьстаяння Еўрасаюза патэнцыйнай расійскай ваеннай агрэсіі. Найперш — ва ўмовах, калі да ўлады ў ЗША прыйдзе Дональд Трамп і адмовіцца дапамагаць партнёрам па NATO супрацьстаяць агрэсіі з усходу. Ці сапраўды існуе імавернасць нападу расійскіх войск на краіны NATO, ці гатовая да гэтага Еўропа і якое месца ў гэтым сцэнары займае Беларусь? Чаму Украіна так доўга цягнула з наладжваннем канала сувязі з беларускімі дэмсіламі і якая роля адводзіцца Кіевам у гэтым працэсе амбасадару па асаблівых даручэннях Ігару Кізіму? Ці дапамогуць выбары ў Каардынацыйную раду палепшыць імідж дэмсіл у вачах украінскіх і еўрапейскіх палітыкаў? На гэтыя ды іншыя пытанні ў эфіры Еўрарадыё адказвае дырэктар украінскага Інстытута сусветнай палітыкі, эксперт iSANS Яўген Магда

Спецаперацыя "Выбары" і тры розныя Гаагі — "Раніца з Еўрарадыё" за 20 лютага by Euroradio

Год дзейнасці адноўленай Каардынацыйнай рады быў адметны скандаламі, дэманстрацыйнымі выхадамі са складу, узаемнымі абвінавачаннямі і невідавочнымі поспехамі ў працы. Да ўсяго, тэрмін паўнамоцтваў дзейнага складу КР скончыўся 8 лютага, але неабходныя рашэнні і працэдуры для правядзення новых выбараў у КР так і не былі распрацаваныя і агучаныя. Чым далей КР знаходзіцца ў “падвешаным стане”, тым больш у грамадстве сумневаў у патрэбе такой структуры. Што сёння ўяўляе сабой Каардынацыйная рада, якія мэты і задачы яе дзейнасці? Чаму дзейнасць КР непразрыстая і калі будзе справаздача па яе выніках? Ці магчыма ўратаваць імідж КР, што для гэтага трэба зрабіць і ці можа КР быць цалкам незалежным органам? Пра гэта ды іншае ў эфіры Еўрарадыё дэбатуюць блогер і палітычны актывіст Аляксандр Кныровіч і рэжысёр, выкладчык, палітолаг Андрэй Курэйчык

Віно на хіміі і буцеры для настаўнікаў — Еўразум за 19 лютага | Новости Беларуси за 19 февраля by Euroradio

Затрыманая 19 траўня 2021 года і асуджаная на 1,5 года блогерка Вольга Такарчук пасля вызвалення працяглы час заставалася ў Беларусі і з’язджаць з краіны не збіралася. Але ў выніку і ёй давялося раптоўна змяніць сваё рашэння — 23 студзеня 2024 года дзякуючы BySOL Вольга разам з дзецьмі і бацькам пакінула Беларусь. Якія небяспекі для беларускіх палітвязняў існуюць у лукашэнкаўскіх турмах і калоніях і ці дапамагае замоўчванне факта затрымання ці катавання? Чым кіруюцца “сілавікі” ў сваіх дзеяннях і ці здымае прэтэнзіі адбытае пакаранне? Як змянілася стаўленне грамадства да падзей 2020 года, ці працуе прапаганда і ці застаецца вера ў перамены? На гэтыя ды іншыя пытанні ў эфіры Еўрарадыё блогерка і былая палітзняволеная Вольга Такарчук

Раптоўная смерць расійскага апазіцыянера Аляксея Навальнага ў калоніі амаль нікога не пакінула абыякавым. Безумоўна, у гэтай смерці вінаваты пуцінскі рэжым і крамлёўскі дыктатар асабіста. Але ў гэтай сітуацыі найбольшыя перасцярогі звязаныя з тым, якія пагрозы гэтая смерць у расійскай калоніі мае для беларускіх палітвязняў. І як гэта ўвогуле можа адбіцца на сітуацыі ў Беларусі. Якія небяспекі для беларускіх палітвязняў і для Беларусі ўвогуле можа мець трагедыя Навальнага ў расійскай калоніі? Ці сапраўды ў дзеяннях і заявах палітыкаў Сербіі і Славакіі чытаецца жаданне гэтых краін “перагарнуць старонку” у адносінах з лукашэнкаўскім і пуцінскімі рэжымамі і да чаго гэта можа прывесці? Чым для беларускай адукацыі скончыцца пераслед іншадумства сярод выкладчыкаў, што адбываецца ў Каардынацыйнай радзе і пры чым тут беларускія добраахвотнікі? Гэтыя ды іншыя тэмы ў штотыднёвым жывым эфіры Еўрарадыё абмяркоўваем з дацэнткай, кандыдаткай гістарычных навук, незалежнай эксперткай Розай Турарбекавай.

Эканамічныя навіны Беларусі за тыдзень by Euroradio

Тэрарысты-кантрабандысты і багаты кадэбэшнік — "Раніца з Еўрарадыё" за 17 лютага by Euroradio

На што скардзіцца ў турме Андэрс Брэйвік і хто супраць аднаполых шлюбаў у Грэцыі. Пра гэта і не толькі расказваем у нашым штодзённым аглядзе міжнародных навін.

Смерць Навальнага і сюрэалістычная цынга — Еўразум за 16 лютага|Новости Беларуси за 16 февраля by Euroradio

16 лютага Аляксандр Лукашэнка, выступаючы перад кіраўніцтвам Белкаапсаюза, расказаў пра тэрарыстычныя жахі, якія адбываюцца на беларуска-украінскай мяжы. Па яго словах, дыверсанты з выбухоўкай і выкарыстаннем дронаў, прабіраліся з Украіны праз балоты, каб ладзіць дыверсіі — пераважна ў Расіі. І такое адбываецца два-тры разы на тыдзень! Вядома, усіх дыверсантаў затрымалі. І гэта толькі верхавіна айберга, цалкам які Лукашэнка пакажа ўдзячным беларусам (і расіянам) пазней. Але гэта недакладна… Ці сапраўды ўкраінскі бок няспынна перакідвае праз мяжу з Беларуссю сваіх дыверсантаў і ці толькі ў Расію яны накіроўваюцца? Якія меры бяспекі на беларускім накірунку прадпрымаюцца ўкраінскім бокам і што сёння на тым участку адбываецца? Што адбываецца на ўкраінска-расійскім фронце і якую ролю ў дапамозе расійскім захопнікам адыгрывае лукашэнкаўскі рэжым? На гэтыя ды іншыя пытанні ў эфіры Еўрарадыё адказвае ваенны аналітык, эксперт украінскага Інстытута будучыні, былы супрацоўнік СБУ Іван Ступак

Лукашэнка ўсё больш нагадвае Брэжнева ў апошнія яго гады. Сёння ён пацікавіўся ў сваіх чыноўнікаў, дзе прадаюцца выпечка, дранікі і сала, якія яму часта дэманструюць на выставах. Да яго дагэтуль не дайшло, што гэта ўсё паказуха. Што ў Савецкім Саюзе, пра які ён марыць, па-іншаму і не можа быць. Пра гэта, а таксама пра затрыманні ўкраінскіх дыверсантаў, якія адбываюцца нібыта "два-тры разы на тыдзень", і пра тое, як такія заявы звязаныя з выбарамі: у беларускі парламент і ў Каардынацыйную раду. А яшчэ абмяркуем празаічныя справы: дольшчыкаў жылога комплекса ў Мінску, якіх, падаецца, падманулі двойчы.

З паведамленняў лукашэнкаўскай прапаганды і заяў Следчага камітэта стала вядома, што заведзеная крымінальная справа на ўдзельнікаў “Кадравага рэзерву”. Маўляў, да анлайн-лекцыі падключыліся “агенты” і выявілі людзей, якія ўдзельнічаюць у праграме, знаходзячыся ў Беларусі. Прапагандысты нават паказалі відэа з затрыманымі, якія прызнаюцца ў сваім удзеле ў “Кадравым рэзерве”. Але арганізатары праграмы сцвярджаюць, што “магчымасць пабачыць спіс іншых удзельнікаў тэхнічна выключана платформай ZoomWebinar. Нават адміністратар там бачыць толькі пералік асабістых нумароў замест імёнаў удзельнікаў”. Ці сапраўды былі затрыманыя ўдзельнікі праграмы “Кадравы рэзерв”, а калі так, то чаму гэта адбылося? Якія меры бяспекі выкарыстоўваюць заснавальнікі праграмы і чаму ў спецслужбаў такая цікавасць да “Кадравага рэзерву”? Што далей будуць рабіць каардынатары і лектары праграмы, ці варта яе працягваць у тым выглядзе, у якім яна існуе сёння? На гэтыя ды іншыя пытанні ў эфіры Еўрарадыё адказвае прадстаўнік Аб’яднанага пераходнага кабінета, каардынатар праграмы “Кадравы рэзерв для Новай Беларусі” Юрась Губарэвіч

Лельчыцкія тэрарысты і еўрапейскія пацыфісты — "Раніца з Еўрарадыё" за 16 лютага by Euroradio

Рацыянальныя беларусы і дэфіцытныя дэталі — Еўразум за 15 лютага|Новости Беларуси за 15 февраля by Euroradio

Украінскія вайскоўцы патапілі чарговы расійскі ваенны карабель, і нібыта ў адказ міністр замежных спраў Расіі Лаўроў заявіў, што прычынай вайны з Украінай зрабіўся… напад на Расію. Хто напаў — засталося не агучаным. Але ж Расія — краіна міралюбная, і менавіта таму Пуцін нібыта прапаноўваў ЗША дамовіцца пра мір ва Украіне. У гэты ж час Лукашэнка робіць усё, каб Беларусь не “дапрыгалася да Украіны”. А для гэтага ўсяго толькі і трэба, каб маладыя беларусы не марылі “нацягнуць на сябе імпартныя шмоткі”. Чаго дамагаецца ад ВНУ эксперт у адукацыі Лукашэнка і як звязаныя брэндавае адзенне і вайна ва Украіне? Як напад невядомых агрэсараў на Расію прывёў да акупацыі Расіяй часткі ўкраінскіх тэрыторый і пры чым тут пагрозы нацбяспецы ЗША? Чым адукацыйныя праграмы і семінары небяспечныя для рэжыму і навошта КДБ выпусціў у эфір “блогера” Пратасевіча? Гэтыя ды іншыя тэмы ў штотыднёвым жывым эфіры Еўрарадыё абмяркоўваем з палітычным аглядальнікам, гісторыкам Аляксандрам Фрыдманам

У апошні час ЦікТок стаў літаральна прыёмнай, дзе можна агучыць свае праблемы — беларусы скардзяцца на нявыплату заробкаў, смярдзючую ваду, некампетэнтнасць медыкаў, спрабуючы такім чынам дагрукацца адразу да Лукашэнкі. У той жа час улады рапартуюць, што заробкі насамрэч растуць і ўвогуле з экананомікай усё добра. Маўляў, вунь вакансій па краіне — працуй хоць суткамі, а лічбы, якія сведчаць пра даўгі Беларусі перад Расіяй, — міф. Пра беларускую эканоміку напярэдадні выбараў у Беларусі, Расіі і ЗША, новых санкцый і магчымага нападу Пуціна на краіны Еўрасаюза гутарым з эканамістам, кіраўніком праекта "Кошт урада" Уладзімірам Кавалкіным.

15 лютага ў эфіры Еўрарадыё — актывістка суполкі беларусаў Мічыгана, сяброўка Асацыяцыі беларусаў у Амерыцы і вядоўца сацыяльных сетак гэтай асацыяцыі Воля Бромэн. Беларускае грамадства апынулася ў сітуацыі, калі шмат актыўных людзей, гатовых змяняць і змяняцца, вымушаныя былі пакінуць краіну. Безумоўна, у гэтай вымушанай эміграцыі, жывучы ў дэмакратычных, цывілізаваных краінах, гэтыя людзі набудуць каштоўны вопыт, які будзе карысны падчас пабудовы Новай Беларусі. Але галоўны выклік перад імі сёння ў тым, каб на чужыне захаваць у сабе беларуса ўнутранага, захаваць беларушчыну і абудзіць тых, хто яшчэ не прачнуўся, перакананая Воля Бромэн. Пра тое, навошта нам у эміграцыі захоўваць ў сабе беларуса і беларушчыну, чаму без гэтага мы не будзем цікавымі для навакольных і што карыснага можа даць эміграцыя беларускай нацыі, мы і разважаем у праграме “Ідэя Х” з Воляй Бромэн.

З Беларусі з дапамогай BYSOL быў эвакуяваны яшчэ адзін былы палітвязень. Пасля вызвалення сувядоўца ютуб-канала “Народны рэпарцёр” Сяргей Пятрухін не пажадаў выязджаць з краіны, як гэта зрабіў яго калега Аляксандр Кабанаў. І больш за год Пятрухін прытрымліваўся прынятага рашэння. Але, на жаль, у выніку і яму давялося зрывацца з месца і “партызанскімі сцежкамі” эвакуявацца… З чым давялося сутыкнуцца за кратамі і як з цягам часу мянялася стаўленне адміністрацыі калоніі да палітычных зняволеных? Якія настроі пануюць у беларускім грамадстве і ці змянілася стаўленне да падзей 2020 года і рэжыму ў беларусаў? Як рэпрэсіі ўспрымаюцца грамадствам і ці заўважаюць іх увогуле? На гэтыя ды іншыя пытанні ў эфіры Еўрарадыё адказвае экс-палітвязень, блогер Сяргей Пятрухін

Цік-ток-прыёмная і сакрэтная мова — "Раніца з Еўрарадыё" за 15 лютага by Euroradio

Правалены Антывалянцін і перараджэнне ў Оршы — Еўразум за 14 лютага|Новости Беларуси за 14 февраля by Euroradio

Сярод тых сотняў тысяч беларусаў, якія былі вымушаныя з’ехаць з Беларусі пасля падзеяў 2020 года, былі і актывісты прафсаюзных арганізацый. І за мяжой гэтыя людзі застаюцца ў прафсаюзным руху. Безумоўна, сёння адстойваць перад адміністрацый прадпрыемства, у профільных міністэрствах альбо беларускіх судах правы працоўных яны не могуць, але пэўныя інструменты для такой дзейнасці ў іх усё ж застаюцца і цяпер. Што засталося ад незалежных прафсаюзаў у Беларусі і ці магчыма абараняць правы працоўных з-за мяжы Беларусі? Як на сітуацыю з прафсаюзным рухам рэагуюць міжнародныя прафсаюзныя і праваабарончыя арганізацыі? Ці могуць яны паўплываць на пашырэнне ціску на лукашэнкаўскі рэжым? На гэтыя ды іншыя пытанні ў эфіры Еўрарадыё адказвае старшыня Беларускага незалежнага прафсаюза, выканаўца абавязкаў старшыні Беларускага кангрэса незалежных прафсаюзаў (БКНП) Максім Пазнякоў

Беларуская Рада культуры абвесціла вынікі конкурсу праектаў, якія атрымаюць гранты на рэалізацыю. Вынікамі, як звычайна, засталіся задаволеныя далёка не ўсе. Асабліва з улікам таго, што заявак было нашмат больш, чым фінансаў. Свой адбітак на сітуацыю накладае тое, што вялікая колькасць творцаў былі вымушаныя з’ехаць у эміграцыю і сёння патрабуюць знешняй падтрымкі сваёй дзейнасці. І ўсё гэта на фоне ўзмацнення ціску на ўсю беларускую культуру ўнутры Беларусі. Як адбываўся конкурс заявак і ці апраўданыя абвінавачанні, што гучаць у бок сяброў журы? Якая яна, беларуская культура сёння, хто галоўныя гульцы на культурніцкім полі і якія праблемы стаяць перад імі? Колькі дзеячоў культуры знаходзіцца за кратамі і ці магчыма ім дапамагчы? На гэтыя ды іншыя пытанні ў эфіры Еўрарадыё адказвае кіраўнік Беларускай Рады культуры Сяргей Будкін

Сітуацыю вакол Каардынацыйнай рады і выбараў яе новага складу адныя называюць нармальным дэмакратычным працэсам, у якім няма нічога надзвычайнага, а іншыя — сістэмным крызісам усіх структур, якія былі ўтвораныя пасля падзеяў 2020 года. Не абыходзіцца без абвінавачанняў у працы на тыя ці іншыя спецслужбы ўсіх наўкол ці ў здрадзе інтарэсам народа, рэвалюцыі, Беларусі — можна выбіраць варыянт, які больш да спадобы ці найлепш пасуе да канкрэтнай сітуацыі. І пакуль ў асяродку дэмсіл усе змагаюцца з усімі, лукашэнкаўскі рэжым працягвае рэпрэсіі і здачу беларускага суверэнітэта. Ці сапраўды тое, што сёння адбываецца з Каардынацыйнай радай і выбарамі — крызіс, і як яго пераадолець? Чаму рэжым засяродзіў сваю ўвагу на адукацыі і чым гэта небяспечна? Што чакае беларускае грамадства і Беларусь у выпадку, калі вайна ва Украіне ператворыцца ў "замарожаны канфлікт", а Расія распачне вайну з краінамі NATO? Гэтыя ды іншыя тэмы абмяркоўваем у штотыднёвым жывым эфіры Еўрарадыё з кіраўніком варшаўскага Цэнтра палітычнага аналізу і прагнозу, доктарам палітычных навук Паўлам Усавым

Экстрэмісты на базе і старажытны секс — "Раніца з Еўрарадыё" за 14 лютага by Euroradio

Ордэн з рук прынцэсы і праведнік-Баскаў — Еўразум за 13 лютага|Новости Беларуси за 13 февраля by Euroradio

Ва ўмовах санкцый галоўным эканамічным партнёрам Беларусі стала Расія. Здавалася б, што ў гэтым страшнага, асабліва калі такая сувязь дазваляе нарошчваць ВУП вышэй за запланаваны. Але эканамісты не так аптымістычна глядзяць на такую залежнасць. А тут яшчэ і кітайская эканоміка пачынае падаваць непрыемныя сігналы. Якія, перакананыя эканамісты, нясуць пагрозу і беларускай эканоміцы. Наколькі магчыма, што эканоміка Беларусі і ў 2024 годзе паўторыць поспехі года папярэдняга адносна паказчыкаў ВУП і ці састарэла “мантра аб страце незалежнасці” Беларусі? Ці сапраўды эканоміку Кітая чакаюць цяжкія часы і пры чым тут Беларусь? Чаму лукашэнкаўскі рэжым мэтанакіравана знішчае ІПэшнікаў і як на эканоміку ўплываюць рэпрэсіі? На гэтыя ды іншыя пытанні ў эфіры Еўрарадыё адказвае акадэмічны дырэктар даследчага цэнтра BEROC, доктар эканамічных навук Леў Львоўскі

24 студзеня ў Віндзарскім замку з рук прынцэсы Анны Мікалай Халезін атрымаў свой першы ордэн Брытанскай імперыі M.B.E. Цікава, што ў лістападзе 2023 года менавіта прынцэса Анна такі ж ордэн уручыла Наталлі Калядзе. Праўда, адбылося гэта ў Букінгемскім палацы, але гэта ўжо нюансы. Безумоўна, такім чынам быў адзначаны ўнёсак Мікалая і Наталлі ў развіццё тэатра. Але не толькі дзейнасцю на тэатральнай глебе адзначыўся і выклікаў нянавісць лукашэнкаўскага рэжыму Мікалай Халезін. Ці пачаў Мікалай Халезін пасля атрымання ўзнагароды ператварацца ў помнік самому сабе і якія дзверы гэты ордэн дапамагае яму адчыняць? Чаму ўздзеянне санкцый на рэжымы Пуціна і Лукашэнкі амаль не заўважнае і ці працуюць санкцыі ўвогуле? Што адбываецца з беларускімі дэмсіламі і ці магчыма пераадолець крызіс? На гэтыя ды іншыя пытанні ў эфіры Еўрарадыё адказвае кавалер ордэна Брытанскай імперыі, арт-дырэктар Беларускага свабоднага тэатра, праграмны дырэктар Creative Politics Hub Мікалай Халезін

Ёсць у гурта J:МОРС добрая традыцыя, якой ужо не адзін год, — ладзіць спецыяльны рамантычны канцэрт 14 лютага да Дня закаханых. Прыхільнікаў у гэтай традыцыі гурта заўсёды было шмат, яшчэ калі яны мелі магчымасць выступаць у Беларусі. Але сёння музыкі J:МОРС, як і вялікая колькасць беларусаў, жывуць у выгнанні, у вымушанай эміграцыі. Але гэта не азначае, што традыцыі можна парушаць. Ці месца сёння “рамантычным канцэртам” і ці не прыйшоў час змяняць традыцыі? Чаму неабходна зрабіць усё, каб захаваць у сабе здольнасць любіць і быць любімым? Якую ролю ў захаванні сябе ў эміграцыі маюць традыцыі і як нас змяняе адарванасць ад радзімы? На гэтыя ды іншыя пытанні ў эфіры Еўрарадыё адказвае франтмен гурта J:МОРС Уладзімір Пугач

Шалёная Прыпяць і бутыліраваная вада — "Раніца з Еўрарадыё" за 13 лютага by Euroradio

Як жа арда і "тыц" у прапагандыстаў — Еўразум за 12 лютага|Новости Беларуси за 12 февраля by Euroradio

Лекцыя па гісторыі ад Пуціна, з дапамогай якой ён паспрабаваў давесці амерыканцам, што распачатая Расіяй вайна ва Украіне — ніякая не акупацыя і не захоп тэрыторый суверэннай краіны, а вяртанне нейкага міфічна-гістарычнага “свайго” нашчадкамі Рурыка, відаць, адчыніла “скрынку Пандоры”. І ўжо ў Кітаі загаварылі пра вяртанне Уладзівастока як гістарычнай тэрыторыі. А тэму гістарычнага месца Смаленска і ўвогуле можна нават не прыгадваць. Наколькі сапраўды небяспечна сёння звяртацца да гісторыі ў пытаннях тэрытарыяльнай “справядлівасці” і з якога стагоддзя трэба пачынаць перагляд? Што адбываецца ў Каардынацыйнай радзе і чым гэта можа скончыцца? Чаму магчымая перамога Трампа на выбарах у ЗША так насцярожвае Еўропу? Гэтыя ды іншыя тэмы ў штотыднёвым жывым эфіры Еўрарадыё абмяркоўваем з дацэнткай, кандыдаткай гістарычных навук, незалежнай эксперткай Розай Турарбекавай

Кіеў нарэшце вырашыў пачаць адбудоўваць адносіны з беларускім грамадствам і сіламі, якія гэтае грамадства прадстаўляюць, на афіцыйным узроўні — прызначаны амбасадар па асаблівых даручэннях па Беларусі Ігар Кізім. І пачаў сваю працу экс-амбасадар Украіны ў Беларусі з інтэрв’ю Еўрарадыё і сустрэчаў з прадстаўнікамі палка Каліноўскага. Адначасова з гэтым Зяленскі звольніў з пасады галоўнакамандуючага генерала Залужнага. А Трамп падчас выступу прыгадаў свае колішнія словы пра тое, што ЗША не будзе бараніць тую краіну-сябра NATO, якая не выконвае дамоўленасцяў па фінансаванні гэтай арганізацыі. Наколькі імаверна, што праз Трампа падтрымка Украіны з боку ЗША можа мінімалізавацца, і як гэта паўплывае на сітуацыю ва Украіне? Што рэальна можа зрабіць Кізім на пасадзе амбасадара па асаблівых даручэннях па Беларусі? Чаму ў Кіева не атрымліваецца пазбягаць напружання ў суседніх краінах і што правакуе акцыі пратэсту ля мяжы краін ЕС і Украіны? На гэтыя ды іншыя пытанні ў эфіры Еўрарадыё адказвае дырэктар украінскага Інстытута сусветнай палітыкі, эксперт iSANS Яўген Магда

Незапатрабаваныя паштаматы і "рускае" ВКЛ — "Раніца з Еўрарадыё" за 10 лютага by Euroradio

Спецпракурор вырашыў не выстаўляць абвінавачанняў Джо Байдэну, растлумачыўшы, што прэзідэнт ЗША — "сталы чалавек з добрымі намерамі і дрэннай памяццю". У Дональда Трампа праз гэта бамбіць. Пра гэта і не толькі — у традыцыйным аглядзе міжнародных навін.

Чаму з Беларусі сышоў буйнейшы заходні інвестар і якая новая пагроза з’явілася для беларускага экспарту на кітайскій рынак.

"Жалезны генерал" і непамятушчы Байдэн — Еўразум за 9 лютага|Новости Беларуси за 9 лютага by Euroradio

Прэзідэнцкія выбары ў ЗША ўсё бліжэй, і барацьба за крэсла ў Белым доме становіцца ўсё больш напружанай. І напруга гэтая адчуваецца і адбіваецца фактычна на ўсім свеце. У Еўропе ўжо пралічваюць варыянты сваіх дзеянняў на выпадак прыходу да ўлады Дональда Трампа. Які, як вядома, і пра выхад ЗША з NATO заяўляе, і пра тое, што вайну Расіі з Украінай за некалькі дзён скончыць, і з міграцыйным крызісам на мяжы з Мексікай справіцца… Наколькі верагодная перамога Трампа і ці сапраўды гэта так страшна, як некаторыя эксперты кажуць? Што адбываецца ў Тэхасе і як гэта ўплывае на расклад палітычных сіл падчас выбарчай кампаніі? Чаму перамогі Трампа так чакаюць у Крамлі, што будзе з дапамогай Украіне і ці варта разлічваць на падтрымку з боку адміністрацыі Трампа дэмсілам Беларусі? На гэтыя ды іншыя пытанні ў эфіры Еўрарадыё адказвае доктарка навук, прафесарка паліталогіі ва Універсітэце Паўднёвай Флорыды Таццяна Кулакевіч.

Тэрмін паўнамоцтваў дэлегатаў Каардынайцыйнай рады ІІ склікання скончыўся. Але "маладыя палітыкі" сваім рашэннем працягнулі дзейнасць свайго "мандата". На тэрмін… А пакуль не будзе абраны новы склад КР і ён, той новы склад, не збярэцца на сваё першае пасяджэнне. Магчыма, гэта будзе ў чэрвені. І магчыма, што нават у 2024 годзе. Але гэта недакладна. Бо ў адпаведнасці з якімі правіламі і працэдурамі тыя выбары мусяць адбыцца, дзеючыя дэлегаты яшчэ не вызначыліся. Што сёння адбываецца ў Каардынацыйнай радзе і ці сапраўды яна знаходзіцца ў крызісным стане? Чаму да гэтага часу не прынятыя неабходныя дакументы, якія б рэгулявалі выбары ў КР і што ці хто заміналі распрацаваць гэтыя нормы ў час? Якую ролю ў зацягванні прыняцця неабходных дакументаў адыгралі "падкілімныя гульні" і як гэта сітуацыя ўплывае на імідж КР і дэмсіл агулам? На гэтыя ды іншыя пытанні ў эфіры Еўрарадыё адказвае спікер Каардынацыйнай рады Андрэй Ягораў

Пуцін прачытаў Такеру Карлсану лекцыю па гісторыі, з якой беларусы даведаліся шмат "цікавага". Аказваецца, Вялікае княства Літоўскае было рускай дзяржавай. Адчуваеце, як доўгія рукі Крамля цягнуцца да нашай гістарычнай спадчыны? Пра тое, што бацьку Зяленскага (які нарадзіўся ў 1978 годзе) Пуцін назваў франтавіком, а таксама заявіў, што Гітлер развязаў Другую сусветную вайну таму, што яго змусіла Польшча — нават і казаць не будзем. Але ў стрыме з Аляксандрам Кныровічам, магчыма, абмяркуем. Таксама пагаворым пра Лукашэнку ў Ташкенце і выбары ў Каардынацыйную раду.

Прызначаны некалькі дзён таму амбасадарам па асаблівых даручэннях па Беларусі экс-амбасадар Украіны ў РБ Ігар Кізім паспеў не толькі даць вялікае інтэрв’ю Еўрарадыё ў жывым эфіры, але і сустрэцца з прадстаўнікамі палка імя Каліноўскага і спецпрадстаўніком Аб’яднанага пераходнага кабінета ў Кіеве Генадзем Манько. Некаторыя эксперты і палітыкі ўжо назвалі як факт гэтага прызначэння, так і праведзеныя Ігарам Кізімам сустрэчы пацверджаннем таго, што “Кіеў прызнаў Ціханоўскую”. Як прызначэнне Ігара Кізіма ацэньваюць ва ўкраінскай экспертнай супольнасці і якое значэнне надаюць гэтаму факту? Ці варта казаць пра нейкае прызнанне Кіевам, а калі прызнанне ёсць, то каго ці чаго? Якую дапамогу і падтрымку сёння могуць аказаць бакі адзін аднаму? На гэтыя ды іншыя пытанні ў эфіры Еўрарадыё адказвае намеснік дырэктара і кіраўнік даследчых праектаў Міжнароднага цэнтра супрацьдзеяння расійскай агрэсіі, украінскі паліттэхнолаг Дзмітрый Грамакоў

Найбольшы дармаед і бацюшка на заставе — "Раніца з Еўрарадыё" за 9 лютага by Euroradio

Дапамагчы і не сесці і неахвотнае кесарава — Еўразум за 8 лютага |Новости Беларуси за 8 февраля by Euroradio

За дзень да афіцыйнага заканчэння тэрміна дзейнасці цяперашняга складу Каардынацыйнай рады, Алена Жываглод сышла з пасады віцэ-спікеркі гэтай "грамадска-палітычнай ініцыятывы". Яе месца заняў Ян Рудзік, сябра Моладзевага наступу, кандыдат, які заняў трэцяе месца на выбарах спікера КР. У каментарах ужо паспелі пажартаваць, што гэтая пасада "на адзін дзень" для Рудзіка. Але гледзячы на тое, як КР няспешна ідзе насустрач выбарам новага склада, то Яну, відаць, давядзецца папрацаваць на новай пасадзе. Ну, ці чым яны там займаюцца… Чаму Жываглод сышла з пасады віцэ-спікеркі Каардынацыйнай рады і чаго дамаглася гэтым крокам? Што ці хто стаіць за зацягваннем працэсу падрыхтоўкі выбараў у КР і як гэта ўплывае на імідж яе ў грамадстве? Чаму ў дэмсілах узмацніліся працэсы ўнутранага супрацьстаяння і ці могуць палітыкі і актывісты з-за мяжы ўплываць на "адзіны дзень галасавання" ў Беларусі? На гэтыя ды іншыя пытанні ў эфіры Еўрарадыё адказвае былая віцэ-спікерка Каардынацыйна рады, лідарка грамадскай суполкі "Сумленныя людзі" Алена Жываглод і былы дэлегат КР, намеснік кіраўніка Народнага антыкрызіснага ўпраўлення Арцём Брухан

8 лютага ў эфіры Еўрарадыё — сакратар савета дырэктараў некамерцыйнай арганізацыі “Seattle Belarusians”, магістр камп’ютарных навук Корнэльскага ўніверсітэта (Cornell University, які ўваходзіць у элітную Лігу Плюшчу), архітэктар праграмнага абсталявання Алесь Ліўшын. Пабудаваць сапраўды беларускую Беларусь — у гэтым наша канчатковая мэта. І на гэтым павінныя быць сканцэнтраваныя нашы намаганні. Дзе б мы сёння ні знаходзіліся. Ніякая ўлада не вечная, і некалі ў нас будзе спрыяльны час. Але каб гэтым часам годна скарыстацца, рыхтавацца трэба ўжо цяпер і ні на імгненне не спыняць высілкаў, скіраваных на тое, каб Беларусь жыла вечна, перакананы Алесь Ліўшын. Пра тое, дзе знайсці сваю беларускасць і як яе захаваць у эміграцыі, чаму і ў глабальным сусвеце важна ганарыцца сваімі адметнасцямі і чаму мала, каб Беларусь проста жыла, мы і разважаем у праграме “Ідэя Х” з Алесем Ліўшыным.

Цяпер галоўным чыноўнікам на выпадак раптоўна-доўгачаканага знікнення Лукашэнкі будзе старшыня Усебеларускага народнага сходу, а не той, хто мусіў бы ім стаць паводле Канстытуцыі. Альбо такім чынам Лукашэнка ўсё ж рыхтуе сабе “запасны аэрадром” на выпадак, калі ён ужо не здольны будзе выконваць абавязкі кіраўніка дзяржавы, але павінен будзе трымаць сітуацыю пад кантролем, каб не трапіць за краты. А ў гэты час трампісты і пуціністы вырашылі аб’яднаць намаганні і ў Маскву для запісу інтэрв’ю з Пуціным (каб нарэшце расказаць амерыканцам праўду пра вайну ва Украіне) скіравалі галоўнага трамп-вядоўцу Карлсана… Якіх дасягенняў на міжнароднай арэне чакаць ад візіту Лукашэнкі ва Узбекістан і ці не страшна яму ляцець так далёка? Ці будуць напады на выбарчыя ўчасткі і ці справяцца з іх аховай “сілы Карпянкова”? Як заходнія СМІ рэагуюць на канфлікт Зяленскага з Залужным і пры чым тут амерыканскі Карлсан? Гэтыя ды іншыя тэмы абмяркоўваем у штотыднёвым жывым эфіры Еўрарадыё з палітычным аглядальнікам, гісторыкам Аляксандрам Фрыдманам

У апошні тыдзень студзеня ў Беларусі адбыліся затрыманні людзей, якія падазраюцца ў атрыманні дапамогі ад гуманітарнага праекта IneedHelpBy. Пад рэпрэсіі, паводле інфармацыі праваабаронцаў, трапілі больш за 200 чалавек. Толькі калі казаць пра гэтую хвалю затрыманняў. Але яна не першая і, на жаль, хутчэй за ўсё, не апошняя. Бо колькасць палітвязняў у краіне не змяншаецца, ім і іх сем’ям па-ранейшаму неабходная падтрымка і дапамога, і гэтая дапамога насуперак усяму працягвае паступаць. Што стала прычынай гэтай хвалі рэпрэсій і ці сапраўды рэч у атрыманні сваякамі палітвязняў нейкай дапамогі? Ці магчыма ў сённяшніх умова аказваць падтрымку такім чынам, каб яна не трапляла ў поле зроку спецслужбаў? Як дабіцца вызвалення палітвязняў і ці разглядаюцца такія магчымасці? На гэтыя ды іншыя пытанні ў эфіры Еўрарадыё адказваюць сузаснавальнік фонду BYHELP Аляксей Лявончык і сузаснавальнік і кіраўнік дабрачыннага фонду BYSOL, праваабаронца Андрэй Стрыжак

Штучны Азаронак і выпарэнне ІП — "Раніца з Еўрарадыё" за 8 лютага by Euroradio

Дзень буфета і адкос ад дармаедства — Еўразум за 7 лютага |Новости Беларуси за 7 февраля by Euroradio

Сёння абмяркуем, чаму савецкія практыкі барацьбы з дармаедамі не падходзяць для сучаснай Беларусі. А таксама — як беларускі знешні ганадаль упёрся ў лагістычную столю і што з гэтым збіраецца рабіць урад.

Рэжым актыўна рыхтуецца да кампаніі, якую чамусьці працягвае называць "выбарамі". Рыхтуецца так, як умее: абяцаюць кожны "выбарчы ўчастак" узяць пад узмоцненую ахову, сілавікам дазволілі ўжываць зброю без папярэджання, праўладных, але не ўхваленых адпаведнымі структурамі ахвотнікаў атрымаць мандат, да рэгістрацыі не дапусцілі. Прапаганда працуе напоўніцу. Што праўда, нечакана галоўнаму вію лукашэнкаўскай прапаганды Азаронку прыўзнялі вейкі, і ён даведаўся, што выбаршчыкаў цікавіць не яго аплёўванне "збеглых" ды пагрозы злобнай "натаўскай ваеншчыне і ўкраінскім бандэрам", а чэргі ды адсутнасць лекараў у паліклініках, ды праблемы з ЖКГ… Ад каго будуць бараніць выбарчыя ўчасткі сілавікі і што мяняе дазвол страляць без папярэджання? Што стаіць за жаданнем Літвы закрыць два памежныя пераходы і як гэта адаб’ецца на простых беларусах? Чаму ў дэмсілах узмацніліся працэсы ўнутранага супрацьстаяння і ці нясуць яны пагрозу? Гэтыя ды іншыя тэмы ў штотыднёвым жывым эфіры Еўрарадыё абмяркоўваем з кіраўніком варшаўскага Цэнтра палітычнага аналізу і прагнозу, доктарам палітычных навук Паўлам Усавым

Напрыканцы студзеня Святлана Ціханоўская выступіла ў Страсбургу перад Камітэтам міністраў Рады Еўропы, куды ўваходзяць прадстаўнікі 46 дзяржаў. Падчас выступу Ціханоўская прапанавала распрацаваць дарожную мапу ўступлення Беларусі ў Раду Еўропы як найважнейшага кроку на шляху еўраінтэграцыі і стварэння дэмакратычнай будучыні Беларусі. Але гэта ў перспектыве. Пакуль жа беларусаў чакаюць выбары. Як унутры Беларусі, дзе 25 лютага пройдзе так званы "адзіны дзень галасавання", так і за мяжой, дзе абяцаюць правесці выбары ў Каардынацыйную раду. Але і там, і там ёсць свае нюансы. Чаму трэба ўжо цяпер займацца пытаннямі ўступлення Беларусі ў Раду Еўропы і ці не заўчасная гэта справа? Што не так з выбарамі ў Каардынацыйную раду і якое дачыннне да гэтага працэсу мае асабіста Ціханоўская? Чаго хоча дасягнуць Лукашэнка, арганізоўваючы сваю нібыта выбарчую кампанію, і пры чым там БДІПЧ АБСЕ? На гэтыя ды іншыя пытанні ў эфіры Еўрарадыё адказвае спецпрадстаўнік Святланы Ціханоўскай па выбарах Аляксандр Шлык

Рудая вада і падазроны Мілінкевіч — "Раніца з Еўрарадыё" за 7 лютага by Euroradio

Трагедыя ў радзільні і бедныя беларусы — Еўразум за 6 лютага |Новости Беларуси за 6 февраля by Euroradio

Былы амбасадар Украіны ў Беларусі Ігар Кізім днямі атрымаў новае прызначэнне. Прычым, таксама наўпрост звязанае з "беларускім кірункам" — рашэннем міністра замежных спраў Украіны ён прызначаны амбасадарам па асобых даручэннях па Беларусі. Фактычна, гэта азначае, што Кіеў вырашыў наладзіць наўпроставую камунікацыю з беларускімі дэмсіламі. Чаму не спецпрадстаўнік Украіны па Беларусі, а менавіта амбасадар па асобых даручэннях, і што будзе ў яго абавязкі ўваходзіць? Ці можа Кізім, маючы такую “пасаду”, прыехаць у Мінск і заняць кабінет у амбасадзе Украіны? Чаго хоча дасягнуць у адносінах з беларускімі дэмсіламі і ці будзе спрабаваць наладзіць сувязі з з Лукашэнкам? На гэтыя ды іншыя пытанні ў эфіры Еўрарадыё адказвае амбасадар па асобых даручэннях па Беларусі Ігар Кізім

Ні камуністы ў Савецкім Саюзе, ні іх нашчадкі ў выглядзе лукашэнкаўскага рэжыму не лічылі патрэбным даваць справаздачу грамадзянам краіны, куды і на якія патрэбы ідуць падаткі, якія дзяржава з гэтых самых грамадзян збірае. І падавалася, што беларусам гэта насамрэч і не цікавае. Аказалася, што гэта не так. Асабліва калі ёсць магчымасць частку, хай і невялікую, ад падаткаў выдаткаваць на тыя патрэбы, на якія падаткаплатнікі самі вырашаць. Адна праблема: пакуль гэта працуе толькі ў “Новай Беларусі”… Што з сябе ўяўляе падатковы праект ад Новай Беларусі і ці ёсць ужо ў яго “гісторыя поспеху”? Навошта беларусам пералічваць частку сваіх падаткаў у гэты праект і як гэта рабіць? Чым гэтая прапанова стваральнікаў Новай Беларусі лепшая за магчымасці самому пералічыць гэтыя грошы на пэўныя беларускія ініцыятывы? На гэтыя ды іншыя пытанні ў эфіры Еўрарадыё адказвае стваральнік платформы “Новая Беларусь”, праекта “Голас”, ІТ-прадпрымальнік Павел Лібер

Здавалася б простая справа — правесці дэмакратычныя і празрыстыя выбары ды абраць новы склад Каардынацыйнай Рады, а колькі дыскусій, спрэчак і непаразуменняў гэта ўжо выклікала. І найперш вакол пытання гендарных квот, як гэта не дзіўна. Пра тое, чаму гендарныя квоты патрэбныя і дзеля чаго, што не так з "традыцыйнымі каштоўнасцямі", якія ўнеслі ў праект Канцэпцыі нацыянальнай бяспекі, а таксама пра забароненыя расійскім судом фемінітывы мы і разважаем з гендарнай даследчыцай Ірынай Сідорскай

Апошні бой зімы і перабор карнікаў — "Раніца з Еўрарадыё" за 6 лютага by Euroradio

Недаверлівыя палякі і хлуслівыя расіяне — Еўразум за 5 лютага | Новости Беларуси за 5 февраля by Euroradio

Да адзінай валюты ў “саюзнай дзяржаве Беларусі і Расіі” справа пакуль не дайшла, але выглядае на тое, што ў хуткім часе для беларускай і расійскай гісторыіі будзе агульны падручнік. І якім у тым падручніку будзе месца сапраўднай гісторыі Беларусі і месца ў ёй імперскай Расіі, прадбачыць няцяжка. І спадзявацца на іншае не даводзіцца нават у выпадку гіпатэтычнай змены рэжыма ў Расіі. Дастаткова паслухаць развагі на беларускія і ўкраінскія тэмы ліберальнага імперца Надзеждзіна. На якога, тым не менш, асобныя асабліва прасунутыя нібыта прадстаўнікі беларускіх дэмсіл глядзяць не міргаючы і з захапленнем. Чаму пуцінскі і лукашэнкаўскі рэжымы вырашылі ўзяцца за напісанне сваёй версіі гісторыі і якія пагрозы гэта нясе? Ці сапраўды выглядае на тое, што Лукашэнка рыхтуе для сябе запасны аэрадром з Усебеларускага народнага сходу? Ці варта спадзявацца, што замена Пуціна прывядзе да кардынальных зменаў у імперскіх надзеях Расіі і пры чым тут Надзеждзін? Гэтыя ды іншыя тэмы ў штотыднёвым жывым эфіры Еўрарадыё абмяркоўваем з дацэнткай, кандыдаткай гістарычных навук, незалежнай эксперткай Розай Турарбекавай.

Тэма пашпарта Новай Беларусі працягвае хваляваць усіх: ад шараговых беларусаў, да апанентаў ідэі такога пашпарта сярод прадстаўнікоў дэмсіл і прапагандыстаў з лукашэнкаўскімі сілавікамі. Тых, хто жадае атрымаць такі пашпарт як годную замену афіцыйнаму пашпарту грамадзяніна РБ, усхвалявалі словы пра тое, што найперш яго атрымаюць тыя, хто і так легалізаваўся за мяжой. Апаненты бачаць у зацягванні тэрмінаў з’яўлення пашпарта Новай Беларусі і яго прызнання правальнасць самаго праекту. З прапагандыстамі і так усё зразумела, а лукашэнкаўскія спецслужбы спрабуюць скарыстацца жаданнем людзей атрымаць новы пашпарт для пашырэння рэпрэсій. Чаму найперш пашпарт будзе выдавацца тым, хто і так легалізаваўся ў новай краіне, і чаго чакаць беларусам без легалізацыі і ў краінах па-за межамі Еўразсаюза? Хто будзе верыфікаваць кандыдатаў на пашпарт Новай Беларусі, хто будзе па выніку іх выдаваць і дзе? Ці атрымаюць пашпарт беларусы, якія тэрмінова эвакуяваліся ў Грузію, а цяпер не могуць атрымаць мясцовы ВНЖ ці візу ў Еўропу?? На гэтыя ды іншыя пытанні ў эфіры Еўрарадыё адказвае прадстаўнік па замежных справах Аб’яднанага пераходнага кабінета Валерый Кавалеўскі

Вядомую экаактывістку Грэту Тунберг судзяць за яе акцыю ў Вялікабрытаніі. Адбываецца гэта на фоне чарговага наступства глабальнага пацяплення — моцнай спёкі ў Аргенціне. Пра гэта і не толькі — у нашым традыцыйным аглядзе міжнародных навін.

Мігранты па-ранейшаму не сыходзяць з беларуска-польскай мяжы - "Раніца з Еўрарадыё" за 3 лютага by Euroradio

Нерашучы Лукашэнка і падазраваная Грэта — Еўразум за 2 лютага |Новости Беларуси за 2 февраля by Euroradio

Праз некалькі дзён завяршаецца кадэнцыя дзейнага складу Каардынацыйнай рады, а дагэтуль так і не прынятае рашэнне, якім чынам і калі будзе абірацца новы склад КР. Працягваюцца спрэчкі не толькі “колькі галасоў” будзе ў кожнага выбаршчыка, але і наконт квот. Асабліва моцныя дыскусіі выклікала пытанне “гендарных квот” — колькі жанчын абавязкова мусіць быць у складзе КР. Дайшло да таго, што складаюцца цэлыя петыцыі і збіраюцца подпісы як за наяўнасць такіх квот, так і супраць іх. “Нам усё роўна, хто нам дапамагае, мы ўдзячныя кожнаму i кожнай, хто далучыўся да нас і дапамагае ў нашай агульнай барацьбе. Ствараць асобную павестку, каб непасрэдна жанчыны далучаліся да нас, лічым абсалютна бессэнсоўным”, — пішуць у сваім лісце ў Каардынацыйную раду праціўнікі квот. Што адбываецца ў Каардынацыйнай радзе, чым яна займаецца і чаму дагэтуль не вызначыліся з працэдурай і фарматам правядзення выбараў? Навошта патрэбныя квоты, дапамагаюць яны ці замінаюць у пабудове беларусамі сваёй палітычнай і грамадзянскай супольнасці? Чым адзначыліся “Кіберпартызаны” за апошні час і што стаіць за шматлікімі фэйкавымі акаўнтамі, якія з’яўляюцца ў сацсетках? На гэтыя ды іншыя пытанні ў эфіры Еўрарадыё адказваюць магістрантка паліталогіі, афіцыйная прадстаўніца “Кіберпартызан” і палка імя Кастуся Каліноўскага Юльяна Шаметавец і юрыст, праваабаронца, дэлегат КР Раман Кісляк