D Gurkä lauft mit offene Auge und Ohrä dürs Läbe und wunderet sich oft über ihri Mitmönsche. Es git irgendwiä ächt nüt wos nid git. D Gurkä isch ja eigentlich es Meitli und doch wott d Gurkä nid so rächt is Meitli-Schublädli passä. Schminkzüg haltet d Gurkä für Operationsbschteck und Shopping chönnt au ä Provinz in China si - wär weiss das scho so genau?
Mister Right
Letscht Wuchä isch de noi Mister Right kürt worde. Nid min persönliche, sonder are Wahl mit Schärpe und so. Ich ha gar nid gwüsst, dass es das no git.
10/20/2024 • 13 minutes, 26 seconds
Psychopath
Ich ha gläse, dass me innert 5 Minute cha use finde, ob me e Psychopath isch. Diä Glägeheit hani mr natürlich nid la nä.
10/13/2024 • 10 minutes, 55 seconds
Chnobli
Dass Chnobli für und gege alles cha igsetzt wärde, isch mr bewusst. Ich bi aber uf es paar Fakte rund um d Wunderchnolle gschtosse, wo mi hei zum Schtune bracht.
10/6/2024 • 12 minutes, 26 seconds
Intrasexuelli Konkurränz
Wieso schnide Coiffeuse hüfig meh Haar ab, als das d Chundin het wölle? E Artikel behauptet jetzt d Antwort z ha: Wäge de intrasexuelle Konkurränz.
9/29/2024 • 13 minutes, 40 seconds
Ultra
Ich ha ime Podcast ghört, dass e Lüt git wo jedi Schtud diä glich Schtrecki secklä, bis nume no eine mag. Gits no öpis herters?
9/20/2024 • 15 minutes, 12 seconds
Juristische Gugus
Ich bi s erscht mal i mim Läbe zume Awalt. Es gurkt mi zwar a, aber ich glaube ich bruche au ir Schwiz juristische Rügge.
9/15/2024 • 16 minutes, 16 seconds
Schnäbischtudiä
Ich ha e noi Schtudiä gläse, wos um de Zämmehang vor Schnäbilängi und Depressione und Ängscht geit. Isch das so eifach?
9/8/2024 • 12 minutes, 16 seconds
Luxuswohnmobil
Ich ha es Luxuswohnmobil gseh, wo mi schprachlos zrügg gla het. Näbscht em ganze Luxus fähle für mi wichtigi Sache. Zum Glück gits no meh i däm Luxussektor.
9/1/2024 • 13 minutes, 58 seconds
Edeltaxi
Ich ha e Brief übercho, woni gar nid drus cho bi. Warum schicke diä mir überhaupt e Rächnig und für was?
8/25/2024 • 12 minutes, 54 seconds
Frömdga
Manne göi frömd, zum ihre Saame möglichscht grosszügig z verteile. Aber warum göi Fraue frömd? E nöi Schtudiä het diä Frag undersuächt und es paar ilüchtendi Theorie.
8/18/2024 • 12 minutes, 38 seconds
Schmärzempfindlechi Fraue
Fraue überchöme im Notfall sältener Schmärzmittel verschribe und müässe länger dert ume sürmle. Egal ob si vore Frau oder eme Maa behandlet wärde. Wiä chunnt das? Vermuätige gits vil dezuä.
8/11/2024 • 13 minutes, 18 seconds
Trochlearis
Ich gseh immer no dopplet und rotiert. Immerhin weissi jetzt, was i mim Hirni nüm funktioniert. Und ich ha gfühlt en Usflug is vorvorletschte Jahrhundert gmacht.
8/4/2024 • 13 minutes, 26 seconds
Pirat
Ich ha en unverschuldete Velounfall gha und mis Läbe isch zunderobsi. No weissi nid genau, was no alls uf mi zue chunnt, aber es isch e erschte Versuäch vore Brichterschtattig.
7/28/2024 • 17 minutes, 49 seconds
Erwachse
„Du bisch erwachse“, het me mir gseit. Ja, ich bi nüm es Chind und au nüm jugendlich. Aber erwachse? Was heisst das und bini das würklich?
7/21/2024 • 11 minutes, 24 seconds
Schlächti Luunä
Ich bi hüt mit em falsche Fuäss ufgschtande, zur falsche Zit und überhaupt. Alles doof. Ob Chat GPT mi zum Lache bringt?
7/14/2024 • 12 minutes, 2 seconds
Hannesbildli
Sit dere Wuchä gildet s revidierte Sexualschtrafrächt. Umso erschtunter bini gsi, woni de Blick vom Gsetzgäber uf unerwünschti Schnäbibilder ha gseh.
7/7/2024 • 14 minutes, 9 seconds
Mörserwärfe
Letscht Samschtig isch diä halb Schtadt Züri vo lute Knäll gweckt worde. S Zürcherliche Artillerie-Kollegium het mit ihrne Mörser gschpilt. Ich ha wölle wüsse, was hinder dene Bombewärfer schteckt.
6/30/2024 • 18 minutes, 30 seconds
Flirtkudos
Ich ha ghört, dass Strava nid nume zum Schpörtle brucht wird, sondern vor allem au zum Flirte. Isch Strava wük geignet als Datingapp?
6/23/2024 • 13 minutes, 54 seconds
Poschtchartä
Ich ha e Newsletter vor Poscht übercho, wo mr aprise het, dass ich künftig mini Poschtchartä nüm sälber muäs formulierä. Chunnt das guät wenn e KI mini Charte textet?
6/16/2024 • 15 minutes, 5 seconds
Pömp Foil
Ich bi zum Pump-Foile iglade worde. S Ziel vo däm Schport wär übers Wasser gleite oder schwäbe. Ich bi nid ganz so wit cho und ha mi gfühlt wiä e Härdöpfelsack im Neopren.
6/9/2024 • 17 minutes, 28 seconds
Schnäggli
Ich bi gfragt worde, ob ich en Gurk zu Schnägge chönnt mache. Härzlich gärn. Mit dene kämpf ich einewäg. Villech wär das ja en Wirtschaftszweig für mi: Wibärgschnäggezucht.
6/2/2024 • 16 minutes, 33 seconds
Bare-Adise
Ich finds scho rächt befrömdlech, dass es immer no Chrüzfahrte git. Aber das Agebot übertrifft all mini Horrorvorschtellige.
5/26/2024 • 16 minutes, 45 seconds
Wundergel
Ar ETH wird vil gforscht. Grad diä Wuche het es Forschigsteam diä neuscht Erfindig publiziert. Es Gel wo de Konsum vo Alkohol weniger schädlich macht. E Revolution oder e Bieridee?
5/19/2024 • 14 minutes, 17 seconds
ESC
Es isch wider ESC-Zit. Bis jetzt isch diä Veraschtaltig ame so chli a mir verbi gange. Aber das Jahr hani mi mal e chli demit usenand gsetzt und diä schönschte Skandäl zämmetreit.
5/12/2024 • 14 minutes, 46 seconds
Gummi 2.0
Es git noi Kondom, wo me 2 Schtund vorem GV cha azieh, damit me nid unschön muäs s Liäbesschpil underbräche. E schpannendi Idee wo vil Frage ufwirft.
5/5/2024 • 13 minutes, 5 seconds
Schlaghop
Vil Raptext si inhaltlich rächt ähnlech. Es geit um Gäld, Macht, Chärre, Bitches und irgendwelche Beef mit andere. Wiä würd das töne, wenn me Hip Hop Text mal ganz positiv würd verfasse oder sogar im Schlagerschtil?
4/28/2024 • 14 minutes, 52 seconds
Contra-Dating
Ich ha gläse, dass Contra-Dating de noischt Schrei isch. Ich ha das Konzept mal e chli under d Lupe gno.
4/21/2024 • 10 minutes, 20 seconds
Biologisch dynamischi Hormon
Me het mir ime unagmässene Rahme empfohle, dass ich i de Wächseljahr doch söll biodynamischi Hormon nä. Bitte wiä?
4/14/2024 • 11 minutes, 55 seconds
Brunz
Wenn me nid ganz so zfride isch mit sim Job, denn isch en Abwärtsverglich immer guät. Und ich ha nid lang müässe suäche, zum e Bruäf finde, wo en rise Seich isch.
4/7/2024 • 13 minutes, 50 seconds
Zimmerlüt
Mi Ofe isch ja leider kaputt und drum isch e nätte Mechaniker verbi cho und hätt dä Ofe gärn gflickt. Mi hets wunder gno, was me so lehrt für das und bi extrem überrascht worde.
3/31/2024 • 11 minutes, 36 seconds
Sexuelli Ängscht
Weli Schtellige si bi Manne und Fraue beliebt und weli si ender unagnähm? E witeri Umfrag über Sex, wo erschtunlechi Erkenntnis bringt.
3/25/2024 • 12 minutes, 56 seconds
Jahrhundertplan
De Gurk wird älter und ich wirdes au. Ich bi no schturer als früächer und es berüämts Baby woni usem Fernseh kenne, het hüt sälber Chind. Villech wirds Zit, dassi i mini nächschte 100 Jahr inveschtiere.
3/17/2024 • 15 minutes, 18 seconds
Modus Mann
Me het mir ime Podcast e Site empfohle, woni ganz vil über de „Modus Mann“ cha lere. Ich triffe uf ganz vil Löiä, Adler und weisi Schprüch.
3/10/2024 • 14 minutes, 9 seconds
Formschön
Mis Mami het mr alti Zügnis und anderi Perle us mire Chindheit verbi bracht und ich bi über mi sälber überrascht.
3/3/2024 • 14 minutes, 7 seconds
Catcalling
Ich ha offesichtlich mal wider under eme Schtei gläbt. Mir het de Begriff „Catcalling“ gar nüt gseit. Über d Diskussion drüber i de Mediä und Gränze zum Komplimänt, hani mi aber e chli gwunderet.
2/25/2024 • 13 minutes, 5 seconds
Disneyfake
E Fake Newssite het vermäldet, dass me mit Blick ufs Cindarellaschloss cha Chind uf d Wält bringe. Bi mir macht das ganz vil grossi Frage uf.
2/18/2024 • 11 minutes, 49 seconds
Huutverschteigerig
Zume guäte Zwäck verschteigeret en Künschtler sini Huut bzw. all sini Tattoos, wo er s Läbe lang het gsammlet. Das sig nid makaber sondern Tradition in Japan.
2/11/2024 • 12 minutes, 1 second
Dunning Kruger
Wiä chas si, dass es es Lüt git, wo offesichtlich inkompetänt si und das eifach nid merke? Wo trotzdäm schtrotze vor Sälbschtvertraue?
2/4/2024 • 13 minutes, 34 seconds
Bätschelers
Es wärde wider Röseli verteilt im Fernseh. Aber dasmal nid nume vo eim Bachelor, sondern grad vo zwei. Ich ha mr das bahnbrächende Konzept e chli genauer agluegt.
1/28/2024 • 14 minutes, 49 seconds
Lüge
Mönsche lüge vil, obwohls als unmoralisch agluegt wird. Drum chönntis si, dass lüge sich negativ ufe Sälbschtwärt uswürkt. E aktuelli Schtudiä undersuächt dä Zämmehang.
1/21/2024 • 14 minutes, 12 seconds
Meh Gurkä meh Luscht
Ich ha gläse, dass vegani Ernährig d Luscht cha schteigere. Hälfe Rüäbli und Sellerie würklich gege Luschtlosigkeit?
1/14/2024 • 14 minutes, 13 seconds
MUA
De Wunsch nach körperlicher Nöchi uf Dischtanz isch alt. Noi Technologie sei Dank, gits immer meh Möglichkeite. Ich ha mr d Remote-Kuss-Maschineli drum gnauer agluegt.
1/7/2024 • 13 minutes, 27 seconds
Vöglischtatistik
Eini vo de gröschte Pornoplattforme het e usfüerlechi Schtatistik zum vergangene Jahr use gä. Ich has mr nid la nä, diä Zahle chli genauer azluege.
12/31/2023 • 12 minutes, 7 seconds
Eselsbrügg
Ich ha gmerkt, dass ich nid diä einzig bi, wo mit em Chatbot schtrittet. Er isch schinbar nid so guät im Eselsbrügge mache. Das muäsi grad teschte!
12/24/2023 • 12 minutes, 23 seconds
Jesus
Me cha neuerdings mit Jesus chatte. Ja, mit em Sohn Gottes. Ich has usprobiert, bi aber nachhaltig enttüscht vo Jesus.
12/17/2023 • 14 minutes, 23 seconds
Chlausevärsli
Ich bruche täglich en Chatbot, woni alles mögleche frage. Ich ha s Gfühl, dass me a mim Chatverlauf mi Charakter dütlech gseht. Nid sälte geits au chli umes Chräftemässe.
12/10/2023 • 13 minutes, 5 seconds
Zeppelin
Ich ha gmeint d Zite vo de Zeppelin si definitiv verbi, aber es wird wider intensiv ame noiä Zeppelin gforscht. Bi no chli skeptisch, ob das e Zuekunft het.
12/3/2023 • 11 minutes, 22 seconds
Vögliduur
Ich weiss nid genau warum, aber es git es Forschigsinträsse dra, wiä lang eigentlich Sex duuret. Ich ha mi gfragt, wiä zum Geier das gmässe wird und weli Influssfaktore berücksichtigt wärde.
11/26/2023 • 13 minutes
Mannenachteil
Ich bi no immer ir Türkei ufeme Campingplatz und da wird vil diskutiert und philosophiert. Ich ha es paar unglaublechi Fakte erfahre, woni chum ha chönne glaube.
11/19/2023 • 13 minutes, 24 seconds
Selfiesemantik
Mir chöi au ohni Wort kommuniziere. Mir mache das hufewis im Internet und zwar mit Selfies. Es Forscherduo het diä unusgschprochene Informatione genauer undersuächt.
11/12/2023 • 13 minutes, 28 seconds
Fingernägeli
Ich bi i de Feriä und ha gmerkt, wiä krass ich ime privilegierte Seifeblööterli läbe. Aber gwüssi Problem si halt so gross, dass me liäber diä chline apackt.
11/5/2023 • 14 minutes, 53 seconds
Mätschmeiker
Tinder isch im Gegesatz zu andere Datingapps nüm so erfolgrich. Drum gäbe si sech müä, d Lüt mit noiä Funktionä z überzüge. Me cha jetzt Familie und Fründe i d Suächi ibezieh.
10/29/2023 • 14 minutes, 44 seconds
Underschätzti Vätere
Lang het d Forschig d Vaterrolle wenig undersuächt. I de letschte Jahr si aber es paar Schtudiä zämme cho. Für mich sehr erhellend. Ich verschtand jetzt mi Papi besser.
10/23/2023 • 12 minutes, 22 seconds
Tinder Banking
Bald si Wahle und drum het sich e Bürgerbewegig ganz e bsunderi Kampagne la ifalle. Uf Tinder probiere si schtatt Härz Schtimme z’gwünne.
10/15/2023 • 17 minutes, 14 seconds
Risägmüäs
Vor ere Wuche het wider diä jährlich Schwizermeischterschaft im Gmüäs- und Chürbiswääge schtattgfunde. Ich muäs mini Definition vo gross und schwär überdänke.
10/8/2023 • 13 minutes, 40 seconds
Hirnlos
Ich ha gläse, dass Organisme ohni zentrals Närvesyschtem us Erfahrige chöi lere. Keis Hirni und glich lernfähig? Das git doch wider Hoffnig!
10/1/2023 • 11 minutes, 7 seconds
Dänke
Ich ha scho als Chind sehr gärn ume träumt und bi mine Gedanke nache ghanget. Schinbar isch das aber öpis huere schwirigs. Dänke ohni Ablänkig isch extrem unbeliebt.
9/24/2023 • 12 minutes, 16 seconds
Anoderm-Selfie
Diä Wuchä si diä absurdischte und luschtigschte Forschige uszeichnet worde. Ich liäb nid nur diä ganz Veraschtaltig sondern au d Forschigstheme.
9/17/2023 • 14 minutes, 26 seconds
Erfolgrich
Ich ha es Video gseh mit füf Tipps für Eltere, wiä si ihri Chind erfolgrich mache. Villicht hilft mir das ja, zum use finde, wieso ich nid erfolgricher bi.
9/10/2023 • 13 minutes, 46 seconds
Hässig
Ich ha als chlises Chind regelmässig täupelet. Wüll ich das hüt als erwachsnige Mönsch nüm so cha usläbe, muäs ich probiere anders mit mire Wuät umzga.
9/3/2023 • 17 minutes, 40 seconds
Gumpä
Ich bi diä Wuche chli chrank gsi und drum vil im Internet ume gsürmlet. Und da hani zwei Trendschportarte entdeckt, wo mi sehr zum Lache bracht hei.
8/27/2023 • 12 minutes, 33 seconds
Liäbhaberobjekt
Hüt isch de „endlich-kaputt-Tag“. Es geit um Sache, wo me scho ewig het und gärn würd los wärde aber glich bhaltet. Ich hätt e andere Vorschlag, schtatt z hoffe, dass das Ding ändlech kaputt geit.
8/20/2023 • 13 minutes, 54 seconds
Theorie vo de Dummheit
Ich bi über es Video gschtoglet, wo jungi Fraue mit Schtäckerössli ume gumpe und zwar sehr ärnscht. Ich ha meh über diä tierisch Schportart wölle wüsse.
8/13/2023 • 13 minutes, 2 seconds
Schtäckerössli
Ich bi über es Video gschtoglet, wo jungi Fraue mit Schtäckerössli ume gumpe und zwar sehr ärnscht. Ich ha meh über diä tierisch Schportart wölle wüsse.
8/6/2023 • 17 minutes, 41 seconds
Diip feik löve
Ich bi gfragt worde, ob ich „Deep Fake Love“ kenne. Und wüll d Antwort nei isch gsi, hani das grad müässe ändere.
7/30/2023 • 18 minutes, 5 seconds
Chliflugkörper
Ich bi ime Buäch über sich sälber reproduzierendi und fescht programmierti Chliflugkörper uf biologischer Basis gschtürchlet. Da hani meh wölle wüsse.
7/23/2023 • 12 minutes, 36 seconds
Parachlättere
Ich bi letscht Wuchäänd s zweit mal ame Parachlätterwettkampf gsi. Es het mi schier us de Söckli ghaue. Was für inschpirierendi Mönsche!
7/16/2023 • 13 minutes, 23 seconds
Putt
Ich ha e Artikel über „Putt’s Law“ gläse, wo Prozäss beschribt, wo mr sehr bekannt vorchöme. Und au wenn das Buäch vom Putt nid bierärnscht gmeint isch, lohnt’s sich, drüber nache z dänke.
7/9/2023 • 11 minutes, 22 seconds
Früchtli
Ich ha e Plakatwärbig für e Datingapp gseh wo uf Frücht basiert. Ich bi nid ganz drus cho und bi das drum go usprobiere.
7/2/2023 • 18 minutes, 30 seconds
E Frau es Buäch
Nachdäm ich glert ha, was Manne so müässe wüsse, hani s Buäch für d Fraue gschänkt übercho. Ich bi sicher, dassi no vil Bildigslugge ha.
6/25/2023 • 15 minutes, 57 seconds
Tengger
S Volk vo de Tengger chlätteret einisch pro Jahr ufe Vulkan zum d Götter ehre. Diä andere iheimische Völker fire zwar nid mit, mache aber ihres eigete Feschtli drus.
6/18/2023 • 13 minutes, 30 seconds
DeppGPT
Ich ha letschti ime Gurk mit ChatGPT e chli gschtritte. Jetzt gits e Alternative namens DeppGPT. Das tönt sehr vilverschprächend.
6/11/2023 • 12 minutes, 45 seconds
Übersetzigsmaschineli
Ich ha bime Fründ es Buäch entdeckt, woni sofort ha müässe uslehne. Dört drin schteit alles, wo Maa muäs wüsse. Da bini aber gschpannt.
6/4/2023 • 12 minutes, 59 seconds
E Maa es Buäch
Ich ha bime Fründ es Buäch entdeckt, woni sofort ha müässe uslehne. Dört drin schteit alles, wo Maa muäs wüsse. Da bini aber gschpannt.
5/28/2023 • 21 minutes, 48 seconds
Internetfüärerschin
Ich ha ghört, dass es jetzt in Dütschland e Früärerschin fürs Internet git. Diä Prüäfig bini natürlich sofort ga mache, ha aber scho Müä gha, überhaupt bis zu de Frage z cho.
5/21/2023 • 18 minutes, 35 seconds
Läbenswisheite vom Amir
E Kandidat us de aktuelle Schtaffle Bachelorette schimpft sich Beziehigscoach. Er machi luschtigi Videöli uf Social Media. Diä Läbenswisheite hani mr genauer agluegt.
5/14/2023 • 16 minutes, 43 seconds
Birering
Ich ha es nois Produkt entdeckt: en Fingerring, wo azeigt, dass du Single bisch und uf de Suächi nach eme Partner. Ich frag mi, ob das so noi isch und ob das funktioniert.
4/30/2023 • 11 minutes, 56 seconds
Gheimnis
Ich ha gläse, dass es e guäti Idee isch, sini Gheimnis z teile, wülls belaschtet, Sache für sich z bhalte. Mag si. Ich ha mi aber gfragt, wiäs fürs Gegeüber isch, wo das Gheimnis empfangt.
4/23/2023 • 11 minutes, 37 seconds
Hanfpalme
Ich bi grad es Wücheli im Tessin am Batterie uflade. Palme, See, schnusigi Dörfli, Marroni - aber villech änderet sich das bald.
4/16/2023 • 10 minutes, 39 seconds
Konzentration
Ich mache immer x Sache glichzitig und es fallt mr schwär, mich uf öpis z konzentriere. Isch das nur es blöds Mödeli oder chanis eifach nid besser? Zit für e Konzentrationstescht!
4/9/2023 • 13 minutes, 36 seconds
Rate my date
Es git scho wider es nois Ghüdderformat und das hani mr natürlech müässe ine zieh. D Asätz si nid so leid, aber ich ha wiä immer no es paar Optimierigsvorschläg.
4/7/2023 • 17 minutes, 28 seconds
Familiehudu
Ich ha zersch dänkt, es sig en Aprilscherz. Aber nei! Es git Mönsche wo uf Schtofflümpe schtatt WC Papier bruche.
4/2/2023 • 12 minutes, 39 seconds
Fundservice
Ich verliäre und verhunzle ja immer wider Sache. Aber was anderi so verliere und finde, erschtunt mi doch e chli.
3/26/2023 • 13 minutes, 9 seconds
Hüänergaga
Ich ha e Schlagzile gläse, dass Hüäner attraktivi Mönsche bevorzuge. Das hani nid so rächt chönne glaube und ha mr d Originalschtudiä ine zoge.
3/19/2023 • 12 minutes, 7 seconds
Vademecum
Ich frage mi ja mängisch, was gwüssi Mönsche im Büro de liäb läng Tag so mache. Jetzt weiss ich’s. Si formuliere sich en Wolf.
3/12/2023 • 11 minutes, 30 seconds
Brieffründe
Ich ha bim Ufrume alti Briefe gfunde. Aber nid öpä vo Fründe, sondern woni sälber gschribe ha. Drum gangi uf d Suächi nach modärne Brieffründschaftsportal.
3/5/2023 • 13 minutes, 30 seconds
Chatbot
Chat GPT isch in aller Munde. Drum muäsi teschte, was diä künschtlech Intelligänz so ufem Chashte het.
2/26/2023 • 15 minutes, 51 seconds
Monsterfresse
Mini Schwoscht het e alti Website entdeckt, woni no es völlig vergässes Profil ha us de Teenagerzite. Ich triff mis jüngere ich und fühl mi wiä ire Zitchapsle.
2/19/2023 • 18 minutes, 32 seconds
Antivalentin
Ich ha villecht es paar Ufschteller oder kreativi Idee für Mönsche wo mit däm kommerzielle Gugustag nid so vil chöi afa.
2/12/2023 • 13 minutes, 46 seconds
Urinalle
Ich ha es Noientwicklig entdeckt: Urin*alle. Es Urinal für Mönsche mit Penis und für Mönsche mit Vulva. Guät oder nume guät gmeint?
2/5/2023 • 13 minutes, 30 seconds
Zombiepilz
Wäg ere Serie isch de Zombiepilz Cordyceps in aller Munde. Au we de Pilz uf de erscht Blick rächt beängschtigend würkt, het er u huere vil Zauberchräft.
1/29/2023 • 11 minutes, 44 seconds
Sologamie
Es het sich wider mal e bekannti Persönlichkeit sälber ghürate. Ich frage mi, was de Sinn vo de Sologamie isch und überlege mir, ob ich für mi sälber au in Frag chäm.
1/22/2023 • 13 minutes, 6 seconds
Insle vo de Blödheit
Ich liäbs, wenn ich eigeni Insle vo de Blödheit entdecke. Diä Wuche hani grad zwei sonigi Bildigslugge chönne schlüsse.
1/15/2023 • 9 minutes, 11 seconds
Farbigi Chläberli
Ich bi ja immer zforderscht mit debi, wenns um noi Schönheitstrends geit. Drum hani mr diä Sach mit dene farbige Chläberli im Gsicht au chli genauer müässe aluege.
1/8/2023 • 11 minutes, 7 seconds
Siegerwäse
Ich luege nid so gärn zrügg sondern liäber füre und wott drum es paar Kreature d Ehr erwise, wo ihres persönliche Siegesjahr vor sich hei. Und villech chöi mr ja sogar öpis lere vo dene.
1/1/2023 • 10 minutes, 12 seconds
Deit or dröp
Ich ha letschti ime Gurk es Ghüdderformat entdeckt, wo sogar mis Schwöschterli kennt. Geit gar nid. S Konzäpt überzügt mi sehr, ich hätts grad au gärn im Alltag.
12/25/2022 • 17 minutes, 57 seconds
Schwizer Fakte
Was macht üs Schwizer eigentlich us? En Instakanal git Ahaltspünkt und d Gurkä überprüäft, ob si denn würklich e ächti Schwizergurkä isch.
12/18/2022 • 13 minutes, 5 seconds
Sweip Mätsch Löv
Mol, es git se no: mir unbekannti Ghüddersändige. D Idee vo dere Sändig gfallt mr no - das wär scho fasch öpis für d Gurkä.
12/11/2022 • 14 minutes, 12 seconds
Frage zum verliäbe
Es git e Frageboge mit 36 Frage, wo sölle verliäbt mache, wenn diä mit dim Gegeüber diskutiersch. Ich bi ender skeptisch.
12/4/2022 • 15 minutes, 42 seconds
Brunzartikel
E Expertin warnt Fraue, dass id Duschi bisle gsundheitsschädigend sig. Ich bi sehr gschpannt uf d Argumänt, finde se aber ender e rise Brunz.
11/27/2022 • 13 minutes, 8 seconds
Horrorflüge
Ich ha Bekanntschaft gmacht mit eme Tier, woni bis jetzt nid kennt ha. Aber kei Grund, zum mi in Sälbschtmitleid z suulä, wüll anderi hets no vil heftiger tüpft.
11/20/2022 • 13 minutes, 6 seconds
Inflation
Ich ha däm Märtfraueli zersch gnadelos underschtellt, dass es mi übers Ohr het ghaue. So unverschämt vil hets für min bescheidene Ichauf verlangt. Aber es isch ganz anders.
11/13/2022 • 12 minutes, 32 seconds
Noi Beautygätschets
Ich ha en Tescht vo drü noiä Beautygätschets gläse. Ich bi fasziniert, wiä guät diä Grät wäg chömme, au wenn si so gar nid funktioniere.
11/6/2022 • 12 minutes, 35 seconds
Lebändig verbuddle
In Russland chasch für vil Bätzeli a dire eigene Beärdigung teilnä. Sich lebändig la begrabe isch aber kei noi Idee. Ich bi däm gschpässige Ritual mal chli nache gange.
10/30/2022 • 12 minutes, 39 seconds
Rächtfertigung
I mim Alltag gits ganz vil Situatione, wo Mönsche mir gegeüber i d Rächtfertigungsfalle tappe. Drum hani mi gfragt, was eigentlich de Underschid zwüsche Rächtfertigung, Begründig und Entschuldigung isch.
10/23/2022 • 13 minutes, 39 seconds
Sexchat
Mir het letschti öpr verzellt, wo bi some Sex-Chat-Undernäme gschaffet het. Ich ha mi scho immer gfragt, wiä genau das funktioniert.
10/16/2022 • 14 minutes, 41 seconds
Beige Flags
De weissi ändlich, was mit dene Red Flags gmeint isch, und jetzt chöme scho d Beige Flags ume Egge. Ich zwifle aber schtark dra, ob das dini Chance uf es Liäbesglück erhöht.
10/9/2022 • 14 minutes, 7 seconds
Blaui Zone
De Dan het Regione gfunde, wo Lüt überdurchschnittlich lang läbe. D Frag isch natürlich, was s Gheimnis hinder eme lange Läbe isch.
10/2/2022 • 13 minutes, 11 seconds
Einezwänzg
Da seiächsch in Ofe: es wird sogar übers Bisle gforscht. Ich bi verblüfft, was d Wüsseschaft het use gfunde und mache sogar es Sälbschtexperimänt.
9/25/2022 • 13 minutes, 20 seconds
Schönheitsglück
Ich ha e Schtudiä gläse, wo mi zum Grüble bracht het. Es geit um de Zämmehang vom Körper und Glück. Scho Chind hei ganz klari Assoziatione, wär denn glücklech isch.
9/18/2022 • 11 minutes, 30 seconds
Priisgeglä
Ich ha en noi Schportart entdeckt, wo Fraue und Manne ir gliche Kategorie chöi aträtte. Ich bi fasziniert und ha öpis Grundsätzlechs begriffe.
9/11/2022 • 11 minutes, 37 seconds
Reui
Hesch dr au scho mal überleit, was du i dim Läbe bereusch? Sis eher Sache wo gmacht hesch, oder äbe grad diä, wo nid gmacht hesch? Schinbar gits füf Klassiker, wo vil Mönsche bereue.
9/4/2022 • 11 minutes, 12 seconds
Schöni Frösche
Ich ha en sehr schräge Artikel zure Schtudiä gläse und ha mrs denn nid chönne nä, d Originalschtudiä sälber läse. Ich säg nur: ok wow!
8/28/2022 • 13 minutes, 21 seconds
Gfährlechi Trends
Ich wundere mi mal wider über Trends vo sogenannte Influencer und das obwohl ich immer wider dänk, dass me mi nüm so liächt cha überrasche.
8/21/2022 • 12 minutes, 10 seconds
Chlage
Hesch du au scho mal dra dänkt, dass du e Firma oder e Läbensmittelhärschteller wäge übermässiger Flatulänz chönntisch achlage? Nid? Chönntisch aber.
8/14/2022 • 14 minutes, 38 seconds
Ghaltvolle Ghüdder
Ich ha e nois Ghüdderformat entdeckt und muäs säge, das isch gar nid so leid. Es git tatsächlich au wärtvolle Ghüdder.
8/7/2022 • 15 minutes, 50 seconds
Chlaue
Ich bi bechlaut worde. Me isch bi mir in Garte und het Pflanze usbuddlet. Richtig: Pflanze, nid Gmüäs. Ich verschtand d Wält nüm.
7/31/2022 • 16 minutes, 19 seconds
Layla
Ich ha zum Lied Layla es paar Artikel gläse und bi scho rächt erschtunt, wiä undifferenziert brichtet wird.
7/24/2022 • 11 minutes, 55 seconds
Läbensoptimierig
Ich ha e Lischte vo 100 Tipps für es bessers Läbe zuegschickt übercho. Ich bi diä Lischte mal düre gange und bi nid ganz mit allem iverschtande.
7/17/2022 • 19 minutes, 33 seconds
Barbie
Ich ha gläse, dass de Barbiecore-Trend viral geit. Wiä bitte? Ich bi de Gschicht vo de Barbie mal chli nache gange und ha gmerkt, dass ich nüt gwüsst ha über diä Puppe.
7/10/2022 • 14 minutes, 1 second
Gfühlts Alter
Ich bi wider es Jahr älter worde. Also theoretisch oder chronologisch. Aber mis gfühlte Alter isch ganz anders.
7/3/2022 • 15 minutes, 23 seconds
Badzimmersünde
Ich ha e Artikel gfunde, wo mr diä gröschte Badzimmersünde erklärt und seit, was me cha besser mache. Am Schluss weiss ich zwar, dass ich e Sau bi, ha aber glich no es paar Frage.
6/26/2022 • 15 minutes, 10 seconds
Sinkingmeinds
Vorem Ischlafe luegi ame no, was im Internet so lauft und da hets mr es Profil vorgschlage wo rächt gschpässegi Schprüch uf Lager het.
6/19/2022 • 14 minutes, 9 seconds
Glace
Hesch du gwüsst, dass es zu jedem Schtärnzeiche e passendi Glacesorte git? Und dass d Art wiä öpr Glace isst, uf de Charakter schlüsse laht?
6/12/2022 • 13 minutes, 55 seconds
Blüttlitag
Wenn wärs passender über d Frag z diskutiere, ob me oben-ohne darf ga bädele, als am Wält-Naturischte-Tag?
6/5/2022 • 16 minutes, 22 seconds
Haarig
Fraue müässe aalglatti Bei ha und sicher kei Haar under de Achsle. Manne mit rasierte Wadli si defür schwul. Oder öpe doch nid?
5/29/2022 • 14 minutes, 47 seconds
Souvenir
Ich bi nid nur e Gurke sondern schinbar au e wahnsinnig guäti Gaschtgäberin.
5/22/2022 • 12 minutes, 11 seconds
Indiskreti Frage
Ich bi mal wider erschtunt wiä unverschämt, dass gwüssi Mönsche si.
5/15/2022 • 15 minutes, 8 seconds
Salzdeo
Ich ha ame Bud Spencer Abe vome Kolleg ghört, dass er es Salzdeo het. Es was? Ich bi däm nache gange.
5/8/2022 • 10 minutes, 58 seconds
Gfährlech
D Suva het feschtgschtellt, dass Bouldere e Trendschport mit Schattesite isch. Richtig, wüll: bös, bös, bös oder sehr gfährlech.
5/1/2022 • 12 minutes, 17 seconds
Gsundheitsschtudiä
Es isch mal wider e schpannendi Schtudiä use cho, wo ganz verruckti Ergäbnis as Liächt bringt.
4/24/2022 • 12 minutes, 42 seconds
Öschterlichi Kaputzemannli
Es isch semana santa in Mallorca. Und dademit verbunde si vil Brüch und Ritual. Ich versuech dene e chli uf d Schlichi z cho.
4/17/2022 • 12 minutes, 54 seconds
Chunnt mr schpanisch vor
Ich ha ändlech Feriä und gnüsse mini Zit in Mallorca. Ich ha eifach eis grosses Problem: ich verschtand keis Wort.
4/10/2022 • 14 minutes, 38 seconds
Aprilscherz
Es isch mal wider erschte April gsi und ich ha mi gfragt, weles diä beschte Aprilscherz si und wohär diä Tradition eigentlich chunnt.
4/3/2022 • 10 minutes, 39 seconds
Fudi
De Dodo het es nois Liäd use gä mit em beruschende Titel Fudi. Das cha de Gurke natürlech nid am Arsch verbi ga.
3/27/2022 • 11 minutes, 27 seconds
Meiköp
Ich ha mi diä Wuche plötzlech gfragt, wieso sich Fraue schminke und Manne nüm. Schliesslech isch das früächer doch au no ganz anders gsi.
3/20/2022 • 13 minutes, 52 seconds
Wär zahlt
Ich ha en Usschnitt us ere Datingsändig gseh, wo d Diskussion, wär am Schluss d Rächnig vom Ässe übernimmt, rächt entgleist isch.
3/13/2022 • 14 minutes
Beschtä Arbeitgäber
E grossi Umfrag het einisch meh de beliäbtischt Arbeitgäber vor Schwiz kürt. Mich nimmt Wunder, was dä het, wo anderi nid hei.
3/6/2022 • 13 minutes, 15 seconds
Quadzilla
Ich ha zur Feier des maskenfreien Tages es Intervallvelöle des Todes zämme gschtellt. Denn hani mir afa überlege, wiä vil Watt Profivelöler uf de Bahn im Verglich zur Gurke trampe.
2/27/2022 • 13 minutes, 31 seconds
Uufrume
Ich ha en Artikel gfunde mit Tipps, wiä me in Rekordzit sini Wohnig cha ufrume. Da bini sehr gschpannt, wüll Chaos hani immer gnuä im Agebot.
2/20/2022 • 13 minutes, 57 seconds
Buur
Ich ha mal wider mis Schwöschterhärzli in ihrem Kaff bsuächt. Bim Schpaziergang mit de Chind hani en Buur troffe und ihm Milloneschtüdeli Frage gschtellt.
2/13/2022 • 14 minutes, 34 seconds
Breik öp Turte
Es isch nüt Nois, dass vil Beziehige nid für d Ewigkeit hebe. Aber es git schinbar en noiä Trend, wiä dass me däm Ganze es Ändi setzt.
2/6/2022 • 12 minutes, 16 seconds
Astrid
Vor zwänzg Jahr isch d Astrid Lindgren gschtorbe. Si het es paar vo mine Chindheitshelde erfunde und sich au süsch es paar sehr gschidi Gedanke zum Läbe gmacht.
1/30/2022 • 11 minutes, 25 seconds
Handschrift
Mis Schwöschterli cha diä eiget Handschrift nüm läse. Und drum nimm ich, zur Feier des Tages der Handschrift, mis Geschribsel chli genauer under d Lupe.
1/23/2022 • 16 minutes, 2 seconds
Tscheckin
Ich finde diä saumässig blöde und gsuächte Frage am Afang vo Sitzige immer so ermüedend. Drum hani e Checkin-Frage-Generator usprobiert. Aber es duät meh Frage uf, als Frage z beantworte.
1/16/2022 • 14 minutes, 18 seconds
Gschlächtergrächter
Ich ha e Schtudie für es gschlächtergrächters Mitenand gläse und ich bi ehrlich gseit froh, dass nid ich diä Frage ha müässe beantworte. Ich hätt kei Ahnig gha, was achrüzle.
1/9/2022 • 14 minutes, 7 seconds
Natürlech
Ich ha e Lischte gfunde mit Sache, wo me nid muäs wüsse. Aber scho bim Punkt acht bini gar nid iverschtande. Das isch absolut wüssenswärt und villicht sogar en guete Neujahrsvorsatz.
1/2/2022 • 13 minutes, 17 seconds
Ariel
Ich ha mal wider e schrägi Schportart entdeckt: Meerjungfrau-Schwümme. Au wenn mi das erschtunt, bini no vil überraschter, was ich während mire Recherche muäs entdecke. D Märliwält isch zunderobsi.
12/26/2021 • 14 minutes, 53 seconds
Lego
Ich ha e Schtudiä gläse, wo undersuächt het, obs ächt nid no sinnvollers gäb, als in Schmuck, Kunscht und Autos z inveschtiere. Klar gits das - aber in was, het mi doch rächt überrascht.
12/19/2021 • 13 minutes, 31 seconds
Gugu-Trends
Ich ha mr diä aktuelle Gugu-Trends vom Jahr agluegt und gmerkt, dass ich absolut uninformiert bi. Bim Blick in vorhäregi Jahr schtossi aber uf öpis sehr sältsams.
12/12/2021 • 12 minutes, 4 seconds
Egal
De Erkan het i de noischte Episode Bätscheler gseit: „Nüt im Läbe isch egal“. Da hani bitz e anderi Meinig.
12/5/2021 • 11 minutes, 25 seconds
MHD+
Dass z vil Ässe furtgschosse wird, isch es rise Problem. Drum hei sich schlaui Mönsche jetzt öpis neus überleit, zum das Problem z bekämpfe.
11/28/2021 • 14 minutes, 3 seconds
Filosofii mit Erkan
De aktuelli Bachelor Erkan isch nid nur en grosse Mönsch, sondern vor allem e grosse Philosoph. Mit sine schteile These bini aber nid immer ganz iverschtande.
11/21/2021 • 11 minutes, 18 seconds
Magischi Bilder
Ich bi dur e Diskussion uf öpis gschtosse, woni als Chind toll ha gfunde und gärn gmacht ha. Zu mim grosse Erschtune hanis aber jetzt als erwachseni Gurkä nüm häre becho.
11/14/2021 • 13 minutes, 51 seconds
Träum
Ich ha i däm Psychoheftli woni mr füre Flug kauft ha, e Artikel über Träum gläse. Ich cha mi niä erinnere. Aber diä Expärte hei gseit, das cha me lere. Mal luege, ob ich das au schaff.
11/6/2021 • 14 minutes, 34 seconds
Türkewärbig
Ich weiss, d Türkei het nid de bescht Ruäf. Ich liäbs aber und ich verzell euch au sehr gärn es paar Gründ.
10/31/2021 • 11 minutes, 13 seconds
Meinigsverschideheitä
Ich ha mr für de Flug id Feriä am Kiosk es Heftli kauft. Und i däm Psychologieheftli het’s en Artikel zum Thema Meinigsverschideheite und wieso mir Mönsche das nid gärn hei. Ich bi da nid ganz glicher Meinig.
10/24/2021 • 8 minutes, 43 seconds
Uschaflig unverschämt
Ich bi mal wider erschtunt wiä unverschämt, dass gwüssi Mönsche si.
10/17/2021 • 8 minutes, 42 seconds
Olf
Ich ha mal wider so e Chinderfrag: Wiä misst me eigentlich Gruch? D Anworte woni finde, befridige nid würklech und das trotz technisch hochentwickleter Zivilisation.
10/10/2021 • 15 minutes, 10 seconds
Zoomgsicht
Ich ha en Artikel gläse, dass wäge Corona meh Lüt ihres Gsicht ere Schönheitsbehandlig underzieh. De Grund isch klar: s Zoomgsicht!
10/3/2021 • 12 minutes, 44 seconds
Hirnschrumpfis
Ich ha en Artikel über e Schtudiä gläse, wo söll bewise, dass Fernsehluege s Hirni schrumpfe loht. Woni mr diä Schtudiä genauer agluegt ha, hani mi ender gfragt, ob ächt d Verfasser e chli z vil i d Röhre gluägt hei.
9/26/2021 • 15 minutes, 23 seconds
Gedichtgenerator
Ich ha us Schpass a de Freud gluägt, obs hützutag scho Gedichtgeneratore im grosse, wite Internet git. Jawoll - aber mit meh oder weniger überzügende Resultat.
9/19/2021 • 16 minutes, 40 seconds
Luffa
Ich ha us Versehe mis Bimsschteifüässli kaputt gmacht und ha denn öpis entdeckt wo ich eifach unglaublech finde.
9/12/2021 • 9 minutes, 38 seconds
Wägensens
Ich has scho öpä mal use gforderet und drum het’s mal so müässe cho. Ich ha mini ganz Identität usem Velochörbli verlore.
9/5/2021 • 14 minutes, 23 seconds
Robolencer
Ich bi ja langsam einiges gwöhnt i de grosse witä Wält vo de soziale Mediä. Es git vil Kritik, dass Mönsche nüm „real“ si. Aber jetzt verschwümmt d Gränze zwüsche Realität und Fiktion definitiv.
8/29/2021 • 12 minutes, 16 seconds
Sexy Mönschterli
Ich ha es Video vore witere schräge Datingsändig zuägschöberlet übercho. Ich ha dänkt ich kenn mittlerwile alle Schwachsinn - aber schinbar doch nid.
8/22/2021 • 13 minutes, 45 seconds
Olympische Gugus
Ich ha schtundelang olympischi Schpil gluägt. Ich bi absolut fasziniert und berüärt vo ganz vil Schportarte und Gschichte. Aber gwüssi Regle verschtandi gar nid.
8/15/2021 • 16 minutes, 5 seconds
Schpäm
Ich bi mal wider i mim Ghüdderfilter go luege, ob ächt de Shanthy wäge mire SIMsalabim dört hange blibe isch. Dä hani nid gfunde, defür drü anderi Perle.
8/8/2021 • 11 minutes, 55 seconds
SIMsalabim
Ich ha sit über zwei Wuche e gschperrti SIM Charte, was maximal närvig isch. Ich cha mi weder i mis Gschäftkonto ilogge geschwige denn Rächnige zahle.
8/1/2021 • 17 minutes, 35 seconds
Teik mi aut
Dasmal het mi mis Schwöschterli ufe Sändig ufe glüpft, woni noni kennt ha. Einisch meh gohts ums Dating und ich bi einisch meh schockiert, wiä wenig offe Mönsche si.
7/25/2021 • 17 minutes, 44 seconds
Modehäks
Ich ha bis jetzt noni verschtande, wieso me au no uf Tik Tok söll si. Aber wenn me mir sächs Modehäks verschpricht, woni wirde liäbe, denn wird d Gurke natürlech hällhörig.
7/19/2021 • 12 minutes, 31 seconds
Mis Date mi bescht Fründ und ich
Scho wider bini über es nois Ghüdderformat gschtogglet und bi debi nid nume uf vil Klischees sondern au ufe alte Bekannte gschtosse. Das löst i mir underschidlechi Gfühle us.
7/11/2021 • 14 minutes, 58 seconds
Schawel
Mini Eltere si bi mir z Bsuäch gsi und mis Mami het feschtgschtellt, dass mis Sofa nüm so wiss isch, wiä sich das ghört. Me het mir de as Härz gleit, ich söll doch mal Schawelwasser chaufe. Aber so eifach ischs mit däm sogenannte Wundermitteli au nid.
7/4/2021 • 14 minutes, 4 seconds
Bundesrat gous souschl
Ich ha gläse, dass de Bundesrat jetzt uf Instagram wott. Aber das cha me natürlech nid eifach so, nenei, da muäs e ordentlechi Schtrategie häre.
6/27/2021 • 18 minutes, 52 seconds
Gfährlechschti Schtadt
Ich ha es Videöli gseh, wo me mir diä gfährlechschte Ort präsentiert het. Woni allerdings gmerkt ha, dass diä Zahle uf ere Umfrag basiere, bini schtutzig worde.
6/20/2021 • 14 minutes, 19 seconds
Furzklassifizierig
Ich ha es Buäch gschänkt übercho, wo de Furz us allne Perschpektive beschnupperet. Und wüll en Furz ja nid eifach en Furz isch, findis numä richtig, dass me au bi de Darmwind mit Syschtem vorgeit.
6/13/2021 • 12 minutes, 32 seconds
Bart
Ich ha e Onlinediskussion gfunde zur Frag, was Manne für Gheimnis hei, wo Fraue nid wüsse. Und da bini uf öpis gschtosse, woni gar nid so genau ha wölle wüsse.
6/6/2021 • 14 minutes, 19 seconds
Promenadologie
Ich machi mi ja regelmässig luschtig über Schtudiä und Schtatistike und frage mi, wär zum Geier so Züg undersuächt. Aber ich ha müässe feschtschtelle, dass es scho rächt kuriosi Schtudiegäng git.
5/28/2021 • 13 minutes, 51 seconds
Unnützi Schtudiä
Ich liäbe Zahle, Tabälle, Schtudiä und Schtatistike.Ich bi aber immer wider überrascht was me alles erforscht und vermeintlich use findet.
5/23/2021 • 18 minutes, 49 seconds
Autovöglete
Ich liäbs in de letschte Winkel vo eh scho zwifelhafte Nachrichteportal nach Artikel z suäche. Ime dunkle Egge hani mal wider es bsunders tolls Exemplar gfunde mit Tipps, weli Autos sich bsunders fürs Liäbesschpil eigne.
5/16/2021 • 18 minutes, 55 seconds
Füf Sinn
Ich ha scho wider e noi Träsch-Sändig gfunde, wos drum gaht d Liäbi vom Läbe z finde. Es isch e Kombination vo bereits Bekanntem. D Grundidee isch nid so leid - aber d Gurke chönnts besser.
5/9/2021 • 18 minutes, 51 seconds
Nachtigall
Ich ha zersch dänkt ich ghör nid rächt, aber ir Türkei hets en Vogel gha wo jedi Nacht es rise Konzärt het veraschtaltet. Debi hani doch gmeint, dass Vögel de Tag düre zwitschere.
5/2/2021 • 15 minutes, 29 seconds
Bildungsurlaub
Ich bi ja no immer ir Türkei i de Feriä. Dank dene Mönsche woni da triffe und ihrne Gschichte, chönnt me diä Feriä durchus als Witerbildig abbuäche.
4/25/2021 • 14 minutes, 47 seconds
Schöne Mädels
Ich ha mal wider en neue junge Schlagerfuzzi entdeckt. Ich ha mi scho gfreut, dass das ma eine isch, wo ehrlechi Tegscht singt - aber am Schluss het d Gurke glich müässe korrigierend igriffe.
4/18/2021 • 11 minutes, 19 seconds
Claudia
D Claudia Obert isch e absoluti Königin in Sache Träsch-Fernseh. Jetzt het si sogar ihri eigeti Serie becho und ich säg mal so - es isch Bildig vo de andere Art.
4/11/2021 • 19 minutes, 39 seconds
Bedienigsaleitige
Ich ha e rächt schräge Uszug usere Bediänigsaleitig vome Chüälschrank becho und gmerkt, dass so Aleitige underhaltsamer und besser fürs Ego si als ich das je dänkt hätt.
4/4/2021 • 15 minutes, 20 seconds
Modelgurke
Mini Fründin het mal wider en underirdische Schnappschuss vo mir gmacht und jetzt wotti das Problem ändlech mal apacke.
3/28/2021 • 13 minutes, 18 seconds
Betty wetti
Ich ha nid gwüsst, dass mis Läbe so us de Fuäge grate isch und dass mir so vil Sache für es effiziänts und sorgefreis Läbe fähle.
3/21/2021 • 23 minutes, 32 seconds
Fiirtäg
Ich ha nid gwüsst, dass me hüt meh sött über Schmätterlinge lere. Oder dass Planetarie a däm Sunntig e grösseri Rolle schpile und me nid sött uf Chips verzichte. Abr ei Frag blibt bis am Schluss unklärt.
3/14/2021 • 18 minutes, 39 seconds
Berliner Wienerli
Ich ha bis jetzt e klari Vorschtellig vo Berliner und Wienerli gha, ha aber müässe feschtschtelle, dass das e komplexi Materie isch. Me chönnt scho fasch säge: Die Wurst ist aus den Fugen.
3/7/2021 • 15 minutes, 7 seconds
Schissskala
Bime Füürli dusse hani vore schpannende Schtudiä ghört, wo de Schtuäl i sibe Type underteilt. Das het mr grad de Ärmel ine gno und drum bini tüfer i diä Scheissmateriä itaucht.
2/28/2021 • 13 minutes
Biorhythmus
Mis Mami het mr mal wider Dokumänt us mire Chindheit bracht. Es Büächli wo mi Opa immer für üs erschtellt het: Biorhythmus-Kurve. Ich ha jetzt ändlech mal wölle wüsse, wiä diä funktioniere.
2/21/2021 • 15 minutes, 5 seconds
Offeheit im Alter
Ich ha e Schtudie zum Thema Offeheit im Verlauf vom Läbe zuegschteckt becho und chume zum Schtune gar nüm use.
2/14/2021 • 23 minutes, 51 seconds
Vegani Chrüzfahrt
Ich bi über e Firma gschtolperet, wo vegani Chrüzfahrte abiätet. D Motivation defür isch nid in erschter Linie s Ässe sondern de Umwältschutz. Wiä Umwältschutz und Chrüzfahrte zämme passe, hani genauer wölle wüsse.
2/7/2021 • 18 minutes, 3 seconds
Liächtberater
Ich bi über en Mönsch gschtolperet wo seit, er sig Liächtberater. De hani mi gfragt, wiä me das wird und was me da muäs chönne. So würklech erlüchtet bini jetzt aber nid.
1/31/2021 • 15 minutes, 10 seconds
GvdW
Ich ha bime Kolleg s Heftli «Schweizer Soldat» abgschtaubt. Leider verschtand ich vor luter Abchürzige nume Bhf.
1/24/2021 • 19 minutes, 47 seconds
Rauchmähl
Ich ha dank eme schprachliche Missverschtändnis gmerkt, dass d Wält unnötig kompliziert gmacht wird.
1/17/2021 • 14 minutes, 7 seconds
Dummi Frage
Ich merk, dass vermeintlich dummi Frage im Internet weniger blöd si, als Frage wo gwüssi Mönsche nach eme Date schtelle.
1/10/2021 • 19 minutes, 4 seconds
Gurkoskop
Me het mir mitteilt, dass ich im indianische Horoskop en Hirsch bi. Ich bi aber au Zwilling im Schtärnzeiche und e Figebaum im keltische Horoskop. Ob das zämme passt?
1/3/2021 • 23 minutes, 45 seconds
Schtrassenäme
Ich bi gfragt worde, ob ich weiss, wär eigentlich de Schtrasse ihri Näme git. Leider nid ich, süsch gäbs scho längscht en Gurkewäg.
12/27/2020 • 15 minutes, 23 seconds
Tittäbuust
Ich bi mal uf some Profil vo sore Influencerin gsi und ha si uf ihrer Reis zu grössere Brüscht begleitet. Ich has mr schlimm vorgschtellt, aber momol - mini Fantasie wird durchus übertroffe.
12/20/2020 • 17 minutes, 38 seconds
Snäckautomat
Ich ha feschtgschtellt, dass s Sortimänt vo some Snäckautomat üsserscht schpannend isch und dass me dank dene Automate durchus chönnt en Psychotescht à la Fraueheftli mache.
12/13/2020 • 14 minutes, 56 seconds
Schtrahleschutz
Ich ha en Artikel zuägschickt becho, wo beschribt, wiä me Chind cha vor Elektrosmog schütze. Woni nach Lösige gsuächt ha, zum mi sälber schütze, bini mal wider ufe Marktlücke gschtosse.
12/6/2020 • 18 minutes, 8 seconds
Büächerranglischte
Dank mim letschte Gurk bini i Tüfene vo Büächerranglischte versumpft. Ei Verchaufsschlager isch besser als de ander.
11/29/2020 • 22 minutes, 24 seconds
Wäg zum wahre Maa
Ich ha es Buäch gfunde, woni bire Züglete vome Kolleg igsackt ha. Dört drin schteit, was Frauä würklech wei und wieso dass e Sameerguss bös bös bös isch.
11/22/2020 • 18 minutes, 11 seconds
Filmtitel
Dütschi Filmtitel si sälte glich wiä diä änglische Originaltitel. Ich bi diä sonderbarschte Übersetzige ga aluege und ha mr überleit, obs ächt es Syschtem git.
11/15/2020 • 18 minutes, 48 seconds
Ibländer
Ei Grund, wieso dass ich Träschsändige amüsant finde, si diä tolle Ibländer. Diä si mr scho lang ufgfalle und drum hani si mal chli genauer under d Lupe gno.
11/8/2020 • 18 minutes, 57 seconds
Gschänkroboter
Ich ha dänkt, ich chönnt mr ja wider mal öpis schänke. Schliässlich muäs me sich aktuell rächt Müä gä zum bi Luune z blibe. Wülli nid gwüsst ha, was ich mir söll schänke, hani en Roboter gfragt.
11/1/2020 • 27 minutes, 9 seconds
Manneprodukt
Nach em vorletschte Gurk het mi öpr gfragt, obs de nid au Manneprodukt gäb. Momol. Ich ha für euch diä drü schrägschte use gsuächt.
10/26/2020 • 15 minutes, 29 seconds
Bibelschprüch
Ich ha mi scho lang gfragt, wär eigentlich für diä Plakat mit de Bibelzitat druf verantwortlich isch.
10/18/2020 • 19 minutes, 31 seconds
Frauäprodukt
Mir geit die ewigi Diskussion über Gschlächter extrem ufe Sack. Zum mich e chli meh mit mire Frauärolle azfründe, bini uf d Suächi nach Frauäprodukt.
10/11/2020 • 16 minutes, 57 seconds
Rezensionä
Ich ha es App gfunde, wo du all dini Plastikchärtli chasch iscanne. Ich ha nid ganz verschtande, wieso me für das es extra App brucht und ha drum d Rezensionä läse. Jetzt weissi meh als ich ha wölle wüsse.
10/4/2020 • 17 minutes, 43 seconds
Jedä
Mini Pumppartnerin het im Momänt es Liäd fürs Ufwärme wo gfühlt us zwei Wörtli beschtaht. Ich bi ga nache zellä und ha no meh so Perlä gfundä.
9/27/2020 • 13 minutes, 39 seconds
Blüttlä
Ich ha mal wider e Träschsändig entdeckt. Ich bi gschpannt, was sich hinter em Titel „Blutt - s Date im Bett“ verschteckt.
9/20/2020 • 20 minutes, 42 seconds
Rossschwümmtierluftmatratzesofa
Ich ha es Agebot für e Rossschwümmtierluftmatratzesofa gfundä und ha dank däm Ross mit Gendeffekt vil über s Läbe glert.
9/13/2020 • 13 minutes, 30 seconds
Audioporno
Ich bi ja en absolute Ohremönsch und drum hani dänkt, wäre Audiopornos villicht no was für mich. Was ich z ghöre bechumä entschpricht aber nid so ganz mine Erwartige.
9/6/2020 • 21 minutes, 11 seconds
Telifonhörer
Ich ha gmerkt, dass vil Symbol, wo me ufem smarte Telifon findet, uf Grät zrügg göi, wos gar nüm git und dass sich s Telifonierä grundsätzlich veränderet het.
8/30/2020 • 13 minutes, 39 seconds
Guäti Frag
Ich bi chli uf ere Sitä underwäg gsi, wo Lüt andere Lüt Frage schtelle und Antwortä gäbe… und ich ha meh Antworte becho als ich erwartet ha.
8/23/2020 • 16 minutes, 45 seconds
Ratschläg
Ich ha luschtigi Sammlig vo de blödschte Ratschläg gfundä…wobi sooo blöd si es paar gar nid.
8/16/2020 • 15 minutes, 36 seconds
Mamiporno
Ich ha e Dokuserie gseh, wo Müätere sälber en Porno dräie wo realistischer, normaler und wärtvoller söll si.
8/9/2020 • 19 minutes, 13 seconds
Ufwachä
Ich bechumä regelmässig so es Heftli vo de Zeugen Jehovas. Ich has zum erschte mal gläse und ha leider meh Frage als Antworte übercho.
8/2/2020 • 18 minutes, 2 seconds
Mobbing
Ich ha öpis beobachtet und ich ha einisch meh gmerkt, dass d Natur üs Mönsche wit vorus isch.
7/26/2020 • 14 minutes, 59 seconds
Buttitschifere
Ich ha e Wärbig gseh über e Alternative zum BH. Uf das abe hani mi mit em Thema BH nöcher usenand gsetzt und müässe feschtschtelle, dass ich absolut kei Ahnig ha.
7/19/2020 • 15 minutes, 11 seconds
Klatschheftli
Ich ha es Klatschheftli in d Finger becho und muäs mi doch sehr wundere über gwüssi Artikel.
7/12/2020 • 17 minutes, 14 seconds
Schprach und Liäbi
Ich ha es alts Buäch gfunde: de Schprach-Knigge. Im Kapitel „Sprache und Liebe“ lerne mir, wiä me mit Schprach cha d Flamme vo de Liäbi entfache…oder au nid.
7/5/2020 • 23 minutes, 8 seconds
Drissgi
Ich ha e Artikel gfunde wo ufzellt, was me vor sim drissgischte Geburtstag alles sött erledigt ha. Wei mr doch mal luege, was ich alles scho verpasst ha.
6/28/2020 • 21 minutes, 49 seconds
E-Rotic
Ich bi über alti Bravohits-Playlischte gschtoglät und das het mal wider zume meh oder weniger prickelnde Gedankäusflug gfüärt.
6/21/2020 • 19 minutes, 3 seconds
Nörd
Ich ha mal wider e für mich noi Träsch-TV Sändig gseh und ha müässe feschtschtelle, dass ich gar nid so abartig abnormal bi.
6/14/2020 • 15 minutes, 51 seconds
Partnerschafts-Persönlichkeit
Ich ha mr d Uswärtig vo mim Fragebogä agluägt und mich ganz noi kenne glernt.
6/7/2020 • 26 minutes, 24 seconds
Pörfekt Mätsch
Ich ha mal de Fragebogä vore Partnerbörsä usgfüllt und ich weiss nid so rächt ob ich mich meh über d Frage oder d Antwortkategoriä söll wundere.
5/31/2020 • 24 minutes, 44 seconds
Jasschartä
Ich ha sit Jahrä ändlich mal wider chönne Jasse und ha debi gmerkt, dass Jasse meh als nur e Schpili isch.
5/24/2020 • 17 minutes, 46 seconds
Bisch es du
Ich ha uf de Websitä vore Gratiszitig ganz schrägi Nachrichte gfundä.
5/17/2020 • 16 minutes, 25 seconds
Chinderlogik
Ich ha bim Ufrume alti Ufsätz und Gedanke gfunde woni als Chind gschribä ha. Villicht sötte mir alli e chli meh Chind blibä.
5/10/2020 • 17 minutes, 20 seconds
Glücksdatebank
Forscher frage sich ja scho lang, was Mönsche glücklich macht und hei drum e Datebank vo Glücksmomänt erschtellt.
5/3/2020 • 23 minutes, 13 seconds
Zwüschämönschlichs
Ich ha mi an es paar alti Gedicht erinneret und bi einisch meh erschtunt, wiä wenig mir als Mönsche vorwärts cho si.
4/26/2020 • 20 minutes, 26 seconds
Traumschiff
Me het ja jetzt Zit und drum hani mal öpis gwagt woni no niä gmacht ha: ich ha Traumschiff gluägt.
4/19/2020 • 23 minutes, 41 seconds
Chindheitsheldä
Wüll d Realität grad nid so prickelnd isch, gang ich uf d Suächi nach alte Heldä us de Chindheit.
4/12/2020 • 17 minutes, 56 seconds
Filmzitat
Ich ha kei Ahnig vo Film aber de Vorschlag, en Dialog us Filmzitat z schribä, muäsi eifach umsetzä.
4/5/2020 • 16 minutes, 45 seconds
Bschissä
Ich ha glernt, dass me sogar bim Puzzlä cha bschissä und das widerum het mi zum Dänke agregt.
3/29/2020 • 15 minutes, 41 seconds
Normalität
Ich mach mi uf d Suächi nach alternative Nachrichtä und nach eme chline bitzeli Normalität im Wahnsinn.
3/22/2020 • 12 minutes, 17 seconds
Längwili
Das cheibä Coronavirus füärt dezuä, dass mr nüm chöi mache was mr wei. Mir höcklä meh dehei und mir längwilä üs. D Gurkä suächt Tipps gäge Längwili.
3/15/2020 • 15 minutes, 30 seconds
Gurkäfrau
Hüt isch ja internationalä Frauätag. D Gurkä verzellt drum es paar Schwänk us em Metilidasi und wunderet sich über poschtmodärni Müätärä.
3/8/2020 • 16 minutes, 31 seconds
Telifonchötteli
Ich bi immer wider erschtunt über diä undändlichi Schöpfigschraft und Kreativität vo de Mönschheit.
3/1/2020 • 15 minutes, 23 seconds
Fasnachtstradizionä
Ich ha bis jetzt gmeint, dass Fasnacht es meh oder weniger schtupids Volksbesüfnis isch—aber es git Regionä wo durchus kreativ si.
2/23/2020 • 14 minutes, 28 seconds
Videoplattform
Youtube het Geburtstag und das isch Grund gnuä diä Plattform mal chli genauer azluägä.
2/16/2020 • 17 minutes, 28 seconds
Tischmaniärä
Me het de Gurkä mitteilt, dass Schmatze au es Killerkriterium sig. Doch d Gurkä het müässe feschtschtellä, dass me mit Schmatze vil Gäld cha verdiänä.
2/9/2020 • 17 minutes, 28 seconds
Schportartä
Es gäb so vil luschtigi Alternativä zu längwiligä Tennis-, Fuässball- oder Ishockeyübertragigä.
2/2/2020 • 14 minutes, 56 seconds
Altersdifferänze
Diä Episode muäsch dr unbedingt inä ziäh - si chönnt dini Läbenserwartig beiflussä.
1/26/2020 • 16 minutes, 40 seconds
Coiffeur
D Gurkä isch scho sit ere drüviertel Ewigkeit nüm bime professionelle Härlischnider meh gsi wüll ich ha ja e Chuchischär.
1/19/2020 • 12 minutes, 45 seconds
Hüratswilligi Männer findä
Ich ha en altä Artikel zuägschickt becho, wo 129 Tipps drin si, wiä me e Maa findät zum hürate. Ich bi mr jetzt nüm so sichr, ob früächer würklich alles besser und vor allem eifacher isch gsi.
1/12/2020 • 22 minutes, 28 seconds
Schlussmachä
Me het d Gurkä um Trennigstipps bätte. Das cha doch jetzt würklich nid so schwirig si.
1/5/2020 • 14 minutes, 28 seconds
Noijahrsvorsätz
S Jahr isch scho wider verbi. Zit sich en noiä Vorsatz z nä wo me doch wider nid umsetzt.
12/29/2019 • 10 minutes, 46 seconds
Hoi du
Me het d Gurkä um Flirthilf bätte. Und was ich da so gseh isch würklich erschtunlich.
12/22/2019 • 14 minutes
Wiänachtsromantik
Wärbig isch immer e Klischeeschlacht. Aber rund um Wiänachte wird nomal es ganz nois Level erreicht.
12/15/2019 • 13 minutes
Literarischi Ergüss
Hützutags cha me Uszeichnigä au für bsunders schlächti Leischtigä gwünnä. Zurächt!
12/8/2019 • 14 minutes
Adväntskaländer
Es wiänachtet. Zit en Adväntskaländer is Huus z holä. Aber au i däm Berich isch s Läbe komplizierter wordä.
12/1/2019 • 14 minutes, 31 seconds
Grawattä
Bachelor und Bachelorette isch geschter gsi. Jetzt chunnt Prince Charming.
11/24/2019 • 13 minutes, 5 seconds
Grinsegsichtli
Mittlerwilä gits ja tonnewis Emojis wo du dine Tegschtli chasch bifüägä. Aber ob du denn besser verschtande wirsch, das wag ich z bezwiflä.
11/17/2019 • 13 minutes, 34 seconds
Granatöpfeli
Granatöpfeli si mega fein aber vili hei eifach noni verschtandä, wiä me a diä feinä Chärnli häre chunnt.
11/10/2019 • 10 minutes, 23 seconds
Profilbilder
Chöit dir mir mal s Konzept vo de Profilbilder uf Whatsapp erkläre?
11/3/2019 • 13 minutes, 30 seconds
Killerkriterium
Wenn mir ganz ehrlich si, denn gits doch eifach Sache wo mr nid kompromissbereit si.
10/27/2019 • 13 minutes, 6 seconds
Offschprächer
Ich glaub ich ha öpis gfundä, wo sich d Wält schinbar einig isch: Wiä Offschtimmä z redä hei.
10/20/2019 • 10 minutes, 23 seconds
Liäbesliäder
Ich ha feschtgschtellt, dass sich diä ganz grosse Liäbesballade tegschtlich nid signifikant vo Schlagär underscheidä.
10/13/2019 • 18 minutes, 45 seconds
Träsch
Mönschä überrasche mich immer und immer wider.
10/6/2019 • 12 minutes, 54 seconds
Modärni Technik
Eigentlich hani nur wöllä schaffä und Rächnigä zahlä.
9/29/2019 • 14 minutes, 58 seconds
Chindheitserinnerigä
Wenn mit nassä Haar usem Huus gasch vercheltisch di… oder doch nid?
9/22/2019 • 14 minutes, 16 seconds
Manager
Wenn ich hüt Schtelläinserat lisä chumi überhaupt nüm drus.
9/15/2019 • 15 minutes, 25 seconds
Positivi Energie
Me het vo mir gwünscht, dass ich doch mal was positivs söll machä - wala.
9/8/2019 • 16 minutes, 51 seconds
Q10
Ich möcht jetzt ächt mal wüssä, was das ominösä Q10 würklich isch.
9/1/2019 • 12 minutes, 19 seconds
Tai
Ich ha es sehr amüsants Paper zuägschickt becho wo mi bitzli is Schtudiärä bracht het.
8/25/2019 • 14 minutes, 37 seconds
Telifoniärä
Ich bi defür, dass me telifoniärä zu Organisationszwäcke abschafft.
8/18/2019 • 12 minutes, 23 seconds
Glamping
Ich ha müässe feschtschtellä, dass ich doch nid so vil über Camping weiss.
8/11/2019 • 14 minutes, 18 seconds
Velölä
Ich ha diä Wuchä erschtunlichs glernt über d Tour de France und über Ülä.
8/4/2019 • 13 minutes, 55 seconds
Bizeps
Glichberächtigung und body positivity zum Trotz muäs ich mir immer wider komischi Frage la schtellä.
7/28/2019 • 15 minutes, 11 seconds
Bond
Au am James Bond gaht die politisch Korräktheit und MeToo nid verbi.
7/21/2019 • 11 minutes, 31 seconds
Wissi Halbgötter
D Halbgötter in Wiss hei gforscht und was debi use cho isch, isch revolutionär.
7/14/2019 • 12 minutes, 42 seconds
Luftschutzchäller
Ich schlafä wäg de grossä Hitz i mim Luftschutzchäller und ich ha gmeint, das chön jedä.
7/7/2019 • 15 minutes, 8 seconds
Läbensmittälamplä
Dank däm Ampelsyschtem Nutri-Score wirds in Zuäkunft ganz eifach sich gsund z ernähre.
6/30/2019 • 16 minutes, 43 seconds
Mädli
Ich bi es grossäs und schtarchs Chind und glich bringä mi chlini wissi Würmli völlig usäm Konzäpt und das muäs sich ändere.
6/23/2019 • 16 minutes, 59 seconds
Arni
Wenn de erfolgrichscht dütsch Schtrasserapper plötzlich höch singendi Vokuhila-Gigolos coveret, denn löst das bi mir es paar Fragä us.
6/16/2019 • 11 minutes, 31 seconds
Briäfposcht
Wenn me was vo mir wött, denn isch än Briäf nid diä bescht Methodä zum mich erreichä.
6/9/2019 • 14 minutes, 19 seconds
Mürli bauä
Ich frag mi immer no, was diä Iheimischä uf Kalymnos de ganz Tag so machä.
6/2/2019 • 16 minutes, 22 seconds
Feta Hooligan
Ich ha mr än wissä Chäs kauft in Griächäland und bi demit inäs Fetanäpfli trampt.
5/26/2019 • 16 minutes, 36 seconds
Kalymnos
Ich bi grad i dä Chlätterferiä und beobachtä underschidlichi Kategoriä vo Tourischtä.
5/19/2019 • 13 minutes, 40 seconds
Goldigä Baumschtrunk
Wenn am gröschtä Hochschuältschportalass vo de Schwiz tusigi vo Läufer ufenand träffe, si chlinäri Missverschtändnis vorprogrammiert.
5/12/2019 • 19 minutes, 7 seconds
Gheimä Schwarm
Hesch du au scho mal än Schwarm gha im Fründeskreis? Facebook chönnt dir bald hälfe, dim Schwarm nöcher z cho.
5/5/2019 • 14 minutes, 59 seconds
Cämping
Ich ha eigentlich s Gfühl gha, ich sig än Cämping-Profi. Aber so eifach isch das nid oder zumindischt nid i dä Schwiz.
4/28/2019 • 17 minutes, 43 seconds
Oschtärä
Hesch du dir scho mal überleit, wieso dass an Oschtärä dä Oschtärhas chunnt und wiä in anderä Länder Oschtärä gfirät wird?
4/21/2019 • 14 minutes, 44 seconds
Dingsbums
Ich würd vo mir säge, dass ich en rächt grossä Wortschatz ha und glich muäs ich feschtschtellä, dass mir bi ganz vilem d Wörter fählä.
4/14/2019 • 16 minutes, 31 seconds
Konfektionsgrössi
Ich bi ja nid s intelligäntischtä Wäse uf däm Planet. Aber es sött doch möglich si, dass ich passändi Hosä findä.
4/7/2019 • 24 minutes, 28 seconds
Schlagär
Ich bi zwar öpä so romantisch wiä än Birkäschtock, aber Schlagertegschtä schribä chönnti au.
3/31/2019 • 22 minutes, 28 seconds
Gugäl
Ich ha als Chind glernt, dass es kei doofi Fragä git – abr ich bi da andärär Meinig.
3/24/2019 • 31 minutes, 28 seconds
Bots
Ich ha e Marketingschtudiä gläse und bi erschtunt, wie ähnlich diä analog und diä digital Wält si.
3/17/2019 • 17 minutes, 5 seconds
Schwizerdütsch
Ich bi extrem läseful und würd mir drum gärn Tegschtä vorläse la. Aber d Wältschprach Schwizerdütsch fählt!
3/10/2019 • 15 minutes, 41 seconds
Schnäbifescht und Fürwärk
E chlini Hommage a d Griächä, ihri kreativi Schprach und ihri relativ schrägä aber umso luschtigärä Brüch.
3/3/2019 • 15 minutes, 33 seconds
Leggins
Es Gschtändnis über e Schade woni ha und ich mich frag, ob ich denn würklich so elei bi mit däm.
2/24/2019 • 17 minutes, 32 seconds
Schprachterror
Es leidigs Thema wo mi scho sit minä Jugendjahr begleitet und wo mr unglaublich ufä Sack gaht – und das obwohl ich nid mal einä ha.
2/17/2019 • 20 minutes, 8 seconds
Klischee
Ich ha ä Schtudiä gläse und bi einisch meh erschütteret, wiä krass dass d Klischeekülä immer wider zuäschlat. Und es beschränkt sich leider nid nur uf theoretischs Wüssä, sondern üsserät sich au knallhert i mim Alltag.
2/10/2019 • 15 minutes, 11 seconds
Luciferin
Während de Recherchä zum aktuellä Märli bini uf e ganz schpannendä chemischä Vorgang gschtossä und dä het mi zu witerä Innovationä inschpiriert.
2/3/2019 • 11 minutes, 10 seconds
Fitnessinnovationä
Ich bi immer wider erschtunt wiä ifallsrich d Fitnessinduschtrie isch, wenns drum gaht mit irgendwelchä vermeintlich noiä Gätschets oder Trainingsformä Gäld z machä.
1/27/2019 • 13 minutes, 42 seconds
Schnäbi
Mängisch hätti ebä au gärn es Schnäbi. Hätt ja scho vil Vorteil. Und hesch gwüsst, dass es frei läbändi Schnäbi git?
1/20/2019 • 8 minutes, 39 seconds
Eitiii
Diä modärn Technik löst Problem schnäller, wo mr früächer gar nid hei gha. Me brucht wahrlich Närvä us Schtal wenn me mit de Eitiii z kämpfe het.
1/13/2019 • 9 minutes, 23 seconds
Dörrbohnä
Dass d Chinesä uf de Rücksitä vom Mond höckle findi völlig ok – aber dass si s kulinarische Erbe vo de Schwiz attakierä goht gar nid.
1/6/2019 • 5 minutes, 36 seconds
Paartraining 2.0
Dass me mit sim Partner trainiert isch ja völlig ok – d Frag isch aber wiä. Was ich da im Chraftrum beobachtet ha, git mr doch sehr z dänkä.
1/1/2019 • 7 minutes, 32 seconds
Schäreschnitt
Eigentlich hani ja nur wölle es paar Gschänkli ipackä. Bi denn abr de ganz Abä beschäftigt gsi und ha mi uf ä Reis begä zrügg in Chindgsi.
12/17/2018 • 8 minutes, 46 seconds
Dating App
Ich ghör jetzt au dezuä. Ich ha mi i sore Dating App dörfä ustobä. Und was mir dört so alles undär d Augä cho isch, lat mi doch eher verschtört zrügg.
12/11/2018 • 6 minutes, 9 seconds
Guät gmeint
Me cha ja nid gnuä vorsichtig si. Drum gits Lüt wo vorsorglich ihri Feschtplatte verschteckä we si id Feriä göi. E anderi Art vom Oschterfescht.
11/25/2018 • 5 minutes, 46 seconds
Casual Chic
D'Taufi vo mim Neffä schtat bevor und gforderet wird es Ufträtte in «casual chic». Ich tauche in d Wält vo de Modä i und chum extrem an Aschlag.
