花墟重建項目密鑼緊鼓咁行緊城規程序，而加已走入申述階段，申述期截至今個月23號，急需聚集大家嘅力量去表達意見！ 花墟一眾商户居民發起關注組，密切關注重建嘅事態發展，今集閒置中請嚟花墟重建關注組Charlie，同研究員討論2024年嘅社區參與模式，暢談做社區project嘅經歷同理解。 收聽緊podcast嘅大家可以喺資訊欄㩒入申述平台提交你嘅寶貴意見，關注埋花墟重建關注組@fm_concerngrp 獲得更加多有關花墟重建嘅資訊~ 嘉賓：花墟重建關注組 Charlie 研究員：劍、Emily 申述平台： https://shorturl.at/Y1WdT關注組facebook page：https://www.facebook.com/profile.php?id=61566331383349&mibextid=LQQJ4d

今年施政報告終於出爐，全城都討論緊的士司機點用阿拉伯語講唔過海。喺咁多政策修辭之下，施政報告仲有咩重點值得關注？為劏房正名嘅簡樸房到底有幾唔簡單？研究員用人話同你深入淺出，睇睇今次施政報告最大贏家喺邊個，拆解報告對城市發展有咩影響！ 研究員：Cody、劍、Brian

大型城市發展項目經常都有專業顧問嘅身影，被聘請做地區研究、可行性研究等等，對公共政策、城市發展舉足輕重嘅工作。當顧問套上專業形象，其實令普羅大眾難以了解佢嘅職能同權力，甚至係同政府之間嘅神秘關係，而呢一種模糊不清嘅關係又會衍生咩問題價得我哋去關注？ 今集閒置中同大家淺入深出講顧問，聽完之後記得要睇埋我哋最近有關顧問建港嘅研究文章啊！ 研究員：劍、Cody、Emily #本土研究社 #LiberResearchCommunity

近日房委會推出「幸福設計」指引，作為日後興建同翻新公屋嘅參考同設計依據，仲搵咗幾個屋邨嚟做試點。究竟呢啲幸福指引又會為公屋居民帶嚟幾多幸福感？今日閒置中，首先會同大家講下呢個指引係啲乜，再暢談研究員點睇住屋上咩叫幸福，之後同大家分享實地考察究竟見到啲乜，最後拆解一下究竟呢份指引嘅設計，背後仲意味住啲咩！ 研究員：Brian、Sunny、Emily

政府過去成日推廣置業階梯，想人透過買樓一步一步向上爬，作為置業階梯重要一環嘅居屋，前排定價竟然減到得返七折，同私樓價又近一步，究竟居屋折扣彈性嘅背後意味着啲咩嘢？喺而家樓價大跌嘅情況下，其實仲有冇人肯去買居屋？ 今集由置業階梯從頭講起，講吓居屋政策嘅目的，同埋折扣係點定出嚟，依家居屋嘅價錢公眾又有幾負擔得起呢？閒置中同大家淺入深出，具體咁分析分析！ 研究員：劍，Sunny

近年，增加市民幸福感成為咗政府施政嘅一大重點，房委會仲推出咗幸福感設計指引，講到明係以人為本，居民齊齊變幸福。但當幸福變成一堆嘅指引，居民真係會幸福？研究員走入最幸福嘅國家 - 芬蘭。喺當地首都赫爾辛基睇下要建立一個幸福城市背後到底有咩秘密。閒置中，深入北歐小國，睇下幸福原來講個「信」字。 研究完：劍青、Cody #芬蘭 #赫爾辛基 #Helsinki #幸福 #城市

未來「屯元天」要改稱為「屯元洪天」！工程進行中嘅洪水橋新市鎮將有20多萬人口，媲美一個天水圍。為避免重複天水圍嘅「悲情城市」，規劃數十年嘅洪水橋著重「職住平衡」，仲計劃起一個中環級商業區，聲稱為居民（同內地專才）喺原區有工返。但疫後全球辦公室空置率高企，喺洪水橋囤積農地多年伺機發展大失預算，要求政府更改規劃「商改住」，整區規劃有打回原形趨勢。經濟重心北移至深圳河以北嘅今日，洪水橋以至北部都會區嘅前景有幾好？今集閒置中，以超精簡方式同大家探討下。 研究完：劍、Brian #屯元天 #洪水橋 #閒置中 #本土研究社

地價樓價跌跌跌，政府有啲招標發展項目，甚至無地產商肯參一腳，政府明言對地價要求已經唔高，只期望唔好係負數就得，原來地價歸零仲有得再跌？今集3位研究員就同大家分析一下，負地價會係咩嘢概念，而地價嘅高低對於香港城市發展嚟講，又有咩意義呢？當土地再唔值錢，政府仲不惜大舉借債，發展北部都會區，究竟前景係咪咁樂觀？閒置中，淺入深出地跟大家傾下。 研究完：劍青、Brian、Sunny #負地價 #財赤 #北部都會區 #融資成本 #補地價 #地價  #發債 #入不敷支 #赤字 #香港財政 #政策研究 #財政研究 #高地價政策 #  #BudgetPlan #HKFinance

農地在香港鮮少成為議題的主角。有關農地的新聞，大多是農地被破壞了，被徵收了的被動處境。然而，一塊適合進行農耕活動的土地是怎樣的？我們可以如何分辨農地的現行狀況？不同類別的農地位於香港何處？城市各處的農地，又分別面對怎樣的處境？尤其是最近政府力推的「北部都會區」，正影響香港農地最集中的北區及元朗區。與北都「城鄉共融」的準則相呼應，優質農地可以如何滿足大眾各方各面的需要，發揮多元的價值呢？ 要回應以上關於香港農地狀況的重要問題，今集《閒置中》請來葉子林先生，談談試驗性地集合學界、環團及民間團體跨界完成的《活農活現：北部都會區農地調查報告及農業優先區建議》研究中，調查農地現況的方法，意料之外的研究發現，以及對農地規劃政策制定的展望。 嘉賓：葉子林先生（嘉道理農場暨植物園再生農業部經理） 研究員：劍青、Elise #農地農用 #保田保農 #活躍耕地 #閒置農地 #城鄉共融 #北部都會區 #活農活現 #農業優先區 #農地

巴黎奧運熱潮持續，除咗睇開幕、睇運動員表現、睇運動本身之外，仲可以用咩角度睇奧運？ 近日研究員一路睇比賽，一路從文獻、新聞、當地組織全方面睇巴黎奧運嘅情況同問題，發掘獎牌背後少人談及嘅城市現象。奧運同城市發展有咩關係？巴黎奧運同以往有咩唔同？今屆奧運對香港又有咩啟示？ 閒置中迎來第二百集，就喺今集同大家直擊奧運。

市建局提出重建旺角花墟，令香港人不得不重新審視這個專屬於園藝的集中地何去何從。適逢幾位研究員在盛夏前往英倫，路經倫敦最有名的哥倫比亞路花市(Columbia Road Flower Market)。各研究員將在今集閒置中分享在倫敦所見所聞，究竟當地社會對花有甚麼看法？ 倫敦的花卉與植物現在的地景有何特色？當地的政府相關部門，在疫情中知道哥倫比亞路花市遇到挑戰時，如何設定自己的角色，去支持花市的未來發展？這個花市的規劃，又可以為香港花墟現時人車爭路、想提升顧客體驗等問題，帶來甚麼啟示？ 研究完：Brian、Sunny、Elise

時隔兩年，本研又有大型發布，今次講嘅議題竟然關動物事？事關近事越嚟越多人養貓養狗，新界都突然多咗有關動物寄養所嘅申請，但研究員發現呢啲申請，超過一半都係流流哋，申請完都無真係用嚟寄養動物，而係填完土就拎嚟做擺貨同擺車。究竟點解有咁嘅現象？佢哋又用咗幾多隻貓貓狗狗嘅名義，嚟合理化自己破壞土地嘅事實？今集就等研究員同大家直入元朗，到申請用地四圍看。 研究員：劍青、Brian、Sunny、Emily 立即收聽/收睇📻 閒置中Podcast 🎬Youtube版、🎧Spotify、🍎Apple Podcast、🔊Google Podcast、💻網頁版

花卉對於一般香港人來說，似乎是年節時才偶爾購入的產品。但曾幾何時，本地花產業一年四季都非常興盛。花墟也是因為本地花農的聚集經營而成雛形。因為交通和物流技術進展，以及農田的流失，香港現在大部分的花卉已是進口貨。但現在花卉產業中，是不是完全沒有本地花的位置？本地花的產業，在生產、應用和銷售方面，正在面對怎樣的挑戰？ 今集《閒置中》，請來嘢·菜花實驗研究社的阿魚，為我們分享她以本地農田出產的花卉和各式作物，製作成花藝作品的經驗。藉著她對花藝同行和本地農業的觀察，探討本地花在種植、日常文化上，與消費者及香港土地議題有何關聯？ 研究員：劍青、Elise 嘉賓：阿魚 @嘢·菜花| 實驗研究社 #本地花 #花墟 #花業 #花藝 #嘢菜花 #本地農業 #食農教育#閒置中 #香港 #本研Podcast #LiberPodcast#本土研究社 #LiberResearchCommunity

大家有無試過去錯地方，或者目的地同我哋腦海嘅記憶有出入呢？ 有時地名會連帶回憶，例如深水埗會聯想價格相宜嘅舖頭，有特色嘅電子零售業、布業、皮革業等。 但我哋嘅認知可能會畀市區重建項目同地產界逐漸「改造」深水埗。我哋今次同大家討論地產文學究竟點樣扭曲大家對深水埗嘅記憶同邊界，令買家因為代理語言藝術墮入美麗嘅誤會之中。會唔會有一日「深水埗」將會消失於地圖之中？ 今集閒置中，我哋有研究員分享日常觀察及研究心得。 研究員：劍青、Sunny、Echo #本土研究社 #LiberResearchCommunity

有關元朗流浮山呢個地方，新啲印象可能係電影緣路山旮旯既一幕，舊啲既印象可能係「小桃園飯局」，但近日都係因北部都會區，令呢個香港咁遍遠既地方即將變天。 而最新公佈既流浮山發展大計講緊啲乜，會為地區規劃、土地分配、社區影響、生態環境帶來咩影響? 計劃中會由數碼港用「片區模式」發展創科用地，同埋推廣「生態旅遊」，又係一件乜回事? 今集閒置中我地有研究員，連同來自香港大西北既資深地區工作者 Terence，黎分享多年黎流浮山既研究分析，同埋所見所聞。 研究員：劍青、Elise 嘉賓講者：Terence (資深地區工作者) #流浮山 #本土研究社

大家最近一次去公共圖書館是什麼時候？近年借書量下降又是否代表閱讀或者逛圖書館這件事已經失去魅力？今集研究員將分享下以前浸在圖書館的書蟲生活，亦都會提及較早前搜羅的各適各樣的專題圖書館，旨在透過研究拋磚引玉，等大家一齊補漏拾遺搵下各類型嘅藏書地標，亦都重新關心閱讀的公共空間。 研究員：Elise、劍青、Stewart 💪🏻支持我們：https://liber-research.com/support-us... ❤️關注我們：https://linktr.ee/liberresearch #本土研究社 #LiberResearchCommunity

年頭食環公佈上年度總滅鼠量接近十萬隻，睇返歷年嘅數字，捕鼠量一年比一年多，而投訴數字又係咁升，咁究竟捉得愈多老鼠係咪代表鼠患問題就緩和咗？定係因為多咗老鼠所以多咗老鼠畀人捉到？老鼠嘅出現同城市空間、環境衛生、全球暖化又有咩關係？城市老鼠愈嚟愈多又有乜啟示？今集閒置中，三位研究員Emily、Brian、劍青同深入淺出講老鼠。 💪🏻支持我們：https://liber-research.com/support-us... ❤️關注我們：https://linktr.ee/liberresearch #本土研究社 #LiberResearchCommunity

深水埗正做緊全區重建研究，十幾條街一次過研究點樣大改造，預計將會對市區基層社區帶黎巨大影響，各種平民、小店、文青、不同種族及興趣社群都可能會因而改頭換面。 今集《閒置中》搵到跟進市區重建議題多年既舊區街坊自主促進組Kelvin 同Ken，講下佢地近月做左份有關深水埗重建既民間調查報告，想了解： - 除左又話重建起多啲豪宅、商場同天橋，其實真正喺深水埗生活既人對重建有乜諗法? - 對現今深水埗士紳化既城市形態有乜觀察? - 重建深水埗呢類市區重建議題究竟重有冇人關注? 《閒置中》淺入深出， 一齊深入探討深水埗重建最前線。 研究員：劍 分享嘉賓 Ken、Kelvin (舊區街坊自主促進組)

新界西北濕地鳥語花香將成絕響？新田科技城計劃將填平近百公頃重要魚塘濕地，其環境影響評估已光速獲通過，如此快速不難想像錯漏百出，今集podcast請來香港觀鳥會嘅雪媚同大家分析下，呢份史上最差環評報告做得如何粗疏，以及失去新田的代價又是什麼。 研究完：劍、Brian 嘉賓：香港觀鳥會高級保育主任 黃雪媚

近年香港商鋪執笠或空置情況並不罕見，但當執笠潮出現在公共屋邨商場時，除了商鋪選擇變少，還有甚麼影響？到底從何時開始，屋邨商場的店鋪，都變成由連鎖大集團所經營？事實上房委會作為屋邨商場的業主，為基層市民提供各類型消費理應向當邨公共服務，在現今的市道下，能否讓空置的店鋪，重新成為當區居民營生與聚腳的地方呢？今集研究員將會分享最近考察新舊屋邨商場的見聞，以及房委會屋邨商場連鎖化的調查數據，一同探討房委會及屋邨商場應有的角色。 研究完：Brian、Stewart、Elise 💪🏻支持我們：https://liber-research.com/support-us... ❤️關注我們：https://linktr.ee/liberresearch #公共屋邨 #屋邨 #商場 #連鎖店 #執笠 #空置 #基層生活 #屋邨商場 #房委會商場 #營商環境 #貴租 #新界 #洪福邨 #皇后山邨 #駿洋邨 #水泉澳邨 #博康邨 #商場研究 #公營開支研究#閒置中 #本土研究社 #香港 #本研Podcast #LiberPodcast#本土研究社 #LiberResearchCommunity

香港似乎出現「執笠潮」，不少食肆都在經濟低迷的市況下支撐不住。但究竟各類型店舖紛紛倒閉，是否純粹基於經濟差、港人北上消費等成因，抑或亦有其他緣由？而普遍大眾都對店舖倒閉、繁榮不再的城市面貌，又有沒有一些特殊的心態情感？ 今集《閒置中》，三位研究員會分享大家各自的生活體驗，例如是過往商場鬧市現時的人流狀況；重建後新樓店舖的冷清感，以及與舊區活力的氣氛差異；還有剖析不同年代群眾，對於時下城市大變的潛在心理，看看能否會與大家產生共鳴？ 研究員：Brian、劍、Sunny

旺角花墟重建將即移除附近部分公園起樓及重建花墟核心地段，消息已令區內居民商戶人心惶惶，亦引來學者及前官員的關注與批評。 有上百年歷史的花墟作為香港城市僅存獨特環境，活生生既城市經濟，聽到呢個消息第一時間既反應係點? 花墟重建剛剛發佈具體規劃方案，又有什麼關鍵細節值得留意? 花墟重建打開左油旺全區重建既第一炮，究竟未來區內會唔會有更多佔用公園及公家地既發展? 剛剛有研究員已跟區內街坊花街巡遊左一轉，今集《閒置中》會淺入深出同大家傾下係咪花墟is over。歡迎在Podcast俾個評價我地啦。 研究員：Emily、劍、Brian

近年，香港與飲食相關的議題日益成為焦點。從雙餸飯到酸菜魚，選擇貌似多左口味濃左。有預估顯示未來可能有3000家餐館面臨倒閉，同時也見到堅持使用本地新鮮食材的餐廳仍在不懈努力。香港享用一餐，都有愈來愈多值得思考的課題。 香港這個美食天堂迅速衰落的原因，究竟是受到外部環境競爭的影響，還是有其他內部因素？ 本地食材餐廳之所以未能廣泛普及，是因為本地食材的供應不足，還是實際上高質量消費者的數量有限？ 一個城市的生活品質重要指標之一，是飲食的質量。除了需要保護能夠生產新鮮食材的本地農地之外，我們還應該如何珍惜香港獨特的多元味道？ 今集《閒置中》研究員搵埋《味緣香港》作者呂家俊，淺入深出同大家傾下有關我們城市的味覺正如何變化。 研究員：劍、Elise、Stewart 嘉賓：呂家俊 《味緣香港》作者 🎬最新！Youtube版： ⁠https://youtu.be/S47NB9d4Y-s

最近意外訪港嘅鯨魚不幸罹難，當大家都意識到不當地出海觀鯨，會對鯨魚造成莫大傷害時，喺保育海洋生態上，聲稱唔可行而無做到臨時禁船嘅政府，其實有無嘢可以做得更好？要知道點樣保護鯨豚，我哋就要從佢哋嘅角度出發，了解佢哋平日嘅行蹤，睇下佢哋係咪成日喺香港水域蒲頭，又要明白佢哋喺海上各方面嘅危機。留意我哋今集嘅節目，一齊思考下要做個負責任嘅愛鯨觀鯨者，究竟仲有啲咩要注意？ 研究完：劍、Stewart、Cody 特別嘉賓：希汶 @HKDCS（ #香港海豚保育學會 ） 另見： 【鯨魚之死　歸因人類的貪婪？】 https://liber-research.com/whalesdeath2023/ #鯨魚 #布氏鯨 #鯨豚 #海豚 #保育 #海洋生態 #海洋研究 #觀鯨 #鯨落 #捕魚 #填海 #快艇 #機動船 #人禂 #臨時保護區 #海洋保護區 #海岸保護區 #海岸公園 #閒置中 #本土研究社 #香港海豚保育學會 #香港 #本研Podcast #LiberPodcast

時下嘅ChatGPT問咩答咩，好似識好多嘢，又識寫文，又識覆email，咁幫得手，再咁落去研究員會唔會再無立錐之地！？本研社最鐘意就係擁抱新知，一於就試試佢，睇下究竟人工智能有無可能取代到研究工作。研究員最近頻頻共學，由搵文獻、歸納文章、翻譯韓文，去到製圖、整片、錄Podcast都試咗唔同嘅AI工具，實行嚟個全方位探索，究竟運用人工智能係點樣嘅經驗，點樣應用到喺研究入面，對唔同研究員又有咩啟示呢？研究員就同大家一齊分享下心得。 研究完：劍、活、新 【研工智能 】Open AI與研究共學工作坊 https://bit.ly/3Df4j3w #AI #人工智能 #ChatGPT #MidJourney #研究 #科技 #研究工具探索 #研究員的價值 #AI之下如何自處 #OpenAI #研究共學 #研究工作坊  #新技術 #研究工具解鎖 #共同學習 #研究之路 #閒置中 #本土研究社 #香港 #本研Podcast #LiberPodcast

香港的民間研究已碩果僅存，遇上種種整體環境及財政危機，應該如何延續下去？從事多年的研究員今集跟大家探索民間研究延續之路，剖析當中公民VS民間、調查與研究、Search與Research，目的與過程的思考，就近月重新啟動的月費訂閱計劃進度作詳盡報告。 研究完：劍、Brian、Stewart、Cody 延伸閱讀：【研續未來．一齊做落去】本研月費訂閱計劃2023 https://bit.ly/3rhXDif #民間研究 #本土研究社 #研究之路 #研續未來 #訂閱計劃 #一齊做落去 #城鄉郊野 #北都大嶼 #房地規劃 #環境保育 #研究有價 #文字有價  #閒置中 #本研社 #香港 #本研Podcast #LiberPodcast

本研社竟然膽粗粗搞市集？辦公室變市集，本研社係點樣變陣？ 市集一向在只是研究社在構思研究議題時會彈出的一種概念。但對上星期六（10/6），本研便聯同簡單來講團隊，以「永續生活」為主題，破天荒第一次在研究社內合辦市集。一班硏究員未開始研究市集就已經變身「販賣知識」的售貨員，實踐市集的運作。 今次同大家講下市集入面研究員點樣嚟一次「觀察式研究」，睇到啲咩又有咩得着！到底市集經濟近年個演變係點？未來又會走向一個點嘅模式？一齊「簡單來講」！ 研究完：Stewart、Cody 嘉賓：日青（簡單市集共同策劃人）

北部都會區的重點計劃 — 新田科技城規劃出爐，發展範圍激增爆入魚塘濕地保育區，成為繼新界東北規劃後最大規模滅鄉計劃。 研究員近日入新田實地考察，探訪受影響漁農戶，走遍魚塘大地，體會到一些文件以外的實況與規模，在公眾參考即將開展之際，探討新田科技城規劃十大主要問題。 研究完：Brian、劍 延伸閱讀：  【新田科技城】考察近年最大滅鄉計劃實況 https://bit.ly/3qw2D2E 【17個科學園】新田科技城十問 https://liber-research.com/santin_10_questions/ 【新田圈地城】私下批地　將會重蹈韓國松島「創科黑洞」覆轍嗎？ https://liber-research.com/songdo_direct_land_grant/ #新田科技城 #北部都會區 #生態災難 #滅村危機 #土地規劃 #邊境 #新田發展計劃 #鄉郊環境 #規劃研究 #濕地 #非原居民村 #漁塘 #鄉郊 #漁業 #農業 #漁塘養殖 #新界北 #石湖圍 #小磡村 #麒麟村 #鹿尾村 #米埔隴 #三寶樹 #元朗  #閒置中 #本土研究社 #香港 #本研Podcast #LiberPodcast

今年蚊季提早開鑼，小心今晚又畀蚊咬！翻查食環署誘蚊器指數，今年4月部分新界地區比去年早1－2個月達警戒級別，今年夏天蚊患應會創近年新高。點解會咁？除了氣候變化外，外國不少文獻發現，過度城市化原來都係導致蚊患惡化嘅原因，近年新界鄉郊急速城市化，可能係背景原因。唔想畀蚊咬？或者想精準滅蚊？經常外出考察嘅研究員亦會同大家係節目內分享滅蚊「心得」。 研究完：劍、Brian 客串：義工Steven 延伸閱讀： 【「蚊季」提早展開】勤於治鼠，疏於防蚊？ https://liber-research.com/mosquitoes/ #蚊 #蚊患 #食環署 #誘蚊產卵器指數 #城市化 #環境研究 #蚊蟲 #滅蚊 #驅蚊 #防蚊 #戶外防蚊 #蚊叮蟲咬 #痕癢 #白紋伊蚊 #鄉郊環境 #蚊患指數 #誘蚊器指數 #食物環境衞生署 #日本腦炎 #登革熱 #瘧疾  #閒置中 #本土研究社 #香港 #本研Podcast #LiberPodcast

各位聽眾或者試過等車時會聽《閒置中》，有無發現近年有啲地方巴士小巴班次越來越疏，或者係咁兜路？唔搭港鐵的話，通勤時間會耐咗？竟然有巴士線早上送你返工，但夜晚停駛唔送你返屋企？ 今集《閒置中》邀請咗「交通規劃發展聯席」兩位嘉賓，佢哋花咗一年時間落巴士站搵乘客做問卷了解乘客真正需要，炮製咗一份關於九龍過海人士的交通習慣嘅研究報告，發現東鐵延線通車後，唔少人搭非港鐵交通過海反而用耐咗時間。TH 同Alex 會同大家分析，以「鐵路為骨幹」嘅交通政策，究竟出咗啲咩結構性問題。 研究員：Brian、Stewart 特別嘉賓：TH、Alex@交通規劃發展聯席 延伸閱讀： 《九龍中部過海交通習慣研究》研究報告 https://bit.ly/42dfW5Q #過海交通 #東鐵過海 #鐵路 #巴士 #九龍中 #交通規劃 #通勤 #九龍中部過海交通習慣研究 #九龍城 #黃大仙 #慈雲山 #何文田 #彩雲 #紅隧  #公共交通 #公眾參與 #運輸署 #規劃研究 #運輸規劃 #交通研究 #閒置中 #本土研究社 #香港 #本研Podcast #LiberPodcast

疫情期間坐困愁城，唔少人會尋找近郊IG 打卡熱點，但最近有一單非常具技術性、而且少人留意到的城市規劃新聞，好可能會令呢啲美景頓成泡影！近日城規會已經迅速通過了一份規劃指引，令棕地作業能夠更加容易進駐超過300公頃的近郊地區，研究員睇過受影響地帶，包括鄰近鷺鳥林保育地帶、IG 打卡花海、黑羊食草的隱世鄉村等等，未來很可能烏煙瘴氣的貨櫃場和回收場，未來鄉郊環境質素將會直線下降。政府為何有此舉動？呢個改動又意味著未來鄉郊如何改變？ 研究員：劍、Brian 延伸閱讀：【棕門大開】修例放任320公頃保育農地變棕地 新界勢變「棕部都會區」 https://bit.ly/41sW2Ua  #棕地 #丙崗 #牛潭尾 #新田 #土地研究 #規劃研究 #上水 #心田 #恐龍坑 #林村 #打石湖 #坪輋 #打鼓嶺 #沙頭角 #萬屋邊#元朗 #流浮山 #沙江村 #八鄉 #蓮花地 #金錢圍 #水流田  #逢吉鄉 #唐人新村  #鷺鳥林 #貨櫃場 #棕地入侵 #土地保育 #回收場 #城規會 #環境破壞 #香港土地  #閒置中 #本土研究社 #香港 #本研Podcast #LiberPodcast

繼油旺、深水埗，市建局即將會用「全區重建」模式套進荃灣市鎮舊區。近日有文件透露將有「數幅」荃灣公共設置被重建盯上，可以估計將已鎖定一批市鎮內的舊街市、診所與公共建築，將有可能成為市區重建圈公家地的犧牲品。 荃灣作為戰後市鎮，究竟區內的公共設施/建築對荃灣社區有何意義? 所謂「一地多用」的重建模式具體有何問題? 現時率先透露風聲會否引發投機收樓，趕絕城市基層的生活及社區空間？ 研究員：劍、Cody、Brian #荃灣 #全區重建 #市建局 #一地多用 #公共設施 #城市地景 #偷公家地 #荃灣街市 #香車街街市 #戴麟趾夫人分科診療所 #雅麗珊社區中心 #荃灣多層停車場大廈 #荃灣大會堂 #荃灣裁判法院 #公共建築 #新市鎮 #荃灣重建 #深水埗重建 #油旺重建 #九龍城重建 #土地研究 #地區研究 #市區重建局 #閒置中 #本土研究社 #香港 #本研Podcast #LiberPodcast

古諮會會議最近無端端將中大崇基學院兩座教職員宿舍放上會議評級，到達葫蘆裡賣緊咩藥？中大校方冇參與其中同唔知情？中大毛石牆建築群同崇基早期校園係咩概念，又有咩歷史價值同代表性？古蹟辦今次分拆評級到底反映咗咩現象？ 今集將由研究員同義工一齊講返研究發現以及實地考察、聽會嘅體會，剖析返現時文物保育嘅問題癥結。 研究員：劍、Brian、Stewart、On 延伸閱讀： 簡約與層次：中大崇基毛石牆建築為何逐漸消失? https://liber-research.com/cuhk-heritage/ #中大 #崇基 #毛石牆 #校園建築 #文物保育 #香港古蹟 #古蹟保存研究 #博文苑 #牟路思怡圖書館 #應林堂 #華連堂 #明華堂 #蘭苑 #禮拜堂 #古諮會 #古蹟辦 #花崗石 #崇基學院 #崇基人 #止於至善 #香港保育 #香港歷史 #古蹟 #中文大學崇基學院早期校園 #中文大學 #香港中文大學 #發展至上主義 #CUHK #HongKongHeritage #hkarchitecture #hkheritage #hkconservation #HistoricBuildings #hongkong #閒置中 #本土研究社 #香港 #本研Podcast #LiberPodcast #HK #2023年

發展局膽粗粗指多年來根據法治而成的「海港保護罩」拆牆鬆綁，大刀闊斧加入一堆填海工程豁免清單，過往《保護海港條例》作為香港公共資產的維港失卻「定海神針」，景色會否變天？ 今集將由研究員極精簡講述《保護海港條例》的前世今生，修例細節及值得關注的城市問題。 研究員：劍、Brian #填海 #保護海港條例 #維港 #城市研究 #發展局 #維多利亞港 #土地利用 #程序公義 #香港資產 #公共財產 #發展至上主義 #政策研究 #土地研究 #HKLanduse #閒置中 #本土研究社 #香港 #本研Podcast #LiberPodcast #HK #2023年

香港作為「國際大都會」，今時今日變成點?  本研社近日透過高官外訪形態作為探索點，討論新香港的國際空間如何變化，不只到訪地點、次數與規格所反映「旅行的意義」，同時也在探討香港國際空間的過去與未來。 研究員：劍、Brian #外訪 #高官出行 #李家超 #林鄭月娥 #梁振英 #曾蔭權 #董建華 #美麗新香港 #本研社 #本土研究社 #香港 #本研Podcast #LiberPodcast #HK #2023年

近期賣地頻頻流標，雖然陳茂波曾稱「不會賤賣土地」，最新旺角洗衣街一幅大型商業地亦由新地以47億、每呎樓面地價3100元的超低價投得，似乎「隨行就市」才是新常態。究竟這個新常態背後反映緊什麼財政影響？ 有人質疑麵粉價（地價）低會令麵包價（樓價）平、又有聲音指財赤下低價賣地總比流標好。今集研究員同你一齊破除這些「低地價」迷思，從連番流標及賤賣土地探究現時賣地機制的不透明、政府在賣地收益上與發展商的依存關係、土地規劃及供應如何受影響，以及過份依賴不穩定甚至不明朗的賣地收入作公共財政主要收入來源背後，如何支撐未來千億基建開支的隱藏問題。 研究員：劍鴻粉 #流標 #賣地 #樓市 #公共財政 #土地規劃 #財政赤字 #賣地收入 #賣地收益 #香港政府 #賤賣土地 #旺角 #洗衣街 #發展商  #赤字 #香港財政 #政策研究 #土地研究 #HKFinance #閒置中 #本土研究社 #香港 #本研Podcast #LiberPodcast #HK #2023年

除咗削減消費券，《財政預算案》今日公佈仲藏住一啲關鍵細節，關乎普羅大眾市民嘅荷包，亦有眾多民生議題牽涉其中。 一啲奇怪預算操作：原來來年會抄多20%牌（罰款）、邊個部門每日用15個鐘Mon Post、陳茂波嘅結語有甚麼「別緻怡人的景色」，各種「太大想頭」嘅基建潛在開支，已經用一般日常開支「埋緊單」？背後卻為現時香港財政響起警號，今集研究員同你一一解讀。 今年預算財赤達千四億，但明日大嶼及三鐵三路等大型基建都未動工，而且之前的基建數都未還清，褲頭已經勒得非常緊，要依賴舉債當收入？政府無講到明，但我們可如何從預算案細節中看到未來基建帶來嘅財政負擔？土地財政上見到甚麼新趨勢以及潛在問題？ 研究員：梁粉正 #財政預算案 #財赤 #發綠債 #公共財政 #基建開支 #消費券 #陳茂波 #入不敷支 #明日大嶼 #三鐵三路 #大型基建 #弱勢社群 #基層權益 #補地價 #赤字 #財政赤字 #香港財政 #政策研究 #土地研究 #BudgetPlan #HKFinance #閒置中 #本土研究社 #香港 #本研Podcast #LiberPodcast #HK #2023年

一公佈全球大型填海工程項目研究報告，即時引來各大傳媒關注，發展局在即晚就「嬲嬲」稱報告歪論誤導，企圖抹黑明日大嶼。做咩事發展局咁嬲「戰狼上身」？ 呢份報告有咩咁勁搞到發展局咁嬲？今次報告長達５萬字重磅研究，今集順便抽取報告精華，同大家懶人包式講述究竟大型填海項目在全球面對緊什麼樣的處境？當中又有幾多估你唔「島」？又有幾多係「爛島仔」？對明日大嶼又有何啟示？ 尤其現時明日大嶼鬼祟進行公眾諮詢期間，一份如此重磅嘅研究報告，就等今集研究員同你心平氣和、理性討論一下究竟係咪失實誤導？ 研究完：劍、鴻、涼 延伸閱讀： 《問題島途：從全球大型填海工程看明日大嶼計劃的危機》 https://bit.ly/3E9307i #填海 #人工島 #明日大嶼 #大白象 #發展局 #研究發佈 #EP143 #海花島 #日月島 #世界島 #交椅洲 #交椅洲人工島 #坪洲 #東大嶼填海 #填海工程 #填海造陸 #公眾諮詢 #爛島仔 #海洋生態 #城市規劃 #土地研究 #房屋研究 #假諮詢 #HK #HongKong #ArtificialIsland #LantauTomorrow #LantauIsland #reclamation #eastlantaureclamation #土地研究 #規劃研究 #填海研究 #國際研究 #全球研究 #本土研究社 #閒置中 #本土研究社 #香港 #本研Podcast #LiberPodcast

市建局周日寫Blog當公佈將開展深水埗全區重建研究，由界限街以北到興華街以南十九幾條街無一倖免，話參考過往油旺研究的「成功經驗」，圈地開發怪手終於殺入市區基層最核心地帶，究竟今次想攪邊科？ 有人形容係新香港人低端人口清洗計劃，有人覺得係文青末日，又有人話深水埗又殘又舊不如拆咗佢，究竟重建計劃應唔應該咁做，如果唔係咁做又可以點？ 今次點到名大南街、鴨寮街、主教山配水庫作重點研究，開發概念極似鵲巢鳩佔社區文化資本據為自有，時裝設計布料Cyberpunk文化旅遊藝術展覽，又係咪可以靠拆同重建打造出嚟？ 研究完：劍、Cody 嘉賓：庭豐（深水埗區議員） 另見： 市區基層文青街道大滅絕　油旺全區重建推土機北上殺到深水埗 https://bit.ly/3jUQXmX #深水埗重建 #市建局 #市區重建 #城市規劃 #EP142 #深水埗 #長沙灣 #九龍城重建 #油旺重建 #鴨寮街 #大南街 #文青小店 #天光墟 #香港設計中心 #鈕扣街 #珠仔街 #花邊街 #時裝街 #皮革街 #設計及時裝基地 #創意產業 #主教山配水庫 #前深水埗配水庫 #社區 #弱勢社群 #基層權益 #發展商視角 #土地研究 #地區研究 #市區重建局 #本土研究社 #閒置中 #本土研究社 #香港 #本研Podcast #LiberPodcast

簡約公屋選址啟德一事，除了業主的鄰避式抗議，對香港商業用地及整體規劃還有甚麼啟示？啟德作為第二個「商心」（商業核心區），發展擾攘了數十年，現時仍有不少地方沙塵滾滾，不少商業用地空置／未有計劃。但未來十數年香港還有幾多商業用地落成？多年來啟德經歷了甚麼事件及定位改變？與居民及發展商有甚麼關係？再進一步，這種依賴私人發展商高價投地支撐基建開支、橫跨十數年的大規模發展模式，是否已經未能靈活應對日漸多變的經濟環境底這個模樣是否香港現時最需要的土地用途？推銷手法與啟德極相似的明日大嶼，會面對比啟德更嚴峻的情況嗎？ 研究完：劍、拜、涼、Ｃ 另見： 【啟德夢碎】簡約公屋選址之外 啟德還有幾多商業地積存？ https://liber-research.com/kaitaklightpublichousing/ #傷心的商心 #商業核心區 #簡約公屋 #明日大嶼 #啟德 #中環 #CBD #劏房戶 #弱勢社群 #基層權益 #土地規劃 #房屋政策 #房屋問題 #社區 #商廈空置 #甲級商廈 #商業發展 #九龍城 #東九龍 #起動九龍東 #CBD2 #HongKong #HKhousing #HKliving #CentralBusinessDistrict #閒置中 #本土研究社 #本研Podcast #LiberPodcast

簡約公屋真的是「唯一」解決劏房的方法？ 要思考如何「告別劏房」，先要真實了解劏房問題及處境。根據最近統計署公佈事隔５年的劏房專題報告，作為現時香港房屋問題的重點，最新劏房現況的全面公佈似乎十分「靜雞雞」，政府當然亦未有高調提及。 研究員今集邀請埋一直關注劏房問題的呀山細睇埋報告中的具體細數，更為大家解讀內裡玄機，除了整體數字上升，劏房近年有什麼樣的變化？ 再問真啲，若單靠土地供應作為「唯一」解決房屋問題，政府未免想得太天真，這個不適切居所的問題未來只會以不同形式繼續存在。究竟劏房問題應該要如何改善及處理？具體可以有什麼方法？ 研究完：劍青、牙朗、涼 嘉賓：鄧寶山（全港關注劏房平台召集人） https://www.facebook.com/SubdividedFlatPlatform/ #劏房 #住屋權 #基層住屋 #房屋研究 #簡約公屋 #劏房戶 #弱勢社群 #基層權益 #劏房租金 #房屋政策 #房屋問題 #劏房報告 #劏房數據 #統計處 #居於分間樓宇單位人士主題報告 #HongKong #HKhousing #HKliving #Subdividedhouses #閒置中 #本土研究社 #全港關注劏房平台 #SubdividedFlatPlatform #本研Podcast #LiberPodcast

近年愈來愈多老店結業，除了坊問常言的「產業淘汰」、「經營不善」，其實還有什麼少為人提及的加速死亡原因？老店究竟係咪要被社會自然淘汰？ 今集閒置中請來多年來在地觀察及紀錄香港老舖的Ian，除了一齊分析本土老店的多個真實死因，同時亦重新為大家探討「老店」究竟應如何定義，老店背後又代表著什麼社區意義及在地經濟？ 更重要的是，民間除了「懷念」其消逝，還有什麼可以做？老店有什麼的另類的出路？ 研究完：涼、Cody 特別嘉賓：Ian @ 香港老舖記錄冊 https://www.hkhistoricshops.com/ #老店 #老舖 #老字號 #香港老店 #香港老舖 #傳統老店 #香港老字號 #老店結業 #香港街景 #本地經濟 #香港產業 #香港製造 #本土 #放寬強拍門檻 #泉章居 #醉瓊樓 #調源醬園 #悅和醬園 #棚仔 #觀塘碼頭熟食市場 #古洞北新發展區 #九龍城街市 #火炭工業大廈 #香港文化 #香港旅遊 #香港特式 #人情味 #傳承 #HongKong #hkexplore #oldshops #hkoldshops #hongkongshops #閒置中 #本土研究社 #香港老舖記錄冊 #hkhistoricalshops #本研Podcast #LiberPodcast

農曆新年冇野做，仲有冇人會準備新一年閱讀清單俾自己？定係慣左開啲Apps、碌下IG、睇下Youtube、Follow下page，已經覺得Too Much? 根據手民出版社Enoch的業內觀察，近年獨立書店湧現令人喜出望外，實體書並沒有因而退潮。在「資訊飽和」裡反意識到自己的「飽和時刻」，對於一本書的渴求超越了物理空間的限制。 所以，我們兩年來寫一書這件事，真的很難理解嗎? 本研社新作《棕須一變》作為一本民間深度議題書，出版的策劃是有種特定的想法與節奏，在變動中的時代確實試到一點水溫，探索到當中定位。 《棕須一變》未到大賣，但也找到不少識挑書的好讀者，今次邀請到手民Enoch與研究員一齊探討「做發行」與本土知識傳播的關係，2023年吸收資訊有冇取代大家吸收知識的能力，以行內觀察，點解做一本實體書仍然扮演一個重要位置。這不僅是關乎社會吸收知識文化大勢，更是從事知識推廣工作所面對的生存處境。 做好一本書，點至推書咁簡單！ 研究員：劍、Brian 嘉賓：手民出版社 Enoch #買書 #閱讀 #實體書 #出版業 #書籍發行 #出版社 #獨立書店 #閱讀習慣 #譚以諾 #手民出版社 #hkbookseller #publisherhk #閒置中 #本土研究社 #本研Podcast #LiberPodcast

研究員近日周圍食小店，好多老闆一邊講自11月人流少到加零一，一邊又擔心1月中開關後重演疫情前的自由行問題，實在好複雜，決定決心探討一下此課題。 似乎第一個即將出現的問題是，開關會對寧靜左3年既街道同地方有咩影響？「搶藥」以外，會否好似地產經紀咁講會搶埋樓? 搶位? 搶租金及影響其他難以估計的東西？ 呢個城市，又有冇借疫情呢3年既時間，吸收過教訓同學習？定還是學習都學唔黎，要去迎接一種全新城市處境? 未開關前7仔已經冇哂必理痛，自保方法係咪要用鬼機安裝小紅書? 研究完：C、Kim、Brain #承載力 #旅遊規劃 #開關 #買樓 #大灣區 #北部都會區 #雙城三圈 #大鵬灣及印洲塘生態康樂旅遊圈 #自由行 #每日6萬人 #搶藥 #搶樓 #槍租金 #香港經濟 #疫情 #第六波 #Covid19 #新冠感冒 #小紅書 #香港2023 #閒置中 #本土研究社 #本研Podcast #LiberPodcast

今年聖誕你會諗起D咩？除咗大餐同聖誕樹或Lonely Christmas ☃️，今年平安夜有人喺戰火中無法平安，有人開暖爐，有人冷冰冰無家可歸，IKEA特價聖誕樹事件到買聖誕禮物🎁嘅源起，物價升冇火雞，到借聖誕假做「突襲」，呢啲原來都有研究可談！ 研究員：涼、劍 嘉賓：康（本研義工） #聖誕節 #節日消費 #俄烏戰爭 #聖誕研究 #聖誕 #聖誕樹 #聖誕禮物 #聖誕假 #聖誕大餐 #物價上漲 #平安夜 #能源危機 #閒置中 #本土研究社 #本研Podcast #LiberPodcast

以為香港有個人工島就變萬能俠，駛5800億任何房屋問題、主導權定地產霸權都一下子解決？抑或是為香港未來帶來無法自拔的深淵？研究員同你一齊walk through最新版人工島政策文件，細讀各種濫用概念、造價估算失誤，為即將進行公眾諮詢做定功課。 研究員：青、屍、雄 #填海 #人工島 #交椅洲 #明日大嶼 #香港未來 #海綿城市 #智慧出行 #交椅洲人工島 #土地問題 #房屋問題 #土地研究 #填海工程 #倒錢落海 #萬億基建 #大白象 #飄移島 #閒置中 #本土研究社 #本研Podcast #LiberPodcast

破壞圍村軸線、封死出入口、夾扁僅餘嘅「保育公園」，市建局仲好意思話係「強化保育」？若非研究員親身去聽古諮會會議，都未必咁快察覺到市建局攝議程「突襲」古諮會交代衙前圍村新方案。700年歷史嘅衙前圍村由80年代開始被發展商收購拆骨，市建局接手後聲稱「保育為本」，原本2007年方案已有「離地平台」被批評為「騎劫式保育」圍村。2022年「強化版」保育方案更變本加厲，「食」多近10倍公園地面面積變私樓範圍。今集研究員同你由衙前圍村歷史，10年前親身入村嘅體驗，講到去市建局最新方案點偷偷地將衙前圍村肢解成「岩巉圍村」。 研究員：劍、正、龍 #衙前圍村 #市建局 #古諮會 #古蹟保育 #保育 #文物保育 #城市保育 #保育研究 #韋志成 #林中偉 #市區重建 #地產發展 #黃大仙 #九龍城 #市區圍村 #岩巉圍村 #土地研究 #規劃研究 #hkheritage #hkvillage #AAB #URA #閒置中 #本土研究社 #本研Podcast #LiberPodcast

蕉徑農業園第一期逐漸落成，第二期開始收地。這個聲稱安置受發展影響農民的農業園，竟然係將農民、農舍、土釀、水文生態連根拔起的偽選項？80公頃成4個維園咁大嘅農業園，有幾多農民，幾多塊田無得留低？而跟進農業園嘅負責官員竟然唔知？今集研究員請嚟蕉徑嘅朋友日青，在政策及規劃層面之外，分享村民農民同政府官員同工程商嘅第一身接觸、回遷第一期嘅農民生活形態如何被徹底扭曲。新界農鄉生活似乎勢將被大規模發展，及工程官僚主導嘅「新農業政策」逐漸抹走。我們應該怎樣理解這些「農業完」問題並嘗試想像未來路向？ 研究員：劍、正 特別嘉賓：日青 #農業園 #蕉徑 #本地菜 #香港農業 #農業完  #農業發展 #新農業政策 #農業現代化 #農民安置 #農民生活 #要菜不要大路 #土地規劃 #土地研究 #香港經濟 #古洞南 #粉錦公路 #高新科技農業園 #farming #hkfarming #hkfarmers #閒置中 #本土研究社 #本研Podcast #LiberPodcast

啱啱出爐的簡約公屋平均造價冠絕公營房屋咁制，無論在造價、選址、居住環境等等方面絕不「簡約」，今集研究員同你傾下如同「過渡屋2.0」的簡約公屋，究竟可預視會面臨咩問題？仲有特別嘉賓分享過渡屋住戶的真實居住經驗，揭示過渡屋及簡約公屋究竟真的解決房屋問題嗎？抑或是讓市民得到「獲得感」的門面嘢。 研究員：劍、涼 特別嘉賓：Fish 另見： 簡約公屋　點解變左又貴又遠又搶設施? https://liber-research.com/lightpublichousing/ #簡約公屋 #房屋供應 #基層住屋 #粉嶺蓮塘尾 #元朗攸壆路 #屯門青麟路 #屯門欣寶路 #元朗同心村 #過渡性房屋 #LightPublicHousing #公屋 #公營房屋 #山旯旮 #基層住屋 #香港住屋 #房屋研究 #住屋研究 #閒置中 #本土研究社 #本研Podcast #LiberPodcast

點解電費要加咁多？兩電歸咎戰爭導致國際燃料價格上升，如果按議員提議買俄羅斯能源又是否幫到手？電力公司話香港加幅已經不算大，但其實只是時辰未到？港島電費加多過九龍新界，原來都關國際政治事？今集研究員刨完燃料入口條數、聽埋立法會會議，同大家傾下今次香港「能源危機」的啟示。 研究員：劍、愷、鴻 #加電費 #俄煤 #俄烏戰爭 #電費 #發電 #加價 #能源價格 #燃料價格 #中華電力 #中電 #CLP #港燈 #香港電燈 #俄煤 #統計處數據 #閒置中 #本土研究社 #本研Podcast #LiberPodcast

事隔十多年，政府打算強拍再修例由８成到７成，等同叫發展商向舊區全面進場。今集研究員同你拆解今次新修例的內裡細節，究竟強拍係咪政府講到咁公平公正？真係處理緊市區老化問題？新修例之下，發展商究竟可以有幾大彈性兼併舊樓？小業主又會點樣被進一步剝削？ 研究員：劍、涼、王 #降低強拍門檻 #八轉七 #市區重建 #業主權益 #強拍 #強拍門檻 #舊區重建 #小業主 #收購商 #發展商 #地產發展 #房屋供應 #基層住屋 #香港住屋 #房屋研究 #住屋研究 #閒置中 #本土研究社 #本研Podcast #LiberPodcast

名符其實連間隔都無的簡約公屋，你又想唔想住先？簡約公屋作為李家超的房屋新想法，目標要係5年內起3萬伙，話要為公屋輪候時間「封頂」。政府擠牙膏式「放風」，單位會起喺邊？幾時有得住？公眾除咗3萬伙嘅數字，到依家仲係咩都未知。 不過，呢3萬伙真係夠滿足到等上樓的基層家庭？當政府聲稱要「告別劏房」，但簡約公屋又應唔應對到劏房戶的住屋需求？話唔靠發展商但又要私人地起簡約公屋，到底會衍生咩問題？既然政府要玩進階版的數字遊戲，今集研究員一齊拆解簡約公屋之謎。 研究員：菜、涼、卡 #簡約公屋 #LightPublicHousing #公屋 #公營房屋 #告別劏房 #李家超 #3萬伙 #房屋供應 #基層住屋 #香港住屋 #房屋研究 #住屋研究 #閒置中 #本土研究社 #本研Podcast #LiberPodcast

你平時有冇探索過屋企後面座山有啲咩？又有冇發現呢啲後山好多都係綠化帶？政府最近揀咗8幅共255公頃嘅綠化帶嚟起樓，但至今公眾得知嘅都只係得地圖上嘅8粒點，連確實選址範圍都唔知，究竟點樣評估是次改劃對城市規劃、生態有咩影響？呢啲近在咫尺嘅後山，除咗連桌球大師奧蘇利雲都讚20分鐘就去到，同城市又有咩關係？今集研究員一齊分享吓各自嘅後山經歷，探究吓點解咁多地唔搞，偏偏要搞綠化帶。 研究員：劍、正、粉、卡 #綠化帶 #後山 #滅村 #城市規劃 #房屋規劃 #房屋發展 #奧蘇利雲 #屯門東 #掃管笏 #麟麒山 #牛潭尾 #荃灣 #芙蓉山 #錦鯉養殖業 #閒置中 #本土研究社 #本研Podcast #LiberPodcast

乜又係你呀市建局？市建局近排多多搞作，除咗再向土瓜灣開刀，摻埋大業主搶先參與發展食工廈，最新仲話要未清場就「預先批地」。整個九龍城究竟會變成點？市建局呢啲新招數又會點樣用落其他重建項目？今集研究員搵埋關注當區重建嘅Kelvin一齊拆解貪心嘅市建局點樣逐步擴充權力趕絕舊區面貌。  研究員：劍、粉、Cody  嘉賓：Kelvin（舊區街坊自主促進組成員）  #市建局 #規劃工具 #土瓜灣 #明倫五街 #盛德街  #市區重建 #拆工廈 #公務員合作社 #預先批地  #閒置中 #本土研究社 #舊區街坊自主促進組 #ODAAG #本研Podcast #LiberPodcast

知你哋唔想聽《施政報告》，所以研究員「做死士」一朝早就聽足3個幾鐘，然後發現...原來李家超真係唔識㗎！唔止由上任講到依家的KPI原來只係to-do-list，連外訪次數都當係績效指標，更加大玩文字同數字遊戲，用各種聽唔明的語言做包裝。今集研究員精挑細選幾個比較得意，又值得大家關注的重點，一齊拆解呢份《施政報告》。 研究員：涼、卡、鴻、愷 #施政報告 #李家超 #KPI #績效指標 #簡約公屋 #提速提質 #基建發展 #大白象工程 #鐵路規劃 #鐵路建設 #鐵路發展 #閒置中 #本土研究社 #本研Podcast #LiberPodcast

施政報告前夕吹風將會起三條鐵路、三條公路，研究員即刻坐低傾下點解明明之前講落都未開始起，就已經諗緊更多開山劈石基建。鐵路建設優次除了再被三條鐵路線打亂之外，原來與鐵路加物業發展模式的關係亦密不可分？宏圖大計之中，反映政府對北部都會區什麼的想像？明日大嶼又是否將要黯然退場？ 研究員：涼、劍、愷、卡 #中鐵線 #北環線南延 #鐵路規劃 #鐵路建設 #鐵路發展 #港鐵 #道路網絡 #運輸基建 #基建發展 #大白象工程 #北部都會區 #明日大嶼 #施政報告 #閒置中 #本土研究社 #LiberPodcast

本土鄉郊工業重置有救！我地同綠色和平最新炮製嘅《快熟棕地》研究報告地毯式起哂100公頃閒置棕地出嚟，全部好使好用。呢類「閒置棕」可以用來安置幾多冰粒廠、𠝹木廠等嘅全港鄉郊工業？點解政府一直收收埋埋呢個重置選項？今次報告同之前嘅棕地報告有咩唔同？研究員點逐寸地咁數哂呢啲閒置棕地？呢個「快熟」準則一早有規劃署認可？今集研究員搵埋綠色和平陳可淳一齊講下快熟棕地有幾好用，由近來全城關注的本地工業、落site考察險象，講到新界工業發展模式，同棕地研究嘅未來路向。 研究員：菜、卡 嘉賓：綠色和平資深項目主任 陳可淳 #土地研究 #土地規劃 #快熟棕地 #棕地 #閒置用地 #鄉郊工業 #規劃署 #閒置中 #本土研究社 #綠色和平 #LiberPodcast

近日香港因為「搶人才」，引發一番與新加坡比較熱潮，更有人話香港人才流失係因為收高爾夫球場起樓（！）。今集研究員同大家細數近年新加坡發展高爾夫球場、壓抑樓價辣招方面土地房屋政策點樣拋離香港，除了反駁「房稅撤辣吸引人才」等謬論，亦拆解政策落後所反映兩地管治思維差異，與「搶人才」成敗原來也不無關係？ 研究完：青、黃、奕、粉 #土地政策 #房屋政策 #高球場 #粉嶺哥爾夫球場 #香港政府 #新加坡 #李顯龍

工業意外不斷，大型工程死亡意外近年飆升，冧天秤、冧棚架可以避免或減少嗎？背後原因同行業結構不無關係。根據研究同官方數字，工程承建行業已呈寡頭壟斷狀態，九所企業包攬千億最大型工程。十數年來將承建商養肥至大到不能倒，政府能夠或願意重罰他們，改善職安健嗎？ 研究完：青、新、黃 #工殤 #職安健 #冧天秤 #冧棚架  #工業意外  #工業傷亡 #工程事故 #建築業 #建造業 #承建商 #閒置中 #本土研究社 #LiberPodcast

科技園公司唔同全港唯一嘅紙包盒回收廠「Mil Mill喵坊」續約，Mil Mill仲可以去邊？政府提供嘅搬遷方案之一，竟然係叫Mil Mill搬去長洲，面積仲要得原址嘅十分之一？Mil Mill真係有喵喵？起Mil Mill廠房嘅戚師傅有咩秘密分享？研究員前日同戚師傅去探訪創辦人葉文琪Harold，今集就同你一路分享廠內所聞，一路傾下其實香港仲有幾多回收業用地，同埋今次事件揭露咗香港整個工業政策嘅咩嘢問題？ 研究完：青、正、史

大浪及鹹田兩條百年古村內，部分古蹟被人拆咗成年，但古諮會前幾日先開會評級，會上竟然隻字不提拆樓事件？其實10年前已經傾好咗成條村整體評為一級，點解宜家又建議「分拆評級」？過往「分拆評級」嘅古蹟有咩下場？單計名單內排緊隊待評約嘅古蹟都成百幾個項目，但班委員一年先開四次會確認評級？加上就算評咗做一級，對個古蹟法律上都無乜保護，點解都可以咁被動同嘆慢板？今集有現場旁聽會議嘅研究員同你傾下，到底古諮會委員諗緊啲乜，古蹟辦又做漏啲乜？香港仲有幾多古蹟會好似大浪同鹹田咁被「拖而分之」，偷步扑爛？

近年市建局話未來要力推復修：「改變以重建作為市區更新的唯一手段」。舊樓復修本身作為少被人全面探討但又關乎城市宜居性嘅重要問題，研究員今集同你拆解舊樓復修嘅迷思，成日講香港未來會好多舊樓要加快重建，究竟呢啲舊樓嘅現況係點？現時市建局又究竟點樣將復修策略同重建策略Jam埋（無縫交接）？這對於業主以至整個市區樓宇究竟有咩潛在嘅深層次矛盾？ 研究完：青、涼、粉 #舊樓 #復修 #大維修 #樓宇復修 #市區更新 #市區重建 #重建策略 #閒置中 #本土研究社

噚日去街市搵嘢食、今日去搵街市嚟食，街市空間究竟對市民扮演緊咩角色？依家又面對咩類型嘅危機！？今集有來自實習研究員嘅資料整理，回顧新舊文件，一齊探討同分享街市嘅案例、見聞及其未來。 研究完：劍、黃、Cody、Toby #街市 #街市用地  #買餸 #消費模式 #市區重建 #社區 #本土研究社

市建局策略逐漸轉向大規模重建，迫遷呢件事可能比你想像中近。到時市建局職員來到你門口會(唔)同你講乜？除咗收補償金同公屋，仲有咩選擇？市建局迫遷咁多住戶，點解安置大廈會長年空置？市建局現有嘅安置政策足夠應付未來嘅重建項目嗎？無原區安置嘅重建到底係發展定掠奪？一個理想嘅安置政策應該係點？今集研究員同你傾下市區重建被迫遷租戶去向呢個核心但經常被政策討論忽略嘅問題。 研究完：青、絲、卡、涼 #市建局 #舊區重建 #迫遷 #租戶 #安置大廈 #安置政策 #閒置中 #本土研究社

市建局重建摧毀不少特色社區，最新的魔爪更伸入九龍城，今次以重置為名，實則拆走九龍城街市起豪宅，更有六成範圍係公有土地，強行將公家資源私有化。被選中嘅九龍城面臨咩危機？市建局又有咩新嘅重建招數？呢啲「規劃工具」會點樣影響日後舊區發展？ 研究完：屍、鴻、史、卡 #市建局 #舊區重建 #九龍城 #九龍城街市 #李基醫局 #戰前唐樓 #閒置中

「城•鄉•郊•野」的「鄉」往往是夾在中間較為忽略的一環，面對過往對本土鄉郊的進擊，鄉郊在未來香港還會剩低多少？香港人如何認識我們的鄉郊，是否只是得丁屋、棕地與有待開發的同義詞？ 研究完：夏、屍、青 #鄉郊 #明日鄉 #未來環境研究 #閒置中

「鐵粉」搶閘搭頭班過海車景象成為城市奇觀，究竟東鐵過海的事只有忘我的鐵路迷及方便？是次我們找到交通研究關注組織朋友一齊剖析鐵路迷之謎、東鐵過海通車後的客流變化觀察，與所謂「以鐵路為骨幹」的交通政策下被邊緣化的社區、紅磡站上蓋、直通車停運、交通規劃諮詢及羅湖延伸等隱藏在衝閘畫面後的課題。 （今集因技術問題影響音質，請見諒。） 研究完：劍、鴻 特別嘉賓：Fred、Rex （關注交通議題觀察者） #東鐵過海 #鐵粉 #鐵路迷 #港鐵 ＃交通政策

工廈租金今年2月創歷年新高，作為香港僅餘平租的生存空間都逐漸消失。今集研究員同你傾下，平時大家出出入入的工廈空間，除了見到各種無奇不有的小店，其實對於城市經濟有幾重要？近十年工廈又面對緊什麼樣的演變以及挑戰，活化、改裝、重建、再工業化等等又係唔係工廈未來出路？ 研究完：夏、陳、黃 #工業 #工廈 #工廠 #再工業化 #活化工廈

自2018年有鄉紳不斷要求劃一農地收地價至一千蚊，今日政府大改沿用超過30年嘅收地補償計算機制，大地主／地產商就算乜都唔洗做，散落新界四周嘅土地儲備都可能自動升值成倍。究竟如同「送錢」般的機制改動，可唔可以令到政府收地起樓快啲？配合今年政府一連串的土地行政改動，除咗擺明送錢俾大地主，今次改動又會唔會為現時新界土地利益格局帶來大變動？ 研究完：劍、黃、涼 #收地清拆補償機制 #大地主福利主義 #土地房屋研究 #閒置中

米埔有世界級嘅濕地，南生圍係唔少人嘅集體回憶...但香港濕地將面臨近年來最迫切的發展威脅。發展商有咩發展濕地嘅奇招？香港嘅濕地發展項目同外國有咩分別？「濕地零損失」嘅數字遊戲仲漏計咗啲咩？除咗「發展保育平衡」之外，香港濕地仲有咩出路？可以點樣闊啲咁理解「發展」同「保育」嘅關係？本研早前開展嘅濕地專題研究陸續有來，今集同大家講下仲可以點為香港濕地做啲嘢。 研究完：劍、斯、黃 #濕地 #濕地補償 #南生圍 #圍沼濕地 #專題研究 #閒置中

早前市建局被揭開深水埗重建項目中玉石廣場得番「四舊石」，跟當初配合「地方特色」嘅構思似乎貨不對辦。隨著近年市建局不斷揭發有走數項目，呢種用「地方營造」包裝嘅重建策略究竟係點？其實點解可以成日走數？對我地居住緊嘅社區又有咩影響？ 研究完：劍、淳、史、樂

小時候學「釣勝於漁」，今日未來特首反過來講「以結果為目標」，牽起了一番關注會否更加不摘手段的爭議。憑初步的班底同言行透露，究竟未來「超」式發展觀，會為我地既城市引向乜既結果？ 研究完：劍、淳、斯

近日林鄭唔承認香港「剩移出人口」係關移民事，究竟我地點樣先判斷而家香港有冇移民潮呢？近年人口數字的估算同變化我地又應該點理解? 人口數字作為城市管治嘅核心，香港人口政策更係政府施政嘅「元」政策，今集研究員同大家傾下近年香港人口數字的變化同趨勢，以至香港的人口政策點樣影響我地城市管治、規劃發展以及資源運用？ 研究完：涼、青、黃

岩岩過去嘅平安夜，環保署批准明日大嶼嘅環評開工，成中部水域失守之夜。今日，恒大海花島39棟樓被拆。兩者有咩關係？明日大嶼嘅環評竟然可以無邊界？填島、起樓、起橋三樣嘢斬件上嘅明日大嶼，點解最終可能會無咗條橋？填島邊界可以拎咗環評approval之後再改唔遲？今集搵嚟綠色和平呀淳同香港海豚保育學會嘅希汶嚟講呢兩項人工島嘅環評問題，從環評嘅各種「破天荒」睇下政府為咗明日大嶼可以去到幾盡，未填海就已經神仙。 研究完：劍、正、綠色和平項目主任陳可淳、香港海豚保育學會副會長麥希汶 #今日海花明日大嶼 #浪花一朵朵

成個MK會無咗？後樓梯有床？今集請來特別嘉賓油尖旺區議會副主席朱子洛（Leo）及其助理Cody，分享他們在油旺重建規劃建議的整合重建範圍內，收集咗300多份居民意見問卷的發現及觀察。佢地以傾計的形式與研究員交流，這個號稱總收購成本超過一萬億的重建項目的最新狀況。今次重建同之前嘅重建有咩分別？對整個街區有咩影響？十數萬MK街坊唔知幾時被人拆樓，已經面對緊咩問題？仲有咩旺角重建奇聞？ 研究員：劍、希 特別嘉賓﹕Leo、Cody Facebook: www.facebook.com/localresearch/ IG: www.instagram.com/liberresearch/ 支持本土研究社：https://liber-research.com/support-us/ #油旺重建 #原區安置 #三無大廈 #報告消失 #搬去明日大嶼 #油尖旺金毛玲這夜有心事

今日突發傳出現任警務處財務、政務及策劃處處長譚惠儀8月將接任土地註冊處處長，繼車牌、公司查冊之後，土地查冊亦無一倖免成為政府針對嘅目標。今集研究員同你快問快答探討現時呢個人事調動背後有咩潛在嘅社會影響同意義，尤其喺國安法時代，究竟喺警隊辦事嘅處長會點影響土地註冊處？呢個人事調動又釋出緊咩管治訊息？又會唔會改動現時土地註冊嘅制度同查冊程序？對傳媒、研究社以及民間有咩深遠影響？ 研究完：劍、涼、Brian