محمود عبد المجيد – المواطن المتفائل
رحلة التغيير من شخص انطوائي إلى شخص له تأثير في الآخرين، من شخص يخجل من ماضيه ويخفيه إلى شخص يفتخربماضيه.
النجاح والوصول لهدفك يحتاج منك أن تبدأ... تبدأ بخطوات بسيطة ولكن تبدأ وتسىعى وتتعلّم وتحمد الله دائما على القليل قبل الكثير.
على مدار حياتي، قرأت العديد من الكتب وتعلّمت منها الكثير وكان سرّ النجاح في معظم الكتب يتلخّص في ثلاث نقاط أساسية الحمد والتعلّم والسعي.
وجدت أن رحلة التعلّم ليست مجرد ما بداخل الكتب بل تحتوي على العديد من التفاصيل والخبرات. من خلال هذه الرحلة تعلّمت كيفيّة التعامل مع المرأة، مع زوجتي وأولادي، مع فريق العمل في شركتي.
وهذا ما سنتحدث عنه بالتفصيل، أفكارنا ومشاعرنا، هل الشغف أساس للإستمرار؟ الفرق بين التفاؤل والوهم، والسرّ وراء "المواطن المتفائل".
لينك الفيسبوك:
https://www.facebook.com/mahmoud.abdelmaged
لينك الانستجرام:
https://www.instagram.com/mahmoudmsabdelmageed/?igshid=YmMyMTA2M2Y%3D
لينك اليوتيوب:
https://www.youtube.com/channel/UCwwRPnoYZ5LQxtPsytk5hsA
لينك التيك توك:
https://www.tiktok.com/@mahmoudmsabdelmageed?lang=ar
الجبل وائل الدحدوح
حلقة عن رمز من رموز الحرب على فلسطين، وائل الدحدوح، جبل غزة الصابر المحتسب!
1/20/2024 • 10 minutes, 11 seconds
اوعي تنسى فلسطين
لأول مرة محمود عبد المجيد مش هيقولك اتفائل!! لا هيقولك عن حقيقة الوضع فى فلسطين، وعن دورك دلوقتى بعد ١٠٠ ي وم قصف وضرب على فلسطين...تابعالحلقة
ما هو كل ما الاهداف تزيد كل ما كسرة النفس هتزيد! انا تعبت من كتر الاهداف انا هركز في عاداتي و مليش دعوة
7/21/2023 • 6 minutes, 51 seconds
فن التعاسة
انا قررت اسيبني من موضوع التفاؤل ده بقي خالص، وقررت ابقي انسان تعيس لاني زهقت من كتر ما الناس بتقولي محمود انت متفائل علي ايه؟! فقولت اجرب التعاسة شوية، يلا بينا نشوف ازاي نوصل للتعاسة….
7/4/2023 • 7 minutes, 24 seconds
الطيبة الزيادة
لو سألت اي حد في الكرة الارضية ايه اكبر عيب فيك هيقولك انا طيب بزيادة! بصدق الناس، اومال مين الناس التوكسيك مين الناس اللي بتخزوقنا، طب ازاي نتعامل مع الطيبة الزيادة!! ده اللي هنعرفه في الحلقه دي…
6/27/2023 • 8 minutes, 41 seconds
الثقة بالنفس
اكترنا اذا مكنش كلنا بنعاني من قلة الثقة بالنفس وانا واحد منكم ثقتي بنفسي كانت تحت الصفر، ولكن ادركت للحظة كده ان قلة ثقتي بنفسي بتخسرني فرص كتيرة اوي. بتعزلني عن العالم، فبدأت اتعلم ازاي اتعامل مع نفسي ومع افكاري وانا قدامكم دلوقتي اهو المواطن المتفائل، وهقولكم تجربتي وازاي بنيت ثقتي بنفسي في الحلقة دي...
6/20/2023 • 8 minutes, 26 seconds
الخوازيق
هي الخوازيق بتخلص؟ طب نتعامل معاها ازاي ده احنا حياتنا كلها خوازيق في خوازيق!
نخرج من خازوق ندخل في التاني! نعمل ايه؟
ده اللي هنعرفه في الحلقه دي :)
6/6/2023 • 7 minutes, 49 seconds
محدش بيصور خيبته!!
انا عندي 20، 30، 40 سنه ولسه محققتش حاجه!! اللي في سني بقوا اصحاب شركات وانا لسه محققتش اي حاجة!
طب ايه اللي مفروض تحققه في السن ده؟ هو انت لازم تحقق حاجة اصلا؟ وهل لو محققتش اللي حققه غيرك تبقي فاشل؟ كل ده هنعرفه في الحلقة دي.....
3/23/2023 • 7 minutes, 35 seconds
العلاقات السامة - الجزء الاول
اكترنا عايش وسط ناس سامة (توكسيك) في بيئة العمل بقي أو الصحاب، دي بسيطة هنبعد عنهم وخلاص، طب لو أهلك هما اللي توكسيك لو والدك أو والداتك هما اللي سامين هل هنبعد عنهم؟ هنتعامل معاهم ازاي هنتخطي ده ازاي؟ ده اللي هنعرفه في الحلقة دي....
3/7/2023 • 6 minutes, 12 seconds
سرّ السعادة
ايه هو سرّ السعادة الحقيقية؟ ازاي تبقي سعيد في حياتك؟
ياتري السعادة في الفلوس؟ يعني لو معاك فلوس هتبقي مبسوط هتبقي عايش عيشة سعيدة ولا ايه هو سر السعادة اللي بجد؟؟ ده اللي هنعرفه في الحلقة دي :)
2/28/2023 • 7 minutes, 54 seconds
الاهتمام مبيطلبش!؟
جملة كلنا بنسمعها وبنقولها من غير ما نفكر فيها! هو الاهتمام مبيطلبش فعلا؟
لا بيطلب عادي زيه زي اي حاجة تانية انت محتاجها بالطريقة اللي انت بتحبها بس ازاي نطلبه بقي ده اللي هنعرفه في الحلقة دي....
2/22/2023 • 7 minutes, 28 seconds
الحماس و حلاوة البدايات
خلاص مفيش حماس! مش قادر تكمّل في الحاجة الكان نفسك تعملها؟ ما طبعا عشان الحماس ده حلوه في البدايات لكن بعد كده المهم العادات، اسمع و هقولك ازاي.
2/15/2023 • 8 minutes, 28 seconds
الشغف
عنوان الحلقة: الشغف
هو يعني ايه شغف؟ بيجي ازاي الشغف ده؟ هو مستمر، طيب اعمل ايه لو فقدت الشغف؟ كل ده اسئلة بتوصلني عن الشغف و في الحلقة هرد عليها كلها 💪🏼
2/7/2023 • 7 minutes, 1 second
ًأنا أولا
حط نفسك قبل أي حد تاني إنت أولا، عشان تعرف تحب وتساعد غيرك حب نفسك الاول، اهتم بنفسك ومتسمحش لأي حد يجي عليك، خلّي عندك حدود.
1/3/2023 • 8 minutes, 30 seconds
الصوت اللي في دماغي
الصوت اللي في دماغنا "صاحبنا الرخم" اللي معانا طول حياتنا موجود معانا حتي واحنا نايمين
ازاي نسيطر علي الصوت ده ونتعامل معاه صح؟
12/20/2022 • 6 minutes, 58 seconds
خلي بالك من زوزو
هو ايه العلاقة بين ضباط القوات الخاصة وجدتي ايه اللي يجمع بين الاتنين؟
ازاي الواحد يقدر يستمر في حياته رغم كل المعاناة اللي هو عايش فيها، ازاي يقدر يكمل رغم كل الصعوبات وهو مش عايز يعمل حاجة، ازاي يقدر يتغلب علي المواقف الصعبة ويحقق نجاحات ويبقي عنده صلابة عقلية
12/13/2022 • 7 minutes, 37 seconds
احنا مش بهايم
احنا مش بهايم!
حاسس أنك ضحية المجتمع والظروف ضحية الاهل والصحاب؟
دور الضحية اغلبنا بيعيش فيه من غير ما يحس، ولكن التغيير بايدك انت وبس الصعوبات كتير بس نفكر في الحل وازاي نعدي من الصعوبات دي، التغيير بيبدأ من عندك خطوة بخطوة وكما قال الله تعالي (إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ).
12/6/2022 • 8 minutes, 23 seconds
ابتسم
هو ايه اللي في الايام دي يخلينا نبتسم؟ ايه اهمية الابتسامة في حياتنا اصلا ؟
الابتسامة مفتاح المحبة، هتخليك متفائل انت واللي حوال يك لانها بتشحنك طاقة ايجابية، غير كل ده بقي فهي صدقة، وعلى رأي المثل "ان الابتسامة وان كانت تثري من يتلقاها فلا تفقر من يمنحها" يعني مش هتكلفك حاجة.
ابتسموا احنا محتاجين الابتسامة الايام دي :)
11/29/2022 • 9 minutes, 25 seconds
حكاية المواطن المتفائل
مين هو المواطن المتفائل؟ وازاي بقي متفائل؟ رحلة طويلة مليانة حكايات مابين مصر وامريكا
هنعرف الفرق بين التفاؤل والوهم، لو حاسس بتشاؤم وشايف الدنيا سودا يبقي انت في المكان الصح
