ዶይቼ ቬለ የዕለቱን ዋና ዋና የዜና ትንታኔዎች ከኢትዮጵያ እና ከመላው ዓለም በየቀኑ ያቀርባል። የኢትዮጵያ እና የአፍሪካ ፖለቲካዊ እና ኤኮኖሚያዊ ጉዳዮችን ጨምሮ የመላው ዓለምን ውሎ የተመለከቱ ጠቃሚ መረጃዎች በሰባቱም የሣምንቱ ቀናት ከምሽቱ አንድ ሰዓት ከዶይቼ ቬለ ያድምጡ። የዶይቼ ቬለን ዜናዎች በዩቲዩብ፣ በአፕል ፖድካስት፣ በስፖቲፋይ እና በየትኛውም የፖድካስት ምርጫዎን በምታገኙባቸው መንገዶች ማድመጥ ትችላላችሁ። የዶይቼ ቬለ ዜና በራዲዮ፣ በሳተላይት እና በፌስቡክ በየዕለቱ በቀጥታ ይደመጣል።

አስገድዶ መሰወር፣ እገታ እና እየደረሰ ያለው ቀውስ የእስራኤል ድሮኖች በታሪካዊት ከተማ ያካሄዱት ድብደባ ሩስያና ኒኩለር ጦር መሳሪያ የመጠቀም ስጋት የብሪክስ መድረክ የአዳጊ አገራት ድምጽና ፍላጎት ማንጸባረቂያ እንዲሆን ተጠየቀ

የነአቶ ዮሃንስ ቧያሌው የፍርድቤት ውሎ እስራኤል የሒዝቦላህ የፋይናንስ ተቋማትን በአየር ማውደሟን የእስራኤል የመከላከያ ሰራዊት ሊባኖስን ይቅርታ ጠየቀ። አሜሪካ ለዩክሬይን የ400 ሚልዮን ዶላር ወታደራዊ ድጋፍ እንደምትሰጥ ይፋ አደረገች።

ትናንት ማምሻውን በአዲስ አበባ መርካቶ የተነሳውና ለረዥም ሰዓት የቆየው የእሳት አደጋ በንብረት ላይ ከባድ ጉዳት ሳያደርስ እንዳልቀረ እየተነገረ ነው። እሳቱ እስከ ዛሬ ማለዳ ድረስ ሙሉ ለሙሉ በቁጥጥር ሥር አልዋለም ነበር። መስኤውም እልታወቀም። ከአንድ ወር በላይ ተዘግቶ የቆየው የኢትዮ ሱዳን ደንበር ከትናንት አንስቶ ጀምሮ እንደገና ተከፍቶ አገልግሎት መጀመሩን የምዕራብ ጎንደር ዞን አስተዳደር አስታወቀ። የሱዳን ጦር ባካሄደው የአየር ጥቃት ቢያንስ 31 ሰዎች መገደላቸውን የአካባቢው የመብት ተሟጋቾች አስታወቁ። የአውሮጳ ዓርላማ ከታገደው የሩሲያ ንብረት ላይ ለዩክሬን 35 ቢሊየን ዩሮ ብድር አጸደቀ።

በጫሞ ሐይቅ ላይ በደረሰው የጀልባ መስጠም አደጋ እስከአሁን 12 አስከሬን መገኘቱን እስራኤል 3 የሒዝቦላህ ከፍተኛ አመራሮች ገደልኩ አለች በጋዛ እስራኤል በፈጸመችው ጥቃት 87 ፍልስጤማውያን ተገደሉ ሾልኮ የወጣው ሚስጢራዊ ሰነድ

-የቀድሞዉ የኢትዮጵያ ገዢ ፓርቲ ከፍተኛ ባለሥልጣን፣ የሠላም ሚንስትር ደኤታና የኦሮሚያ ምክር ቤት እንደራሴ ታዬ ደንደዓ ሕገ ወጥ የጦር መሳሪያ ታጥቃዋል በሚል መከሰሳቸዉን ዉድቅ አደረጉት።ከአምና ታሕሳስ ጀምሮ ከሥልጣን ተነስተዉ የታሰሩት አቶ ታዬ ጦር መሳሪ መታጠቃቸዉን አልካዱም።መከሰሳቸዉን ግን አልተቀበሉትም።-----የዩናይትድ ስቴትሱ ፕሬዝደንት ጆ ባይደን የጀርመን ፌደራል ሪፐብሊክን ከፍተኛ ኒሻን ዛሬ ተሸለሙ።-የእስራኤል ጦር የሐማስን መሪ ያሕያ ሲንዋርን መግደሉን የፍልስጤሙ ደፈጣ ተዋጊ ቡድን አመነ።

በአማራ ክልል የሚዋጉት የኢትዮጵያ መንግሥት ጦርና የፋኖ ታጣቂዎች ለሰላማዊ ሰዎችና ተቋማት ጥበቃና ጥንቃቄ እንዲያደርጉ የክልሉ ዩኒቨርስቲዎች መድረክ ወይም ፎረም ጠየቀ።----የኬንያ ሕግ መወሰኛ ምክር ቤት (ሴኔት) የሐገሪቱ ምክትል ፕሬዝደንት ሪጋዚ ጋሻጉዋ ሥልጣን መልቀቅ አለባቸዉ-የለባቸዉም በሚለዉ ሐሳብ ላይ መከራከር ጀመረ።ምክትል ፕሬዝደንቱ የተያዘባቸዉን የወንጀል ጭብጥ በሙሉ ፖለቲካዊ በማለት ክደዋል።-የኢራንና የእስራኤል ባለሥልጣናት አሁንም እየተዛዛቱ ነዉ።ሊባኖስና ጋዛ ዛሬም ይወድማሉ።ዩናይትድ ስቴትስና ጀርመን ለእስራኤል ጦር መሳሪያ ማስታጠቃቸዉን ቀጥለዋል።

የሶማሊያና የግብጽ ፕሬዝደንቶች በኤርትራ ይፋዊ ጉብኝት በማድረግ ላይ ናቸው። የሁለት ሃገራት መሪዎች ከኤርትራው ፕሬዝደንት ጋር በሁለትዮሽ፤ በአፍሪቃ ቀንድና ዓለም አቀፋዊ ጉዳዮች ላይ እንደሚወያዩ ተገልጿል። የተመድ በመላው ዓለም ወጣቶች ለዘርፈ ብዙ ጥቃቶች መጋለጣቸውን አመለከተ። የተመድ ታይቶ ለማይታወቅ የጥቃት ማዕበል እና ጦርነት ባመጣው ጾታዊ ጥቃት እንዲሁም የአየር ንብረት ለውጥ፤ ረሃብና መፈናቀል ተጋልጠዋል። ግብጽ በሱዳን ጦርነት በአየር ድብደባ ተሳትፋለች በሚል ከፈጥኖ ደራሹ ኃይል መሪ የቀረበባትን ክስ አስተባበለች። የጎርጎሪዮሳዊው ዓመት 2024 የስነጽሑፍ የኖቤል ሽልማት ለደቡብ ኮርያዋ ደራሲ ሃን ካን ተሰጠ።

-የኢትዮጵያ መንግሥት የአማራ ክልል ነዋሪዎችን በጅምላና በዘፈቀደ ማሰሩ የሕግ የበላይነትን ይበልጥ መሸርሸሩን አምንስቲ ኢንተርናሽናል አስታወቀ።---የእስራኤልና የሊባኖስ ደፈጣ ተዋጊ ቡድን ሒዝቡላሕ ደቡባዊ ሊባኖስ ዉስጥ በቅርብ ርቀት እየተዋጉ ነዉ።----በወርሮበሎች ጥቃትና አመፅ በተመሰቃቀለችዉ ሐይቲ ከ7 መቶ ሺሕ በላይ ሕዝብ ከቤት ንብረቱ መፈናቀሉ ተነገረ።የተባበሩት መንግሥታት ድርጅት እንደሚለዉ ካረቢያይቱ ሐገርን ከጥፋት ለማደን ዓለም አቀፉ ማሕበረሰብ አበክሮ መጣር አለበት።የዜናዉ መልዕክት የእስካሁኑ ነበር

የተባበሩት አረብ ኤሚሬቶች በኻርቱም የሚገኝ የአምባሳደሯ መኖሪያ ቤት በወታደራዊ አውሮፕላን ተደብድቧል በሚል ያቀረበችውን ክስ የሱዳን ጦር አስተባበለ። በደቡብ አፍሪካ ምሥራቅ ኬፕ ክፍለ ግዛት በተፈጸመ ጥቃት የተገደሉ ሰዎች ቁጥር ወደ 18 አሻቀበ። ርዋንዳ ኃይለኛ ተላላፊ በሆነው ኢቦላ መሰል የማርበርግ ቫይረስ ወረርሽኝ ስምንት ሰዎች መሞታቸውን አስታወቀች። እስራኤል ሊባኖስን በእግረኛ ወታደሮች ከወረረች ሒዝቦላሕ ለውጊያ ዝግጁ መሆኑን አስታወቀ። የእስራኤል መከላከያ ሚኒስትር ዮቭ ጋላንት ሀገራቸው እግረኛ ወታደሮቿን ወደ ሊባኖስ ልታዘምት እንደምትችል ፍንጭ ሰጥተዋል። ጠቅላይ ሚኒስትር ቤኒያሚን ኔታንያሁ ኢራንን አስጠንቅቀዋል

ጠቅላይ ሚኒስትር ሐምዛ አብዲ ባሬ ኢትዮጵያ ከሶማሌላንድ የተፈራረመችው የመግባቢያ ሥምምነት የሶማሊያን የግዛት አንድነት ይጥሳል ሲሉ ከሰሱ። የኢትዮጵያ ውጭ ጉዳይ ሚኒስትር ታዬ አጽቀ ሥላሴ የሀገራቸው “ዓላማ በቀጠናው የጋራ ዕድገት እና ብልጽግና መፍጠር” እንደሆነ ተናግረዋል። ኢትዮጵያ እና የአይኤምኤፍ ባለሙያዎች በተራዘመ የብድር አቅርቦት የመጀመሪያ ግምገማ ተስማሙ። የሱዳን ፈጥኖ ደራሽ ኃይል በዳርፉር ግዛት በምትገኘው አል-ፋሽር ለሁለት ቀናት በፈጸመው ጥቃት 48 ሰዎች ተገደሉ። የሊባኖሱ ሒዝቦላሕ መሪው ሐሳን ናስረላሕ እስራኤል በፈጸመችው የአየር ጥቃት መገደላቸውን አረጋገጠ።

DW Amharic-የዛሬው የዓለም ዜና በኢትዮጵያ የጋዜጠኞች እና የሰብዓዊ መብት ተሟጋቾች እስር እና ወከባ እየጨመረ መጥቷል መባሉ፤በኢትዮጵያ ኦርቶዶክስ ተዋህዶ ቤተ ክርስትያን የመስቀል ደመራ በዓል በአዲስ አበባ መስቀል አደባባይ መከበሩ፤የሱዳን ጦር በዋና ከተማይቱ ካርቱም የመድፍ እና የአየር ድብደባ መጀመሩ ፤ደቡብ አፍሪቃ በፀረ አፓርታይድ ትግሉ ወቅት በስደት ሆነው ህይወታቸውን ያጡ ዜጎቿን አስከሬን ወደ ሀገር መመለሷ፤የእስራኤል ጠቅላይ ሚኒስትር ቤንያሚን ኔታንያሁ የተኩስ አቁም ስምምነት ሀሳብን ውድቅ ማድረጋቸው እና ሩሲያ የምዕራቡን ዓለም ለመገዳደር አዲስ የኒዩክሌር ጦር መሳሪያ አጠቃቀም ሰነድ ማውጣቷን ያስቃኛል።

ደቡብ ኢትዮጵያና ጋምቤላ ክልሎች በደረሱ የመኪና አደጋዎች 35 ሰዎች ሞቱ።ናይሮቢ-የኬንያ እናቶች ጥሪ፣ የአምንስቲ ጥያቄ።አቡጃ-በኢትዮጵያ በኩል ያለፈ አደንዛዥ ዕፅ ሌጎስ ላይ ተያዘ።ቫቲካን-የእስራኤል-ሒዝቡላሕ ዉጊያና የርዕሠ ጳጳሱ ተማፅዕኖ።ኒዮርክ-የዓለም መሪዎች ጥሪና የእስራኤል ሊባኖስ ዉጊያ

--ሶማሊያ ከግብፅ ከፍተኛ መጠን ያለዉ የጦር መሳሪያን ለሁለተኛ ጊዜ ተረከበች። ግብፅ ዜጎችዋ በቶሎ ከሶማሌላንድ እንዲወጡም ጠይቃለች።--ፓኪስታን ዉስጥ የኢትዮጵያንና የሩስያ ዲፕሎማቶችን ጨምሮ የተለያዩ ሃገራት ልዑኮች ከጥቃት መትረፋቸዉ ተመለከተ።--ሱዳን ባለፈው ነሐሴ ወር ብቻ በኮሌራ የሞቱት ሰዎች ቁጥር ወደ 388 ከፍ ማለቱ ተነገረ። በወረርሽኙ ወደ 13,000 ሰዎች ተይዘዋል።--እስራኤል በሊባኖስ እያካሄደች ያለዉ ጥቃት 'አደገኛ መዘዝ' ያስከትላል ስትል ኢራን አስጠነቀቀች። በእስራኤል እና በሂዝቦላ ሚሊሻ መካከል እየጠነከረ የመጣው ዉጥረት ፤ በመካከለኛው ምስራቅ የሚታየዉን ቀዉስ እንዳያሰፋ ስጋት አሳድሯል።

-የኢትዮጵያ ኦሊምፒክ ኮሚቴ በቅርቡ ያደረገዉ ጉባኤ፣ ዉሳኔዎቹና የባንክ ሒሳቡ በፍርድ ቤት ታገደ።-የእስራኤልና የሊባኖስ ደፈጣ ተዋጊ ቡድን የሒዝቦላሕ ዉጊያ ዛሬ አይሎ ዉሏል።ሒዝቡላሕ ሰሜን እስራኤልን በሚሳዬል፣ እስራኤል ባንፃሩ የሊባኖስ ርዕሰ ከተማ ቤይሩትን በጦር ጄቶች ደብድበዋል።-የአዉሮጳ ሕብረት ለዩክሬን 35 ቢሊዮን ዩሮ ብድር ሰጠ።

በደቡብ ምዕራብ ዳርፉር ውስጥ የሱዳን ጦር ባካሄደው የአየር ጥቃት ከ40 በላይ ሰዎች መገደላቸው ተነገረ። ዩናይትድ ስቴትስ የሱዳን ተቀናቃኝ ኃይሎች በአስቸኳይ ለውይይትም እንዲቀመጡ ጠይቃለች። የዩናይትድ ስቴትስ ሰው አልባ አውሮፕላን የመን አቅራቢያ መከስከሱን ፔንታገን አረጋገጠ። የየመን ሁቲ ሚሊሺያዎች ባለፉት ቀናት በርካታ አውሮፕላኖችን መትተው መጣላቸውን አስታውቀው ነበር። ሊባኖስ ውስጥ በድምፅና መልእክት መቀበያ መሣሪያ ፍንዳታ የሞቱት ሰዎች ቁጥር ማሻቀቡ እየተነገረ ነው። ማዕከላዊ አውሮጳን ከሁለት አስርት ዓመታት ወዲህ ያጥለቀለቀው አስከፊ የጎርፍ አደጋ ከሮማንያ እስከ ፖላንድ ከባድ ውድመት አስከትሏል።

DW Amharic የካይሮ መንግሥት ህወሓት እና ኤርትራን ማደራደር እንደሚፈልግ ተመለከተ። ግብፅና ኤርትራ ትስስራቸዉን ለማጠናከር ወታደራዊ ትብብር እና የመረጃ ልውውጥ ስምምነት ሊፈፅሙ እንደሚችል የግብፅ የዜና ምንጮች ዘገቡ። በጎንደር ከተማ ዛሬ ከማለዳ ጀምሮ በፋኖና በመንግስት ወታደሮች መካከል ውጊያ ሲካሄድ መዋሉን ነዋሪዎች ተናገሩ፡፡ በኢትዮጵያና በሶማሊያ መካከል ቱርክ አንካራ ላይ ሊደረግ የታቀደው ሦስተኛ ዙር ዉይይት ለሌላ ጊዜ መተላለፉን የሶማልያ ከፍተኛ ባለስልጣናት ተናገሩ። ደቡብ ሱዳን በጎረቤቷ ሱዳን በኩል ወደ ውጭ ሃገር የነዳጅ ምርትን ለመላክ እና እንደገና ለማስጀመር እየሰራች መሆኑ ተነገረ።

አዲሱ የህወሓት ማዕከላዊ ኮሚቴ የትግራይ ክልል ጊዜያዊ አስተዳደር ፕሬዝደንት አቶ ጌታቸው ረዳን ጨምሮ 16 የቀድሞ ከፍተኛ አመራሮች ከፖለቲካዊ እንቅስቃሴ ማገዱ አስታወቀ። የጠቅላይ ሚኒስትር ዐቢይ አሕመድ ብልጽግና ፓርቲ አባላቱን ሲያሰለጥን እንዳለፈው ዓመት “ከመንግሥት ካዝና ገንዘብ አውጥቶ” እየከፈለ ነው ሲል የኢትዮጵያ ዜጎች ለማኅበራዊ ፍትሕ (ኢዜማ) ወነጀለ።የኬንያ ዋና ኦዲተር ሀገሪቱ ከተለያዩ ወገኖች የተበደረችውን ዕዳ ኦዲት ማድረግ መጀመሩን የፋይናንስ ሚኒስትሩ ተናገሩ። በምዕራብ እና ማዕከላዊ አፍሪካ በጣለ ከባድ ዝናብ እና ባስከተለው ጎርፍ ምክንያት ከ500 በላይ ሰዎች ሕይወታቸውን እንዳጡ የተመ አስታወቀ።

DW Amharic-በኮሬ ዞን በእገታ ላይ የነበሩ አራት አርሶ አደሮች መገደላቸው፤በኦሮሚያ ክልል ባሌ ዞን አንድ ድልድይ በመደርመሱ፤ ዞኑን ከአጎራባች አካባቢዎች ጋር የሚያገናኝ መንገድ አገልግሎት እንደማይሰጥ መገለፁ፤የሴኔጋሉ ፕሬዝዳንት የሀገራቸውን ፓርላማ መበተናቸው፤መካከለኛው አውሮፓ በመጭው ቅዳሜና እሁድ በሚጥለው ከባድ ዝናብ ለከፍተኛ የጎርፍ ይጋለጣል መባሉ፤የሰሜን ኮሪያው መሪ ለመጀመሪያ ጊዜ በይፋ የኒውክሌር ማብላያ እና የዩራኒየም ማበልፀጊያ ቦታዎችን መጎብኘታቸው፤ዶናልድ ትራምፕ ከተፎካካሪያቸው ካማላ ሀርስ ጋር ሌላ የምርጫ ክርክር እንደማያደርጉ ማስታወቃቸው የዛሬው የዓለም ዜና ያካተታቸው ርዕሰ ጉዳዮች ናቸው።

የሐሙስ መስከረም 2 ቀን 2017 ዓም አርዕስተ ዜና የተባበሩት መንግሥታት የትምሕርት የሳይንስና የባህል ድርጅት በምህጻሩ ዩኔስኮ ዩኔስኮ የሱዳን ብሔራዊ ቤተ መዘክርን ጨምሮ በሌሎች የሱዳን ቤተ መዘክሮች እና የቅርስ ተቋማት ላይ ተፈጽመዋል የሚባሉ ዝርፊያዎችና ጉዳቶች በእጅጉ አሳስቦኛል አለ። ስዊድን ወደ ሀገራቸው በፈቃደኝነት ለሚመለሱ ስደተኞች እስከ 34 ሺህ ዶላር እንደምትከፍል አስታወቀች። በደቡብ ምዕራብ እስያን የመታው ያጊ የተባለው ወጀብ ያስከተለው ጎርፍ የገደለው ሰው ቁጥር ከ250 በለጠ።

በኦሮሚያ ክልል ቄለም ወለጋ ዞን ጅማ ሆሮ ወረዳ ከባድ ዝናብ ባስከተለው የመሬት መናድ የሦስት ሰዎች ሕይወት አለፈ። በንብረት ላይም ከፍተኛ ውድመት ደረሰ። በዘንድሮው የ12ኛ ክፍል አገር አቀፍ ፈተና ያለፉት ተማሪዎች ብዛት ከአምናው እንደሚሻል ተገለጸ። እንዲያም ሆኖ ከ1,363 ት/ቤቶች ምንም ተማሪዎች እንዳላለፉ የትምህርት ሚኒስቴር ዛሬ አስታውቋል። ሰሜን ናይጀሪያ ውስጥ የነዳጅ ቦቴ ሰዎች ካሳፈረ ትልቅ መኪና ጋር ተጋጭቶ በተፈጠረ ፍንዳታ ቢያንስ 52 ሰዎች ሞቱ። ምዕራባዊ ሶርያ ውስጥ እስራኤል ባደረሰችው የአየር ጥቃት 16 ሰዎች ሲገደሉ፤ በርካቶች መጎዳታቸው ተነገረ። ኢራን ጥቃቱን አውግዛለች።

Dw Amharic-በማዕከላዊ ኢትዮጵያ ክልል ማረቆ ልዩ ወረዳ ዛሬ እኩለ ቀን አካባቢ በደረሰ የትራፊክ አደጋ የ11 ሰዎች ህይወት ማለፉ፣በአማራ ክልል ተገቢ ያልሆነ የዋጋ ጭማሪ አድርገዋል በተባሉ 7ሺህ የሚጠጉ ነጋዴዎች ላይ እርምጃ መውሰዱ፣ አርብ ዕለት በዌስት ባንክ የተገደለችው ቱርካዊ-አሜሪካዊት ወጣት ግድያ በገለልተኛ ወገን እንዲጣራ መጠየቁ፣ሩሲያ በአሜሪካ መገናኛ ብዙሃን ላይ ገደብ እንደምትጥል መግለጿ እንዲሁም የዶናልድ ትራምፕ ክስ የሀገሪቱ ምርጫ እስኪጠናቀቅ ድረስ ብይኑ እንዲዘገይ መወሰኑን የዛሬው የዓለም ዜና የያዛቸው ርዕሰ ጉዳዮች ናቸው።

DW Amharic - በእስር ላይ የነበሩ ሰባት የኦሮሞ ነጻነት ግንባር (ኦነግ) ከፍተኛ ባለስልጣናት ከእስር መለቀቃቸው- በኢትዮጵያ በመጭው አዲስ ዓመት ሰላም እንዲሰፍን፣ ፍትሕና ተጠያቂነት እንዲረጋገጥ መጠየቁ -የሱዳን ጦር ከፋኖ ታጣቂዎች ሸሽተው ወደ ሱዳን የገቡ 77 የኢትዮጵያ ወታደሮችን ትጥቅ ማስፈታቱን--በኬንያ በአንድ አዳሪ ትምህርት ቤት ውስጥ በደረሰ የእሳት አደጋ 17 ተማሪዎች መሞታቸውን- በሱዳን እርስ በእርስ የሚዋጉት ሁለቱም ኃይሎች የጦር ወንጀል ሊባል የሚችል ጥቃት ፈጽመዋል መባላቸው -በደቡብ ሱዳን ከ700 ሺህ በላይ ሕዝብ በጎርፍ መጎዳቱን የተሰኙ ርዕሰ ጉዳዮችን የዛሬው የዓለም ዜና አካቷል።

በምዕራብ ጎንደር ዞን መተማ ወረዳ ጋብ ብሎ የነበረው ውጊያ ማገርሸቱን ነዋሪዎች ለዶቼ ቬለ ተናገሩ። ለቀናት ተኩስ እንዳልነበረ የገለጹት እማኞች ዛሬ ከቀትር በኋላ ከ11 ሰዓት ጀምሮ በከተማዋ የተለያየ አካባቢ ተኩስ መከፈቱን አመልክተዋል። ቻይና በቀጣይ ሦስት ዓመታት ለአፍሪቃ ሃገራት ከ50 ቢሊየን ዶላር በላይ የገንዘብ ድጋፍ ለማድረግ መዘጋጀቷን አስታወቀች። ከሱዳን ተፈናቅለው በኢትዮጵያ ተጠግተው ከነበሩ ስደተኞች 700 የሚሆኑት ወደ ሀገራቸው መመለሳቸው ተነገረ። በጀመርኗ ሙኒክ ከተማ በዛሬው ዕለት ፖሊስ አንድ ተጠርጣሪን ተኩሶ መግደሉ ተነገረ።

-የኢትዮጵያ አየር መንገድ ወደና ከ-ኤርትራ የሚያደርገዉን በረራ አቋረጠ።የአየር መንገዱ የበላይ ኃላፊ እንዳሉት አየር መንገዳቸዉ በረራዉን ያቋረጠዉ ኤርትራ ባንክ የሚገኝ ገንዘቡ በመታገዱ ነዉ።የዉጪ ዲፕሎማቶች እንደሚሉት ግን አየር መንገዱ በረራዉን ያቋረጠዉ የአዲስ አበባና የአስመራ ግንኙነት ሲበዛ በመሻከሩ ነዉ።----የኢትዮጵያ መንግስት የሰዎችን መታገትና የሚደርስባቸዉን የመብት ጥሰት ለማስቆም ሁነኛ እርምጃ እንዲወስድ የኢትዮጵያ የሰብአዊ መብቶች ኮሚሽን በድጋሚ ጠየቀ።-60 ከመቶ የሚሆኑ የአፍሪቃ ወጣቶች ከየሐገራቸዉ መሰደድ እንደሚፈልጉ አንድ ጥናት አረጋገጠ።

የፋኖ ታጣቂዎች ዛሬ የጠረፍ ከተማ የሆነችው መተማ ከተማን ተቆጣጥረው መዋላቸውን የከተማዋ ናዋሪዎች ለዶይቼ ቬሌ ገለጹ። የጀርመን ቀኝ ጽንፈኛ ፓርቲ በሁለት ፌደራል ግዛቶች በተካሄደው ምርጫ ያገኘው ስኬት በመራሄ መንግሥት ኦላፍ ሾልዝ አስተዳደር ላይ ጫና ማስከተሉ እየተነገረ ነው። ሩሲያ በዛሬው ዕለት የተጠናከረ የሚሳኤል ጥቃት በዩክሬን ዋና ከተማ ኪየቭና በሌሎች የሀገሪቱ ከተሞች ላይ ከፈተች። በፓሪስ 2024 ፓራለምፒክ የሚሳተፉ ኢትዮጵያውያን አትሌቶች ድል እያስመዘገቡ ነው።

*ኢትዮጵያ ፦ በአማራ ክልል ከፍተኛ ዝናብ ያስከተለው ጥፋት *ኬንያ፣ ከፍተኛ የኃይል መቆራረጥ ገጠማት *ቱኒዝያ፣ አደጋ ላይ የነበሩ 28 ስደተኞች ተረፉ *ጀርመን፤ ስድስት ሰዎች በስለት ተወግተው ቆሰሉ *እስራኤል፤ በጄኒን የሚካሄደው ከባድ ውጊያ ቀጥሏል *ኢትዮጵያ ፤ በዓለም ከ20 ዓመት በታች አትሌቲክስ ሻምፒዮና 2ኛ ደረጃ ላይ

በማዕከላዊ ኢትዮጵያ ክልል ማረቆ ልዩ ወረዳ ማንነትን መሠረት ያደረገ ነው በተባለ ጥቃት አራት የአንድ ቤተሰብ አባላትን ጨምሮ ሰባት ሰዎች መገደላቸው ተሰማ። ኢትዮጵያ ሶማሊላንድ ውስጥ ለሚገኘው ቆንስላ ጽሕፈት ቤቷ አዲስ አምባሳደር ሾመች። የኦሮሚያ ክልላዊ መንግሥት የኢትዮጵያን የዘመን መለወጫ በዓል ምክንያት በማድረግ ከ3,600 በላይ የሕግ ታራሚዎችን በይቅርታ መልቀቁን አስታወቀ። ከታሰሩ የኦነግ አባላት የተለቀቀ የለም። የቀድሞው የአዲስ አበባ ዩኒቨርሲቲ ፕሬዝደንት ፕሮፌሰር እንድርያስ እሸቴ ባደረባቸው ህመም በህክምና ሲረዱ ቆይተው ትናንት ሐሙስ ነሐሴ 23 ቀን፣ 2016 ዓ.ም ማረፋቸውን ዩኒቨርስቲው አስታወቀ።

አርስተ ዜና፤ --የአውሮጻ ህብረት የውጭ ጉዳይ ሃላፊ ጆሴፍ ቦሬል በእስራኤል ሚኒስትሮች ላይ ማዕቀብ እንዲጣል ሃሳብ ለማቅረብ እየሰሩ እንደሆነ ተመለከተ። --በማዕከላዊ ኢትዮጵያ ክልል ስልጢ ዞን ጎርፍ ከ6ሺህ በላይ ነዋሪዎችን አፈናቀለ። የጎርፍ አደጋው መንሥኤ በአካባቢው ከተገነባ የመስኖ ግድብ ነዉ ተብሏል። በሌላ በኩል በሰሜን ጎንደር ዞን ጠለምት ወረዳ በናዳ ለተጎዱ እርዳታ እየተጠበቀ ነዉ። --ዓለም አቀፉ የሰብዓዊ መብት ተሟጋች ድርጅት «ሂውማን ራይትስ ዋች» በሱዳን ከ16 ወራት በላይ በዘለቀዉ የእርስ በእርስ ግጭት፤ ሁለቱንም ተፋላሚ ወገኖች ፤ የጦርነት ወንጀል ፈፅመዋል ሲል ከሰሰ።

-የኢትዮጵያ መንግሥትን በነፍጥ የሚወጉ ኃይላት በሐገሪቱ ብሔራዊ የምክክር ሒደት እንዲካፈሉ ለተደረገላቸዉ ጥሪ መልስ አለመስጠታቸዉን የምክክር ኮሚሽን አስታወቀ።ለታጣቂዎቹ ኃይላት ጥሪዉ የተደረገበትን መንገድና ጥሪዉ ሥለመድረስ አለመድረሱ ግን የኮሚሽኑ ባለሥልጣናት አልጠቀሱም።-----ግብፅ ለሶማሊያ የጦር መሳሪያ ማስታጠቅ ጀመረች።መሳሪያ የጫኑ ሁለት የግብፅ የጦር አዉሮፕላኖች ትናንት ሞቃዲሾ ማረፋቸዉን ዲፕላቶች አስታዉቀዋል።ኢትዮጵያ ከሶማሊላንድ ጋር ወደብ ለመኮናተር ከተስማማች ወዲሕ የሞቃዲሾና የካይሮ ፍቅር ፀጥንቷል

ዓርስተ ዜና --የእስራኤል ልዩ ኃይል እጅግ በጣም ውስብስብ ባለው ልዩ ዘመቻ ደቡባዊ ጋዛ ውስጥ ከሚገኝ የሃማስ ዋሻ ውስጥ አንድ ታጋች ማስለቀቁን ዛሬ አስታወቀ። የ52 ዓመቱ ታጋች ከ10 ወራት በፊት ነበር በሃማስ ከደቡባዊ እስራኤል በሃማስ ታጣቂዎች ታግቶ የተወሰደው ። --በአማራ ክልል ሰሜን ጎንደር ዞን ሰሞኑን በተከታታይ በደረሰ የመሬት መንሸራተት አደጋ 23 ሰዎች ሞቱ። በአደጋዉ ከሞቱት ሰዎች በተጨማሪ 2700 ያክል ነዋሪዎች ከቤት ንብረታቸዉ ተፈናቅለዋል። --የሱዳን ፈኖ ደራሽ ኃይል በዳርፉር ግዛት በስደተኞች መጠለያ ጣቢያ ላይ በፈጸሙት የከባድ መሳሪያ ጥቃት በትንሹ 20 ሰዎች ተገደሉ።

DW Amharic--በስለት ሦስት ሰዎች የተገደሉባትን ዞሊንገን የጀርመን ምዕራባዊ ከተማን ቻንስለር ኦላፍ ሾልዝ እና ታዋቂ የሃገሪቱ ፖለቲከኞች ለህዝብ አጋርነታቸዉን በማሳየት ከተማዋን ጎበኙ። IS የተባለዉ ጽንፈኛ ቡድን ሃላፊነት በወሰደበት በዚህ ጥቃት ሦስት ጀርመናዉያን ተገድለዋል፤ ስምንት ሰዎች ደግሞ ቆስለዋል። --በሰሜን ጎንደር ዞን ጠለምት ወረዳ በደረሰ ናዳ ህይወታቸው ካለፈ 10 ሰዎች መካከል እስካሁን የስድስቱን አስከሬን ማግኘት እንዳልተቻለ ተገለፀ። በሌላ በኩል በደቡብ ኢትዮጵያ ክልል፤ ደቡብ አሞ ዞን ዳሰነች ወረዳ፤ በኦሞ ወንዝና በቱርካና ሀይቅ ሙላት በሺህዎች የሚቆጠሩ ሰዎች ተፈናቀሉ።

በእስራኤል የፕሬዝዳንት ኢሳያስ አፈወርቂን መንግሥት በሚደግፉ እና በሚቃወሙ ሁለት ቡድኖች መካከል በተፈጠረው ግጭት ሁለት ኤርትራውያን መገደላቸውን ፖሊስ አስታወቀ። በምዕራብ ጀርመን በምትገኘው ዞሊንገን ከተማ ሦስት ሰዎች ከተገደሉበት እና ሌሎች ስምንት ከቆሰሉበት ጥቃት ጋር ግንኙነት ሳይኖረው አይቀርም የተባለ ተጠርጣሪ በቁጥጥር ሥር መዋሉን የሀገሪቱ ባለሥልጣናት አስታወቁ። የኤርትራ የቀድሞ የፋይናንስ ሚኒስትር ብርሃነ ኣብርሀ በእስር ላይ ሳሉ ከዚህ ዓለም በሞት ተለዩ። በጋዛ በትንሹ 50 ፍልስጤማውያን በእስራኤል ጥቃት መገደላቸውን የጋዛ የጤና ሚኒስቴር አስታወቀ።

DW Amharic- ህወሃት የትግራይ ግዚያዊ አስተዳደርን በአዳዲስ ተሿሚዎች ለመቀየር ውይይት እንደሚጀምር ማስታወቁ- ሶማሊያ የኢትዮጵያ አየር መንገድ ወደ ሀገሪቱ የሚያደርገውን በረራ እንደምታግድ መግለጿ- በአማራ ክልል ሁለት ዞኖች የመሬት መንሸራተት በሰብልና በመኖሪያ ቤቶች ላይ ጉዳት ማድረሱ- የኬንያ ፖሊስ ከ40 በላይ ሴቶችን በመግደል ከዕስር ያመለጠ አንድ ተጠርጣሪን ለጠቆመ የገንዘብ ወሮታ እንደሚከፍል ማስታወቁ-ታሊባን የተባበሩት መንግስታት የሰብዓዊ መብቶች ልዩ ዘጋቢን ወደ አፍጋኒስታን እንዳይገቡ ማገዱ

የነሐሴ 15 ቀን 2016 ዓ.ም. አርዕስተ ዜና በኮንሶ ዞን ዋና ከተማ ሰገን የገቡት ታጣቂዎች ከተማዋን ተቆጣጠሩ፤የፖሊስ አባላትና ሰላማዊ ሰዎችንም ገደሉ። የ7 ዓመትዋን ሄቨን አዎትን አስገድዶ በመድፈርና አንቆም በመግደል ጥፋተኛ የተባለው ጌትነት ባዬ ላይ ፍርድ ቤት ያስተላለፈውን የ25 ዓመት የእሥር ፍርድ በመቃወም በበይነ መረብ ፊርማቸውን ያኖሩ ሰዎች ቁጥር ዛሬ ከ240 ሺህ በላይ መድረሱ ተገልጿል። ኬንያ ውስጥ በርካታ ሰዎችን በተከታታይ በመግደል ተጠርጥሮ የታሰረው ኬንያዊና 12ኤርትራውያን እስረኞች ናይሮቢ ከሚገኝ ፖሊስ ጣቢያ እንዲያመልጡ በመርዳት የተከሰሱ አምስት የኬንያ ፖሊሶች ዛሬ ፍርድ ቤት ቀረቡ።

በምርጫ ቦርድ እውቅና የተነፈገው የህወሓት 14ኛ ድርጅታዊ ጉባኤ ደብረፅዮን ገብረሚካኤልን ሊቀ-መንበር አድርጎ መረጠ። አቶ አማኑኤል አሰፋ የትግራይ ጊዜያዊ አስተዳደር ፕሬዝደንት የሆኑት አቶ ጌታቸው ረዳን በመተካት ምክትል ሊቀ-መንበር ሆነው ተመርጠዋል። የኬንያ መንግሥት ተቃውሞ በቀሰቀሰው የፋይናንስ ደምብ ውስጥ ተካተው ከነበሩ ቀረጦች የተወሰኑትን ሥራ ላይ በማዋል 1.2 ቢሊዮን ዶላር የመሰብሰብ ዕቅድ እንዳለው የሀገሪቱ ከፍተኛ ባለሥልጣን አስታወቁ። የተባበሩት መንግሥታት ተቀባይነት ከሌለው ደረጃ ደርሷል ያለውን የርዳታ ሠራተኞች ግድያ አወገዘ። ብዙ የርዳታ ሠራተኞች ከተገደሉባቸው አስር ሀገራት አንዷ ኢትዮጵያ ናት።

የጋምቤላ ምክር ቤት ዓለሚቱ ኡሞድን በኢትዮጵያ ታሪክ የመጀመሪያዋ ሴት የክልል ፕሬዝደንት አድርጎ ሾመ። ከኢትዮ- ጅቡቲ ባቡር ትራንስፖርት አክሲዮን ማህበር 32 የጭነት ሎኮሞቲቮች 17ቱ አይሰሩም ተባለ። በአማራ ክልል ሰሜን ወሎ ዞን ደላንታ ወረዳ የግብረ-ሠናይ ሠራተኛ ማንነቱ ባልታወቀ ወንጀለኛ ቡድን ተገደሉ። የ15 ዓመቱ ሔመን በቀለ የታይም መጽሔት የዓመቱ ምርጥ ታዳጊ ተብሎ ተመረጠ። የሱዳን ሉዓላዊ ምክር ቤት የአድሬ የድንበር መሸጋገሪያን ለሦስት ወራት ሊከፍት ነው። በዴሞክራቲክ ሪፐብሊክ ኮንጎ የጦጣ ፈንጣጣ 548 ሰዎች መግደሉ ተገለጸ። በጋዛ ተኩስ ለማስቆም የታቀደው የዶሐ ድርድር ያለ ሐማስ ተሳትፎ ተጀመረ።

ሶማሌላንድ ኢትዮጵያ እና ሶማሊያን የምታሸማግለው ቱርክ ገለልተኛ አይደለችም ስትል ከሰሰች። የሶማሌላንድ ክስ የተደመጠው በአንካራ ለሁለተኛ ጊዜ የተካሔደው የኢትዮጵያ እና የሶማሊያ ውይይት ያለ ውጤት ከተበተነ በኋላ ነው። የሱዳንን ጦርነት ለማብቃት ያለመ ድርድር የብሔራዊው ጦር አዛዥ ጄነራል አብደል ፋታኅ አል-ቡርኻን በሌሉበት ተጀመረ። ግብጽ እና ሶማሊያ የወታደራዊ ትብብር ፕሮቶኮል ሥምምነት ተፈራረሙ። በጋዛ ውጊያ የገጠሙ ኃይሎች ተኩስ እንዲያቆሙ ለማድረግ ያቀደ ድርድር በቃጣር ሊካሔድ ነው። ጀርመን የኖርድ ስትሪም የጋዝ ማስተላለፊያን በማፈንዳት የጠረጠረችውን ግለሰብ ለመያዝ የእስር ማዘዣ አወጣች።

የጠቅላይ ሚኒስትር ዐቢይ አሕመድ መንግሥት የህወሓት “የሕግ ሰውነት፤ አግባብ ባለው ሕግ እና በብሔራዊ ምርጫ ቦርድ አሠራር መሠረት ብቻ እልባት ሊያገኝ የሚገባ ጉዳይ” እንደሆነ አስታወቀ። የኢትዮጵያ እና የሶማሊያ የውጭ ጉዳይ ሚኒስትሮች በሀገሮቻቸው መካከል የተቀሰቀሰውን ውጥረት ለማብቃት በቱርክ አሸማጋይነት በአንካራ ተገናኙ። በዩጋንዳ በደረሰ የቆሻሻ መደርመስ አደጋ ሕይወታቸውን ያጡ ሰዎች ቁጥር 23 ደረሰ። በጋዛ በአስቸኳይ ተኩስ እንዲቆም ጀርመን፣ ፈረንሳይ እና ዩናይትድ ኪንግደም ጥሪ አቀረቡ። ፕሬዝደንት ቭላድሚር ፑቲን ወደ ሩሲያ ግዛት የገቡ የዩክሬን ወታደሮችን የሀገራቸው ጦር እንዲያባርር ትዕዛዝ ሰጡ

በአማራ ክልል ምስራቅ ጎጃም ዞን ግንደወይን ከተማ በደረሰ የመኪና አደጋ ወንዝ ውስጥ የሰጠሙ ሰዎች አስከሬን የማፈላለግ ስራ መቀጠሉ ተገለፀ። አቶ ጌታቸው ረዳ፤ ህወሓት አካሂዳለሁ ካለው ጠቅላላ ድርጅታዊ ጉባኤ ራሳቸውን ማግለላቸውን አስታወቁ። ሊባኖስ ውስጥ ያለው ሁኔታ የሚባባስ ከሆነ በተለይ ችግር ያለበት አካባቢ ያሉ ኢትዮጵያውያንን ለማውጣት ቅድመ ዝግጅት መደረጉን የውጭ ጉዳይ ሚኒስቴር ገለፀ። የኢትዮጵያ አየር መንገድ ቢሾፍቱ ከተማ አከባቢ ግዙፍ የአውሮፕላን ማረፊያ ሊያስገነባ መሆኑን አስታወቀ፡፡ የሱዳን መንግሥት ከአሜሪካ ጋር ለመመካከር የልዑካን ቡድኑን ወደ ጅዳ እንደሚልክ ገለፀ።

--የኢትዮጵያ አየር መንገድ ከአሜሪካው ፕሬዚዳንት ጆ ባይደን “የፕሬዚዳንቱ የሕይወት ዘመን ሽልማት” ተበረከተለት፡፡ --በኢትዮጵያዋ ሶማሌ ክልል በዋቢ ሸቤሌ ወንዝ እስከ ገደፉ ሞልቶ በተከሰተ ጎርፍ ወደ ሦስት ሺህ የሚጠጉ ሰዎች ከመኖርያ ቀዬያቸው መፈናቀላቸውን የክልሉ ኮሚዩኒኬሽን ቢሮ አስታወቀ። --የተለያዩ የኤርትራ ተቃዋሚ ፓርቲዎች በሥልጣን ላይ ያለውን አምባገነን ያሉትን መንግሥት ለመታገል የጋራ ጥምረት መመስረታቸውን አስታወቁ። --ኬንያ የወጣቶች ተቃውሞ ዛሬ በመዲናዋ ናይሮቢ በርካታ ወጣቶች በተሳተፉበት ዳግም መቀስቀሱ ተነገረ።

የነሐሴ 1 ቀን 2016 ዓ.ም.አርዕስተ ዜና በአማራ ክልል ምዕራብ ጎንደር ዞን ከሚኖሩበት መጠለያ ጣቢያዎች ወጥተው በመንገድ ዳር ከሚኖሩ የሱዳን ተፈናቃዮች መካከል አንዳንዶቹ ባለፈው ቅዳሜ ጥቃት እንደተፈፀመባቸው ተናገሩ። እስራኤል፣ ዩናይትድ ስቴትስ፣ ብሪታንያ ፣ጀርመን የአውሮጳ ኅብረትና ሌሎች በአሸባሪነት የፈረጁት ታጣቂ ቡድን ሐማስ ያህያ ሲንዋርን የቡድኑ ከፍተኛ መሪ አድርጎ መረጠ። ኢትዮጵያውያን አትሌቶች ሜዳሊያ ሊያሸንፉ እንደሚችሉ የተገመተበት የወንዶች የሦስት ሺህ ሜትር መሰናክል የፍጻሜ ውድድር ዛሬ ምሽት 4:40 ይደረጋል። በውድድሩ የክብረ ወሰን ባለቤቱ ለሜቻ ግርማ ሳሙኤል ፍሬው እና ጌትነት ይሳተፋሉ።

*በመካከለኛው ምስራቅ ያየለው የጦርነት ስጋት *ኢትዮጵያ፦ የአምነስቲ ኢንተርናሽናል የፍትህ ጥያቄ *75 የፖሊስ አባላትን ገድለዋል የተባሉ ተፈረደባቸው *አቶ ታዬ ደንደዓ ከተመሰረተባቸው ሶስት ክሶች በሁለቱ ነጻ ተባሉ *ሱዳን፤ የስደተኞች መጠለያ ከአየር ጥቃት ደረሰ *ሩሲያ ወታደሮች ከዮክሬይን ጋር ወደሚያዋስናት ድንበር ላከች

-የባንግላዴሽ የጠ/ሚ ሼክ ሃሲና በህዝባዊ ትግል ከስልጣን ለቀቁ። የ 76 ዓመትዋ ሃሲና፤ ምናልባትም ወደ ህንድ ሳይሰደዱ አልቀረም። -በደቡብ ኢትዮጵያ ክልል ወላይታ ዞን ካዎ ኮይሻ ወረዳ በመሬት ናዳ አደጋ የ11 ሰዎች ሕይወት አለፈ፡፡ በአደጋዉ የሞቱት ሰዎች ቁጥር ሳይጨምር አይቀርም።-የደቡብ አፍሪቃ ፖሊስ ጆሃንስበርግ ዉስጥ ታፍነዉ ተይዘዉ የነበሩ 90 ኢትዮጵያዉያን ስደተኞችን ነፃ አስለቀቀ። ፍልሰተኞቹን ያፈኑት ሁለት የሰዎች አዘዋዋሪ ተጠርጣሪዎች ተይዘዋል።-ማሊ ከዩክሬይን ጋር ያላትን ዲፕሎማሲያዊ ግንኙነት አቋረጠች። የማሊ ዩክሪን አማፅያኑ ባደረሱት ጥቃት እጇ አለት በሚል ነዉ። ዩክሬይን የማሊ እርምጃን ኮንናዋለች።

የሐምሌ 28 ቀን 2016 ዓ.ም የዓለም ዜና በተቃውሞ እየተናጠች ያለችው ናይጄሪያ የዩክሬይን የውጭ ጉዳይ ሚኒስትር የአፍሪካ ጉብኝት

የአርብ ሐምሌ 26 ቀን 2016 ዓም አርዕስተ ዜና ጠቅላይ ሚንስትር ዐብይ አሕመድ በአማራ ክልል ከመንግሥት ጋር ከሚዋጉ አንዳንድ ቡድኖች ጋር ውይይት መጀመሩን ለመጀመሪያ ጊዜ መናገራቸው በክልሉ ነዋሪዎች አስተያየት እየተሰጠበት ነው። አንዳንድ የክልሉ ነዋሪዎች ሃሳቡን የተቀደሰ ሲሉ ፣ሌሎች ደግሞ ጥርጣሬ ገብቷቸዋል። በግጭት በተመሰቃቀለው በዳርፉር በሚገኘው ዘምዘም መጠለያ ኮሌራና ሌሎች መሰል በሽታዎች እንዳይሰፋፉ አስግቷል። ረቡዕ ቴህራን ውስጥ በአየር ጥቃት የተገደሉት የሃማስ ከፍተኛ መሪ የኢስማኤል ሀኔይ አስከሬን ሽኝትና ስርዓተ-ቀብር በስደት ይኖሩበት በነበረው በዶሀ በከፍተኛ የጸጥታ ጥበቃ ዛሬ ተፈጸመ።

በአዲስ አበባ ከተማና ኦሮሚያ ክልል የብር አቅም መዳከምን ተከትሎ በሸቀጦች ላይ ዋጋ ጭማሪ ያደረጉ በርካታ የንግድ ድርጅቶች መዘጋታቸው ተገለጸ። በጸጥታ ችግር ምክንያት ለፈተና በሄዱበት ሰላሌ ዩኒቨርሲቲ ለሁለት ሳምንታት ያህል መቆየት የተገደዱት ከ400 በላይ ተማሪዎች ትናንት ማምሻውን ወደ ቤተሰቦቻቸው መመለሳቸው ተሰማ። የናይጀሪያ ፖሊስ በሀገሪቱ የተባባሰውን የዋጋ ንረትና የአስተዳደር ችግር በመቃወም አደባባይ ከወጡ ሰልፈኞች ጋር ፍጥጫ ገጥሟል። ትናንት ለተገደሉት የሃማሱ መሪ በኢራን ብሔራዊ የአስክሬን ሽኝት ሥረዓት ተከናወነ። አዲሱ የኢራን ፕሬዝደንት መንግሥታቸው ለሃማስ የሚያደርገው ድጋፍ ይጨምራል ብለዋል።

DW Amharic -በጎፋ ዞን ገዜ ጎፋ ወረዳ በደረሰው የመሬት መንሸራተት አደጋ የሟቾችን አስክሬን የማፈላለጉ ሥራ ማብቃቱን የደቡብ ኢትዮጵያ ክልል መንግሥት አስታወቀ ፡፡-የትግራይ ክልል ጊዚያዊ አስተዳደር የህወሃት አመራሮችን ኮነነ። ጊዚያዊ አስተዳደሩ የህዝባዊ ወያነ ሀርነት ትግራይ /ህወሓት/ አመራሮችን የኮነነው፤ በሙስና እና በተደራጀ የማዕድን የመሬት ዘረፋ ፣ በመሳሪያ ንግድ እና በህገ ወጥ የሰዎች ዝውውር ነው።-የሱዳን ወታደራዊ መሪ ጄኔራል አብደል ፋታህ አል-ቡርሃን የግድያ ሙከራ ተፈጸመባቸው።-የሃማስ መሪ እስማኤል ሃኒዬህ ኢራን ውስጥ ከጠባቂያቸው ጋር ተገደሉ።

* በሲዳማ ክልል በተከሰተ የመሬት መንሸራታት 11 ሰዎች ሞቱ * የኢትዮጵያ ብሔራዊ ባንክ በውጭ ምንዛሪ ላይ ማሻሻያ አደረገ *የባህር ዳር ከተማ አስተዳደር ፀጥታ ምክር ቤት ውሳኔዎች አስተላለፈ *ፆታዊ ጥቃት እና የሰብዓዊ መብት ጥሰት በሱዳን *እስራኤል፤ በሂዝቦላህ ላይ ወታደራዊ ርምጃ ለመውሰድ ወሰነች * ፈረንሳይ፤ በኢንተርኔት አገልግሎት መስመሮች ላይ ጥቃት ተፈፀመ

--በየመን ባህር ዳርቻ 45 ስደተኞችን አሳፍራ ስትቀዝፍ የነበረች ጀልባ ሰምጣ አራት የተረፉ ሰዎች ብቻ መገኘታቸዉ ተነገረ።--በጎፋ ዞን የመሬት መንሸራተት አደጋ የሞቱ ሰዎች ቁጥር 500 ሊደርስ እንደሚችል ተባለ።--ህወሓት ሊያደርገው ያቀደው 14ተኛ ጉባኤ በፓርቲው ቁጥጥር ኮምሽን ተቃውሞ ገጠመዉ። ህወሓት በ50 ዓመት ታሪኩ አጋጥሞት በማያውቅ ፈተና ውስጥ መሆኑም ተመልክቷል። --የኤርትራ መንግሥት የአቪየሽን ባለሥልጣን የኢትዮጵያ አየር መንገድ ከመስከረም አጋማሽ ጀምሮ ከአዲስ አበባ ወደ አስመራ በረራ እንዳያደርግ ባገደበት ውሳኔ ላይ ለመነጋገር እና ለመመካከር ሙከራ እያደረገ መሆኑን የኢትዮጵያ አየር መንገድ አስታወቀ።

የሰኞ ሐምሌ 15 ቀን 2016 ዓ.ም. አርዕስተ ዜና በደቡብ ኢትዮጵያ ክልል ጎፋ ዞን ገዜ ጎፋ ወረዳ በደረሰ የመሪት ናዳ የ30 ሰዎች ሕይወት አለፈ። በአደጋው የሞቱት ሰዎች ቁጥር ከዚህም ሊጨምር ይችላል የሚል ሥጋት አለ። በማዕከላዊ ኢትዮጵያ ክልል ሃድያ ዞን የሾኔ የመጀመሪያ ደረጃ ሆስፒታል ከሦስት መቶ በላይ ሠራተኞች ካለፈው አርብ አንስቶ የሥራ ማቆም አድማ ላይ ናቸው። የዩናይትድ ስቴትስ ፕሬዝዳንት ጆ ባይደን ከጎርጎሮሳዊው 2024ቱ የዩናይትድ ስቴትስ ምርጫ ትናንት ራሳቸውን ማግለላቸውን ካሳወቁ በኋላ ዴሞክራቶች ባይደን በምርጫው እንዲወዳደሩ ለመረጧቸው ለምክትል ፕሬዝዳንት ካማላ ሀሪስ ድጋፋቸውን እየገለጹ ነው።

ህዝባዊ ወያነ ሓርነት ትግራይ (ህወሓት) እንደ አዲስ ፓርቲ ለመመዝገብ ጥያቄ እንዳላቀረበ ቃል አቀባዩ አቶ አማኑኤል አሰፋ ተናገሩ። በአማራ ክልል የሚገኙ ሱዳናውያን ስደተኞችን ወደ ሌላ መጠለያ በማዘዋወር አውላላ እና ኩመር ጣቢያዎች በሒደት ሊዘጉ ነው። የኬንያ ፕሬዝደንት ዊሊያም ሩቶ የመንግሥታቸውን ካቢኔ አስራ አንድ አባላት ይፋ አደረጉ። ናይጄሪያ “በርካታ እና ተደጋጋሚ ጥፋቶች” ፈጽሟል ያለችውን የፌስቡክ እና የዋትስአፕ ባለቤት ሜታ ኩባንያ 220 ሚሊዮን ዶላር ቀጣች። የእስራኤል ኃይሎች ዛሬ ቅዳሜ በጋዛ ሠርጥ የተለያዩ አካባቢዎች በፈጸሟቸው ድብደባዎች ቢያንስ 30 ፍልስጤማውያን መገደላቸውን የጤና ባለሥልጣናት አስታወቁ።

--መቀመጫዉን ዩናይትድ ስቴትስ አሜሪካ ያደረገዉ፤ የሳይበር ደህንነት ኩባንያ ባካሄደዉ የተሳሳተ የይዘት ማሻሻያ በመላው ዓለም ከፍተኛ መስተጓጎል አስከተለ። የአዉሮፕላን በረራዎች፤ የንግድ ተቋማት እና ሌሎች ስራዎች ለሰዓታት ተስተጓጎለዉ ነበር። --የኬንያ ፍርድ ቤት ፖሊስ በዋና ከተማዋ ናይሮቢ እና አካባቢዋ ላይ ፀረ-መንግስት ተቃውሞዎችን ለማገድ የወሰነዉን እርምጃ፤ ፍርድ ቤት አገደ።--የቀድሞ ፕሬዚደንት ዶናልድ ትራምፕ፤ በእጩነት መመረጣቸዉን በሙሉ ፍላጎት ተቀበሉ። በሌላ በኩል የቀድሞዉ ባራክ ኦባማ እና ናንሲ ፔሎሲ፤ ጆ ባይደን ለዳግም ምርጫ ለመወዳደር በቂ አቅም የላቸዉም ሲሉ ጥርጣሪያቸዉን ገልፀዋል።

የሐምሌ 11 ቀን 2016 ዓም አርዕስተ ዜና -«መንግስት የዜጎችን ሰላምና ደህንነት የማስጠበቅ ሕጋዊ ግዴታውን ሊወጣ ይገባል!» ሲል ኢሰመጉ ዛሬ ባወጣው መግለጫ አሳሰበ ።«በዜጎች ላይ የሚፈጸሙ ግድያዎች፣ እገታና አፍኖ መሰወር በሀገራችን በአሳሳቢ ደረጃ እየተስፋፋ ያለ ጉዳይ» ነው ያለው ኢሰመጉ ለመፍትኄው ግን የሚመለከታቸው አካላት ዳተኛ መሆናቸውን ጠቁሟል ። -ሳዑዲ አረብያ ዛሬ በአደንዛዥ እጽ ዝውውር የተወነጀሉ ሁለት ሰዎችን በሞት መቅጣትዋን የሀገሪቱ የሀገር ውስጥ ጉዳይ ሚኒስቴር አስታወቀ። የአውሮጳ ኅብረት ኮሚሽን ኮሚሽነር ኢርዙላ ፎን ዴር ላየን ዛሬ ለሁተኛ የሥልጣን ዘመን ተመረጡ።

የዓለም ዜና፤ የሐምሌ 9 ቀን 2016 ሰኞ አርዕስተ ዜና --የዩናይትድ ስቴትሱ ሪፐብሊካን ፓርቲ ዶናልድ ትራምፕን ለፕሬዝዳንታዊ ምርጫ እንዲፎካከሩ በይፋ መረጠ። ትራምፕ በበኩላቸዉ የአንድ ወቅት ተቃዋሚያቸውን ተጣማሪያቸው አድርገው መረጠዋል። --በኬንያ ዛሬ ፕሬዝዳንት ሩቶ ስልጣን እንዲለቁ የሚጠይቁ ተቃዋሚ ሰልፈኞችን ዳግም ፖሊስ በአስለቃሽ ጢስ በተነ። --በሩዋንዳዉ ፕሬዝዳንታዊ ምርጫ፤ ፖል ካጋሜ በከፍተኛ ድምጽ ማሸነፋቸውን የሃገሪቱ የምርጫ ኮሚሽን ይፋ ባደረገዉ የቅድመ ቆጠራ ዉጤት አስታወቀ። --የሃንጋሪ ጠ/ሚ ቪክቶር ኦርባን የሚያደርጓቸውን አወዛጋቢ ጉዞዎች ተከትሎ የአዉሮጳ ህብረት ምክር ቤት እገዳ አስተላለፈ።

የሰኞ ሐምሌ 8 ቀን 2016 ዓ.ም. አርዕስተ ዜና -በአማራ ክልል ለአንድ ዓመት ያህል ተቋርጦ የቆየው የኢንተርኔት ሞይል ዳታ ትናንት በአንዳንድ ከተሞች አገልግሎት መስጠት መቀጠሉን ነዋሪዎች ተናገሩ፡፡ የአንዳንድ ከተሞች ነዋሪዎች አገልግሎቱ በተመረጡ ስልኮች ብቻ ነው የሚሰራው ብለዋል። -የኬንያ ፖሊስ በተደጋጋሚ ሰዎችን ሲገድል የነበረና ድርጊቱንም አምኗል ያለውን አ,ረመኔ ማሰሩን አስታወቀ። /አንድ የዩናይትድ ስቴትስ ዳኛ ባለፈው ቅዳሜ ከግድያ ሙከራ የተረፉት የቀድሞ የዩናይትድ ስቴትስ ፕሬዝዳንት ዶናልድ ትራምፕ ከዚህ ቀደም ምሥጥራዊ የመንግሥት ሰነዶች በመያዝ የተመሰረተባቸውን ክስ ውድቅ አደረጉ።

በዶናልድ ትራምፕ ላይ ተኩስ የከፈተው ተጠርጣሪ ተሽከርካሪ ውስጥ ፈንጂዎች መገኘታቸውን የአሜሪካ መገናኛ ብዙኃን ዘገቡ። ከግድያ ሙከራ ያመለጡት ትራምፕ አሜሪካውያን በጋራ እንዲቆሙ ጥሪ ሲያቀርቡ ፕሬዝደንት ጆ ባይደን በተፎካካሪያቸው ላይ የተሞከረውን ግድያ አውግዘዋል። እስራኤል በማዕከላዊ ጋዛ በሚገኝ ትምህርት ቤት ላይ ዛሬ እሁድ በፈጸመችው ጥቃት በርካታ ፍልስጤማውያን መገደላቸውን የጋዛ የጤና ሚኒስቴር ባለሥልጣናት አስታወቁ። በጀርመን ባደን ቩተንበርግ ግዛት በምትገኘው ላውትሊንገን ከተማ አንድ ግለሰብ ሁለት ሰዎች ገድሎ ራሱን አጠፋ።

ኻርቱም፤ የሱዳን ፖሊስ የውጪ ዜጎች ከኻርቱም እንዲወጡ ማዘዙ ናይሮቢ፤ የኬንያ ፖሊስ አዛዥ ሥራቸውን ለቀቁ ናይሮቢ፤ የኬንያ ወጣቶች ተቃውሟቸውን ሊቀጥሉ እንደሚችሉ ማስጠንቀቃቸው ጄኔቫ፤ የሱዳን ተቀናቃኝ ኃይላት ለውይይት ጄኔቫ ሞስኮ፤ ሩሲያ በኔቶ ጉባኤ የባይደንን ስህተት ዓለም ልብ ይበልልኝ ማለቷ ካታማንዱ፤ ኔፓል ውስጥ የደረሰው የመሬት መንሸራተት አደጋ

የሐምሌ 3 ቀን 2016 ዓ.ም. አርዕስተ ዜና ሱዳን የሚገኙ በአስር ሺህዎች የሚቆጠሩ የኢትዮጵያና የኤርትራ ስደተኞች የከፋ አደጋ ላይ ናቸው ሲል ዓለም አቀፉ የሰብዓዊ መብቶች ተሟጋች ድርጅት ሂዩመን ራይትስ ዋች አሳሰበ። ከመካከላቸው ገዳሪፍ ያሉ ከ40 ሺህ በላይ የኢትዮጵያ ስደተኞች ይገኙበታል ። ከግንቦት አንስቶ በከፍተኛ ባለሥልጣናት ደረጃ በደቡብ ሱዳን መንግስትና በተቃዋሚዎች ተወካዮች መካከል በኬንያ ሲካሄድ የቆየው የሰላም ንግግር ሊጠናቀቅ ሲል ተሰናከለ። የኔቶ አባል ሀገራት መሪዎች ጉባኤ ላይ ዩናይትድ ስቴትስና ሌሎች የኔቶ አባል ሀገራት ለዩክሬን የአየር መከላከያ ስርዓት ለመለገስ ቃል ገቡ።

DW Amharic --የ32ቱ የኔቶ አባል ሃገራት መንግሥታት እና የመንግሥታት ተጠሪዎች የሦስት ቀናት ጉባዔያቸዉን በዩናይትድ ስቴትስ ዋሽንግተን ዉስጥ ጀመሩ። --ጠ/ሚ ዶ/ር ዐብይ አህመድ በቀይባሕር ዳርቻ በምትገኘው የፖርት ሱዳን ከተማ ከጀነራል አብደል ፋታሕ አልቡርሃን ጋር ተገናኝተው ተወያዩ። --የ12ኛ ክፍል አጠቃላይ ፈተና ላይ በአማራ ክልል የሚገኙ ተፈታኞች ቁጥር ከታቀደው እንደሚያንስ የክልሉ ትምህርት ቢሮ አስታወቀ። --በሶማሊላንድ መካከል የሚታየዉ ዉጥረት መባባሱ ተመለከተ። የጅቡቲና የሶማሌላንድ ፕሬዚዳንቶች ለአካባቢዉ ቀዉስ አንዱ ሌላዉን እየከሰሰ ነዉ።

መቀለ፤ ጾታዊ ጥቃት እንዲቆም ጥሪ መቅረቡ ጎማ፤ የተመድ የሩዋንዳ ወታደሮች ከM23 አማጽያን ጎን እየተዋጉ ነው ማለቱ ኪየቭ፤ በሩሲያ የሚሳኤሎች ጥቃት ዩክሬን ውስጥ በርካቶችን መገደላቸው ፓሪስ፤ ያልተጠበቀ ውጤት የታየበት የፈረንሳይ ምርጫ በርሊን፤ የጀርመን የጦር መርከብ ወደ ቀይ ባሕር ተንቀሳቀሰ

-የዩናይትድ ስቴትስ መንግስት ኢትዮጵያ ዉስጥ የሚደረገዉን ግጭት ለማስቆም ጠንካራ ርምጃ ይወስድ ዘንድ የኢትዮጵያዉያን አሜሪካዉያን የሲቪል ማሕበራት ምክር ቤት አባላት ጠየቁ።-የኢትዮጵያ የሰብአዊ መብቶች ኮሚሽንን (ኢሰመኮ)ን ላለፉት አምስት ዓመታት የመሩት ዶክተር ዳንኤል በቀለ ዛሬ ተሰናበቱ።የኢትዮጵያ ጠቅላይ ሚንስትር ዐብይ አሕመድ ትናንት በሥም ያልጠቀሷቸዉን የመብት ተሟጋች ድርጅቶች ወቅሰዉ ነበር።-ትናንት ብሪታንያ ዉስጥ በተደረገዉ ምርጫ ያሸነፈዉ የሐገሪቱ የሠራተኛ ወይም ሌበር ፓርቲ መሪ ዛሬ የጠቅላይ ሚንስትርነቱን ሥልጣን ያዙ።

አርዕስተ ዜና ቱርክ ኢትዮጵያ ከሶማሌላንድ ጋር በተፈራረመችው የወደብ ስምምነት ሰበብ የተቃቃሩትን ኢትዮጵያንና ሶማሊያን እየሸመገለች መሆኑን ሮይተርስ የዜና ወኪል ዘግቧል። በመጀመሪያ ዙር የፈረንሳይ የፓርላማ አባላት ምርጫ National Rally በምህጻሩ RN የተባለው የማሪ ለፐን ቀኝ ጽንፈኛ ፓርቲ ታሪካዊ የተባለ ድል ተጎናፀፈ። ውጤቱ ፓርላማውን በትነው ምርጫ ለጠሩት ለፕሬዝዳንት ማክሮ ትልቅ ሽንፈት ሆኗል። የዩንይትድ ስቴትስ ጠቅላይ ፍርድ ቤት የቀድሞው የዩናይትድ ስቴትስ ፕሬዝዳንት ዶናልድ ትራምፕ በግል በወሰዷቸው እርምጃዎች እንጂ እንደ ፕሬዝዳንት በይፋ በወሰዷቸው እርምጃዎች ሊከሰሱ አይችሉም ሲል ወሰነ።

የኢትዮጵያ መንግሥት እና የፋኖ ታጣቂዎች የሚያደርጉትን “የርስ በርስ ጦርነት” አቁመው ድርድር እንዲጀምሩ በአማራ ክልል የተቋቋመ የሰላም ምክር ቤት ጥሪ አቀረበ። “የርስ በርስ ጦርነቱን በድርድር ለመፍታት ፈቃደኛ ነኝ” ያለው የኢትዮጵያ መንግሥት “ብዙ አደረጃጀት እና መሪ” አላቸው ያላቸው የፋኖ ታጣቂዎች “ለመደራደር አንድ መሆን አለባቸው” በማለቱ ምክር ቤቱ መቋቋሙን ተገልጿል። • የግብረ-ሰናይ ድርጅቶች የሱዳን “ሰው ሰራሽ ረሐብ” ከተፈራው የከፋ ሊሆን እንደሚችል አስጠነቀቁ። በኬንያ ተቃውሞ ቢያንስ 30 ሰዎች መገደላቸውን ሒውማን ራይትስ ዎች አስታወቀ።

ከባለፈው ዓመት ጀምሮ ምሥራቅ ቦረና በሚል አዲስ ዞን ስር የሚተዳደረው ጎሮዶላ ወረዳ እየተጓተተ በሚከፈው ደሞዝ መቸገራቸውን ሠራተኞች አመለከቱ። ሠራተኞቹ እንደሚሉት ከሚያዚያ ወር ወዲህ ደሞዝ አላገኙም። የየመን ሁቲ አማጽያን ዛሬም በቀይ ባሕር ላይ ስትጓዝ በነበረች በመርከብ ላይ አምስት ሚሳኤል መተኮሳቸው ተነገረ። የብሪታንያ የባሕር ንግድ ኮርፖሬሽን ዛሬ እንደገለጸው በመርከቧ ላይ ጉዳት አልደረሰም። የአውሮጳ ሕብረት ሃገራት መሪዎች ለሕብረቱን ኮሚሽን ፕሬዝደንትነት ዑርዙላ ፎንደር ሌይንን ለሁለተኛ ጊዜ በይፋ ሰየሙ። ጉባኤው የኢስቶኒያ ጠቅላይ ሚኒስትር ካያ ካሌስንም ለሕብረቱን የውጭ ጉዳይ ኃላፊነት መርጧል።

የሐሙስ ሰኔ 20 ቀን 2016 ዓ.ም. አርዕስተ ዜና የኬንያው ፕሬዝዳንት ዊሊያም ሩቶ ህዝባቸው የተቃወመው የታክስ ጭማሪ ሕግ ላይ ፊርማቸውን እንደማያኖሩ ቢያሳውቁም ተቃዋሚዎች ዛሬም አደባባይ ወጥተው ነበር። በናይሮቢ የንግድ ማዕከል የተሰባሰቡ በርካታ ተቃዋሚዎችን ፖሊስ በፕላስቲክ ጥይቶችና በአስለቃሽ ጢስ በትኗል። በሱዳን 755 ሺህ ሰዎች ለረሀብ መጋለጣቸውን ዓለም አቀፍ አጥኚዎች ዛሬ ይፋ ያደረጉት አንድ ዘገባ አስጠነቀቀ። ረሀቡ የሚያሰጋው በ14 የሱዳን አካባቢዎች ነው። ከከሸፈው የትናንትናው የቦሊቭያ መፈንቅለ መንግሥት ሙከራ በኋላ በርካታ ወታደራዊ መኮንንኖች መታሰራቸውን አንድ ከፍተኛ የመንግሥት ባለስልጣን ተናገሩ።

የሰኔ 17 ቀን 2016 ዓም ዐርእስተ ዜና የፌዴራል ጠቅላይ ፍርድ ቤት ሰበር ሰሚ ችሎት በእነ ፕሮፌሰር ዝናቡ አበራ እና ሌሎች በሚገኙበት መዝገብ የተከሰሱ እንዲለቀቁ ወሰነ። የአውሮጳ ኅብረት በሱዳኑ ጦርነት ለተፈጸሙ የተለያዩ ወንጀሎች ተጠያቂ ባላቸው ስድስት ሱዳናውያን ላይ ዛሬ ማዕቀብ ጣለ። ስድስቱ ሱዳናውያን በሱዳን ውጊያ የሚያካሂዱት የመንግሥት ጦርና የፈጥኖ ደራሹ ኃይል አመራሮች መካከል ናቸው። በሄይቲ የተስፋፋውን የወሮበሎች አመጽ ለመከላከል በሀገሪቱ ይሰማራሉ ከተባሉት የየኬንያ ፖሊሶች የመጀመሪያዎች ወደዚያውሊሄዱ ነው ተባለ። ወደ ሄይቲ የሚጓዙት ነገ ነው።

በቤኒሻንጉል ጉምዝ፣ ሶማሌ፣ አፋር እና ማዕከላዊ ኢትዮጵያ ክልሎች ለ6ኛው ሀገር አቀፍ የቀሪ እና የድጋሚ ምርጫ ነዋሪዎች ድምጽ ሲሰጡ ዋሉ። ፕሬዝደንት ዊሊያም ሩቶ መንግሥታቸው ተግባራዊ በሚያደርገው የግብር ጭማሪ ላይ በኬንያ ሀገር አቀፍ ተቃውሞ ካካሔዱ ወጣቶች ጋር ለመነጋገር ፈቃደኛ መሆናቸውን አስታወቁ። የእስራኤል የመከላከያ ሚኒስትር ዮቭ ጋላንት ከመስከረም 26 ቀን 2016 ጀምሮ በጋዛ ሲካሔድ በቆየው ውጊያ ላይ “ወሳኝ” ለተባለ ንግግር ወደ አሜሪካ አቀኑ። የኬንያ ኃይሎች ማክሰኞ በወሮበሎች ወደምትታመሰው ሔቲ እንደሚዘምቱ የሀገሪቱ መንግሥት እና የፖሊስ የመረጃ ምንጮች ተናገሩ። በሩሲያ እና ዩክሬን ጥቃቶች ሰዎች ተገደሉ

-ለኢትዮጵያ የሕዝብ ተወካዮች ምክር ቤት የቀረበዉ «ንብረት የማስመለስ ረቂቅ አዋጅ» ዉጪ በሚኖሩ ኢትዮጵያዉንና ትዉልደ ኢትዮጵያዉያን ላይ ችግር የሚፈጥር ከሆነ ከአዋጁ አርቃቂዎች ጋር እንደሚነጋገርበት የዉጪ ጉዳይ ሚንስቴር አስታወቀ።-ምዕራባዊ ሱዳን ዳርፉር ግዛት ዉስጥ ለረሐብ ለተጋለጠዉ ሕዝብ ተጨማሪ የምግብ ርዳታ ማከፋፈሉን የዓለም ምግብ ድርጅት አስታወቀ።-የእስራኤል ጦር ከደቡብ ጋዛን ከሰሜን ደቡባዊ ሊባኖስን መደብደቡን ዛሬም እንደቀጠለ ነዉ።የሊባኖሱ ደፈጣ ተዋጊ ቡድን ሒዝቡላሕም ሰሜናዊ እስራኤል በሚሳዬል መደብደቡን አስታዉቋል።

DW Amharic --ዓመታዊዉ የዶቼ ቬለ የመገናኛ ብዙኀን መድረክ "መፍትሄዎችን መጋራት" በሚል መሪ ቃል ዛሬ ሰኔ 10 ቀን 2016 ዓ/ም ተጀመረ።በጀርመኗ ቦን ከተማ እየተካሄደ በሚገኘው በዚህ መድረክ፤የዶቼ ቬለ ዋና ዳይሬክተር ፒተር ሊንቡርግ እና የጀርመን የውጭ ጉዳይ ሚንስትር አናሊና ቤርቦክ በመድረኩ ንግግር አድርገዋል። --የኢትዮጵያ ህዝብ አብዮታዊ ፓርቲ/ ኢሕአፓ/ ፕሬዝዳንት የሆኑትን፤ ፕሮፌሰር ዝናቡ አበራን ጨምሮ ዘጠኝ ሰዎች በገንዘብ ዋስትና ከእሥር እንዲለቀቁ ፍርድ ቤት ወሰነ። --የእስራኤሉ ጠቅላይ ሚኒስትር ቤኒያሚን ኔታንያሁ የጦር ካቢኔ በመተናቸውን መበተናቸውን የእስራኤል ባለስልጣናት ገለፁ።

የኢትዮጵያ አየር መንገድ በኦሮሚያ ክልል ምሥራቅ ወለጋ ዞን ወደ ምትገኘው ነቀምቴ በሣምንት ሦስት ቀናት በረራ መጀመሩን አስታወቀ። የእስራኤል ጦር በደቡባዊ ጋዛ ሰርጥ የሰብአዊ ርዳታ አቅርቦትን ለማሳደግ በየዕለቱ ለሰዓታት ወታደራዊ እንቅስቃሴ እንደሚገታ አስታወቀ። በሩሲያ እና በዩክሬን መካከል እየተካሔደ የሚገኘውን ጦርነት ለማብቃት ያለመ ማንኛውም የሰላም ሥምምነት መሠረት የዩክሬን የግዛት አንድነት ሊሆን እንደሚገባ ሰማኒያ ሀገሮች ጥሪ አቀረቡ። በአውሮፓ ዋንጫ የምድብ አራት የመጀመሪያ ጨዋታ ኔዘርላንድስ ፖላንድን 2 ለ 1 አሸነፈች።

አርዕስተ ዜና፦ ሽንሌ፥ ኢሰመኮ በአፋር እና ሶማሌ አዋሳኝ አካባቢዎች ግጭት ማገርሸቱ አሳስቦኛል አለ፤ የሩስያ ፕሬዚደንት ቭላድሚር ፑቲን ከዩክሬን ጋ ለመደራደር ሀገራቸው በቁጥጥሯ ስር ካዋለቻቸው ግዛቶች የዩክሬን ጦር ሙሉ ለሙሉ መውጣትን እንደ ቅድመ ሁኔታ አስቀመጡ፤ የሰሜን አትላንቲክ ጦር ቃል ኪዳን ድርጅት (NATO) ዋና ጸሐፊ ዬንስ ስቶልተንበርግ በዩክሬን ፍትሐዊ እና ዘላቂ ሰላም ለማስፈን ሩስያ የመስፋፋት ፍላጎቷን ልትገታ ይገባል አሉ፤ የአውሮጳ ሃገራት እግር ኳስ ዋንጫ የመክፈቻ ጨዋታ ዛሬ ማታ ሙይንሽን ውስጥ የዘንድሮ አዘጋጇ ጀርመን ስኮትላንድን ትገጥማለች

DW Amharic --በኢንዱስትሪ የበለጸጉት የቡድን ሰባት አባል ሐገራት የመሪዎች ጉባዔ ዛሬ በጣልያን ጀመረ። የሃገራቱ የጉባዔ ዋንኛ ርዕስ ዩክሬንን በጦር መሳሪያና በገንዘብ ድጋፍ ማጠናከር ነዉ። በጋዛ እየተካሄደ ያለዉ ጦርነት፤ ከቻይና ጋር ውጥረት የበዛበት የንግድ ግንኙነትና የፍልሰት ጉዳይ ጉባኤዉ ይመክርባቸዋል። --ገጣሚ በላይ በቀለ ወያ በገንዘብ ዋስ ከእሥር ተለቀቀ። ገጣሚዉ ወጣት ባሕር ዳር ከተማ ማረሚያ ቤት ለ 11 ወራት ታሥሮ ቆይቷል። --በየመን የባሕር ዳርቻ በደረሰ የጀልባ አደጋ ቢያንስ 49 ሰዎች መሞታቸዉ ተሰማ። በጀልባዉ ላይ፤ 115 ሶማልያዉያን እና 145 ኢትዮጵያዉያን ተሳፍረዉ ነበር።

-ኢትዮጵያ ዉስጥ «ሑከትና ብጥብጥ በመፍጠርና ሕገመንግሥታዊ ሥርዓትን በመናድ» ተጠርጥረዋል የተባሉ 9 እስረኞች ዛሬ አዲስ አበባ ያስቻለዉ የፌደራል የመጀመሪያ ፍርድ ቤት ቀረቡ።ተጠርጣሪዎቹ አዋሽ አርባ ከሚገኘዉ እስር ቤት በቅርቡ አዲስ አበባ ወደሚገኘዉ ፖሊስ ጣቢያ እስር ቤት የተዛወሩ ናቸዉ።-ለዘንድሮዉ ሐጂ ከ1.5 ሚሊዮን የሚበልጡ ምዕመናን ከሙስሊሞቹ ቅድስት ከተማ መካ ገቡ።-ጋዛን የሚያወድመዉን ዉጊያና ወታደራዊ ዘመቻ ለማስቆም ዩናይትድ ስቴትስና የአረብ ተከታዮችዋ የሚያደርጉት ዲፕሎማሲያዊ ጥረት ዛሬም ለዉጤት አልበቃም።

*«በወንጀል የተገኘ ንብረትን ሕጋዊ ማስመሰልና ሽብርተኝነትን በገንዘብ የመርዳት ወንጀልን ለመከላከልና ለመቆጣጠር» የተባለ ረቂቅ አዋጅ ዛሬ ለሕዝብ ተወካዮች ምክር ቤት ቀረበ ። *የስምንተኛ ክፍል መልቀቂያ ፈተና ዋና ከተማ አዲስ አበባን ጨምሮ በኢትዮጵያ የተለያዩ አካባቢዎች በዛሬው ዕለት መሰጠት ተጀመረ ። *260 ግድም ስደተኞችን ያሳፈረች ጀልባ የየመን የባሕር ጠረፍ አቅራቢያ የአደን ባሕረ ሰላጤ ውስጥ ሰጥማ ቢያንስ 49 ሰዎች መሞታቸው ተገለ ። ጀልባዋ የኢትዮጵያ እና የሶማሊያ ስደተኞችን አሳፍራ ከሶማሊያ የባሕር ጠረፍ 320 ኪሎ ሜትሮች ቀዝፋ እንደነበር አሶሺየትድ ፕሬስ ዘግቧል ።

DW Amharic ለአራት ቀናት ሲካሄድ የቆየው የአውሮጳ ህብረት ፓርላማ ምርጫ የመሃል ቀኙ የአውሮጳ ህዝቦች ፓርቲ የተሻለ ወንበር በማግኘት ተጠናቀቀ። የህብረቱ ኮሚሽን ፕሬዚዳንት ኡርዙላ ፎን ዴር ላየን ፓርቲ ኢፒፒ ከ720 የፓርላማ መቀመጫዎች 189ኙን በማሸነፍ ፕሬዚዳንቷ በኃላፊነታቸው መቀጠል የሚያስችላቸውን መደላድል ፈጥሮላቸዋል ተብሏል። ምርጫው የአርንጓዴ እና ሊበራል ፓርቲዎች በርካታ መቀመጫዎችን ሲያጡ የቀኝ እና ግራ አክራሪዎች ግን ከምንጊዜውም ይልቅ ተጠናክረው የመጡበት እንደነበር የፈረንሳይ ዜና አገልግሎት ዘገባ ያመለክታል። «ምርጫውን አሸንፈናል» ሲሉ የተደመጡት የህብረቱ ፕሬዚዳን

በሰሜን ኢትዮጵያ ጦርነት ጉዳት የደረሰበት በትግራይ ክልል አክሱም ከተማ የሚገኘው አጼ ዮሐንስ አራተኛ ኤርፖርት ሥራ ጀመረ። በሶማሊያ ጋልጋዱድ ግዛት በተፎካካሪ ጎሳዎች መካከል በተቀሰቀሰ ግጭት ቢያንስ 45 ሰዎች ሲገደሉ ሌሎች 60 መቁሰላቸውን ባለሥልጣን ተናገሩ። እስራኤል አራት ታጋቾች ባስለቀቀችበት እና በስደተኞች መጠለያ ጣቢያ ባካሔደችው ወታደራዊ ዘመቻ የተገደሉ ፍልስጤማውን ቁጥር ወደ 274 ማሻቀቡን የጋዛ የጤና ሚኒስቴር አስታወቀ። አውሮፓውያን በአኅጉራዊው ምክር ቤት የሚወክሏቸውን ሕግ አውጪዎች ለመምረጥ ድምጽ ሲሰጡ ዋሉ። የሕንድ ጠቅላይ ሚኒስትር ናሬንድራ ሞዲ ለሦስተኛ ተከታታይ የሥልጣን ዘመን ቃለ-መሐላ ፈጸሙ።

-ሶማሊያ የሠፈረዉ የኢትዮጵያ ሠራዊት የወደፊት ተልዕኮን የሚመለከት መልዕክት ኢትዮጵያ በይፋ እንዳልደረሳት የኢትዮጵያ ዉጪ ጉዳይ ሚንስቴር አስታወቀ።ኢትዮጵያ ከሶማሊላንድ ጋር ያደረገችዉን ዉል ካልሰረዘች የኢትዮጵያ ጦር ከሶማሊያ እንደሚወጣ የሶማሊያ ሁለት ባለሥልጣናት ባለፈዉ ሰኞ አስታዉቀዉ ነበር።-የኢትዮጵያ የሚንስትሮች ምክር ቤት ለመጪዉ የበጀት ዓመት ወደ አንድ ትሪሊዮን ብር መደበ።በሁለተኛዉ የዓለም ጦርነት ወቅት የናትሴ ጀርመንን ድል ያደረጉት የተባባሪ ሐገራት ጦር ኖርማንዴይ ፈረንሳይ የገባበት 80ኛ ዓመት ታሰበ።

የግንቦት 28 ቀን 2016 ዓ.ም. አርዕስተ ዜና ከአስቸኳይ ጊዜ አዋጅ ጋር በተያያዘ ከታሰሩ ከ 80 በላይ ሰዎች ፍርድ ቤት ቀረቡ። ዛሬ በፌዴራል ከፍተኛ ፍርድ ቤት ልደታ ምድብ ችሎት ከቀረቡት ውስጥ ጋዜጠኞች፣ የቤተ ክርስትያን ሰዎች እና ፖለቲከኞች ይገኙበታል ተብሏል። የዘንድሮው የዶቼቬለ የንግግር ነጻነት ሽልማት ለሩስያዊቷ ዩልያ ናቫልናያና ሟቹ ባለቤታቸው አሌክሲ ናቫልኒ ለመሠረቱት በምህፃሩ FBK ለተባለው ፀረ ሙስና ድርጅታቸው ዛሬ ተሰጠ። አንድ «አማራጭ ለጀርመን» የተባለው የጀርመን ፓርቲ ፖለቲከኛ በደቡብ ምዕራብ ጀርመንዋ በማንሀይም ከተማ ትናንት ጥቃት እንደተፈጸመባቸው ፓርቲያቸውና ፖሊስ አስታወቁ።

DW Amharic --ኢትዮጵያ ከደቡብ ኮሪያ 1 ቢሊዮን ዶላር ለመበደር የሚያስችላት ዉል ተፈራረመች። ዛሬ በተጀመረዉ የደቡብ ኮሪያና የአፍሪቃ የመሪዎች ጉባኤ ላይ 30 መሪዎችን ጨምሮ የ48 የአፍሪቃ ሐገራት ባለሥልጣናት ተገኝተዋል። --ኢትዮጵያ ከሶማሊላንድ ጋር የተፈራረመችዉን የወደብና ዕዉቅና የመስጠት የመግባቢያ ስምምነት ካልሰረዘች ሶማሊያ የሠፈሩ የኢትዮጵያ ወታደሮችን ከሀገሯ እንደምታስወጣ ሞቃዲሾ አስታወቀች። --በደቡባዊ ጀርመን ከፍተኛ የጎርፍ አደጋ መድረሱን ተከትሎ፤ ከድንገተኛ ጎርፍ ከለላ ለማግኘት እና ቅድመ ጥንቃቄ ለማድረግ እንዲያስችል ወጪያቸዉን እንዲያሳድጉ ጥሪ ቀረበ።

አርዕስተ ዜና የጠቅላይ ሚኒስትር ዐቢይ አሕመድ ካቢኔ ዛሬ ወደ ፓርላማ የመራው የኢትዮጵያ የምርጫ፣ የፖለቲካ ፓርቲዎች ምዝገባ እና የምርጫ ሥነ-ምግባር አዋጅ ማሻሻያ ህወሓት በኢትዮጵያ ብሔራዊ ምርጫ ቦርድ ሕጋዊ ሆኖ እንዲመዘገብ መንገድ የሚከፍት ነው። በደቡብ አፍሪቃው ምርጫ የድምጽ ቆጠራ ኤ ኤን ሲ ከ50 በመቶ በታች ድምጽ ማግኘቱ ከታወቀ በኋላ ሌሎች ፓርቲዎች ዛሬ የጥምረት ንግግር ለማካሄድ ዝግጅት መጀመራቸው ተሰማ ። የቀድሞው የአሜሪካ ፕሬዝዳንት ዶናልድ ትራምፕ በቀረቡባቸው 34 ክሶች በሙሉ ጥፋተኛ በመባላቸው ላይ የተለያዩ መንግስታትና የፓርቲዎች መሪዎች አስተያየቶች እየተሰጡ ነው።

አማራ ክልል ውጊያ መኪያሄዱ፤ ትግራይ ክልል የምግብ ርዳታ የሚሹ በሚሊዮን የሚቆጠሩ ሰዎች መቸገራቸው፤ ደቡብ አፍሪቃ ብሔራዊ ምርጫ መከናወኑ፤ የየመን ሁቲ አማጺያን ስድስት መርከቦች ላይ ጥቃት መሰንዘራቸውን ማሳወቃቸው፤ ኢራን ለየመን ሁቲዎች የጦር መሣሪያ ድጋፍ እንደምታደርግ ለመጀመሪያ ጊዜ ማረጋገጧ፤ ኒጀር የሚገኘው የጀርመን የአየር መጓጓዣ ጣቢያ አገልግሎት መስጠቱ ይቀጥላል መባሉ፤ ደቡብ አፍሪቃ ብሔራዊ ምርጫ መካሄዱ እንዲሁም ኒጀር የሚገኘው የጀርመን የአየር መጓጓዣ ጣቢያ አገልግሎት መስጠቱ ይሰኛል ።

-ኢትዮጵያ ዉስጥ በኦሮሚያና አማራ ክልሎች የሚደረሱ የሰብአዊ መብት ጥሰቶች አሁን አሳሳቢ ደረጃ ላይ እንደሚገኙ የኢትዮጵያ የሰብአዊ መብቶች ኮሚሽን አስታወቀ።።የመብቶች እና ዴሞክራሲ ዕድገት ማዕከል በበኩሉ መንግስት የደነገገዉን የአስቸኳይ ጊዜ አዋጅ እንዲያነሳ ጠይቋል።-ደቡብ አፍሪቃ ዉስጥ «ልዩ መራጮች» የተባሉ የሐገሪቱ ዜጎች ዛሬ ለሁለተኛ ቀን ድምፅ ሲሰጡ ዉለዋል። -ስጳኝ፣ አየርላንድና ኖርዌ ዛሬ ለፍልስጤም በይፍ የመንግስትነት ዕዉቅና ሰጡ።እስራኤል ርምጃዉን አጥብቃ ተቃዉማዋለች።

እስራኤል ትናንት ምሽት ራፋ ላይ ባካሄደችው የአየር ጥቃት ቢያንስ 35 ፍልስጤማውያን መገደላቸው ተሰማ። ጥቃቱ የተፈጸመው በጦርነቱ የተፈናቀሉ ወገኖች በተጠለሉበት ስፍራ መሆኑ ትኩረት ስቧል። በእስራኤል እና ግብጽ አዋሳኝ ድንበር አካባቢ የተኩስ ልውውጥ አንድ የግብጽ ድንበር ጠባቂ ወታደር ተገደለ። ሁለቱም ሃገራት ጉዳዩን እየመረመሩ መሆኑን አስታውቀዋል። ባለፈው ሳምንት ዓርብ በተከሰተ የመሬት መደርመስ ከሁለት ሺህ በላይ ሕዝብ ከእነሕይወቱ ሳይቀበሩ እንዳለቀረ የፓፓዋ ኒው ጊኒ መንግሥት አመለከተ። የጀርመን ፍርድ ቤት ለሩሲያ በመሰለል በተጠረጠረ ወታደራዊ መኮንን ላይ የሦስት ዓመት ከመንፈቅ እስራት ፈረደ።

DW Amharic --ባለፈው መስከረም ሽቱትጋርት ጀርመን ከተማ በተካሄደ የኤርትራውያን ድግስ ላይ ከተነሳው ብጥብጥ ጋር ተሳታፊ ነው የተባለ አንድ የ28 ዓመት ወጣት ሁለት ዓመት ከዘጠኝ ወር እስራት ተፈረደበት። --ዓለም አቀፉ የፍትህ ፍርድ ቤት (ICJ) እስራኤል በጋዛ ሰርጥ ደቡባዊ ክፍል በምትገኘዉ ራፋህ ከተማ የምታካሂደዉን ወታደራዊ ጥቃት “በአስቸኳይ እንድታቆም ጠየቀ። --ኤል ኒኞየአየር ለዉጥ በዚህ ዓመት በምሥራቅ አፍሪቃ በመቶዎች የሚቆጠሩ ሰዎችን በገደለው የጎርፍ መጥለቅለቅ ላይ "ምንም ዓይነት ተጽዕኖ" እንደሌለው አንድ የሳይንስ ሊቃውንት ቡድን ዛሬ ይፋ ባደረገዉ ጥናት አስታወቀ።

DW Amharic እስራኤል በደቡብ ጋዛ በምትገኘው የራፋሕ ከተማ እያካሄደችው ባለው ጥቃት 35 ፍልስጤማውያን መገደላቸውን የጋዛ የጤና ጥበቃ ሚኒስቴር አስታወቀ። -በጀርመን በሕዝብ በተመረጡ ፖለቲከኞች ላይ እየደረሰ ያለው የአመጽ ጥቃት እንዳሳሰባቸው የጀርመን ፕረዚዳንት ገለጹ። ፕረዚደንቱ ይህን የገለጹት ጀርመን የምትተዳደርበትን መሰረታዊ ሕግ የጸደቀበትን 75ኛ ዓመት ዛሬ በበርሊን ከተማ በተከበረበት መድረክ ነው።-ሩስያ ያለብንን የአየር መቃወምያ እጥረት እንደበጎ ዕድል በመውሰድ ጭካኔ የተሞላበት ጥቃት እየፈጸመችብን ነው ሲሉ የዩክሬይን ፕረዚደንት ቮሎደሚር ዘለንስኪ አስታወቁ።

የግንቦት 14 ቀን 2016 ዓ.ም. ዐርዕስተ ዜና በአማራ ክልል ሰሜን ወሎ ዞን ላሊበላ ከተማና አካባቢዉ የኢትዮጵያ መከላከያ ሠራዊትና የፋኖ ታጣቂዎች ትናንት ሲዋጉ መዋላቸዉን የከተማይቱ ነዋሪዎች አስታወቁ። ከዓፋር ክልል ዘልቀው ገቡ የተባሉ ታጣቂዎች በትግራይ ክልል ራያ ዓዘቦ ወረዳ ሰኞ ሌሊት ለማክሰኞ አጥቢያ በከፈቱት ጥቃት በትንሹ ሰባት ሰዎች ገደሉ። ጥቃቱ የደረሰበት የራያ ዓዘቦ ወረዳ የጋራርሳ ነዋሪዎችና የአካባቢዉ ባለሥልጣናት እንዳስታወቁት ከሟቾቹ አብዛኞቹ ሕፃናትና ልጆች ናቸዉ። ኖርዌይ አየርላንድና ስፔይን ለፍልስጤም እውቅና እንሰጣለን ማለታቸው የፍልስጤም መሪዎችን ሲያስደስት እስራኤልን ደግሞ አስቆጥቷል።

DW Amharic በደቡብ ኢትዮጵያ ክልል አንድ ስፔናዊን ጨምሮ አራት ሰዎች በታጣቂዎች ተገደሉ። የስፔናዊዉ አስክሬን ወደ አዲስ አበባ መላኩ ነዉ የተነገረዉ።- የቀድሞ የደቡብ አፍሪቃ ፕሬዝዳንት ጃኮብ ዙማ በሚቀጥለው ሳምንት በሚካሄደው አጠቃላይ ምርጫ ለፓርላማ አባልነት እንዳይወዳደሩ በሀገሪቱ ህገ-መንግስታዊ ፍርድ ቤት ታገዱ።- በሰሜን ምዕራብ ኢራን ታብሪዝ ከተማ በሺዎች የሚቆጠሩ ኢራናዉያን ዛሬ ወደ ጎዳና በመዉጣት ባለፈዉ እሁድ ምሽት በሄሊኮፕተር አደጋ ለሞቱት ለሃገሪቱ ፕሬዚዳንት እና ለሰባት አጃቢ ባለሥልጣናት የሐዘን ሽኝት አደረጉ። ሟቹ ፕሬዚዳንት ሃሙስ ምሽት በትዉልድ ከተማቸዉ የቀብር ስርዓታቸዉ ይፈፀማል።

• ጠቅላይ ሚኒስትር ዐቢይ አሕመድ የመስኖና ቆላማ አካባቢ ሚኒስትሯ አይሻ መሐመድን የመከላከያ ሚኒስትር አድርገው ሾሙ። • በእነ ቀሲስ በላይ መኮንን ላይ የቀረበውን ክስ ዛሬ ያስቻለው ችሎት ተከሳሾች አሁንም በፖሊስ ጣቢያ እንዲቆዩ ወሰነ። • በኪንሻሳ ትናንት በተካሄደው የመፈንቅለ መንግሥት ሙከራ የውጭ ዜጎች እና ኮንጎዎች ተሳትፈዋል ሲል የዲሞክራቲክ ሪፐብሊክ ኮንጎ ጦር ዛሬ አስታወቀ። • የእስራኤሉ ጠቅላይ ሚኒስትር ቤንያሚን ኔታንያሁ እና ሶስት የሃማስ ከፍተኛ አመራሮች ላይ የእስር ማዘዣ እንዲጣል የዓለም አቀፉ የወንጀል ፍርድ ቤት ICC ዋና አቃቢ ህግ ጠየቁ።

ጠቅላይ ሚኒስትር ዐቢይ አሕመድ “የመንግሥት የሥራ ኃላፊዎች ማንኛውም የውጭ ሀገር የሕክምና ቀጠሮ” ከመከላከያ ስፔሻላይዝድ ሪፈራል ሆስፒታል “ውጪ እንደማይፈቀድ” ተናገሩ። የኬንያ ሰብአዊ መብቶች ኮሚሽን በቅርቡ ከተከሰተው ከባድ ጎርፍ ተጎጂዎችን መጠበቅ አልቻሉም፤ ቸልተኛም ነበሩ ባላቸው ሦስት ባለሥልጣናት ላይ ክስ መሠረተ። ደቡብ ሱዳን ከአንድ የተባበሩት አረብ ኤሚሬቶች ኩባንያ 13 ቢሊዮን ዶላር ለመበደር መቃረቧን የተባበሩት መንግሥታት ባለሙያዎች ገለጹ። በደቡባዊ ጋዛ የምትገኘው ራፋሕ ዛሬ ቅዳሜ ከባድ ውጊያ እና የአየር ድብደባ አስተናገደች። በአፍጋኒስታን ከባድ ዝናብ ባስከተለው ጎርፍ ቢያንስ 68 ሰዎች ሕይወታቸውን አጡ።

-በኢትዮጵያ የዩናይትድ ስቴትስ አምባሳደር ሥለ ኢትዮጵያ ፖለቲካዊና የሰብአዊ መብት ይዞታ የሰጡትን አስተያየት ኢትዮጵያ አጥብቃ ተቃወመችዉ።የኢትዮጵያ ዉጪ ጉዳይ ሚንስቴር ባወጣዉ መግለጫ የአምባሳደሩን አስተያየት «ሐሰት« ና «ተቀባይነት» የሌለዉ በማለት አጣጥሎታል።-በደቡብ ኢትዮጵያ ክልል ዎላይታ ዞን ደሞዝ ያልተከፈላቸዉ የመንግስት ሠራተኞች ዛሬ ለሁለተኛ ጊዜ ያደረጉት ሰልፍ በፖሊስ ኃይል ተበተነ።-የሩሲያዉ ፕሬዝደንት ቭላድሚር ፑቲን መንግስታቸዉ ከዩክሬን ጋር የገጠመዉን ጦርነት በድርድር ለመፍታት ዝግጁ መሆኑን በድጋሚ አስታወቁ።

-ፑቲን፤ ቻይና በዩክሬን ውስጥ ላለው ጦርነት መፍትሄ ለማፈላለግ ስለመሞከርዋ አመሰገኑ። ፑቲን ይህ የተናገሩት ለሁለት ቀናት ጉብኝት መዲና ቤጂንግ ዛሬ ማለዳ ከገቡ በኋላ ነዉ። የኢትዮጵያ ሕዝቦች አብዮታዊ ፓርቲ (ኢሕአፓ) የታሰሩበትን ሊቀመንበ ጨምሮ የኅሊና እስረኞች ያላቸው ሌሎች ታሳሪዎች ሁሉ ያለምንም ቅድመ-ሁኔታ ይፈቱ ሲል ጠየቀ። በኢትዮጵያ ሲቪል ማሕበረሰብ ድርጅቶች ምክር ቤት ጥላ ሥር የሚገኙ፤ 367 ሲቪል ድርጅቶች፤ ሕገ መንግሥት እና ሕገ መንግስታዊነት ብሎም የሀብት እና የሥልጣን ክፍፍል፤ ዋነኛ የሀገራዊ ምክክር ጉዳዮች እንዲሆኑ ጠየቁ።

የግንቦት 7 ቀን 2016 ዓ.ም. ዋና ዋና ዜናዎች በደቡብ ኢትዮጵያ ክልል የሶዶ ዙሪያ ወረዳ የመንግሥት ሠራተኞች ደሞዝ እንዲከፈላቸው በአደባባይ ሠልፍ ጠየቁ። ሠራተኞቹ ለሁለት እና ለሦስት ወራት ያህል ደሞዝ ባለማግኘታቸው ከነቤተሰባቸው ለችግር መጋለጣቸውን ተናግረዋል። ደቡብ ሱዳን ዉስጥ ከሰባት ሚሊዮን የሚበልጥ ሕዝብ ለአስከፊ ረሐብ መጋለጡን የተመድ አስታወቀ። ማዕከላዊ ኬንያ ውስጥ የወረደውን ከባድ ዝናብ ተከትሎ በደረሰው የመሬት መንሸራተት እስካሁን አምስት ሰዎች የገቡበት አልታወቀም። የስሎቬኪያ ጠቅላይ ሚኒስትር ሮበርት ፊኮ በዛሬው ዕለት በጥይት ተመትተው ሆስፒታል ገቡ። የተኮሰባቸው ተጠርጣሪ በፖሊስ ተይዟል።

አርእስተ-ዜና፦ ሰሜን ሸዋ፥ ቀዎት እና ሞላሌ ወረዳዎች የድሮን ጥቃት፤ ጋምቤላ፥ ኢታንግ የ10 ሰዎች ሕይወት በግጭት ማለፉ ተገለጠ፤ አ.አ፥ ብርቱ የእሳት አደጋ ንብረት አወደመ፤ ራፋ፥ እሥራኤል 76ኛ የነጻነት ቀኗን ባቀረበችበት ቀን ውጊያ በጋዛ፤ ኪዬቭ፥ የዩናይትድ ስቴትስ ውጭ ጉዳይ ሚንስትር ዩክሬንን ድንገት ጎበኙ፤ ሙምባይ፥ ግዙፍ የማስታወቂያ ሠሌዳ ተደርምሶ ቢያንስ 14 ሰዎች ገደለ

DW Amharic አርሰተ ዜናዎች -በኬንያ በተከሰተዉ ዝናብና ጎርፍ ሳብያ ለሁለት ሳምንት ተዘግተዉ የነበሩት ት/ ቤቶች ዛሬ ተከፈቱ። በጎርፍ አደጋዉ በትንሹ 277 ሰዎች ሞተዋል። -እስራኤል በጋዛ ከሃማስ ጋር በምታካሂደዉ ጦርነት የዘር ማጥፋት ወንጀል ፈጽማለች ስትል ደቡብ አፍሪቃ በዓለም አቀፉ ፍርድ ቤት በእስራኤል ላይ ያቀረበችውን ክስ ግብፅ በይፋ ለመደገፍ ፍላጎት እንዳላት ገለፀች። -በአውሮጳና በአሜሪካ የሚኖሩ ከቻይናና ከሆንግ ኮንግ የመጡ ተማሪዎች በቤጂንጉ መንግስት ጫና እየደረሰባቸው መሆኑን አምነስቲ አጋለጠ። -በጀርመን በዉጭ ተዋናዮች የሚደርሰዉ የሳይበር ጥቃት መጨመሩን የጀርመን ባለስልጣናት ዛሬ ገለፁ።

ዐቢይ አሕመድ “በማይገባ ነገር መገዳደል ይብቃን” የሚል ጥሪ አቀረቡ። ቡሩንዲ አማፂያንን በማሰልጠን እና በማስታጠቅ ጎረቤት ሀገሯ ሩዋንዳን ወነጀለች። ደቡብ አፍሪቃ በእስራኤል ላይ የከፈተችውን ክስ ግብፅም እንደምትቀላቀል አስታወቀች። የሩስያ ወታደሮች ከዩክሬን ኻርካይቭ ግዛት ተጨማሪ መንደሮች በቁጥጥር ስር ማዋላቸውን ገለጸች።

በኢትዮጵያ የ12ኛ ክፍል ፈተና ከሐምሌ 3 እስከ 12 ቀን 2016 ሊሰጥ ነው። የኢትዮጵያ ብሔራዊ ምርጫ ቦርድ ቀሪ ምርጫ በሚደረግባቸው ቤኒሻንጉል ጉሙዝ እና አፋር ክልሎች፤ ድጋሚ ምርጫ በሚደረግባቸው በጅግጅጋ 2 እና መስቃን እና ማረቆ ምርጫ ክልሎች የዕጩዎችን ምዝገባ እስከ ሐምሌ 6 ቀን 2016 አራዘመ። በአፍጋኒስታን ሦስት ግዛቶች በደረሰ የጎርፍ አደጋ የሞቱ ሰዎች ቁጥር 153 መድረሱን የሀገሪቱ መንግሥት አስታወቀ። የጸጥታ ጥበቃው ምክር ቤት በጋዛ ሁለት ሆስፒታሎች በተገኙ የጅምላ መቃብሮች ላይ ምርመራ እንዲደረግ ጥሪ አቀረበ። እስራኤል ራፋሕን ጨምሮ በጋዛ የተለያዩ አካባቢዎች ዛሬ ቅዳሜ ኃይለኛ ድብደባ ፈጽማለች።

እናት ፓርቲ እና መኢአድ በቤኒሻንጉል ጉሙዝ፣ አፋር፣ ሶማሌ እና ማዕከላዊ ኢትዮጵያ ክልሎች በሚቀጥለው ወር ከሚካሔደው ምርጫ ራሳቸውን አገለሉ። የፍልስጤምን የተባበሩት መንግሥታት አባልነት የጸጥታ ጥበቃው ምክር ቤት እንዲቀበል የድርጅቱ ጠቅላላ ጉባኤ ጠየቀ። በደቡብ አፍሪካ በግንባታ ላይ የነበረ ሕንጻ ሲደረመስ የሞቱ ሰዎች ቁጥር 12 ደረሰ። በቻድ ምርጫ ጄኔራል ማሕማት ኢድሪስ ዴቢ ማሸነፋቸው ሲሰማ ደስታቸውን ለመግለጽ አደባባይ ከወጡ ሰዎች መካከል የተወሰኑት ለፌሽታ በተተኮሰ ጥይት ሲገገደሉ በርካቶች ቆሰሉ። እስራኤል በራፋሕ የምታደርገው ዘመቻ ከፍተኛ ሰብአዊ አደጋ እንደሚያስከትል አንቶኒዮ ጉቴሬዝ አስጠነቀቁ።

አ.አ፥ የፕሬስ ነጻነት በኢትዮጵያ ማሽቆልቆሉ ተገለጠ፤ ወለጋ፥ ጠ/ሚ አብይ አሕመድ ነቀምቴ ስታዲየም ንግግር አሰሙ፤ ናይሮቢ፥ በጎርፍ አደጋው ማግሥት የኮሌራ ወረርሺን ሥጋት አጭሯል፤ ጋዛ፥ የራፋሕ መሸጋገሪያ ሰብአዊ ቀውሱ ተባብሷል፤ ሞስኮ፥ ከዩክሬን ጉዳይ ፈረንሣይ እጇን እንድታነሳ ሩስያ አስጠነቀቀች፤ ማድሪድ፥ለሻምፒዮንስ ሊግ ግማሽ ፍጻሜ ሪያል ማድሪድ ከባዬርን ሙይንሽን

-መንገደኞችን አሳፍሮ ከሐዋሳ ወደ አዲስ አበባ ይበር የነበረ አንድ የኢትዮጵያ አየር መንገድ በረራ ላይ እያለ የተፈጠረበት ጢስና መንጋጫገጭ መንገደኞችን ማስጋትና ማስጨነቁ ተነገረ።አዉሮፕላኑ አደጋ ሳይደርስበት አዲስ አበባ አርፏል።-የእስራኤል እግረኛ ጦር በሕዝብ የተጨናነቀችዉን የጋዛ የጠረፍ ከተማ ራፋሕን ለመዉረር መዘጋጀቱ አለም አቀፍ ሥጋትና ዉጥረት አስከትሏል።የፍልስጤም ራስ ገዝ መስተዳድር፣ የተባበሩት መንግስታት ድርጅትና የአዉሮጳ ሕብረት ራፋሕ እንዳትወረር አሜሪካ ጣልቃ ትገባ ዘንድ እየተማፀኑ ነዉ።-የሩሲያዉ ፕሬዝደንት ቭላድሚር ፑቲን መንግስታቸዉ ከምዕራባዉያን ባለንጦቹ ጋር ለመደራደር ዝግጁ መሆኑን አስታወቁ።

-የእስራኤል ጦር በደቡባዊ ጋዛ ሰርጥ ወታደራዊ ዘመቻን ለመጀመር ወደ 100 ሺህ የሚሆኑ የራፋህ ነዋሪዎች አካባቢዉን ለቀዉ እንዲወጡ አዘዘ። -የአዉሮጳ ህብረት የዉጭ ጉዳይ ተጠሪ ጆሴፕ ቦሬል እስራኤል በራፋህ የሚገኙ ሲቪል ነዋሪዎች እንዲለቁ ትእዛዝ ማስተላለፏ ሁኔታዉን አስከፊ ያደርገዋል ሲሉ አሳሰቡ። የዮርዳኖስ የውጭ ጉዳይ ሚኒስትር በበኩላቸዉ በፍልስጤማዉያን ላይ ሌላ እልቂት እያንዣበበ ነዉ ሲሉ አስጠንቅቀዋል። -በኢትዮጵያ ኦርቶዶክስ ተዋሕዶ ቤተክርስቲያንና አገልጋዮቿ ላይ የሚደረገው "ማሳደድና እስር በአስቸኳይ ይቁም" ሲል እናት ፓርቲ ጠየቀ። -ቻድ ፕሬዝዳንታዊ ምርጫ እያካሄደች ነው።

የሚያዚያ 24 ቀን 2016 ዓ.ም. አርዕስተ ዜና በአማራ ክልል ሰሜን ወሎ ዞን የላስታ ወረዳ አስተዳዳሪ አቶ ጌታቸው መልሴና የወረዳው ጤና ጽ/ቤት ኃላፊ አቶ ሚሊዮን አፈወርቅ እንዲሁም የራያ አላማጣ ዋና አስተዳዳሪ አቶ ሞላ ደርበው ሰሞኑን በታጣቂዎች ተግደለዋል ሲሉ ነዋሪዎች ለዶቼቬለ ገልጸዋል። የጋዛው ጦርነት ጦርነቱ ዛሬ ቢቆም እንኳን የወደሙትን ቤቶች መልሶ ለመገንባት ቢያንስ 16 ዓመታት ሊወስድ እንደሚችል የተመድ አስታወቀ። የአውሮጳ ኅብረት ለሊባኖስ አንድ ቢሊዮን ዩሮ ወይም 1.07 ቢሊዮን ዶላር የሚጠጋ የፋይናናስ እርዳታ ለመስጠት ቃል ገባ።

የአውሮፓ ኅብረት ለኢትዮጵያውያን የቪዛ አሰጣጥ ሒደት እንዲጠብቅ ያሳለፈውን ውሳኔ እንዲያጤን ኢትዮጵያ ጠየቀች። የአፍሪካ ኅብረት በኢትዮጵያ ንግድ ባንክ አካውንቶች 6 ሚሊዮን ዶላር ለማጭበርበር የተደረገ ሙከራ ማክሸፉን አስታወቀ። ከ7 ሚሊዮን በላይ ደቡብ ሱዳናውያን የምግብ ዋስትና እጦት ሊገጥማቸው እንደሚችል ተመድ አስጠነቀቀ። እስራኤል በጋዛ ወደምትገኘው ራፋ ያቀደችውን ወታደራዊ ዘመቻ አሜሪካ አሁንም እንደምትቃወም ውጭ ጉዳይ ሚኒስትር ለጠቅላይ ሚኒስትር ቤኒያሚን ኔታንያሁ ገለጹ። ሩሲያ በዩክሬን ጦርነት የማረከቻቸውን የምራባውያን የጦር መሣሪያዎች፣ ብረት ለበስ ተሽከርካሪዎች እና ወታደራዊ ሠነዶች በሞስኮ ለዕይታ አቀረበች።

--የአውሮጳ ህብረት ለኢትዮጵያውያን ዜጎች የሚሰጠውን ቪዛ ለመገደብ መወሰኑን ዛሬ አስታወቀ። --በኬንያ ስምጥ ሸለቆ ከተማ አቅራቢያ የሚገኝ አንድ ግድብ ተንዶ በትንሹ 42 ሰዎች ሞቱ። -ቡርኪናፋሶ ወታደራዊ ጁንታ የዶቼ ቬሌን ራድዮ ጨምሮ የተለያዩ ዓለምአቀፍ የዜና ማሰራጫዎችንና ጋዜጦችን ማገዱ አስታወቀ። -የዩናይትድ ስቴትስ የውጭ ጉዳይ ሚኒስትር አንቶኒ ብሊንከን የእስራኤል እና የሃማስ ጦርነት ሲያበቃ፤ ከአረብ ሀገራት መሪዎች ጋር በጋዛ ጉዳይ ላይ ለመምከር በሳዑዲ ዋና ከተማ ሪያድ መግባታቸዉ ተዘገበ። ዝርዝሩን ያድምጡ!

በኬንያ ከመጋቢት ጀምሮ እየጣለ የሚገኘው ከባድ ዝናብ ባስከተለው ጎርፍ የሞቱ ሰዎች ቁጥር ወደ 76 አሻቀበ። ሱዳን በተባበሩት አረብ ኤሚሬቶች “ትንኮሳ” ላይ የጸጥታ ጥበቃ ምክር ቤት በአስቸኳይ እንዲወያይ ጥያቄ አቀረበች። የፖርቹጋል መንግሥት አፍሪካውያን በባርነት ሲሸጡም ሆነ በቅኝ ግዛት ወቅት ለተፈጸሙ ወንጀሎች ካሳ ለመክፈል ምንም አይነት ሒደት እንደማይጀምር አስታወቀ። ወግ አጥባቂው የእስራኤል የፋይናንስ ሚኒስትር ቤዛሌል ስሞትሪች በራፋ የታቀደው ወረራ ከተሰረዘ የጠቅላይ ሚኒስትር ቤኒያሚን ኔታንያሁን መንግሥት እንደሚያፈርሱ ዛቱ። ሁለት ዩክሬናውያን በላይኛው ባቫሪያ በስለት ተወግተው መገደላቸውን የጀርመን ፖሊስ አስታወቀ።

የኦፌኮ አመራሮች እስራት፤ የፓርቲው መግለጫ ሩዋንዳ፤ ለዲሞክራቲክ ሪፐብሊክ ኮንጎ ውንጀላ ምላሽ ሰጠች ቤኒን፤ ፖሊስ ሰልፈኞች ላይ አስለቃሽ ጭስ ተኮሰ ሃማስ አዲሱን የእስራኤል የእርቅ ሃሳብ እንደሚያጤን አስታወቀ የዩክሬን ፕሬዝዳንት ቮሎዲሚር ዘሌንስኪ ጥሪ አትሌት መዲና ኢሳ በ 5ሺህ ሜትር የዓለም ክብረ ወሰን ሰበረች

የሚያዚያ 18 ቀን 2016 ዓ.ም. አርዕሰተ ዜና የአፍሪቃ ሕብረት «የውጭ ምንዛሪ ሒሳቡን ወደ ሌላ ሀገር ሊያዘዋውር ነው» በሚል የተሰራጨው መረጃ «የተሳሳተ» ነው ሲል የኢትዮጵያ ውጭ ጉዳይ ሚኒስቴር ዛሬ አስታወቀ። የሶማሊያ መንግሥት ራሽን በመስረቅ የተጠረጠሩ በዩናይትድ ስቴትስ የሰለጠኑ የልዩ ኮማንዶ አባላት ማገዱንና ማሰሩን አስታወቀ። በጋዛ ሰርጥ አስቸኳይ ፣ቅድመ ሁኔታ የሌለውና ዘላቂ የተኩስ አቁም እንዲደረግ ቻይና ጥሪ አቀረበች። የቻይና ውጭ ጉዳይ ሚኒስትር ቃል አቀባይ በጋዛ የተኩስ አቁም ላይ እንዲደረስ በጸጥታው ምክር ቤት የሚደረገውን ጥረት ማደናቀፍ እንዲቆምም ጠይቃለች።

የሰላም ሚኒስትር ደኤታ የነበሩት አቶ ታዬ ደንደአ በዛሬ ዕለት የፀረሰላም ኃይሎችን በመደገፍና ጦር መሣሪያ ይዞ በመገኘት ወንጀል ክስ ተመሰረተባቸው። ታንዛኒያ ውስጥ በደረሰ የጎርፍ አደጋ የ155 ሰዎች ሕይወት መጥፋቱን የሀገሪቱ ጠቅላይ ሚኒስትር አስታወቁ። እስያ ውስጥ ደግሞ በሙቀት ማዕበል ሰዎች እየሞቱ ነው። ቱርክና ግሪክ ከሰሃራ በመጣ አቧራ አየራቸው ታፍኗል። በማዕከላዊ ናይጀሪያ ከባድ ዝናብ በእስር ቤት ላይ ጉዳት ማድረሱን ተከትሎ 120 የሚሆኑ እስረኞች ማምለጣቸው ተሰማ። ባለፉት ጥቂት ዓመታት በኢትዮጵያም ሆነ በመላው ዓለም የወባ በሽታ ስርጭት በእጅጉ መስፋፋቱ እና የሚያደርሰው ጉዳትም እየከፋ መምጣቱ ተገለጸ።

ባለፈው ሳምንት በሰነድ ማጭበርበር ወንጀል ተጠርጥረው የታሰሩት የኢትዮጵያ ኦርቶዶክስ ተዋህዶ ቤተክርስቲያን አገልጋይ ቀሲስ በላይ መኮንን ዛሬ ለሁለተኛ ጊዜ ፍርድ ቤት ቀረቡ፡፡---አዲስ አበባ ዉስጥ የሁለት ቤተሰብ አባላት በሚኖሩበት ቤት ላይ ዛሬ ማለዳ የተናደ ድንጋይና አፈር 7 ሰዎች ገደለ።---ጎርፍ ሰሞኑን ኬንያ ዉስጥ 32፣ ታንዛኒ 58 ሰዎች ሲገድል ቡሩንዲ ዉስጥ ከ100 ሺሕ በላይ ሕዝብ አፈናቅሏል።-----ዓለም ከሁለተኛዉ የዓለም ጦርነት ፍፃሜ ወዲሕ የምትመራበት ሕግና ሥርዓት ከጥፋት አፋፍ ላይ መድረሱን አምንስቲ ኢንተርናሽናል አስታወቀ።

የሚያዚያ 15 ቀን 2016 ዓም አርዕስተ ዜና የይገባኛል ጥያቄ በሚነሳባቸው በትግራይ እና አማራ ክልል አዋሳኝ አካባቢዎች በሚገኙ ከተሞች በተነሳው ግጭት የተፈናቀሉት ሰዎች ቁጥር ከ50 ሺህ መብለጡን የተመድ አስታወቀ። ስደተኞችን የጫነች ጀልባ ጅቡቲ የባህር ዳርቻ ላይ ሰጥማ 16 ሰዎች መሞታቸውን 28 ሰዎች ደግሞ የደረሱበት እንዳልታወቀ IOM ዛሬ አስታወቀ። የብሪታንያ ጠቅላይ ሚኒስትር ሪቺ ሱናክ ብሪታንያ የሚገኙ ተገን ጠያቂዎችን ወደ ሩዋንዳ ከመላክ የሚያግዳቸው እንደሌለ አስታወቁ። ስደተኞች በትናንሽ ጀልባዎች ወደ ብሪታንያ እንዳይመጡ የሚከለክል ሕግ የብሪታንያ ፓርላማ ካጸደቀ በኋላ ነው ሱናክ ይህን ያሉት።

የሚያዝያ 13 ቀን 2016 ዓ/ም የዓለም ዜና

በቤጂንግ የግማሽ ማራቶን ውድድር ቻይናዊ ሯጭን ሆን ብለው አሸናፊ አድርገውታል የተባሉት ኢትዮጵያዊ እና ኬንያዊ አትሌቶች እንዲሁም ቻይናዊዉ አትሌት የወሰዱትን ሜዳሊያና ሽልማት ተነጠቁ። ኬንያ የመከላከያ ኢታማዦር ሹሙን ጨምሮ ሌሎች ዘጠኝ ከፍተኛ መኮንኖች በሄሊኮፕተር አደጋ ከሞቱ። ዛሬ በሃገሪቱ የሦስት ቀናት ሃዘን ታወጇል። በ1 ሚሊየን የምርጫ ጣቢያዎች ድምጻቸውን የሚሰጡ ህንዳውያን ለስድስት ሳምንታት የሚዘልቀዉን ምርጫ ዛሬ ጀመሩ። አሜሪካ በተመድ የፀጥታ ም/ቤት ውስጥ ሙሉ አባል ለመሆን ፍልስጤም ያቀረበችዉን ማመልከቻ ድምጽን በድምጽ የመሻር መብቷን ተጠቅማ ዉድቅ አደረገች።

በደቡብ ኢትዮጵያ ክልል የልጃገረዶች ጠለፋ መባባሱ ተገለጠ። በክልሉ ኮሬ ዞን ውስጥ «እየተባባሰ መጥቷል» ባሉት ጠለፋ የተነሳ ሴት ልጆቻቸውን ወደ ትምህርት ቤት ለመላክ መቸገራቸውን ነዋሪዎች ተናግረዋል። ቡርኪና ፋሶ ሦስት የፈረንሳይ ዲፕሎማቶችን ከሀገር አባረረች። ፈረንሳይ ውሳኔውን አሳዛኝ ብላዋለች። የደቡብ ሱዳን ፖለቲከኞች በሀገሪቱ ምርጫ ለማካሄድ አስቸኳይ እርምጃ መውሰድ እንዳለባቸው የተመድ አሳሰበ። ኢራን እስራኤል የኒኩሊየር ተቋሟ ላይ ጥቃት የምትሰነዝር ከሆነ በአጸፋው የእስራኤልን የኒኩሊየር መሰረተ ልማት ኢላማ እንደምታደርግ አስጠነቀቀች።

የሚያዝያ 7 ቀን 2016 ዓ.ም ዋና ዋና ዜናዎች፤ የኦሮሞ ነጻነት ግንባር ኦነግ የፖለቲካ ኦፊሰር አቶ በቴ ዑርጌሳ ግድያ ጋር በተያያዘ በኦሮሚያ ክልል በህቡዕ ተጠርቷል በተባለው አድማ በአንዳንድ አካባቢዎች የመጓጓዣ እንቅስቃሴ ገደብ መኖሩ እየተነገረ ነው። ሱዳን ውስጥ በየቀኑ 20 ሺህ የሚሆኑ ሰዎች ከቤት ንብረታቸው እንደሚፈናቀሉ የተመድ አመለከተ። የኢራን እስራኤል ውዝግብ እንዳይባባስ ሃገራት እያሳሰቡ ነው። ኢራን በበኩሏ ውጥረቱ እንዲባባስ እንደማትፈልግ ስትገልጽ፤ የእስራኤል የጦር ካቢኔ ስብሰባ ማድረጉ ተዘግቧል። ኦማን ውስጥ በተከሰተው የጎርፍ አደጋ ቢያንስ 14 ሰዎች ሳይሞቱ እንዳልቀረ ተገለጸ።

ኢትዮጵያ በሶማሌላንድ የባሕር ኃይል እንድታቋቁም እንደማትፈቅድ ሶማሊያ አስታወቀች። በውይይት ኢትዮጵያ ለንግድ አገልግሎት ወደብ የምታገኝበትን ዕድል ሶማሊያ ልታጤን እንደምትችል የሀገሪቱ ውጭ ጉዳይ ሚኒስትር ተናግረዋል። የአፍሪካ ኅብረት ማሊ ወደ ሲቪል አስተዳደር የምትመለስበትን ፍኖተ-ካርታ እንድታቀርብ ጠየቀ። ናይጄሪያ አዲስ የማጅራት ገትር መከላከያ ክትባት ለዜጎቿ መስጠት ጀመረች። ጀርመን የሩሲያን ጥቃት ለመመከት ለዩክሬን ተጨማሪ ፓትሪዮት የአየር መከላከያ ሥርዓት ልትሰጥ ነው። የኢራን አብዮታዊ ዘብ አባላት ከእስራኤል ግንኙነት አለው የተባለ መርከብ ተቆጣጠሩ። በአውስትራሊያ በስለት በተፈጸመ ጥቃት ስድስት ሰዎች ተገደሉ።

የአርብ ሚያዚያ ሦስት ቀን 2016 ዓ.ም. አርዕስተ ዜና አዲስ አበባ ውስጥ በቦሌ ክፍለ ከተማ ዛሬ ጠዋት ፖሊስ የፋኖ አባላት ናቸው ካላቸው ግለሰቦች ጋር የተኩስ ልውውጥ አድርጎ ሁለቱን መግደሉን አስታወቀ። ሁለት የአዲስ አበባ ፖሊስ አባላት መቁሰላቸውን የአዲስ አበባ ፖሊስ ኮሚሽን አስታውቋል። ፖሊስ ፣ በኦሮሞ ነጻነት ግንባር የፖለቲካ ኦፊሰር አቶ በቴ ኡርጌሳ ግድያ የተጠረጠሩ 13 ሰዎችንማሰሩን የኦሮምያ ብሮድካስቲንግ ኔት ዎርክ ዘገበ ። ቡ በሳዑዲ ዓረቢያ እሥር ቤቶች ተይዘው ከነበሩት ኢትዮጵያውያን መካከል ከ800 የሚበልጡት ዛሬ አዲስ አበባ ገቡ ።

አርዕስተ ዜና፦ መቐለ፥ ትግራይ ክልል «በእሥር ላይ ናቸው» የተባሉ የመከላከያ ሠራዊት አባላት፥ መቂ፤ የፖለቲከኛ ቤቴ ኡርጌሳ ስርዓተ ቀብር ተፈጸመ፤ ጄኔቫ፥የሱዳን የእርስ በእርስ ጦርነት እንዲያከትም ተመድ ጥሪ አስተላለፈ፤ ጋዛ፥ የፍልስጤሙ ታጣቂ ቡድን ሐማስ መሪ ሦስት ልጆች ተገደሉ፤ ኪዬቭ፥ ሩስያ የዩክሬን የኃይል ማመንጫዎችን በሚሳይሎች ደበደበች፤ ኢዝላማባድ፥ ፓኪስታን ለኢድ በዓል ሲጓዙ የነበሩ መንገደኞች አውቶቡስ ተገልብጦ 17 ሞቱ

አርዕስተ ዜና 1 ሺህ 445 ኛው የኢድ አልፈጥር በዓል ዛሬ በመላ ኢትዮጵያ ተከብሮ ውሏል። በዓሉ በብሔራዊ ደረጃ በተለይም በአዲስ አበባ ስታድዮም በርካታ የእስልምና እምነት ተከታዮች በተገኙበት በጋራ ፀሎትና በኢድ ሶላት ተከብሯል። የኦሮሞ ነጻነት ግንባር (ኦነግ) የፖለቲካ ኦፊሰር በቴ ዑርጌሳ ምስራቅ ሸዋ ዞን መቂ ከተማ ትናንት ሌሊት ካደሩበት ሆቴል ተወስደው መገደላቸውንና አስከሬናቸው ወደ ባቱ (ዝዋይ) መውጫ መንገድ ዳር ተጥሎ ዛሬ ጠዋት መገኘቱንም ተናግረዋል። እውቁ ተወዳጅ ድምጻዊ በኋላም መንፈሳዊ ሕይወት ውስጥ የገባው ሙሉቀን መለሰ ትናንት በአሜሪካን ዋሽንግተን ዲሲ ከዚህ ዓለም በሞት ተለየ።

አርዕስተ ዜና፦ አ.አ፥ የምክር ቤት አባላት የችሎት ውሎ፤ ጋምቤላ፥ አራት አመራሮች ከኃላፊነታቸው ተነሱ፤ ጅቡቲ፥ባሕር የሰጠሙ 38 ኢትዮጵያውያn አስክሬኖች ተሰበሰበ፤ ጄኔቫ፥የጉበት ተሐዋሲ በእየቀኑ ከ3,500 በላይ ሰዎች ሞት ምክንያት ነው ተባለ፤ ደብሊን፥የ37 ዓመቱ ሲሞን ሐሪስ የአየርላንድ ጠቅላይ ሚንሥትር ሆኑ፤ ማድሪድ፥ የሻምፒዮንስ ሊግ የሩብ ፍጻሜ ጨዋታዎች

የጠቅላይ ሚኒስትር ዐቢይ አሕመድ መንግሥት ደጋፊዎች አዲስ አበባን ጨምሮ በተለያዩ የኢትዮጵያ ከተሞች ሠልፍ አደረጉ። በአማራ ክልል የደብረ ብርሀን እና ደሴ ከተሞችን የሚያገናኘው ዋና አውራ ጎዳና ከዛሬ ጀምሮ ለመንገደኞች ክፍት እንደሆነ የሰሜን ሸዋ ዞን አስተዳደር አስታወቀ። ሐማስ የግብጽ አደራዳሪዎች ባቀረቡት ግብዣ ነገ እሁድ ለሚካሔደው የተኩስ አቁም ንግግር ልዑካኑን ወደ ካይሮ መላኩን አስታወቀ። ሩሲያ በዩክሬን ኻርካይቭ ከተማ በሚሳይሎች በፈጸመችው ድብደባ ስድስት ሰዎች ተገደሉ። በሶርያ ዳራ ግዛት በተከሰተ ፍንዳታ ሰባት ሕጻናት ተገደሉ። በፕራግ የግማሽ ማራቶን የሩጫ ውድድር ኢትዮጵያዊቷ ጌጤ ዓለማየሁ አሸነፈች።

ትናንት ጠዋት በምዕራብ ጎጃም ዞን ፍኖተ ሰላም ከተማ በዳሞት መሰናዶ ትምህርት ቤት ውስጥ በተጣለ ቦምብ 31 ተማሪዎች መቁሰላቸው ተሰማ። ከምሥራቅ ወለጋ ዞኖች ተፈናቅለው ደብረብርሀን በመጠለያ ስፍራ ቆይተው የተመለሱ ዜጎች ወደ ገጠር ቤታቸው ገብተው መሥራት እንዳልቻሉ አመለከቱ። የዓለም ባንክ ከኢትዮጵያ ጋር የ1,7 ቢሊየን ዶላር ብድር መፈራረሙን የፋይናንስ ሚኒስቴር አስታወቀ። የፓሪስ ክለብ አበዳሪ ሃገራትም ለኢትዮጵያ የሰጡትን የጊዜ ገደብ እስከ ሰኔ መጨረሻ ማራዘማቸው ተነገረ። እራስ ገዞቹ ፑንትላንድ እና ሶማሊላንድ የሶማሊያ መንግሥት የቆንስላ ጽሕፈት ቤቶች እንዲዘጉ ያስተላለፈውን ውሳኔ እንደማይቀበሉ አስታወቁ።

-የኢትዮጵያ መንግስት ጦር ኃይል በአማራ ክልል አድርሶታል ተብሎ የሚጠረጠረዉን የጦር ወንጀል የተባበሩት መንግስታት ድርጅት እንዲያጣራ ሁዩማን ራይትስ ወች ጠየቀ።የመብት ተሟጋቹ ድርጅት እንደሚለዉ የመንግስት ወታደሮች አማራ ክልል መራዓዊ ከተማ ዉስጥ በርካታ ሰላማዊ ሰዎች ገድለዋል።ሐብት ንብረት አዉድመዋልም። -የኢትዮጵያና የሶማሊያ የዲፕሎማሲ ዉዝግብ እየተካረረ ነዉ።ሶማሊያ ዛሬ በሞቃዲሾ የኢትዮጵያን አምባሳደር አባርራለች።የራስዋን አምባሳደርም ከአዲስ አበባ ጠርታለች።ፑንትላንድና ሶማሊላንድ የሚገኙ የኢትዮጵያ ቆስላ ፅሕፈት ቤቶች እንዲዘጉ አዝዛለችም።የፑንትላንድ ከፍተኛ ባለስልጣናት አዲስ አበባን እየጎበኙ ነዉ።

-የኢትዮጵያ የሕዝብ ተወካዮች ምክር ቤት የመኖሪያ ቤት አከራይና ተከራዮችን ሚዛናዊ በሆነ መንገድ ያገለግላል ያለዉን አዲስ ሕግ አፀደቀ።ምክር ቤቱ «የመኖሪያ ቤት ኪራይ ቁጥጥርና አስተዳደር አዋጅ» ያለዉ ሕግ በአከራይ፣ በተከራይና በመንግስት መካከል ግልፅነትና ተጠያቂነትን ለማስፈን ይረዳል ተብሏል። -የእስራኤል ጦር ለጋዛ ሕዝብ ርዳታ የሚሰጡ ሠራተኞችን መግደሉን የሐገሪቱ ጠቅላይ ሚንስትር አመኑ።ጥቃቱን የተለያዩ መንግስታትና ድርጅቶች አዉግዘዉታል።በሌላ በኩል ደማስቆ-ሶሪያ የሚገኘዉ የቆንስላ ፅሕፈት ቤቷ ትናንት የጋየባት ኢራን እስራኤል ለመበቀል ዛተች።የዜናዉ መልዕክት የእስካሁኑ ነበር።

ኬንያ ከአገር ጎብኚዎች የምታገኘው ገቢ እያደገ መምጣቱን የሃገሪቱ ባለስልጣናት አስታወቁ። በቱርክ ዛሬ እየተካሄደ ባለው አካባቢያዊ ምርጫ በተነሳ ግጭት 1 ሰው ሲገደል 12 መቁሰላቸውን ተሰማ። የፈረንጆቹ የትንሳኤ በዓል በሚከበርበት በዛሬው ዕለት ሩስያ በዩክሬይን ሌቪቭ ዞን መጠነሰፊ የአየርና የሚሳይል ጥቃት ማካሄዷን አስታወቀች። ፈረንሳይ ለዩክሬን ተጨማሪ ብረት ለበስ ተሽከርካሪዎችና የአየር መቃወሚያ ሚሳይሎችን እንደምትሰጥ አስታወቀች።

የኢትዮጵያ ካፒታል ገበያ ባለሥልጣን የመጀመሪያውን የሰነደ ሙዓለ-ንዋይ አማካሪነት ፈቃድ ለዲሎይት ሰጠ።የጋምቤላ ክልል ችግር “እየተባባሰ እንዲሔድ የማድረግ ዝንባሌ” እንዳለ የክልሉ መንግሥት አስጠነቀቀ።ባሲሩ ዲዮማይ ፋይ የሴኔጋል ፕሬዝደንት ሆነው ማክሰኞ ቃለ-መሐላ ሊፈጽሙ ነው። ደቡብ ሱዳን በጎረቤቷ ሱዳን በበረታው ጦርነት ሳቢያ የነዳጅ ማስተላለፊያ ቱቦዎች በመዘጋታቸው የኤኮኖሚ እና የፖለቲካ ቀውስ እንደሚያሰጋት ባለሙያዎች አስጠነቀቁ። በሰርቢያ ዋና ከተማ ቤልግሬድ በመካሔድ ላይ በሚገኘው የዓለም ሀገር አቋራጭ ሻምፒዮና በወጣት ሴቶች የ6 ኪሎ ሜትር ውድድር ኢትዮጵያውን አትሌቶች አሸነፉ።

የመጋቢት 20 ቀን 2016 ዓ.ም. አርዕስተ ዜና ለስምንት ወራት በእሥር ላይ የቆዩት የሕዝብ ተወካዮች ምክር ቤት አባል አቶ ክርስቲያን ታደለ እና የአማራ ክልል ምክር ቤት አባል አቶ ዮሐንስ ቧያለው ዛሬ ፍርድ ቤት ቀረቡ። ደቡብ ሱዳን በጎረቤት ሱዳን በሚካሄደው ጦርነት ምክንያት ዋነኛው የነዳጅ ዘይት ማስተላለፊያ መስመር መዘጋት የኤኮኖሚና የፖለቲካ ቀውስ እንዳያስከትልባት አስግቷል። ሩስያ ትናንት ለሊቱን ዩክሬን በሚገኙ የኃይል ማመንጫ ጣቢያዎች ላይ በፈጸመችው የአየር ጥቃት ሰበብ በሦስት ግዛቶች የኤሌክትሪክ ኃይል መቋረጡን ዩክሬን አስታወቀች ።

-የትግራይና የአማራ ክልላዊ መስተዳድሮች የቃላት እሰጥ አገባ አገርሽቷል።የትግራይ ጊዚያዊ አስተዳደር ባለፈዉ ሳምንት የአማራ ክልል «በኃይል የያዛቸዉን የትግራይ ሥፍራዎች የአማራ እንደሆኑ በማስተማሪያ መፅሐፍ አትሟል በማለት ወቅሶ ነበር።የአማራ ክልል ዛሬ ባወጣዉ መግለጫ የትግራይ ክልልን መግለጫ አሳሳች፣ካሐዲና ጠብ ጫርነትን የተሸከመ» በማለት ነቅፎታል።-የሶማሊያዉ አክራሪ ደፈጣ ተዋጊ ቡድን አል ሸባብ ማዕከላዊ ሶማሊያ ዉስጥ በሁለት አካባቢዎች በከፈተዉ ጥቃት 53 የመንግስት ወታደሮችን መግደሉን አስታወቀ።የሶማሊያ መንግስት ባለስጣናት ወታደሮች መገደላቸዉን ቢያምኑም ብዛቱን አልጠቀሱም።

ዐርዕስተ ዜና የኢትዮጵያ ንግድ ባንክ በሂሳብቸው ከተቀመጠ ገንዘብ ውጭ በሕገወጥ መንገድ ገንዘብ ወሰደው በከፊል ተመላሽ አደረጉ ያላቸው ግለሰቦች ቀሪውን ገንዘብ እስከ ቅዳሜ መጋቢት 21 ቀን፣ 2016 ዓ.ም ካልመለሱ ማንነታቸውን በመገናኛ ብዙሀን ይፋ እንደሚያደርግ አስጠነቀቀ የባህር ዳር ከነማ የመሐል ሜዳ የእግር ኳስ ተጫዋች አለልኝ አዘነ የእግር ኳስ ቡድንኑ አስታወቋል። በዩናይትድ ስቴትሱ የሜሪላንድ ግዛት ዋና ከተማ ባልቲሞር የሚገኝ ድልድይ በመርከብ ተገጭቶ ከተደረመሰ በኋላ የደረሱበት አልታወቀም የተባለ ስድስት ሰዎች ፍለጋ ቆመ። የሕይወት አድን ሥራው ቆሞ ወደ አስከሬን ፍለጋ መገባቱን ባለስልጣናት ተናግረዋል።

-የአዲስ አበባ መስተዳድር በከተማይቱ የተለያዩ አካባዎች የሚገኙ መንደሮችንና ቤቶችን በጥድፊያ ማፍረሱን ነዋሪዎችና ነጋዴዎች ተቃዋሙ።ቅሬታ አቅራቢዎቹ እንደሚሉት መስተዳድሩ አንዳድ አካባቢዎች የሚገኙ ቤቶቹን የሚያፈርሰዉ አንድም ያለምንም፣ ሁለትም ባጭር ጊዜ ማስጠንቀቂያ ነዉ።-የኬንያ ባለስልጣናት በምፅዓት ቀን ኃይማኖታዊ ሰባኪ ልፈፋ ያለቁ ሰዎችን አስከሬን ለየቤተሰቦቻቸዉ ማደል ጀመሩ።እራሱን ፓስተር ብሎ የሚጠራ የቀድሞ ታክሲ ነጂን ሰበካ ሰምተዉ 430 ሰዎች በረሐብ፣ታፍነዉንና በእየር እጥረት ሞተዋል።-ሞስኮን ባሸበረዉ ጥቃት ሰበብ ሩሲያ ከዩክሬንና ከምዕራባዉያን መንግስታት ጋር አዲስ ዉዝግብ ገጥማለች።

የጸጥታ ጥበቃ ምክር ቤት በጋዛ የተኩስ አቁም ላይ እንዲደረስ ጥሪ አቀረበ። የደቡብ ሱዳን ተቃዋሚ የፖለቲካ ፓርቲዎች ለመጀመሪያ ጊዜ በሚካሔደው ምርጫ ለመሳተፍ የመመዝገቢያ 50,000 ዶላር ክፈሉ መባላቸውን ተቃወሙ። በሴኔጋል ሥልጣን ላይ የሚገኘውን ጥምር ፓርቲ ወክለው ለፕሬዝደንትነት የተወዳደሩት አማዱ ባ የተቃዋሚ ፓርቲው ዕጩ ማሸነፋቸውን አምነው ተቀበሉ። የአሜሪካው አውሮፕላን አምራች ቦይንግ ዋና ሥራ አስፈጻሚው ዴቪድ ካልሁን ከኃላፊነታቸው እንደሚለቁ አስታወቀ። የሩሲያ ፍርድ ቤት ከሞስኮ ወጣ ብሎ በሚገኘው ክሮከስ አዳራሽ ጥቃት ፈጽመው 137 ሰዎች በመግደል የተጠረጠሩ አራት ግለሰቦች እስር ቤት እንዲቆዩ አዘዘ።

የኢትዮጵያ መንግሥት “የውጭ ሀገር ሰዎች የንብረት ባለቤት እንዲሆኑ” የሚፈቅድ ሕግ እያዘጋጀ መሆኑን ጠቅላይ ሚኒስትር ዐቢይ አሕመድ ተናገሩ። በሞቃዲሾ ሆቴል በተፈጸመ ጥቃት የተጠረጠሩ 16 ግለሰቦች በቁጥጥር ሥር ማዋሉን የሶማሊያ መንግሥት ገለጸ። በናይጄሪያ በታጣቂዎች ታግተው የነበሩ ከ130 በላይ ተማሪዎች ተለቀቁ። ፕሬዝደንት ማኪ ሳልን ለመተካት ሴኔጋላውያን ድምጽ ሲሰጡ ዋሉ። በሞስኮ አቅራቢያ በሚገኘው ክሮከስ አዳራሽ በተፈጸመው ጥቃት የተገደሉ ሰዎች ቁጥር 137 ደረሰ። ሩሲያ የዩክሬን ሁለት ከተሞችን በ57 ሚሳይሎች እና ሰው አልባ አውሮፕላኖች ደበደበች።

አቶ ዮሐንስ ቧያሌው፣ ዶክተር ካሳ ተሻገር እና አቶ ክርስትያን ታደለን ጨምሮ 14 በእሥር ላይ የሚገኙ ታዋቂ ፖለቲከኞች ከተያዙበት ጊዜ ጀምሮ «አካላዊ ፣ ሞራላዊ እና ሥነ ልቦናዊ ጥቃት» እየተፈፀመባቸው መሆኑን ገለጡ፤ የዩጋንዳ የረዥም ዘመን አምባገነን መሪ ፕሬዚደንት ዩዌሪ ሙሴቬኒ ጄኔራል ልጃቸውን የሀገሪቱ ጦር ኃይሎች ጠቅላይ ኤታማዦር አድርገው ሾሙ ፤ የተመድ የፀጥታው ምክር ቤት በጋዛ አስቸኳይ የተኩስ አቁም እንዲደረግ ስትል ዩናይትድ ስቴትስ ያቀረበችውን ረቂቅ ዛሬ ሳያፀድቅ ቀረ፤ ሩስያ በስምንት ሚሳይሎች የዩክሬን ግዙፉን ዲኒፕሮ የኃይል ማመንጫ ተቋም ዛሬ ደበደበች ።

-ሰሜን ሸዋ ዞን አጣዬ ከተማና አካባቢዉ ባካባቢዉ ሚሊሺያና ከሌላ አካባቢ የመጡ በተባሉ ታጣቂዎች መካከል በተደረገ ዉጊያ በትንሽ ግምት 10 ሰዎች ተገደሉ።ለሁለት ተከታታይ ቀናት የተደረገዉ ዉጊያ ዛሬ ጋብ ማለቱ ተነግሯል።-የሱዳን የርስ በርስ ጦርነት ለረሐብ ያጋለጠዉ ሕዝብ ቁጥር ከጊዜ ወደ ጊዜ እየጨመረ፣ ረሐቡም ወደ ጠኔ እየከፋ መሆኑን የተባበሩት መንግስታት የርዳታ ድርጅቶች ባለሥልጣናት አስታወቁ።ባለስልጣናቱ እንዳሉት አንዳድ አካባቢዎች ሕፃናት በረሐብና ረሐብ በሚያስከትለዉ በሽታ እየሞቱ ነዉ።-የአረብ እና የዩናይትድ ስቴትስ ሚንስትሮች የጋዛ ጦርነትን «ላጭር ጊዜ ለማስቆም» ያሉትን ስብሰባና ዉይይት እያደረጉ ነዉ።

የመጋቢት 11 ቀን 2016 ዓም ዐርዕስተ ዜና የኢትዮጵያ የጸጥታና ደኅንነት የጋራ ግብረ ኃይል በአዲስ አበባ ከተማ እና በዙሪያዋ "በትጥቅ የታገዘ ሁከት እና ብጥብጥ ለመፈፀም በህቡዕ ሲንቀሳቀሱ የነበሩ" ያላቸው 50 ሰዎች መያዛቸውን አስታወቀ። የአማራ ክልል አሽከርካሪዎች በከፍተኛ የነዳጅ እጥረት ምክንያት ሥራችንን መስራት አልቻልንም ሲሉ ለዶቼቬለ ተናገሩ።የክልሉ ንግድና ገበያ ልማት ቢሮ ችግሩን ለመቀነስ ጥረት እየተደረገ ነው ብሏል። የእስራኤል ጦር በጋዛው የአልሺፋ ሆስፒታል የነበሩ 90 ታጣቂዎች መግደሉን ዛሬ አስታወቀ። ሀማስ በሆስፒታሉ ውስጥ የተገደሉት ተዋጊዎች ሳይሆኑ ሰለማዊ ሰዎች ናቸው ሲል አስተባብሏል።

-የኢትዮጵያ ንግድ ባንክ በኮምፒዉቴር ቴክኒካዊ ችግር ምክንያት ደንበኞቹ አላግባብ ያዘዋወሩ ወይም ያወጡትን በቢሊዮን የሚቆጠር ብርለማስመለሥ እየጣረ መሆኑን አስታወቀ።ባንኩ ባለፈዉ አርብ ማታ ባጋጠመዉ የቴክኒክ ችግር ምክንያት ደንበኞቹ የራሳቸዉ ያልሆነ 2.4 ቢሊዮን ብር አዘዋዉረዋል ወይም አዉጥተዋል።-ባለፈዉ የካቲት ማብቂያ በታጣቂዎች ታግተዉ የነበሩ የወንጂ ስኳር ፋብሪካ ሠራተኞች ተገድለዉ አስከሬናቸዉ ተጥሎ መገኘቱን ቤተሰቦቻቸዉ አስታወቁ።የሟች ቤተሰቦች እንዳሉት ሠራተኞቹ ከታገቱ በኋላ አጋቾቹ ገንዘብ እንዲከፈላቸዉ ጠይቀዉ ከቤተሰቦች ጋር በመደራደር ላይ ነበሩ።

አርስተ ዜናዎች፤ --የቀድሞው የሶማሌ ክልል ርዕሠ መስተዳድር በድንገት የተፈቱበትን ውሳኔ ኦነግ አጣጥሎ ነቀፈ። የታሰሩ አባሎቼ እስካሁን ክስ አልተመሰረተባቸዉም ሲል ከስዋል። --ከሁለት ዓመት በፊት ከፈረንሳይ ግዛት በእንግሊዝ የባህር ወሽመጥ ላይ ከሰመጡ 27 ሰዎች መካከል የአንድ ኢትዮጵያዊ ቤተሰብ በፈረንሳይ መንግሥት ላይ ክስ መሠረተ። --የእስራኤል ኃይሎች ጋዛ ኧል ሺፋ ሆስፒታል ላይ ጥቃት ጀመሩ። የዓለም ጤና ድርጅት ዋና ዳይሬክተር ስጋታቸዉን ገልፀዋል። --የ71 ዓመቱ የሩስያ ፕሬዚደንት በዓለማችን ፈላጭ ቆራጭ ከተባሉ ሃገራት መንግሥታት የእንኳን ደስ ያሎት መልዕክት ተቀበሉ። ሙሉዉን ዜና ይከታተሉ!

የኢትዮጵያ ንግድ ባንክ አገልግሎት ትላንት ቅዳሜ የተቋረጠው “ባንኩ በመደበኛነት በሥርዓቶቹ ላይ በሚያደርገው ማሻሻያ እና ፍተሻ ምክንያት” እንደሆነ የኢትዮጵያ ብሔራዊ ባንክ አስታወቀ። የሶማልያ ፕሬዝደንት ሐሰን ሼይክ ማሕሙድ ዳግም ወደ ኤርትራ አቀኑ። የኒጀር መንግሥት ሀገሪቱ ከአሜሪካ ጋር የተፈራረመችውን ወታደራዊ ሥምምነት አቋረጠ። የአውሮፓ ኅብረት ለግብጽ የ8 ቢሊዮን ዶላር የብድር፣ ርዳታ እና መዋዕለ-ንዋይ ሥምምነት ይፋ አደረገ። የጀርመን መራኄ መንግሥት ኦላፍ ሾልስ በጋዛ ጦርነት የተኩስ አቁም እንዲደረግ ጥሪ አቀረቡ። ኢትዮጵያውያኑ ጀማል ይመር እና ፍቅርተ ወረታ በሴዑል ማራቶን አሸነፉ።

የመጋቢት 6 ቀን 2016 ዓ.ም. አርዕስተ ዜና የቀድሞ የሶማሌ ክልል ርዕሠ መስተዳድር አብዲ መሐመድ ዑመር እና የቀድሞ የሜቴክ የበላይ ሃላፊ ሜጀር ጀነራል ክንፈ ዳኘው ከእስር ተለቀቁ ። አሸባብ መቅዲሾ ውስጥ በሚገኘው «ሳይ» በተባለው በዚሁ ሆቴል ላይ ትናንት ምሽት በደረሰው ጥቃት የአሸባብ ሚሊሽያዎችን ጨምሮ ቢያንስ ስምነት ሰዎች ተገደሉ። 18 ሰላማዊ ሰዎችና 9 ወታደሮች ቆስሉ። በሩስያ ለሦስት ቀናት የሚካሄደው ፕሬዝዳንታዊ ምርጫ ዛሬ ተጀምሯል። ምርጫው ሩስያ ከዩክሬን በገነጠለቻቸው ግዛቶችም ጭምር እየተካሄደ መሆኑ ተገልጿል። የ71 ዓመቱ ፕሬዝዳንት ቭላድሚር ፑቲን ለአምስተኛ የስልጣን ዘመን ነው የሚወዳደሩት።

*በኢትዮጵያ የአውሮጳ ኅብረትን ጨምሮ የቡድን 7 ሃገራት ልዑካን የፕሪቶሪያ የተኩስ ማቆም ስምምነት የአተገባበር ሥራዎችን ለመደገፍ ቁርጠኛነታቸውን ገለጡ ። *የሕዝብ ተወካዮች ምክር ቤት አባል የሆኑት የአቶ ክርስትያን ታደለ ያለመከሰስ መብት ተነሳ ። አቶ ክርስቲያን በምክር ቤት ያሰሙ በነበረው ፍርሐት አልባ ንግግራቸው ይታወቃሉ ። *300 ቶን ርዳታ የጫነች ሁለተኛ መርከብ ከቆጵሮስ ወደ ጋዛ ለመቅዘፍ መዘጋጀቷ ተገለጠ ። *በኔዘርላንድ ስደተኞች እና የእስልምና እምነት ተከታዮች ጠል ፓርቲ መሪ ሄርት ቪልደርስ ቀጣዩ ጠቅላይ ሚንስትር የመሆን ሕልማቸው መከነ ። እና ሌሎችም፦

የመጋቢት 4 ቀን 2016 ዓም የዓለም ዋና ዋና ዜና -የእርዳታ ድርጅቶች ሰብዓዊ እርዳታ ወደ ጋዛ ለማስገባት እየጣሩ ነው -ፍልስጤማውያንን የሚረዳው የተመድ ቅርንጫፍ የሚሰጠው እርዳታ ላይ የተጣለው እገዳ ሊቀጥል ይችላል -ሾልዝ ታውሩስን ለዩክሬን የማይሰጡበትን ምክንያት ለጀርመን ፓርላማ ተናገሩ - የአውሮጳ ኅብረት ለሄይቲ እርዳታ ሊልክ ነው -በሀማስ ታግቶ የነበረው ጀርመናዊ እስራኤል መሞቱ ተነገረ

የመጋቢት 3 ቀን 2016 ዓ.ም. ዋና ዋና ዜናዎች ዩናይትድ ስቴትስ አሸባብን በገንዘብ ይደግፋሉ ባለቻቸው 16 ግለሰቦች እና የንግድ ተቋማት ላይ ማዕቀብ ጣለች። የሱዳን ጦር የሀገሪቱን ብሔራዊ የራዲዮ እና ቴሌቪዝን ጣቢያ ዋና መሥሪያ ቤት በዛሬው ዕለት በቁጥጥር ሥር ማድረጉን አስታወቀ። በቀውስ የምትታመሰው የሄይቲ ጠቅላይ ሚኒስትር ከሥልጣን ለመውረድ መስማማታቸውን አስታወቁ። 15 ሰዎችን ያሳፈረ የሩሲያ ወታደራዊ መጓጓዣ አውሮፕላን ከተነሳበት ብዙም ሳይርቅ ተከሰከሰ። ከተሳፋሪዎቹ የተረፈ ሰው ስለመኖሩ የተነገረ ነገር የለም።

--የአፍሪቃ ሕብረት በኢትዮጵያ መንግሥትና በህወሓት መካከል ደቡብ አፍሪቃ ውስጥ የተፈረመውን የፕሪቶሪያ ስምምነት አፈፃፀም ዛሬ አዲስ አበባ ውስጥ መገምገም ጀመረ። የተመድት ዋና ፀሐፊ አንቶኒዮ ጉቴሬዝ ዛሬ የጀመረዉን የረመዳን ጾምን በማስመልከት በእስራኤል-ሀማስ መካከል ጋዛ ሰርጥ ዉስጥ የሚካሄደዉ ጦርነት ብሎም የሱዳኑ ግጭት እንዲቆምና እርቅ እንዲወርድ ጥሪ አስተላለፉ። --በዓለማችን በጦር መሳርያ ንግድ ቀዳሚዋ የሆነችዉ ዩናይትድ ስቴትስ ዘንድሮም ቀዳሚዉን ስፍራ መቀጠልዋን ዓለም አቀፍ የሰላም ምርምር ተቋም አመለከተ። ሁለተኛዋ አገር ፈረንሳይ ነች ተብሏል። ሩስያ ወደ ሦስተኛ ደረጃ ዝቅ ማለትዋም ተመልክቷል።

አርዕስተ ዜናዎች ከ250 ሚሊየን በላይ አዋቂ እና አዳጊ ሴቶች ግርዛት እንደተፈጸመባቸው ዛሬ ይፋ የተደረገ ጥናት አመለከተ። በኦሮሚያ ክልል ምዕራብ ጉጂ ዞን ገላና ወረዳ በመቶዎች የሚቆጠሩ የመንግሥት ሠራተኞች፣ የቀበሌ አመራሮችና ሚሊሻዎች ወደ ደቡብ ኢትዮጵያ ክልል ኮሬ ዞን መፈናቀላቸው ተሰማ። «የኦሮሞ ነጻነት ሠራዊት» ኦነሰ በወረዳው የሚገኙ አብዛኞቹን ቀበሌያት መቆጣጠሩን ተፈናቃዮቹ ገልጸዋል። በሀረሪ ክልል አሚር ኑር ወረዳ የክልሉ መስተዳድር ሕገወጥ ናቸው ያላቸውን ይዞታዎች ለማፍረስ በወሰደው እርምጃ ግጭት ተከስቶ የአራት ሰዎች ሕይወት ማለፉን የአካባቢው ነዋሪዎች ገለፁ።

የአፍሪቃ ኅብረት የፕሪቶሪያ ስምምነት አፈጻጸም ግምገማ መጀመሩ ተገለጠ፤ በጦርነቱ 16 ቢሊዮን ብር የሚጠጋ ንብረት መውደሙ ተገለጠ ፤ በኢትዮጵያ የመገናኛ ብዙኃን ነፃነት ማሽቆልቆሉ «አሳሳቢ ነው» ተባለ፤ አአ፥ኢትዮጵያ ለስደተኞች አካታች የዲጂታል መታወቂያ ሥርዓት መዘርጋቷን ገለጠች፤ ሮም፥ ከተጨናነቀች የእንጨት ጀልባ ከተረፉ ስደተኞች የ17 ዓመት አዳጊ ሞተ፤ ማኒላ፥ በሁቲ ዓማጺያን በሚሳይል ከተመታችው መርከብ ሦስት ሠራተኞች ሞቱ፤ ቤርሊን፥ «የዶይቸ ባን» የባቡር እና የሉፍታንዛ አየር መንገድ ሠራተተኞች የሥራ ማቆም አድማ መቱ ።

በባህር ዳርና አካባቢው እንዲሁም በኮረምና ዓላማጣ አካባቢዎች ትናንት ተቋርጦ የነበረው የኃይል አገልግሎትም ዛሬ መመለሱ ተገልጿል። የጀርመኑ የባድን ቩርተምበርግ ግዛት አስተዳደር በሽቱትጋርት ከተማ በኤርትራውያን ድግስ ላይ በተፈጸመ ኃይል የቀላቀቀ አመጽ አራት ዓመት የሚጠጋ እስር የተፈረደበትን ኤርትራዊ ከጀርመን ማባረር እንደሚፈልግ አስታወቀ። በበርካታ የዩናይትድ ስቴትስ ግዛቶች ትናንት የተካሄደውን የየፓርቲውን እጩ በሚያጸድቀው ምርጫ የቀድሞው የዩናይትድ ስቴትስ ስቴትስ ፕሬዝዳንት ዶናልድ ትራምፕ አሸነፉ። በምርጫው የተሸነፉት የትራምፕ ተፎካካሪ ኒኪ ሄሊከምርጫ ዘመቻew ራሳቸውን ማግለላቸውን አስታውቀዋል።

--ከባህር ዳር፤ በደብረታቦር፤ንፋስ መውጫ፤ጋሸና፤አላማጣ የተዘረጋው ባለ 230 ኪሎ ቮልት የከፍተኛ ኃይል ማስተላለፊያ መስመር በመበጠሱ ኃይል ተቋርጧል ሲል የኢትዮጵያ ኤሌክትሪክ ኃይል አስታወቀ። የአፋር ከተማ ሰመራና የተለያዩ ወረዳዎች እና የትግራይ ክልል ዋና ከተማ መቀሌን ጨምሮ በሌሎች ከተሞች የኤሌትሪክ ኃይል እንደተቋረጠ ተሰምቷል። --የኢትዮጵያ መንግሥት የኦነግ ቃል አቀባይ ባቴ ኡርጌሳንና ሌሎች የተቃዋሚ ፓርቲ ፖለቲከኞችን እያዋከበ ነው ሲል አምነስቲ አስታወቀ። --ከኦሮሚያና በቤኒሻንጉል ጉሙዝ ተፈናቅለዉ በአማራ ክልል ደቡብ ወሎ ዞን የተጠለሉ ሰዎች ረሀብ መጋለጣቸዉ ተሰማ። የሞቱ ሰዎች እንዳሉም ተነግሯል።

በአማራ ክልል በተለያዩ አካባቢዎች በመንግሥት ጦር ኃይል እና የፋኖ ታጣቂዎች መካከል ውጊያ መቀጠሉ እየተነገረ ነው። የናይጀሪያ የድንገተኛ አደጋ ተቋም በዋና ከተማዋ አቡጃ የምግብ መደብሮች ከተዘረፉ በኋላ የመጋዘኖቹን ጥበቃ ማጠናከሩን አስታወቀ። በሄይቲ የአስቸኳይ ጊዜ እና የምሽት ሰዓት እላፊ ታወጀ። ሩሲያ ሾልኮ ወጣ በተባለ የድምጽ መረጃ ምክንያት የጀርመን አምባሳደርን በዛሬው ዕለት ጠርታ አነጋገረች።

ኢትዮጵያውያን ቅኝ ሊገዛቸው የሞከረውን የጣሊያን ጦር ተባበረው ቢያሸንፉም እርስ በርስ ባደረጉት ጦርነት ብርቱ ሰብአዊ ቀውስ መድረሱን ርዕሰ-ብሔር ሣህለ ወርቅ ዘውዴ የዓድዋ ድል 128ኛ ዓመት ሲከበር ተናገሩ። በሱዳን የግብረ-ሰናይ ድርጅቶች ለተቸገሩ ርዳታ እንዳያቀርቡ መተላለፊያ መከልከል በጦር ወንጀል ሊያስጠይቅ እንደሚችል ፎልከር ቱርክ አስጠነቀቁ። የቻድ ወታደራዊ መሪ ማሐማት ኢድሪስ ዴቢ ኢትኖ በሀገራቸው ፕሬዝደንታዊ ምርጫ እንደሚወዳደሩ አስታወቁ። በጋዛ ርዳታ ከጫነ የከባድ ተሽከርካሪዎች ቅፍለት አቅራቢያ በተከፈተው ተኩስ በርካታ ሰዎች በጥይት ተመትተው መቁሰላቸውን የተመ ታዛቢዎች ቡድን አስታወቀ

የየካቲት 22 ቀን 2016 ዓ.ም. አርዕሰተ ዜና -በባሕርዳር ዛሬ ጠዋት በከተማው ቀበሌ 14ና በተለምዶ ዓባይ ማዶ በተባሉት የከተማው አካባቢዎች የተኩስ ልውውጥ እንደነበር ነዋሪዎቹ ለዶቼቬለ ተናገሩ፡፡ -ባለፈው መስከረም በጀርመንዋ ሽቱትጋርት ከተማ በተካሄደ የኤርትራውያን ድግስ ላይ በተነሳው ብጥብጥ መንስኤ የሽቱትጋርት ፍርድ ቤት የ29 ዓመት ኤርትራዊ ወጣት ላይ የሦስት ዓመት ከ9 ወራት እሥራት መበየኑን የፍርድ ቤቱ ቃል አቀባይ ተናግረዋል። -ትናንት የእስራኤል ወታደሮች ርዳታ ለመውሰድ ይሞክሩ በነበሩ ሲቪል ፍልስጤማውያን ላይ በከፈቱት ተኩስ በርካታ ፍልስጤማውያን መገደላቸው ከዓለም ዙሪያ ውግዘት ገጥሞታል።

በአማራ ክልል በሀገር መከላከያ ሰራዊት እና በፋኖ ታጣቂዎች መካከል በሚደረገው ውጊያ ሳቢያ በክልሉ የምግብ እና የሸቀጦች ዋጋ በማሻቀቡን የክልሉ ነዋሪዎች ገለፁ። በዳግማዊ አፄ ቴዎድሮስ ዘመን በመቅደላ ጦርነት ተዘርፎ እንጊሊዝ የነበረዉ ጥንታዊ ቅርስ በኢትዮጵያን ባለስልጣናት ግፊት ለሽያጭ ጨረታ ሳይቀርብ መቅረቱ ተነገረ። የቅርስ ሽያጩ የተሰማዉ ከአዉሮጳ የዘረፉበት ቅርሶች እየመለሱ ባለበት በአሁኑ ወቅት ነዉ። የጋና ፓርላማ በተመሳሳይ ፆታ ግንኙነት የሚከሰሱ ሰዎችን፤ በእስር ለመቅጣት አዲስ ረቂቅ ሕግ አፀደቀ። ዩናይትድ ስቴትስ ረቂቅ ሕጉ፤ ሕገ መንግሥታዊ ነፃነቶችን አደጋ ላይ የሚጥል ስትል እንዳሳሰባት ገለፀች።

የየካቲት 20 ቀን 2016 ዓም ዐርዕስተ ዜና በጋምቤላ ክልል ጋምቤላ ከተማን ጨምሮ በተለያዩ ወረዳዎች ከግንቦት 2015 ዓ.ም. ጀምሮ በተከሰቱ ግጭቶች ቢያንስ የ138 ሰዎች ሕይወት ማለፉንና 113 ሰዎች ላይ የአካል ጉዳት መድረሱን ማረጋገጥ መቻሉን የኢትዮጵያ ሰብአዊ መብቶች ኮሚሽን ዛሬ አስታወቀ። ፈረንሳዊው ጋዜጠኛ አንቷን ጋሊንዶ በቁጥጥር ስር የዋለው ከተሰጠው የዘገባ ፈቃድ ውጭ መረጃዎችን ለመሰብሰብ በመንቀሳቀሱ ነው ሲል የኢትዮጵያ መንግሥት አስታወቀ። በቀይ ባህር በሚተላለፉ የንግድ መርከቦች ላይ የሚሰነዘሩ ጥቃቶችን ለመከላከል የተሰማራው የጀርመን ባህር ኃይል የሁቲዎችን ጥቃት መመከቱ ተነገረ።

በአማራ ክልል ምዕራብ ጎጃም ዞን አንዳንድ አካባቢዎች ውጊያዎች መካሄዳቸውን ነዋሪዎች አመለከቱ። ቤኒን 2,000 ወታደሮቿን ወደ ሀይቲ ለመላክ መዘጋጀቷን የዩናይትድ ስቴትስ ባለሥልጣን አስታወቁ። የሰሜን አትላንኒቲክ የጦር ቃል ኪዳን ኔቶ እግረኛ ወታደሮችን ወደ ዩክሬን የመላክ ዕቅድ እንደሌለው ዛሬ አስታወቀ። ጀርመን፣ ስፔን እና ፖላንድም ተመሳሳይ አቋማቸውን አሳውቀዋል። ዩናይትድ ስቴትስ በቀይ ባሕር ላይ ስጋት ናቸው ያለቻቸው የሁቲ ጀልባዎች፣ ሚሳኤሎችን እና ሰው አልባ አውሮፕላን የመን ውስጥ ማውደሟን አስታወቀች። ሁቲዎች በበኩላቸው ጥቃታቸውን የሚያቆሙት ለጋዛ መፍትሄ ሲገኝ ነው ብለዋል።

አርስተ፤ ዜና «የኢትዮጵያ መንግሥት በሃይማኖት ተቋማት እና አባቶች ላይ የሚደርሰውን "በደል እና የግፍ ግድያ" እንዲያስቆም ለተቋማቱም ጥበቃ እንዲያደርግላቸው የኢትዮጵያ የሃይማኖት ተቋማት ጉባኤ ዛሬ ጠየቀ። ለአፍሪቃ ህብረት የመሪዎች ስብሰባን ለመዘገብ ኢትዮጵያ አዲስ አበባ የነበረ አንድ ፈረንሳዊ ጋዜጠኛ መታሰሩን ተሰማ። ጋዜጠኛዉ የታሰረዉ አንድ የኦነግ ቃል አቀባይን ሲጠይቅ ነዉ ተብሏል። በትግራይ ክልል በተለያዩ አካባቢዎች የተከሰተዉ ከፍተኛ በድርቅ በክልሉ የሚኖረዉን ህዝብ እየፈተነዉ። ሁለት ዓመት ባስቆጠረው የሩሲያና የዩክሬን ጦርነት በአጠቃላይ 31 ሺህ ወታደሮች እንደተገደሉባት የዩክሬን ፕሬዚዳንት አስታወቁ።»

የኦሮሞ ነጻነት ግንባር በኦሮሚያ ክልል ምሥራቅ ሸዋ ዞን ዝቋላ ደብረ ከዋክብት አቡነ ገብረ መንፈስ ቅዱስ ገዳም የተፈጸመ ግድያ “በገለልተኛ አካል እንዲጣራ” ጥሪ አቀረበ። ኤኮዋስ በኒጀር ላይ ከተጣሉ ማዕቀቦች የተወሰኑትን አነሳ። የደቡብ አፍሪካው ገዢ ፓርቲ የአፍሪካ ብሔራዊ ኮንግረስ ደጋፊዎች የጫነ ተሽከርካሪ ዛሬ ጠዋት በገጠመው አደጋ ዘጠኝ ሰዎች ሞቱ። የቀድሞው የናሚቢያ ፕሬዝደንት ሐጌ ጋይንጎብ ሥርዓተ-ቀብር ዛሬ እሁድ ተፈጸመ። በፓሪስ የተካሔደ ውይይት ሐማስ ታጋቾችን እንዲለቅ እና በጋዛ ተኩስ እንዲቆም ሊያደርግ ወደሚችል ሥምምነት ሊያመራ እንደሚችል “መግባባት” መኖሩን አሜሪካ አስታወቀች።

የዝቋላ ደብረ ከዋክብት አቡነ ገብረ መንፈስ ቅዱስ ገዳም አራት መነኮሳት በታጣቂዎች ተገደሉ፤ ሕወሓት 2 የማዕከላዊ ኮሚቴ አባላቱን አባረረ፤ የአንጋፋው ድምፃዊ የጌታቸው ካሳ የቀብር ሥነ ሥርዓት ዛሬ ተፈጸመ፤ ኬኒያዊው የማራቶን ጀግና ኬልቪን ኪፕቱም ተቀበረ፤ በእሳት አደጋ ቢያንስ አምስት ሰዎች ሞተዋል፤ ኦዲሴየስ መንኲራኲር ጨረቃ ላይ በስኬት አረፈች

አርስተዜና፤ የአማራ ክልል ምክር ቤት የአቶ ዮሐንስ ቧያለውን ያለመከሰስ መብት አነሳ። በዓለም ዙሪያ የተፈናቀሉ ህፃናት ቁጥር ከሦስት ዓመታት ወዲህ በእጥፍ መጨመሩ ተመለከተ ። የኢትዮጵያ ብሄራዊ ምርጫ ቦርድ የፓርቲውን ህልውና እየተፈታተነ ይገኛል “ ሲል የሲዳማ ፌዴራሊስት ፓርቲ «ሲፌፓ» አስታወቀ ። ቱርክ ለሶማሊያ የባህር አገልግሎት የፀጥታ ድጋፍን በመስጠት አገሪቱ የዉኃ ግዛትዋን እንድትጠብቅ ድጋፍ ታገኛለች ሲል የቱርክ መከላከያ ሚንስትር አስታወቀ።

ሶማሊያ በዛሬው ዕለት ከቱርክ ጋር የመከላከያ ስምምነት መፈራረሟን አስታወቀች። ዩናይትድ ስቴትስ የተመድ እስራኤልን ከፍልስጤም ግዛት የደህንነት ዋስትና ሳይሰጣት በሕግ አስገድዶ ሊያስወጣ እንደማይገባ አሳሰበች። በሕንድ የገበሬዎች ተቃውሞ ተጠናክሮ ቀጥሏል። ብራስልስ፤ የአውሮጳ ሕብረት በሩሲያ ላይ አዲስ ማዕቀብ አጸደቀ። አዲስ አበባ፤ አንጋፋው የሙዚቃ ሰው ጌታቸው ካሣ አረፈ።

በመራዊ የተፈጸመው የሰላማዊ ሰዎች ግድያ ላይ “ገለልተኛ ምርመራ ተደርጎ ወንጀለኞች ለፍርድ እንዲቀርቡ” አሜሪካ ጥሪ አቀረበች። በአሜሪካ ውጭ ጉዳይ መሥሪያ ቤት የአፍሪካ ጉዳዮች ረዳት ሚኒስትር ሞሊ ፊ እና በአፍሪካ ቀንድ የአሜሪካ ልዩ ልዑክ ማይክ ሐመር ወደ ኢትዮጵያ ሊጓዙ ነው። የሱዳን ጦርነት 700,000 ሕጻናትን ለብርቱ የተመጣጠነ ምግብ እጦት ሊያጋልጥ እንደሚችል የተመ አስጠነቀቀ። ጠቅላይ ሚኒስትር ቤኒያሚን ኔታንያሁ የእስራኤል ወታደሮች በደቡባዊ ጋዛ ከምትገኘው ራፋ ሰላማዊ ሰዎች ለማሸሽ እንዲዘጋጁ ትዕዛዝ ሰጡ። አሜሪካ እና ብሪታኒያ በየመን በፈጸሙት ድብደባ የተገደሉ 17 የሑቲ ታጣቂዎች አባላት ሥርዓተ ቀብር ተፈጸመ

የኢትዮጵያ ብሔራዊ መረጃ እና ደሕንነት አገልግሎት ዋና ዳይሬክተር ሆነው በመሥራት ላይ የነበሩት አቶ ተመስገን ጥሩነሕ ምክትል ጠቅላይ ሚኒስትር፤ ታዬ አጽቀሥላሴ ውጭ ጉዳይ ሚኒስትር፤ ዶክተር መቅደስ ዳባ የጤና ሚኒስትር ሆነው ተሾሙ። የኦሮሞ ነጻነት ግንባር የጠቅላይ ሚኒስትር ዐቢይ አሕመድ መንግሥት ከአምስት ዓመታት ገደማ በፊት በኤርትራ ዋና ከተማ አስመራ የተፈረመውን ሥምምነት አፍርሷል ሲል ከሰሰ። ከቱኒያዝ የባሕር ዳርቻ ጀልባ ሰጥማ ሕይወታቸውን ያጡ 13 ሱዳናውያን አስከሬን ተገኘ። ጠቅላይ ሚኒስትር ቤኒያሚን ኔታንያሁ የእስራኤል ወታደሮች በጋዛ ወደምትገኘው ራፋ ለመግባት እንዲዘጋጁ ትዕዛዝ ሰጡ።

በ11 የበረራ ጣቢያዎች ከ1,100 በላይ በረራዎች አንድም እንደሚሰረዙ አለያም መዘግየት እንደሚገጥማቸው ተዘግቧል ። በኦሮሚያ ክልል ምስራቅ ሸዋ ዞን ቦሰት ወረዳ ጥር 17 ቀን፣ 2016 ዓ.ም. አቡነ መንፈስ ቅዱስ የተባለ የኢትዮጵያ ኦርቶዶክስ ተዋሕዶ ቤተክርስትያን መቃጠሉ ተገለጠ ።

ምክትል ጠቅላይ ሚኒስትር ደመቀ መኮንን በተለያዩ አካባቢዎች “እያጋጠሙ ያሉ የሰላም እጦቶች”ን ጨምሮ የኢትዮጵያ ችግሮች “ህዝብን ባሳተፈ ሁኔታ ዘላቂ መፍትሔ” ሊበጅላቸው እንደሚገባ አሳሰቡ። ምክትል ጠቅላይ ሚኒስትሩ “በአንድም ሆነ በሌላ መልኩ ላጎደልኩት ሁሉ ነገር ይቅርታ እጠይቃለሁ” ብለዋል። መቀመጫውን በዘ-ሔግ ያደረገው ዓለም አቀፍ ፍርድ ቤት ደቡብ አፍሪካ ባቀረበችው ክስ መሠረት እስራኤል ተግባራዊ እንድታደርግ ያዘዛቸውን አስቸኳይ እርምጃዎች እንደሚደግፍ የአፍሪካ ኅብረት ኮሚሽን አስታወቀ። የጀርመን ውጭ ጉዳይ ሚኒስትር በደቡብ ሱዳን ለሚገኙ ስደተኞች ዓለም አቀፉ ማኅበረሰብ ተጨማሪ ዕርዳታ እንዲሰጥ ጥሪ አቀረቡ

ዜናውን በአጠቃላይ በጽሑፍም ከታች ማንበብ ይቻላል ።

በአዲስ አበባ የሚገኘው የንፋስ ስልክ ቀለም ፋብሪካ ብርቱ የእሳት አደጋ ደረሰበት። የሱዳን ጦር በዋይት ናይል ግዛት በፈጸመው ድብደባ ሰባት ሰዎች መገደላቸውን ተገደሉ። በሺሕዎች የሚቆጠሩ ትራክተሮች እና አስር ሺሕ ገደማ የጀርመን ገበሬዎች በበርሊን ከተማ የተቃውሞ ሰልፍ አደረጉ። ከቀዝቃዛው ጦርነት ወዲህ ትልቁ በተባለ የሰሜን አትላንቲክ ጦር ቃል ኪዳን ድርጅት (NATO) ወታደራዊ ልምምድ የብሪታኒያ 20 ሺሕ ወታደሮች እንደሚሳተፉ የሀገሪቱ የመከላከያ ሚኒስትር ግራንት ሻፕስ ገለጹ። የጋዛ የጤና ሚኒስቴር በእስራኤል እና በሐማስ መካከል ውጊያ ከተቀሰቀሰ የተገደሉ ሰዎች ቁጥር ከ24 ሺሕ በላይ መድረሱን አስታወቀ።

የሱዳን ፈጥኖ ደራሽ ኃይል አዛዥ መሐመድ ሐምዳን ዳጋሎ በመጪው ሐሙስ በዩጋንዳ በሚካሔደው የምሥራቅ አፍሪካ በይነ-መንግሥታት አስቸኳይ የመሪዎች ጉባኤ እንዲሳተፉ መጋበዛቸውን አስታወቁ። አሜሪካ በየመን የሑቲ አማጽያን ዒላማዎች ላይ ዛሬ ቅዳሜ ጠዋት የአየር ድብደባ ፈጸመች። ጋና ከኦፊሴያል አበዳሪዎቿ ጋር የ5.4 ቢሊዮን ዶላር የዕዳ አከፋፈል ሽግሽግ ሥምምነት ላይ ደረሰች። እስራኤል በጋዛ ለሊቱን በፈጸመችው የአየር ድብደባ ቢያንስ 60 ሰዎች መገደላቸውን በሐማስ የሚመራው የጤና ሚኒስቴር ባለሥልጣናት አስታወቁ። በአይቮሪ ኮስት አዘጋጅነት የሚካሔደው 34ኛው የአፍሪካ ዋንጫ ዛሬ ይጀመራል።

የሶማሊያ ፕሬዝደንት ሐሰን ሼይክ ሞሐመድ ከኤርትራ ፕሬዝደንት ኢሳያስ አፈወርቂ ለመነጋገር አስመራ ገቡ። የኢትዮጵያ መከላከያ ሠራዊት ጠቅላይ ኤታማዦር ሹም ፊልድ ማርሻል ብርሀኑ ጁላ ዛሬ ሰኞ ከሶማሌላንድ ጠቅላይ ኤታማዦር ሹም ጄኔራል ኑር ኢስማኤል ታኒ ጋር በአዲስ አበባ ተገናኝተዋል። በላይቤሪያ የነዳጅ ማጓጓዣ ቦቴ ሲፈነዳ የገደላቸው ሰዎች ቁጥር ወደ 74 ማሻቀቡን የሀገሪቱ መንግሥት አስታወቀ። በኢራን የሚደገፈው የሒዝቦላህ ከፍተኛ ወታደራዊ አዛዥ በደቡባዊ ሊባኖስ በእስራኤል ጥቃት ተገደሉ። የጀርመን መንግሥት በሒደት የግብርና ድጎማ ለማቋረጥ ያሳለፈውን ውሳኔ በመቃወም ሰልፍ የወጡ ገበሬዎች በትራክተሮቻቸው መንገድ ዘጉ።

የአፍሪካ ኅብረት እና አሜሪካ ኢትዮጵያ ከሶማሌላንድ በተፈራረመችው የመግባቢያ ሥምምነት በአፍሪካ ቀንድ የበረታው ውጥረት እንዲረግብ ጥሪ አቀረቡ። የሱዳን ፈጥኖ ደራሽ ኃይል አዛዥ መሐመድ ሐምዳን ዳጋሎ ከደቡብ አፍሪካ ፕሬዝደንት ሲሪል ራማፖሳ ተገናኙ። የኬንያው ፕሬዝደንት ዊሊያም ሩቶ ሙሰኛ ያሏቸውን ዳኞች የፍርድ ቤት ውሳኔዎች እንደማይቀበሉ ከዛቱ በኋላ ኃይለኛ ተቃውሞ ገጠማቸው። የእስራኤል ባለሥልጣናት ፍልስጤማውያን ከጋዛ ለቀው እንዲወጡ ያስተላለፉት ጥሪ እጅግ እንደረበሻቸው የተመ የሰብዓዊ መብቶች ከፍተኛ ኮሚሽነር አስታወቁ። ኢራን 95 ሰዎች ለተገደሉባቸው የቦምብ ፍንዳታዎች አሜሪካ እና እስራኤልን ወነጀለች።

በትግራይ አስከፊ የርሀብ አደጋ ማንዣበቡን የክልሉ ጊዜያዊ አስተዳደር አመለከተ። በትንሽ ጀልባ ተጭነው በሞሮኮ የባሕር ዳርቻ አካባቢ በመጓዝ ላይ የነበሩ 58 ስደተኞች ባጋጠማቸው የመስጠም አደጋ 14ቱ መሞታቸው ተነገረ። ሱዳን ውስጥ የዓለም የምግብ መርሃግብር መጋዘን መዘረፉ ተነገረ። ድርጅቱ ዘረፋውን የፈጸሙት የፈጥኖ ደራሽ ኃይሉ ታጣቂዎች ናቸው ብሏል። ሕገወጥነት ታይቶበታል፤ የተባለው በዴሞክራቲክ ኮንጎ የተካሄደው ምርጫ በድጋሚ እንዲደረግ ጥያቄ ቀረበ። በሥልጣን ላይ ያለው መንግሥት ጥያቄውን ውድቅ አድርጓል።

የተ.መ የሰብዓዊ መብቶች ከፍተኛ ኮሚሽን በኢትዮጵያ ሐቀኛ የሽግግር ፍትኅ ተግባራዊ እንዲሆን ጥሪ አቀረበ። የኢትዮጵያ ሰብዓዊ መብቶች ኮሚሽን የጠቅላይ ሚኒስትር ዐቢይ አሕመድ “መንግሥት በፌዴራልም ሆነ በክልል ደረጃ ፖለቲካዊ ቁርጠኝነቱን በማያሻማ መልኩ እንዲያሳይ” ጥሪ አስተላልፏል። በኦሮሚያ ክልል ሖሮ ጉዱሩ ወለጋ ዞን በተፈጸመ የአየር ጥቃት ስምንት ሰዎች ሲገደሉ አምስት መቁሰላቸውን ሁለት እማኞች ተናገሩ። የሱዳን ፈጥኖ ደራሽ ኃይል አዛዥ ብርጋዴር ጀነራል መሐመድ ሓምዳን ዳጋሎ ከጠቅላይ ሚኒስትር ዐቢይ አሕመድ ተገናኙ። የሶማሊያ እና የሶማሌላንድ መሪዎች ለሚወዛገቡባቸው ጉዳዮች መፍትሔ ለማበጀት በጅቡቲ ንግግር ጀመሩ

ዜናውን በአጠቃላይ በጽሑፍም ከታች ማንበብ ይቻላል ።

የ ታኅሣሥ 13 ቀን፣ 2016 ዓ.ም የዓለም ዜና

ዜናውን በአጠቃላይ በጽሑፍም ከታች ማንበብ ይቻላል ።

ዜናውን በአጠቃላይ በጽሑፍም ከታች ማንበብ ይቻላል ።

ዜናውን በአጠቃላይ በጽሑፍም ከታች ማንበብ ይቻላል ።

በአዲስ አበባ ሊካሔድ ታቅዶ የነበረውን ጦርነት የሚቃወም ሰልፍ “የከለከሉ አካላት ተጠያቂ” ሊሆኑ እንደሚገባ የሰላም ሚኒስትር ዴኤታው አቶ ታዬ ደንደአ አሳሰቡ። ግብጻውያን ከዛሬ ጠዋት 3:00 ሰዓት ጀምሮ ፕሬዝዳንታቸውን ለመምረጥ ድምጽ ሲሰጡ ዋሉ። እስራኤል ፍልስጤማውያንን ከጋዛ ገፍቶ የሚያስወጣ ፖሊሲ በጦርነት እየተገበረች ነው ሲሉ የዮርዳኖስ ውጭ ጉዳይ ሚኒስትር አይማን ሳፋዲ ወነጀሉ። እስራኤል ግን ውንጀላውን አስተባብላለች። ጦርነቱ ዛሬ 65ኛ ቀኑን ሲያስቆጥር ከብርቱ ውጊያ በኋላ የእስራኤል ታንኮች ከኻን ዩኒስ ማዕከል መድረሳቸውን ነዋሪዎች ተናግረዋል።

የዓለም ዜናውን ሙሉ ዘገባ በጽሑፍም እዚህ ማንበብ ቻላል

የዓለም ዜና፦ ህዳር 24 ቀን 2016 ዓ.ም.

የዓለም ዜና

ራሱን የኦሮሞ ነጻነት ሠራዊት ብሎ የሚጠራው ታጣቂ ቡድን በአርሲ ዞን ሽርካ ወረዳ በርካታ ሰላማዊ ሰዎች መግደሉን የኦሮሚያ ክልላዊ መንግሥት ወነጀለ። ማንነታቸው ያልታወቀ ታጣቂዎች በወረዳው ሦስት መንደሮች በሁለት ቀናት በፈጸሟቸው ጥቃቶች በትንሹ 36 ሰዎች መገደላቸውን ሬውተርስ ዘግቧል።ለኢትዮጵያ ብሔራዊ ምርጫ ቦርድ ሰብሳቢ እንዲያፈላልግ በጠቅላይ ሚኒስትር ዐቢይ አሕመድ የተቋቋመው ኮሚቴ የለያቸውን ሁለት የመጨረሻ እጩዎች ይፋ አደረገ። በሶማሊያ ላይ ተጥሎ የቆየው የጦር መሣሪያ ግዢ ማዕቀብ እንዲነሳ የተባበሩት መንግሥታት የጸጥታ ጥበቃው ምክር ቤት ሲወስን ሶማሌላንድ ተቃወመች። የቅዳሜ የዓለም ዐበይት ዜናዎችን ያድምጡ!

ሙሉ የዓለም ዜና ዘገባውን በጽሑፍም እዚህ ማንበብ ይቻላል

ሙሉ ዜናውን በጽሑፍም እዚህ ማንበብ ይቻላል

የዓለም ዜና

ሙሉ ዜናውን እዚህ በጽሑፍም ማንበብ ይቻላል

የፕሪቶሪያ ግጭት የማስቆም ስምምነት ዋና ዉጤት "የጦር መሣሪያ ላንቃ መዘጋቱ" እንደሆነ የኢትዮጵያ ዉጪ ጉዳይ ሚንስቴር አስታወቀ። የኢትዮጵያ የውጭ ጉዳይ ሚኒስቴር ቃል ዐቀባይ አምበሳደር መለስ አለም ዛሬ በሰጡት መግለጫ እንዳሉት ከግጭት ማቆሙ ስምምነት በኋላ ኢትዮጵያ በአለም አቀፍ መድረኮች የምትጠቀስበት ሁኔታ ካለፈው ዓመት የትለየ ሆኗል።

የጥቅምት 4 ቀን 2016 ዓ.ም የዓለም ዜና

ሙሉ ዜናውን በድምፅ እና በጽሑፍ እውስጥ ከታችም ማግኘት ቻላል ።

የመስከረም 27 ቀን 2016 ዓም የዓለም ዜና

ሙሉ ዜናውን በድምፅ እና በጽሑፍ ከታችም ማግኘት ቻላል ።

ሙሉ ዜናውን በድምጽ እና በጽሁፍ ከስር ማግኘት ይችላሉ

ሙሉ ዜናውን በድምፅ እና በጽሑፍ ከታችም ማግኘት ቻላል ።

ሙሉ ዜናውን በድምጽ እና በጽሁፍ ከስር ማግኘት ይችላሉ

የዓለም ዜናውን ሙሉ ዘገባ ማገናኛው ውስጥ በጽሑፍ ከታች ማንበብ ይቻላል ።

የዓለም ዜና በድምጽ

የስደተኞች እና የተፈናቀሉ ዜጎች ሰብዓዊ ሁኔታ እያሽቆለቆለ መምጣቱ እንዳሰሰበው የኢትዮጵያ ሰብዓዊ መብቶች ኮሚሽን ገለፀ።

የዓለም ዜና

የዓለም ዜና

የደቡብ ክልልን በሁለት ክልሎች ለማደራጀት ቅደም ዝግጅት በማድረግ ላይ እንደሚገኝ የደቡብ ኢትዮጵያ ክልል ምስረታና ነባሩን ክልል በአዲስ የማደራጀት ማስፈፀሚያ ፕሮጀክት ጽ/ቤት አስታወቀ። ጽ/ቤቱ “የደቡብ ኢትዮጵያ“ እና “ ማዕከላዊ ኢትዮጵያ ክልል “በሚል ይዋቀራሉ ተብለው ለሚጠበቁት ክልሎች የህገ መንግስትና ሌሎች ሰነዶች ተዘጋጅተዋል።