In düsse Speziaal-Utgaav vun uns "Wi snackt Platt"-Podcast snackt wi mit de Grand Dame vun't Ohnsorg-Theater Heidi Mahler: över de Martinée to ehrn 80. Geboortsdag, de dat Ohnsorg verleden Sünndag för de Schauspelersch utricht hett, över de slaaplosen Nachten, de se in Saken Ohnsorg harr, as dat dor Striet geev, över de betere Stimmung nu, över de plattdüütsche Spraak un ehr Tokumst, över ehr Gedanken an en Afscheed vun'e Bühn, över den Spaaß, den se hett, wenn se dat Stück "Tratsch op de Trepp" spelen deit, över de Kraft, de se dordörch kriggt, dat se jümmers noch op'e Bühn steiht - un bannig veel mehr... Moderatschoon: Jan Wulf

Se is de Grand Dame vun't Ohnsorg-Theater un düt Johr harr se ehrn 80. Gebortsdag: Heidi Mahler. Iin düsse Utgaav vun "Wi snackt Platt" snackt wi mit de Schauspelersch över de Gala-Martinée, de dat Ohnsorg verleden Sünndag för se utricht hett. De Grote Plattdüütsch Gala in'e Laeiszhall Denn geiht dat ok noch üm de grote Plattdüütsch-Gala an'n Freedagavend in'e Hamborger Laeiszhall. Mit dorbi weern ganz vele plattdüütsche Künstlerinnen un Künstlers un Musikgruppen as "De Tüdelband", Sandra Keck, De Deichgranaten, Gerd Spiekermann, Matthias Stührwoldt, dat Ohnsorg Theater und vele, vele mehr. Modereert worrn is de Avend vun Klappmuulpopp Werner Momsen un Yared Dibaba - un präsenteert hett dat Ganze NDR 90,3. 30 Johr Tanks Theater Se staht för plattdüütsche Kumedien un ganz veel Hartbloot: De Lüüd vun Tanks Theater. 30 Johr is dat nu her, dat Norbert Tank dat Theater mit ganz veel Liedenschop grünnt hett. He sülvst is twoors al vör acht Johr storven, man dat Tanks Theater, dat gifft dat jümmer noch. Jümmer wedder bringt dat Theater ne'e Stücken un Ideen op de Bühn un nu, nu warrt Jubiläum fiert mit en bunten Avend ünner den Titel "Dörtig dulle Johr". Benita Brunnert weer bi de Premieer dorbi un vertellt bi "Wi snackt Platt" mehr över den Avend. Korten to winnen: Ohnsorg-"Live" in't NDR Fernsehn An'n tokamen Sünnabendavend, den 26. Oktober, dor heet dat vunaf Klock viddel na acht mal wedder: rop op't Sofa, Fernseher an un Ohnsorg kieken! Dat NDR Fernsehn överdriggt mal wedder live un in Farv, wenn in't Ohnsorg-Theater de rode Vörhang opgeiht - un to sehn gifft dat en Krimi-Kumedie, de sik de Erfolgs-Schrieversmann Henrik Berg utdacht hett. "Landünner - Eine Nacht am Ende der Welt" heet dat Stück un spelen deit dat op en lütte Hallig - un dor geiht dat lustig, man ok spannend un ok so en beten wat spökenkiekerisch to. Bi "Wi snackt Platt" maakt wi Jo en beten wat Lust op dat Stück. Moderatschoon: Jan Wulf

Bi "Wi snackt Platt" stellt wi Jo dütmal dat ne’e Album "Tweespraak bi Nacht" vun den oostfreeschen Ledermaker Jan Cornelius vör, dat geiht üm de ne'e Redakschoon vun dat plattdüütsche Wöörbook „De ne’e Sass“ un dorto maakt wi ok noch Lust op uns plattdüütsch Hörspeel "Ick kenn di nich" an Middewekenabend, op en Mitsing-Kunzert mit Jochen Wiegandt in'n Lichtwarksaal vun’e Carl-Toepfer-Stiften un op de grote Plattdüütsch-Gala mit Yared Dibaba, Werner Momsen un vele anner plattdüütsche Künstlerinnen un Künstlers tokamen Freedagavend in’e Hamborger Laeiszhall! Ne'e SASS-Redakschoon för Fehlerkorrektur un Spraakutbo Verleden Week is künnig maakt worrn, dat bi't plattdüütsche Wöörbook "De ne'e SASS" en ne'e Redakschoon ehr Arbeit opnahm hett. Mit bi de Redakschoon dorbi sünd Robert Langhanke vun'e Uni Flensborg, Manon Hansen, de Vörsittersch vun'e Fehrs-Gill Marianne Ehlers un Kevin Behrens un Christiane Ehlers vun't Nedderdüütschsekretariat mit Sitt in Hamborg. De Redakschoon will in Tokunft mank vele anner Saken den Woortschatt för den Spraakutbo verwiedern un dat Wöörbook överarbeiten un Fehlers korrigeern. Lüüd, de Vörslääg hebbt, köönt an de Email-Adress [email protected] schrieven. In en egen Instagram-Kanaal (https://www.instagram.com/sass.platt/) schüllt vör allen ne'e plattdüütsche Wöör vörstellt un verkloort warrn. Bi "Wi snackt Platt" vertellt Christiane Ehlers mehr över de Arbeit vun de ne'e Redakschoon. https://www.instagram.com/sass.platt Moderatschoon: Jan Wulf De Leder in düsse Utgaav: Moses (keem bit na Woltersbarg) - Iko Andrae Karola Petersen - Torfrock Born, wo de Wind herkümmt - Charly Beutin & Die Schreckschussband Anne Waterkant born (Wellerman up Platt) - Ronny Becker Fährmann - Godewind JO! - Die Deichgranaten

Dütmal stellt wi Jo bi "Wi snackt Platt" en jungen plattdüütschen Ledermaker vör, de tokamen Freedagavend (11. Oktober) vunaf Klock 7 an op’e Bühn vun’t Börgerhuus in Neendörp to beleven is: Lennon von Seth! Denn geiht dat ok noch üm dat ne’e Stück vun’t Amateurtheater in Duvensteed: “Dat Bahn-Chaos - Reisende schall man ophollen" heet dat. Un wi hebbt Besöök in't Studio! Tokamen Dingsdag, den 8. Oktober, dor kümmt in'n Egmont-Verlag en ne'en Asterix-Band op Plattdüütsch rut. Översett hebbt dat Ganze Reinhard Goltz un Peter Nissen - un Peter Nissen, de vertellt bi "Wi snackt Platt" mehr över dat Book un woveel Spaaß he bi dat Översetten vun "Asterix de Gallier" hatt hett. Henwies: In düsse Utgaav geiht dat ok noch üm de Grote Plattdüütsch-Gala - präsenteert vun NDR 90,3 an'n 18. Oktober in'n groten Saal vun'e Hamborger Laeiszhall. Mehr Informatschonen dorto gifft dat ünner www.plattdeutsch-gala.de Moderatschoon: Jan Wulf De Leder in düsse Utgaav vun "Wi snackt Platt": Leev kaam un bliev in mien Huus - Knipp Gumbo Disse Tiet - Gerrit Hoss Mien Jung vun't Dörp - Wiebke Colmorgen & Hardy Kayser An Land - Annie Heger Lüttje Glück - Tüdelband

Dütmal geiht dat bi "Wi snackt Platt" üm den Hamborger Heiko Thomsen, de vun de Carl-Toepfer-Stiften mit den Fritz-Reuter-Pries 2024 uttekent worrn is. Denn snackt wi ok noch mit de Perfessersch för nedderdüütsche Spraak un Literatur Ingrid Schröder vun'e Uni Hamborg över dat 150johrige Jubiläum vun den Vereen för nedderdüütsche Spraakforschen, wi vertellt Jo mehr över de 76. Plattdüütsch Dagfohrt vun'n 20. bet to'n 22.September in Bad Bämsen (Bad Bevensen), de düt Johr ünner dat Motto "Junge Lüüd un Platt" stunn - un: wi hebbt mal wedder en Klassiker ut uns Reeg "Hör mal'n beten to" för Jo! Gerd Spiekermann vertellt in en Geschicht ut dat Johr 1889 mehr över en Harvst-Gedicht vun Rainer Maria Rilke. (Quelle: Das Buch der Bilder I/2; 1902 ) Und dat geiht so: Herbsttag Herr: es ist Zeit. Der Sommer war sehr groß. Leg deinen Schatten auf die Sonnenuhren, und auf den Fluren laß die Winde los. Befiehl den letzten Früchten voll zu sein; gieb ihnen noch zwei südlichere Tage, dränge sie zur Vollendung hin und jage die letzte Süße in den schweren Wein. Wer jetzt kein Haus hat, baut sich keines mehr. Wer jetzt allein ist, wird es lange bleiben, wird wachen, lesen, lange Briefe schreiben und wird in den Alleen hin und her unruhig wandern, wenn die Blätter treiben. De Leder in uns Sennen: Wind vun achtern - Godewind Uns Hoff - Wiebke Colmorgen & Hardy Kayser Ganz goot - Norma Kring ut Füer - Knipp Gumbo Fresenhof - Santiano Moderatschoon: Jan Wulf

Bi dat Börgerfest vun'n Bundespräsidenten an'n 13. un 14. September in'n Schlottpark vun't Schlott Bellevue in Berlin weern dütmal ok Plattsnackers inlaadt. Bi "Wi snackt Platt" vertellt de Leitersch vun't Plattdüütschbüro vun'e Oostfreesche Landschop Grietje Kammler vun ehrn Snack mit Bunnspräsident Frank-Walter Steinmeier. Kloor, dat dat dorbi ok üm de plattdüütsche Spraak güng. Denn geiht dat bi "Wi snackt Platt" ok noch üm de grote Plattdüütsch-Gala an'n 18. Oktober in'n groten Saal vun'e Hamborger Laeiszhall un wi sünd bi de Lohbrügger Börgerbühn in Bardörp to Besöök. Dor gifft dat vunaf tokamen Sünnavend, den 28. September, dat Stück "Wahnen in't Glück" to beleven gifft. Moderatschoon: Jan Wulf

Ove Thomsen is Musiker un plattdüütschen Kinnerbookautor. Verleden Johr is sien Kinnerbook “Regen in’n Kopp” dat plattdüütsch Book vun’t Johr worrn. Ok en plattdüütschen Song hett he domals dorto rutbröcht - sien eersten Song op Platt. Man nu hett he naleggt: denn an'n Freedag is sien ne'et Leed 'Ünner de Sünn" rutkamen. Bi "Wi snackt Platt" stellt wi Jo den Song vör un wi snackt mit Ove Thomsen över siene Erfolge in Saken Plattdüütsch un ok doröver, woso he sik so för de Spraak insetten deit. Man dat is noch lang nich allens. Denn wi sünd in düsse Utgaav ok noch bi dat Norderstedter Amateurtheater to Besöök, dat tokamen Dunnerstag Premieer mit dat Stück “Dree Damen in’n Harvst” fiert. Un wi maakt Lust op en Veranstalten an’n Middewekenavend in’n Lichwarksaal vun’e Carl-Toepfer-Stiften. "Dr. Fritz Reuter morgens nicht zu sprechen" heet en Vördrag, den twee echte Reuter-Experten vun't Institut för Nedderdüütsche Spraak in Bremen halen warrt: de Schauspeler un fröhere Baas vun'e Nedderdüütsche Bühn an't Oldenborgsche Staatstheater Herwig Dust un Rainer Schobess, de fröher mal Platt-Redakteur bi'n NDR in Mecklenborg-Vörpommern weer. Moderatschoon: Jan Wulf

Ok dütmal hebbt wi bi "Wi snackt Platt" wedder ünnerscheedlich Themen för Jo: - Nick Wilder un de Karl-May-Spelen in Bad Segeberg Düt Wekenenn geiht de Saison bi de Karl-May-Spelen in Bad Segebarg toenn. Düt Johr ok mit dorbi weer de Schauspeler Nick Wilder. He weer in en Hauptrull beleven un hett den Halunken Emery Foster speelt. Wi hebbt mit Nick Wilder över siene Tiet bi de Karl-May-Spelen snackt. Twüschen twee Vörstellen. In'n Peerstall. - Quickborn-Pries, Quickborn-Verlag un Quickborn-Vereenigen Al in’e verleden Utgaav hebbt wi vermellt: Gesche un Peer-Marten Scheller vun’n Hamborger Quickborn-Verlag sünd mit den renommeerten Quickborn-Pries vun`e Hamborger Quickborn-Vereenigen för nedderdüütsche Spraak un Literatur uttekent worrn. Dütmal vertellt wi Jo noch en beten wat mehr doröver - un wi stellt de Fraag: wat hett egens de Quickborn-Verlag mit de Quickborn-Vereenigen to doon? De Antwoort vörweg: Hüüttodaags sünd dat twee ünnerscheedlich Institutschonen. Man: se hebbt en gemeensame Geschicht! - De Salt-Ewer "De Sulte" in Lümborg "De Sulte" so heet de Originaal-Nabo vun en olen Salt-Ewer, mit den een op de Ilmau in Lümborg (Lüneburg) Utfohrten maken kann. Bi "Wi snackt Platt" vertellt wi Jo mehr över dat Schipp un de Ehrenamtlichen, de sik üm dat Schipp kümmern doot. - "Finkwarder blifft Finkwarder" - en plattdüütsche Radio-Reportaag ut dat Johr 1957 De Kollegen ut de NDR Retro-Redakschoon hebbt in't NDR Archiv en plattdüütsche Radio-Reportaag ut dat Johr 1958 wedderfunnen, de en sik nu op ndr.de/platt anhöörn kann: "Finkwarder blifft Finkwarder" heet düsse Reportaag vun Wolfgang Christian Seiffert un Otto Tenne und dat geiht dor üm de Geschicht vun Finkwarder un woans ut dat fröhere Fischerdörp en Industrievöroort worrn is. Vele Lüüd, de in'e 50er Johrn op de Elvinsel tohuus weern, kaamt in düsse Reportaag to Woort. Bi "Wi snackt Platt" maakt wi Jo en beten wat Lust op düsse würklich heel interessante Reportaag vun domals. Moderatschoon: Jan Wulf

Bi "Wi snackt Platt" vertellt wi dütmal mehr över dat ne’e Stück "Barfoot in'n Park" in’t Ohnsorg-Theater. Dorto geiht dat ok noch üm dat ne’e Live-Album vun’e Sängersch Norma, wi sünd in Sülldörp to Besöök, wo en sik bi Buer Timmermann en so nöömten Saisongoorn meden kann, un dat geiht üm dat Verleger Ehpoor Gesche un Peer-Marten Scheller – de twee sünd de ne'en Priesdrägers vun den renommeerten Quickborn-Pries vun’e Hamborger Quickborn-Vereenigen. Moderatschoon: Jan Wulf

Bi "Wi snackt Platt" geiht dat dütmal veel wat üm Snacks op Platt, de ok de Hoochdüütschen kennen un bruken doot. Woso seggt wi egens sowat as "nu is Daddeldu" oder "Foffteihn maken"? Wat stickt achter düsse Snacks, wo kaamt de her? De Antwoort dorop gifft dat düssen Sünndag bi "Wi snackt Platt" to hören. Ketelklopper-Platt Un denn vertellt wi Jo bavento ok noch, wat dat Ketelklopper-Platt is, wo dat herkummt un wat dat dormit op sik hett. Henning Voscherau, een vun uns vörmalige Börgermeesters, hett dor fröher ok al mal in en Börgerschopsitten vun vertellt hatt. Mehr dorto gifft dat Sünndagmorgen op'e Ohren halvig negen bi NDR 90,3. Moderatschoon: Jürgen Fitschen De Leder in uns Sennen: Ove Thomsen - Regen in'n Kopp Charmonia - Help Wiebke Colmorgen & Hardy Kayser - Maak ik morgen Ina Müller - Dörp Reggae Nick, Yared & Floy feat. The Charchullas - These boys must be free

Sien eerste Gitarr hett he in't Öller vun ölben Johr kregen. Nu is Ledermaker Willie Stemwede, de in Hamborg-Rahlsteed tohuus is, al siet mehr as 50 Johrn in'e Hamborger Musikszene ünnerwegens. Vele Johrn hett he Folk-Musik, tomeist op engelsch, maakt. Man ok dat Plattdüütsche - sien Moderspraak in'n besten Sinn, wiel dat sien Moder ut Oostfreesland keem - hett em nie nich loslaten. Bannig vele Songs hett he in'e verleden Johrteihnten op Plattdüüütsch schreven. Leder, de vun dat Meer, den Wind un de wunnerschöne Natur hier bi uns in Norddüütschland hanneln doot. "Broder Wind" - Willie Stemwede sien eerstet Album op Platt "Wind un Meer", "Kumm mit lang" un "De Storm", dat sünd blots dree vun de Leder, de dat nu op Willie Stemwede sien eerstet Album "Broder Wind" op Plattdüütsch to höörn gifft. Bi "Wi snackt Platt" vertellt he mehr över sik un sien ne'et Album un, kloor, dat gifft ok den een oder annern Song dorvun to höörn. Een Leed över de Lüüd op den Rahlsteder Wekenmarkt Un noch en anner Leed op Plattdüütsch, dat nich op Willie Stemwede sien ne'et Album mit op is, warrt Willie Stemwede bi "Wi snackt Platt" spelen: een Leed över den Rahlsteder Wekenmarkt! Siet vele Johrn is Willie Stemwede dor sünnavends mit siene Gitarr to beleven. De Song, den he hen un wenn ok in de Schweriner Straat to'n Besten gifft, hannelt vun de Verköperinnen un Vörköpers op den Wekenmarkt: vun de Veerlanners ut Karkwarder, vun Olli un siene Appels, Mustafa un siene Paprikas - un Aal un Kabeljo vun Fisch Schloh. Henwies: An'n 24. August, namiddags Klock 4, warrt Willie Stemwede sien ne'et Album dat eerste Mal vör Lüüd präsenteern: in't Kulturwark in Rahlsteed (Boizenborger Weg 7). Passlich to de Musik gifft dat bi düt Kunzert ok Gedichten to höörn - vördragen vun Joachim Sassen. Korten för dat Kunzert gifft dat nich vöraf to köpen, sünnern blots an de Avendkass. Moderatschoon: Jan Wulf

Bi "Wi snackt Platt" hebbt wi dütmal lütte Geschichten rund üm dat Thema Urlaub un de Sommertiet vör Jo. Freit Jo op Geschichten vun Gerd Spiekermann, Ilka Brüggemann, Christoph Ahlers un Reimer Bull. Moderatschoon: Jan Wulf

Dütmal geiht dat bi "Wi snackt Platt" üm en Drapen vun junge Plattsnackers, man ok Freesen, Sorben un ok Dänen in Flensborg. Organiseer hett dat Ganze dat Nedderdüütschsekretariat mit Sitt hier bi uns in Hamborg. Wi snackt mit de Leitersch Christiane Ehlers över dat Drapen un laat ok de jungen Lüüd, de dorbi weern, to Woort kamen. Denn geiht dat ok noch üm dat Book „Griese Hunnen köönt nich flegen“, dat jüst rutkamen is. Dorto hebbt wi en plattdüütsch Verschoon vun dat Leed "Barbaras Rhabarberbar" vun Bode Wartke för Jo un ne'e Musik vun'e Band Godewind, de gifft dat ok to höörn. An'n 11. August kümmt dat ne'e Album vun'e Band rut un bi "Wi snackt Platt" is al mal dat Leed "Wind vun achtern" to höörn. Moderatschoon: Jan Wulf

Bi "Wi snackt Platt" speelt wi dütmal 'n beten wat mit uns plattdüütsche Spraak. Un woans kunn dat beter gahn as op en Poetry Slam. Wi vertellt, wat dat egens is en Poetry Slam un höört ok mal rin in den een oder annern Text vun en Poeten. De Leder in uns Sennen: Timsen un sien Lüüd - Hüüt is min Daag Gerrit Hoss - Dat olle Klavier Lui & Fiete - Rollin' Home Wiebke Colmorgen & Hardy Kayser - Klookschieter Ina Müller - Veel to olt Moderatschoon: Jürgen Fitschen

Wurtkamp, Ekenknick un Rungwisch - siet verleden Dingsdag gifft dat in Eidelsteed Stratenschiller, de op hoochdüütsch plattdüütsche Stratennaams verklaart! Utdacht hett sik dat Ganze de Börgervereen Eidelsteed tohoop mit de Carl-Toepfer-Stiften un de Platt-AG vun't Gymnasium Dörpsweg. Mehr dorto in düsse Utgaav vun "Wi snackt Platt". Dorto geiht dat ok noch üm den Autor Hinrich Kruse. Dörtig Johr is dat nu her, dat de Mann, den se den "Hemmingway vun’t Nedderdüütsche" nöömt hebbt, storven is. Un togoderletzt hebbt wi ok noch en Klassiker ut uns Reeg „Hör mal’n beten“ vun Gerd Spiekermann för för Jo. Dütmal geiht dat üm dat "Grillen". Moderatschoon: Jan Wulf

Dütmal geiht dat bi "Wi snackt Platt" üm en echten plattdüütschen Literatur-Megastar! In ganz Düütschland hebbt se domals in’t negenteihnste Johrhunnert de Böker vun Fritz Reuter leest. Un dat nich op Hoochdüütsch, sünner op Platt. Mehr över un vun Fritz Reuter is in düsse Utgaav vun "Wi snackt Platt" to höörn, denn dat is düsse Daag nu 150 Johr her, dat de Begrünner vun’e ne’e plattdüütsche Literatur storven is. Dorto gifft dat denn ok noch twee Geschichten vun den Plattdüütschen Vörleeswettstriet "Jungs und Deerns leest Platt" to höörn. De Geschicht "Hoor snieden", de Emma Alma Hausschild vun‘e Grundschool Arp-Schnitger-Stieg in Nefell vördragen hett un dat Märken "De Prinzessin op'e Arft" , vörleest vun Amelia Blank vun dat Immanuel-Kant-Gymnasium in Marmsdörp. Moderatschoon: Jan Wulf

Dütmal sünd wi in'n Wildpark Eekholt to Besöök, wo een an'n Sünnavend, den 13. Juli mal wedder en Törn op Platt mitmaken kann, dorto maakt wi ok noch Lust op dat Festival op Platt in Elmshorn (Sünndag, den 7. Juli, avends Klock 6 geiht dat los) un Ji höört de Geschicht, mit de de Abiturientin Sophie Fick vun’t Friedrich-Ebert-Gymnasium in Heimfeld verleden Sünndag den eersten Pries bi den Plattdüütschen Leeswettstriet Jungs un Deerns leest Platt wunnen hett. Moderatschoon: Jan Wulf

„Jungs un Deerns leest Platt“ – so heet de plattdüütsche Leeswettstriet vun’e Hamborger Scholen. Verleden Sünndag, dor weer dat grote Finale in’t Ohnsorg-Theater – un dree vun de Geschichten, mit de de Schölerinnen un Schölers bi „Jungs un Deerns leest Platt“ wunnen hebbt, de schüllt Ji in düsse Utgaav vun "Wi snackt Platt" höörn: De Geschicht "Allens kloor, Papa" vun Hans Wilkens, mit de Erich Graudus ut de veerte Klass vun’e School Arp-Schnittger-Stieg in Nefell den eersten Pries in'e Kategorie vun'e 3. un 4. Klassen wunnen hett. Dorto de Geschicht "Voß un Wulf bi't Fischen" vun Wilhelm Wisser, vördragen vun Jana Diercks ut de 6. Klass vun't Gymnasium op Finkwarder - un de Geschicht "Sneewittchen un de söven Öllern" vun A. Sonne, mit de Sissi Dunkel ut 9. Klass vun't Friedrich Ebert-Gmynasium in Heimfeld den eersten Pries in'e Kategorie vun'e 7. bet 9. Klassen wunnen hett. Gedenken an Kurt Wagner Bavento dinkt wi in düsse Utgaag ok noch an een ganz besünnern Mann ut Finkwarder. Al an’n 15. Juni is Kurt Wagner in’t Öller vun 89 Johr storven – un dat geev woll keen annern Mann, de so goot över de Geschicht vun Finkwarder Bescheed wuss as he. Dörteihn Böker hett he över Finkwarder schreven un ok wi vun’n NDR weern faken för Interviews bi em to Besöök un hebbt uns wat över de Historie vun Finkwarder vertellen laten un dat – op Hooch un Platt. Wichtig weer Kurt Wagner aver ok för de Kultur un de Vereenen op Finkwarder. 1990 weer he een vun de Lüüd, de den Kulturkrink op Finkwarder in’t Leven ropen hebbt, vele Johrn weer he Vörsitter vun den Vereen – un ok Finkwarder Kunstpries weer mit een vun seine Ideen. Un wat för en Bedüden he för Finkwarder harr, dat süht en ok doran, woveele Institutschonen nu Andeel nehmt an sein Doot – vun’n Drachten- un Heimatmuseum, över de Finkwarder Speel, de Freewillige Füerwehr, de Heimatvereen bet hen ton Sportvereen op Finkwarder un vele, vele mehr. Düsse Mann hett veel doon för Finkwarder un: he warrt fehlen. Moderatschoon: Jan Wulf

Bi "Wi snackt Platt" geiht dat dütmal nochmal üm uns grote "Vertell doch mal"-Gala verleden Sünndag in’t Ohnsorg-Theater, dorto höört Ji de Geschicht, mit de de ölben Johr ole Ukrainerin Anastasiia Savenko den Kinner- un Jugendpries vun uns plattdüütsche Schrievakschoon wunnen hett. Denn sünd wi ok noch mit den Nabu Hamborg bi en Storkenpoor in den Goorn vun Henry Niemann in Oolgamm to Besöök - un dat geiht üm „Jungs un Deerns leest Platt“ , düssen Sünndagvörmiddag (23.6.2024) in’t Ohnsorg-Theater. Moderatschoon: Jan Wulf

Bei einer großen Gala im Ohnsorg-Theater am 16. Juni 2024 wurden die Preisträger des Plattdeutschen Schreibwettbewerbs "Vertell doch mal" bekanntgeben. Neben der Siegerin Katrin Griebenow wurden Joost Mansholt, Birgit Rutenberg, Rainer Martens, Martina Krohm und Anastasiia Savenko ausgezeichnet. Auch mit dabei war die Bestseller-Autorin und Botschafterin des Wettbewerbs Dörte Hansen und die plattdeutsche Folk-Rock-Band "Wippsteert".

In uns "Wi snackt Platt"-Podcast gaht wi dütmal in'n Bardörper Haven bi den Veerlänner Ewer "Uns Ewer" an Boord, dat geiht üm de Henneberg-Bühn in Poppenbüttel, üm den Quickborn-Pries vun'e Hamborger Quickborn-Vereenigen un üm uns grote "Vertell doch mal"-Gala an'n Sünndag in't Ohnsorg-Theater. Moderatschoon: Jan Wulf

Bi "Wi snackt Platt" sünd wi dütmal bi Buer Erni alias Ernst Korth in't Rieck Huus in Curslook to Besöök. Dorto geiht dat ok noch üm dat Plattdüütsch Woort vun't Johr 2024, Yared Dibaba vertellt uns, op wat een sik bi de grote "Vertell doch mal"-Gala an'n 16. Juni in't Ohnsorg-Theater freien kann, un wi sünd op Klassenreis mit twee Hamborger Schoolklassen. “Kinder brauchen Musik” heet en Stiften, de Ledermaker Rolf Zuckowski al vör twinnig Johr grünnt hett. Een vun de Projekten vun de Stiften sünd de „Klassenreisen zur Musik“ – un düsse Reisen, de gifft dat nicht blots op hochdüütsch, sünnern ok op Platt to beleven. "Wi snackt Platt"-Reporterin Vanessa Kossen weer verleden Wekenenn bi de grote Afsluss-Opföhren in Hoisdörp bi Hamborg mit dorbi un is dor ok op Rolf Zuckowski drapen. Moderatschoon: Jan Wulf Moderatschooon: Jan Wulf

Bi "Wi snackt Platt" stellt wi Jo dütmal en ganz wunnerbare Deern vör: Anastasia Savenko is eerst ölven Johr, se kümmt ut de Ukraine un hett nu den Kinner- un Jugendpries vun uns plattdüütsche Schrievakschoon "Vertell doch mal" düt Johr wunnen. Platt-Reporter Frank Jakobs hett Anastasia Savenko bi sik in Warenborg bi Ollnborg drapen un stellt Jo ehr Winner-Geschicht vör. Denn geiht dat bi "Wi snackt Platt" ok noch üm dat Stück „Sommerfest“, dat siet verleden Wekenenn in't Ohnsorg-Theater to beleven is – un wi wüllt en beten wat an den Schauspeler Uwe Friedrichsen denken: verleden Maandag wöör he 90. Johr oolt worrn. Moderatschoon: Jan Wulf

Siet mehr as 60 Johr höört se hier bi uns in Noorddüütschland to uns Alldag dorto: uns plattdüütsche Reeg "Hör mal 'n beten to". In'e Week dagsöver bi NDR 90,3 ümmer namiddags kort na Klock een to hören un sünnavends denn twintig vör ölven. Un wenn man dor mal so'n beten wat anfangen deit in uns Archiv to wöhlen, denn finnt man dor feine Geschichten, de een ok vundaag ruhig noch mal wedder hören kann, so as vun Reimer Bull, Jan Graf un Gerd Spiekermann. Höört man mal 'n beten wat rin an'n Sünndag in uns Sennen "Wi snackt Platt" bi NDR 90,3. Moderatschoon: Jan Wulf

Bummelig hunnertdusend Minschen in Hamborg snackt Platt. Wi bringt de "heemliche Mudderspraak vun de Norddüütschen" ok in't würkliche Leven to'n Klingen.

Bi "Wi snackt Platt" geiht dat dütmal - mank anner Saken - üm ne’e plattdüütsche Musik: Wiebke Colmorgen un Hardy Kaiser hebbt verleden Week jümehr ne'et Album "Vun Harten" op de Studio-Bühn vun't Ohnsorg-Theater vörstellt, un Lars-Luis Linek is an'n 23. Mai mit Leder vun sien ne'et Album "Tass Tee" in'n Lichtwarksaal vun'e Carl-Toepfer-Stiften to beleven. Denn sünd wi bi "Wi snackt Platt" ok noch in'n Landkreis Horborg ünnerwegens: de Theatergrupp "Bickbeern-Schweizer-Speeldeel" harr Besöök vun de fröhere Ohnsorg-Schauspeelersch Sandra Keck. Un de Leitersch vun dat Nedderdüütschsekretariat Christiane Ehlers vertellt bi "Wi snackt Platt" mehr över en Seminar un Workshop an’n 31. Mai in Hamborg: Een Spraakplan för dat Nedderdüütsche schall dor diskereert ut utarbeidt warrn - un jedeen, de will, kann mitmaken. Moderatschoon: Jan Wulf

De St. Pankratius-Kark in Osswarder warrt 350 Johr oolt un dat warrt in’e tokamen Weken un Maanden düchtig wat fiert. Denn geiht dat ok noch üm uns Plattdüütsch Höörspeel hier bi’n NDR: wi gralleert Schauspeler Rolf Petersen, denn de hett för dat plattdüütsch Hörspeel „De Kawentsmann“ den Darstellerpries vun den renommeerten Zonser Hörspeelpries wunnen. Dorto vertellt Gerrit Hoss Jo ok noch wat to't Thema Fischbrötchen un en Tipp heff ik ok noch för Jo: geiht üm den Düütschen Posaunendag düt Wekenenn hier bi uns in Hamborg. Moderatschoon: Jan Wulf

Dütmal snackt wi mit en Obstbuern ut Ooland (Altes Land) över den Nachtfrost, den dat verleden Week geven hett. Denn vertellt wi Jo ok noch, wat dat in’e tokamen Speeltiet in't Ohnsorg Theater to beleven gifft. Dorto geiht dat ok noch üm nackte Huut un dat Stück "Siedenspringer" bi de Nedderdüütsche Bühn Ahrensborg – un üm de Leevde to uns Plattdüütsche Spraak geiht dat ok. Moderatschoon: Jan Wulf

NDR 90,3 feierte den Auftakt zum Plattdeutschen Tag in Hamburg. Mit dabei u.a. Gerrit Hoss, Norma, Wiebke Colmorgen und Annie Heger.

Die plattdeutsche Sprache in Hamburg lebt! Um das einmal mehr unter Beweis zu stellen, fand am Sonnabend der 4. Plattdüütsch Dag in Hamburg statt. Präsentiert von NDR 90,3 und dem Hamburg Journal waren im ganzen Stadtgebiet insgesamt mehr als 50 plattdeutsche Veranstaltungen und Aktionen zu erleben. Schirmherrin der vom Plattdeutschten Rat organisierten Aktion war Hamburgs Zweite Bürgermeisterin Katharina Fegebank (Grüne). Plattdeutsche Führungen auf der historischen Viermastbark "Peking", Rundgänge durch das Hamburger Rathaus und den Hamburger Michel waren ebenso dabei wie ein plattdeutscher Barkassentörn auf der Alster, Konzerte, Lesungen für Kinder und Erwachsene und Theateraufführungen op Platt. Auftakt-Gala auf der NDR 90,3 Foyer-Bühne Bereits am Freitagabend hatte NDR 90,3 zu einer Auftakt-Gala auf der Foyer-Bühne des NDR an der Rothenbaumchaussee geladen. Mit dabei waren viele plattdeutsche Künstlerinnen und Künstler aus Hamburg. Darunter die Sängerin Norma, Gerrit Hoss, Wiebke Colmorgen und Annie Heger. Durch den Abend mit vielen Gästen aus der plattdeutschen Szene in Hamburg führte der NDR 90,3-Plattdeutsch-Redakteur Jan Wulf. Moderation: Jan Wulf

Dütmal geiht dat üm en ne’en plattdüütschen Översetterpries, över den de Hamborgische Börgerschop afstimmt hett: den Hartmut-Cyriacks-Pries. Denn stellt wi Jo ok noch dat Programm vun'n Plattdüütsch Dag in Hamborg an'n 21. April vör, un wi vertellt Jo mehr över de Premieer vun dat ne’e Stück in’t Ohnsorg-Theater: „Landünner – Eine Nacht am Ende der Welt“ heet dat. Dorto gifft ne'e plattdüütsche Musik: den "Platt-a-Billy-Boogie" vun Knipp Gumbo un dat Leed "Deine Oma" vun'e Tüdelband. Moderatschoon: Jan Wulf

Dütmal sünd wi bi dat Theater 99 in’e Veer- un Maschlannen to Besöök. An'n 12. April hett dor dat Stück "Backstagetheatre - Theater achter de Bühn" Premieer. Dorto geiht dat ok in’t Freelichtmuseum an’n Kiekebarg, wo dat düt Wekenenn "Gelebte Geschichte" to beleven gifft un üm un bi 60 ehrenamtliche Schauspelerinnen un Schauspelers in histoorsche Kleedaag ünnerwegens sünd. Denn vertellt wi Jo ok noch vun en ne’en Pries för Plattdüütsche Översettens, den dat woll in’e Tokunft geven schall un wi maakt Lust op dat ne’e Stück in’t Ohnsorg-Theater: „Landünner – Eine Nacht am Ende der Welt“. Dat Stück fiert an'n 7. April Premieer un is dor noch bet to'n 25. Mai to sehn. Moderatschoon: Jan Wulf

To Oostern hebbt wi glieks twee Tipps för wunnerbare Theaterstücken op Platt för Jo: Tanks Theater in Noordersteed speelt vunaf Dunnersdag dat Stück “Euro Teuro Pannemann”, un bi dat Theater 47 in Jenfeld heet dat vunaf tokamen Freedag “Nix as Kuddelmuddel”. Wi hebbt mal in Jenfeld un ok in Noordersteed bi en Proov vörbikeken. Dorto vertellt wi Jo ok noch, woans de Vörjury vun uns plattdüütsche Schrievakschoon “Vertell doch mal” nu ünner all Insennen de besten 25 Geschichten utwählt hett, dat gifft Korten för de Optakt-Gala vun'n Hamborger Plattdüütsch Dag to winnen un, kloor, Goethe sien Oosterspazeergang op Plattdüütsch, den gifft dat in düsse Utgaav ok to höörn! Moderatschoon: Jan Wulf

An'n 20. März fangt dat Fröhjohr an – tominnst vun'n Kalenner her. An düssen Dag liegt twüschen Sünnenop- un Sünnenünnergang 12 Stünnen. Dor sünd Dag un Nacht denn beide glieklang. Un denn duert dat gor nicht lang, wo een den gau markt, dat de Nachten wat körter warrt un de Daag länger. Dagsöver kriggt een denn so ok mehr Tiet för't Oprümen un den Fröhjohrsputz. Un bavento kann een sik denn ok noch mal so'n beten wat Gedanken maken över den nableven Winterspeck. De Geschichten dorto höört Ji bi NDR 90,3 "Wi snackt Platt" an'n 24. März morgens halvig negen oder in düssen Podcast. De Leder in uns Sennen: Wiebke Colmorgen & Hardy Kayser – Kopp hooch Charmonia – Help Axel Prahl & Das Inselorchester - Timpete Ove Thomsen - Regen in'n Kopp Ina Müller – De Klock is dree Moderatschoon: Jürgen Fitschen

De Shantychor vun de HHLA, also vun de Hamborger Haven un Logistik AG, fiert düt Johr Jubiläum. 40 Johr is dat nu her dat de Chor grünnt worrn is. Wi hebbt uns op’n Padd maakt un de „Jungs vun de Logerhuus“ besöcht. Denn stellt wi Jo ok noch den plattdüütschen Spaaßmaker Buer Decker vör un dat geiht üm den Hamborger Plattdüütsch Dag an'n 20. April. Siet verleden Week steiht nu fast, wat dat allens an düssen Dag bi uns in’e Stadt to beleven gifft. Peer-Marten Scheller vun’n Hamborger Plattdüütschroot, de sik de Akschoon utdacht hett, vertellt bi "Wi snackt Platt", op wat sik de Lüüd freien köönt.  Moderatschoon: Jan Wulf

Nick Wilder speelt düt Johr den Schuft bi de Karl-May-Festspelen in Bad Segebarg. Wi hebbt mit em snackt. Denn geiht dat ok noch üm dat Plattdüütsche Woort vun’t Johr 2024, wie wiest hen op dat Kunzert "Jazz up Platt" in't Lannsfunkhuus Schwerin un wi sünd bi de Band Aalkreih in Flensborg to Besöök. Moderatschoon: Jan Wulf

De Hamborger Zitronenjette is torüch! “Bittersüße Zitronen“, so heet dat ne’e Stück bi Ohnsorgs. Wi hebbt uns dat för Jo mal ankeken. Denn weern wi ok noch bi de Düütsche Schauspeelvereenigen, de DSV Hamborg, to Besöök. "Droomdänzers", so heet dat Stück, mit dat de DSV Hamborg an't Wekenenn vun'n 15. bet to'n 17. März in't Theater an'e Marschnerstraat in Barmbek to Beleven is. Denn stellt wi Jo ok noch Volker Holm un sien Internet-Projekt Plattnet vör. Dat gifft dat nu al siet twinnig Johr. Un wi hebbt Besöök in’t Studio vun de Sängersch Norma. Tokamen Sünndag, den 10. März, namiddags üm fief speelt se en Kunzert in‘t Schmidtchen op de Reeperbahn. En Live-Album will Norma dor opteken, dat in’n Sommer rutkamen schall. Moderatschoon: Jan Wulf

Dütmal geiht dat üm en ne’e Akschoon vun’t Lännerzentrum för Nedderdüütsch. „Platt sammeln“ heet de un dat geiht üm en digitale Landkort, wo en indregen un nakieken kann, woneem dat in de Naverschapp plattdüütsche Stratennaams, Inschriften un anner Saken gifft, de mit Platt to doon hebbt. Denn sünd wi ok noch bi de Theatergrupp vun’e Liedertafel Frohsinn in Allermöh to Besöök, de an'n 8. März mit de Kummedie "Allens för Mama" Premieer fiern deit, dat geiht üm uns plattdüütsche Schrievakschoon "Vertell doch mal" – un en "Hör mal’n beten" to Klassiker-Geschicht vun Gerd Spiekermann, de hebbt wi ok noch för Jo. Moderatschoon: Jan Wulf

Heidi Jürgens is bi "Harry Potter und das verwunschene Kind" in't Mehr! Theater an'n Grootmarkt as Perfessersch McGonagall un in de Rull as Dolores Umbridge to beleven. "Wi snackt Platt"-Reportersch Marie-Sophie Koop hett Heidi Jürgens achter de Kulissen besöcht un mit ehr snackt. Denn geiht dat ok noch üm dat Kunzert, dat de Sänger Helmut Debus an'n Freedag, den 23. Februaar., in'e Kunstkaat in Volksdörp geven warrt un wi sünd to Besöök bi de Nedderdüütsche Bühn Ahrensborg. Dor fiert, ok an'n Freedag, den 23. Februar, de Kummedie "Een kommodigen Avend" Premieer. Moderatschoon: Jan Wulf

"Ünner de Sünn", so heet dat Thema vun uns Plattdüütsche Schrievakschoon "Vertell doch mal" düt Jiohr. Uns "Hör mal'n beten to"-Autorinnen un Autoren, de hebbt sik ok mal Gedanken to dat Thema maakt. Op wat för Ideen se dorbi kamen sünd, dat höört Ji bi "Wi snackt Platt". Moderatschoon: Jan Wulf

Dütmal: De Platdüütschen Narichten fiert Jubiläum, de "Deichgranaten" speelt en Kunzert un de Speeldeel Fründschaft proovt för "En gode Partie".

Se is de Grande Dame vun't Ohnsorg-Theater: an'n 31. Januar warrt de Schauspelersch Heidi Mahler 80 Johr oolt. Bi "Wi snackt Platt" kiekt wi en beten wat op ehr Leven torüch un wi snackt mit ehr: över ehrn Geboortsdag, över de verleden 80 Johr un över Kantüffelpankoken-Wett-Eten un Nusstorte. Afscheeds-Tournee vun Charly Beutin & siene Schreckschuss-Band 14 Alben, 45 Johr Rock’n’Roll, wiet mehr as eendusend speelte Kunzerten: De Charly Schreckschuss Band is en Sleswig-Holsteensche Blueslegen, mit en Geschicht, de hier bi uns in Hamborg anfungen hett. Man nu is Sluss. Mit en Tournee seggt Bandleader Charly Beutin Tschüß to de troen Fans. Un wi, wi weern bi den Optakt vun siene Afscheeds-Tournee mit dorbi "Vertell doch mal" geiht wedder los! Uns plattdüütsche Schrievakschoon Vertell doch mal" geiht wedder los! Ok düt Johr söcht de NDR tohoop mit Radio Bremen un dat Ohnsorg-Theater de beste Kortgeschichten op Plattdüütsch – un dat schreven vun Jo, uns Tohörerinnen un Tohörers. Verleden Johr, dor hebbt wi in Hamborg ja ornlich afrüümt: de eerste Pries un ok de Pries för all Lüüd ünner 18 Johr güngen hier to uns in’e Stadt. Man nu, nu geiht dat in’e neegste Runn! Mehr as tohooprekent 5000 Euro gifft dat to winnen. Un an'n Sünndag bi "Wi snackt Platt", dor wi Jo nich blots vör, wat düt Johr dat Thema is bi „Vertell doch mal“, sünnern wi vertellt Jo ok, wokeen uns Vertell-Botschafterin düt Johr is! Moderatschoon: Jan Wulf

Dütmal geiht dat üm dat Stück, dat Stück "Der letzte Pinguin", dat verleden Sünndagavend in’t Ohnsorg-Theater Premieer fiert hett. Denn hebbt wi ok noch mit de Band Santiano snackt. De Musikers sünd düt Johr de Botschafters vun de Seenotretters vun’e DGzRs, also vun de Düütsche Sellschopp to Reddung Schiffbrüchige. Un blangen düsse twee Themen hebbt wi ok noch twee Geschichten för Jo: de een is vun de ölven Johr ole Evananah Yemaneh ut Horborg, de verleden Johr uns plattdüütsche Schrievakschon „Vertell doch mal“ wunnen hett. Un de anner is en Hör mal'n beten to-Klassiker vun Gerd Spiekermann.

Bi "Wi snackt Platt" sünd wi dütmal bi't "Willhomm-Höft" in Wedel to Besöök un stellt Jo den Schippbegrötenskaptein Uwe Mohr vör. Denn geiht dat ok noch üm dat 50johrige Jubiläum vun't Institut för Nedderdüütsche Spraak un in uns Reeg "Plattsnackers bi de Arbeit" stellt wi Jo Marcel Jammers vör. He is de Baas vun en Spoorkass-Filiaal in Hamborg-Bardörp (Bergedorf). Moderatschoon: Jan Wulf

Dat ne'e Johr is dor un dat schall uns wenn't geiht veel wat an Glück bringen. Wat de Lüüd seggt, bringt en Schosteenfeger dat Glück in't Huus. Wosa dat vertellt warrt, kriegt Ji bi "Wi snackt Platt" an'n 7. Januar to hören. Un denn steiht 2024 ok wedder de Plattdüütsch Dag för Hamborg op'n Plaan. Wokeen dorbi mitmaken müch, de finnt allens dat, wat he dorto weten mutt, in't Internet ünner platt.hamburg. In uns Reeg "Platt bi de Arbeit" hett Bernhard Koch Schoolmeestersch Ann-Katrin Lorenzen besöcht. Se ünnerricht in en Beroopsschool in Hamborg-Hogenfell. Bavento kriegt Ji denn noch in uns eerste "Wi snackt Platt"-Sennen vun't ne'e Johr de Stimmen vun Reimer Bull un Gerd Spiekermann to hören. De Lender in uns Sennen: Kring ut Füer - Knipp Gumbo Ik bün Börgermeister - Volkert Ipsen Ik föhl mi wohl - Farvenspeel De Klock is dree - Ina Müller Rollin' Home - Lui & Fiete

Bi uns letzte Utgaav vun "Wi snackt Platt" för düt Johr geiht dat üm't Glück, üm gode Vörsätz un wat to'n Lachen hebbt wi ok för Jo: ünner annern geiht dat op Besöök bi "Tante Dibbermeier" un twee Riemels un en Witz vun Benno Strandt hebbt wi ok noch för Jo.

Bi "Wi snackt Platt" wüllt wi uns tohoop mit Jo op Wiehnachten freien: Schölerinnen und Schölers ut de Klass 3d vun’e School Lutterothstraat in Eimsbüddel leest plattdüütsche Wiehnachtsgedichten, Rudl Kinau vertellt sien Geschicht "De brune Schimmel" un de Wiehnachtsgeschicht na den Evangelist Lukas, de gifft dat ok to höörn - op Platt, versteiht sik! Moderatschoon: Jan Wulf

Dütmal hebbt wi bi "Wi snackt Platt" allerhand Tipps för Jo, wat Wiehnachtsgeschenken angeiht. Dat geiht üm plattdüütsche Böker, Musik, Spelen un Klenner – un dat sünd nich blots Saken för wussen Lüüd, sünnern ok för Kinner. Man dat is noch lang nich allens, denn, kloor: wi hebbt ok twee wiehnachtliche Geschicht för Jo. De unvergeten Reimer Bull, de düsse Daag sienen 90. Gebortsdag fiert harr, vertellt sienen Geschicht "De Wiehnachtsmann sien Hütt" un Gerd Spiekermann vertellt wat vun Wiehnachten, dat bi em nu ganz anners fiert warrt as in siene Kinnertiet. Moderatschoon: Jan Wulf

Dütmal geiht dat bi "Wi snackt Platt" üm de Wiehnachtskunzerten vun de Finkwarder Speeldeel. An'n 10. Dezember is de Chor, morgens Klock Ölven in'e Laeizhall to beleven, un an'n Sünnavend, den 16. Dezember, hett de Speeldeel en Optritt in'e Aula vun'e Stadtdeelschool Finkwarder. Dorto sünd wi bi "Wi snackt Platt" ok noch bi de Kantorei vun'e Hillig-Geist-Kark in Barmstedt in'n Landkreis Pinnbarg to Besöök. An'n 10. Dezember, avends Klock 6, is de Chor mit dat Wiehnachtsoratorium to beleven. Un twee wiehnachtliche Geschichten hebbt wi ok noch för Jo: vun Jan Graf un Gerd Spiekermann. Moderatschoon: Jan Wulf

Dütmal sünd wi bi de Modelliesenbahn-Fans in’t Ole Land to Besöök, wi kiekt mal bi dat Elektrizitäts-Museum "Electrum" in Harborg vörbi un dat geiht üm den Niklas-Dag und dat Töven op Wiehnachten. Moderatschoon: Jan Wulf

Dütmal geiht dat üm en nedderdüütsch-freesch PEN-Zentrum, dat verleden Middeweken in Hamborg grünnt worrn is. Denn vertellt wi Jo mehr över dat Finale vun den Plattdüütschen Songcontest "Plattbeats" un wokeen den wunnen hett - un wi stellt Jo en Workshop vun't Nedderdüütschsekretariat hier bi uns Hamborg för. Bi düssen so nöömten "Think Tank" an'n Sünnavend, d. 2. Dezember, geiht dat üm de Tokunft vun uns Plattdüütsche Spraak un üm Ideen för ne'e Plattdüütsch-Kampagnen. Moderatschoon: Jan Wulf

Bi "Wi snackt Platt" dreiht sik dat dütmal allens so'n beten wat üm den Novembermaand: Üm de düstern Daag, de wi opstunns hebbt, üm den November-Blues un dat Lanternenlopen. Un, kloor, dor warrt Ji denn ok noch wat to hören, to de föffte Johrstiet, de nu anbraken is. Denn de hebbt wi ja ok bi uns hier baven in'n Noorden, de gifft dat nich blots in't Rheinland. Man bi uns dor is dat nich de Karneval, bi uns is dat de Gröönkohltiet. Un to allens dat un noch en beten wat mehr dor höört Ji in uns Sennen Geschichten vun Reimer Bull, Gerd Spiekermann un Ewald Christophers sowie Heinz Holland mit en Geschicht vun Otto Tenne. Un denn kriegt Ji dorto noch en ganzen Barg plattdüütsche Musik op'e Ohren. An't Enn vun uns Sennen wiest wi hen op den Hamborger Plattdüütsch Dag an'n 20. April 2024. Hier gifft mehr Infos dorto. Moderatschoon: Jürgen Fitschen

Se is sowat as de Frankfurter Bökermess för de plattdüütsche Literatur: Düt Wekenenn maakt de Carl-Toepfer-Stiften mal wedder de Dören apen för de Plattdüütsche Bökermess hier bi uns in Hamborg. Wi sünd op de Plattdüütsche Bökermess to Gast, snackt mit AutorInnen un Verlegerinnen un wi stellt Jo dat Plattdüütsch Book vun't Johr 2023 vör. Bavento geiht dat ok noch üm den Fritz-Reuter-Literaturpries. De geiht düt Johr na Hamborg: an Gerd Spiekermann. Un ok de Hamborger "Tüdelband" kann sik freien. Se is mit en Sünnerpries uttekent worrn.

Bi "Wi snackt Platt" maakt wi Jo dütmal Lust op de Plattdüütsche Bökermess an'n 11. un 12. November in'n Lichtwarksaal vun'e Carl-Toepfer-Stiften in de Neanderstraat in Hamborg. Dorto kiekt wi Bäcker Heinz Hintelmann ut de Verlannen bi de Arbeit över de Schullern, un wi hebbt noch een Utfloog-Tipp för Jo: siet düt Johr gifft dat in't Ooland de Museumsinseln vun‘t Museum in’n Marstall in Winsen. Dor warrt wat vun de heel interessante Geschicht un ok de Kultur vun’e Elvmasch vertellt. Moderatschoon: Jan Wulf

Dat Radio fiert Geboortsdag un warrt 100 Johr oolt! An'n 29. Oktober 1923 güng dat domals mit den Rundfunk bi uns in Düütschland los. Bi "Wi snackt Platt" höört wi deswegen 'n beten wat Retoure mit dat een oder anner Stück ut uns Radio-Archiv. Freiht Jo op de Stimmen vun Rudl Kinau, Willem Fricke un Reimer Bull. Bavento höört Ji denn ok noch, wat Carlo von Tiedemann 'n beten wat op Platt snacken kann oder ok nich. De Leder in uns Sennen: Vigeliensch - Wiebke Colmorgen & Hardy Kayser Mama - Ina Müller Help - Charmonia In disse Tied - Gerrit Hoss These boys must be free (op Platt) - Nick, Yared & Floy feat. The Charchullas Moderatschoon: Jürgen Fitschen

Bi "Wi snackt Platt" dreiht sik dat an'n 22. Oktober allens so'n beten wat rund üm Hamborg. Un dor fallt een foorts ne ganze Reeg in, wenn een över nadenken deit: Alster un Elv oder Haven un Lannungsbrüchen un kloor, ok uns plattdüütsche Spraak un ne ganze Reeg Lüüd, de to Hamborg höört as man wat. "Typisch Hamborg" wörr een seggen un dor köönt Ji in uns Sennen 'n beten wat to hören: Dat Gedicht "Zwischen Alster und Elbe" vun Arnold Risch, leest vun Willem Fricke, en Utsnitt ut'e "Reis na Hamborg" vördragen vun Jan Fedder, en lütte Geschicht över "Hamborger Originale" vertellt vun Jochen Schenk un noch'n ganzen Barg mehr - allens dat, wat to Hamborg höört as uns Aale-Dieter to'n Fischmarkt. De Leder in uns Sennen: Hamborg Blues - Lars-Luis Linek Hamborgs Straaten - Charmonia De Wind vun Hamborg - Ina Müller In Hamborg verleevt - Gerrit Hoss Knipp Gumbo - Marie Marie Moderatschoon: Jürgen Fitschen

Dütmal geiht dat üm de Autorsch Dörte Hansen, de in't Ohnsorg-Theater ut ehr Böker "Altes Land", Mittagsstunde" un "Zur See" vörleest un ut ehr Leven vertellt hett. Denn geiht dat ok noch üm de Geflügelutstellen vun'n Hamborger Verband för Rassegeflügeltüchters, de tokamen Wekenenn in Curslook to beleven is, dorto geiht dat üm den Plattdüütsch-Krink Langenhoorn un wi maakt Jo Lust op dat Plattdüütsche Hörspeel an'n tokamen Middewekenavend: "Blauwaterseilen". Moderatschoon: Jan Wulf

Op de Studiobühn in’t Ohnsorg-Theater dor sünd in’n Ogenblick de Müüs un Rotten to Gang: "Die Muskeltiere – Een för all, all för een“, so heet dat ne’e Stück för Kinner un junge Lüüd bi Ohnsorgs. Wi hebbt uns för Jo mal de Premieer ankeken. Denn stellt wi Jo bi "Wi snackt Platt" ok noch dat Theaterstück vör, dat dat vunaf Dunnersdag bi Tanks-Theater in Nordersteed to beleven gifft; „Jens Petersen kriggt Besöök“ heet dat. Dorto geiht dat ok noch üm Froenslüüd un Deerns, de Schach spelen doot (hier geiht dat to den Termin in de Hamborger Bökerhall op Finkwarder), un wi maakt Lust op en Veranstalten mit de Autorsch Dörte Hansen. De is an'n Sünndagvörmiddag op’e grote Bühn vun’t Ohnsorg-Theater to beleven. Klock halvig twölf geiht dat los. Moderatschoon: Jan Wulf

Dütmal geiht dat bi "Wi snackt Platt" - mank anner Saken - üm den Trinitatis-Chor Altona, de an'n 8. Oktober sien Johrskonzert in de St. Petri-Kark in de Schillerstraat geven deit. In Oogenblick, dor sünd de Chorlüüd natüürlich düchtig veel an’t Öven, un Bernhard Koch, de weer annerletzt mal bi en Proov dorbi un stellt Jo den Chor vör. Dorto geiht dat bi "Wi snackt Platt" ok noch üm de Sängersch Norma, de an’n Maandag, den tweten Oktober, vörmiddags üm 11.15h  op de NDR-Bühn bi’t grote Fest to'n Dag vun'e Düütsche Eenheit in Hamborg to beleven is. Un dat geiht üm en ganz besünnere Theater-Vörstellen in't Ohnsorg-Theater. Tokamen Sünnavend is dor dat Stück "De leven Öllern" to beleven un dat Beste is: dat ganze is ok live in't NDR Fernsehen to sehn! Moderatschoon: Jan Wulf

Dütmal geiht dat bi "Wi snackt Platt" üm den plattdüütschen Song-Contest Platt-Beats un en jungen Musiker, de dor mitmaken deit: Lennon vun Seth. Denn sünd ok noch bi de Lohbrügger Börgerbühn in't "Theater am Neuen Weg" in Bardörp (Bergedorf) to Besöök, wo dat vunaf tokamen Sünnavend dat Stück „Amtsnoten“ to beleven gifft. Dorto vertellt wi Jo ok noch wat över dat öllste Literatur-Drapen vun ganz Düütschland, dat Plattdüütsch-Drapen in Bämsen (Bad Bevensen)  - un wat Neets vun’t Ohnsorg-Theater hebbt wi ok noch to vertellen, denn siet düsse Week steiht fast, wokeen in den ne'en Ohnsorg-Opsichtsraat ünner den Vörsitt vun Sandra Keck sitten warrt. Moderatschoon: Jan Wulf

Dütmal geiht dat üm de Steuben-Paraad in New York, dat ne'e Stück "Senioren-WG" op'e Bühn vun'n Theatervereen Rellingen un en Lesen mit Musik an'n Middewekenavend in't Kulturwark in Rahlstedt: Joachim Sassen leest ut "De Regentrude" vun den Dichtersmann Theodor Storm. Dat "Duo Faltenreich" maakt de Musik dorto. Diesmal geht es um die Steuben-Parade in New York, das neue Stück "Senioren-WG" auf der Bühne des Theatervereins Rellingen und um eine Lesung mit Musik am Mittwochabend im Kultwerk Rahlstedt: Joachim Sassen liest aus "Die Regentrude" von Theodor Storm und das "Duo Faltenreich" macht die Musik dazu. Moderatschoon: Jan Wulf De Leder in düssen Podcast: Deep in Dien Hart - Janina Straat nah Westen - Otto Groote Ensemble Un Du löppst - Aalkreih Land in Sicht - Godewind Wellen, Wind un Meer - Lars & Timpe

Bummelig hunnertdusend Minschen in Hamborg snackt Platt. Wi bringt de "heemliche Mudderspraak vun de Norddüütschen" ok in't würkliche Leven to'n Klingen.

Bummelig hunnertdusend Minschen in Hamborg snackt Platt. Wi bringt de "heemliche Mudderspraak vun de Norddüütschen" ok in't würkliche Leven to'n Klingen.

En Roboter lehrt Platt, de ne'e Baas vun't Lännerzentrum, Platt bi de Volkshochschool un dat Theaterstück "Trennung för Bangbüxen".

Bi "Wi snackt Platt" sünd wi dütmal bi Carsten Wulff to Besöök. He is de Baas vun Elektro Eckstein in Hamborg-Bardörp (Bergedorf) un wi, wi hebbt em bi de Arbeit över de Schuller keken. Denn stellt wi Jo ok noch en ne’e Episood vun uns Plattdüütsch Hörspeelreeg „Seker is Seker“ mit Sandra Keck in’e Hauptrull vör. "Teddy" heet de. Un twee plattdüütsche Geschichten hebbt wi ik ok noch för Jo: Reimer Bull leest de Geschicht "Urlaubsprobleme" vun Ernst Joachim Brüning vör, un Frida Burmester vun't Luisen-Gymnasium in Bardörp is mit en lütten Utsnitt ut dat Book "De lütte Prinz" vun Antoine de Saint-Exupéry to höörn. Mit düsse Geschicht (plattdüütsche Översetten: Arndt Immo Richter) hett se in'n Juni bi den Hamborger Leeswettstriet "Jungs un Deerns leest Platt" deelnahmen. Moderatschoon: Jan Wulf

Dütmal stellt wi Jo Susanne Meier vun’t HARBOR-Forschungsinstitut vör un dat geiht üm plattdüütsche Verklaar-Videos för Grundscholen.

"Plattdüütsch is Kultur! Un Kultur smitt man nich weg. Ne, man heegt un pleegt ehr." - Dat weer dat Motto vun Hein Thies ut Glinn. He weer de Mann achter dat Wöörbook, den ne'en SASS. Verleden Maand - an'n 10. Juli - is Hein Thies in't Öller vun 85 Johr na en lange un swore Krankheit storven. De Plattdüütschen truert üm en Minschen, de sik üm uns plattdüütsche Spraak kümmert hett as meist keen anner. Bi "Wi snackt Platt" kiekt wi noch mal trüch op sien Engagement. Noorden vun Hamborg, baven in Sleswig-Holsteen twüschen Neemünster un Rendsborg - in Noorddörp (Nortorf) - dor gifft dat dat Düütsche Schallplattenmuseum, wo ok de Schallplattenarchiven vun'n NDR ut Kiel un Hamborg henkamen sünd. Gerrit Hoss vertellt bi "Wi snackt Platt" mehr över dat Museum. Bavento gifft dat denn ok noch veel wat över Beer to weten. Benita Brunnert hett mit Arne Christiansen snackt. He is Plattsnacker un beedt an'n 30. August in'n Lichtwarksaal vun'e Carl-Toepfer-Stiften en Beerverkosten op Platt an. Dat allens - un noch 'n beten wat mehr - dat gifft dat dütmal bi "Wi snackt Platt" to hören. De Leder in uns Sennen: Iko Andrae - Mank all mien Drööm Otto Groote Ensemble - Min Jehann Yared und die Schlickrutscher - Klei mi an Mors Charmonia - Help Knipp Gumbo - Marie Marie Moderatschoon: Jürgen Fitschen

Bi "Wi snackt Platt" kiekt wi an'n 30. Juli noch mal trüch - op den glieken Dag domals in dat Johr 1966. Denn dor, an den Dag, is dat legendäre Tor vun Wembley schaten worrn. Un dat is ok an en 30. Juli ween, wo vör 20 Johr in en Fabrik in Mexiko de letzte VW Käfer vun't Band lopen is. Nipp un nau weer dat domals Käfer Nummer 21.529.464 - so veel sünd dor alltohoop över all de Johren henweg vun boot worrn. Fröher weer de Käfer sowat as en Teken för den Wohlstand - en Auto mit dat vele Lüüd ok op Reisen gahn sünd, wo een denn ok veel wat bi beleevt hett. Un dor denkt een denn ok vundaag noch mal geern an trüch an de olen Tieden. Meist jüst so, as an dat eerste Auto. Bi "Wi snackt Platt" gifft dat deswegen ok noch mal en Klassiker to hören ut uns Reeg "Hör mal 'n beten to" - geiht üm Gerd Spiekermann un den sien eerste Auto. De Leder in uns Sennen: Knipp Gumbo - Ik all alleen Lars-Luis Linek - Football Gerrit Hoss - In disse Tied Wattenläufer - Aloha heja he Ina Müller - Veel to olt Moderatschoon: Jürgen Fitschen

Uns Themen dütmal: Karla Buhr un ehr Hund Lucky ut Hamborg-Bohrenfeld. Un woso snackt wi egens düsse Tiet in’n Sommer vun'e "Hunnsdaag". Wenn Ji Platt snacken doot un tohuus en Deert hebbt, wat ganz nödig mal in't Radio mutt un wo een över snacken schull - wat dat nu en Katt, en Peerd oder Wellensittich is oder goors en Papagei, de bavento denn ok noch 'n beten wat an Platt kann - denn seggt Bescheed: Eenfach ne korte Mail an [email protected] un denn geiht dat los. De Leder in uns Sennen: Axel Prahl & Das Inselorchester - Timpete Otto Groote Ensemble - Straat nah Westen Wiebke Colmorgen & Hardy Kayser - Willnix, kannix & weetnix Knipp Gumbo - Kring ut füer Nick, Yared & Floy feat. The Charchullas - These boys must be free Moderatschoon: Jürgen Fitschen

Dat gifft Neets vun’t Ohnsorg-Theater. Na en lange Paus is Ohnsorg-Intendant Michael Lang nu wedder torüch an’t Huus. Worüm he meist tweeanhalv Maand nich dor weer un wat he to den Striet bi Ohnsorgs seggt, vertellt wi Jo bi "Wi snackt Platt". Dorto sünd wi ok noch an’e Küst ünnerwegens un geevt Jo Tipps för’t Bernsteensammeln in’n Sommerurlaub. Un wi hebbt twee plattdüütsche Geschichten för Jo: Lina Weidmann vun de Grundschool Arp-Schnitger-Stieg in Neefeld leest de Geschicht "As de Melk suur wöör" vun Jonas Kötz. Mit düsse Geschicht hett se düt Johr an den Plattdüütschen Leeswettstriet vun'e Hamborger Scholen "Jungs un Deerns leest Platt" deelnamen. Un Ji höört de Geschicht "Een Öösternfischer". Dormit hett de veeruntwinnig Johr ole Studentin Katrin Griebenow düt Johr den drüdden Pries bi uns plattdüütsche Schrievakschoon "Vertell doch mal" wunnen. Moderatschoon: Jan Wulf

Dütmal stellt wi Jo bi "Wi snackt Platt" den jungen Hamborger Studenten un Füerwehrmann Kjell Listing vör, dat geiht üm en Eerste Hölp-Kurs op Platt, den Mia Grossmann vun de Johanniter Unfall-Hölp an't Ohnsorg-Theater geven hett, dorto kriggt Ji de Vertell doch mal-Geschicht "Hannes sien Sofa" op'e Ohren un wi vertell Jo mehr över dat Plattdüütsche Hörspeel "De Reis mit den flegen Hollänner". Moderatschoon: Jan Wulf

Plattdüütsch leevt! Un dat dat so is, dat hett “Vertell doch mal” ok düt Johr wedder wiest. Mehr as 1300 plattdüütsche Kortgeschichten to dat Thema “Tohuus” hebbt Ji, uns Tohörers , uns dütmal wedder toschickt. Wi seggt vun Harten Dank! Verleden Sünndag, dor weer nu de grote "Vertell doch mal"-Afsluss-Gala in’t Ohnsorg-Theater, wo ok de Winnerinnen un Winner düt Johr künnig maakt worrn sünd. Bi "Wi snackt Platt" vertellt wi Jo mehr vun de Gala und ,kloor, wüllt wi ok nochmal de besten Geschichten hörenn: Denn de eerste Pries vun "Vertell doch mal" düt Johr – as ok de Kinner- un Jugendpries, de güngen düt Johr beide na Hamborg! Un twors an Wolfgang Krischke ut Eppendörp un de ölben Johr ole Evana Yemaneh ut Horborg. En Hamborger Dubbelsieg sotoseggen! Moderatschoon: Jan Wulf

Wi stellt Jo dütmal de Ü18-Priesdrägersch vun "Vertell doch mal" Evana Yemaneh ut Horborg vör, dat gifft twee Geschichten vun den plattdüütschen Leeswettstriet "Jungs und Deerns leest Platt" to hören un wi snackt mit junge Plattsnackers över en Workshop in Berlin. Moderatschoon: Jan Wulf

Bummelig hunnertdusend Minschen in Hamborg snackt Platt. Wi bringt de "heemliche Mudderspraak vun de Norddüütschen" ok in't würkliche Leven to'n Klingen.

Bi "Wi snackt Platt" stellt wi Jo dütmal en echtet Königspaar vör, wi besöökt Annegret Grant ut Kirchwarder bi de Arbeit un wi weern bi een Proov vun Knipp Gumbo un siene Musikers dorbi. Knipp Gumbo hett jüst en ne’e CD rutbröcht un is mit dorbi – tokamen Sünndag bi uns grote „Vertell doch mal“-Gala in’t Ohnsorg-Theater.Knipp Gumbo: Ne'et Album un "Vertell doch mal"-Gala Moderatschoon: Jan Wulf De Leder in uns Sennen: Help - Charmonia Sömmernacht - Jan Cornelius Op bald - Norma Land in Sicht - Godewind Jackson - Knipp Gumbo

Bi "Wi snackt Platt" geiht dat dütmal, blangen anner Saken, üm den plattdüütschen Lesewettstriet „Jungs un Deerns leest Platt“. Dat geiht an'e See to'n "Schiffsansagedienst Cuxhaven" - un wi stellt Jo uns Plattdüütsch Höörspeel "Wilma un Karl" vör. Moderatschoon: Jan Wulf

Bi "Wi snackt Platt" sünd wi dütmal bi’n HSV to Besöök. Man dat geiht nich toallereerst üm Football un den Opstieg, dat geiht üm en Chor, den de HSV Supporters in't Johr 2019 grünnt hebbt. Wi weern mal bi en Proov vun den HSV Supporters Chor mit dorbi un stellt Jo den Chor un de Lüüd, de dor mitsingen doot, vör. Denn geiht dat ok noch üm dat ne’e Stück in’t Ohnsorg-Theater. De „Heven schall töven“ hett verleden Sünndag Premieer bi Ohnsorgs fiert. Un wi stellt Jo en Mann vör, de en ganz besünnert Hobby hett: Uli Manthey sammelt Telefonapparaten ut de 70er un 80er Johrn. Moderatschoon: Jan Wulf De Leder in düssen Podcast: Mien Weg - Norma Cool bliem - Godewind De Klock is Dree - Ina Müller De Straat nah Westen - Otto Groote Krink ut Füer - Knipp Gumbo

Bummelig hunnertdusend Minschen in Hamborg snackt Platt. Wi bringt de "heemliche Mudderspraak vun de Norddüütschen" ok in't würkliche Leven to'n Klingen.

“To Pingsten ach wie scheun” - so geiht en Leed los, dat för vele Lüüd to't Pingstfest eenfach dorto höört: "De Pingsttour" vun Hein Köllisch. Kloor, dat Ji düssen Klassiker to Pingsten bi "Wi snackt Platt" op NDR 90,3 to höörn kriegt. Dorto gifft dat de een oder anner Pingst-Geschicht vun Arnold Risch un Reimer Bull, un wi stellt Jo de Ehrenjury vun uns plattdüütsche Schrievakschoon "Vertell doch mal" vör. De hett sik verleden Dingsdag drapen, üm de Priesdräger-Geschichten ruttosöken. Moderatschoon: Jan Wulf

„In uns Geschichten bewohrt wi dat Leven op“ - dat hett Reimer Bull mal seggt. Man uns Leven is ja as’n Straat, de wi nich kennt: mal en Landstraat, mal en Achterbahn un mal en Eenbahnstraat. Bi "Wi snackt Platt" höört Ji dütmal veer Geschichten, de op jümehr Wies vun´t Leven vertellt - schreven un vördragen vun Ina Müller, Reimer Bull, Irmgard Harder un Wolfgang Sieg.

De Mai steiht vör de Dör un dormit de schönste Tiet vun't ganze Johr: De Bööm warrt nu endlich wedder gröön un nich blots in'e Natur, man ok in de Minschen, dor röögt sik wat. Bi "Wi snackt Platt" wüllt wi Jo en beten wat Lust maken op den Mai. Dat geiht üm Leder un plattdüütsche Snacks över den Mai, dat geiht üm den Maiboom-Bruuk in Oostfreesland un dat geiht üm'e Leev un dat Flirten - denn jo: ok in de Minschen, dor röögt sik wat in´n Mai... Moderatschoon: Jan Wulf De Leder in uns Sennen: Dat weer Mai - Ina Müller Fröhjohrssünn- Lars-Luis Linek Sommerwien - Wattenläufer Sommerkinner - De Tüdelband Sommerregen - Gerrit Hoss These boys must be free - Nick, Yared & Floy feat. The Charchullas

Veel los op’e plattdüütschen Bühnen in Hamborg un ümto: in’t Ohnsorg-Theater is de Krimi-Kummedie "Starven is ok nich mehr dat, wat dat mal weer" to sehn, un bi de Nedderdüütsche Bühn in Ahrensborg, dor warrt gors en plattdüütschen Psychothriller op´e Bühn bröcht: Passagier 23 na den bekannten Roman vun Sebastian Fitzek. Denn geiht dat bi "Wi snackt Platt" ok noch üm den bekannten Hamborger Dichtersmann un Sänger Hein Köllisch: in`e Nedderdüüütsche Bibliothek vun'e Carl-Toepfer-Stiften, dor gifft dat en ne'en Ruum un en Duer-Utstellen över em. Un dat Gedicht vun'e "Loreley" na Hein Köllisch hebbt wi ok noch för Jo. Moderatschoon: Jan Wulf

Dütmal geiht dat üm de Premieer vun "Ringel, Rangel, Rosen - Vörbi is man nich vörbi" in't Ohnsorg-Studio. Dat Stück na den Jugendroman von Kirsten Boie dreiht sik üm de Hamborger Stormfloot vun 1962. Dorto maakt wi Lust op uns Plattdüütsch Hörspeel "Woans Martha denn noch na Huus keem", Lina Bande vertellt wat dorvun, wat se maakt, wenn se mal to veel Stress hett, un in uns Hör mal'n beten to-Klassiker snackt Ina Müller över de Geföhle in't Fröhjohr.

To Oostern treckt dat ja wedder vele Lüüd rut in’e Natur - un dat weer ok al in ole Tieden so. Ganz besünners schöne Wöör hett dorför mal Johann Wolfgang vun Goethe in sien „Faust“ funnen. Freit Jo bi "Wi snackt Platt" op den Oosterspazeergang op Platt, översett un vördragen vun Friedrich-Hans Schaefer. Dorto stellt wi Jo dat ne'e Kinnerbook "Regen in'n Kopp" vun den Hamborger Musiker un Autor Ove Thomsen vör, dat geiht üm en negen Johr ole Deern ut de Ukrain, de bi sik an'e School een plattdüütschen Leeswettstriet wunnen hett, un wi besöökt de Plattsnackers vun'n Plattdüütschkrink in Farmsen-Berne. 25 Johr gifft dat den nu al, un an'n Dunnersdag, dor warrt dat in'n Kriegkamp 21, nich wiet weg vun'n U-Bahnhoff Berne, ok fiert.

Twee ne’e plattdüütsch Theaterstücken gifft dat in de tokamen Weken to beleven: Tanks Theater in Noordersteedt speelt dat Stück „Dat Experiment“ un bi de Nedderdüütsche Volksbühn in Geesthacht köönt Ji Jo vunaf den 16. April de Kummedie „Allens in Bodder“ ankieken. Bi "Wi snackt Platt" stellt wi Jo de twee Stücken un ok de Lüüd, de dor mitspelen doot, vör. Dorto geiht dat bi uns ok noch üm een ne'en vullweertigen Plattdüütsch-Studiengang an'e Uni Ollenborg, un wi vertellt Jo mehr över dat Hörspeel "Mittagsstunde" na den Roman vun Dörte Hansen, dat Ji an'n Middewekenavend bi NDR 90,3 höörn köönt. Moderatschoon: Jan Wulf

Bi "Wi snackt Platt" stellt wi Jo dütmal glieks twee ne'e Stücken vun Amateurtheaters in Hamborg vör. Dorto geiht dat üm een ne'e Veranstaltensreeg bi de Carl-Toepfer-Stiften un üm uns plattdüütsche Schrievakschoon "Vertell doch mal". Moderatschoon: Jan Wulf De Leder in uns Sennen: In een Boot - Godewind Marie, Marie - Knipp Gumbo De Stävels sünd toon Wannern - Wattenläufer Nees in Wind - Ina Müller Sommeregen - Gerrit Hoss

Een Malöör sitt faken up een lüttje Stee - dat warrt geern seggt, wenn mal wedder wat scheef lopen oder heel anners kamen is, as wi dat wullen. Man ok dat Glück kummt faken gauer as een sik dat denken deit. Kloor, Glück un Malöör, dat is wat för Geschichtenvertellers. Gerd Spiekermann hett veer plattdüütsche Glück- un Malöör-Geschichten ut't NDR-Archiv haalt. Freit Jo up de Stimmen von Heidi Kabel, Hilde Sicks, Beate Kiupel, Willem Fricke un Reimer Bull. Moderatschoon: Gerd Spiekermann

Bi "Wi snackt Platt" dreiht sik dat nochmal veel wat üm de Sprakencharta, wo se nülichs ok in'n Bunnsdag över snackt hebbt un wi höört wat över dat ne'e Stück in't Ohnsorg-Theater. Bummelig hunnertdusend Minschen in Hamborg snackt Platt. Wi bringt de "heemliche Mudderspraak vun de Norddüütschen" ok in't würkliche Leven to'n Klingen.

Üm un bi 40 Minuten hebbt Afornte ut all Frakschonen an'n Dunnersdag över "25 Johr Charta för Regionaal- oder Minnerheitenspraken" debatteert. Kloor, dat wi dor ok bi "Wi snackt Platt" över snacken wüllt. Man dat is noch lang nich allens: denn dat schall ok noch üm uns ne'et Plattdüütsch Hörspeel "De Kawentsmann" gahn, un wi stellt Jo dat ne'e Stück "Drievjagd in Knevelsfehn" vun'e Bickbeern Schweizer Speeldeel in Rosengoorn vör. Moderatschoon: Jan Wulf

Dütmal bi uns: In'n Bunnsdag warrt Platt snackt, dat Theaterstück "Dat Leven vun de Liven" un Hard Rock op Platt.

Dütmol geiht dat blangen anner Saken üm en Nedderdüütschen Spraakatlas, den Wetenschoplers vun’e Uni Kiel rutbröcht hebbt, wi denkt nochmal an Ulf-Thomas Lesle, de an'n 8. Februor in't Öller vun 75 Johr storven is, dorto stellt wi Jo dat plattdüütsche Höörspeel "Hungern un Freten" vun Hans-Hinrich Kahrs vör, un wi snackt mit Christiane Ehlers vun‘t Nedderdüütschsekretariat mit Sitt in Hamborg: över en wunnerbare ne’e Broschüür to’t Thema Plattdüütsch un över Schiller, de een in sien Laden oder Geschäft ophangen kann, üm to wiesen: hier warrt Platt snackt! Moderatschoon: Jan Wulf

Dütmal geiht dat bi uns üm dat ne'e Theaterstück "Leveslocken" vun dat Amateurtheater Duvensteed. Denn hebbt wi noch twee plattdüütsche Geschichten för Jo, un wi maakt en lütten Utfloog hen na de Insel Börkum. Dree Lüchttoorns gifft dat dor, un wi hebbt en Mann drapen, de kennt sik richtig goot mit düsse dree Blinkfüer ut un hett sogar en Book doröver schreven.

Bi "Wi snackt Platt" geiht dat düsse Week üm den Orchideen-Experten Wolf Baus, dorto stellt wi Jo dat ne'e Stück vun de Hittfelder Speeldeel vör, dat geiht üm dat Plattdüütsche Höörspeel "Jan Dävel", un wi snackt mit den Ledermaker Rolf Zuckowksi.

Bi "Wi snackt Platt" dreiht sik dat dütmal üm Appels, Plattsnackers un dat Kedelklopper-Platt.

Dütmal geiht dat bi "Wi snackt Platt" üm dat Stück "De leven Öllern", dat an'n 15. Januar in't Ohnsorg-Theater Premieer fiert hett. Denn vertellt ok noch Schauspelersch Sandra Keck dorvun, wat dat an’n 30. un 31. Januar bi Ohnsorgs to beleven gifft, un wi stellt Jo en ne’e App för dat Smartphone vör. Dor köönt Ji Jo ole Drachten ut Norddüütschland ankieken un de sogar ok sülvst mal virtuell anprobeern. Moderatschoon: Jan Wulf

Bi "Wi snackt Platt" dreiht sik dat dütmal veel wat üm "Tohuus" - uns Thema düt Johr bi "Vertell doch mal" un wi sünd to Besöök bi en Schoolbibliothekarin.

De Schrievakschoon "Vertell doch mal" löppt wedder. Wi söökt de beste Kortgeschichte op Platt to't Thema "Tohuus". https://ndr.de/vertell

Bi "Wi snackt Platt" jumpt wi rin in't ne'e Johr mit vergnöögliche Hamborg-Riemels und Geschichten vun Benno Strandt, Arnold Risch und Reimer Bull.

To'n Eersten Wiehnachtsfierdag hebbt wi lustige un ok en beten wat besinnliche Geschichten to´t Fest för Jo. Freit Jo op Geschichten vun un mit Edgar Bessen, Gerd Spiekermann, Irmgard Harder un Beate Kiupel vun't Ohnsorg-Theater.

Dütmal stellt wi Jo dat ne'e Wiehnachtsalbum vun'e Band Godewind vör, wi sünd in en Repaircafé to Besöök dorto höört Ji een Wiehnachtsgeschicht vun den Finkwarder Dichtersmann Rudl Kinau, un wi wiest hen op de Fernsehsennen "De Noorden op Platt". Moderatschoon: Jan Wulf

Dütmal sünd wi bi "Wi snackt Platt" op dat Füerschipp "Elbe 3" in’n Museumshaven Oevelgönn to Besöök, wi stellt Jo dat plattdüütsche Hörspeel "Ole Leev" na den Roman „Alte Liebe“ vun Elke Heidenreich un Bernd Schroeder vör. Un twee wiehnachtliche Geschichten vun Gerd Spiekermann un Gerrit Hoss hebbt wi ik noch för Jo. Moderatschoon: Jan Wulf

Dütmal geiht dat bi "Wi snackt Platt" üm de Musikgrupp Plattvent, een Översetter vun Weltliteratur un den Wiehnachtsmann sien Hütt.

Dütmal geiht dat üm de Geschicht vun den Adventskranz, üm een bayrischen Landsmann, de Platt snacken deit un üm en Boßel-Brettspeel.

Wi "Wi snackt Platt" geiht dat dütmal 'n beten wat ruhiger to, passend to de düstern Daag.

Dütmal geiht dat bi "Wi snackt Platt" üm dat ne’e Wiehnachts-Stück "All ünner een Dannenboom", dat siet en poor Daag in’t Ohnsorg-Theater to beleven is. Denn stellt wi Jo ne’e Musik vun den Platt-Poeten Helmut Debus vör, de jüst een ne’et Album rutbröcht hett. Un twee Gedichten und Geschichten, de Gerd Spiekermann und Matthias Stührwohldt verleden Week op de Plattdüütsche Bökermess vördragen hebbt, schüllt Ji ok noch höörn. Moderatschoon: Jan Wulf

An'n 5. un 6. November is wedder Plattdüütsche Bökermess in Hamborg. Wi vertellt Jo, op wat Ji Jo freien köönt.

Bi „Wi snackt platt“ dreiht sik dat dütmal üm Christa Heise-Batt un de Volksspeelbühn Rissen.

Dütmal stellt Jo dat eerste Album vun de Deichgranaten vör un dat geiht üm dat ne'e Stück vun't Amateurtheater Duvensteed.

Dütmal geiht dat üm Richard Ohnsorg, de dat Ohnsorg-Theater gründt hett, üm dat Töverhuus bi Elmshorn un de Dialekt-Daag op Finkwarder.

Bi "Wi snackt Platt" kiekt wi op den Dag vun'e Düütschen Eenheit un höört wat över Oma.

Bi "Wi snackt Platt" stellt wi Jo dütmal den ne'en Kinofilm “Mittagsstunde” na den Roman vun Dörte Hansen vör, wi sünd bi dat Theater 47 in Jenfeld to Besöök, wo tokamen Fredag, d. 29.9., mit dat Stück “Sööts sünst gifft’ Suurt” Premieer fiert warrt - un wi sünd in den Stadtdeel St. Georg ünnerwegens: “St. Georg - En Eiland” heet en ne’en Rundgang, den dat Ohnsorg-Theater anbeden deit un wo en sik mit Kopphörers op den Kopp den Stadtdeel wiesen laten kann.

Dütmal gelt uns "Wi snackt Platt"-Sennen dree wunnerbare Schrievers un Vertellers vun plattdüütsche Geschichten. 10 Johr is dat nu her, dat Irmgard Harder, Reimer Bull un Konrad Hansen in’n Afstand vun blots en poor Weken un Daag in’n August un September 2012 storven sünd.