Naa go tsena lenyalong ga bedi morago ga go kgaogana le motho yoo le be le nyalane peleng go boima ga kakang.

Re boledišana le monna yoo a llago ka taba ya go se dulele ke balekani. Hlokaina ore ga ana kamano ya gagwe yeo e kilego ya fetša ngwaga.

Re boledišana le monna yoo a nyakago gore mosadi wa gagwe yoo a mo nyetšego a boele ka gae, morago ga go tšwa ka gae ka diphapano tša bona. Monna yo o latofatša mosadi ka gore ona le mekaola ebile o tšwa go dira ngwana ka ntle, mola mosadi a re monna o raloka ‘gambling’ ka mašeleng a go hlokomela lelapa.

Re lebeletše kgwedi ya basadi ka tsela yeo banna bao ba nyetšego ba tlaišago basadi ba bona ka mokgwa wa go ba le bana ka ntle ga manyalo a bona .

Re bolela ka go ikhwetša o gakanegile ka ditaba tša go hlaelela thobalano goba go tingwa thobalano ka gare ga dikamono tša gago. Moeng wa rena ke Tshidi Tsimile, yoo elego setsibi ebile ele mohlahli go tša thobalano.

Re bolela ka go ikhwetša o gakanegile ka ditaba tša go hlaelela thobalano goba go tingwa thobalano ka gare ga dikamono tša gago. Moeng wa rena ke Tshidi Tsimile, yoo elego setsibi ebile ele mohlahli go tša thobalano.

Bošegong bja lehono re boledišana le monna yoo a latofatšago mosadi wa gagwe ka go mosepelela dingaka ele ge a nyaka go motloša tšatšing.

Re boledišana le hlokaina yoo lenyalo la gagwe le fedišitšwego ke lehufa goba go boulelwa ga gagwe. Monna yo wa bana ba babedi o hladilwe ke mosadi wa gagwe yoo a monyetšego tekano ya mengwaga ye seswai ka ge a molatofatša ka go ba le go boulelwa. Monna yo pele a nyala mosadi yo o hladile ke yo a kilego a monyala peleng ka lebaka la go boulelwa.

Re bolela ka baratani bao thobalano ya bona e sa sepelego ga botse mme ba palelwa ke go kgotsofatšana. Moeng wa rena ke Tshidi Tsimile(Concious Sexuality Educator and Coach).

Naa thobalano ena le go tiiša dikamano tša lerato ebile go bao ba nyalanego eupša ba sa tsenele thobalano ka mabaka a itšeng a go swana le malwetši ekaba go tlabe o diragala eng ka gare ga kamano ya bona ? Moeng wa rena ke Tshidi Tsimile(Conscious Sexuality Educator and Coach)

Mmamolao wa rena Lerato Mabunda o boledišana le rena ka lenyalo la go hlakanele dithoto ka maikemišetšo a go se dikokotletše dithoto tšeo.

Re boledišana le setsibi sa tša thobalano ebile ele mohlahli gotša thobalano malebana Taba ya balekani bao ba lahlegelwago ke takatso ya thobalano go balekani ba bona .

Re boledišana le Lerato Mabunda go tšwa go Black lawyers Association malebana le lenyalo la go se hlakanele dithoto.

Re tlo boledišana ka ga Thobalano yeo e akaretšago batho ba ba raro. Seo ka sejahlapi se bitšwa gore ke ‘threesome’. E direga bjang? Motho yo wa boraro ke mang ebile o kgethwa bjang? Motho yo o swanetše goba monna goba mosadi?

Re na le ngaka ya malwetsi a basadi ebile e le setsebi sa thobalano go tlo araba mangwalo a ma ntši ao basadi ba re ngwaletšego ona mme ba re kgopela gore re be le setsebi go tlo araba dipotšišo tšeo.

Re bolela ka ditaba tša moswa wa mengwaga ye masomepedi-tshela yowe a re go o tšwile ka gae mme a tlogela tatagwe le bana ba gabo ka lebaka la sehlogo seo a bonego tatagwe a se dira bommagwe. Molli o re ge bommagwe bao e be go e le motho yowe a sa bonego ba be ba sa phela, tatagwe o be a no tliša bakaola mo pele ga gagwe ka ge a be a se sa bona. Ka morago ga lehu la mosadi owe, molli o re o bone se se kaone e le go tšwa ka gae ka ge a se sa kgona go ka lebelelana le tatagwe ka tšeo a be go a di dira bommagwe.

Re ahlaahla mangwalo a ma bedi ao a le go malebana le bogadi. Lengwalo le lengwe le tšwa go ngwetši yeo e bolelago ka mohlako wa yona ka bogadi ka mmatswale le bana ba bo mogatšagwe, mme le lengwe lengwalo le bolela ka mosadi yowe a re go o latofatšwa ke ba bogadi ka gore o a ba lweša ka ge a ikapeela dipitša tša gagwe.

Re le begela ka ga ditaba tša Hammanskraal Leboneng le Khwadibeng. Re tlo le begela gore naa seemo ke sefe mabapi le monna yola wa Leboneng a ilego a hweleletša monna wa Khwadibeng ka ga gagwe le mogatšagwe. Re setše re kwele gore malapa a bo banna bao a be a kopane mo dibekeng tše pedi tša go feta.Ka morago re bolela ditaba tša ga-Maja tša mošemane wa mengwaga ye 17 yo a re ngwaletšego a lla ka bokaola bja bommagwe ge tatagwe a sego.

Re bolela le setsebi sa ditaba tša thobalano malebana le mathata a monagano ao a šitišago thobalano go phethega ga botse. Mathata a monagano goba a go tšwa ka kgopolong e le go phychological problems ka sekgowa, go begwa a na le seabe se se golo tšhitišong ya thobalano. Go tlo lebelela mathata a le sehlodi sa ona ga mmogo le dikalafi, re memile setsebi sa ditaba tša thobalano e le go Dr Makweya.

Re boledišana le mosadi wa molli yowe a re go monna yoo e be go e le mogatšagwe mme ga bjale ba hlalanego, o eta a mo senya leina bathong ka go bolela mathata a bona a kgale a selapa. Mosadi yo o re baagišane ba a mo kodutla le go mo roga ka ditaba tšeo nakong ya diphapano. Re boledišane le monna yowe go tla lenaneong mme o dumetše, eupšwa o gana ditatofatšo tša mosadi yo.

Re boledišana ka diphapano tšeo di ba go gona magareng bjalo ka maloko mme di hlolwa ke mahu a ba bangwe, goba dinakong tša ge meletlo le mešomo ye bohlokwa magareng ga rena. Tabeng ye re tlo ba magareng ga tše dingwe re lebeletše tšhomišano le dipoledišano tšeo di swanetšego di be gona magareng ga maloko gore dilo ka moka di tle di sepele ga botse di be di fele ga botse go se na yowe a tla be go a re semang-mang ga se a ntshwara ga botse.

Thobalano ya bokaola e ama bjang thobalano ya ka gae le molekane wa gago?

Re boledišana le Ngaka ya Malwetši a basadi malebana le thobalano le boimana. Re amogetše lengwalo la mosadi yowe a nago le bothata ka thobalano ye mme go na le tšeo a ratagao go di kwa go tšwa go ditsebi.

Re boledišana le morwedi yo a re go bommagwe ba tšere bana ba gagwe ba ba nyadiša ntle le tumelelo ya gagwe ge yena a be a le Gauteng. Morwedi o re bothata bja gagwe ka gae bo thomile ge mogoloagwe a be a nyaka go mo kata, mme ka morago ga mowe yena a se sa lokologa go dula ka gae.

Re boledišana le mosadi yo a re boditšego gore mogatšagwe wa ngaka o na le mokgwa wa go ba le dikamano tša marato le mathwasana ao a a thwasišago le go ba nyaka thobalano ge ba tlile go yena go tlo thwasišwa.

Re boledisana le morwedi le bommagwe. Morwedi ke yena mongongoregi mme o lla ka gore bommagwe ga ba mo rate. O re yena le bommagwe ga ba boledišane ebile le ka gae ga ba kgone go dula felo go tee ka lebaka la bommagwe bao ba sa bontšhego lethabo mo go yena. Bjale morwedi o re o nyaka go botša bommagwe ka mowe taba ye e mo swarago ka gona le go nyaka go tseba gore naa ke eng se se golo sa phošo seo a se dirilego lefaseng gore seemo se be ka mokgwa wo.

Re boledisana le ditsebi tsa Thobalano le Maikutlo ka ga Kgokanago ya Maikutlo a go laetsana lerato e le go Intimacy ka seisemane. 

Re bolela ka dilo tšeo banna le basadi ba swanetšego go boledišana ka tšona gore ba tle ba kgone go kgotsofatšana thobalanong. 

Re boledišana le molli wa mosadi yowe a re go o rata go abelana le batheeletši maitemogelo a gagwe a tshotlego ka gare ga lenyalo leo a nyalanego le motswalagwe. Kanegelong ya molli go na le tšeo a re go o rata go ka eletša basadi ka tšona go tšwa lenyalong la gagwe.

Re bolela batswadi le baswa ka dilo tša mathomo tšeo baswa ba swanetšego go di dira ge ba thoma go šoma. Re tlo le balela lengwalo la moswa yowe a re go yena o  fapane le batswadi le bana babo ge a be a ipolelela gore ka ge bjale a šoma, o tlo thoma pele ka yena ka go ithekela sefatanaga mme ka morago ga mowe a ikagele ngwako pele a tla bea šedi ya gagwe ka gabo. Taba ye e hloletše molli wa rena mathata le dipolelo ka lapeng la gabo.

Re boledišana le monna yowe a re go o nyetše mosadi eupšwa ba bo mogatšagwe ba mo tšeetše mogatšagwe ka lebaka la diphapano tšeo di hlotšwego ke bona.

Batheeletši ba bangwe ba rena ba laeditše ge bagatša ba bona sa le ba ba tshepiša kgale go ba hlabiša eupšwa ba sa phethagatša tshepišo. Go hlabišwa go bonwa go le bohlokwa kudu bathong ba bangwe mola ka go le lengwe batho ba bangwe ba sa hlabiše ebile ba sa latele mokgwa owe.

Re boledišana le bahlahli ba ditaba tsa thobalano(sex coaches) ka taba ya kgotsofatšano thobalanong goba go kgotsofala thobalanong.

Bjalo ka mma, naa o tshepa morwedi wa gago yowe a šetšego a godile monneng wa gago yowe e sego tatage wa madi?

Re tlo boledišana le mosadi yowe a re go mosadi tsoko o thutše ngwana wa gagwe ka sefatanaga mme ge a fetša a mo rwalela bookelong, eupšwa ka bomadimabe ngwana yowe a fihla a hlokogala. Mosadi yo o re mosadi owe wa go mmolaela ngwana ka sefatanaga o ile a ya maphodiseng go ya go bula molato, mme yena bjalo ka mmago ngwana ge a eya maphodiseng go ya go bula molato le yena, maphodisa a gana a bula molato ka la gore molato o šetše o butšwe.

 Re boledišana le ditsebi ka maitukišetšo a thobalano.

Re le anegela ditaba tša moswa yo a re go o utolotše sephiri se sengwe se se golo ka bommagwe sa gore moratho wa gagwe ga se ngwana wa tatago bona eupswa ke wa motswala wa mmagwe.

Re le anegela ditaba tša mosadi yowe a re go o tshwenywa ke mokaola wa mogatšagwe ka lenyalong la gagwe. Mosadi yo o re o katane kudu le go kgaogantšha mogatšagwe le mokaola yo go fihla a nagana gore ba kgaogane mme bjale maloba o utolotse gore ga sa ka ba kgaogana ka lebaka la gore bjale ba na le leseana mmogo. Mosadi yo wa mengwaga ye masomenne-hlano wa bana ba bane ka lenyalong, o re yena o kgobokantšhitše meloko ya ga bo le mogatšagwe go ba tsebiša ge yena a nyaka go hlala, eupšwa go na le bao ba mo ganetšago mola ka go le lengwe ba bangwe ba mo thekga. O re seo se mo kwešago bohloko ke gore o rile a boledišana le nyatsi ya mogatšagwe ya mmotša ge a swanetše ke go no amogela gore ba ka se kgaogane ka gore bjale ba na le lesea mmogo.

Re boledišana le monna yowe a re go lapa la gagwe le fetogile ka morago ga gore yena a lahlegelwe ke mošomo ka 2013. O re mosadi o ile a thoma go ipha banna le go phela a se go ka gae a le boithabišong bja madila. Ka taba ye re rata go tlo bea šedi ya rena go mošomo le Lapa goba go šoma ga monna ka lapeng le go se šome ga gagwe, re lebeletse ka mowe maemo a mosomo a ka thubago lapa ka gona.

Re le anegela sephiri sa moswa wa mengwaga ye masomepedi-nne yowe a re go yena o a tseba gore ngwanabo wa mafelelo yowe bommagwe ba na go le yena ga se wa tatagwe, eupša ke wa monna tsoko wa leloko la bommagwe yowe ba gotšego ba mmitša malome. Moswa yo o re monna yo o sa fela a letša ebile a botšiša le ka ngwana yo mme tatagwe ga a bone selo goba go belaela selo. Moswa yo o re ge a be a ena le mengwaga ye lesome-seswai le masome a mabedi o ile a wela thobalano ya malome owe le bommagwe. Moswa o re o tsebile ka go kwa dipoledišano tša mogala magareng ga bommagwe le monna owe ba sa lemoge gore ngwana owe ke wa bommagwe le monna owe wa malome. Bjale moswa yo o re sephiri se se a mo ja ka gore ge a lebeletše go ka ba go e na le se sengwe sa go se be botše seo monna yo a se rerago le bommagwe ka tatagwe.

Bothata bjo ke bja banna thobalanong mme ditsebi di bolela ge ngaka ya mathomo ya go alafa bothata bjo e le monna ka bo yena. Bothata bja go ntšha peu ka pela thobalanong, ditsebi tša thobalano di laetša e le bothata bjowe bo sa kgethego, ka ge bo phatlaletše banneng ka moka go sa kgathale gore monna o na le mengwaga ye me kae. 

Re boledišana le monna le mosadi bao ba nyalanego. Mosadi ke yena mongongoregi mme o lla ka gore mogatšagwe ga a mo hlokomele. Mosadi o re monna o šoma kgole mme o sepela lebaka le le telele a sa boe gae. Go thwe monna yo ge a boile gae ga go bonale a sa na le kgahlego mosading mme le ditabeng tša thobalano e no ba go rapeletša. Mosadi o re o rile a botšiša monna a mo ra a re ge o bona ke sa go kgotsofatše sepela go bao o bonago ba ka go kgotsofatša.

Re tlo boledišana le setsebi sa tša manyalo ebile e le mongwadi wa puku ya tša manyalo ya go bitšwa 'The Secret Diary of Young Wife'. Re lebela ditaba tša boikgafo, šedi le diphetogo tšeo di itlelago maphelong a banyalani ge še tše ba le mmogo.