自從上次越南贏咗個 WPT Super High Roller 之後，阿 Wayne 就冇停落嚟，唔停咁FT。時隔個零月佢又番到越南，又贏APL High Roller。雷超同佢傾下喺亞洲各地打嘅心得，同埋對各國選手有咩 adjustment ?

HKPPA 會長「教主 Sparrow」打完港撲超台灣站，臨時起意走咗去打 APPT Korea，就成為咗歷來最大嘅APPT Korea Main Event (581 entries!) 嘅冠軍。呢次冠軍成就 Sparrow 歷來最大嘅 live cash，亦都為佢十年來征戰 Pokerstars 亞洲區賽事加上一個難忘嘅回憶。聽佢講下佢嘅感想，同埋 flop 比人 badbeat，river 1-outer 番係有幾咁興奮。

WPT越南 - 又一個破紀錄嘅賽事告一段落，雷超搵嚟三位香港隊嘅贏家，分別係 Super High Roller 冠軍阿 Wayne、Deep Stack Turbo 冠軍蛇仔明 Joey，同 Main event FT 嘅 Jimmy 傾下計。

港撲超終於衝出香港，喺CTP 華人呢個亞洲堀起嘅福地舉行。唔單止係身為香港人唔能夠錯過嘅錦標，亦都希望向各方友好展現一下香港特色嘅賽事 。雷超同 Sparrow 講下呢個無論係對HKPPA同香港撲克界都好重要嘅里程碑。

歷史性嘅第一次 APT 台灣，破咗多項人次同獎池嘅紀錄。喺非常墟冚嘅現場，雷超搵咗Eddy、Sparrow、同泰臣，丫唔係，係一拳打爆咗CTP 台北一幅牆嘅 Keanu 嚟傾下。

雷超搵嚟第一次去台灣百萬賽 (TMT)就FT 主賽嘅年輕人John，了解下大學生嘅撲克圈子，同埋⋯⋯吓？後生到淨係去到台灣打 Poker？亦有久違嘅 Hand of the Week 環節。

雷超仲喺越南，同第一次去越南打比賽，亦係成百集前嘅嘉賓 Edward Yam （阿 Ed）傾下作為一個 Pro 對越南賽事嘅睇法。2019 頭兩站出征阿Ed 同雷超都係拍住上，先去越南APT、再去台灣百萬大賽。佢哋傾下對於嚟緊 APT 台北嘅展望。今年WSOP 迎來五十週年，有諗住去嘅阿Ed 同雷超傾下一D 已經公佈咗嘅消息。

2019 年第一場出征 APT Kickoff 越南，搵咗 GPI 大師排名嘅 Raymond Wong ，掉番轉頭訪問番雷超。漫談獎盃、榮耀、本土特色、同追分？

經過去年年尾幾個團隊賽，2019 會唔會係團隊賽冒起嘅一年？我哋重溫一下 kinglune 走去印度參加 PSL 嘅分享。

GPL 中國 同GPI 中國嘅負責人 Raymond Wong 同雷超回顧一下戰況激烈，好多興奮點嘅 GPL 中國 第二季 台灣站嘅賽事。亦會講下 佢哋MPS 呢個新嘅賽事。

GPL 中國第二季喺台灣完滿結束。兩隊香港嘅隊伍都殺咗入四隊嘅決賽。雷超同Sparrow 以及港撲超隊都喺漫長嘅決賽日 （打咗成十五個鐘！）之後分享下賽後感言。

GPL中國 - 第二季台灣站嘅賽事今個禮拜就展開，我哋重溫下香港第一隊埋班嘅港撲超隊嘅訪問。

（多英文，慎入！）今集嘅嘉賓係韓國出生，但係大半世都喺香港長大同生活嘅阿 Sang。佢啱啱喺越南贏咗 Deep Stack Open (DSO)嘅冠軍。雷超同佢傾下作為一個業餘 poker player，佢唔同嘅人生階段、唔同嘅財政狀況點樣影響佢嘅 poker。作為一個 startup 創辦人，佢又點樣睇 poker 嘅 Bankroll management？

大師兄李冠啱啱喺 GG Network 嘅 GG Series main event 奪冠； 我哋重溫一下佢分享佢對撲克嘅堅持，同一路走來嘅辛酸。自從佢受訪之後，佢屋企多咗幾隻獎盃呀！

一百、係一百呀！好榮幸、尤其係幸運，時機上咁啱係香港嘅金手鏈第一人出爐。佢就係 Anson Tsang，喺今年嘅 WSOP - 歐洲 奪得 PLO 嘅金手鏈。香港撲克界重要嘅里程碑，雷超會了解下 Anson 用二十四小時決定愛上撲克； 由最細嘅局打起，但係佢向上爬嘅速度可能快過任何人； 同埋點解 Cash Game 好搵，個心總係會向番現場比賽。

雷超去咗 Asia Poker League （APL）越南胡志明市嘅賽事，同佢哋嘅合作方 SPL 嘅 Jack Liew 傾下APL 呢個賽事同埋 Jack 大力推動嘅 Club Event 團體賽。Hand of the Week 有大師兄李冠毅幫下雷超解構下一手 Deep Stack Open (DSO) Main Event 嘅牌。粗心大意嘅公路、濕滑嘅司機、唔知識唔識打嘅對手、仲有一對 Queen。

HKPPA 選拔出第一支代表香港出戰GPL 中國 - 台灣站嘅隊伍：港撲超隊！雷超喺激烈嘅最後選拔戰之後，同隊長阿 dee、隊員 Ben、Roy、Roger、同埋前·香港寶船隊員 Frankie 講下佢哋嘅感受同目標。

舊年訪問股市寫作人費高，時隔一年，佢喺撲克成長唔少，仲成日跟我哋出國比賽添！仲有青龍忠分享嘅 Hand of the Week。

GPL 中國迎來第二季，我哋回顧一下第一季雷超同負責人 Raymond Wong 嘅對談。香港嘅朋友有興趣參加第二季？可以PM 雷超或者 HKPPA page。

Kinglune 又贏比賽？！Stephen 講下 JOPT 同東京撲克之旅嘅趣。嚟緊十一月你都可以感受下日本撲克風情，因為有JOPT 同一班人喺仁川攪嘅 AOPT，聽下Sparrow 講下。

Eddy 每次跟HKPPA 大隊去打比賽都有好嘅成績，繼台灣之後，又喺越南 APT run deep！聽下佢講下覺得邊好打D，同好玩D？Eddy 亦會同雷超傾下一手喺APT 越南 main event 嘅牌。

一班香港人走到越南打 Poker，雷超捉住 Leo、 蛇仔明同費高問下佢哋嘅感想。究竟費高係嚟搵老婆定嚟打 Poker？豪住豪玩豪食都係幾錢話？

kinglune 終於都跟上大隊嘅步伐，去台灣一轉，即刻掃走咗個 Highroller 嘅獎盃。佢講下台灣同將出發去嘅越南，同澳門呢個傳統嘅 poker destination 有咩分別。kinglune 亦都為雷超上個星期講嗰手日本打嘅牌嘅二次意見。

雷超同教主 Sparrow 走到去大阪參加全日本 Poker 選手權 (AJPC)，見到親切嘅笑容，仲有老有嫩？Hand of the Week 講一手日本嘅牌，頭兩家 players 有好多 aggression，我哋喺BB 位揸 JJ 點算？

GPI (Global Poker Index) 香港第一，全世界排緊香港人新高嘅 #39 嘅Danny Tang 同雷超講下佢對排名嘅態度、同亞洲一班同樣係頂尖嘅牌手一齊周遊列國嘅旅途、仲有佢對以國家/地區為單位嘅隊制賽嘅願景。Hand of the Week Danny 帶一手 EPT 巴塞羅那 High-roller 嘅牌。一手牌有好幾件低發生率嘅事發生，佢搵唔搵到個正確答案？

早排係我哋喺台灣嘅好朋友華人德州撲克競技協會 (CTP) 台北嘅大型會址嘅開幕，雷超都有過去見證呢個亞洲撲克重要嘅里程碑。孔明同甘地都講過「牌品唔好，即係人品唔好。」，我哋講下呢個尖銳嘅話題。Hand of the Week 雷超講一手喺台灣近距離目擊，好離譜嘅牌。

平時我哋都叫佢做楠仔嘅熱愛撲克嘅數學教師。佢趁住暑假走咗去打 APT 仁川，點解幾日嘅 getaway 會變成打足 full series 嘅十幾日？係愛定責任？佢亦都分享一手 APT Championship Day 2 嘅可以話係對佢個 run 有好大影響嘅一手牌。

今集嘉賓係港撲超常規賽最多勝嘅 Jackson Chan； 今年走出港澳打多咗比賽嘅佢仲啱啱喺 APT 仁村 贏咗隻獎盃添！想知佢嘅故事？就要聽下。教主 Sparrow 同雷超分析一手喺馬尼拉發生，一個好罕見嘅特別嘅情況。As played，個決定只係用咗少過一秒，但係又係咪真係冇嘢諗？

kinglune 上嚟講下佢啱啱去完番嚟嘅 APPT 馬尼拉； 仲有APT 仁川，咦喂，好似唔少HKPPA 會員都有好成績喎。趁 kinglune 喺度，梗係要做 Hand of the Week。一手馬尼拉嘅牌，一個 river 嘅困局；唔知贏乜，唔知輸乜，top of the range，點算？

打 cash game 我諗好多人都有試過 post 個 straddle ( 定係些道？）或者 Mississippi straddle（定係 sip pee?）其實仲有好多唔同嘅玩法可以為雲呢拿嘅 Texas Holdem 加上變化？雷超講下幾個比較新嘅玩法，等大家可以喺下次嘅 home game 試下。雷超亦都探討一下一個好沉重但又好現實嘅話題：Live 比賽嘅抽水 (rake)。

我哋講 self-made，由 Kylie Jenner 講到侵侵，再講到 Justin Bonomo。Poker players 到底需唔需要「父幹」？去台灣百萬大賽已經係第三次，熟到好似半個主場咁？仲獎盃大爆發？

（加長版！有洋葱！淚點低要預備紙巾！）WSOP 香港遠征隊返晒香港，雷超搵咗第一次去打嘅李冠毅，同去過好多次嘅教主 Sparrow 講下佢哋嘅經歷。講到美食、天氣、撲克、堅持、追夢！係有撲克魂嘅你唔能夠錯過嘅一集！

Phil “Poker Brat” Hellmuth 又喺WSOP 搞出大頭佛，今次仲係 main event。 究竟佢做咗乜搞到要第二日走去補鑊， 仲要送下年main event entry 比人？ 久違嘅每週一牌 Hand of the Week 環節有John So 同雷超傾一手live cash game straddle pot。 好似每個street 都好難理解喎。

WSOP Main Event 嚟到尾聲， 我哋講下幾個今年幾勵志嘅故事； 包括幾位deep run 嘅香港牌手， 仲有一個 freeroll 打到FT 嘅故事。 港撲超啱啱慶祝咗第一百場常規賽！我哋有咩展望？ WSOP 賽場上面發生咗好嚴重嘅種族岐視嘅事件， 係所有人都應該要認真思考嘅事，聽下我哋嘅嘅分析。

一年一度，屬於每個Poker Player 嘅夢 WSOP Main Event 開始咗。今年佢哋將Dinner Break 改咗做⋯⋯ Tea Break？kinglune 都越洋分享下。講起一年一度，當然又有Phil Hellmuth 嘅華麗進場。我哋嘅舊相環節，講下呢位Poker Brat 嘅前世今生。

Pokerstars 嘅網上平台同香港講拜拜，可能有觀眾會想知會唔會有方法仲可以打。我哋講下眾多嘅原因點解絕對唔好用旁門左道嘅方法。講起Pokerstars， 佢哋嘅代言人Daniel Negreanu 希望我哋普羅大眾明白抽多D 水係對我哋好。Doug Polk 就冇佢咁好氣，仲駛大錢整個billboard 嚟串佢？想知多D，就要聽落去。

雷超走咗去台灣嘅新北參加來自日本嘅賽事AJPC。一向都熱愛去台灣打Poker嘅佢分享下佢嘅所見所聞，包括一位來自波蘭嘅紀錄保持者。美國方面繼續傳來喜訊：英傑、李冠毅同黃老板達到咩嘢高峰？聽下咪知囉。

唔少聽眾應該都有睇開喺MIHK 嘅《Poker852》， 其實係好大程度係由一個叫做 “Live at the Bike” 嘅節目所啓發， 先至會存在嘅。 最近喺呢個節目嘅Live Cash Game 發生咗一件好奇怪嘅事。 究竟Poker 枱上面有冇得講笑？ 贏過兩次WSOP 主賽事嘅冠軍嘅撲克教父Doyle Brunson 宣佈退休；我哋攞咗一張佢嘅舊相出嚟， 回想下佢點樣六十幾年嚟都喺撲克界中受萬人景仰。

第四十九屆WSOP 開始咗，今年有好多香港牌手過咗去打喎。仲喺連登睇到一個幾有趣嘅同Poker 有關嘅post。唔知真定假，但係都分析一下。

今集同Rocky，一位最近喺OPC 有好成績嘅香港牌手傾下計。佢喺Final Table 遇上一個百年難得一見嘅難搞情況，傾下佢嘅心路歷程。雷超作為PokerTDA 持有裁判牌照嘅會員，同亞洲以至世界幾位資深嘅裁判傾過呢個判決，以作出一個學術嘅分析。

從網絡罪案中保護自己、接觸有地域限制嘅內容； 以上都係使用VPN (Virtual Private Network) 嘅原因。聽下我哋講解，然後去 bit.ly/HKPPAVPN 選用啱你用嘅plan 啦。Hand of the Week 雷超分享一手river 好糾結嘅牌。

香港知名牌手kinglune 最近走咗一轉印度，以外卡嘅身份參戰PSL (Poker Sports League)。雷超同佢傾下計，解開印度撲克界嘅神袐面紗。Hand of the Week 講一手Satellite (衛星賽）Bubble 嘅一手好奇怪嘅牌，究竟AA 比人推all in 可以有幾咁令人唔高興？

Poker players 除咗最鍾意打 Poker 仲最鍾意乜？就係 Prop Bet 嘞。我哋會講下近排一個好勵志嘅weight loss bet； 同埋撲克界常見嘅bets。東方撲克冠軍賽（OPC）下個星期舉行，正好填補一下澳門近排少咗嘅Poker room 同比賽，經HKPPA 買main event 飛仲有折，十九號之前PM 我哋了解下。

EPT 蒙地卡羅主賽事採用 shot clock，目標都係為咗加快比賽嘅節奏； 但係有位牌手似乎唔同意，仲引來成張枱人嘅不滿。我哋分析同比下意見。Hand of the Week 係一手APT High Roller 嘅牌，second nuts 點解會搞到咁糾結？

內地收緊對撲克嘅政策，微博上面好多大咖都發表佢哋嘅意見，佢哋點睇呢？上個月喺Pi Studio 有人完成咗一個創舉，有幾犀利？聽下四（！）條友講下啦！

APT 又番嚟澳門億濠撲克。呢個好多牌手，尤其係日本同香港人都好喜愛嘅錦標賽； 我地講下個賽程，有咩焦點賽事。每週一牌有Winda 喺澳門一個 day 2 打嘅一手牌。馬騮仔遇上一手難度好高嘅牌，雷超同史提芬拆解下應該如何是好。

兩年一度嘅澳門百萬元大賽 (Macau Millions) 又嚟，雷超同史提芬講下呢個獨特嘅比賽同歷任冠軍。唔經唔覺，港撲超兩歲啦！兩年嚟超過五百人（唔係人次呀！）參加嘅聯賽有咩有趣嘅紀錄？

APT 馬尼拉 Championship Event Final Table 人才儕儕，可能係近年見過最tough 嘅一張枱； 亦都為我哋HKPPA 同APT 嘅直播旁述合作揭開序幕。帶嚟每週一牌嘅係Pi Studio 首席Dealer Winda(er?)，絕對要聽到最後！

嘉賓 - 港撲超常客、從事交易員嘅Douglas Chan每週一牌：上海CPG 主賽事

Super High Roller Bowl 中國有兩位選手買咗七槍，成千四萬； 貧窮係咪限制咗我哋嘅想像力？雷超走咗去上海打中國海南國際撲克大賽（CPG），超過一千個entries！人山人海！Hand of the Week 講一手近Money Bubble 嘅牌，面對deepstack 嘅bubble abuse，應如何應付？

往事只能回味？定係poker vloggers 同streamers 帶來一個新嘅時代？Sponsored pro 係咪夕陽行業？最近喺American Poker Awards 攞獎嘅Andrew Neeme 同Cary Katz，兩個可能唔少人都好陌生嘅名，會唔會比傳統嘅頂尖pro Daniel Negreanu 或者Phil Ivey 更能啓發新一代嘅牌手？激烈嘅討論，點可以錯過呀？

舊年改咗名做Pokerstars Championship，今年又改番做APPT，依然係大中華區觸目嘅賽事。有邊個比賽可以贏得價值三萬美元嘅Platinum Pass？GPI (Global Poker Index) 宣佈將會有大中華地區嘅 GPI-China，我哋會講下點解係撲克界大事。

講LA 同紐約嘅地下撲克局嘅電影《Molly's Game 莫莉遊戲》終於喺香港上映。呢套榮獲奧斯卡提名嘅電影，我哋HKPPA 同電影公司合作舉辦放映會同分享會。你除咗可以聽雷超同史提芬講下（無雷）呢套戲，仲可以上HKPPA嘅FB page 睇下點樣參加呢個放映會。亦會講下近來撲克壇熱議嘅WPT Fallsview 好有爭議性嘅「Deal 咗個獎盃」事件。

今集嘉賓係Hazel，佢唔單止係Tilt King 嘅簽約牌手，仲係一個靚媽。佢同雷超講下佢開始打Poker 嘅契機、亦講下點樣同佢都係Poker Pro 嘅丈夫相處。

雷超撲克仝人同大家拜個年！祝大家心想事成，牌運亨通！Sparrow 仲會同雷超解構一手豪客賽嘅牌！

Aussie Millions 又唔見教主Sparrow，澳門有大賽又唔見佢？究竟佢去咗邊？就等佢自己同大家講下佢去雲南彩雲杯嘅經歷啦。佢仲會同雷超解構一手online 嘅cash game 牌，大Ante 有咩adjustments 要做？

雷超同Stephen 同埋好大隊香港隊去咗打台灣百萬大賽，已經係第二次去，熟晒架步，今次又有咩笑料、成績、奇情？三個字，斗！牌！杯！亦講下最近TD （裁判）界熱議中嘅Big Blind Ante，港撲超都試行咗一場，收效係點？概念點嚟？想解決嘅係咩問題？

雷超去到深圳走訪「扑克宝」app/平台創始人陳光城「城哥」。佢點樣因為一部網路小說而接觸德州撲克； 仲將呢個運動遊戲帶到深圳？佢亦會解構「扑克宝」呢個撲克牌手社區平台嘅理念同獨有嘅功能。

喺遠到真係喺地球嘅另一邊嘅Bahamas 產生咗第一位PCA (Pokerstars Caribbean Adventure) 嘅女冠軍； 雷超同史提芬講下女牌手喺各個大型比賽中嘅奪冠歷史； 又點樣撲克係真正嘅equalizer?久違嘅每週一牌雷超講佢喺WSOP 中國嘅FT 比三個人推all-in，佢揸住一隻八一隻六仲諗緊跟唔跟？

雷超分享下佢喺三亞哭崩全國嘅心路歷程，死火，諗起個畫面又眼濕濕添。Pokerstars 啱啱喺澳門送出亞洲第一張嘅Platinum Pass。究竟呢個九百萬美元嘅giveaway 係咩料？又會唔會係good for poker?

好幾個星期都冇雷超撲克聽，我哋係咪偷懶？原來雷超走咗去海南三亞打咗好幾個比賽，有一個好似叫WSOP-TPT？遊山玩水完終於番嚟做節目！Share 出去嘅聽眾仲有機會比雷超抽中，收到由WSOP China 帶番嚟嘅紀念品？

我哋介紹一下喺五個城市有Day 1 嘅太陽城盃。Hand of the Week 講一手呢排好多人轉載嘅牌。影片：https://www.facebook.com/grindforglory/videos/1502256349810613/

2017 澳門收官之戰ACOP 告一段落； HKPPA 多位會員都收獲獎盃，而歷史性第二度成為APOY，贏埋主賽事嘅kinglune 更加係好似發咗場夢咁。想聽佢講下呢一場夢？就要聽下啦。

雷超同全球撲克聯賽（中國），即係GPL(China) 負責人Raymond Wong 暢談國內撲克生態、隊制賽事趣味、同埋直播嘅形態。

年末亞洲撲克「打大佬」時間到啦！再度請來Pokerstars Live Macau 賽事總監 Rex Cheong 同大家講下ACOP； 仲回顧下ACOP 嘅歷史同難忘回憶。十月十三號至廿九號喺澳門新濠天地舉行，一齊去打大佬啦！

雷超同Stephen 漫談一周撲克故事。

香港寶船隊順利通過淘汰賽打入八強； 雷超賽後同成隊人去飲嘢，回顧下只可以用瘋狂嚟形容嘅戰況。

香港寶船隊今個禮拜出戰全球撲克聯賽（GPL）C 組賽事，兩個外卡成員之一同Stephen 講下賽制同A B 組戰況。

雷超同Stephen 講下今個星期有咩Good for Poker，又有咩係Bad for Poker？Hand of the Week 雷超搵埋會長Sparrow 分析一手奧馬哈 Pot Limit Omaha 嘅牌。

GPL 香港區海選結果出爐！訪問咗香港寶船隊第一季嘅隊員，一齊感受下佢哋嗰份誠意同埋體育精神啦！

距離全球撲克聯賽 （GPL）香港站總選仲有幾日，雷超同Stephen 同大家介紹下賽制同十二支隊伍。

2017 世界最多Cashes 同APOY 領先者、會長Sparrow 同雷超講下佢近三個月征戰Vegas、 南韓、馬尼拉嘅近況。

打Online Poker 同打Mobile Game 越來越似？雷超回想過去十年嘅Online Poker 嘅演變。

PokerTDA 撲克裁判協會剛剛更新咗2017 年版嘅規則；香港唯一TDA 認證裁判雷超同大家講幾條更新咗嘅規則，與及較少人認識嘅規則。

雷超同Stephen 回顧啱啱完咗嘅WSOP。台北遠征隊嘅隊員就回顧下個台北之旅。Hand of the Week 講一手台灣百萬大賽嘅牌； 11BBs 揸AA 都有嘢好講㗎咩？

雷超領軍嘅台北遠征隊已經番咗嚟，佢講下呢一次好有意義嘅旅程，仲好好玩添！Hand of the Week Marco 同雷超講一手有Ante 嘅Cash Game Hand。

WSOP 宣佈同騰訊合作將WSOP 帶到中國同亞洲。時值一年一度嘅Main Event 開始咗，雷超同Stephen 講下WSOP 嘅歷史。Hand of the Week 雷超講一手WSOP 嘅牌，in-the-money 收錢幾乎喊出嚟？

今集嘅嘉賓係新冒起嘅香港撲克手Marco Ng，佢同雷超一樣都好鍾意打PLO (Pot Limit Omaha)㗎。我哋傾咗佢對做職業撲克手嘅睇法、Variance 同Tilt 嘅問題、同埋香港點解未搵到二十出頭嘅頂尖高手。Hand of the Week 就梗係順手同Marco 做埋啦，講一手APT Macau 站嘅MTT 牌。

屬於香港同澳門牌手嘅港澳冠軍盃完滿結束，雷超同Stephen 總結一下三屆嘅賽事。夏日炎炎嘅七月喺億濠撲克（MBP）有亞洲歷來最大保底嘅賽事，我哋講下保底嘅一D 歷史。Hand of the Week 有一手聽眾來牌，AK 13.5BB 仲有咩諗？同時講下dry side pot 嘅概念。

Pokerstars 嗰邊為咗預備佢哋年尾嘅大賽ACOP喺Facebook 度收集意見。結果⋯⋯梗係好多嬲嬲啦。雷超同Stephen 解構下有D 咩問題係非戰之罪，又有D 咩係急需改善呢？港澳撲克冠軍盃迎來第三屆； 我哋回顧一下呢個賽事帶過比我哋嘅快樂同感動。Hand of the Week 係一手澳門打嘅Live Cash Game 牌，好多牌藝，點解講下點解SPR (Stack-to-Pot Ratio) 都好緊要。

WSOP 過咗兩個星期，亞洲增添一條金手錬，香港嘅第一錬會唔會都好快到？Daniel Negreanu 又有瘋狂Prop Bet，就令我哋回想起七年前嘅一個經典故事嘞。Hand of the Week 聽眾來牌一手喺Tilt King 嘅MTT Hand，自然就搵咗Tilt King Sponsored Pro Kinglune 嚟同雷超分析下。

World Series of Poker (WSOP) 經過第一週，雷超同Stephen 講下戰況。你可能聽過「大碼要擺前面」，但係點解你又知唔知？上埋電視都可以出術，缺德牌手大家都要留意下啦。

今集嘉賓係熱愛Poker 嘅投資寫手費高，佢同雷超講下投資同Poker 嘅引人入勝之處，同討論下技術、心態點樣影響勝負嘅流向。Hand of the Week 青龍王阿忠分享一手高階打法，究竟點樣尋找勝利嘅契機？